TextGrid Repository

ajñāna-timirāndhasya
jñānāñjana-śalākayā
cakṣur unmīlitaṃ yena
tasmai śrī-gurave namaḥ

siṃha-skandhaṃ madhura-madhura-smera-gaṇḍa-sthalāntaṃ

durvijñeyojjvala-rasa-mayāścarya-nānā-vikāram

vibhrat kāntiṃ vikaca-kanakāmbhoja-garbhābhirāmām

ekībhūtam vapur avatu vo rādhayā mādhavasya

Note: Caitanya-candrāmṛtam 13

śoṇa-snigdhāṅguli-dala-kulaṃ jāta-rāgaṃ parāgaiḥ

śrī-rādhāyāḥ stana-mukulayoḥ kuṅkuma-kṣoda-rūpaiḥ

bhakta-śraddhā-madhu-nakha-mahaḥ-puñja-kiñjalka-jālaṃ

jaṅghānālaṃ caraṇa-kamalaṃ pātu naḥ pūtanāreḥ

Note: Ānanda-vṛndāvana-campūḥ 1.2

bhakti-rasāmṛta-sindhau

carataḥ paribhūta-kāla-jāla-bhiyaḥ

bhakta-makarān aśīlita-

mukti-nadīkān namasyāmi

Note: Bhakti-rasāmṛta-sindhu 1.1.4

śrī Gauracandra

prage śrīvāsasya dvija-kula-ravair niṣku avare
śruti-dhvāna-prakhyaiḥ sapadi gata-nidraṃ pulakitam
hareḥ pārśve rādhā-sthitim anubhavantaṃ nayana-jair
jalaiḥ saṃsiktāṅgaṃ vara-kanaka-gauram bhaja manaḥ

mūla-sūtra

rātryante trasta-vṛnderita-bahu-viravair bodhitau kīra-śārī-

padyair hṛdyair ahṛdyair api sukha-śayanād utthitau tau sakhībhiḥ

dṛṣṭau hṛṣṭau tadātvodita-rati-lalitau kakkha ī-gīḥ saśaṅkau

rādhā-kṛṣṇau satṛṣṇāv api nija-nija-dhāmny āpta-talpau smarāmi

Note: Govinda-līlāmṛtam 1.10

pratisva-sevāvasara-prabodhitā-

sadātanābhyāsa-juṣo 'tha kiṅkarīḥ

nidraiva rātry antam avetya tā jahau

saiva svayaṃ jāgarayāñ cakāra kim?

Note: Kṛṣṇa-bhāvanāmṛtam 1.4

utthāya talpāc cakitekṣaṇāḥ kṣaṇān

duhānayor nāgara-cakravartinoḥ

svāpaṃ rahaḥ-svāpam abhaṅgam aṅganā

ālakṣya tūṣṇīm adhiśayam āsata

Note: Kṛṣṇa-bhāvanāmṛtam 1.5

papracchur anyonyam imā mimānayā

rasaṃ parīhāsa-bhṛtaṃ sajṛmbhayā

girā cirāj jāgara-mūḍha-ghūrṇana-

sva-svākṣi-bhṛṅgī-tati-līḍha-vakṣasaḥ

Note: Kṛṣṇa-bhāvanāmṛtam 1.6

niśānta-sevocita-mālya-vīṭikā-

kṛtyātta-cittā atha kācid āha tāḥ

anaṅga-baddhāṅga-yuva-dvayocchalat-

saurabhya-saulabhyavatī rasoccalā

Note: Kṛṣṇa-bhāvanāmṛtam 1.7

jānīta jālādhva-gatāsya-padmāḥ

sadmāntarālyaḥ sva-dṛśaḥ prahitya

kāntau nitāntātanu-lāsya-cuñcu

dhinoti suptiḥ parirabhya kīdṛk?

Note: Kṛṣṇa-bhāvanāmṛtam 1.8

itas tato nyasta-maṇi-pradīpān-

aphulla-nīlotpala-campakābhān

vidhatta etau sva-mayūkha-vṛndair

anāvṛtair maṇḍana-mālya-celaiḥ

Note: Kṛṣṇa-bhāvanāmṛtam 1.9

sa kṛṣṇa-meghaḥ sthira-cañcalālī-

vṛto 'timādhurya-rasair amūḥ kim?

āsnāpayat svārhaṇa-kṛtya-vṛttāḥ

pratyarhaṇenādita eva dhinvan

Note: Kṛṣṇa-bhāvanāmṛtam 1.15

tāmbūla-mālā-vividhānulepair

aṅgāra-dhānyāguruvaiś ca dhūpaiḥ

kālocitais taiḥ pratipādyamānaiḥ

kati-kṣaṇāṃs tā gamayāṃ babhūvuḥ

Note: Kṛṣṇa-bhāvanāmṛtam 1.16

prabhañjano rañjayituṃ nikuñja-

rājau vyarājiṣṭa mudā tadānīm

manye prabudhya ślatha-durbalāṅgo

drutaṃ prayātuṃ na-tarāṃ śaśāka

Note: Kṛṣṇa-bhāvanāmṛtam 1.17

yā vṛkṣa-vallyo vyakasaṃs tadaiva tāś

cumbaṃs tadāmoda-bharair diśo daśa

prasāritaiḥ śvāsapatha-praveśitair

bhṛṅgāvalīr jāgarayāñ cakāra saḥ

Note: Kṛṣṇa-bhāvanāmṛtam 1.18

tad-guñjitai rañjita-susvarair bhṛśaṃ
prabudhya vṛndā'tha vilokya sarvataḥ
svanāthayor jāgaraṇe patatriṇo
nyayuṅkta kāla-jñatayā rayād iyam

āsan yad-arthaṃ prathamaṃ dvijendrāḥ

sevā-samutkaṇṭha-dhiyo 'pi mūkāḥ

vṛndā-nideśaṃ tam avāpya harṣāt

krīḍā-nikuñjaṃ paritaś cukūjuḥ

Note: Govinda-līlāmṛtam 1.12

athāli-vṛndaṃ makaranda-lubdhaṃ

ratīśitur maṅgala-kambu-tulyam

praphulla-vallī-caya-mañju-kuñje

juguñja talpī-kṛta-kañja-puñje

Note: Govinda-līlāmṛtam 1.14

jhaṅkṛtim aṅgī-kurute

rati-maṅgala-jhallarīva govindam

bodhayituṃ madhu-mattā

madhupī-tatir udbha ānandā

Note: Govinda-līlāmṛtam 1.15

pika-śreṇī manojasya

vīṇeva vyakta-pañcamam

ālalāpa svaraṃ tāraṃ

kuhūr iti muhur muhuḥ

Note: Govinda-līlāmṛtam 1.16

rati-madhura-vipañcī-nāda-bhaṅgīṃ dadhānā

madana-mada-vikūjat-kānta-pārśve niṣaṇṇā

mṛdula-mukula-jālāsvāda-vispaṣṭa-kaṇṭhī

kalayati sahakāre kākalīṃ kokilālī

Note: Govinda-līlāmṛtam 1.17

vidrāvya gopī-dhṛti-dharmacaryā-

lajjā-mṛgīr māna-vṛkeṣv amarṣī

kapota-ghūtkāra-miṣeṇa śaṅke

garjaty ayaṃ kāma-tarakṣu-rājaḥ

Note: Govinda-līlāmṛtam 1.18

rādhā-dhairya-dharādharoddhṛti-vidhau ke'nye samarthā vinā

kṛṣṇaṃ kṛṣṇa-sumatta-kuñjara-vaśīkāre'py alaṃ śṛṅkhalāḥ

anyāḥ kā vṛṣabhānu-jām iha vinā dhanyām atīvādṛtāḥ

kekāḥ kiṃ samudīrayanti śikhinas tau bodhayantaḥ prage

Note: Govinda-līlāmṛtam 1.19

hrasva-dīrgha-plutair yuktaṃ

ku-kūkū-kū iti svaram

kukkuṭo 'py apa hat prātar

vedābhyāsī baṭur yathā

Note: Govinda-līlāmṛtam 1.20

atha pakṣiṇāṃ kalakalaiḥ prabodhitāv

api tau mitho 'vidita-jāgarau tadā

nibiḍopagūhaṇa-vibhaṅga-kātarau

kapa ena mīlita-dṛśāvatiṣṭhatām

Note: Govinda-līlāmṛtam 1.21

vṛndeṅgita-jñaḥ sa vicakṣaṇaḥ śukaḥ

śuko yathā bhāgavatārtha-kovidaḥ

dakṣaḥ prabodhe jagatāṃ prabhor ati-

premāspadatvānupamaḥ samabhyadhāt

Note: Kṛṣṇa-bhāvanāmṛtam 1.28

jaya smarāśeṣa-vilāsa-vaiduṣī-

niṣṇāta-gopījana-locanāmṛta!

prāṇa-priyā-prema-dhunī-mataṅgaja!

sva-mādhurī-plāvita-loka-saṃhate

Note: Kṛṣṇa-bhāvanāmṛtam 1.29

priyādharāsvāda-sukhe nimajjasi

prabudhyase nety ucitaṃ rasāmbudhe!

riraṃsutāyāṃ viriraṃsur eva te

kiñcādhuneyaṃ kṣaṇadā kṣaṇaṃ dyati

Note: Kṛṣṇa-bhāvanāmṛtam 1.30

jahīhi nidrāṃ ślathayopagūhanaṃ

vrajaṃ pratiṣṭhāsuraraṃ prabho! bhava

prātar babhūvānusara sva-cāturīṃ

pracchanna-kāmatvam athorarī-kuru

Note: Kṛṣṇa-bhāvanāmṛtam 1.31

jaya vrajānandana! nanda-cetaḥ-

payodhi-pīyūṣa-mayūkha! deva!

goṣṭheśvarī-puṇya-latā-prasūna!

prayāhi gehāya dhinu sva-bandhūn

Note: Kṛṣṇa-bhāvanāmṛtam 1.32

gokula-bandho! jaya rasa-sindho!

jāgṛhi talpaṃ tyaja śaśi-kalpam

prīty-anukūlāṃ śrita-bhuja-mūlāṃ

bodhaya kāntāṃ rati-bhara-tāntām

Note: Govinda-līlāmṛtam 1.23

udayaṃ prajavādayam ety aruṇas

taruṇī-nicaye sahajākaruṇaḥ

nibhṛtaṃ nilayaṃ vrajanātha! tatas

tvarito ' a kalinda-sutā-ta ataḥ

Note: Govinda-līlāmṛtam 1.24

śārī śubhā sā'tha jagāda sūkṣma-dhīḥ

śārī yathā devana-sammata-sthitiḥ

jayeśvari! svīya-vilāsa-saubhaga-

śrī-tarṣita-śrī-mukha-mukhya-yauvate

Note: Kṛṣṇa-bhāvanāmṛtam 1.33

kamala-mukhi! vilāsāyāsa-gāḍhālasāṅgī

svapiṣi sakhi! niśānte yat tavāyaṃ na doṣaḥ

dig iyam aruṇitaindrī kintu paśyāvir āsīt

tava sukham asahiṣṇuḥ sādhvi! candrā-sakhīva

Note: Govinda-līlāmṛtam 1.25

śeṣe'dhunā yad-rati-vallabhāsya-

rājīva-rājan madhu-pāna-mattā

asāmprataṃ tat khalu sāmprataṃ te

prātas tato jāgarayāmy ahaṃ tvām

Note: Kṛṣṇa-bhāvanāmṛtam 1.34

kṛṣṇo 'py anidraḥ priyayopagūḍhaḥ

kāntā'py anidrā'py amunopagūḍhā

talpāt prabhātākulam apy analpān

notthātum etan mithunaṃ śaśāka

Note: Govinda-līlāmṛtam 1.38

kṛṣṇasya jānūpari-yantrita-san-nitambā
vakṣaḥ-sthale dhṛta-kucā vadane'rpitāsyā
kaṇṭhe niveśita-bhujā'sya bhujopadhānā
kāntā na hīṅgati manāg api labdha-bodhā

śrī-kṛṣṇa-līlā-racanāsu dakṣas

tat-prema-jānanda-viphulla-pakṣaḥ

dakṣākhya āha śrita-kuñja-kakṣaḥ

śukaḥ samadhyāpita-kīra-lakṣaḥ

Note: Govinda-līlāmṛtam 1.41

ekaṃ prācyām aruṇa-kiraṇāpā alāyāṃ vidhatte

cakṣuḥ kānte tvaritam aparaṃ dūrage cakravākī

śaṅkākrāntās taru-kuhara-gā mūkatāṃ yānti ghūkāḥ

śaṅke bhāsvān udayam udagāt kṛṣṇa! nidrāṃ jahīhi

Note: Govinda-līlāmṛtam 1.32

jaya jaya guṇa-sindho! preyasī-prāṇa-bandho!

vraja-sarasi-ja-bhāno! sat-kalā-ratna-sāno!

iha hi rajanī-śeṣe kiṃ manā nātha! śeṣe

samayam avakalayāpīṣyate kuñja-sayyā?

Note: Kṛṣṇāhnika-kaumudī 1.19

ayam api ca śikhaṇḍī jāgaritvaiva khaṇḍī

kṛta-sulalita-kekaḥ kāla-niṣṭhā-vivekaḥ

pramilati tava nidrā-hānaye'dhī-daridrāḥ

śiva śiva nija-sevā-kālam ujjhanti ke vā?

Note: Kṛṣṇāhnika-kaumudī 1.24

vṛndā-vaktrād adhigata-vidyā

sārī hārī-kṛta-bahu-padyā

rādhā-snehoccaya-madhu-mattā

tasyā nidrāpanayana-yattā

Note: Govinda-līlāmṛtam 1.33

nidrāṃ jahīhi vijahīhi nikuñja-śayyāṃ

vāsaṃ prayāhi sakhi! nālasatāṃ prayāhi

kāntaṃ ca bodhaya na bodhaya loka-lajjāṃ

kālocitāṃ hi kṛtinaḥ kṛtim unnayanti

Note: Govinda-līlāmṛtam 1.37

vraja-pati-tanayāṅkāsaṅgato vīta-śaṅkā

vidhu-mukhi! kim-u śeṣe nirbharaṃ rātri-śeṣe?

pramada-madhupa-puñje mā paraṃ tiṣṭha kuñje

na gaṇayasi vigarhāṃ kiṃ guruṇām anarhām?

Note: Kṛṣṇāhnika-kaumudī 1.3

sudati! kumudinīnām aṅkam āsādya līnā

mada-madhukara-mālā kālam āsādya lolā

sarati kamalinīnāṃ rājim etām adīnāṃ

bhavati samaya eva glāni-harṣādidevaḥ

Note: Kṛṣṇāhnika-kaumudī 1.7

viyad-atilaghu-tāraṃ tvad-vapuḥ kṣuṇṇa-hāraṃ

vigalita-kusumānāṃ varṣma śephālikānām

tritayam idam idānīm eka-rūpaṃ tadānīm

api yad api tathāpi tvad-vapuḥ śrībhir āpi

Note: Kṛṣṇāhnika-kaumudī 1.10

tru ita-patita-muktā-hāravat te viyuktā

bhavad uḍu-tatir eṣā svalpa-mātrāvaśeṣā

cira-śayanam avekṣyārundhatī te vilakṣyā

bhavad iva parivakre paśya saptarṣi-cakre

Note: Kṛṣṇāhnika-kaumudī 1.11

iti kala-vacanānāṃ śārikāṇāṃ śukānāṃ

rutam atiśaya-ramyaṃ śrotra-peyaṃ niśamya

vihita-śayana-bādhā sā jajāgāra rādhā

prathamam atha sa kṛṣṇaḥ svāpa-līlā-vitṛṣṇaḥ

Note: Kṛṣṇāhnika-kaumudī 1.28

yugapad ubhaya-nidrā-bhaṅga-vidhvasta-mudrā

yugapad ubhaya-netrāpāṅga-bhaṅgī vicitrā

yugapad ubhaya-ghūrṇā-jāta-saṃkleśa-pūrṇā

bhavad ubhaya-vilokābhāvataḥ prāpta-śokā

Note: Kṛṣṇāhnika-kaumudī 1.29

kala-kvaṇat-kaṅkaṅa-nūpuraṃ jabād

atyucchalad-gātra-yuga-cchavi-cchaṭām

vyastālakāgrāvali-veṣṭanonnamat-

tā aṅka-hāra-dyuti-dīpitānanam

Note: Kṛṣṇa-bhāvanāmṛtam 1.36

srastāṃśukānveṣaṇa-saṃbhramodayād

itas-tato nyasta-karābja-mañjulam

śayyotthitaṃ keli-vilāsinos tayos

trailokya-lakṣmīm iva sañcikāya tam

Note: Kṛṣṇa-bhāvanāmṛtam 1.37

ghūrṇālasākṣaṃ ślatha-sarva-gātraṃ

viśrasta-keśaṃ rasika-dvayaṃ tat

bhugnopaveśaṃ skhalane kathaṃ cid

anyonyam ālambanatāṃ prapede

Note: Kṛṣṇa-bhāvanāmṛtam 1.38

anyonya-grathitāṅgulī-kisalayām unnīya bāhu-dvayīṃ

jṛmbhārambha-puraḥsaraṃ vidadhatī gātrasya saṃmo anam

mīlan-netram urojayor nakha-pada-vyādāna-dīnānanā

nā-nā-neti punar nakha-kṣata-dhiyā sā kṛṣṇa-pāṇī dadhe

Note: Alaṅkāra-kaustubhaḥ 5.236

saṅgopāya pa āñcalena tanunā niḥsāri-dantāvalī-

jyotsnābhiḥ snapitena dakṣiṇa-karākṛṣṭena vaktrāmbujam

līlollāsita-kandharaṃ mṛdu-kalair vāmāṅguli-ccho ikā-

niḥsvānaiś cala-kaṅkaṇa-svana-sakhaiḥ śrī-rādhikā'jṛmbhata

Note: Alaṅkāra-kaustubhaḥ 5.237

alasa-valitam ūrdhvī-kṛtya mūrdhopakaṇṭhe

valayitam idam anyonyena saṃsakta-pāṇi

trika-vicalana-bhaṅgi-saṅgi mo āyitāyāḥ

paridhir iva mukhendor bhāti dordvandvam asyāḥ

Note: Alaṅkāra-kaustubhaḥ 5.238

utthāyeśaḥ sanniviṣṭo 'tha talpe

vyājān nidrā-śālinīṃ mīlitākṣīm

dorbhyāṃ kāntāṃ svāṅkam ānīya tāntāṃ

paśyaty asyā mādhurīṃ sādhurīti

Note: Govinda-līlāmṛtam 1.51

ghūrṇāyamānekṣaṇa-khañjarī aṃ

lalā a-lolālaka-bhṛṅga-jālam

mukhaṃ prabhātābja-nibhaṃ priyāyāḥ

papau dṛśeṣat-smitam acyuto 'sau

Note: Govinda-līlāmṛtam 1.52

saṃśliṣṭa-sarvāṅguli-bāhu-yugmam

unmathya dehaṃ parimo ayantīm

udbuddha-jṛmbhā-sphuṭa-danta-kāntim

ālokya kāntāṃ mumude mukundaḥ

Note: Govinda-līlāmṛtam 1.53

tadaiva jṛmbhottha-radāṃśu-jāla-

māṇikya-dīpair nirarājayat kim

sa-nidram unmudra-dṛganta-lakṣmī-

rasa-jñayānyonya-vilihyamānam

Note: Kṛṣṇa-bhāvanāmṛtam 1.40

svīyāṅkottāna-suptām uṣasi mṛdu mṛṣā rodaneṣat-smitāsyām

ardhonmuktāgra-keśāṃ vimṛdita-kusuma-srag-dharāṃ chinna-hārām

unmīlyonmīlya ghūrṇālasa-nayana-yugaṃ svānanālokanotkāṃ

kāntāṃ tāṃ keli-tāntāṃ mudam atulatamām āpa paśyan vrajenduḥ

Note: Govinda-līlāmṛtam 1.54

hemābjāṅgyāḥ prabala-suratāyāsa-jātālasāyāḥ

kāntasyāṅke nihata-vapuṣaḥ snigdha-tāpiñcha-kānteḥ

śampākampā nava-jala-dhare sthāsnutāṃ ced adhāsyat

śrī-rādhāyāḥ sphuṭam iha tadā sāmya-kakṣām avāpsyat

Note: Govinda-līlāmṛtam 1.55

sphuran makara-kuṇḍalaṃ madhura-manda-hāsodayaṃ

madālasa-vilocanaṃ kamala-gandhi lolālakam

mukhaṃ sva-daśana-kṣatāñjana-malīmasauṣṭhaṃ hareḥ

samīkṣya kamalekṣaṇā punar abhūd vilāsotsukā

Note: Govinda-līlāmṛtam 1.56

parasparālokana-jāta-lajjā-

nivṛtta-cañcad-dara-kuñcitākṣam

īṣat-smitaṃ vīkṣya mukhaṃ priyāyā

uddīpta-tṛṣṇaḥ punar āsa kṛṣṇaḥ

Note: Govinda-līlāmṛtam 1.57

vāmena cādhaḥ śira unnamayya

kareṇa tasyāś cibukaṃ pareṇa

vibhugna-kaṇṭhaḥ smita-śobhi-gaṇḍaṃ

mukhaṃ priyāyāḥ sa muhuś cucumba

Note: Govinda-līlāmṛtam 1.58

kāntādhara-sparśa-sukhābdhi-magnā

karaṃ dhunānā dara-kuñcitākṣī

mā meti mandākṣara-sanna-kaṇṭhī

sakhī-dṛśāṃ sā mudam ātatāna

Note: Govinda-līlāmṛtam 1.59

rūpāmṛtaṃ me tri-jagad-vilakṣaṇaṃ

niḥsīma-mādhuryam idaṃ ca yauvanam

adyaiva sāphalyam avāpa sarvathā

preyānupābhuṅktatamāṃ mudā yataḥ

Note: Kṛṣṇa-bhāvanāmṛtam 2.20

saivaṃ vicintya kṣaṇam āha kāntaṃ

tad-akṣi-pītākhila-mādhurīkā

svāntar mudātyartha-lasad-dṛganta-

lakṣmī-vihārāyatanāsya-padmam

Note: Kṛṣṇa-bhāvanāmṛtam 2.21

bho bho vilāsinn avadhehi yat tvayā

visrasta-veśābharaṇāsmy ahaṃ kṛtā

yāvan mad-ālyo 'nusaranti noṣasi

drutaṃ samādhitsasi tan na kiṃ punaḥ

Note: Kṛṣṇa-bhāvanāmṛtam 2.22

sva-cāturīṃ sādhaya māṃ prasādhaya

prasādayānaṅgam abhīṣṭa-daivatam

yo 'sman mano-mandira-varty ayaṃ tvayā

bahiṣ-kṛto lakṣmabhir ebhir eva yat

Note: Kṛṣṇa-bhāvanāmṛtam 2.23

satyaṃ bravīṣy aṅga-jam iṣṭa-devaṃ

tvad-aṅga-pīṭhe prakaṭī-bhavantam

yajāmi bhūṣāmbara-gandha-puṣpaṃ

srak-candanādyair iti tāṃ sa ūce

Note: Kṛṣṇa-bhāvanāmṛtam 2.24

ittham īśvaryā vākyaṃ hi
śrutvā sevana-peśalā
tad-upayogi-vastūni
samarpayitum utsukā

dvāraṃ samunmucya manāg anāravaṃ

śanaiḥ pada-nyāsa-viśeṣa-mañjulā

nirṇīta taj-jāgaraṇātha kiṅkarī-

tatir viśaṅkā praviveśa veśma sā

Note: Kṛṣṇa-bhāvanāmṛtam 1.26

itas tato nyasta-maṇi-pradīpān

aphulla-nīlotpala-campakābhān

vidhatta etau sva-mayūkha-vṛndair

anāvṛtair maṇḍana-mālya-celaiḥ

Note: Kṛṣṇa-bhāvanāmṛtam 1.9

mitho daśana-vikṣatādhara-pu au vilāsālasau

nakhāṅkita-kalevarau galita-patra-lekhāśriyau

ślathāmbara-sukuntalau tru ita-hāra-puṣpa-srajau

muhur mumudire puraḥ samabhilakṣya tāḥ sva-priyau

Note: Govinda-līlāmṛtam 1.63

athāmunā kaṅkatikāṃ śanaiḥ śanair

vikarṣatā bhānumatī-karārpitām

kacāvalī saṃstriyate sma mālatī-

mālota-veṇī-racanā-paṭīyasā

Note: Kṛṣṇa-bhāvanāmṛtam 2.25

kastūrikā-candana-kuṅkuma-dravaiḥ

sambhāvitais tām anurāgalekhayā

cakāra mālāñcita-cāru-citrakāṃ

sa citra-cuñcur dhṛta-navya-vartikaḥ

Note: Kṛṣṇa-bhāvanāmṛtam 2.26

tā aṅka-yugmena lavaṅga-mañjarī-

sampāditāpūrva-rucā sa cāruṇī

ānarca tasyāḥ śravaṇe navāñjane-

nānañja-kañja-pratim etad akṣinī

Note: Kṛṣṇa-bhāvanāmṛtam 2.27

dadhāra hāraṃ ruci-mañjarīlitaṃ

yadā tadoce priyayā madoddhuram

yā khaṇḍitā candana-kañculī tvayā

vakṣojayos tāṃ na kutaś cikīrṣasi?

Note: Kṛṣṇa-bhāvanāmṛtam 2.28

ālekhya-karmaṇy atigarva-dhāriṇīs

tās tā viśākhā-prabhṛtīr bhavat sakhīḥ

vismāpayāmy adya kuca-dvaye kṛtaiś

citrair vicitrair iti tāṃ jagāda saḥ

Note: Kṛṣṇa-bhāvanāmṛtam 2.29

prasādhanārtha-pratipādanonmukha-

śrī-rūpa-līlā-rati-mañjarī-mukhaḥ

stana-dvayaṃ tulikayāṅkayan hari

pañceṣu-pañceṣu-śaravyatām agāt

Note: Kṛṣṇa-bhāvanāmṛtam 2.30

pāṇiś ca kampe yadi vakra-rekhaṃ

citraṃ vilumpann urasā muhuḥ saḥ

manye smarāgniṃ dhamati sma tasyā

dhṛtīndhanaṃ dagdhu-manā vidagdhaḥ

Note: Kṛṣṇa-bhāvanāmṛtam 2.31

kāmas tam avakalpam analpa-vaibhavaiḥ

sadyo vidhāyāniyata-sthala-sthitam

vimṛjya saṃsṛjya vikhaṇḍya khaṇḍaśas

tenaiva sollāsam ubhāv abhūṣayat

Note: Kṛṣṇa-bhāvanāmṛtam 2.32

dāsyaś ca tāḥ phulla-dṛśāṃ kṛtārthatāṃ

mūrtāṃ cirāyābhilaṣantya eva tām

punā riraṃsū samavetya tau tato

miṣeṇa sarvā niragūhi kenacit

Note: Kṛṣṇa-bhāvanāmṛtam 2.33

punar api ghana-ghūrṇa śrī-mukha-dvandva-yogād

acaṭula-bhujavallī-veṣṭaneneṣṭabhāsau

kṣaṇam api dara-suptyā śaṃ bhajāvetya tas tāv

anṛju-kusuma-talpe srasta-gātrāv abhūtām

Note: Kṛṣṇa-bhāvanāmṛtam 1.41

viraha-vikalayā tac chayyayā dūnayā kiṃ

katham api dara-labdhāśleṣayā nidrayā vā

uṣasi na ca vihātuṃ hanta śaktau khagās tau

tad api vidadhurābhyāṃ vipra-yuktau svanantaḥ

Note: Kṛṣṇa-bhāvanāmṛtam 1.42

agaṇita-kula-niṣṭhā mā nikuñje śayiṣṭhāḥ

parihara surata-ghnaṃ svāpam udgaccha śīghram

samajani saviśeṣaḥ paśya doṣāvaśeṣaḥ

kuru na gata-samādhāṃ bandhu-vargasya bādhām

Note: Kṛṣṇāhnika-kaumudī 1.4

iyam ajani digaindrī dṛśyatāṃ devi! sāndrī-

bhavad aruṇima-dhārā tvat-pādābjānukārā

iyam api ca varākī satvarā cakravākī

parimilita rathāṅge jāta-viccheda-bhaṅge

Note: Kṛṣṇāhnika-kaumudī 1.5

api tava mukha-śobhām āptu-kāmo 'tilobhād

aparikalita-kāmaḥ svaṃ vapus tyaktu-kāmaḥ

carama-śikhari-śṛṅgaṃ prāpya paśyaiva tuṅgaṃ

vrajati śaśadharo 'staṃ vārayed adya kas tam

Note: Kṛṣṇāhnika-kaumudī 1.6

sumukhi! nayana-mudrāṃ muñca nirdhūya nidrāṃ

kalaya vadana-māsāṃ vidyud uddyota-bhāsām

rati-vigalita-bhūṣāṃ vyasta-paryasta-veṣāṃ

vilulita-tanum etās tvāṃ bhajantāṃ sametāḥ

Note: Kṛṣṇāhnika-kaumudī 1.9

nija-kara-paripuṣṭā paśya seyaṃ praviṣṭā

śaśi-mukhi! lalitāṅgī sannidhau te kuraṅgī

kuru sa-kṛpam apāṅge kiñcid añcat-taraṅge

bhavatu bata kṛtārthā prītaye te samarthā

Note: Kṛṣṇāhnika-kaumudī 1.12

nava-kiśalaya-buddhyā jātito 'ntar viśuddhyā-

ruṇa-pada-kamalaṃ te svādituṃ kṛṣṇa-kānte!

tvaritam upasarantī tvat-sakhīnāṃ vahantī

kara-sarasija-ghātaṃ yā vidhatte prayātam

Note: Kṛṣṇāhnika-kaumudī 1.13

śaśi-mukhi! tava phelā-mātra-bhoge sakhelā

tava pada-jala-pānāmoda-mātrāvadhānā

api bhavad avalokābhāva-sañjāta-śokā

tava mukha-śaśi-bimbāloka-mātrāvalambā

Note: Kṛṣṇāhnika-kaumudī 1.14

harir atikutukī te netra-yugmaṃ mimīte

nayana-yugam amāya-prema yasyāḥ pramāya

kim api vimala-muktā-mālayā cāru-vaktā

niyatam upamimānaḥ saṃśayaṃ nirdhunānaḥ

Note: Kṛṣṇāhnika-kaumudī 1.15

iti nigaditavatyaḥ śārikāḥ premavatyaḥ

sukhada-pada-padārthāṃ vācam utthāpanārthām

yadi kim api viremuḥ patriṇas taṃ praṇemuḥ

samupasṛta-nikuñjāḥ prāpta-sammoda-puñjāḥ

Note: Kṛṣṇāhnika-kaumudī 1.16

atha śayana-satṛṣṇaṃ bodhayāmāsa kṛṣṇaṃ

vitatir api śukānāṃ kṛṣṇa-harṣotsukānām

śravaṇa-sukhada-saumyaiḥ snigdha-śabdārtha-ramyaiḥ

sarasataram analpaiḥ kūjitaiḥ sīdhu-kalpaiḥ

Note: Kṛṣṇāhnika-kaumudī 1.17

praṇaya-rasa-gabhīrāś cāru-śabdārtha-dhīrāḥ

kala-sumadhura-kaṇṭhāḥ prema-jalpeṣv akuṇṭhāḥ

sati samaya-viveke bodhayāṃ cakrur eke

na khalu bata vidagdhāḥ kārya-kāle vimugdhāḥ

Note: Kṛṣṇāhnika-kaumudī 1.18

subhaga! rajani-śeṣe svāpa-gehe suśeṣe

tvam iti hi jananī te saṃśayaṃ svaṃ dhunīte

samayam atha viditvā jāgarārthaṃ tvaritvā

svayam iyam upagantrī sneha evātra mantrī

Note: Kṛṣṇāhnika-kaumudī 1.23

tvam asi samaya-vettā sarva-duḥkhaika-bhettā

bhavasi bhuvana-bandhuḥ sad-guṇa-grāma-sindhuḥ

vratati-bhavana-talpaṃ mūrtiman-moda-kalpaṃ

yad api tad api muñca svasti te'smād udañca

Note: Kṛṣṇāhnika-kaumudī 1.22

mada-madhupa-yuvānaḥ prāpta-doṣāvasānaḥ

cyuta-kusuma-vanāntaḥ svāpam udyātavantaḥ

dadhati katipayathyāṃ kelim ambhoja-vīthyāṃ

sati samaya-viveke ke vimuhyanti loke?

Note: Kṛṣṇāhnika-kaumudī 1.20

kvacana mukha-viṣādaḥ kvāpi hāsa-prasādaḥ

kva ca dayita-viyogaḥ kvāpi kāntasya yogaḥ

kumuda-kamala-vīthyor vaisadṛśye'titathye

bhavati kim-u na kālaḥ kṣobha-śobhā-viśālaḥ

Note: Kṛṣṇāhnika-kaumudī 1.21

jaya subhaga! namas te śrūyatāṃ satvaras te

cira-śayana-sapīḍaḥ kauty ayaṃ tāmra-cūḍaḥ

upanata-nija-sevā-kāla-sammoda-pīvā

nahi samaya-vidagdhaḥ kārya-kāle vimugdhaḥ

Note: Kṛṣṇāhnika-kaumudī 1.27

atha prabudhyaiva vidhūya pakṣān

grīvāḥ samunnīya cukūjur uccaiḥ

yat kukkuṭāḥ pañca-ṣa-vāram ādau

rādhā jajāgāra tadāpta-bādhā

Note: Kṛṣṇa-bhāvanāmṛtam 1.20

kṛṣṇāṇga-saṃśleṣa-viśeṣa-vādhinas

tān eva matveti śaśāpa sā ruṣā

are! paretāśu pareta-rā puraṃ

tatraiva kiṃ kūjata no padāyudhāḥ?

Note: Kṛṣṇa-bhāvanāmṛtam 1.21

viśliṣya kiñcit priya-vakṣasaḥ sā

tūṣṇīṃ sthitāṃs tān upalabhya sadyaḥ

saṃśliṣya kāntaṃ dara-nidrayaiva

niṣevyamāṇā punar apy arājīt

Note: Kṛṣṇa-bhāvanāmṛtam 1.22

jālād atho dṛk-sapharī tad-ālayo

lāvaṇya-vanyā bhṛśam anvaśīlayan

krīṇanti yāḥ prāṇa-parārddha-koṭibhis

tayoḥ pramodottha-ruci-cchaṭā-kaṇam

Note: Kṛṣṇa-bhāvanāmṛtam 2.1

ūce viśākhā kalayāli! kāntau

niraṃśukāv aṃśuka-puñja-mañjū

vihāriṇāv apy atihāriṇau svair

aṅgair anaṅgair alasau lasantau

Note: Kṛṣṇa-bhāvanāmṛtam 2.2

anaṅgadau keli-vaśād anaṅgadau

nirañjanau hanta mitho nirañjanau

visrasta-rāgādharatābhilakṣitau

viprastarāgādharatābhilakṣitau

Note: Kṛṣṇa-bhāvanāmṛtam 2.3

athāvabhāṣe lalitā'vadhāryatāṃ

jayaḥ smarājau katarāśrito dvayoḥ

babhūva daṣṭādharayoḥ kaca-graha-

vyākṣipta-mūrdhnor nakhara-kṣatorasoḥ

Note: Kṛṣṇa-bhāvanāmṛtam 2.4

hṛdo 'nurāgaṃ kuca-kuṅkuma-cchalān-

nyadhatta rādhācyuta-pāda-padmayoḥ

yāvad ravārakta-tarālako dadhau

mūrdhnaiva so 'syāḥ padayos tam ujjvalam

Note: Kṛṣṇa-bhāvanāmṛtam 2.5

itthaṃ kṣaṇaṃ tāvad alakṣitāṅgyo

nīcaiḥ svaraṃ tāv anuvarṇayantyaḥ

bhāgyaṃ svam evātisabhājayantyo

mamajjur ānanda-mahodadhau tāḥ

Note: Kṛṣṇa-bhāvanāmṛtam 2.6

tataḥ punas tān atha i ibhādī-

nūtkūjataḥ prāha vidhūta-tandrā

haṃho! kṣamadhvaṃ śayituṃ kṣaṇaṃ me

datteti sā mo ayad aṅgam īṣat

Note: Kṛṣṇa-bhāvanāmṛtam 1.23

kādamba-kāraṇḍava-haṃsa-sārasāḥ

kapota-śārī-śuka-keki-kokilāḥ

jaguḥ kalaṃ kelivanī-jala-sthala-

pracāriṇaḥ kṛṣṇa-kathāmṛtopamam

Note: Kṛṣṇa-bhāvanāmṛtam 1.24

prabuddhya kāntau yugapad yathā rujaṃ

viśleṣajām ūhatur aṅga-mo anāt

cāmpeya-nīlābja-dhanus tviṣau tathā

sāndropagūhena mudaṃ ca vakṣasoḥ

Note: Kṛṣṇa-bhāvanāmṛtam 1.25

athāsyā vayasyāḥ pramodāt smitāsyāḥ

sakhīṃ tāṃ hasantyo mithaḥ prerayantyaḥ

saśaṅkāḥ samantāt prabhātād durantāt

praviṣṭā nikuñjaṃ saśabdāli-puñjam

Note: Govinda-līlāmṛtam 1.60

abhilakṣya sakhīr vihasad- vadanāḥ

savidhopagatā vicalan-nayanāḥ

dayitāya mudaṃ dviguṇaṃ dadatī

dayitoruyugād udatiṣṭha-diyam

Note: Govinda-līlāmṛtam 1.61

tvarotthitā sambhrama-saṃgṛhīta-

pītottarīyeṇa vapuḥ pidhāya

pārśve priyasyopaviveśa rādhā

salajjam āsāṃ mukham īkṣamāṇā

Note: Govinda-līlāmṛtam 1.62

athānuraktāly anumodanāñcitā

mudā tayor aidhata rūpa-mañjarī

saiva svayaṃ keli-vilāsinor dvayos

tadātva-ramyāpacitau paṭīyasī

Note: Kṛṣṇa-bhāvanāmṛtam 2.7

pṛṣṭhopadhānaṃ nidadhe kayācana

pyadhād athānyā mṛdulāṃśukena tau

pīyūṣa-va y-ārpitayāsyayoḥ parā

nirasya ghūrṇāṃ vikasad dṛśau vyadhāt

Note: Kṛṣṇa-bhāvanāmṛtam 2.9

kācit prasūnāmbu-darārdra-vāsasā

vyatyasta-rāgāñjana-yāvakādikam

mṛṣṭvā pratisvekṣaṇa-siddhaye tayor

mukha-dvayaṃ darpaṇatāṃ nināya kim

Note: Kṛṣṇa-bhāvanāmṛtam 2.16

tāmbūla-vī īr nidadhe parāsminn

ekā pa imnā maṇi-dīpa-pālyā

tan-maṅgalārātrikam āśu cakre

nīrājayanty eva nijāsu-lakṣaiḥ

Note: Kṛṣṇa-bhāvanāmṛtam 2.17

madhye'cyutāṅga-ghana-kuṅkuma-paṅka-digdhaṃ

rādhāṅghri-yāvaka-vicitrita-pārśva-yugmam

sindūra-candana-kaṇāñjana-bindu-citraṃ

talpaṃ tayor diśati keli-viśeṣam ābhyaḥ

Note: Govinda-līlāmṛtam 1.64

pramliṣṭa-puṣpoccaya-sanniveśāṃ

tāmbūla-rāgāñjana-citritāṅgīm

vyaktībhavat-kānta-vilāsa-cihnāṃ

śayyām apaśyan svasakhīm ivālyaḥ

Note: Govinda-līlāmṛtam 1.65

kvacana ghusṛṇa-paṅkaḥ kvāpi sindūrajo 'ṅkaḥ

kṣata-viraha-vipakṣa-prasnutāsṛk-sapakṣaḥ

kvacana kusuma-dāma-cchinna-kodaṇḍa-dhāma

kva ca vilulita-hāraś chinna-maurvī-prakāraḥ

Note: Kṛṣṇāhnika-kaumudī 1.38

kvacana mṛgamadāṅkāḥ kutracit kajjalāṅkāḥ

smara-narapati-danti-ccheda-kalpāḥ sphuranti

sa hi ratiraṇa-raṅgaḥ kautukodyat-taraṅgaḥ

samajani sumukhīnām āgatānāṃ sakhīnām

Note: Kṛṣṇāhnika-kaumudī 1.39

vakṣaḥ svaṃ darśayaṃs tābhyo
dṛg bhaṅgyovāca tā hariḥ
didṛkṣuḥ svapriyā-vaktra-
bhāva-śābalya-mādhurīm
vidhuṃ prayāsyantam avekṣya kāntaṃ
viśleṣa-bhītoṣasi paśyatālyaḥ
didṛkṣayevāmbara-citra-pa yāṃ
rādhendulekhā-śatam ālilekha
Note: Govinda-līlāmṛtam 1.67-68

iti nigadati kṛṣṇe vīkṣya sāgre vayasyāḥ

prahasita-vadanās tāḥ saṅkucal lola-netrā

vikasad amala-gaṇḍaṃ dolitārecita-bhrūḥ

priyam anṛju-kaṭākṣaiḥ paśyati sma ghnatīva

Note: Govinda-līlāmṛtam 1.69

helollāsādara-mukulitā vāspa-sāndrāruṇāntā

lajjā-śaṅkā-capala-cakitā bhaṅgurerṣyābhareṇa

smera-smerā dayita-vadanālokanotphulla-tārā

rādhā-dṛṣṭir dayita-nayanānandam uccair vyatānīt

Note: Govinda-līlāmṛtam 1.70

itthaṃ mithaḥ prema-sukhābdhi-magnayoḥ

pragetanīṃ vibhrama-mādhurīṃ tayoḥ

nipīya sakhyaḥ pramadonmadās tadā

tadātva-yogyācaraṇaṃ visasmaruḥ

Note: Govinda-līlāmṛtam 1.71

vilokya līlāmṛta-sindhu-magnau

tau tāḥ sakhīś ca praṇayonmadāndhāḥ

vṛndā prabhātodaya-jāta-śaṅkā

nijeṅgita-jñāṃ nidideśa sārīm

Note: Govinda-līlāmṛtam 1.72

guru-lajjā-bhartṛ-bhīti-

loka-hāsa-nivārikā

śubhākhyā sārikā prāha

rādhikā-bodha-sādhikā

Note: Govinda-līlāmṛtam 1.73

āgantā grāhayitvā tava patir adhunā goṣṭhataḥ kṣīra-bhārān

uttiṣṭhottiṣṭha rādhe tad iha kuru gṛhe maṅgalāṃ vāstu-pūjāma

itthaṃ yāvad dhavāmbā tava nahi śayanād utthitā vāvadīti

tāvac chayyā-niketaṃ vraja sakhi nibhṛtaṃ kuñjataḥ kañja-netre!!

Note: Govinda-līlāmṛtam 1.74

śaṅkā-paṅkā-kalita-hṛdayā śaṅkate'syā dhavāmbā

chidrānveṣī patir atika uḥ sārthanāmābhimanyuḥ

ruṣṭābhīkṣṇaṃ parivadati sā hā nanandāpi mandā

prātar-jātaṃ tad api saralāṃ kṛṣṇa naināṃ jahāsi

Note: Govinda-līlāmṛtam 1.77

sārī-vaco-mandara-śaila-pāta-

saṃkṣubdha-hṛd-dugdha-payodhir eṣā

athodbhraman netra-navīna-mīnā

viyoga-dīnā śayanād udasthāt

Note: Govinda-līlāmṛtam 1.78

kṛṣṇo 'pi kāntaṃ vṛṣabhānu-jāyāḥ

paśyan mukhaṃ bhīti-vilola-netram

nīlaṃ sucīnaṃ dayitā-nicolaṃ

gṛhṇan svatalpāt tvarayodatiṣṭhat

Note: Govinda-līlāmṛtam 1.79

parivartita-saṃvyānau

mithas tāv atha śaṅkitau

paraspara-karālambau

niragātāṃ nikuñjataḥ

Note: Govinda-līlāmṛtam 1.80

rādhā-pāṇiṃ savye'savye

pāṇau bibhrad veṇuṃ kṛṣṇaḥ

reje kuñjān niryan yadvad

vidyun-mālāśliṣṭāmbhodaḥ

Note: Govinda-līlāmṛtam 1.81

haimaṃ bhṛṅgāram ekā vyajanam atha parā svarṇa-daṇḍaṃ dadhānā

kāpy ādarśaṃ sudarśaṃ ghusṛṇa-malayajā'matram anyā vicitram

kācit tāmbūla-pātraṃ maṇi-citam aparā sārikāṃ pañjarasthām

itthaṃ sakhyaḥ kiyat yāḥ pramudita-hṛdayā niryayuḥ kuñja-gehāt

Note: Govinda-līlāmṛtam 1.82

māhendra-kānta-cchadanaṃ sakāñcanaṃ

dāntaṃ sasindūra-samudgakaṃ parā

āpanna-satvā-kuca-ku malopamaṃ

kuñjād gṛhītvā niragān mṛdu-smitā

Note: Govinda-līlāmṛtam 1.83

āśleṣa-sañchinna-guṇāt paricyutaṃ

hārāl lasan-mauktika-sañcayaṃ mudā

vicitya kācit svapa āñcale dṛḍhaṃ

nibadhnatī kuñja-gṛhād viniryayau

Note: Govinda-līlāmṛtam 1.84

tā aṅkaṃ keli-vibhraṣṭaṃ

talpād ādāya satvarā

nirgatya sveśvarī-karṇe

yuyoja rati-mañjarī

Note: Govinda-līlāmṛtam 1.85

talpa-prāntād upādāya

kañculīṃ rūpa-mañjarī

priyanarma-sakhī sakhyai

nirgatya nibhṛtaṃ dadau

Note: Govinda-līlāmṛtam 1.86

patadgrāham upādāya

dāsikā guṇa-mañjarī

tāmbūlaṃ carvitaṃ tābhyo

vibhajantī bahir yayau

Note: Govinda-līlāmṛtam 1.87

mañjulālī tayor aṅgāc

cyuta-mālyānulepanam

talpād ādāya sarvābhyaḥ

prayacchantī vinirgatā

Note: Govinda-līlāmṛtam 1.88

vilokyāgre meghāmbara-vṛta-śarīraṃ priyatamaṃ

vayasyāṃ tāṃ pītāmbara-parivṛtāṅgīṃ pramuditām

hasantyas tāḥ sakhyaḥ kara-pihita-mukhyaḥ pratidiśaṃ

diśantyaś cānyonyaṃ ku ila-cala-dṛgbhir mumudire

Note: Govinda-līlāmṛtam 1.89

samīkṣya tāsāṃ parihāsa-bhaṅgīm

anyonya-vaktrārpita-phulla-netrau

samucchalat-prema-sukhābdhi-magnau

citrārpitāṅgāv iva tāv abhūtām

Note: Govinda-līlāmṛtam 1.90

ghanaśyāmaṃ cīnaṃ vasanam abhilīnaṃ priya-tanau

kṣamā nāsīt kāntā svam api paricetuṃ ghana-rucau

svam ajñāsīt sphītaṃ harir api na pītaṃ priyatamā-

tanau līnaṃ cīnaṃ kanaka-ruci kambāv iva payaḥ

Note: Govinda-līlāmṛtam 1.91

tayor līlā-sudhā-pāna-

pratyūhāmarṣa-saṅkulā

nindanty aruṇam udyantam

athāha lalitā sakhīm

Note: Govinda-līlāmṛtam 1.92

ūṣasi vara-vadhūnāṃ paśya rādhe'ruṇo 'yaṃ

ramaṇa-sahita-līlā-bhaṅgataḥ pāpa-rugbhiḥ

galita-pada-yugo 'py adyāpi tan no jahāti

dhruvam iti vacanaṃ yad-dustyajaḥ sva-svabhāvaḥ

Note: Govinda-līlāmṛtam 1.93

aruṇāruṇe nidadhatī tato 'mbare
rati-keli-bhaṅgaja-ruṣā'ruṇāṃ dṛśam
lalitopahāsa-janita-smitānanā
vṛṣabhānujāha mṛdu-mañjubhāṣiṇī
anūrur apy astamayan kṣaṇārddhān
nabho vilaṅghyodayam eti so 'yam
cet sorum enaṃ sa vidhir vyadhāsyad
vārttāpi rātrer na tadābhaviṣyat
Note: Govinda-līlāmṛtam 1.94-95

manoramāṃ vīkṣya vibhāta-lakṣmīṃ
nipīya tasyā vacanāsavaṃ ca
mudonmanā vismṛta-goṣṭha-yānaḥ
prāṇeśvarīṃ tām avadan mukundaḥ
inaṃ prabhātopagataṃ samīkṣya
kānteva kāntāntara-bhukta-kāntam
paśyānya-dik-saṅga-kaṣāyitāṅgaṃ
prācīyam īrṣyāruṇiteva jātā
Note: Govinda-līlāmṛtam 1.96-97

paśyonmatte dvijeśo 'py akhila-jana-tama-stoma-hantāpi śāntaḥ

kānto 'yaṃ te samantāt sapadi nipatito vāruṇīṃ saṃniṣevya

itthaṃ svīyena-saṅga-pramudita-nalinī-hāsa-sañjāta-lajjā

śaṅke vaktraṃ pidhatte hy uṣasi kumudinī saṅkucadbhir dalaiḥ svaiḥ

Note: Govinda-līlāmṛtam 1.98

dṛṣṭvā tamaḥ-kṣayam amī vidhunānyapuṣṭā

naktaṃ tamaś-caya-nibhāś cakitāḥ prabhāte

mitraṃ tad-āśrayatayā tamasā carantīṃ

grastaṃ kuhūr iti kuhūṃ svagirāhvayanti

Note: Govinda-līlāmṛtam 1.99

vasanta-kānta-saṃsarga-

jātānanda-bharā avī

kapotī-ghūtkṛti-miṣāt

śītkarotīva sonmadā

Note: Govinda-līlāmṛtam 1.100

paśyānusarati cañcala-bhṛṅgaḥ

kairaviṇī-kula-keli-piśaṅgaḥ

nalinī-koṣe niśi kṛta-saṅgāṃ

bhṛṅgīṃ śaśimukhi! kṛta-natibhaṅgām

Note: Govinda-līlāmṛtam 1.101

kāntam āyāntam āśaṅkyā-

ruṇāṃśu-dviguṇāruṇam

kokī koka-nadaṃ cañcvā

cumbaty ānanda-vihvalā

Note: Govinda-līlāmṛtam 1.102

kalasvanākhyaḥ kalakaṇṭhi! haṃsaḥ

samīkṣya nau sammada-phulla-pakṣaḥ

riraṃsum apy eṣa visṛjya haṃsīṃ

ta aṃ ta inyāḥ purataḥ sameti

Note: Govinda-līlāmṛtam 1.103

svasahacara-visṛṣṭaṃ svāmibhuktaṃ mṛṇālaṃ

madakala-kalakaṇṭhī vibhratī paśya cañcvā

ramaṇam anu sameti tvan mukhābjārpitākṣī

sarasija-mukhi nāmnā tuṇḍiketī marālī

Note: Govinda-līlāmṛtam 1.104

malaya-śikhara-cārī paṅkajāmoda-dhārī

vratati-na a-kumārī-lāsya-śikṣādhikārī

vahati jala-vihārī vāyur āyāsa-dārī

sa ramaṇa-vara-nārī-sveda-jālāpahārī

Note: Govinda-līlāmṛtam 1.105

itīśayoḥ sumadhura-vāg vilāsayoḥ

samīkṣya tāṃ svabhavana-yāna-vismṛtam

sakhīś ca tāḥ smita-rucirā mudonmadā

vaneśvarī divasa-bhiyāsa sonmanāḥ

Note: Govinda-līlāmṛtam 1.106

kāntā udīyur vikasan mukhendavo

rātrir gatā cāstam apāsta-candrikā

vilāsa-bhaṅgaḥ katham astu nāstu vā

kṣaṇaṃ hṛdaiveti parāmamarśa sā

Note: Kṛṣṇa-bhāvanāmṛtam 2.56

tamāṃsya naśyann abhito yathā yathā

tadā prakāśaś ca yathā yathaidhata

tathā tathā hṛd-rujam eva sānvabhūd

vrajasya rītiṃ śrutayo 'pi no viduḥ

Note: Kṛṣṇa-bhāvanāmṛtam 2.57

atha vṛndeṅgitābhijñā

samaya-jñā taru-sthitā

padyam udyotayāmāsa

kakkha ī vṛddha-marka ī

Note: Govinda-līlāmṛtam 1.107

raktāmbarā satāṃ vandyā

prātaḥ-sandhyā tapasvinī

ūrdhva-prasarpad arkāṃśur

jaṭileyam upasthitā

Note: Govinda-līlāmṛtam 1.108

ākarṇya tābhir jaṭileti varṇa-

trayīṃ vivarṇatvam adhāri sadyaḥ

vilāsa-ratnākaram udbhavantī

śaṅkaiva tāsāṃ culukī-cakāra

Note: Kṛṣṇa-bhāvanāmṛtam 2.60

pathi piśuna-matibhyaḥ śaṅkamānau gurubhyaḥ

cala-cakita-taraṅgau nikṣipantāv apāṅgau

parama-guṇa-gabhīrau kāma-saṃgrāma-dhīrau

yayatū rati-vitandrau rādhikā-kṛṣṇacandrau

Note: Kṛṣṇāhnika-kaumudī 1.42

na pathi na bhavane vā lakṣitau tau vane vā

sahaja-sad-anuraktyā svīyayānanda-śaktyā

parijana-nayanānām utsavānādadhānāv

atha pathi viharantau rejatur loka-kāntau

Note: Kṛṣṇāhnika-kaumudī 1.43

bhraśyad dukūla-cikura-srajam unnayantau

bhītau pṛthag gahana-vartmani cāpayāntau

tau vīkṣya bhīti-taralau jaṭileti nāmnā

sakhyas tatas tata itaś cakitā nirīyuḥ

Note: Govinda-līlāmṛtam 1.110

vāme candrāvali-parijanān ghoṣa-vṛddhān purastāt

kṛṣṇaḥ paścāt ku ila-jaṭilām āgatāṃ manyamānaḥ

yāntīṃ kāntāṃ sabhaya-caṭulāṃ dakṣiṇe draṣṭum utkaś

cañcad-grīvaṃ diśi diśi dṛśau prerayan goṣṭham āyāt

Note: Govinda-līlāmṛtam 1.111

mlānām utkṣipya mālāṃ tru ita-maṇisaraḥ kajjalaṃ vibhrad oṣṭhe

saṃkīrṇāṅgo nakhāṅkair diśi diśi vikiran ghūrṇite netra-padme

paśya mlānāṅga-yaṣṭiḥ sphuṭam aparicito gopa-goṣṭhībhir agre

goṣṭhe goṣṭhendra-sūnuḥ praviśati rajanau dhvaṃsam āsādayantyām

Note: Stava-mālā, Kuñja-bhaṅga 2

anugatā jaṭilety abhiśaṅkinī

guru-nitamba-kucodvahanākulā

druta-vilambita-valgu yayau vrajaṃ

kara-dhṛtāmbara-keśacayeśvarī

Note: Govinda-līlāmṛtam 1.112

na vyālād api sambibheti purataḥ sthāṇor yathā dūrato

nodvignā kari-garjitād api yathā kākāvalī-nisvanāt

naiveyaṃ timire'pi muhyati-tarāṃ kāmaṃ prakāśe yathā

tan manye virahe'pi naiva vidhurā kāntasya yoge yathā

Note: Jagannātha-vallabha-nāṭakam 5.34

bhayānurāgoccaya-dhūmra-lola-dṛk-

tiras-kariṇyā pihite manorathe

nije niveśyaiva hi rūpa-mañjarī

gṛhaṃ ninīṣuḥ pathi tāṃ tad anvayāt

Note: Govinda-līlāmṛtam 1.113

itas-tataḥ kṣipta-calekṣaṇāśugair

bhī-dustha-hṛd-vṛtti-cayair bha air iva

agresarais tāṃ rati-mañjarī ca sā

nivārayanty anya-janāṃs tadānvayāt

Note: Govinda-līlāmṛtam 1.114

tābhir vṛtā vraja-janair avilokitaiva

veśma praviśya nija-talpam athādhyatiṣṭhat

preyo-viyoga-vidhurā hi sakhīm athāsau

hṛd-vedanāṃ prakaṭam āha sagadgadāśru

Note: Kṛṣṇa-bhāvanāmṛtam 2.80

niḥsārya gehāl lalite'dhunaiva māṃ

praveśayasy apy adhunaiva tat punaḥ

kṛṣṇāṅga-saṅgāmṛta-sindhu-majjana-

pralobhanaivādya vṛthā kṛtā tvayā

Note: Kṛṣṇa-bhāvanāmṛtam 2.76

astācalaṃ yann adhunā vyaloki yaḥ

sa tigma-raśmiḥ sakhi! pūrva-parvatam

āroḍhum ākāṅkṣati kiṃ vibhāvarī

kha-puṣpatām adyatanī jagāma kim?

Note: Kṛṣṇa-bhāvanāmṛtam 2.77

dhiṅ me śrutiṃ dhig rasanāṃ dṛśaṃ ca dhik

sadātanautkaṇṭhya-bhara-jvarāturam

prāpur na pātuṃ lavam apy amuṣya yāḥ

sausvarya-saurasya-surūpatāmṛtam

Note: Kṛṣṇa-bhāvanāmṛtam 2.78

nirveda-paddhatim apīpa had eva pūrvaṃ

yogo 'dhunā tu sarale bhavatīṃ viyogaḥ

ādyo 'cyutāmṛtam adarśayad artham asyā

anyo 'nubhāvayati hā ka u-kālakū am

Note: Kṛṣṇa-bhāvanāmṛtam 2.79

itthaṃ sakhī-giram api pratiboddhum eṣā

naivānurāga-para-bhāgavatī śaśāka

svapne punaḥ kalayituṃ hṛdayādhināthaṃ

suṣvāpa sā'tha śayane vṛṣabhānu-putrī

Note: Kṛṣṇa-bhāvanāmṛtam 2.80 ślokārdhaḥ

anabhisārikāṃ kāñcit pṛcchantīṃ prati kācid āha-
srastaṃ srastam udañcayaty adhiśiraḥ śyāmaṃ nicolāñcalaṃ
hastena ślatha-durbalena lulitākalpāṃ vahantī tanum
muktārdhām avarudhya veṇim alasa-syande kṣipantī dṛśau
kuñjāt paśya gṛhaṃ praviśya nibhṛtaṃ śete sakhī rādhikā
Note: Stava-mālā, Kuñja-bhaṅga 1

nirvartya vibhrama-bharaṃ samaye svadhāmni

supte'cyute pratilayaṃ śrutayo yatheśam

līlā-vitāna-nipuṇāḥ saguṇāḥ samīyuḥ

sakhyo 'palakṣya-gatayaḥ sadanaṃ yathā-svam

Note: Govinda-līlāmṛtam 1.116

iti śrī-bhāvanā-sāra-saṅgrahe niśānta-līlā-saṅgraho nāma prathama-saṅgrahaḥ

śrī śrī Bhāvanā-sāra-saṅgrahaḥ

Prātar-līlā

paśyantīṃ svasutaṃ śaci bhagavatī saṅkīrtane vikṣataṃ
prātar hā katham eva te vapur idaṃ sūno babhūva kṣatam
itthaṃ lālanataḥ svaputra-vanuṣi vyagrā spṛśantī muhus
talpāj jāgarayāñ cakāra yam ahaṃ taṃ gauracandraṃ bhaje

bhaktaiḥ sārddham upāgatair bhuvi nataiḥ śrīvāsa-guptādibhiḥ
pṛcchadbhiḥ kuśalaṃ prage parimilan prakṣālya vaktraṃ jalaiḥ
puṣpādi-prativāsitaiḥ sukathayan svapnānubhūtaṃ kathāṃ
snātvādyād dhari-śeṣam odana-varaṃ yas taṃ ḥhi gauraṃ bhaje

mūla-sūtra

rādhāṃ snāta-vibhūṣitāṃ vraja-payāhūtāṃ sakhībhiḥ prage

tad-gehe vihitānnapāka-racanāṃ kṛṣṇāvaśeṣāśanām

kṛṣṇaṃ buddham avāpta-dhenu-sadanaṃ nirvyūḍha-godohanaṃ

susnātaṃ kṛta-bhojanaṃ sahacarais tāṃ cātha taṃ cāśraye

Note: Govinda-līlāmṛta 2.1

snātānulipta-vapuṣaḥ pupuṣuḥ svabhās tan

nirmālya-mālya-vasanābharaṇena dāsyaḥ

prāsya svakāmam anuvṛtti-ratās tayor yāḥ

śrī-rūpa-mañjari-samāna-guṇābhidhānāḥ

Note: Kṛṣṇa-bhāvanāmṛtam 3.1

tā vidyud-uddyuti--jayi-prapadaika-rekhā

vaidagdhya eva kila mūrti-bhṛtas tathāpi

yūtheśvarītvam api samyag arocayitvā

dāsyāmṛtābdhim anu sasnur ajasram asyāḥ

Note: Kṛṣṇa-bhāvanāmṛtam 3.2

śvaśrū-purāntara-gatottara pārśva-varti

bhrājiṣṇu dhāma vara-śilpa-kalaika-dhāma

tātena vatsalatayā vṛṣabhānunaiva

nirmāpitaṃ tad upamāpi tad eva nānyat

Note: Kṛṣṇa-bhāvanāmṛtam 3.3

sthūṇā-praghāṇa pa alāṅgaṇa-toraṇālī-

gopānasī-vividha-koṣṭha-kapā a-vedyaḥ

rājanti yatra maṇi-dīpa-tati-pradīpta-

vaicitrya-nirmita-janekṣaṇa-citra-bhāvāḥ

Note: Kṛṣṇa-bhāvanāmṛtam 3.4

yatrendranīla-maṇi-bhūr-valabhī ghanābhā

haṃsālir apy upari rājati rājatī sā

ye vīkṣya bandhu-ripu-bhāna-bhṛto vitatya

saṅkocayanti śikhinaḥ svaśikhaṇḍa-paṅktīḥ

Note: Kṛṣṇa-bhāvanāmṛtam 3.5

tatropaveśa-śayanāśana-bhūṣaṇādi-

vedīr vimṛjya parilipya viśodhya tās tāḥ

āstīrya rāṅkavam upary upayukta-muktam

ullocam unnata-mudo militā babandhuḥ

Note: Kṛṣṇa-bhāvanāmṛtam 3.6

ekā mamārja maṇi-kāñcana-bhājanāni

kācit payaḥ samaya-yogyam upānināya

citrāṃśukāpihita-ratna-catuṣkikāyām

ālambanīyam adadhād aparopabarham

Note: Kṛṣṇa-bhāvanāmṛtam 3.7

pūrvedyur aṃśuka-maṇimaya-bhūṣaṇāni

mṛṣṭāni yatra nihitāny atha sampu aṃ tat

uccair jhanad-valaya-rāji samudghaṭayya

kācij jagharṣa vidhu-kuṅkuma-candanāni

Note: Kṛṣṇa-bhāvanāmṛtam 3.8

anyā vyadhatta sumanāḥ sumanobhir eva

citraiḥ kirī a-ka akāṅgada-hāra-kāñcīḥ

jātī-lavaṅga-khadirādibhi rajyamānāḥ

kācid babandha surasāḥ phaṇivallī-vī īḥ

Note: Kṛṣṇa-bhāvanāmṛtam 3.9

atrāntare pratidiśaṃ dadhi-manthanottha-

rāvair avārita-mahīsura-veda-ghoṣaiḥ

hambā-dhvani-vyatividhāna-mitho 'vadhāyi-

dhenvāli-tarṇaka-ghaṭā valad antarāyaiḥ

Note: Kṛṣṇa-bhāvanāmṛtam 3.10

vṛndiṣṭha-vandi-jana-vṛnda-vitāyamāna-

śrī-kṛṣṇa-kīrti-virudāli-sudhā-taraṅgaiḥ

śārī-śuka-vraja-kalaiḥ kalaviṅka-keki-

kolāhalaiḥ kramata eva samedhamānaiḥ

Note: Kṛṣṇa-bhāvanāmṛtam 3.11

jāgratsu loka-nicayeṣv atha vāsareti

kartavya-bhāvana-pareṣv adhiśayam eva

kṛṣṇekṣaṇa-kṣaṇa satṛṣṇatayā purandhrī-

vṛndeṣu nanda-gṛha-sandita-mānaseṣu

Note: Kṛṣṇa-bhāvanāmṛtam 3.12

naptrī-mukhāmbuja-vilokana-jīvitāyāṃ

tatropasṛtya sahasā mukharābhidhāyām

vātsalya-ratna-paṭalī-bhṛta-peṭikāyāṃ

rādhe! kva putri! bhavasīti samāhvayantyām

Note: Kṛṣṇa-bhāvanāmṛtam 3.13

svabhāva-ku ilāpy ātma-
suta-sampatti-kāṅkṣayā
vyākulā jaṭilā gatvā
nikaṭaṃ tām athābravīt
sūnoḥ prajāyur dhana-vṛddhaye'sau
tvayā snuṣā jñe! niyataṃ niyojyā
sumaṅgala-snāna-vibhūṣaṇādau
go-koṭi-hetos tapanārcanāya
ājñānavajñā nija-goṣṭha-rājñyāḥ
kāryānabhijñoktiṣu te'py avajñā
ity ādiśaty anvaham artha-vijñā
vijñāpitā me kila paurṇamāsī
asmāt tvam ārye svāṃ naptrīṃ
sarva-maṅgala-maṇḍitām
vidhehi sarva-sampattir
yathā sūnor bhaven mama
Note: Govinda-līlāmṛtam 2.43-46

vadhūm athābhāṣasata putri! talpād

uttiṣṭha tūrṇaṃ kuru vāstu-pūjām

tvaṃ maṅgala-snāna-vidhiṃ vidhāya

pūjopahāraṃ savitur vidhehi

Note: Govinda-līlāmṛtam 2.47

prabhātam āyātam aho tathāpi
nidrāti naptrīti muhur vadantī
sneha-drutāṅgī mukharā praviśya
śayyālayaṃ tām avadat tadedam
uttiṣṭha vatse śayanāt pramugdhe
vyasmāri vāro 'dya raves tvayā kim?
snātvā prabhātārghya-vidhānam asmai
pūjopahāraṃ racayāsya cāśu
Note: Govinda-līlāmṛtam 2.48-49

tad-vacaḥ pratibuddhātha

viśākhotthāya sālasā

sakhi! tūrṇaṃ samuttiṣṭhot-

tiṣṭheti prāha satvarā

Note: Govinda-līlāmṛtam 2.50

tāsāṃ vacobhiḥ śayane'tha mugdhā

muhuḥ prajāgaryya punar nidadrau

vicālitā vīcicayais taḍāge

sā rājahaṃsīva ratālasāṅgī

Note: Govinda-līlāmṛtam 2.51

tadaivāvasarābhijñā

jagrāha rati-mañjarī

sakhī vṛndāvaneśvaryāḥ

śrīmac-caraṇa-paṅkajam

Note: Govinda-līlāmṛtam 2.52

ittham iyaṃ bahubhiḥ kṛta-bodhā
svāc-chayanād udatiṣṭhad analpāt
tām atha vīkṣya supīta-paṭāṅgīṃ
śaṅkita-hṛn-mukharedam uvāca
druta-kanaka-savarṇaṃ sāyam etan murārer
vasanam urasi dṛṣṭaṃ yat sakhī te bibharti
kim idam ayi viśākhe! hā pramādaḥ pramādo
vyavasitam idam asyāḥ paśya śuddhānvayāyāḥ
Note: Govinda-līlāmṛtam 2.53-54

tad-vacaś cakita-dhīr hṛdi sakhyā
vīkṣya pīta-vasanaṃ cala-dṛṣṭyā
hā kim etad iti tāṃ ca diśantī
drāg uvāca jaratīṃ ca viśākhā
svabhāvāndhe! jālāntara-gata-vibhātodita-ravi-
cchaṭā-jāla-sparśocchalita-kanakāṅga-dyuti-bharaiḥ
vayasyāyāḥ śyāmaṃ vasanam api pīti-kṛtam idaṃ
kuto mugdhe śaṅkāṃ jarati kuruṣe śuddha-matiṣu
Note: Govinda-līlāmṛtam 2.55-56

lalitā-pramukhās tāvat

sakhyas tāḥ sva-sva-gehataḥ

ājagmus tvaritāḥ sakhyāḥ

praskhalad gatayo 'ntikam

Note: Govinda-līlāmṛtam 2.57

tāsāṃ vākyair gatāyāntu
kṛta-vañcana-sañcayaiḥ
mukharāyāṃ tato 'nyāsu
draṣṭu-kāmāsu tatra tām
ekaikaśo 'tha militāsu sakhīṣu sarvā-
sv anyonya-hāsa-parihāsa-parāsu tāsu
suśliṣṭa-maṇḍalatayaiva kṛtopaveśā-
sv ārūḍha-ratna-maṇi-hema-catuṣkikāsu
Note: Kṛṣṇa-bhāvanāmṛtam 3.17 yugmakam

śrī-rādhikā-milanam eva samasta-harṣa-

śasyaika-varṣam iti yad-dhṛdi niścikāya

śyāmalaitya samayā samayābhivijñā

śliṣṭā tayā suṣamayeva tadāsa tatra

Note: Kṛṣṇa-bhāvanāmṛtam 3.18

śyāme! tvam evam adhunaiva vicintyamānā

man-netra-vartma-gamitā vidhinā yathaiva

tadvat sa tarṣa-vi apī phalayiṣyate ced

adyaiva tarhi gaṇayāny api suprabhātam

Note: Kṛṣṇa-bhāvanāmṛtam 3.19

hantaiṣa santatam atīva samedhamānaḥ

śaśvat sakhībhir api sundari! sicyamānaḥ

nādyāpi yat phalam adhād ayi! ko 'tra hetur

hā tat kadātirabhasād avalokayiṣye

Note: Kṛṣṇa-bhāvanāmṛtam 3.20

rādhe! sa te na phalito yadi tat phaliṣyaty

āścaryam asya phalam apy alasāṅgi! buddhye

āsvādyamānam api saurabha-māditāli

pratyāyayaty ananubhūtam iva svam uccaiḥ

Note: Kṛṣṇa-bhāvanāmṛtam 3.21

pakṣmāvalī bata yadīya-rasena śoṇe-

nārañji kañja-mukhi! tan na tad apy apaśyaḥ

yat-svādana-vyatikarād adharo vraṇitvam

āgāt tathāpi tad aho! na kadāpy abhuṅkthāḥ

Note: Kṛṣṇa-bhāvanāmṛtam 3.22

śyāme! tvam apy alam alakṣita-man-nitānta-

svānta-vraṇā hasasi māṃ yad ato bravīmi

vidyud vihanti timiraṃ niśi yad dṛśos tat

sadyaḥ punar dviguṇayed iti bhoḥ pratīhi

Note: Kṛṣṇa-bhāvanāmṛtam 3.23

rādhe! kalā-nidhir ayaṃ vidhinopanītas

tvāṃ santatāmṛtamayair adhinot karāgraiḥ

yat tat-kalāḥ svayam aho kucayor bibharṣi

vidyun-nibhatva-parivādam athāpi datse

Note: Kṛṣṇa-bhāvanāmṛtam 3.24

śyāme! sa me sakhi! dadau na kalaṅkam eva

satyaṃ kalānidhir asāv iti vaḥ pratītaḥ

datte kadāpi mama dṛṣṭi-cakorikā yair

jyotsnā-kaṇaṃ yad api tan na punar nikāmam

Note: Kṛṣṇa-bhāvanāmṛtam 3.25

rādhe! sphuṭaṃ vada bhavan-mukha-paṅkajottha-

naktan-tanehita-sudhā-dyudhunī vidhūya

tāpaṃ nimajjayatu māṃ svam anu prabhāte

kṛtyāntaraṃ mama kathaṃ tad-ṛte susidhyet

Note: Kṛṣṇa-bhāvanāmṛtam 3.26

śyāme'dhikuñja-nilayaṃ nava-nīla-kānti-

dhārā yadā snapayituṃ niśi māṃ pravṛttā

tarhy eva pañcaśara-sañcaya-nā ya-raṅga-

bhūmiṃ ca kena ca kāñcana yāpitā'sam

Note: Kṛṣṇa-bhāvanāmṛtam 3.27

vadantītthaṃ mūrchāṃ parama-paramānanda-janikāṃ
gatā seyaṃ sadyaḥ smṛti-vidhuratā-paddhatim agāt
kadāyātā śyāme punar iti hi pṛṣṭāham adhunā-
gatety uktvāpṛcchat parikalita-bodhāṃ sapadi tām

alasa-valitam aṅgaṃ svāvasādaṃ vyanakti

glapitam iva mṛṇālī-kandalaṃ dordvayaṃ te

daśana-vasanam etan nīrasaṃ gaṇḍa-pālī

lulita-lalita-patrā prakramaḥ kas tavaiṣaḥ

Note: Ānanda-vṛndāvana-campūḥ 11.217

abhinava-latikeva vāta-rugnā

nava-nalinīva mataṅgajena bhugnā

mṛdutara-nava-mālikeva dhūtā

mada-madhupena vilakṣyase tvam adya

Note: Ānanda-vṛndāvana-campūḥ 11.218

api ciram abhilaṣyamāṇa evaṃ

praṇayini ko 'pi sudurlabho hi labdhaḥ

atha katham iyam anyathā'smad ādeḥ

phalita-vatī sakhi! bhāgya-kalpa-vallī

Note: Ānanda-vṛndāvana-campūḥ 11.219

iti sapraṇaya-vācā sādaraṃ pṛcchyamānā
pa a-vṛta-mukhacandrā svaccha-cittā batāsau
mudam atha janayantī pārśvagānāṃ sakhīnām
avani-nihita-dṛṣṭiṃ sasmitaḥ praty uvāca

kvāhaṃ sthitā kva calitā kva ca vā sa panthā

nītāsmi kena nalinākṣi tadīya pārśvam

kiṃvā babhūva mayi tatra sametavatyāṃ

jānāmy ahaṃ yadi tadā bhavatī na vetti

Note: Ānanda-vṛndāvana-campūḥ 11.221

vyāpāro manasaś ca yatra na gataḥ sambhāvanābhāvato

yat svapnaḥ kim athendra-jālam athavā bhrāntiḥ sudīrghaiva me

tat kiṃ hlādi kim ārtidaṃ kim ubhayaṃ kiṃvā na tan nāpi tac-

ceto-vidruti-kārakaṃ ca manaso mūrchākaraṃ cābhavat

Note: Ānanda-vṛndāvana-campūḥ 11.222

atha śyāmāha-
kelī-kalādhyayana-kauśalam ekadaiva
na syād ataḥ kim api no bhavatī viveda
bhūyas tataḥ sakhi! vilāsa-guroḥ sakāśād
yatnād adhīṣva yadi vijñatamāsi bhūṣṇuḥ
Note: Ānanda-vṛndāvana-campūḥ 11.224

tataḥ śrī-rādhikā prāha-
mātaḥ paraṃ sumukhi! yāmi tadīya-pārśvaṃ
dūrād asau nayana-vartma-nivartanīyaḥ
adhyetu nāma bhavatī tata eva tat te
pāṇḍityam eva manaso rasadaṃ mama syāt
Note: Ānanda-vṛndāvana-campūḥ 11.226

bhrājante vara-danti! mauktika-gaṇā yasyollikhadbhir nakhaiḥ

kṣiptāḥ puṣkara-mālayāvṛta-rucaḥ kuñjeṣu kuñjeṣv amī

śau īryābdhir uroja-pañjara-taṭe saṃveśayantyā kathaṃ

sa śrīmān hariṇekṣaṇe! harir abhūn netreṇa baddhas tvayā?

Note: Ujjvala-nīlamaṇi, Uddīpana-vibhāva-prakaraṇam 20

ko 'yaṃ kṛṣṇa iti vyudasyati dhṛtiṃ yas tanvi karṇaṃ viśan

rāgāndhe! kim idaṃ sadaiva bhavatī tasyor asi krīḍati

hāsyaṃ mā kuru mohite! tvam adhunā nyastāsya haste mayā

satyaṃ satyam asau dṛgaṅganam agād adyaiva vidyun-nibhaḥ

Note: Ujjvala-nīlamaṇi, Sthāyībhāva-prakaraṇam 148

lajjābhara-krāntatayātitūṣṇīṃ
sthitā vayasyā priya-keli-vārttām
śrotuṃ gṛhītvā cibukaṃ tadā sā
hy aty āgrahīd ālīm atha pravaktum

priya-sakhi! mama vṛttaṃ pṛccha mā bhāgyam īdṛk

kva nu mama kathayeyaṃ tvayy ahaṃ tān vilāsān

dhṛtavati karam eva śyāmale kvāsa kāhaṃ

kim iva ca karako 'sau kiṃ vyadhān na smarāmi

Note: Vṛndāvana-mahimāmṛtam 5.98

veṇīṃ gumphati divya-puṣpa-nicayaiḥ sīmanta-sīmany aho

sindūraṃ nidadhāti kajjala-mayīṃ nirmāti rekhāṃ dṛśoḥ

divyaṃ vāsayate dukūlam asakṛt tāmbūlam apy āśayed

itthambhūta-ratiḥ sakhā tava na māṃ talpe nidhatte'ṅkataḥ

Note: Vṛndāvana-mahimāmṛtam 5.99

nityaṃ manmukha-sammukhaṃ mukha-vidhuṃ dhatte'nimiṣekṣaṇo

nityaṃ manmukham eva paśyati mayaivājasra-goṣṭhī-paraḥ

ādhāyaiva śayīta māṃ hṛdi mayaivāvartayet pārśvakaṃ

sakhyus te sakhi! sarva-nāgara-maṇeḥ prītiḥ kathaṃ varṇyatām?

Note: Vṛndāvana-mahimāmṛtam 5.97

vilāsa-ceṣṭā sakhi! keśi-nāśino

halāhalābhā pradahanti me manaḥ

kṛntanti marmāṇi guṇā ghuṇā iva

premā vikārī hṛdi hṛd-vraṇo yathā

Note: Alaṅkāra-kaustubha 3.56

no vidmaḥ kim u gauravaṃ gurukule kaulīnya-rakṣā-vidhau

na śraddhā kim u durjanokti-garala-jvālāsu kiṃ no bhayam

udvegādan avasthitaṃ mama manaḥ kasyāpi megha-tviṣo

yūnaḥ śrotra-gatair ghuṇair iva guṇair antaḥ kṛtaṃ jarjaram

Note: Alaṅkāra-kaustubha 5.71

rādhe! yad-āsya-sarasī-ruha-gandha evam

andhīkaroti kulajā-kulam āli! dūrāt

tan-madhv atīva surasaṃ sarasaṃ pibantyāś

citta-bhramas tava madād iti naiva citram

Note: Kṛṣṇa-bhāvanāmṛtam 3.31

atrāntare madhurikā militātha pṛṣṭā

tābhir jagāda madhuraṃ śṛṇutaitad ālyaḥ

kasyaicid eva kṛtaye vrajarāja-veśma

prāptādya kautukam aho yad uṣasy apaśyam

Note: Kṛṣṇa-bhāvanāmṛtam 3.32

paurṇamāsī bhagavatī sarva-siddhi-vidhāyinī

kāṣāya-vasanā gaurī kāśa-keśī darāyatā

kṛṣṇaṃ draṣṭu-manās talpād udatiṣṭhad dvija-dhvanaiḥ

Note: Rādhā-kṛṣṇa-gaṇoddeśa-dīpikā 69

atha prabhāte kṛta-nitya-kṛtyā

prītyācyutasyātivihasta-cittā

premendu-pūrṇā kila paurṇamāsī

tūrṇaṃ vrajendrālayam āsasāda

Note: Govinda-līlāmṛtam 2.2

kṣaumaṃ vāsaḥ pṛthu-kaṭi-taṭe bibhratī sūtra-naddhaṃ

putra-sneha-snuta-kuca-yugaṃ jāta-kampaṃ ca subhrūḥ

rajjv-ākarṣa-śrama-bhuja-calat-kaṅkaṇau kuṇḍale ca

svinnaṃ vaktraṃ kavara-vigalan-mālatī nirmamantha

Note: ūrīmad-Bhāgavatam, 10.9.3

rajani-vipariṇāme gargarīṇāṃ garīyān

dadhi-mathana-vinodād udbhavann eṣa nādaḥ

amara-nagara-kakṣā-cakram ākramya sadyaḥ

smarayati sura-vṛndāny abdhi-manthotsavasya

Note: Lalita-mādhava-nāṭakam 2.2

manthānoddhṛta-gavya-vindu-nikara-vyākīrṇa-ramyāṅganaṃ

prema-snigdha-janānvitaṃ bahu-vidhai ratnair vicitrāntaram

kṣīrormy ucchalitaṃ mudāhi-vilasac-chayyā-prasuptācyutaṃ

śveta-dvīpam ivālayaṃ vraja-pater vīkṣyāsa sānanditā

Note: Govinda-līlāmṛtam 2.3

tām āgatām abhiprekṣya

sākṣād iva tapaḥ-śriyam

vraja-rajñī parābhijñā

sthiti-jñābhyudyayau mudā

Note: Govinda-līlāmṛtam 2.4

ehi bho bhagavatīti vraja-vandye

svāgatāsi bhavatīṃ praṇamāmi

ity udīrya savidhe praṇamantīṃ

sā mukunda-jananīṃ parirebhe

Note: Govinda-līlāmṛtam 2.5

āśīrbhir abhinandyāmūṃ

govinda-darśanosukā

papraccha kuśalaṃ cāsyāḥ

sadhavātmaja-go-tateḥ

Note: Govinda-līlāmṛtam 2.6

nivedya kuśalaṃ cāsyai

tayotkaṇṭhitayā saha

utkā śayyā-gṛhaṃ sūnoḥ

praviveśa vrajeśvarī

Note: Govinda-līlāmṛtam 2.7

ḍorī-jūṭita-vakra-keśa-pa alā sindūra-bindūllasat-

sīmanta-dyuti-raṅga-bhūṣaṇa-vidhiṃ nātiprabhūtaṃ śritā

govindāsya-nisṛṣṭa-sāśru-nayana-dvandvā navendīvara-

śyāma-śyāma-rucir vicitra-sicayā goṣṭheśvarī pātu vaḥ

Note: Bhakti-rasāmṛta-sindhuḥ 3.4.13

paryaṅke nyasya savyaṃ tad-upari nihita-svāṅgabhārātha pāṇiṃ

kṛṣṇasyāṅgaṃ spṛśantītara-kara-kamaleneṣad-ābhugna-madhyā

siñcanty ānanda-bāṣpaiḥ snuta-kuca-payasāṃ dhārayā cāsya talpaṃ

vatsottiṣṭhāśu nidrāṃ tyaja mukha-kamalaṃ darśayety āha mātā

Note: Govinda-līlāmṛtam 2.13

madhurikovāca-
gāndharvike! śṛṇu yad anyad abhūd vicitraṃ
nīlāṃśukaṃ svatanayor asi vīkṣyamāṇām
tām āha saiva bhagavaty ayi goṣṭha-rājñi!
rāmāmbareṇa parivartitam asya vāsa
Note: Kṛṣṇa-bhāvanāmṛtam 3.38

tā aṅkagāruṇa-maṇi-pratibimba eva

gaṇḍe vibhāti tava mādhava! śoṇa-śociḥ

ity ukta eva sa tayā nija-pāṇinā taṃ

sadyo jagharṣa bhavad-ādhara-rāga-bhāgam

Note: Kṛṣṇa-bhāvanāmṛtam 3.39

uttiṣṭha tāta rajanīyam agād virāmaṃ

paśyāṃśumantam udayodyamanābhirāmam

pratyūṣa-sevana-vidhau vilasad-vilāsāḥ

śayyālayaṃ tava viśanti kumāra-dāsāḥ

Note: Kṛṣṇāhnika-kaumudī 2.2

saṅkīrtayan jaya jayeti girā suvṛttas

tvāṃ tāta jāgarayituṃ praṇayāt pravṛttaḥ

kīras tavaiṣa nija-pāṇi-talena puṣṭaḥ

sanmañju-vāk kanaka-pañjara-vāsa-hṛṣṭaḥ

Note: Kṛṣṇāhnika-kaumudī 2.3

khedas tavaiṣa śayanālasa-bhāra-mūlaḥ

svāpaṃ jahīhi bhava jāgaraṇānukūlaḥ

itthaṃ kareṇa mṛdunā muhur aṅgam aṅgam

āspṛśya bāhu-yugalena tam āliliṅga

Note: Kṛṣṇāhnika-kaumudī 2.4

mātuḥ kalāṃ giram atipraṇayopagūhaṃ

śrutvānubhūya ca tadaiva sa samyag ūham

gātrāvamo ana-puraḥsara-jṛmbhaṇena

jāgrad-daśām abhinināya kutūhalena

Note: Kṛṣṇāhnika-kaumudī 2.5

kālociteṣu paricāraṇa-kauśaleṣu

gāḍhānurāga-parabhāga-nirākuleṣu

dakṣaṃ samakṣam anuśāsya kumāra-dāsī-

dāsaṃ vrajendra-gṛhiṇī sva-gṛhānayāsīt

Note: Kṛṣṇāhnika-kaumudī 2.6

tāvad gobha a-bhadrasena-subala-śrī-stokakṛṣṇārjuna-

śrīdāmojjvala-dāma-kiṅkiṇi-sudāmādyāḥ sakhāyo gṛhāt

āgatya tvaritā mudābhimilitāḥ śrī-sīriṇā prāṅgaṇe

kṛṣṇottiṣṭha nijeṣṭa-goṣṭham aya bho ity āhvayantaḥ sthitāḥ

Note: Govinda-līlāmṛtam 2.8

hī hī prabhātaṃ kim u bho vayasyā

adyāpi nidrāti kathaṃ sakhā naḥ

tad bodhayāmy enam itīrayan sva-

talpād udasthān madhumaṅgalo 'pi

Note: Govinda-līlāmṛtam 2.9

samuttiṣṭha vayasyeti

jalpaṃs talpālayaṃ hareḥ

nidrālasa-skhalad-yānaḥ

prāviśan madhumaṅgalaḥ

Note: Govinda-līlāmṛtam 2.10

tad-vāg-vigata-nidro 'yam

uttiṣṭhāsur apīśvaraḥ

utthātum īśvaro nāsīd

ghūrṇā-pūrṇekṣaṇaḥ kṣaṇam

Note: Govinda-līlāmṛtam 2.11

uttiṣṭha kuryāṃ mukha-mārjanaṃ te

balasya vāsaḥ kim iha tvad-aṅge

iti bruvāṇāpanināya nīlaṃ

vāsas tad-aṅgād avadac ca sāryām

Note: Govinda-līlāmṛtam 2.15

ayi bhagavati! paśyāco itaṃ me'sya sūnoḥ

kamala-mṛdulam aṅgaṃ malla-līlāsu lolaiḥ

khara-nakhara-śikhābhir dhātu-rāgāticitraṃ

capala-śiśu-samūhair hā hatā kiṃ karomi?

Note: Govinda-līlāmṛtam 2.15

sneha-bharaiḥ svajananyāś

citra-padām api vāṇīm

tām avadhārya murārir

hrī-cakitekṣaṇa āsīt

Note: Govinda-līlāmṛtam 2.17

kṛṣṇaṃ saśaṅkam āśaṅkya
parihāsa-paṭur baṭuḥ
sneha-klinnāntarām ambām
avadan madhumaṅgalaḥ
satyam amba! vayasyālī
vāritāpi mayāniśam
reme'nenātilubdhena
kuñjeṣu keli-cañcalā
Note: Govinda-līlāmṛtam 2.18-19

atha prakāśī-kṛta-bālya-vibhramo

yatnāt samunmīlya vilocanaṃ muhuḥ

paśyan puraḥ svāṃ jananīṃ hariḥ punar

nyamīlayat sa smita-vaktra-paṅkajaḥ

Note: Govinda-līlāmṛtam 2.20

ākarṇya vācaṃ vraja-rāja-patnyāḥ

samīkṣya kṛṣṇasya ca bālya-ceṣṭām

bhāvāntarācchādakarīṃ jananyās

taṃ paurṇamāsī smita-pūrvam āha

Note: Govinda-līlāmṛtam 2.21

sakhīnāṃ sandohair niravadhi mahākeli-tatibhiḥ

pariśrāntas tvaṃ yat svapiṣi sumate yogyam iha tat

anālokya tvāṃ bhos tṛṣitam api no tarṇaka-kulaṃ

dhayaty ūdhaḥ kintu vraja-kula-pate jāgṛhi tataḥ

Note: Govinda-līlāmṛtam 2.22

uttiṣṭha goṣṭheśvara-nandanārāt

paśyāgrajo 'yaṃ saha te vayasyaiḥ

goṣṭhaṃ pratiṣṭhāsur api pratīkṣya

tvām aṅgane tiṣṭhati tarṇakaiś ca

Note: Govinda-līlāmṛtam 2.23

sa-muṣṭi-pāṇi-dvayam unnamayya

vimo ayan so 'tha rasālasāṅgam

jṛmbhā-visarpad-daśanāṃśu-jālas

tamāla-nīlaḥ śayanād udasthāt

Note: Govinda-līlāmṛtam 2.24

unmīlana-pratinimīlanayor bahutve

jāgrac-chayāna-daśayor iva miśritatve

sā nidrayā viraha-kātarayā dhṛteva

tasyotthitasya nayana-dvitayī dideva

Note: Kṛṣṇāhnika-kaumudī 2.7

kha vaika-deśe tv atha sanniviṣṭo

vinyasta-pādābja-yugaḥ pṛthivyām

namāmy ahaṃ tvāṃ bhagavaty ayīti

jagāda jṛmbhodgama-gadgadaṃ saḥ

Note: Govinda-līlāmṛtam 2.25

ā-pāda-śīrṣam atha pāṇi-talābhimarśe-

nāvyādajo 'ṅghrim iti mantram udāharantī

saṃrakṣya tūrṇam akhilāṅgam athordhva-dṛṣṭyā

kiñcit sa-kāku-bharam arthayate sma rājñī

Note: Kṛṣṇa-bhāvanāmṛtam 3.35

devādhideva! bhavataiva cirāt suto 'yaṃ

dattaḥ sva-bandhu-jana-jīvanatām upetaḥ

pālyo 'pi nātha! bhavataiva kṛpā-bhareṇa

svenaiva kām apacitiṃ tava vedmi kartum

Note: Kṛṣṇa-bhāvanāmṛtam 3.36

ārātrikeṇa maṇi-maṅgala-dīpa-bhājā

vibhrājitena jita-saubhagavat samājāḥ

ādhāya paṇi-sarasī-ruhayor mudāsya-

nīrājanaṃ vidadhire'sya kumāra-dāsyaḥ

Note: Kṛṣṇāhnika-kaumudī 2.8

uṣṇīṣa-bandha-sumanojñatamottamāṅgāḥ
pāthoja-keśara-susaurabha-sundarāṅgāḥ
śyāmāḥ sitāś ca haritā aruṇāś ca pītā
ye ke'pi ke'pi mahanīya-guṇaiḥ parītāḥ
tair eva kevala-sukhānubhava-svarūpair
naisargikānudina-divya-kumāra-rūpaiḥ
dāsī-gaṇair api ca dāsa-gaṇair udāraiḥ
sevā vyadhāyi vividhāsya vilola-hāraiḥ
Note: Kṛṣṇāhnika-kaumudī 2.9-10

paryaṅkataḥ samadhiruhya maṇī-catuṣkaṃ

śrī-pāda-pīṭha-mahasā vilasad-vapuṣkam

cārūpaviṣṭam atihṛṣṭa-hṛdo gṛhītvā

cārūpacāram atha bhejur amī militvā

Note: Kṛṣṇāhnika-kaumudī 2.11

tair āhitāṃ karatale vinidhāya dhārāṃ

karpūra-saurabhavatām aticāru-vārām

gaṇḍūṣa-puram upakptas utthopajoṣaṃ

kṛṣṇaḥ śanair abhiṣiṣeca mukhābja-koṣam

Note: Kṛṣṇāhnika-kaumudī 2.12

āmṛjya cāru-mṛdu-sūkṣma-balakṣa-vāsaḥ-

khaṇḍena pāṇi-vadanaṃ nirupādhi-hāsaḥ

tair āhitaṃ karatale mṛdu danta-kāṣṭhaṃ

pratyagrahīn mradimaniṣṭham atho laghiṣṭham

Note: Kṛṣṇāhnika-kaumudī 2.13

kalpa-drumasya mṛdunā vi apena tena

ratnāṅgulīyaka-mahobhir alaṅkṛtena

dantāvaliṃ vihita-vīkṣaka-netra-harṣam

ālola-kuṇḍala-yugaṃ śanakair jagharṣa

Note: Kṛṣṇāhnika-kaumudī 2.14

aṅguṣṭha-tarjanikayor dhṛtayā vitastyā

jihvā-vilekhanikayā maṇi-hemamayyā

rājan maṇīndra-valayaṃ vyalikhan manojñāṃ

tāmbūla-rāga-parabhāgavatīṃ rasa-jñām

Note: Kṛṣṇāhnika-kaumudī 2.15

bhūyaḥ payobhir amalair vadanaṃ nineja

bhūyo mamārja ca kadāpi na codviveja

śrī-darpaṇaṃ kṛta-samarpaṇa-cañcalākṣi-

lakṣmyā cakāra mukha-dhāvana-śuddhi-sākṣi

Note: Kṛṣṇāhnika-kaumudī 2.16

māṇikya-kaṅkatikayā kara-padma-koṣaṃ

samprāptayā valaya-kaṅkati-cāru-ghoṣam

keśa-prasādhanam athānabhisandhi-hāsī-

bhūtānanā vyadhita kāpi kumāra-dāsī

Note: Kṛṣṇāhnika-kaumudī 2.17

naktantanaṃ vasanam asya nirāsya kaścid-

vāso 'ntaraṃ suparidhāpya kalā-vipaścit

uṣṇīṣa-bandham atha mūrdhni babandha pādau

prakṣālya vārbhir abhimṛjya ca vāsarādau

Note: Kṛṣṇāhnika-kaumudī 2.18

gā dogdhum uddhura-dhiyo 'pi vṛthodyamās te

gopā babhūvur atha tarṇaka-maṇḍalāś ca

cūṣanta eva na payaḥ kaṇa-mātram āsām

āpīnato 'dya yad avāpurato viṣeduḥ

Note: Kṛṣṇa-bhāvanāmṛtam 3.44

gāvas tavādhvani dhṛtāśru-bhṛtākṣi-yugmā

na prasravanty apagatān na lihanti vatsān

hambādhvani-dhvanita-dig-valayā vilambaṃ

soḍhuṃ darāpi na hi samprati śaknuvanti

Note: Kṛṣṇa-bhāvanāmṛtam 3.45

ity eva kenacid upetya sa goduhokto

mātṛr nijāsya-dara-hāsya-sudhābhiṣekaiḥ

svānanda-śaṃsibhir asau sukhayan mukhābjaṃ

tāmbūla-rañjitam alaṃ kalayann udasthāt

Note: Kṛṣṇa-bhāvanāmṛtam 3.46

dohaṃ samāpya balabhadra! sahānujas tvaṃ

mallājiraṃ vrajasi cet kuru mā vilambam

nirmañcanaṃ tava bhaje kṣaṇa-mātreva

sārdhaṃ vihṛtya sakhibhir drutam ehi bhoktum

Note: Kṛṣṇa-bhāvanāmṛtam 3.47

śrutveti mātṛ-giram āha harir na mātaḥ

pratyeṣi māṃ yad amum eva vadasy athaivam

śiṣṭo 'graṇīḥ punar amīṣv aham eka eva

no ced amuṣya vaśatāṃ kim uri kariṣye?

Note: Kṛṣṇa-bhāvanāmṛtam 3.48

śiṣṭo yathā tvam asi vatsa! nijātibālyam

ārabhya tat khalu vidanty akhilāḥ purandhryaḥ

yāḥ svālayāpacaya-vedanayā purāsāṃ

phut-kartum āpur iha no katidheti soce

Note: Kṛṣṇa-bhāvanāmṛtam 3.49

saudāminī-tati-vibhā-jayi-dāmanī-dyud

vibhrāji-savya-kara-korakitāravindaḥ

sa grāhita-pramita-kānaka-dohanīko

mātrā tayā sakhi! rayād adhikaṃ vireje

Note: Kṛṣṇa-bhāvanāmṛtam 3.50

stambe-rama-vraja-viḍambi-vilambi-pāda-

vinyāsa-jhañjhana-jhaṇat-kṛta-kiṅkiṇīkaḥ

lolālakāli-maṇi-kuṇḍala-kānti-veṇī-

vīcī-bhara-snapita-vaktra-sudhāṃśu-bimbaḥ

Note: Kṛṣṇa-bhāvanāmṛtam 3.51

pītottarīya-capalelita-keli-nṛtya-

rājad-ghanāṅga-kiraṇocchalanocchrita-śrīḥ

preṅkhola-hāra-paridhi-śrita-kaustubhodyad-

bhānuḥ svanac-caraṇa-bhūṣaṇa-cumbi-dāmā

Note: Kṛṣṇa-bhāvanāmṛtam 3.52

niṣkramya ramya-purataḥ purato 'bhigacchan

yacchan mudaṃ svajananī-jana-locanebhyaḥ

dāsaiḥ pradhāritam avārita-rocir aśnaṃ

tāmbūla-pulakam avāpa sa gopurāgram

Note: Kṛṣṇa-bhāvanāmṛtam 3.53

tad-bāhya-kuṭṭima-ta īm avalambamānaḥ

kā kutra kiṃ kuruta ity anusandadhānaḥ

vyāpārayan nayanam a a-ghaṭāsu narma-

preṣṭhair miladbhir abhitaḥ sa rarāja mitraiḥ

Note: Kṛṣṇa-bhāvanāmṛtam 3.54

tan nirmitānupada-karṇa-kathā-rasajña-

syāsyāmbuje kim api yat-smitam udbabhūva

tasyārtha-jātam api kiṃ vivarītum īśe

ceto 'lir eva tava sakhy anusandadhātu

Note: Kṛṣṇa-bhāvanāmṛtam 3.55

uṣṇīṣa-vakrima-mahāmadhurimṇi tasya

tātkālike kila na kasya mano nyamāṅkṣīt

tatraiva śekharita-kānaka-sūtra-jāla-

rājan-maṇi-dyuti-bharāḥ kim u varṇanīyāḥ

Note: Kṛṣṇa-bhāvanāmṛtam 3.56

taiḥ saurabhaiḥ prasṛmarair anu nūpurādi-

dhvānair balena valabhīm adhirohitābhiḥ

gośāla-vartmani calal lalanāvalībhir

netrāmbujaiḥ sa katidhā nahi pūjyate sma

Note: Kṛṣṇa-bhāvanāmṛtam 3.57

tat-tad-vilāsa-balitā suṣamā-rasālā

preṣṭhasya sā madhurikā pariveśyamānā

vaiśleṣika-jvaram aśīśamad apy athāsyās

tene ca taṃ śata-guṇaṃ tṛṣam edhayantī

Note: Kṛṣṇa-bhāvanāmṛtam 3.58

harṣonnatiḥ stimitatāṃ śravasor vyatānīt

tarṣottha-saṃjvarabharas tu dṛśor viveśa

ākasmikī nirupamā prativeśi-sampat

tāpaṃ tanoti sahavāsa-bhṛtāṃ sadaiva

Note: Kṛṣṇa-bhāvanāmṛtam 3.59

prāhānurāga-parabhāgavatī tataḥ sā

tā eva cāru-mukhi! dhanyatamā ramaṇyaḥ

yāḥ khelayanti satataṃ sudṛśas tadīya-

lāvaṇya-keli-jaladhau kala-dhauta-gātryaḥ

Note: Kṛṣṇa-bhāvanāmṛtam 3.60

janmaiva hanta kim abhūn mama gokule'smiṃs

tan mādhurīṃ na yad urī-kurute kadāpi

tat śyāmale'ticapale hṛdi leśa-mātrī

no sambhaved iha bhave dhṛtir ity avehi

Note: Kṛṣṇa-bhāvanāmṛtam 3.61

śyāmāha yāmi! lalite! śṛṇu yāmi gehaṃ

sampraty amūṃ prati mamāstu girāṃ virāmaḥ

tvaṃ padminīṃ vraja-purandara-sadmanīmāṃ

kṛṣṇekṣaṇālini samarpaya baddha-tṛṣṇe

Note: Kṛṣṇa-bhāvanāmṛtam 3.62

priya-viraha-vihastā srasta-dhīḥ sā tadānīṃ
kṣaṇam api yuga-kalpaṃ kalpayantī babhūva
yad akhilam api kṛtyaṃ kāritā kiṅkarībhiḥ
samaya-vihitam eko 'bhyāsa evātra hetuḥ

atha nikhila-sakhīnāṃ svālibhiḥ snāpitānāṃ

dhṛta-samucita-vastrālaṅkṛtīnāṃ tatiḥ sā

mathita-śarad-udañcac-candrikā-sindhu-jātāṃ

śriyam api nija-pādāmbhoja-bhāsā vijigye

Note: Kṛṣṇa-bhāvanāmṛtam 3.64

kācin maṇīndramayam āsanam ājahāra

śrī-pāda-pīṭham aparā tad adho dadhāra

kāpy ānayad vadana-dhāvana-bhājanāni

kāpy ādadhe daśana-śodhana-sādhanāni

Note: Kṛṣṇāhnika-kaumudī 2.48

utthāya talpa-talataḥ kanakāsana-sthā

nidrāvasāna-vigalan-niyata-vyavasthā

sā pāda-pīṭham adhi datta-padāravindā

babhrāja sat-parijanair vihitābhinandā

Note: Kṛṣṇāhnika-kaumudī 2.49

bhṛṅgāra-nāla-śikhareṇa samarpitābhiḥ
sandhāya vaktra-vivare culukī-kṛtābhiḥ
tat-saurabhasya rabhasādhika-saurabhābhiḥ
śrī-pāṇi-padma-tala-saṅgama-lohitābhiḥ
nikṣepaṇe priya-sakhī-karayoḥ kṛtābhiḥ
karpūra-pūra-rajasā'bhisuvāsitābhiḥ!
vyāptālibhiḥ sakala-keli-kalā-suhṛdbhiḥ
sā sādhu śodhitavatī mukha-padmamadbhiḥ
Note: Kṛṣṇāhnika-kaumudī 2.50-51

kara-talād asakṛc-culukī-kṛtaṃ

salilam ā-rada-tālv anu cālitam

cala-kapola-yugonnati-mañjula-

dhvani-bhṛtaṃ nibhṛtaṃ kṣipati sma sā

Note: Kṛṣṇa-bhāvanāmṛtam 4.2

visṛmarān alakān kiratī śirasy

upari savya-karāṅguli-ghaṭ anaiḥ

alika-gaṇḍa-dṛg-ādy atha sāmita-

dyutim itaṃ timitaṃ trir adīdhavat

Note: Kṛṣṇa-bhāvanāmṛtam 4.3

vi apikāṃ dyutaros tata-rociṣaṃ

rada-hitāṃ nihitāṃ sva-vayasyayā

mukulitāmbujatāṃ bhajatāñjasā

mṛdutareṇa kareṇa sudṛg dadhe

Note: Kṛṣṇa-bhāvanāmṛtam 4.4

pratisarodita-dolanam asvanad-

valayam uccala-kuṇḍalam etayā

vyadhita sā mṛjatī radanāṃś chaviṃ

kaṇavad ucchalitāṃ lalitāṃ śritān

Note: Kṛṣṇa-bhāvanāmṛtam 4.5

atha dadhe sudatī dhanur-ākṛtiṃ

maṇimayīṃ rasanā-pariṇejinīm

mṛdula-pāṇi-yugāṅguli-yugmakāṃ

sahacarī-karato 'dara-toṣataḥ

Note: Kṛṣṇa-bhāvanāmṛtam 4.6

navadalopamitāṃ rasanāṃ mṛjaty

atha tayā nata-kampita-mastakam

mukham iyaṃ skhalitair alakair vṛtaṃ

vidadhatī dadhatī smitam ābabhau

Note: Kṛṣṇa-bhāvanāmṛtam 4.7

niraṇijad bahir-antaram apy araṃ

mukha-vidhor atha dhauta-kara-dvayā

parijanārpita-mañjula-vāsasā

jala-kaṇāpanayaṃ sanayaṃ vyadhāt

Note: Kṛṣṇa-bhāvanāmṛtam 4.8

sahacarī-vidhṛte maṇi-darpaṇe

tad-abhinandana-sākṣiṇi vīkṣya sā

smita-sudhābhir adhāvayad ānanaṃ

priyatama-kṣaṇa-lakṣaṇa-lakṣakam

Note: Kṛṣṇa-bhāvanāmṛtam 4.9

tasya dohādikāṃ kriyāṃ
dṛṣṭāgatā kalāvatī
jagādātha tad-abhyarṇe
paramollāsa-saṃyutā

gopālo 'pi sva-gośālaṃ

sarāma-madhumaṅgalaḥ

sakāvya-gīṣpatiḥ sāyaṃ

śaśī-vāmbaram āviśat

Note: Govinda-līlāmṛtam 2.37

dadhāra dyuṣadāṃ rāmo

dhavalāvali-veṣṭitaḥ

kailāsa-gaṇḍa-śailālī-

madhyasthairāvata-bhramam

Note: Govinda-līlāmṛtam 2.38

madhye'cyuto 'ñcan dhavalāvalīnām

udānanānāṃ paritaḥ sthitānām

dadhau janānāṃ sphū a-puṇḍarīka-

śreṇy-antar-añcad-bhramara-bhramaṃ saḥ

Note: Govinda-līlāmṛtam 2.39

hihī gaṅge! godāvari! śabali! kālindi! dhavale!

hihī dhūmre! tūṅgi! bhramari! yamune! haṃsi! kamale!

hihī rambhe! campe! kariṇi! hariṇīti vraja-vidhur

muhur nāma-grāhaṃ nikhila-surabhīr āhvayad asau

Note: Govinda-līlāmṛtam 2.40

nyastāṅgaḥ prapadopari praghaṭayan jānu-dvaye dohanīṃ

kāścid dogdhi payaḥ svayaṃ tv atha parāḥ svair dohayaty unmukhīḥ

anyāḥ pāyayati svatarṇaka-gaṇān kaṇḍūyanaiḥ prīṇayann

itthaṃ nanda-sutaḥ prage svasurabhīr ānandayan nandati

Note: Govinda-līlāmṛtam 2.41

pādāgre kṛta-pādukaṃ trika-samullāsollasat-pārṣṇikaṃ

madhye nyasya ghaṭīṃ pa onnam anataḥ prodyat tviṣor jānunoḥ

gotunda-vyatiṣaṅga-sundara-dara-kṣobha-ślathoṣṇīṣakaṃ

pāṇibhyāṃ krama-kuḍmalāṅguli-pu aṃ gāṃ dogdhi dugdhaṃ hariḥ

Note: Ānanda-vṛndāvana-campuḥ 11.88

vatsād apy adhika-priyo bhagavataḥ pāṇy-ambuja-sparśana-

sneha-srāvi-payaḥ-payodhara-pu ā gaur duhyamānā svayam

dhārābhiḥ sugabhīra-ghoṣa-gahanam āpūrya sā dohanīṃ

dohany antaram eti yāvad avanīṃ tāvat samāpupluvat

Note: Ānanda-vṛndāvana-campuḥ 11.90

aṅguṣṭhāgrima-yantritāṅgulir asau pādārddha-nīruddha-bhūr

āpīnāñcala-mardayann iha puro dvitraiḥ payo-bindhubhiḥ

nyag-jānu-dvaya-madhya-yantrita-ghaṭī-vaktrāntare praskhalad-

dhārā-dhvāna-manoharaṃ sakhi! payo gāṃ dogdhi dāmodaraḥ

Note: Padyāvalī 2.62

śṛṇvantīṃ bhāva-vaivaśyād
vismṛta-snāpana-kriyām
lavaṅga-mañjarī sadyo
juhāva vyagra-mānasā

tatra kāñcanamaye mṛdu-pīṭhe

cīna-cela-pihite viniviṣṭām

sevane parijanā nipuṇā drāk

tām upāyana-karāḥ parivavruḥ

Note: Govinda-līlāmṛtam 2.65

sāvātārayad-ābharaṇa-nicayaṃ

lalitā svasakhī-tanutaḥ sadayam

kanaka-vratater iva sapraṇayaṃ

pallava-kusuma-stavaka-pracayam

Note: Govinda-līlāmṛtam 2.60

āmṛjya cela-śakalena tanūttamena

sarvāṅgam aṅkitam anaṅga-raṇāṅkakena

abhyaṅga-saṅgi-vasanaṃ paridhāpya naktaṃ

vāso 'bhyamūmucad anuttama-gandha-yuktam

Note: Kṛṣṇāhnika-kaumudī 2.55

ākṛṣya mugdham avaguṇṭhanam uttamāṅgād

unmocya kuntala-tatīḥ sughanottamāṅgāḥ

ratna-prasādhanikayā cala-kaṅkaṇāliḥ

saprema sādaram aśūśudhad uttamāliḥ

Note: Kṛṣṇāhnika-kaumudī 2.54

prakṣālya pāda-yugalaṃ mukuraṃ purastād

ādarśya kācana kalā-kuśalatva-śastā

tailena satsurabhiṇā lasatāruṇimnā-

bhyānañja kañja-vadanāṃ praṇayena bhūmnā

Note: Kṛṣṇāhnika-kaumudī 2.56

aṅgād yato yata udasyati cāru-celaṃ

tat-tan-nirīkṣya hriyam ṛcchati sānuvelam

tenāktam aktam avadhāya sakhīyam aṅgaṃ

tasyāḥ pyadhāt tad-akhilaṃ kṛta-hrī-vibhaṅgam

Note: Kṛṣṇāhnika-kaumudī 2.57

abhyajya rajyad-atiśuddha-hṛdo vayasyā

āpāda-mūrdha-kṛta-mardanam aṅgam asyāḥ

udvartanaṃ vidadhire ghanasāra-pūrṇaiḥ

kastūrikā-ghusṛṇa-candana-cāru-cūrṇaiḥ

Note: Kṛṣṇāhnika-kaumudī 2.58

gandhānubandhi-vimalāmalakī-kaṣāyaiḥ

keśān vighṛṣya katamā vividhair upāyaiḥ

bhṛṅgāra-nāla-galitair lalitaiḥ kabandhair

ukṣāṃ cakāra sahaja-praṇayānubandhaiḥ

Note: Kṛṣṇāhnika-kaumudī 2.59

kālocitena ghanasāra-suvāsitena

nānā-maṇīśvara-ghaṭī-ghaṭayā bhṛtena

dvābhyāṃ śanair ubhayataḥ pratipāditena

dve pārśvayoḥ siṣicatuḥ sumukhīṃ jalena

Note: Kṛṣṇāhnika-kaumudī 2.60

saṃveṣṭya cāru-cikurān sicayena bāḍhaṃ

niṣpīḍya bhūri galad-ambu nigālya gāḍham

bhūyaḥ prasārya calad-aṅgulibhir vikīrya

bhūyo babandha katamā sicayaṃ vitīrya

Note: Kṛṣṇāhnika-kaumudī 2.61

kācin mukhendum aparā gala-mūlam anyā

karṇau mamārja mṛdunā vasanena dhanyā

vakṣo visāri katamā katamā ca pṛṣṭhaṃ

bāhu-dvayaṃ ca katamā suṣamā-variṣṭham

Note: Kṛṣṇāhnika-kaumudī 2.62

saṃveṣṭya śuṣka-vasanena nirāsanīyaṃ

śroṇyā jahāra vigalaj-jalam antarīyam

āmṛjya pāṇi-yugalena śanair udāram

arddhorukaṃ kaṭi-taṭe ghaṭayāṃ cakāra

Note: Kṛṣṇāhnika-kaumudī 2.63

āmṛṣṭayor vara-payodharayor alolaṃ

kācit kalāsu kuśalātha babandha colam

pa āṃśukena racitaṃ sva-sakhī-janena

nānā-vidhātiśaya-śilpa-viśāradena

Note: Kṛṣṇāhnika-kaumudī 2.64

tasyopari pratanu śoṇataraṃ suvīci-

caṇḍātakād udayad uccala-sanmarīci

śrī-pāda-padma-nakha-candra-cayāgra-cumbi

celaṃ babandha tapanīya-guṇānubandhi

Note: Kṛṣṇāhnika-kaumudī 2.65

lamba-pralamba-yugalena supaṭṭa-dāmnā

muktā-maṇīndra-mahasā vilasad-garimṇā

ākuñcana-krama-vaśāt kamalānukārāṃ

jagrantha nīvim abhinābhi suśilpa-sārām

Note: Kṛṣṇāhnika-kaumudī 2.66

kanaka-bindumatī nava-śā ikā

ghana-rucis tad-upary atididyute

yad-abhiveṣṭanam eva mukunda-dṛṅ

niranurodhana-rodhanam ucyate

Note: Kṛṣṇa-bhāvanāmṛtam 4.35

ārohya tām atha mahāmaṇi-pīṭha-pṛṣṭhe

vistāritātimṛdu-cela-kṛta-pratiṣṭhe

prakṣālya pāda-kamala-dvitayaṃ satoṣāḥ

sakhyo vyadhur vividha-maṅgala-veṣa-bhūṣāḥ

Note: Kṛṣṇāhnika-kaumudī 2.67

bhūyaḥ prasārya bahuśo bahuśaḥ prasādhya

ratna-prasādha-nikayāṅgulibhir viśodhya

kālāguru-prabhava-dhūpa-dhurā-pracāram

ālī-janaḥ kaca-bharaṃ surabhī-cakāra

Note: Kṛṣṇāhnika-kaumudī 2.68

snānād ṛjuṃ sad-alakālim arālayitvā

kastūrikābhir alike tilakaṃ likhitvā

sindūra-bindu-rucire'kṛta bālapāśyāṃ

sīmanta-sīmani maṇīndra-mayūkha-rasyām

Note: Kṛṣṇāhnika-kaumudī 2.69

kastūrī-patravallī-samudaya-khacitaṃ pārśvayor ākapolaṃ

bhāle śrīkhaṇḍa-bindūtkara-vṛtam abhitaḥ kāma-yantrābhidhānam

antaḥ kastūrikodyan-malayaja-śaśabhṛl-lekhayādhaścitaṃ sā

cakre sīmanta-rekhānvitam atha tilakaṃ sāndra-sindūra-paṅkaiḥ

Note: Govinda-līlāmṛtam 2.77

maulau babandha katamā sumaṇi-pravekaṃ

sanmālatī-kusuma-garbhaka-kānti-sekam

dhammillam ullasita-lohita-paṭṭa-dāmnā

lamba-pralamba-yugalena maṇīndra-dhāmnā

Note: Kṛṣṇāhnika-kaumudī 2.70

sūkṣmordhva-randhra-gata-hema-śalākikāyā

mūlāgra-saṅga-lalite vidadhe sukāyā

śrī-cakrikā-bakulike śruti-madhya-deśe

ratna-prabhā-bhara-dhurā vihitopadeśe

Note: Kṛṣṇāhnika-kaumudī 2.71

muktākalāpa-kalayā lalita-prakāśyāṃ

kācid vyadhād alaka-sīmani patrapāśyām

kācin maṇīndramaya-kuṇḍalam atyudāram

ekaikaśaḥ śruti-yuge ghaṭayāṃ cakāra

Note: Kṛṣṇāhnika-kaumudī 2.72

kācid vibhūṣya nayane dalitāñjanena

smārau śarāv iva nighṛṣṭa-rasāñjanena

nāsāpasavya-pu ake vitatāra muktāṃ

netrāñjanādhara-vibhā-bhara-nīla-raktām

Note: Kṛṣṇāhnika-kaumudī 2.73

makarike likhatī mṛdu-gaṇḍayor

makara-ketanam āhvayad eva sā

yam adharāruṇa-pallavam arpayan

rasamaye samaye harir arcayet

Note: Kṛṣṇa-bhāvanāmṛtam 4.68

rucira-cibuka-madhye ratna-rājac-chalākā-

kalita-kara-viśākhā-nirmito 'syāś cakāsti

nava-mṛga-mada-binduḥ śobhayan śrī-mukhenduṃ

bhramara iva dalāgre sanniviṣṭaḥ sarojam

Note: Govinda-līlāmṛtam 2.83

karpūrāguru-kāśmīra-

paṅka-miśrita-candanaiḥ

samālipya viśākhā'syāḥ

pṛṣṭhaṃ bāhu-kucāv uraḥ

Note: Govinda-līlāmṛtam 2.76

puṣpa-gucchendulekhābja-

makarī-cūta-pallavam

lilekha citraṃ kastūryā

citrā tat-kucayos taṭe

Note: Govinda-līlāmṛtam 2.78

mīnī-prasūna-nava-pallava-candralekhā-

vyājāt svacihna-śara-kunta-dhanūṃṣi kāmaḥ

tad-bhrū-dhanur-dhuvana-mātra-nirasta-karmā

manye nyadhatta nija-tat-kuca-koṣa-gehe

Note: Govinda-līlāmṛtam 2.79

citrārpitāneka-vicitra-ratna-

muktācitā rakta-dukūla-colī

kucau bha-jālendra-dhanur-vicitrā

tastāra śailāv iva sāndhya-kāntiḥ

Note: Govinda-līlāmṛtam 2.80

upari khacita-nānā-ratna-jālaiḥ sphuranta
vimala-pura a-patryā kaṇṭham asyā viśākhā
hari-kara-dara-cihna-śrī-haraṃ puṣkarākṣyāḥ
sapadi hari-bhiyeva chādayāmāsa madhye
vajrācitākhaṇḍala-ratna-citra-
susthūla-madhyo guṇa-baddha-cañcuḥ
lalāsa tasyā upakaṇṭha-kūpaṃ
dattas tayā hā aka-citra-haṃsaḥ
Note: Govinda-līlāmṛtam 2.86-87

suvarṇa-golī-yuga-madhyagollasan

masāra-golī-gilito 'ntarāntarā

susūkṣma-muktāvali-gumphitas tayā

nyayoji hāro hṛdi gostanābhidhaḥ

Note: Govinda-līlāmṛtam 2.88

masāra-candropala-padmarāga-

suvarṇa-golī-grathitāntarālaiḥ

muktā-pravālaiḥ parigumphitāṃ sā

ratna-srajaṃ tad-dhṛdaye yuyoja

Note: Govinda-līlāmṛtam 2.89

vaidūrya-yugmācita-hema-dhātrikā-

bījā-bha-golī-gilito 'ntarāntarā

vicitra-muktāvali-citra-gucchako

rarāja tasyā hṛdaye'rpitas tayā

Note: Govinda-līlāmṛtam 2.90

rāse niśīthe saha-nṛtya-gāna-

tuṣṭena dattāṃ hariṇā svakaṇṭhāt

tasyaiva sākṣād iva rāja-lakṣmīṃ

guñjāvalīṃ tad-dhṛdi sā yuyoja

Note: Govinda-līlāmṛtam 2.91

sthūla-tārāvalī-ramyā

san-nāyaka-vibhūṣitā

tasyā ekāvalī-jyotsnī

hṛd-ambaram amaṇḍayat

Note: Govinda-līlāmṛtam 2.92

kanaka-khacita-vajrair veṣṭitaiḥ padmarāgaiś

cita-harimaṇi-pūrṇābhyantarā śātakaumbhī

pratanu-pura a-rājac-chṛṅkhalālambamānā

lasati hṛdi viśākhā-yojitāsyāś catuṣkī

Note: Govinda-līlāmṛtam 2.93

ālī-janair maṇḍana-keli-kāle

vibhūṣyamāṇā vṛṣabhānu-putrī

urogate nīlamaṇīndra-hāre

svinnā sakampā pulakākulāsīt

Note: Alaṅkāra-kaustubha 5.73

pṛṣṭhāntaḥ krama-lambamānam amalaṃ grīvānta-hārāvalī-

vī ī-bandhana-paṭṭa-sūtra-camarī-jālaṃ tadāsyā babhau

manye cāru-nitamba-śailaka akān mūrdhnādhirohārthakaṃ

sopānaṃ vidhinā kṛtaṃ karuṇayā veṇī-bhujaṅgyāḥ sphuṭam

Note: Govinda-līlāmṛtam 2.94

madhye-pragaṇḍam atulāṅgadam-unmaṇīni

madhye-prakoṣṭham atulāni ca kaṅkaṇāni

tat-sīmni kāpya-kṛta maṅgala-paṭṭa-sūtraṃ

ratna-prakāśi maṇi-bandha-rucāticitram

Note: Kṛṣṇāhnika-kaumudī 2.75

muktāvalī-khacita-hā aka-kaṅkaṇābhyāṃ

saṃveṣṭitaḥ sa valayāvali-sanniveśaḥ

bimbair-vidhor-milita-bhāskara-maṇḍalābhyāṃ

tasyāś cakāsti nitarām iva saiṃhikeyaḥ

Note: Govinda-līlāmṛtam 2.97

nija-nāmāṅkitā nānā-

ratna-dyuti-karambitā

babhāv aṅguli-mudrāsyā

vipakṣa-mada-mardanī

Note: Govinda-līlāmṛtam 2.99

tundāntike maṇi-vinirmita-tunda-bandhaṃ

kāñcī-guṇaṃ ca tad adho maṇi-vṛnda-bandham

pādāṅgulīṣu vara-ratnamayormikālīm

ā-gulpham ādhṛta suhaṃsaka-yugmam ālī

Note: Kṛṣṇāhnika-kaumudī 2.77

nakha-śikhāṅghritalādy uru-śoṇimāpy

ahaha yāvaka-rañjitatām agāt

bhavati kiṃ dara-dīpaja-rociṣā

dina-kṛto na kṛto manujair mahaḥ

Note: Kṛṣṇa-bhāvanāmṛtam 4.96

anyā kācid āha-
vṛthā'kṛthā yāvakam aṅghri-paṅkaje
sva eva rāgo 'sya dṛśāṃ rasāyanaḥ |
kintv eka evāsti guṇo 'sya rādhike
yaḥ keśavasyāpi ca keśa-rañjanaḥ ||
Note: Alaṅkāra-kaustubha 5.63

mañjīra-yugmam atimañjula-ratna-siddhaṃ

pādāmbujopari cakāra ca kāpi baddham

tat-tat-svaśilpa-kuśalatva-nidarśanāya

kācin maṇīndra-mukuraṃ purato nināya

Note: Kṛṣṇāhnika-kaumudī 2.78

asyā nyadhād uṣasi narmadayā svasakhyā

mālākṛtas tanujayopahṛtaṃ viśākhā

smerāravinda-vadanātha karāravinde

līlāravindam aravinda-vilocanāyāḥ

Note: Govinda-līlāmṛtam 2.103

sā kṛṣṇa-netra-kutukocita-rūpa-veśaṃ

varṣmāvalokya mukure pratibimbitaṃ svam

kṛṣṇopasatti-taralāsa varāṅganānāṃ

kāntāvalokana-phalo hi viśeṣa-veṣaḥ

Note: Govinda-līlāmṛtam 2.105

malla-līlādikaṃ tasya
tan-madhye sakhibhiḥ saha
vilokyaiva hiraṇyāṅgī
tām āyātāvadad drutam

godohanād atha viramya sa ramya-līlaiḥ

sārdhaṃ nija-priya-sakhaiḥ svasamāna-śīlaiḥ

abhyāyayau kutuka-malla-vilāsa-nityā-

bhyāsālayaṃ maṇimayaṃ sakalaikamatyā

Note: Kṛṣṇāhnika-kaumudī 2.20

pratyekam eva sakhibhiḥ savayobhir etair

malla-kriyām atha bhujābhuji vīta-bhītaiḥ

svasvaujasaḥ prakaṭanena saroṣa-darpaiś

cakre'pasarpa-parisarpa-visarpa-sarpaiḥ

Note: Kṛṣṇāhnika-kaumudī 2.21

viśramya kiñcid atha sañcita-puṇya-vṛndais

tair eva kaiścana mahāguṇa-vṛkṣa-kandaiḥ

abhyañjanārtham anurañjana-mañju-hāsair

abhyaṅga-maṅgala-gṛhaṃ praviveśa dāsaiḥ

Note: Kṛṣṇāhnika-kaumudī 2.22

nānā-prabandha-bahubandha-vidhau vidagdhair

abhyaṅga-maṅgala-viśeṣa-kalāsu mugdhaiḥ

tailena sādhu śubha-gandha-subāndhavena

prārambhi yat tad urarīkṛtam apy anena

Note: Kṛṣṇāhnika-kaumudī 2.23

āpāda-mastakam anasta-samasta-bhāgyais

tailena taiḥ priya-samāja-sabhāja-yogyaiḥ

nātiślathaṃ ca na dṛḍhaṃ ca sumaṅgalāni

prītyā ciraṃ mamṛdire'tha tad aṅgakāni

Note: Kṛṣṇāhnika-kaumudī 2.24

te kauṅkumena rajasā ghanasāra-cūrṇaiḥ

pūrṇena cāru-mṛdunā paripeṣa-śīrṇaiḥ

vimlāna-bhāvam atha taila-kṛtaṃ harantaḥ

kṛṣṇasya tān avayavān udavartayanta

Note: Kṛṣṇāhnika-kaumudī 2.25

kenocitena ghanasāra-suvāsitena

nānāvidha-sphaṭika-hema-ghaṭī-bhṛtena!

keśān kaṣāya-kaṣitān kalayan kumāra-

dāsī-gaṇo 'mbuja-dṛśaṃ snāpayāṃ cakāra

Note: Kṛṣṇāhnika-kaumudī 2.26

kācit kaṣāyita-kacān bahuśaḥ kaṣantī

kācin mṛdūn avayavān mṛdu mārjayantī

bhṛṅgārakeṇa katamā salilaṃ kirantī

lebhetarām atitarām anurāga-kāntī

Note: Kṛṣṇāhnika-kaumudī 2.27

jyotsnābhir nava-nīradaḥ kim athavā śuklena nīlo guṇaḥ
śuddha-sphaṭika-ratna-kānti-salilaiḥ kiṃ vendranīlāṅkuraḥ
muktābhiḥ kim u vā tamāla-taruṇaḥ snātaḥ samudbhrājate
kiṃ vā śyāma-sarojam ujjvala-vidhukṣodair murārer vapuḥ

evaṃ samāpya katame snapanaṃ śubhena

śaṅkhodakena śirasi pratipāditena

aṅgoñchanāṃśukam anekam athopanīya

saṃmārjanaṃ vidadhur asya bhṛśaṃ vinīya

Note: Kṛṣṇāhnika-kaumudī 2.28

ādau sucela-śakalair mṛdulair aśuṣkaiḥ

paścāt krameṇa mamṛjuḥ sita-sūkṣma-śuṣkaiḥ

āpāda-kuntala-bharam pratisandhi-sandhi

te mārjanaṃ vidadhire praṇayānubandhi

Note: Kṛṣṇāhnika-kaumudī 2.29

kaścit kacān gata-jalān dvividhena vāsaḥ-

khaṇḍena sādhu vidadhe mṛdu-manda-hāsaḥ

kaścit paṭuḥ kaṭita ād galad ambu-celaṃ

celāntareṇa vinināya kṛtāvahelam

Note: Kṛṣṇāhnika-kaumudī 2.30

kenāpi nūtanam atitvarayopanītaṃ

kauṣeya-cela-yugalaṃ druta-hema-pītam

kenāpi pāṇi-kamale kramataḥ pradattam

utsārya pūrva-paṭam āśu sa paryadhatta

Note: Kṛṣṇāhnika-kaumudī 2.31

tasyāsthitasya ramaṇīya-maṇī-catuṣkaṃ

prakṣālitāṅghri-kamalasya lasad-vapuṣkam

paścād-gatena katamena kumāra-bhṛtye-

nāsevi kuntala-bharaḥ kuśalena kṛtye

Note: Kṛṣṇāhnika-kaumudī 2.32

bhūyaḥ prasārya parimṛjya muhuḥ prasādhya

ratna-prasādhanikayā bahuśo viśodhya

āvṛtya cela-śakalena satā dviphāla-

baddhaḥ sa kuntala-bharaḥ prabhayā paphāla

Note: Kṛṣṇāhnika-kaumudī 2.33

anyonya-pālana-kṛtā kaca-mecakimnā

sūkṣmātisūkṣma-vasanasya ca pāṇḍarimṇā

nirmoka-moka-parabhogi-nibho 'sya keśa-

vinyāsa eṣa na hi kasya dṛśor viveśa

Note: Kṛṣṇāhnika-kaumudī 2.34

snānād-ṛjūn sad-alakān atha kuñcayitvā

cāru-svabhāva-ku ilān api rañjayitvā

bhāle lilekha tilakaṃ śaśi-maṇḍalābhaṃ

śrīkhaṇḍa-kuṅkuma-rasena sujāta-śobham

Note: Kṛṣṇāhnika-kaumudī 2.35

gārutmatendramaṇi-hīraka-padmarāga-

pradyotanaṃ vidhurayantyam ivāpy anāgaḥ

anya-prabhāva-raṇakāri-mayūkha-sāndraṃ

śrī-kaustubhābhidham adhatta mahā-maṇīndram

Note: Kṛṣṇāhnika-kaumudī 2.36

sthūlena mauktika-phala-prakareṇa kptān

hārān dadhāra gir-agocaratām avāptān

kañcid viśālatara-vakṣasi nābhikūle

kañcit pralambam atha kañcana jānu-mūle

Note: Kṛṣṇāhnika-kaumudī 2.37

śrī-kuṇḍale maṇimaye makarānukāre

kānti-prabhākṛta-kapola-mahaḥ-pracāre

śrī-karṇayor upanināya jaloparuddhe

snānotsavena virahayya sa pūrva-siddhe

Note: Kṛṣṇāhnika-kaumudī 2.38

sat-paṭṭa-sūtra-kṛta-mañjutara-pralambau

sad-ratna-paṭṭamaya-maṅgala-sūtra-cumbau

gārutmatādi-nava-ratnaja-bāhu-bandhau

kaścid babandha valayau maṇi-bandha-sandhau

Note: Kṛṣṇāhnika-kaumudī 2.39

divyāṅgulīyakam udāram anāmikāyāṃ

tat-padmarāga-mahasāṃ pariṇāmikāyām

pṛṣṭhopasanna-maṇimudram avarjanīyaṃ

datte sma kaścid adhi-tarjani rañjanīyam

Note: Kṛṣṇāhnika-kaumudī 2.40

nānā-maṇīndra-ghaṭayā ghaṭitānubandhaṃ

pītāṃśukodara-ta īm anu tunda-bandham

māṇikya-kiṅkiṇi-guṇaṃ ca ka īra-mūle

kaścid babandha paridhatta-lasad-dukūle

Note: Kṛṣṇāhnika-kaumudī 2.41

pādāmbujopari maṇīndra-ghaṭānukptaṃ

mañjīra-yugmakam atho nakha-candra-dīptam

ādhāya ko 'pi maṇi-darpaṇam atyudāram

āsyendu-bimbam adhi saspṛham ādadhāra

Note: Kṛṣṇāhnika-kaumudī 2.42

atrāntare vraja-purandara-sannideśam

ādāya kaścana tad asya gṛhaṃ viveśa

ūce ca kṛṣṇa! janakasya girā bahubhyas

tvaṃ dātum arhasi gavām ayutaṃ dvijebhyaḥ

Note: Kṛṣṇāhnika-kaumudī 2.43

śrutvā pitur giram asau cikuraṃ nibadhya

pītottarīyam api samyag atho viśodhya

ācamya ramya-vadano guṇa-ratna-sānū

rāmānujaḥ sīvamanasā vitatāra dhenūḥ

Note: Kṛṣṇāhnika-kaumudī 2.44

goṣṭheśvarīpsitatamo rasavat-prapākaḥ

sampādito bhavati yāvad aneka-pākaḥ

tāvan na soḍhum abhiśaktavatī vilambaṃ

sā prāhiṇot kim api bhoktum athāvilambam

Note: Kṛṣṇāhnika-kaumudī 2.45

haiyaṅgavīna-dadhi-dugdha-sarādi-bhakṣyam

etat sameta-ghanasāra-rajo 'bhibhakṣya

ācamya ca priya-sakhāṃsa-kṛtāvalambas

tāmbūlamāda madhurānana-candra-bimbaḥ

Note: Kṛṣṇāhnika-kaumudī 2.46

niśamyemāṃ vārttāṃ pramuditavatī sīdhu-sadṛśīṃ
svayaṃ paktvā yan no tad-aśanam asau kāritavatī
viṣaṇṇā bāṣpāṇāṃ hima-mihikā-bindu-nikaraṃ
mumocevākṣibhyāṃ jalaja-yugataḥ śīkara-kaṇam

atrāntare vrajapurādhipayā'napāya-

vātsalya-kalpa-latayā'tirayān nirdiṣṭā

āgatya kundalatikāntim etad akṣi-

bhṛṅga-pramoda-kṛtaye kṛtinī vyarājīt

Note: Kṛṣṇa-bhāvanāmṛtam 4.109

anyonya-darśana-samudgamana-smitāḍhya-

śastānuyoga-rabhasonnati-sīdhu-vṛṣṭiḥ

sadyo babhūva yata eva tadā tad-āli-

vṛndaṃ nananda sama-sauhṛda-hṛdya-rociḥ

Note: Kṛṣṇa-bhāvanāmṛtam 4.110

vrajapura-parameśvarī-prasādaṃ

mayi sakhi! vyakti tavodayo hy akasmāt

na śiśira-rucinā vinaiva pūrvāṃ

diśam adhi rātri sameti kāpi lakṣmīḥ

Note: Kṛṣṇa-bhāvanāmṛtam 5.1

tad aham anumime nideśa-dambhāt

kim api kṛpāmṛtam eva sā vyatārīt

yad idam anupalabhya yan mamātmā

svam api sakhedam avaity anātmanīnam

Note: Kṛṣṇa-bhāvanāmṛtam 5.2

ajani rasavatī-vidhāpanārthā

rasavati! te gatir ity avaimi nūnam

atha kim itarathā javād ayāsīḥ

prathamato 'nunayanty amūṃ mad-āryām

Note: Kṛṣṇa-bhāvanāmṛtam 5.3

iti sudṛg-uditāmṛtaṃ pibantī

smita-subhagaṃ nijagāda kundavallī

tad ayi sakhi! vidhehi tatra yātrām

akṛta-vilambam itaḥ sahāli-vṛndā

Note: Kṛṣṇa-bhāvanāmṛtam 5.4

kim iha gurujanāvaler anujñā-

grahaṇa-vidhāv aṇumātram asti kaṣṭam

yad atula-dhana-dhenu-dhānya-varṣair

akṛta vaśāṃ svayam eva tāṃ vrajeśā

Note: Kṛṣṇa-bhāvanāmṛtam 5.5

nirupadhi-parama-priyo 'su-koṭer

api nikhilasya janasya goṣṭha-bhājaḥ

vrajapati-tanayaḥ samīhate yat

param iha vipratipattir asti kasya

Note: Kṛṣṇa-bhāvanāmṛtam 5.6

sakhi! kim api na veda tat savitrī

tad atula-rocaka-vastu saṃjighṛkṣuḥ

ucitam anucitaṃ sva-lābha-hānī-

nija-para-bhāva-bhidā yaśo 'yaśo vā

Note: Kṛṣṇa-bhāvanāmṛtam 5.7

pacasi yad api yaś ca tasya bhoktā

sa ca tirayaty amṛtaṃ sadaiva divyam

iti nikhila-pureṣv atiprasiddhis

tava sakhi! kaṃ na camatkaroti bāḍham

Note: Kṛṣṇa-bhāvanāmṛtam 5.8

yad avadhi kalayāṃ babhūva sā tvāṃ

munivara-datta-varāṃ varāmbujākṣi!

tad avadhi tava pāṇi-saṃskṛtānnā-

śana-viratiṃ kvacanāhni nāsya cakre

Note: Kṛṣṇa-bhāvanāmṛtam 5.9

jayati yad atighora-daitya-yūthaṃ

mṛdula-tanuḥ svaparābubhūṣum eṣaḥ

tvad amala-kara-pakva-bhakta-bhukter

aparam iyaṃ manute na hetum atra

Note: Kṛṣṇa-bhāvanāmṛtam 5.10

śṛṇu paramayi tattvam atra rādhe

yad avagataṃ sahasāntaraṃ mayāsyāḥ

pratidinam avalokanaṃ vinā te

śaśi-mukhi! khidyati sā yathā svasūnoḥ

Note: Kṛṣṇa-bhāvanāmṛtam 5.11

sutanur abhidadhe'vadhehi vijñe

sakhi! tad idaṃ na vadasy ayuktam ittham

api tu kulavatīti vāda-bhājāṃ

sphuṭam aparāṅgana-gāmitety ayuktam

Note: Kṛṣṇa-bhāvanāmṛtam 5.12

yad api bata sakhīyaṃ rītir eveha loke
tad api tava vaco no laṅghanīyaṃ kadāpi
anunaya prathamaṃ tāṃ kintu yuktyā hi vṛddhāṃ
parivadati tu yā mām āśu labdhvāpi rāyam

tataḥ sāsādya jaṭilāṃ

snuṣāyāṃ ku ilām api

śrāvayāmāsa sandeśaṃ

vrajeśvaryā vicakṣaṇā

Note: Govinda-līlāmṛtam 3.18

ākarṇya sājñāṃ vrajarāja-rājñyāḥ
kṛṣṇāt snuṣāyām api śaṅkamānā
vicintya śikṣām atha paurṇamāsyās
tāṃ kundavallīṃ praṇayād avādīt
snuṣeyaṃ me sādhvī guṇa-garima-mādhvīka-madhurā
janaś chidrānveṣī sa khalu capalo nanda-tanayaḥ
na cājñāvajñeyā vrajapati-gṛhiṇyā bhagavatī-
vacaḥ pālyaṃ vatse! na ati hṛdayaṃ kiṃ nu karavai!
Note: Govinda-līlāmṛtam 3.19-20

mātaḥ! satyaṃ vadati bhavatī kiṃca gopendra-sūnur

nāyaṃ jñeyaḥ khala-samudayair yādṛśaḥ śrāvito 'sti

kintu prodyad-dyumaṇir iva sad-dharma-padme khalālī-

ghūke cāyaṃ vṛjina-timire ghoṣa-santoṣa-koke

Note: Govinda-līlāmṛtam 3.21

mādhuryaṃ tūnmadayati jagad-yauvataṃ tasya tasmād-

bhītir nītis tava nava-vadhū-pālanaṃ cāpi yuktam

māśaṅkiṣṭhās tad ayati yathā dṛk-pathaṃ nāsya sādhvyāś

chāyāpy asyāḥ svayam aham imāṃ drāk tathā te'rpayāmi

Note: Govinda-līlāmṛtam 3.22

tvaṃ putri! sādhvī prathitāsi goṣṭhe

tvayy arpiteyaṃ saralā vadhūs tat

sa lola-dṛṣṭiḥ kila nanda-sūnur

naināṃ yathā paśyati tad vidheyam

Note: Govinda-līlāmṛtam 3.23

vadhūm athāhūya jagāda vatse

vrajālayān nanda-vadhū-samīpam

niṣpādya tasyāḥ priyam ehi tūrṇaṃ

sahānayaivādya ravis tvayārcyaḥ

Note: Govinda-līlāmṛtam 3.24

rādheti diṣṭā hṛdi sābhinanditā-

py anicchuvad gantum uvāca tāṃ sakhīm

astīha kṛtyaṃ na ca me yiyāsutā

gṛhaṃ gṛhaṃ neṅgati yat kulāṅganā

Note: Govinda-līlāmṛtam 3.25

vrajapati-gṛhiṇī-giraṃ cirābhyar-

thana-vinayānunayānubaddha-mūlām

kati nirasitum atra śaknumas tat

tava bhagavān harir eva rakṣitāstu!

Note: Kṛṣṇa-bhāvanāmṛtam 5.21

avati jagad idaṃ svadharma-pālīḥ

kim iha satīḥ sa jahāti lokanāthaḥ?

iti kila bhavatīṃ tadīya-pāṇau

sumukhi! samarpya nirākulā bhaveyam

Note: Kṛṣṇa-bhāvanāmṛtam 5.22

iti guru-jaratī-girā samudyat-

smita-lava-saṃvṛti-peśalāḥ sakhīḥ svāḥ

vikasad asita-netra-koṇa-bhaṅgyā

kim api nigadya babhūva sāpi tūṣṇīm

Note: Kṛṣṇa-bhāvanāmṛtam 5.23

kṛtāgrahoccaiḥ punar āryayāsau

kaundyā babhāṣe kṛta-hasta-karṣam

bhītāsi kiṃ sādhvy aham asmy avitrī-

ty uccālitā phulla-tanuḥ pratasthe

Note: Govinda-līlāmṛtam 3.26

kṛṣṇasya prātar-āśāya

saṃskṛtaṃ laḍḍukādikam

ādāya lalitā-mukhyāḥ

sakhyo 'py anuyayuḥ sakhīm

Note: Govinda-līlāmṛtam 3.27

atha nija-bhavanād-viniryatī sā

tanu-vasanābharaṇa-cchavi-cchaṭābhiḥ

vyadhita maṇi-vicitra-śātakaumbhīṃ

pura-viśikhāṃ surabhī-kṛtākhilāśā

Note: Kṛṣṇa-bhāvanāmṛtam 5.25

jana-nivaha-gatāgati-pravṛttau

daravimukhī saraṇeḥ śritaika-pārśvā

avanata-dṛg-avācakāsya-padmo-

pari pariguṇṭhana-mādhurī prapede

Note: Kṛṣṇa-bhāvanāmṛtam 5.26

vīkṣyādhvani parānanda-

calad-vakṣaḥ-pa āñcalām

savayasyāṃ kundavallī

premṇā parijahāsa tām

Note: Govinda-līlāmṛtam 3.28

mūlyānītopasaryās tri-catura-divasān proṣya sandhyāgatas te

bhartā gobhiḥ svagoṣṭhe ghaṭayitum akhilāṃ rātrim eva nyavātsīt

vakṣaḥ prodyan nakhāṅkāvali-citam adharaḥ spaṣṭa-danta-kṣato yat

tat sādhvyās te satītvaṃ samucitam adhunā vyaktam ullālasīti

Note: Govinda-līlāmṛtam 3.29

antar-gūḍha-smitotphulla-
kiñcit-kuñcita-locanām
svasakhīṃ lalitālokya
kundavallīm athābravīt
karaka-phala-dhiyāsyāḥ kānane dhṛṣṭa-kīraḥ
stanam anuviniviṣṭaḥ pakva-bimba-bhrameṇa
adaśad adharam uccais tan-nakhāco itaṃ tad-
dhṛdayam idam amuṣyāḥ kiṃ vṛthā śaṅkase tvam
Note: Govinda-līlāmṛtam 3.30-31

sakhī-vacaḥ-smārita-kṛṣṇa-saṅga-
līlocchalat-kampa-taraṅgitāṅgīm
tāṃ vīkṣya padmākaram īkṣamāṇā
jagau punaḥ kundalatā sahāsam
ānanda-kampottaralāsi mugdhe!
kiṃ bho vṛthā padmini! kundavallyāḥ
na devaras tvāṃ madhusūdano 'sau
bhrāmyan punaḥ pāsyati bhukta-muktām
Note: Govinda-līlāmṛtam 3.32-33

karṇa-śarmada-san-narma-
bharma-kuṇḍala-nirmitau
karma hāṃ kundavallīṃ tāṃ
viśākhāha vicakṣaṇā
svene'nurāgaṃ param udvahantī
phullāpi mṛdvī bhramarāt sulolāt
sat-padminīyaṃ sakhi kundavallī-
bhṛṅgānujād bhī-taralā cakampe
Note: Govinda-līlāmṛtam 3.34-35

athānantaram-
kvacana ca pathi nirjane kadācit
sphuṭam itaretara-vāg-vilāsa-raṅgaiḥ
yadi calati tadā kutaḥ kva yāmī-
ty api na hi vedana-gocarī-karoti
Note: Kṛṣṇa-bhāvanāmṛtam 5.27

kṛṣṇānurāgeṇa vihasta-cittām

ānanda-rāśiṃ janayantam eva

sandarśayāmāsa pathi vrajantīṃ

nandīśvaraṃ tāṃ kila tuṅgavidyā

Note: Saṅgraha-kartuḥ

rasāla-panasārjuna-kramuka-nārikelāsanaiḥ
palāśa-va a-parka ī-khadira-bilva-jambvādibhiḥ
madhūka-girimallikā-bakula-nāga-punnāgakair
aśoka-baka-pā alī-kanaka-campakaiś campakaiḥ
tamāla-navamālikā-kanakayūthikā-yūthikā-
kuraṇ aka-lavaṅgikā-damanakātimuktādibhiḥ
api sthalasarojinī-vicakilādibhiḥ kandalī-
priyaṅgu-tulasī-mukhair api vicitra-vīrudgaṇaiḥ
Note: Ānanda-vṛndāvana-campūḥ 1.111, 113

sitāsita-vilohitotpala-saroja-kahlārakai

rathāṅga-baka-sārasaiḥ kurara-haṃsa-kāraṇḍavaiḥ

virājita-taraṅgakair vimala-vāribhir vāpikā-

taḍāga-sarasī-mukhaiḥ parivṛtāni toyāśayaiḥ

Note: Ānanda-vṛndāvana-campūḥ 1.114

hambāravair iha gavām api ballavānāṃ

kolāhalair vividha-vandi-kalāvatāṃ taiḥ

sambhrājate priyatayā vrajarāja-sūnor

govardhanād api gurur vraja-vanditād yaḥ

Note: Vilāpa-kusumāñjaliḥ 60

sakhi! nija-purato vidūram āgā

vrajapati-sadma samīpa-varti vṛttam

tad ayi nayana-cātakābhilāṣaḥ

phalati tavāśv iti samprati pratīhi

Note: Kṛṣṇa-bhāvanāmṛtam 5.28

iti nigadita-mātrataḥ svasakhyā
sapadi savepathu-jāḍya-viplutāṅgīm
prasabham abhidadhāra cetayantī
kim api jagāda ca tāṃ tadaiva kaundī
sumukhi! kim adhunaiva viklavābhūr
nayana-pathāmilite'pi kṛṣṇacandre
avagamam akhilaṃ satītvam āptaṃ
tava savayaḥ sada eva yat pramāṇam
Note: Kṛṣṇa-bhāvanāmṛtam 5.29-30

dhṛtim iha hṛdi dhartum īśiṣe no

yad api tad apy abale! kṣaṇaṃ dadhīthāḥ

giri-yuga-bhara-dhāraṇāya yat te

giridhara eva mayādya yojanīyaḥ

Note: Kṛṣṇa-bhāvanāmṛtam 5.31

giridhara-diśa eva śaṅkayā yā-

jani vidhurādya sakhī mahāsatīyam

parivadasi balād imām avijñe!

tad api niyokṣyasi hā punas tam asyām

Note: Kṛṣṇa-bhāvanāmṛtam 5.32

tvayi muhur iyam arpitāryayā yat

tad ucitam eva vidhitsase'dya bhadram

svam iva sakhi! paraṃ janaṃ na viddhī-

ty uditavatī lalitā punas tayoce

Note: Kṛṣṇa-bhāvanāmṛtam 5.33

alam alam anayā girāvidūre

kalaya puraḥ puratoraṇopakaṇṭhe

sphaṭika-ghaṭita-ratna-citritāsthā-

ny-abhinava-kuṭṭima-gaṃ hṛd-eka-kāmyam

Note: Kṛṣṇa-bhāvanāmṛtam 5.34

sarasam uṣasi dugdha-naicikīkaḥ

saha-savayāḥ kṛta-malla-raṅga-keliḥ

avagata-bhavad-āli-yāna-vārttā-

kṣubhita-hṛdāgata eṣa bhāti paśya

Note: Kṛṣṇa-bhāvanāmṛtam 5.35

vrajapura-lalanā-kulonmadiṣṇu-

karaṇa-paṭu-cchavi-maṇḍalopagūḍhaḥ

madhurima-dhurayaiva kiṃ tribhaṅgī-

kṛta-tanur uccala-dāma-māditālīḥ

Note: Kṛṣṇa-bhāvanāmṛtam 5.36

śrita-mṛdutara-gaṇḍa-kuṇḍalādhyā-

pana-para-tāṇḍava-paṇḍitākṣi-yugmaḥ

pavana-dhuta-paṭāṅga-gaura-nīla-

dyuti-laharī-stimitī-kṛtākhilāśaḥ

Note: Kṛṣṇa-bhāvanāmṛtam 5.37

priya-sakha-bhuja-śīrṣṇi rājad udyat-

karikara-nindaka-dhāma-vāma-bāhuḥ

nija-ruci-vijitābja-ghūrṇanaika-

vyasana-vaśetara-pāṇir eṣa īṣṭe

Note: Kṛṣṇa-bhāvanāmṛtam 5.38

iti giram atha rūpa-mādhurīṃ tāṃ

yadi caṣakī-kṛta-karṇa-netra-yugmā!

apivad adara-mohatas tadā tat

prasṛmara-saurabham āśv abodhayat tām

Note: Kṛṣṇa-bhāvanāmṛtam 5.39

pulaka-nivaha-kampa-sampad-aśru-

sruti-kalilāpi dhṛtiṃ dadhaty avādīt

sakhi! kim aparam asti vartma pādau

na mama puraś calato 'sya kiṃ karomi

Note: Kṛṣṇa-bhāvanāmṛtam 5.40

guru-paravaśataiva doṣa-dūrī-

karaṇa-paṭus tava kiṃ bhiyā hriyā vā

sapadi savayaseti bodhyamānā

laghu laghu gantum iyeṣa sā tad agre

Note: Kṛṣṇa-bhāvanāmṛtam 5.41

kim idam iti parasparāvaloko-

cchalita-mahāmadhurimṇi yat tayos tāḥ

svam atula-tarasi nyamajjayann ā-

laya iti varṇayituṃ na gīr apīṣṭe

Note: Kṛṣṇa-bhāvanāmṛtam 5.42

agha-damana-cakora-candrikās tāḥ

śaśi-vadanāpi papau muhuḥ pipāsuḥ

giridhara-mudiroparīha cāta-

ky atanu-rasaṃ pravavarṣa seti citram

Note: Kṛṣṇa-bhāvanāmṛtam 5.43

atha nija-nija mūrdhni savya-haston-

namana-kalā-kalitāvaguṇṭhanās tāḥ

avanata-nayanāñcalī-vilīḍha-

priya-caraṇābja-sudhā yayus tad agrāt

Note: Kṛṣṇa-bhāvanāmṛtam 5.44

harir api parivṛtya tan-nitamba-

dyuti-nihitekṣaṇa-paṅkajo 'vatasthe

varatanu-tatir apy atītya tad-go-

puram avaguṇṭhanam īṣad asyati sma

Note: Kṛṣṇa-bhāvanāmṛtam 5.45

sakhi! bhavad avaloka-jāta-harṣaṃ
sapadi sa campaka-mālayā baṭus tam
sukhinam akṛta yat tad iṅgita-jñā
bhavasi na vety uditāha sā svasakhyā
tvam asi khalu yathā tathānvamāsīr
nija-dṛśīr yatase parā vidhitsuḥ
iti dara-vikasat-smitā bhramad-bhrūs
tvaritam avāpa mahāpurāntaraṃ sā
Note: Kṛṣṇa-bhāvanāmṛtam 5.46-47

sphaṭika-ghaṭita-kuḍyam īḍya-bharmoj-

jvala-pa alaṃ pavi-kīlakaṃ kavā am

maṇimaya-lalanā-dhṛta-pradīpa-

vratati-naga-dvija-rāji-rājita-dvāḥ

Note: Kṛṣṇa-bhāvanāmṛtam 5.48

dyumaṇi-kiraṇa-dīpta-ratna-kumbha-

dhvaja-na a-keki-vṛtāgra-paura ā am

suravara-pura-nindi yatra śaṃ-daṃ

vilasati mandira-vṛndam indirāḍhyam

Note: Kṛṣṇa-bhāvanāmṛtam 5.49

masāra-prācīraṃ marakata-gṛhaṃ hema-pa alaṃ

pravāla-stambhāli-sphaṭika-vṛti-vaidūrya-vaḍabhiḥ

mahānīlendrā aṃ vimala-kuruvindopala-mahā-

pratīhāraṃ nānākṛti jita-vimānāvali-puram

Note: Ānanda-vṛndāvana-campūḥ 1.152

kuḍye yasya maṇi-praveka-racite śilpa-kriyā-kalpitaiḥ

pratyāsajya śukaiḥ samaṃ gṛha-śukeṣv āsādita-sthemasu

saprāṇāḥ kim amī ime kim atha vety unmīlataḥ saṃśayād-

dātuṃ dāḍima-bījakāni suciraṃ muhyanti mugdhāṅganāḥ

Note: Ānanda-vṛndāvana-campūḥ 1.153

mukhya-prakoṣṭhe catur ālaye'syā

bhāṇḍāra-gehaṃ varuṇasya diśyam

śrī-kṛṣṇa-vāsaḥ śubha-dakṣiṇa-sthaḥ

śrī-rāma-dhāmottara-diśy udeti

Note: Vraja-rīti-cintāmaṇiḥ 2.19

prācyāṃ gṛhaṃ tādṛśam eva yatra

prācyāṃ sa yasyānyatara-prakoṣṭhe

svaputra-bhadrāya nijeṣṭadevaṃ

nārāyaṇaṃ sevate eva nandaḥ

Note: Vraja-rīti-cintāmaṇiḥ 2.20

koṣālayasyānvita-dakṣiṇāṃśe

kṛṣṇasya dhāmnaḥ śubha-paścime'sti

yā pākaśālā-dvaya-madhya eva

viśrāma-dhāmānuru rādhikāyāḥ

Note: Vraja-rīti-cintāmaṇiḥ 2.21

kṛṣṇasya dhāmno 'nvita dakṣiṇāṃśe

pākālayasyāpi virājamānaḥ

ārāma āste sarasī ca yatra

raho manojñaṃ bahu-geha-vedi

Note: Vraja-rīti-cintāmaṇiḥ 2.22

atha samupaseduṣīṃ sakhībhir hari-

jananī nija-veśma bhāsayantīm

amanuta bhuvana-trayaika-lakṣmīm

uditavatīṃ muditā'rka-mitra-putrīm

Note: Kṛṣṇa-bhāvanāmṛtam 5.52

tatrāgatāṃ caraṇayoḥ praṇatāṃ svadorbhyām

utthāpya tāṃ hṛdi nidhāya mukunda-mātā

āghrāya mūrdhni muditā jananī parārdhā

snigdhā cucumba mukham aśru-mukhī tato 'syāḥ

Note: Govinda-līlāmṛtam 3.37

pratyekam āliṅgya ca tad-vayasyāḥ

papraccha sā'vyāhata-bhavyam asyāḥ

vyagrā sutasyāśana-sādhane drāk

sasneham etāḥ punar āvabhāṣe

Note: Govinda-līlāmṛtam 3.38

na sutāsi kīrtidāyāḥ

kintu mamaiveti tathyam ākhyāmi

prāṇimi vīkṣya mukhaṃ te

kṛṣṇasyeveti kiṃ trapase?

Note: Ujjvala-nīlamaṇiḥ 4.45

madhura-mṛdula-modakādi kiñcit

samam upaveśya sakhī-janair balāt tām

druta-hṛdayā dhaniṣṭhayāśayitvā

bhṛśam upalālya nināya pākaśālām

Note: Kṛṣṇa-bhāvanāmṛtam 5.55

vividha-madhura-bhakṣyotpādane labdha-varṇā

vraja-bhuvi kila yūyaṃ viśrutā miṣṭa-hastāḥ

tad iha kuruta putryaḥ! sādhu bhakṣyāṇi yatnād

dara-rucir api vatsaḥ saspṛhaṃ me yathātti

Note: Govinda-līlāmṛtam 3.39

upalāvaṇikaṃ tv ekāḥ

kāścit kuruta dādhikam

sārpiṣkam aparā yūyaṃ

vatsāḥ śārkarikaṃ parāḥ

Note: Govinda-līlāmṛtam 3.40

sarasa-rasavatī-satprakriyā-paṇḍitāsi

tvam iha rasavatīṃ me yāhi rādhe! prayatnāt

janani! bala-jananyādhiṣṭhitāṃ miṣṭam annaṃ

racaya saha tayaiva vyañjanāny uttamāni

Note: Govinda-līlāmṛtam 3.41

va akam amṛta-keliṃ sādhayātiprayatnāt

sarasa-masṛṇam anyaṃ putri! karpūra-kelim

madhuram amṛta-koṭer yatra kṛṣṇaḥ satṛṣṇas

trijagati na hi kaścit tvām ṛte yasya vettā

Note: Govinda-līlāmṛtam 3.42

yasyām uccair lālasāḍhyaḥ suto me

tāṃ pīyūṣa-granthi-pālīṃ ca kṛtvā

karpūrailādy-anvita-pānake tvaṃ

yatnād vatse! dhehi pañcāmṛtākhye

Note: Govinda-līlāmṛtam 3.43

tvaṃ vidhehi lalite'mba! rasālāṃ

tvaṃ ca ṣāḍavam ihāśu viśākhe!

tvaṃ ca bhoḥ śikhariṇīṃ śaśilekhe

putri campakalate! mathitaṃ tvam

Note: Govinda-līlāmṛtam 3.44

āmikṣāṃ tvaṃ putri! saṃsādhya tasyās

tat-tad-dravyair yoga-pāka-prabhedaiḥ

tat-tad-bhedān tuṅgavidye! vidhehi

tvaṃ matsyaṇḍī-pānakāny amba! citre!

Note: Govinda-līlāmṛtam 3.45

tvaṃ khaṇḍa-maṇḍāni ca raṅgadevi!

tvaṃ kṣīra-sārān vividhān sudevi!

vāsanti! śubhrā mṛdu-phenikās tvaṃ

tvaṃ maṅgale! kuṇḍalikāṃ vidhehi

Note: Govinda-līlāmṛtam 3.46

kādambari! tvaṃ kuru candra-kāntīs

tvaṃ lāsike! taṇḍula-cūrṇa-piṇḍīḥ

tvaṃ śaṣkulīḥ kaumudi! bhūri-bhedās

tvam indu-piṇḍāni madālase'mba!

Note: Govinda-līlāmṛtam 3.47

śaśimukhi! va akāni tvaṃ vidhehi prayatnād

dadhi-va aka-mukhāni prājya-mādhurya-bhāñji

praṇaya sumukhi! ramyāḥ śarkarā-pa ikās tvaṃ

maṇimati! bahu-bhedāṃs tvaṃ ca piṣṭānna-pūpān

Note: Govinda-līlāmṛtam 3.48

vidhatsva bhoḥ kāñcanavalli! vatse!

godhūma-cūrṇodbhava-laḍḍukāni

manoharākhyāni manorame! tvaṃ

tvaṃ mauktikākhyāni ca ratnamāle!

Note: Govinda-līlāmṛtam 3.49

subhṛṣṭa-nistuṣa-tilair

modakān kuru mādhavi!

tathā tila-kadambākhyāḥ

satilāḥ khaṇḍa-pa ikāḥ

Note: Govinda-līlāmṛtam 3.50

lājān dhānāṃś ca saṃbhṛṣṭān

pṛthukān ghṛta-bharjitān

kṛtvā vindhye! sitā-kvāthaiḥ

samudgān kuru modakān

Note: Govinda-līlāmṛtam 3.51

rambhe! karambhaṃ kuru śātakumbha-

kuṇḍyāṃ surambhā-phala-śarkarādyaiḥ

niṣpīḍya pakvāmra-rasaṃ manojñe!

sitā-ghana-kṣīra-yutaṃ vidhehi

Note: Govinda-līlāmṛtam 3.52

utthāpitaṃ yat tu mayā mathitvā

prātaḥ sugandhā-payaso dadhīni

tad iṣṭa-gandhaṃ navanīta-piṇḍaṃ

haiyaṅgavīnaṃ kuru bhoḥ kilimbe

Note: Govinda-līlāmṛtam 3.53

svayaṃ dugdhvā vrajendreṇa

prahitaṃ dhavalā-payaḥ

pānārtham ambike mandaṃ

tvaṃ śṛtaṃ kuru vatsayoḥ

Note: Govinda-līlāmṛtam 3.54

ṛjīṣa-darvī-nivahaiḥ parītāṃ

mṛd-dāru-kuṇḍy-ādika-bhājanaiś ca

cullī-cayāḍhyāṃ mama sikta-liptāṃ

tad-dugdha-śālāṃ vrajatāśu bālāḥ

Note: Govinda-līlāmṛtam 3.55

nānopakaraṇāni tvaṃ

tāni tāni dhaniṣṭhike!

niṣkāsya tat-tad-bhāṇḍebhyaḥ

pātreṣv ādhāya dāpaya

Note: Govinda-līlāmṛtam 3.56

tat-tat-padārthāṃs tvaritaṃ tulasyā

sahānayā raṅgaṇamālike tvam

ānīya koṣālayato 'smadīyād

dāsī-gaṇair dāpaya tatra tatra

Note: Govinda-līlāmṛtam 3.57

āmrātakāmra-phalapūra-karīra-dhātrī-
limpāka-koli-rucakādi-phalāni kāmam
taile ciraṃ salavaṇe kila sandhitāni
mūlāny athārdraka-mukhāni ca rocakāni
matsyaṇḍikā-rasa-ciroṣita-pakva-ciñcā-
dhātrī-rasāla-badarī-śakalāni tadvat
niṣkāsya bhos tvam iha manthanikā-kulebhyaḥ
kṛtvānayendumukhi! kāñcana-bhājaneṣu
Note: Govinda-līlāmṛtam 3.58-59

śande śubhe bharaṇi pīvari miṣṭa-haste

cullīcayopari-dhṛtātula-manthanīṣu

dugdhāni bhārika-gaṇopahṛtāni goṣṭhād

vatsāḥ! śanaiḥ śrapayatāśu nidhāya yūyam

Note: Govinda-līlāmṛtam 3.60

kānta-bhuktāvaśiṣṭaṃ saṃ-
bhujya tu jāta-śarmikām
āyātāṃ sva-samīpe tāṃ
rādhām āha salālanam
sarasija-mukhi! kīrtidaikakīrte!
pacana-kalā-caturā kṛtāsi dhātrā
tad ayi rasavatīṃ praviśya pākaṃ
kuru lalitādi-sakhī-kṛteti kṛtyam
Note: Kṛṣṇa-bhāvanāmṛtam 5.56

śaśi-mukhi! śaradāṃ śataṃ jayaivaṃ
sukhaya manonayane mamety uditvā
anayata sumanoharās tad-ālīḥ
śam atula-vatsalatā-latā natāḥ sā

goṣṭheśvarīṃ samabhivādya viśeṣa-namrā

tat-pāṇi-padma-dhṛta-pāṇir atīva kamrā

āsādya rāma-jananīṃ praṇanāma yātām

adhyakṣatāṃ pacana-karmaṇi sābhijātā

Note: Kṛṣṇāhnika-kaumudī 2.84

kailāsa-śailaka-nibhaṃ dadhatī sva-kāntyā
nīlāṃśukā praṇayinī hi sadātra rādhā
ehīti doḥ-prasaraṇena muhur vadantī
śiśleṣa tāṃ samukha-cumbam asau hasantī

tābhyāṃ mahānasam upetya ca pāka-śālā-

pālīḥ smitena mṛdunā vacasā ca bālā

sammānya mānya-caritā mumude mitāni

pāka-kriyopakaraṇāni vilokya tāni

Note: Kṛṣṇāhnika-kaumudī 2.85

kuṣmāṇḍakālu-kacu-mānaka-kanda-tumbī-
vārttāku-mūlaka-paṭola-phalāni śimbī
ḍiṇḍīśa-vāraṇa-buṣāma-phalāny anīcā-
rambhā-viśeṣa-nava-garbha-navīna-mocāḥ
vāstūka-māriṣa-paṭola-śikhāḥ kalāya-
vallī-śikhāś caṇakāgra-śikhāḥ pradhāya
tumbī-śikhāś ca mṛdulāḥ saha-podikāgrāṇy
ālokya saikṣata sakhīḥ sarasāḥ samagrāḥ
Note: Kṛṣṇāhnika-kaumudī 2.86-87

yad yena yena vidhinā ruciratvam etya

yad vyañjane yad upayujyata ity avetya

tābhir mahānasa-carībhir amūni tāni

tat-tat-prakāram atha kuṭṭita-karttitāni

Note: Kṛṣṇāhnika-kaumudī 2.88

elā-lavaṅga-maricārdraka-jāty-ajājī-

jātīphala-tvaca-sulāṅgali-sasya-rājīḥ

siddhārtha-taṇḍula-niśā dalitāṃś ca māṣān

kecij janāḥ pipiṣur abja-dṛśām aśeṣān

Note: Kṛṣṇāhnika-kaumudī 2.89

piṣṭvā suvarṇa-puṭikāsu śubha-prabhāvair

ācchāditāsv anucarī-ghaṭayā śarāvaiḥ

susthāpitāni vasanopari pāka-līlā-

rambhe cakāra hṛdayaṃ niravadya-śīlā

Note: Kṛṣṇāhnika-kaumudī 2.90

āvaśyakābharaṇa-veśa-lasat-pratīkā

dhautāṅghri-pāṇi-kamalā saha-rohiṇīkā

babhrāja sā vara-mahānasa-vedikāyāṃ

śraddhāya kautukavatī pacana-kriyāyām

Note: Kṛṣṇāhnika-kaumudī 2.91

dīptāsu rāma-jananīṅgitato 'nalena

cullīṣu cārutara-dāru-samujjvalena

ārūruhann akhila-locana-citta-jaitrīs

tās tāmra-rīti-rajatācita-pāka-pātrīḥ

Note: Kṛṣṇāhnika-kaumudī 2.92

jajjvāla sa svayam aphut-kṛti-vīta-dhūmam

agniḥ svayaṃ jalam abhūd anabhūma-bhūma

yad yatra yatra lavaṇaṃ ca tathā pramāṇaṃ

tat tatra tat kara-tale'kuruta pramāṇam

Note: Kṛṣṇāhnika-kaumudī 2.93

aguru-sarala-devadāru-dāru-

jvalana-pariśrita-cullikā-cayāgre

nihita-vividha-pātra-rāji-rājad-

bahuvidha-temana-sādhu-sādhanārtham

Note: Kṛṣṇa-bhāvanāmṛtam 5.63

jvalana-kalana-pātra-dhāraṇonna-
ty-avanati-mūrchana-darvi-cālanādyaiḥ
trivali-kuca-bhujāṃsa-kampa-celoc-
calana-vaśād udapādi yas tadā'syāḥ
madhurima-bharam acyutaḥ svasaudha-
sphurita-gavākṣa-dhṛtekṣaṇaḥ pibaṃs tam
madana-madam udañcitaṃ vivṛṇvan
kim api jagāda paṭur baṭuṃ miṣeṇa
Note: Kṛṣṇa-bhāvanāmṛtam 5.64-65

prahitya taṃ sātha mahānasaṃ gatā

kiṃ kiṃ tvayā sādhitam etayā saha

sarvaṃ tad etan mama temanādikaṃ

saṃdarśayety āha balasya mātaram

Note: Govinda-līlāmṛtam 3.84

tām āha sammārjita-vedikāntare

navīna-mṛd-bhājana-paṅkti sambhṛtam

sā darśayantī kṛta-temanādikaṃ

rādhāṃ praśaṃsanty atha tāṃ ca rohiṇī

Note: Govinda-līlāmṛtam 3.85

sumadhuraṃ śaśito 'pi susaṃskṛtaṃ

nipuṇayā pacane mṛdu rādhayā

pravara-manthanikāsu susambhṛtaṃ

sumukhi! paśya puraḥ sakhi! pāyasam

Note: Govinda-līlāmṛtam 3.86

bala-puṣṭi-karaṃ hṛdyaṃ

madhuraṃ mṛdulaṃ sati!

manthanī-sambhṛtaṃ paśya

saṃyāvam anayā kṛtam

Note: Govinda-līlāmṛtam 3.87

rambhā-sīrī-kṣīrasāraiḥ

śaṣkulīr vividhāḥ sakhi!

paśya piṣṭa-vikāraṃś ca

nānā-bhedān susaṃskṛtān

Note: Govinda-līlāmṛtam 3.88

pīyūṣagranthi-karpūra-

kelikāmṛtakelikāḥ

anayā saṃskṛtāḥ paśya

yad vidhir me na gocaraḥ

Note: Govinda-līlāmṛtam 3.89

kevalo mathita-klinno

maudgo 'yaṃ vaṭako dvidhā

sitā-lavaṇa-saṃyogān

māṣasyāpi catur-vidhaḥ

Note: Govinda-līlāmṛtam 3.90

ciñcāmrātaka-cukrāmrais

tat tad dravyādi-yogataḥ

īṣan-madhura-gāḍhādi-

bhedād amlo dviṣaḍ-vidhaḥ

Note: Govinda-līlāmṛtam 3.91

baddha-rambhā-navya-garbha-
tan-navya-mukulāṃśayoḥ
māna-kandāmbu-kacvīnāṃ
mukhāṃśasyālukasya ca
kuṣmāṇḍa-ḍiṇḍiśāṇāṃ ca
cakrābha-khaṇḍa-jālakam
caṇaka-kṣoda-paṅkāktaṃ
ghṛta-bhṛṣṭaṃ pṛthak pṛthak
Note: Govinda-līlāmṛtam 3.92-93

caṇaka-kṣoda-va akān-

yājya-bhṛṣṭāni kevalam

aparāny amla-sat-takra-

kvātha-klinnāni lokaya

Note: Govinda-līlāmṛtam 3.94

caṇaka-kṣoda-piṇḍānāṃ

svinnānāṃ kvathitāmbhasi

khaṇḍāni dravya-pākādi-

bhedān nānā-vidhāni ca

Note: Govinda-līlāmṛtam 3.95

vaṭikā phala-mūlānāṃ

pṛthak saṃyoga-bhedataḥ

trijāta-maricādyais tu

prakārān bahudhā-kṛtān

Note: Govinda-līlāmṛtam 3.96

karkāru-jyotsnikālābu-

phalāny āli pṛthak pṛthak

rājikā-dadhi-yogena

saṃskṛtāny anayā śubhe

Note: Govinda-līlāmṛtam 3.97

vatsepsita-prasūnāni

ghṛta-bhṛṣṭāni kevalam

ghṛta-bhṛṣṭā dadhi-klinnāḥ

kalikāḥ kovidārajāḥ

Note: Govinda-līlāmṛtam 3.98

ghṛta-bhṛṣṭā dadhi-klinnāḥ

prasūna-vaṭikā dvidhā

paṭolasya phalāny ājya-

bhṛṣṭāni ruci-dāny alam

Note: Govinda-līlāmṛtam 3.99

vṛddha-kuṣmāṇḍa-vaṭikāḥ

kacvī-mānālu-kandakaiḥ

tikta-lālita-cūrṇāḍhyāś

cavikāḍhyāḥ parāḥ kṛtāḥ

Note: Govinda-līlāmṛtam 3.100

sitailā-maricair yogād

dugdha-tumbī-kṛtānayā

tad-yogād aparaṃ miṣṭaṃ

kṣīra-kuṣmāṇḍa-nāmakam

Note: Govinda-līlāmṛtam 3.101

dadhi-śūraṇakaṃ miṣṭaṃ

dhātrī-śūraṇakaṃ param

dadhnaikaṃ bharjitaṃ cānyaṃ

kāravilva-phalaṃ dvidhā

Note: Govinda-līlāmṛtam 3.102

mṛdu-rambhā-garbha-khaṇḍa-

vṛddha-kuṣmāṇḍa-khaṇḍayoḥ

sitā-dadhi-yutaḥ pāko

madhurāmlaḥ suśītalaḥ

Note: Govinda-līlāmṛtam 3.103

nālīta-methī-śatapuṣpikā-miśī-

paṭola-vāstūka-vitunna-māriṣāḥ

prakāra-saṃyoga-vibhedato 'nayā

śākāḥ sudhā-garva-hṛtaḥ susaṃskṛtāḥ

Note: Govinda-līlāmṛtam 3.104

kalambī pakva-ciñcāyā

rasa-pakvā ruci-pradā

kṛṣṇa-nālīta-śāko 'yam

āmāmra-phala-yuk śubhaḥ

Note: Govinda-līlāmṛtam 3.105

mayuṣṭhakasya mudgasya

māṣasyāpy adhunā mayā

trividho 'yaṃ sudhākūpa-

nibhaḥ sūpo vipācyate

Note: Govinda-līlāmṛtam 3.106

paṅkaiḥ sumana-cūrṇānāṃ

dāsībhir bhṛśa-marditaiḥ

pūrṇendu-maṇḍalākārāḥ

kriyante ro ikā mayā

Note: Govinda-līlāmṛtam 3.107

kṛtāni kriyamāṇāni

kartavyāni tu kānicit

ity anna-vyañjanāni tvaṃ

saṃsiddhāni pratīhi nau

Note: Govinda-līlāmṛtam 3.109

saurabhya-sadvarṇa-manoharaṃ tat
sā vīkṣya sarvaṃ muditā babhūva
jijñāsamānām atha tad-vidhānaṃ
tāṃ rohiṇī vismaya-pūrvam āha
sāmagrī saiva sāmānyā
pākasya prakriyāpy asau
kintv apūrva-guṇe hetur
gāndharvā-hasta-sauṣṭhavam
Note: Govinda-līlāmṛtam 3.110-111

sā tāṃ rādhām anna-saṃskāra-saktāṃ

prasvidyantīṃ lajjayā namra-vaktrām

dṛṣṭvā rājñī sneha-viklinna-cittā

dāsīm asyā vījanāyādideśa

Note: Govinda-līlāmṛtam 3.112

atha tasyāḥ pariveśana-kauśalam āha-
vyāptāyāṃ vasanena bhojana-bhuvi śrī-ratna-pīṭhāgratas
tat-tad-vyañjana-ratna-ratna-puṭikā-paṅktiḥ krameṇābhitaḥ
miṣṭābhīṣṭa-supiṣṭakaugha-puṭikā-paṅktis tu tāsāṃ bahiḥ
samyag bhavya-sugavya-hema-puṭikā-paṅktiś ca tāsāṃ bahiḥ
ity evaṃ kramato 'rdha-maṇḍalatayā paṅkti-krameṇādbhute
svālībhiḥ puru-cāru-citra-racanād vaividhya āpādite
anyonyāvyatiṣakta-sūkṣma-surabhi-ślakṣṇair ghṛtācyotanair
madhye hemamayī vyadhāyi rucirā pātrī śubhair odanaiḥ
Note: Kṛṣṇāhnika-kaumudī 3.1-2

sauvarṇīṃ tala-pātrikāṃ ghṛta-pu ī-limpāka-khaṇḍādibhiḥ

sandhānārdra-rasāla-khaṇḍa-sahitaiḥ satkāsamardādibhiḥ

yuktāṃ dakṣiṇato nidhāya nika e tasyāś ca bhṛṅgārakān

karpūreṇa suvāsitena payasā pūrṇān vyadhāt kānakān

Note: Kṛṣṇāhnika-kaumudī 3.3

tasyāḥ pāka-sukauśalaṃ bahu-vidhaṃ dṛṣṭvā vrajeśa-priyā

tāsāṃ tatpariveṣa-citra-racanāṃ cātisphurad-vismayā

ānetuṃ prajighāya vatsala-manāḥ kṛṣṇaṃ ca rāmaṃ ca sā

dhātreyīm atha tau samīyatur atiśraddhā-vaśād añjasā

Note: Kṛṣṇāhnika-kaumudī 3.4

natvā mātaram ājñayā saha-balas tasyāḥ samullāsanaḥ

premṇā bālaka-dāsikā-kṛta-padāmbhoja-dvayī-dhāvanaḥ

ācamyopaviveśa sammukhatayā cārv-annapātrī-puraḥ

sarvaṃ tat-tad-avekṣya vismita-manā babhrāja pītāmbaraḥ

Note: Kṛṣṇāhnika-kaumudī 3.5

śrīdāma-subalau vāme

puro 'sya madhumaṅgalaḥ

dakṣiṇe śrī-balaś cānye

paritaḥ samupāviśan

Note: Govinda-līlāmṛtam 4.22

mātṛbhyāṃ krama-darśitena hi pathā bhoktuṃ samārabdhavān

yad yad bhoktum upakramaṃ sma kurute tyaktuṃ na tat soḍhavān

bhoktuṃ tat tad aśeṣam apy abhilaṣan sāmarthyavāṃś ca svayaṃ

kiñcit kiñcid abhukta vīkṣaka-bhiyā durvāda-bhītyāpy ayam

Note: Kṛṣṇāhnika-kaumudī 3.7

vyākhyādbhiḥ saha-bhojibhiḥ saha-balaiḥ pākasya tat-kauśalaṃ

svāduṅkāram adann avāg api hṛdā so 'pi praśaṃsann alam

ādau pāyasam āśa kiñcid apara-prācurya-paryāptatāṃ

vīkṣya vyañjana-ratna-yatna-gaminā lobhena bhūmnā citām

Note: Kṛṣṇāhnika-kaumudī 3.8

śākādi-kramato 'bhitoṣa-vaśataḥ sarvāṇi sad-vyañjanā-

ny ādan mātṛ-mude bhaved api yathā paktrī-manorañjanā

tān sarvān saha-bhojinaḥ sarasayā vācā hasan hāsayan

bhuñjadhvaṃ na parityajeta kim apīty ekāntam āhlādayan

Note: Kṛṣṇāhnika-kaumudī 3.9

sva-sva-saṃskṛta-miṣṭānnaṃ

prātar-āśopayogi yat

upajahrus tayāhūtā

mātre gopyo mudānvitāḥ

Note: Govinda-līlāmṛtam 4.24

śrī-rādhayā yatnata eva gehād

ānīta-khaṇḍodbhava-laḍḍukāni

gaṅgā-jalākhyāny atha raṅgadevī

tad-iṅgitenopajahāra mātre

Note: Govinda-līlāmṛtam 4.25

tāni mātā balādibhyo

vibhajya snehato dadau

prakīrṇa-svarṇa-pātreṣu

vinidhāya pṛthak pṛthak

Note: Govinda-līlāmṛtam 4.26

āsvādayantaṃ ghṛta-pakvam annaṃ

sunarmabhis tān api hāsayantam

ālokayantaṃ nayanāñcalena

rādhānanaṃ taṃ dadṛśur mudālyaḥ

Note: Govinda-līlāmṛtam 4.27

ado bhadram idaṃ miṣṭam

etat snigdhaṃ sucāru tat

tarjanyā darśayanty ambā

bhuṅkṣva vatsety abhāṣata

Note: Govinda-līlāmṛtam 4.28

yad yad iṣṭaṃ bhaved yasya

jñātvā jñātvā hasan hariḥ

tasmai tasmai dadau tat tat

svapātrāt prakṣipan muhuḥ

Note: Govinda-līlāmṛtam 4.29

vīkṣya yatnānvitām ambāṃ
mandam aśnantam acyutam
parihāsa-paṭus tasmin
vrajeśām avadad baṭuḥ
ayaṃ ced bhūri nātty amba!
dehi me sarvam admy asau
mayaivāliṅgitaḥ puṣṭo
bhavitā bhūri-bhojinā
nāsya manda-ruceḥ śaktir
ghṛta-pakvānna-bhojane
tad asmai laghu-rāddhānnaṃ
vyañjanāny amba! dāpaya
Note: Govinda-līlāmṛtam 4.30-32

atha kṛṣṇaḥ svapātrastha-

pakvānnāñjalibhir hasan

pañca-ṣaiḥ pūrayāmāsa

bhuṅkṣveti baṭu-bhājanam

Note: Govinda-līlāmṛtam 4.33

tato vāma-kaphoṇiṃ svaṃ
vādayan vāma-pārśvake
samyag bhoktuṃ kṛtārambhaḥ
prahṛṣṭo baṭur āha tam
vayasya! paśya bhakṣye'ham
ity aśnan kavala-dvayam
mātar me dadhi dehīti
prāhiṇot tāṃ tadāhṛtau
Note: Govinda-līlāmṛtam 4.34-35

gopāḥ paśyata nṛtyatīha capalaḥ pakvānna-labdhāśayā

kīśeśo dadhi-lampa o 'yam iti tān kṛtvonmukhāṃs tad-diśi

teṣāṃ bhojana-bhājaneṣu śanakair nikṣipya bhakṣyaṃ nijaṃ

sarvaṃ bhuktam idaṃ mayeti sa punar garvāyamāno 'vadat

Note: Govinda-līlāmṛtam 4.36

tathāgatāṃ tāṃ dadhi-pātra-hastām

uvāca paśyāmba! vinaiva dadhnā

mayopabhuktaṃ drutam eva sarvaṃ

tat pāyasaṃ dāpaya bhūri mahyam

Note: Govinda-līlāmṛtam 4.37

haimeṣu pātreṣu nidhāya rādhayā

navīna-rambhā-dala-manda-mārutaiḥ

śītīkṛtaṃ sve pariveśitaṃ kare

tebhyo dadau pāyasam āśu rohiṇī

Note: Govinda-līlāmṛtam 4.38

ānīyānīya gāndharvā-

dattāni vyañjanāni sā

śākādīny amla-śeṣāṇi

tebhyo 'dāt kramaśaḥ śanaiḥ

Note: Govinda-līlāmṛtam 4.40

rambhodarastha-cchada-varṇa-lāghavāḥ

saṃmṛṣṭa-godhūma-sucūrṇa-ro ikāḥ

ghṛtābhiṣiktāḥ pariveśitās tayā

tebhyo 'nya-pātreṣu nidhāya sā dadau

Note: Govinda-līlāmṛtam 4.41

pūrvaṃ pakvānnam uddiśyā-
dhunā tv annādikaṃ ca yā
baṭoḥ suparihāsoktir
nātra syāt punar uktatā

kṛṣṇaḥ satṛṣṇo naivātra

balaḥ kavala-mātra-bhuk

śrīdāmā nāma mandāśī

subalo 'su-balojjhitaḥ

Note: Kṛṣṇa-bhāvanāmṛtam 6.45

kvaiṣāṃ bhakṣyaikatānatva-

rāhityam avidagdhatā

kvaitad annaṃ sudhā-nindi

svayaṃ lakṣmyaiva sādhitam

Note: Kṛṣṇa-bhāvanāmṛtam 6.46

kāvyaṃ viphalatāṃ kiṃ na

yāti sat-kavi-nirmitam?

yatra goṣṭhyāṃ tad-āsvāda-

lolupatvaṃ na vartate

Note: Kṛṣṇa-bhāvanāmṛtam 6.47

catur-varga-phalam mūrtaṃ

etad-annaṃ catur-vidham

ahaṃ kevalam eko 'sya

pātram ity avadad baṭuḥ

Note: Kṛṣṇa-bhāvanāmṛtam 6.48

śrīdāmovāca piṇḍībhiḥ

piciṇḍaṃ pūraya drutam

yad eva tava sarvasvaṃ

yad arthaṃ baṭutām adhāḥ

Note: Kṛṣṇa-bhāvanāmṛtam 6.49

baṭur ākhyad are mūrkha!

gopas tvaṃ kiṃ nu vetsyasi?

rasāsvādaṃ svadharmārthaṃ

gā roddhum aṭavīm aṭa

Note: Kṛṣṇa-bhāvanāmṛtam 6.50

paśyaiṣo 'ham anūcāno

vipro yair man-mukhe hutam!

tair iṣṭaḥ sarva-yajñena

bhagavān eva kevalam

Note: Kṛṣṇa-bhāvanāmṛtam 6.51

śrīdāmoce śruti-smṛtyor

vartmāpi śata-janmasu

tvayā paricitaṃ naiva

vipratve sūtram eva te

Note: Kṛṣṇa-bhāvanāmṛtam 6.52

kṛṣṇaḥ prāha baṭor asti

rasa-śāstre'nuśīlanam

vyañjanāneka-tātparya-

lakṣaṇābhijñatā yataḥ

Note: Kṛṣṇa-bhāvanāmṛtam 6.53

baṭur āha ṣaḍ evātra

rasā na tv aṣṭa man-mate

ṣoḍhaiva nyāyya āsvādo

yat ṣaḍ evendriyāṇi naḥ

Note: Kṛṣṇa-bhāvanāmṛtam 6.54

rasā hy aṣṭāv iti prāhur

ye te'pi vyañjanāśritāḥ

vyañjanābhijñatā-leśo 'py

eṣāṃ kintu na vidyate

Note: Kṛṣṇa-bhāvanāmṛtam 6.56

vihāya śāka-sūpādīn

vihāyas te dhayanti yat

tan nīraṃ prakaṭaṃ hitvā

dhāvanty eva marīcikām

Note: Kṛṣṇa-bhāvanāmṛtam 6.57

kāraṇaṃ rasa-niṣpattau

carvaṇeneti taj jaguḥ

carvan tu paricoṣyanti

na pitur janma-koṭibhiḥ

Note: Kṛṣṇa-bhāvanāmṛtam 6.58

rāmaḥ prāha rasāsvāde

ke'nubhāvā bhavan-mate

ke vā sañcāriṇaḥ ko vā

sthāyī sa svādyate katham

Note: Kṛṣṇa-bhāvanāmṛtam 6.59

baṭur ūce yad aprāptyā

pūrvam evāśru me bhavet

prāptyā tu vyañjanasyāsya

pulakāsya-prasannate

Note: Kṛṣṇa-bhāvanāmṛtam 6.60

varṇasya snigdhatā-tṛptyā

vaivarṇyaṃ tac ca paśya me

bhuñjāna eva yad vacmi

svaro me tena bhidyate

Note: Kṛṣṇa-bhāvanāmṛtam 6.61

stambho me bhūri miṣṭānna-

bhojanāśakti-duḥkha-jaḥ

prasvedaḥ prakaṭo 'nte tu

pralayo bahu-bhakṣaṇāt

Note: Kṛṣṇa-bhāvanāmṛtam 6.62

ālasya-cintā-svāpādyāḥ

spaṣṭāḥ sañcāriṇo 'tra naḥ

svādyatvenaika evāpi

sthāyī tu vividhābhidhaḥ

Note: Kṛṣṇa-bhāvanāmṛtam 6.63

ājyābhyaktāni bhaktāni
manye kāñcana-vāriṇā
snapitānīva saurabhyaṃ
yeṣāṃ saulabhyam abhyagāt
godanta-kṛtta-ghāsādi-
ghrāyiṇyāṃ gopa-saṃsadi
kṛta-puṇyasya me bhūri-
bhoga-bhājaḥ prasaṅgataḥ
Note: Kṛṣṇa-bhāvanāmṛtam 6.70-71

vane viprās tapasyanti

patra-mūla-phalāśanāḥ

baṭos te nādhikāro 'sti

bhoge yāhi tapaś cara

Note: Kṛṣṇa-bhāvanāmṛtam 6.72

satyaṃ bho yaiḥ purā taptaṃ
patra-mūla-phalādibhiḥ
pariṇamya januṣy atra
vyañjanatvena tair mama
bhauma-svarga-juṣaḥ sādhu
pratyakṣī-bhūyate'nvaham
iti jānīta-bhogo 'yam
atapta-tapasaḥ kutaḥ
Note: Kṛṣṇa-bhāvanāmṛtam 6.73-74

evaṃ cet prathamaṃ prāptum

arhanty ete valīmukhāḥ

vāg-vyaya-śramiṇo 'trāpi

januṣy ete tapasvinaḥ

Note: Kṛṣṇa-bhāvanāmṛtam 6.79

śītoṣṇa-vāta-sahanāḥ

patra-puṣpa-phalāśanāḥ

jāti-smarāḥ kathaṃ na syuḥ

ko 'mīṣāṃ vetti vijñatām

Note: Kṛṣṇa-bhāvanāmṛtam 6.80

kṛṣṇaḥ prāha sakhe! viprā

brahmopāsana-tatparāḥ

kīśāḥ kukṣimbharā eṣāṃ

dvayeṣāṃ mahad-antaram

Note: Kṛṣṇa-bhāvanāmṛtam 6.81

asya kīśasya cāvaimi

na kim apy antaraṃ hare!

naratvaṃ vānaratvaṃ vā-

nayor bhede na kāraṇam

Note: Kṛṣṇa-bhāvanāmṛtam 6.82

kiṃ ca khyāpayatā tena

loke'pūrvāṃ svavijnatāṃ

bṛhattvād bṛṃhaṇatvāc ca

svakukṣir brahma manyate

Note: Kṛṣṇa-bhāvanāmṛtam 6.83

atas triṣavaṇaṃ tasya

dhyāyatā pūrti-sādhanam

sa evopāsyate'nena

naiṣṭhika-brahmacāriṇā

Note: Kṛṣṇa-bhāvanāmṛtam 6.84

kadācid bhūri-pakkānna-

grasanāveśa-saṃbhramaiḥ

kīśāyitaṃ syāt pāṇibhyāṃ

bhuñjānasyāsya lāghavaiḥ

Note: Kṛṣṇa-bhāvanāmṛtam 6.85

ity uktvājīhasat sarvān

subalas tān baṭuḥ sa tu

hasan bhuñjāna evoccaiḥ

kāśaiḥ śoṇa-mukho 'bhavat

Note: Kṛṣṇa-bhāvanāmṛtam 6.86

goṣṭheśāha baṭo! tiṣṭha

kṣaṇaṃ mā bhuṅkṣva mā hasa!

sthairyam āpnuhi mā jalpa

mainaṃ hāsayatārbhakāḥ

Note: Kṛṣṇa-bhāvanāmṛtam 6.87

dhaniṣṭhayā yal-lalitādi-saṃskṛtaṃ

tat-tad-rasālādikam āhṛtaṃ puraḥ

kṛtvā pṛthak pātracaye vrajeśvarī

sasneham ebhyo dadatī mumoda sā

Note: Govinda-līlāmṛtam 4.42

hṛdaya-dayita-mukha-vīkṣaṇa-hṛṣṭās

tad atimadhura-mṛdu-kānti-vikṛṣṭāḥ

mumudur udita-pṛthu-bhāva-vihastā

ramaṇa-bhavanam adhi tāḥ puru-śastāḥ

Note: Govinda-līlāmṛtam 4.43

annānyatho tāni catur-vidhāni te

pīyuṣa-sārodbhava-vikriyā iva

āsvādayanto madhurāṇi saspṛhaṃ

taṃ hāsayanto jahasuś ca narmabhiḥ

Note: Govinda-līlāmṛtam 4.44

carvanti carvyāṇi mṛdūni kecil

lehyāni cānye caṭulaṃ lihanti

pibanti peyāni pare prahṛṣṭāś

cūṣyanti coṣyāṇy apare vitṛptāḥ

Note: Govinda-līlāmṛtam 4.45

svāduṅkāraṃ kamala-nayanaḥ saspṛhaṃ tat tad annaṃ

hasta-sparśād amṛta-madhuraṃ manda-mandaṃ priyāyāḥ

tad vaktrābja-prahita-nayana-prānta-bhṛṅgo nigūḍhaṃ

prāśnann ambā-manasi nibiḍaṃ sa pramodaṃ vyatānīt

Note: Govinda-līlāmṛtam 4.46

prahita-cakita-netra-prānta-dṛṣṭi-praṇālī-

milita-tad-atilāvanyāmṛtāsvāda-puṣṭā

prasarad-akhila-bhāvollāsam ācchādayantī

dayita-hṛdayam uccai rādhikāpy ājahāra

Note: Govinda-līlāmṛtam 4.47

atha bala-jananīṃ tām antarākṛtya nṛtyan-

madakala-madirākṣīm arpayantīṃ kare'syāḥ

mṛdu mṛdu madhurānnaṃ preyasīṃ prekṣya kṛṣṇaḥ

ślatha-rucir aśane'bhūd unmanā nāgareśaḥ

Note: Govinda-līlāmṛtam 4.48

sāmibhuktaṃ kiyat tena

kiṃca tryaṃśāvaśeṣitam

bhakṣyaṃ vīkṣyāśane mandaṃ

taṃ cāsīd vyākulā prasūḥ

Note: Govinda-līlāmṛtam 4.49

yatnāt saṃskṛtam annādi

sarvaṃ tyaktaṃ kathaṃ suta!

kṣudhito 'si kiyad bhuṅkṣva

śapathaḥ śiraso mama

Note: Govinda-līlāmṛtam 4.50

ānāyya yatnād vṛṣabhānu-kanyakāṃ

saṃskāritaṃ sarvam idaṃ sutānayā

annādi miṣṭaṃ ca sudhā-parārddhatas

tathāpi nāśnāsi karomi kiṃ hatā

Note: Govinda-līlāmṛtam 4.51

atha sā rohiṇīm āha

paśya rohiṇi! cañcalaḥ

durbalaḥ kṣudhito 'py eṣa

kim apy atti na manda-bhuk

Note: Govinda-līlāmṛtam 4.52

tataḥ sneha-parītāṅgī
lālayanty agha-mardanam
pralamba-hantur ambeyaṃ
babhāṣe taṃ puraḥsthitā
yatnād annaṃ sādhitaṃ vatsa! miṣṭaṃ
mallī-mṛdvyā rādhayedaṃ mayā ca
kṣut-kṣāmo 'si tvaṃ ca nāśnāsi tat tām
ambām etāṃ māṃ ca kiṃvā dunoṣi
Note: Govinda-līlāmṛtam 4.53-54

jananī tava paśya khidyate

suta! nirmañcanam atra yāmi te

bhramato bhavitā vane śramaḥ

kiyad aśnīhi vidhehi mad-vacaḥ

Note: Govinda-līlāmṛtam 4.55

bhuktaṃ mayā bhūri gatā bubhukṣe-

ty uktvā niyamyocchalitaṃ vikāram

taṃ vīkṣya mandaṃ punar apy adantaṃ

nanandatur nanda-sutaṃ jananyau

Note: Govinda-līlāmṛtam 4.56

idam idam atimiṣṭaṃ vatsa! bhuṅkṣveti mātā

saśapatham atha tat-tad-darśayanty aṅgulībhiḥ

sakalam abhilaṣantī kartum aśru-plutākṣī

tad udara-gatam annaṃ sātmajaṃ vāvadīti

Note: Govinda-līlāmṛtam 4.57

rasālā-pakvāmra-drava-śikhariṇī-ṣāḍava-payaḥ-

karambhāmikṣā-vyañjana-dadhi-phalāpūpa-va akān

kṛtāmreḍā netra-stanaja-payasā klinna-sicayā-

py atṛptā taṃ tṛptaṃ muhur atha sutaṃ prāśayad iyam

Note: Govinda-līlāmṛtam 4.58

bhakṣyaṃ bhojyaṃ bahutara-miṣṭaṃ

lehyaṃ peyaṃ mṛdu-madhuraṃ te

bhuktvā pītvā rasabhara-tṛptāḥ

sarve'bhūvan vana-gamanotkāḥ

Note: Govinda-līlāmṛtam 4.59

sarve suvāsita-mṛdā mukha-pāṇi-padmā-

ny āmṛjya sādhu mṛduleṣikayā ca dantān

dāsaiḥ praṇīta-kanakādika-kuṇḍikāsu

tair datta-vāribhir athācamanaṃ vyadhūs te

Note: Govinda-līlāmṛtam 4.60

elā-lavaṅga-ghanasāra-vimiśritābhir

jambūla-datta-vara-khādira-golikābhiḥ

śītojjvalābhir adhivāsya mudā mukhaṃ te

savyena pūrṇam udaraṃ mamṛjuḥ kareṇa

Note: Govinda-līlāmṛtam 4.61

rasāla-kara-saṃskṛtopahṛta-nāgavallī-sphurat-

supakva-dala-vīṭikāḥ sukham adanta evotsukāḥ

tataḥ śatapadāntarālaya-viśāla-palyaṅkikā-

kuleṣv atha viśaśramuḥ parijanair amī vījitāḥ

Note: Govinda-līlāmṛtam 4.62

tam iha viśramitaṃ paricārakāḥ

śikhi-dala-vyajanaiḥ samavījayan

avadalayya dalaṃ mṛdu-vīṭikāḥ

prabhum athādayati sma vilāsakaḥ

Note: Govinda-līlāmṛtam 4.63

niṣkramya dhautāṅghri-karāṃ mahānasād
dāsī-gaṇais tāṃ vyajanair upāsitām
rādhāṃ prakoṣṭhāntara-gāṃ sakhī-janair
vilokayantīṃ ramaṇaṃ gavākṣataḥ
ānandaja-sveda-jalair vrajeśayā
pratīyamānāṃ śrama-karṣitety alam
bhoktuṃ prayatnād upaveśya sā mudā
balāmbayānnāni gṛhād adāpayat
Note: Govinda-līlāmṛtam 4.64-65

tayā nidiṣṭā ghṛta-saṃskṛtānnaṃ

dātuṃ dhaniṣṭhā hari-bhukta-śeṣaiḥ

saṃmiśrya gūḍhaṃ ghṛta-saṃskṛtānnair

gṛhāt tadānīya dadāv amūbhyaḥ

Note: Govinda-līlāmṛtam 4.66

anaśnantīṃ hriyā vīkṣya
vastrāvṛta-natānanām
rādhikām avadat kṛṣṇa-
mātā vātsalya-viklavā
janani! mayi jananyāṃ kiṃ nu lajjedṛśīyaṃ
suta iva mama cetaḥ snihyati tvayy atīva
ayi tad apanayaināṃ yāmi nirmañcanaṃ te
śiśiraya mama netraṃ bhuṅkṣva paśyāmi sākṣāt
Note: Govinda-līlāmṛtam 4.67-68

yūyaṃ ca me stha tanayās tv anayā hriyā kiṃ

putryaḥ kurudhvam aśanaṃ lalitādayas tat

ity āgrahāc chapatha-dāna-śataiś ca mātā

miṣṭānna-miṣṭa-vacanaiḥ samabhojayat tāḥ

Note: Govinda-līlāmṛtam 4.69

tato dāsī-dhautaiḥ kara-kamala-yugmair nija-nijair

imāḥ prakṣālyāsyaṃ śaśi-sahita-vārbhir nija-nijam

pa air mārjitvā ca svaparijana-dattā himakarā

viyuktā vī īs tā vara-kanaka-gauryo bubhujire

Note: Saṅgraha-kartuḥ

hṛdy udgataiḥ suta-kara-grahaṇābhilāṣais

tad bhūṣaṇaiḥ subahuśaḥ saha yāni yatnāt

niṣpādya tan navavadhū-pratirūpakāṇi

snehād dhṛtāni sadane vara-sampu eṣu

Note: Govinda-līlāmṛtam 4.70

tair bhūṣaṇair atha dhaniṣṭhikayopanītais

tāmbūla-candana-navāmbara-nāgajaiś ca

ālī-vṛtāṃ nava-vadhūm iva tāṃ vrajeśā

sammānya hārda-valitā muditā babhūva

Note: Govinda-līlāmṛtam 4.71

rādhā-hṛtaṃ yan niśi tad viśākhā

dhaniṣṭhayādāt subalāya gūḍham

pītottarīyaṃ subalo 'pi tasyai

nīlāmbaraṃ kṛṣṇa-hṛtaṃ tayaiva

Note: Govinda-līlāmṛtam 4.72

iti śrī-bhāvanā-sāra-saṅgrahe prātar-līlā-saṅgraho nāma dvitīya-saṅgrahaḥ

This e-text was provided to GRETIL in good faith that no copyright rights have been infringed. If anyone wishes to assert copyright over this file, please contact the GRETIL management at
gretil(at)sub(dot)uni-goettingen(dot)de. The file will be immediately removed pending resolution of the claim.

Distributed under a Creative Commons Attribution-NonCommercial-ShareAlike 4.0 International License.

Notes: Distributed under a Creative Commons Attribution-NonCommercial-ShareAlike 4.0 International License (https://creativecommons.org/licenses/by-nc-sa/4.0/)
Holder of rights: Göttingen Register of Electronic Texts in Indian Languages (GRETIL), SUB Göttingen

Citation Suggestion for this Object: TextGrid Repository (2022). 1_sanskr. tei. sa_kRSNadAsa-bhAvanAsArasaMgraha-1-2. GRETIL. Göttingen Register of Electronic Texts in Indian Languages (GRETIL), SUB Göttingen. https://hdl.handle.net/21.T11991/0000-001C-93C2-0