TextGrid Repository

atīva sumukhārādhyo devo viṣṇur urukramaḥ

stutena darśayām āsa viśvarūpaṃ dvijanmanām //

Note:

ati-iva sumukha-ārādhyo devo viṣṇur uru-kramaḥ

stutena darśayām āsa viśva-rūpaṃ dvi-janmanām //

prasādaṃ paramaṃ tasya brūhi bhaktajane mama

tṛptiṃ brahman na gacchāmi śṛṇvann etat kathāmṛtam //

Note:

prasādaṃ paramaṃ tasya brūhi bhakta-jane mama

tṛptiṃ brahman na gacchāmi śṛṇvann etat kathā-amṛtam //

sa vidhijño mahārāja mātaliḥ śakrasārathiḥ

tasyāsti sadṛśī kanyā guṇakāśīti viśrutā //

Note:

sa vidhi-jño mahā-rāja mātaliḥ śakra-sārathiḥ

tasya asti sadṛśī kanyā guṇakāśi īti viśrutā //

mātalir nāradaś caiva anveṣṭuṃ tad vanaṃ (?) purā

caṃkramyamāṇau sakalam ārghakasyātmajātmajam //

Note:

mātalir nāradaś caiva anveṣṭuṃ tad vanaṃ (?) purā

caṃkramyamāṇau sakalam ārghakasyā atmaja-ātmajam //

sumukhākhyaṃ dadṛśatus tau gṛhītvā gatāv ubhau

nāge śakraṃ tataḥ śakrād ayācetāṃ tu tāv ubhau //

Note:

sumukha-ākhyaṃ dadṛśatus tau gṛhītvā gatāv ubhau

nāge śakraṃ tataḥ śakrād ayācetāṃ tu tāv ubhau //

sumukhasyābhayaṃ tārkṣyāt tayoḥ śakro dadau varam

vīryajñas tārkṣyavīryasya sa yayau keśavāntikam //

Note:

sumukhasya abhayaṃ tārkṣyāt tayoḥ śakro dadau varam

vīrya-jñas tārkṣya-vīryasya sa yayau keśava-antikam //

sumukhasyābhayaṃ prādāt tārkṣyam madhuniṣūdanaḥ

ājagāma tatas tārkṣyaḥ saroṣaḥ keśavāntikam //

Note:

sumukhasya abhayaṃ prādāt tārkṣyam madhu-niṣūdanaḥ

ājagāma tatas tārkṣyaḥ sa-roṣaḥ keśava-antikam //

kim avajñāya māṃ kṛṣṇa sumukhe dīyate varaḥ
mama pṛṣṭhagataḥ śatruṃs tvaṃ nihaṃsi ca buddhyase
kuṭumbābharaṇaṃ śatruṃ pannagaṃ mama rakṣasi //

Note:

kim avajñāya māṃ kṛṣṇa sumukhe dīyate varaḥ
mama pṛṣṭha-gataḥ śatruṃs tvaṃ nihaṃsi ca buddhyase
kuṭumba-ābharaṇaṃ śatruṃ pannagaṃ mama rakṣasi //

evam uktas tadā tena viṣṇur garuḍam abravīt //

Note:

evam uktas tadā tena viṣṇur garuḍam abravīt //

na me śakto jagad voḍhuṃ sakalaṃ vihageśvara

aham evātmanātmānaṃ dhārayāmi raṇeraṇe //

Note:

na me śakto jagad voḍhuṃ sakalaṃ vihaga-īśvara

aham evā atmanā ātmānaṃ dhārayāmi raṇe-raṇe //

śaktiś ced asti voḍhuṃ te bhujam ekaṃ vahasva me

evam uktvā dadau pṛṣṭhe tasya savyaṃ bhujaṃ hariḥ //

Note:

śaktiś ced asti voḍhuṃ te bhujam ekaṃ vahasva me

evam uktvā dadau pṛṣṭhe tasya savyaṃ bhujaṃ hariḥ //

tato viṣaṇṇavadanaḥ pakṣatyāgāt khagottamaḥ

klānto dīnaś ca tuṣṭāva deveśaṃ madhusūdanam //

Note:

tato viṣaṇṇa-vadanaḥ pakṣa-tyāgāt khaga-uttamaḥ

klānto dīnaś ca tuṣṭāva deveśaṃ madhu-sūdanam //

namas te devadeveśa surāsuranamaskṛta

ajeya puṇḍarīkākṣa śaraṇāgatavatsala //

Note:

namas te devadeva-īśa sura-asura-namas-kṛta

ajeya puṇḍarīkākṣa śaraṇa-āgata-vatsala //

na mayā tvadbalaṃ jñātam ātmasaṃbhāvitātmanā

tvam eva deva trailokyaṃ sadā dhārayase 'nagha //

Note:

na mayā tvad-balaṃ jñātam ātma-saṃbhāvita-ātmanā

tvam eva deva trailokyaṃ sadā dhārayase 'nagha //

ātmānam ātmanā deva tvam eva vahase sadā

yasya te deva sakalaṃ dehe tribhuvanaṃ sthitam //

Note:

ātmānam ātmanā deva tvam eva vahase sadā

yasya te deva sakalaṃ dehe tribhuvanaṃ sthitam //

tasya voḍhuṃ kathaṃ śaktā madvidhā hi sahasraśaḥ

tasmāt prasīda bhagavan mama dhvajanivāsinaḥ //

Note:

tasya voḍhuṃ kathaṃ śaktā mad-vidhā hi sahasraśaḥ

tasmāt prasīda bhagavan mama dhvaja-nivāsinaḥ //

nāsty antas tava deveśa karmaṇāṃ bhuvanatraye

kas te kīrtayituṃ śaktaḥ karmāṇy anavaśeṣataḥ //

Note:

na asty antas tava deva-īśa karmaṇāṃ bhuvana-traye

kas te kīrtayituṃ śaktaḥ karmāṇy anavaśeṣataḥ //

karmaṇāṃ kīrtanaṃ vā te kā stutiḥ parameśvara

sarvatra sarvaśaktis tvaṃ prasīda mama śatruhan //

Note:

karmaṇāṃ kīrtanaṃ vā te kā stutiḥ parama-īśvara

sarvatra sarva-śaktis tvaṃ prasīda mama śatru-han //

sarvabhūtakṛtāvāsa vāsudeva jagatpate

kalpāntāmbhodhiśayana nārāyaṇa mahādyute //

Note:

sarva-bhūta-kṛta-āvāsa vāsudeva jagat-pate

kalpa-anta-ambhodhi-śayana nārāyaṇa mahā-dyute //

nābhīkamalakiñjalkapiñjarīkṛtavigraha

prasīda me namas te 'stu pakṣiṇo dhvajavāsinaḥ //

Note:

nābhī-kamala-kiñjalkapiñjarī-kṛta-vigraha

prasīda me namas te 'stu pakṣiṇo dhvaja-vāsinaḥ //

ātmasaṃbhāvanā tārkṣya na kāryā te kadācana

aham evātmanātmānaṃ vahāmi tvāṃ ca dhāraye //

Note:

ātma-saṃbhāvanā tārkṣya na kāryā te kadācana

aham evā atmanā ātmānaṃ vahāmi tvāṃ ca dhāraye //

prītā na ca tvayā bhāryā yad apakṣaḥ kṛto hy asi

mayā tribhuvanaṃ nyastaṃ tvadartham akhilaṃ bhuje //

Note:

prītā na ca tvayā bhāryā yad apakṣaḥ kṛto hy asi

mayā tribhuvanaṃ nyastaṃ tvad-artham akhilaṃ bhuje //

tvayā tulyo hi balavāṃl loke 'nyo nāsti kaścana

yasya dordaṇḍasaṃsparśāj jīvitaṃ na ca nirgatam //

Note:

tvayā tulyo hi balavāṃl loke 'nyo na asti kaścana

yasya dordaṇḍa-saṃsparśāj jīvitaṃ na ca nirgatam //

yadvaś(?)śarīrajo bhūtvā balavān khagasattama

viśeṣavantaḥ pakṣānte bhaviṣyanti na saṃśayaḥ //

Note:

yadvaś(?)-śarīra-jo bhūtvā balavān khaga-sattama

viśeṣavantaḥ pakṣa-ante bhaviṣyanti na saṃśayaḥ //

evam uktaḥ suparṇas tu suparṇān prāptavān punaḥ

tejobalādhikatvaṃ vā lebhe devaprasādataḥ //

Note:

evam uktaḥ suparṇas tu suparṇān prāptavān punaḥ

tejo-bala-adhikatvaṃ vā lebhe deva-prasādataḥ //

evaṃ puruṣavat tārkṣyaḥ stūyamānaś ca śārṅgiṇam

bhūya eva suparṇa(t)tvaṃ gamito 'tibalaḥ kṛtaḥ //

Note:

evaṃ puruṣavat tārkṣyaḥ stūyamānaś ca śārṅgiṇam

bhūya eva suparṇa-(t)tvaṃ gamito 'tibalaḥ kṛtaḥ //

śakrayācitamātreṇa sumukho 'py amaraḥ kṛtaḥ

tasmād rājan vijānīhi tasya dānavavidviṣaḥ //

Note:

śakra-yācita-mātreṇa sumukho 'py amaraḥ kṛtaḥ

tasmād rājan vijānīhi tasya dānava-vidviṣaḥ //

nāsty adeyaṃ hi bhakteṣu devarājyam api dhruvam
mṛtyupāśagṛhītānāṃ patanān(?) narake tathā
smṛtamātraḥ sa deveśas tadbhayād vinivartakaḥ //

Note:

na asty adeyaṃ hi bhakteṣu deva-rājyam api dhruvam
mṛtyu-pāśa-gṛhītānāṃ patanān(?) narake tathā
smṛta-mātraḥ sa deva-īśas tad-bhayād vinivartakaḥ //

nihatasakaladuḥkho bhaktibhājāṃ narāṇāṃ dvijavibudhavarāṇāṃ pūjanīyo 'rihantā

khagapanṛpatiyāyī vīrasaṃjātavarṇo bhavatu madhuripus te bhaktinamrasya tuṣṭaḥ //

Note:

nihata-sakala-duḥkho bhakti-bhājāṃ narāṇāṃ dvija-vibudha-varāṇāṃ pūjanīyo 'ri-hantā

khagapa-nṛpati-yāyī vīra-saṃjāta-varṇo bhavatu madhu-ripus te bhakti-namrasya tuṣṭaḥ //

// iti śrīviṣṇudharmottare tṛtīya-khaṇḍe mārkaṇḍeya-vajra-saṃvāde sumukhopākhyāna-varṇano nāma tricatvāriṃśaduttaratriśatatamo 'dhyāyaḥ // 3.343 //

śrotum icchāmy ahaṃ tvattaḥ prasādaṃ paramaṃ hi yat

kṛtaṃ bhaktajane tena viṣṇunā prabhaviṣṇunā //

Note:

śrotum icchāmy ahaṃ tvattaḥ prasādaṃ paramaṃ hi yat

kṛtaṃ bhakta-jane tena viṣṇunā prabhaviṣṇunā //

hate tribhuvane rājañ śakrasya balinā purā

jagāma śakraḥ śaraṇaṃ kaśyapaṃ pitaraṃ tataḥ //

Note:

hate tribhuvane rājañ śakrasya balinā purā

jagāma śakraḥ śaraṇaṃ kaśyapaṃ pitaraṃ tataḥ //

kaśyapaḥ śakram ādāya jagāmātha pitāmaham

tam āha varado brahmā gaccha kaśyapa keśavam //

Note:

kaśyapaḥ śakram ādāya jagāma atha pitāmaham

tam āha varado brahmā gaccha kaśyapa keśavam //

kṣīrodaśāyinaṃ devaṃ śaraṇaṃ madhusūdanam

taṃ ca prārthaya putratve sa te putro bhaviṣyati //

Note:

kṣīra-uda-śāyinaṃ devaṃ śaraṇaṃ madhusūdanam

taṃ ca prārthaya putratve sa te putro bhaviṣyati //

tataḥ sa sarvaṃ trailokyaṃ devarājasya dāsyati

evaṃ coktaḥ kaśyapas tu sārdhaṃ tridaśapuṅgavaiḥ //

Note:

tataḥ sa sarvaṃ trailokyaṃ deva-rājasya dāsyati

evaṃ ca uktaḥ kaśyapas tu sa-ardhaṃ tridaśa-puṅgavaiḥ //

kṣīrābdhiṃ sa tato gatvā dadarśa tapasā harim

dṛṣṭvā stavena tuṣṭāva tatas tasya tadā hariḥ //

Note:

kṣīra-abdhiṃ sa tato gatvā dadarśa tapasā harim

dṛṣṭvā stavena tuṣṭāva tatas tasya tadā hariḥ //

prasannaḥ putratām etya devo vāmanarūpadhṛk

tribhir natais tribhuvanaṃ sarvam ākramya viśvadhṛk //

Note:

prasannaḥ putratām etya devo vāmana-rūpa-dhṛk

tribhir natais tribhuvanaṃ sarvam ākramya viśva-dhṛk //

prādāc chakrāya rājendra baddhvā daityeśvaraṃ balim

kaśyapena stutas tv evaṃ tasya putratvam āgataḥ //

Note:

prādāc chakrāya rājendra baddhvā daitya-īśvaraṃ balim

kaśyapena stutas tv evaṃ tasya putratvam āgataḥ //

stavena yena tuṣṭāva kaśyapo madhusūdanam

taṃ stavaṃ tvaṃ samācakṣva sarvapāpaharaṃ śivam //

Note:

stavena yena tuṣṭāva kaśyapo madhusūdanam

taṃ stavaṃ tvaṃ samācakṣva sarva-pāpa-haraṃ śivam //

śṛṇu rājan stavaṃ puṇyaṃ kaśyapena prakīrtitam

kṣīrodaśayanād dṛṣṭvā devadevaṃ samutthitam //

Note:

śṛṇu rājan stavaṃ puṇyaṃ kaśyapena prakīrtitam

kṣīra-uda-śayanād dṛṣṭvā deva-devaṃ samutthitam //

oṃ namo 'stu te devadeva ekaśṛṅga vṛṣārcita sindhuvṛkṣa vṛṣākape surapa anindita bhadra kapila viṣvaksena dhruva dharma dharmadhvaja vaikuṇṭha vṛṣāvarta anādimadhyanidhana janapriya vṛṣṇija amṛteśaya sanātana tridhāman tridhāma tuṣita dundubhe mahatāṃloka lokanābhe padmanābha viriñca bahurūpa akṣaṇādakṣaya (?) havyabhuk khaṇḍaparaśo cakra muṇḍakeśa haṃsa mahādakṣiṇa hṛṣīkeśa sūkṣma mahāmunistoma (?) virajastama sarvalokapratiṣṭha śipiviṣṭa atapā agraja dharmaja dharmanābha gabhastinābha candraratha apāpman tvam eva samudravāsa aja ekapāt sahasrarambhita mahāśīrṣa sahasradṛk sahasrapāda ayomukha mahāpuruṣa sahasrabāho sahasramūrte sahasrākṣa sahasraprabhava sahasraśas tvām āhur vedavido vedavidam sarveṣām eva viśvatvam āhuḥ puṣpahāsa paramacaratvam eva vauṣaṭ vaṣaṭkāra svāhā makheṣu bhāgaprāśinaṃ śatadhāraṃ sahasradhāraṃ ca bhūr vā bhuvar vā tvam eva brahmamaya brāhmaṇeya brahmā diśas tvam eva dyaur asi pṛthivy asi mātariśvāsi hotā potā mantā netā homyahetus tvam evāgrya viśvadhāmnā tvam eva digbhiḥ sragbhāṇḍa ījyo 'si samādhāsi (?) semiṃdhis (??) tvam eva gatir matimatām asi yogo 'si mokṣo 'si param asi srug asi dhātāsi yajño 'si somo 'si dhūmo 'si dīkṣāsi dakṣiṇāsi viśvam asi sthavira turāṣāḍ hiraṇyagarbha nārāyaṇa ananta vṛṇasame ādityavarṇa ādityatejāḥ mahāpuruṣa puruṣottama ādideva padmanābha padmahāsa padmaśaya padmākṣa hiraṇyāgrakeśa śukla viśvātman viśvadeva viśvatomukha viśvākhya viśvasaṃbhava viśvabhuk tvam eva bhuvikrama atibhūḥ prabhākara śambhuḥ bh[u]vaḥsvayaṃbhū bhūtādiḥ mahābhūta viśvaga viśvaṃ tvam eva viśvagoptāsi pavitram asi haviḥ viśvadhāta ūrdhvakarma amṛtattvāgra (??) bhuvaḥpāta ghṛtākta (??) agne druhiṇa anantakarman vaśaṃ prāgyaṃ viśvapārśva pārśva tvam eva viśva varārthinas trāhīti

Note:

oṃ namo 'stu te devadeva ekaśṛṅga vṛṣa-arcita sindhu-vṛkṣa vṛṣākape sura-pa anindita bhadra kapila viṣvaksena dhruva dharma dharmadhvaja vaikuṇṭha vṛṣāvarta anādi-madhya-nidhana jana-priya vṛṣṇi-ja amṛte-śaya sanātana tridhāman tridhāma tuṣita dundubhe mahatāṃ-loka loka-nābhe padma-nābha viriñca bahu-rūpa akṣaṇādakṣaya (?) havyabhuk khaṇḍa-paraśo cakra muṇḍakeśa haṃsa mahā-dakṣiṇa hṛṣīkeśa sūkṣma mahā-muni-stoma (?) virajas-tama sarva-loka-pratiṣṭha śipiviṣṭa atapā agraja dharmaja dharma-nābha gabhasti-nābha candra-ratha apāpman tvam eva samudra-vāsa aja eka-pāt sahasra-rambhita mahā-śīrṣa sahasra-dṛk sahasra-pāda ayo-mukha mahā-puruṣa sahasra-bāho sahasra-mūrte sahasra-akṣa sahasra-prabhava sahasraśas tvām āhur vedavido vedavidam sarveṣām eva viśvatvam āhuḥ puṣpa-hāsa parama-caratvam eva vauṣaṭ vaṣaṭ-kāra svāhā makheṣu bhāga-prāśinaṃ śata-dhāraṃ sahasradhāraṃ ca bhūr vā bhuvar vā tvam eva brahma-maya brāhmaṇeya brahmā diśas tvam eva dyaur asi pṛthivy asi mātariśva āsi hotā potā mantā netā homya-hetus tvam eva agrya viśva-dhāmnā tvam eva digbhiḥ srag-bhāṇḍa ījyo 'si samādha āsi (?) semiṃdhis (??) tvam eva gatir matimatām asi yogo 'si mokṣo 'si param asi srug asi dhāta āsi yajño 'si somo 'si dhūmo 'si dīkṣa āsi dakṣiṇa āsi viśvam asi sthavira turāṣāḍ hiraṇya-garbha nārāyaṇa ananta vṛṇasame āditya-varṇa āditya-tejāḥ mahā-puruṣa puruṣottama ādi-deva padma-nābha padma-hāsa padma-śaya padma-akṣa hiraṇya-agra-keśa śukla viśva-ātman viśva-deva viśvato-mukha viśva-ākhya viśva-saṃbhava viśva-bhuk tvam eva bhuvi-krama atibhūḥ prabhā-kara śambhuḥ bh[u]vaḥ-svayaṃbhū bhūta-ādiḥ mahā-bhūta viśva-ga viśvaṃ tvam eva viśva-gopta āsi pavitram asi haviḥ viśva-dhāta ūrdhva-karma amṛtattvāgra (??) bhuvaḥ-pāta ghṛtākta (??) agne druhiṇa anantakarman vaśaṃ prāgyaṃ viśva-pārśva pārśva tvam eva viśva vara-arthinas trāhi iti

stotreṇa yaḥ kāśyapanirmitena stotraṃ sadā devavarasya kartā

kālyaṃ śucis tadgatamānasena gantā sa lokān puruṣottamasya //

Note:

stotreṇa yaḥ kāśyapa-nirmitena stotraṃ sadā deva-varasya kartā

kālyaṃ śucis tad-gata-mānasena gantā sa lokān puruṣottamasya //

// iti śrīviṣṇudharmottare tṛtīyakhaṇḍe mārkaṇḍeyavajrasaṃvāde kaśyapa-stotravarṇano nāma catuścatvāriṃśadadhikatriśatatamo 'dhyāyaḥ // 344 //

prasādaṃ paramaṃ tasya keśavasya mahātmanaḥ

brūhi bhaktajane mahyaṃ devadevasya cakriṇaḥ //

Note:

prasādaṃ paramaṃ tasya keśavasya maha-ātmanaḥ

brūhi bhakta-jane mahyaṃ deva-devasya cakriṇaḥ //

na hi tṛpyāmy ahaṃ tasya śṛṇvānaḥ śravaṇāmṛtam

hastatrāṇaprado loke ya ekaḥ patatāṃ nṛṇām //

Note:

na hi tṛpyāmy ahaṃ tasya śṛṇvānaḥ śravaṇa-amṛtam

hasta-trāṇa-prado loke ya ekaḥ patatāṃ nṛṇām //

devāś ca ṛṣayaś caiva vivadantaḥ purānagha

bījair yaṣṭavyam ity etat trivarṣaparamoṣitaiḥ //

Note:

devāś ca ṛṣayaś caiva vivadantaḥ pura ānagha

bījair yaṣṭavyam ity etat tri-varṣa-parama-uṣitaiḥ //

ajasaṃjñāni bījāni chāgaṃ ghnantum athārhasi

pakṣo 'yam āsīd dharmajña ṛṣīṇāṃ bhāvitātmanām //

Note:

aja-saṃjñāni bījāni chāgaṃ ghnantum atha arhasi

pakṣo 'yam āsīd dharma-jña ṛṣīṇāṃ bhāvita-ātmanām //

devānāṃ tu paśuḥ pakṣas tato mārgāgato [']bhavat

rājoparicaro nāma vasur vasumatāṃ varaḥ //

Note:

devānāṃ tu paśuḥ pakṣas tato mārga-āgato [']bhavat

rāja ūparicaro nāma vasur vasu-matāṃ varaḥ //

devāś ca ṛṣayaś caiva papṛcchantas tadā vasum

yathopanītair yaṣṭavyam ity uktaṃ vasunā purā //

Note:

devāś ca ṛṣayaś caiva papṛcchantas tadā vasum

yatha ūpanītair yaṣṭavyam ity uktaṃ vasunā purā //

gatenānṛtavākyena rājā hiṃsāpravartinā

nityamākāśago bhūtvā bhūmer vivarago [']bhavat //

Note:

gatena anṛta-vākyena rājā hiṃsā-pravartinā

nityam-ākāśa-go bhūtvā bhūmer vivara-go [']bhavat //

bhūmer vivaragasyātha devapakṣārthavādinaḥ

nidhanārthaṃ matiṃ cakrur devabhaktasya dānavāḥ //

Note:

bhūmer vivara-gasya atha deva-pakṣa-artha-vādinaḥ

nidhana-arthaṃ matiṃ cakrur deva-bhaktasya dānavāḥ //

teṣāṃ cikīrṣitaṃ śrutvā devāḥ śīghraparākramāḥ

nyavedayaṃs tathā cakraṃ devācārye bṛhaspatau //

Note:

teṣāṃ cikīrṣitaṃ śrutvā devāḥ śīghra-para-ākramāḥ

nyavedayaṃs tathā cakraṃ deva-ācārye bṛhaspatau //

bṛhaspatis tato gatvā bhūmer vivaragaṃ nṛpam

rakṣām adhyāpayām āsa vaiṣṇavīm aparājitām //

Note:

bṛhaspatis tato gatvā bhūmer vivara-gaṃ nṛpam

rakṣām adhyāpayām āsa vaiṣṇavīm aparājitām //

bhūtabhavyabhaviṣyāṇāṃ karmaṇām anukīrtanaiḥ
nirmitā brahmaṇā vidyā sarvabādhākṣayaṃkarī
adhyāpya taṃ ca rājānam idam āha bṛhaspatiḥ //

Note:

bhūta-bhavya-bhaviṣyāṇāṃ karmaṇām anukīrtanaiḥ
nirmitā brahmaṇā vidyā sarva-bādhā-kṣayaṃ-karī
adhyāpya taṃ ca rājānam idam āha bṛhaspatiḥ //

ihastho bhokṣyase rājan vasor dhārāṃ hutāṃ dvijaiḥ

devatānāṃ prasādena tayā cāpyāyitaḥ sadā //

Note:

iha-stho bhokṣyase rājan vasor dhārāṃ hutāṃ dvijaiḥ

devatānāṃ prasādena tayā cā apyāyitaḥ sadā //

vidyayā cānayā rājann avadhyas tvaṃ bhaviṣyasi
bhūmer vivarasaṃstho 'pi daityadānavarākṣasān
evam uktvā sa rājānaṃ tatraivāntaradhīyata //

Note:

vidyayā ca anayā rājann avadhyas tvaṃ bhaviṣyasi
bhūmer vivara-saṃstho 'pi daitya-dānava-rākṣasān
evam uktvā sa rājānaṃ tatraiva antaradhīyata //

rakṣāṃ tu tāṃ me kathaya dvijendra kṛtā tu yā devapurohitena

rājño vasor bhūmibilasthitasya rakṣā hi sāgryā paramā matā me //

Note:

rakṣāṃ tu tāṃ me kathaya dvijendra kṛtā tu yā deva-purohitena

rājño vasor bhūmi-bila-sthitasya rakṣā hi sa āgryā paramā matā me //

// iti śrīviṣṇudharmottare tṛ[tīye] kha[ṇḍe] mārkaṇḍeya-vajra-saṃvāde bhū-vivara-sthita-rājño rakṣā-varṇano nāma pañcacatvāriṃśadadhikatriśatatamo 'dhyāyaḥ // 3.345 //

oṃ namo bhagavate vāsudevāya /

Note:

oṃ namo bhagavate vāsudevāya /

namo [a]nantāya /

Note:

namo [a]nantāya /

sahasraśīrṣāya /

Note:

sahasra-śīrṣāya /

kṣīrodārṇavaśāyine /

Note:

kṣīra-udārṇava-śāyine /

śeṣabhogaparyaṅkāya /

Note:

śeṣa-bhoga-paryaṅkāya /

garuḍavāhanāya /

Note:

garuḍa-vāhanāya /

ajāya /

Note:

ajāya /

ajitāya /

Note:

ajitāya /

pītavāsase /

Note:

pīta-vāsase /

vāsudeva /

Note:

vāsudeva /

saṃkarṣaṇa /

Note:

saṃkarṣaṇa /

pradyumna /

Note:

pradyumna /

aniruddha /

Note:

aniruddha /

hayaśiro /

Note:

haya-śiro /

varāha /

Note:

varāha /

narasiṃha /

Note:

nara-siṃha /

vāmana /

Note:

vāmana /

trivikrama /

Note:

trivikrama /

rāma /

Note:

rāma /

Note:

rāma /

Note:

rāma /

namo 'stu te namo 'stu te namo 'stu te /

Note:

namo 'stu te namo 'stu te namo 'stu te /

asuravaradaityadānavayakṣarākṣasabhūtapretapiśācakumbhāṇḍasiddhayoginīḍākinīskandapurogān grahān nakṣatragahāṃś cānyān hana hana paca paca matha matha vidhvaṃsaya vidhvaṃsaya vidrāvaya vidrāvaya śaṅkhena cakreṇa vajreṇa gadayā musalena halena bhasmīkuru /

Note:

asura-vara-daitya-dānava-yakṣa-rākṣasa-bhūta-preta-piśāca-kumbhāṇḍa-siddha-yoginī-ḍākinī-skanda-puro-gān grahān nakṣatra-gahāṃś ca anyān hana hana paca paca matha matha vidhvaṃsaya vidhvaṃsaya vidrāvaya vidrāvaya śaṅkhena cakreṇa vajreṇa gadayā musalena halena bhasmī-kuru /

sahasrabāho /

Note:

sahasra-bāho /

sahasrapraharaṇāyudha /

Note:

sahasra-praharaṇa-āyudha /

jaya jaya /

Note:

jaya jaya /

vijaya vijaya /

Note:

vijaya vijaya /

aparājita /

Note:

aparā-jita /

apratihatanetra /

Note:

apratihata-netra /

jvala jvala prajvala prajvala /

Note:

jvala jvala prajvala prajvala /

viśvarūpa /

Note:

viśva-rūpa /

bahurūpa /

Note:

bahu-rūpa /

madhusūdana /

Note:

madhusūdana /

mahāvarāha /

Note:

mahā-varāha /

mahāpuruṣa /

Note:

mahā-puruṣa /

vaikuṇṭha /

Note:

vaikuṇṭha /

nārāyaṇa /

Note:

nārāyaṇa /

padmanābha /

Note:

padmanābha /

govinda /

Note:

govinda /

dāmodara /

Note:

dāmodara /

hṛṣīkeśa /

Note:

hṛṣīkeśa /

keśava /

Note:

keśava /

sarvāsurotsādana /

Note:

sarva-asura-utsādana /

sarvabhūvaśaṃkara /

Note:

sarva-bhū-vaśaṃ-kara /

sarvaduḥsvapnaprabhedana /

Note:

sarva-duḥsvapna-prabhedana /

sarvayantraprabhañjana /

Note:

sarva-yantra-prabhañjana /

sarvanāgamardana /

Note:

sarva-nāga-mardana /

sarvadevamaheśvara /

Note:

sarva-deva-mahā-īśvara /

sarvabandhavimokṣaṇa /

Note:

sarva-bandha-vimokṣaṇa /

sarvāhitamardana /

Note:

sarva-āhita-mardana /

sarvajvarapraṇāśana /

Note:

sarva-jvara-praṇāśana /

sarvagrahanivāraṇa /

Note:

sarva-graha-nivāraṇa /

sarvapāpapraśamana /

Note:

sarva-pāpa-praśamana /

janārdana /

Note:

janārdana /

namo 'stu te svāhā /

Note:

namo 'stu te svāhā /

ya imām aparājitāṃ paramavaiṣṇavīṃ siddhāṃ mahāvidyāṃ japati paṭati śṛṇoti smarati dhārayati kīrtayati vā na tasyāgnivāyuvajropalāśani..(?)[bh]ayam na samudrabhayam na grahabhayam na caurabhayam śvāpadabhayaṃ vā na bhavet /

Note:

ya imām aparājitāṃ parama-vaiṣṇavīṃ siddhāṃ mahā-vidyāṃ japati paṭati śṛṇoti smarati dhārayati kīrtayati vā na tasya agni-vāyu-vajra-upalāśani..(?)[bh]ayam na samudra-bhayam na graha-bhayam na caura-bhayam śvāpada-bhayaṃ vā na bhavet /

kvacidrātryandhakārastrīrājakulavidveṣaviṣopaviṣagaragadavaśīkaraṇaṃ vidveṣaṇaṃ vidveṣaṇoccāṭanavadhabandhamabhayaṃ vā na bhavet /

Note:

kvacid-rātry-andhakāra-strī-rāja-kula-vidveṣa-viṣa-upaviṣa-gara-gada-vaśī-karaṇaṃ vidveṣaṇaṃ vidveṣaṇa-uccāṭana-vadha-bandhama-bhayaṃ vā na bhavet /

etair mantrair udāhṛtaiḥ siddhaiḥ saṃsiddhapūjitaiḥ / tad yathā oṃ namo 'stu te anaghe /

Note:

etair mantrair udāhṛtaiḥ siddhaiḥ saṃsiddha-pūjitaiḥ / tad yathā oṃ namo 'stu te anaghe /

ajite /

Note:

ajite /

amite /

Note:

amite /

amṛte /

Note:

amṛte /

aparājite /

Note:

aparājite /

paṭhitasiddhe /

Note:

paṭhita-siddhe /

smarātisiddhe /

Note:

smara-atisiddhe /

ekānaṃśe /

Note:

eka-anaṃśe /

ume /

Note:

ume /

dhruve /

Note:

dhruve /

arundhati /

Note:

arundhati /

sāvitri /

Note:

sāvitri /

gāyatri /

Note:

gāyatri /

jātavedasi /

Note:

jāta-vedasi /

mānastoke /

Note:

mā-nas-toke /

sarasvati /

Note:

sarasvati /

dharaṇi /

Note:

dharaṇi /

dhāraṇi /

Note:

dhāraṇi /

saudāmani /

Note:

saudāmani /

aditi /

Note:

aditi /

diti /

Note:

diti /

vinate /

Note:

vinate /

gauri /

Note:

gauri /

gāndhāri /

Note:

gāndhāri /

mātaṅgi /

Note:

mātaṅgi /

kṛṣṇayaśodhe /

Note:

kṛṣṇa-yaśodhe /

satyavādini /

Note:

satya-vādini /

brahmavādini /

Note:

brahma-vādini /

kāli /

Note:

kāli /

kāpāli /

Note:

kāpāli /

nidre /

Note:

nidre /

satyopayānakari /

Note:

satya-upayāna-kari /

sthalagataṃ jalagatam antarikṣagataṃ vā rakṣa rakṣa sarvabhūtebhyaḥ sarvopadravebhyaḥ svāhā /

Note:

sthalagataṃ jalagatam antarikṣa-gataṃ vā rakṣa rakṣa sarva-bhūtebhyaḥ sarva-upadravebhyaḥ svāhā /

yasyāḥ praṇaśyate puṣpaṃ garbho vā patate yadi

mriyante bālakā yasyāḥ kākavandhyā ca yā bhavet //

Note:

yasyāḥ praṇaśyate puṣpaṃ garbho vā patate yadi

mriyante bālakā yasyāḥ kāka-vandhyā ca yā bhavet //

śastraṃ dhārayate hy eṣāṃ samare kāṇḍadāruṇi
gulmaśūlākṣirogāṇāṃ kṣipraṃ nāśayati vyathām
śirorogajvarāṇāṃ ca nāśanī sarvadehinām //

Note:

śastraṃ dhārayate hy eṣāṃ samare kāṇḍa-dāruṇi
gulma-śūla-akṣi-rogāṇāṃ kṣipraṃ nāśayati vyathām
śiro-roga-jvarāṇāṃ ca nāśanī sarva-dehinām //

tad yathā hana hana kālaṃ sara sara gauri gauri dhama dhama vidye alitāle (?) māle gandhe bandhe paca paca vidye nāśaya vā saṃhara duḥsvapnaṃ vināśaya /

Note:

tad yathā hana hana kālaṃ sara sara gauri gauri dhama dhama vidye alitāle (?) māle gandhe bandhe paca paca vidye nāśaya vā saṃhara duḥsvapnaṃ vināśaya /

nāśani /

Note:

nāśani /

rajani /

Note:

rajani /

saṃdhye /

Note:

saṃdhye /

dundubhināde /

Note:

dundubhi-nāde /

mānasavege /

Note:

mānasa-vege /

śaṅkhini /

Note:

śaṅkhini /

vajriṇi /

Note:

vajriṇi /

cakriṇi /

Note:

cakriṇi /

śūlini /

Note:

śūlini /

apamṛtyuvināśini /

Note:

apamṛtyu-vināśini /

viśveśvari /

Note:

viśva-īśvari /

drāvaḍi drāvaḍi (?) /

Note:

drāvaḍi drāvaḍi (?) /

keśavadayite /

Note:

keśava-dayite /

paśupatisahite /

Note:

paśupati-sahite /

dundubhidamani /

Note:

dundubhi-damani /

śabari /

Note:

śabari /

kirāti /

Note:

kirāti /

mātaṅgi /

Note:

mātaṅgi /

oṃ drauṃdrauṃ jroṃjroṃ kroṃkroṃ turu turu yeṣāṃ dviṣanti pratyakṣaṃ paro[']kṣaṃ vā sarvān dama dama marda marda tāpaya tāpaya gopaya gopaya utsādaya utsādaya /

Note:

oṃ drauṃdrauṃ jroṃjroṃ kroṃkroṃ turu turu yeṣāṃ dviṣanti pratyakṣaṃ paro[']kṣaṃ vā sarvān dama dama marda marda tāpaya tāpaya gopaya gopaya utsādaya utsādaya /

brahmāṇi /

Note:

brahmāṇi /

maheśvari /

Note:

mahā-īśvari /

varāhi /

Note:

varāhi /

vaināyiki /

Note:

vaināyiki /

upendri /

Note:

upa-indri /

āgneyi /

Note:

āgneyi /

cāmuṇḍe /

Note:

cāmuṇḍe /

vāruṇi /

Note:

vāruṇi /

vāyavye /

Note:

vāyavye /

rakṣa rakṣa pracaṇḍavidye /

Note:

rakṣa rakṣa pracaṇḍa-vidye /

oṃ indropendrabhagini /

Note:

oṃ indra-upendra-bhagini /

vijaye /

Note:

vijaye /

śāntisvastipuṣṭivivardhini /

Note:

śānti-svasti-puṣṭi-vivardhini /

kāmāṅkuśe /

Note:

kāma-aṅkuśe /

kāmadudhe /

Note:

kāma-dudhe /

sarvakāmavaraprade /

Note:

sarva-kāma-vara-prade /

sarvabhūteṣu māṃ priyaṃ kuru kuru /

Note:

sarvabhūteṣu māṃ priyaṃ kuru kuru /

ākarṣaṇi /

Note:

ākarṣaṇi /

āveśani /

Note:

āveśani /

jvālāmālini /

Note:

jvālā-mālini /

śoṣaṇi /

Note:

śoṣaṇi /

saṃmohani /

Note:

saṃmohani /

nīlapatāke /

Note:

nīla-patāke /

mahānīle /

Note:

mahā-nīle /

mahāgauri /

Note:

mahā-gauri /

mahāśrī /

Note:

mahā-śrī /

mahācāndri /

Note:

mahā-cāndri /

mahāsauri /

Note:

mahā-sauri /

mahāmāyuri /

Note:

mahā-māyuri /

ādityaraśmi /

Note:

āditya-raśmi /

jāhnavi /

Note:

jāhnavi /

yamaghaṇṭe /

Note:

yama-ghaṇṭe /

kiṇikiṇi /

Note:

kiṇi-kiṇi /

cintāmaṇi /

Note:

cintā-maṇi /

surabhi /

Note:

surabhi /

sarvāsurotpanne /

Note:

sarva-asurotpanne /

sarvakāmadughe /

Note:

sarva-kāma-dughe /

yathāmanīṣitaṃ kāryaṃ tan mama sidhyatu svāhā /

Note:

yathā-manīṣitaṃ kāryaṃ tan mama sidhyatu svāhā /

oṃ svāhā /

Note:

oṃ svāhā /

oṃ bhūḥsvāhā /

Note:

oṃ bhūḥ-svāhā /

oṃ bhuvaḥsvāhā /

Note:

oṃ bhuvaḥ-svāhā /

oṃ svaḥsvāhā /

Note:

oṃ svaḥ-svāhā /

oṃ bhurbhuvaḥsvaḥsvāhā /

Note:

oṃ bhur-bhuvaḥ-svaḥ-svāhā /

yatraivāgataṃ pāpaṃ tatraiva pratigacchatu svāhā /

Note:

yatraivā agataṃ pāpaṃ tatraiva pratigacchatu svāhā /

oṃ bale /

Note:

oṃ bale /

mahābale /

Note:

mahā-bale /

asiddhasādhani /

Note:

asiddha-sādhani /

svāhāty oṃ /

Note:

svāha āty oṃ /

amoghāṃ paṭhitasiddhāṃ vaiṣṇavīm aparājitāṃ dhyāyet /

Note:

amoghāṃ paṭhita-siddhāṃ vaiṣṇavīm aparājitāṃ dhyāyet /

evaṃ hi kṛtarakṣasya vasudhārām upāśnataḥ

vasor vasumatīgarte tiṣṭhato danunandanāḥ //

Note:

evaṃ hi kṛta-rakṣasya vasu-dhārām upāśnataḥ

vasor vasumatī-garte tiṣṭhato danu-nandanāḥ //

ajagmur vividhākārāś caturaṅgabalānvitāḥ

nānāpraharaṇā dagdhā bhīmavācaḥ sadāruṇāḥ //

Note:

ajagmur vividha-ākārāś catur-aṅga-bala-anvitāḥ

nānā-praharaṇā dagdhā bhīma-vācaḥ sa-dāruṇāḥ //

āgamya vāgbhir ugrābhis tarjayantaś ca te vasum

nirjaghnur āyudhair bhīmair devapakṣaparaṃ sadā //

Note:

āgamya vāgbhir ugrābhis tarjayantaś ca te vasum

nirjaghnur āyudhair bhīmair deva-pakṣa-paraṃ sadā //

na ca te 'sya rujaṃ cakrur na ca tān apy udīkṣitā

cintayām āsa deveśaṃ manasā madhusūdanam //

Note:

na ca te 'sya rujaṃ cakrur na ca tān apy udīkṣitā

cintayām āsa deva-īśaṃ manasā madhusūdanam //

tato niṣphalayatnās te dṛṣṭvā tan mahad adbhutam

jagmuḥ sarve gṛhān eva vilakṣā daityadānavāḥ //

Note:

tato niṣphala-yatnās te dṛṣṭvā tan mahad adbhutam

jagmuḥ sarve gṛhān eva vilakṣā daitya-dānavāḥ //

teṣu niṣphalayatneṣu devo garuḍam abravīt

gatvā garuḍa rājānam vasuṃ śīghram ihānaya //

Note:

teṣu niṣphala-yatneṣu devo garuḍam abravīt

gatvā garuḍa rājānam vasuṃ śīghram ihā anaya //

evam uktaḥ sa garuḍo devadevena cakriṇā

pakṣavātārṇavakṣobha(?)kṣubdhayādogaṇo yayau //

Note:

evam uktaḥ sa garuḍo deva-devena cakriṇā

pakṣa-vāta-arṇava-kṣobha(?)kṣubdha-yādo-gaṇo yayau //

dadarśa ca bhuvo garte dhyānasaṃmīlitekṣaṇam

vasurājo 'pi garuḍaṃ dadarśa harivāhanam //

Note:

dadarśa ca bhuvo garte dhyāna-saṃmīlita-īkṣaṇam

vasu-rājo 'pi garuḍaṃ dadarśa hari-vāhanam //

sa dṛṣṭvā garuḍaṃ prāptaṃ kṛṣṇabhaktisamanvitam

tuṣṭāva garuḍaṃ vāgbhir arthyābhir amitakriyaḥ //

Note:

sa dṛṣṭvā garuḍaṃ pra-āptaṃ kṛṣṇa-bhakti-samanvitam

tuṣṭāva garuḍaṃ vāgbhir arthyābhir amita-kriyaḥ //

namasyāmi mahābāhuṃ khagendraṃ harivāhanam

viṣṇor dhvajāgrasaṃsthāna vitrāsitamahāsura //

Note:

namasyāmi mahā-bāhuṃ kha-ga-indraṃ hari-vāhanam

viṣṇor dhvaja-agra-saṃsthāna vitrāsita-mahā-asura //

namas te nāgadarpaghna vinatānandavardhana

svapakṣavātanirdhūtadīnadaityanirīkṣita //

Note:

namas te nāga-darpa-ghna vinatā-nanda-vardhana

sva-pakṣa-vāta-nirdhūtadīna-daitya-nirīkṣita //

parasparasya śāpena supratīka vibhāvaso

gajakacchapatāṃ prāptau tāv ubhau vairasaṃyutau //

Note:

paras-parasya śāpena supratīka vibhāvaso

gaja-kacchapatāṃ prāptau tāv ubhau vaira-saṃyutau //

ṣaḍ ucchrito yojanāni gajas taddviguṇāyataḥ

kūrmas triyojanotsedho daśayojanamaṇḍalaḥ //

Note:

ṣaḍ ucchrito yojanāni gajas tad-dvi-guṇa-āyataḥ

kūrmas tri-yojana-utsedho daśa-yojana-maṇḍalaḥ //

nakhasthau tau tvayā nītau hatau bhuktau ca pakṣipa

parasparakṛtocchrāyau dvārau ca parimokṣitau //

Note:

nakha-sthau tau tvayā nītau hatau bhuktau ca pakṣi-pa

paras-para-kṛta-ucchrāyau dvārau ca parimokṣitau //

niṣādaviṣayaṃ bhuktaṃ tatra krūram aninditam

niṣādīśastato (?) muktas tatrāpi brāhmaṇas tvayā //

Note:

niṣāda-viṣayaṃ bhuktaṃ tatra krūram aninditam

niṣādī-śastato (?) muktas tatra api brāhmaṇas tvayā //

tvayā rohiṇivṛkṣasya yojanānāṃ śātāyatā

śākhā bhinnāḥ sthitā yatra vālakhilyāḥ sahasraśaḥ //

Note:

tvayā rohiṇi-vṛkṣasya yojanānāṃ śāta-āyatā

śākhā bhinnāḥ sthitā yatra vālakhilyāḥ sahasraśaḥ //

tāṃs tu vaktragatān kṛtvā nakhasthair gajakacchapaiḥ

nabhasy eva nirālambe sarvataḥ parivāritaḥ //

Note:

tāṃs tu vaktra-gatān kṛtvā nakha-sthair gaja-kacchapaiḥ

nabhasy eva nirālambe sarvataḥ parivāritaḥ //

tvayā jitvā raṇe sarvān devāñ śakrapurogamān

āhṛtaṃ tu paraṃ somaṃ vahner vāpy atha kāśyapa //

Note:

tvayā jitvā raṇe sarvān devāñ śakra-puro-gamān

āhṛtaṃ tu paraṃ somaṃ vahner va āpy atha kāśyapa //

nāgau dṛṣṭiviṣau kṛtvā rajasā bhuvi cakṣuṣoḥ

jihvāgranityagaṃ bhuñjañ cakre tau devanirmitau //

Note:

nāgau dṛṣṭi-viṣau kṛtvā rajasā bhuvi cakṣuṣoḥ

jihvā-agra-nitya-gaṃ bhuñjañ cakre tau deva-nirmitau //

āhṛtyāpi tvayā somaṃ nītam eva na bhakṣitam

tena viṣṇor dhvajasthāne vāhanatvaṃ gato hy asi //

Note:

āhṛtya api tvayā somaṃ nītam eva na bhakṣitam

tena viṣṇor dhvaja-sthāne vāhana-tvaṃ gato hy asi //

tvayā nikṣipya darbheṣu somaṃ nāgāś ca vañcitāḥ

jahāra sahasā yatra tac chīghraṃ balasūdanaḥ //

Note:

tvayā nikṣipya darbheṣu somaṃ nāgāś ca vañcitāḥ

jahāra sahasā yatra tac chīghraṃ bala-sūdanaḥ //

yatra jihvā dvidhā bhūtā pannagānāṃ dvijottamāḥ

vinatā mocitā dāsyāt kaṭvā pūrvaṃ jitā paṇe //

Note:

yatra jihvā dvidhā bhūtā panna-gānāṃ dvija-uttamāḥ

vinatā mocitā dāsyāt kaṭvā pūrvaṃ jitā paṇe //

uccaiḥśravās tu kiṃvarṇaḥ śukla ity eva bhāṣatī

kṛṣṇavālam ahaṃ manye pucchaṃ dṛṣṭvaiva vākchalāt //

Note:

uccaiḥśravās tu kiṃ-varṇaḥ śukla ity eva bhāṣatī

kṛṣṇa-vālam ahaṃ manye pucchaṃ dṛṣṭvaiva vāk-chalāt //

tvayā vajraprahāreṇa pakṣayuktaṃ purā svayam

dadhīcivajraśakrāṇāṃ mānanārthāya nānyathā //

Note:

tvayā vajra-prahāreṇa pakṣa-yuktaṃ purā svayam

dadhīci-vajra-śakrāṇāṃ mānana-arthāya na anyathā //

tasya pakṣasya devendro yadā nāntaṃ hi dṛṣṭavān

tadā tava suparṇeti nāma khyātaṃ jagattraye //

Note:

tasya pakṣasya deva-indro yadā na antaṃ hi dṛṣṭavān

tadā tava suparṇa iti nāma khyātaṃ jagat-traye //

tejasā bhāskaraṃ devaṃ javena ca samīraṇam

na te tulyo mahābhāga nāgapakṣakṣayaṃkara //

Note:

tejasā bhāskaraṃ devaṃ javena ca samīraṇam

na te tulyo mahā-bhāga nāga-pakṣa-kṣayaṃ-kara //

dhyānamātre tvayi vibho viśvaṃ sthāvarajaṅgamam

kṣipraṃ praṇāśam āyāti tathā sarvabhayāni ca //

Note:

dhyāna-mātre tvayi vibho viśvaṃ sthāvara-jaṅgamam

kṣipraṃ praṇāśam āyāti tathā sarva-bhayāni ca //

svakayā pakṣanāḍyā tvaṃ brahmāṇḍaṃ sakalaṃ vahan

nopayāsi prabho khedaṃ yathā devo janārdanaḥ //

Note:

svakayā pakṣa-nāḍyā tvaṃ brahma-aṇḍaṃ sakalaṃ vahan

na upayāsi prabho khedaṃ yathā devo janārdanaḥ //

tvam ṛṣis tvaṃ mahābhāgas tvaṃ devaḥ patageśvaraḥ

tvaṃ prabhus tapanaprakhyas tvaṃ nas trāṇam anuttamam //

Note:

tvam ṛṣis tvaṃ mahā-bhāgas tvaṃ devaḥ pata-ga-īśvaraḥ

tvaṃ prabhus tapana-prakhyas tvaṃ nas trāṇam anuttamam //

balormimān sādhvaradīnasattvaḥ samṛddhimān duṣprasahas tvam eva

tapaḥ śrutaṃ sarvam ahīnakīrtir anāgatādīn viṣayāṃś ca vetsi //

Note:

bala-ūrmimān sa-adhvara-dīna-sattvaḥ samṛddhimān duṣ-prasahas tvam eva

tapaḥ śrutaṃ sarvam ahīna-kīrtir anāgata-ādīn viṣayāṃś ca vetsi //

tvam uttamaḥ sarvam idaṃ carācaraṃ gabhastibhir bhānur ivāvabhāse

samākṣipan bhānusutaprabhāṃ muhus tvam antakaḥ sarvam idaṃ dhruvādhruva (?) //

Note:

tvam uttamaḥ sarvam idaṃ cara-acaraṃ gabhastibhir bhānur iva avabhāse

samākṣipan bhānu-suta-prabhāṃ muhus tvam antakaḥ sarvam idaṃ dhruva-adhruva (?) //

divākaraḥ parikramati yathā dahan prajās tathā dahasi hutāśanaprabha

bhayaṃkaraḥ pralaya ivāgnir utthito vināśayaty uragaparivartapāntakṛt (?) //

Note:

divā-karaḥ parikramati yathā dahan prajās tathā dahasi huta-aśana-prabha

bhayaṃkaraḥ pralaya iva agnir utthito vināśayaty uraga-parivartapa-antakṛt (?) //

khageśvaraṃ śaraṇam upāgato 'smy ahaṃ mahaujasaṃ vitimirabhragocaram (?)

mahābalaṃ garuḍam upetya khecaraṃ mahaujasaṃ varadam ajeyam aklamam //

Note:

kha-ga-īśvaraṃ śaraṇam upāgato 'smy ahaṃ mahaujasaṃ vitimira-bhragocaram (?)

mahā-balaṃ garuḍam upetya khe-caraṃ mahaujasaṃ vara-dam ajeyam aklamam //

// iti śrīviṣṇudharmottare tṛ[tīye] kha[ṇḍe] mārkaṇḍeya-vajra-saṃvāde garuḍa-stotraṃ nāma ṣāṭcatvāriṃśad-adhika-tri-śatatamo 'dhyāyaḥ //

stutas tu garuḍo rājñā pṛṣṭhamāro 'py apārthivam

darśayām āsa devasya viṣṇor amitatejasaḥ //

Note:

stutas tu garuḍo rājñā pṛṣṭha-māro 'py apārthivam

darśayām āsa devasya viṣṇor amita-tejasaḥ //

sa dṛṣṭvā devadeveśam praṇatārtivināśanam

tuṣṭāva bhaktyā rājendra deveśam aparājitam //

Note:

sa dṛṣṭvā deva-deva-īśam praṇata-ārti-vināśanam

tuṣṭāva bhaktyā rāja-indra deva-īśam aparājitam //

namas te puṇḍarīkākṣa śaraṇāgatavatsala

daityadānavadarpaghna praṇatārtivināśana //

Note:

namas te puṇḍarīka-akṣa śaraṇa-āgata-vatsala

daitya-dānava-darpa-ghna praṇata-ārti-vināśana //

kāmakāmada kāmaghna viśvayone jagatpate

mahāmūrtiniśotthasya tamasaḥ pravināśana //

Note:

kāma-kāma-da kāma-ghna viśva-yone jagat-pate

mahā-mūrti-niśā-utthasya tamasaḥ pravināśana //

na te viduḥ suragaṇāḥ prabhavaṃ na maharṣayaḥ

ādis tvaṃ sarvadharmāṇām ṛṣīṇāṃ ca jagadguro //

Note:

na te viduḥ sura-gaṇāḥ prabhavaṃ na maharṣayaḥ

ādis tvaṃ sarva-dharmāṇām ṛṣīṇāṃ ca jagad-guro //

sūkṣmas tvaṃ sarvabhūtebhyo mahadbhyaś ca mahattaraḥ

dūragas tvaṃ mahābhāga sarveṣām api cāgataḥ //

Note:

sūkṣmas tvaṃ sarva-bhūtebhyo mahadbhyaś ca mahattaraḥ

dūra-gas tvaṃ mahā-bhāga sarveṣām api cā agataḥ //

sarvabhūtāntarastho 'pi karmabhir na ca lipyase

aśarīraḥ śarīrasthaḥ sarvabhūteṣv avasthitaḥ //

Note:

sarva-bhūta-antara-stho 'pi karmabhir na ca lipyase

aśarīraḥ śarīra-sthaḥ sarva-bhūteṣv avasthitaḥ //

puruṣas tvaṃ tvam avyaktas tvam ātmā buddhir eva ca

mahābhūtāni bhagavas tvaṃ tathaivendriyāṇi ca //

Note:

puruṣas tvaṃ tvam avyaktas tvam ātmā buddhir eva ca

mahā-bhūtāni bhagavas tvaṃ tathaiva indriyāṇi ca //

yogibhir mṛṣyase yogajñānajñeya purātana

ye tvāṃ bhajanti te yānti bhagavan paramāṃ gatim //

Note:

yogibhir mṛṣyase yogajñāna-jñeya purātana

ye tvāṃ bhajanti te yānti bhagavan paramāṃ gatim //

jayam anagham ajeyaṃ viśvagaṃ devadevaṃ tridaśaripuvināśe nityam udyuktaśaktim

dvijasuravaravandyaṃ nāśanaṃ kalmaṣāṇāṃ śaraṇam upagato 'haṃ vāsudevaṃ śaraṇyam //

Note:

jayam anagham ajeyaṃ viśva-gaṃ deva-devaṃ tridaśa-ripu-vināśe nityam udyukta-śaktim

dvija-sura-vara-vandyaṃ nāśanaṃ kalmaṣāṇāṃ śaraṇam upagato 'haṃ vāsudevaṃ śaraṇyam //

// iti viṣṇudharmottare tṛtīya-khaṇḍe mārkaṇḍeya-vajra-saṃvāde vāsudeva-stotraṃ nāma sapta-catvāriṃśad-adhika-triśatatamo 'dhyāyaḥ // 347 //

vasunā vasuveśena vāgminā viṣṇur īḍitaḥ

uvāca prāñjaliṃ prahvaṃ pārthivaṃ purataḥ sthitam //

Note:

vasunā vasu-veśena vāgminā viṣṇur īḍitaḥ

uvāca pra-añjaliṃ prahvaṃ pārthivaṃ purataḥ sthitam //

nānṛtaṃ nṛpa vaktavyaṃ prāṇaiḥ kaṇṭhagair api

dharmapraśno na vaktavyas tathaikena viśeṣataḥ //

Note:

na anṛtaṃ nṛpa vaktavyaṃ prāṇaiḥ kaṇṭha-gair api

dharma-praśno na vaktavyas tathaikena viśeṣataḥ //

bahujñenāpi dharmajña dharmakāmena karhicit

durvijñeyās tathā dharmāḥ sūkṣmā rājan duranvayāḥ //

Note:

bahu-jñena api dharma-jña dharma-kāmena karhicit

dur-vijñeyās tathā dharmāḥ sūkṣmā rājan dur-anvayāḥ //

tasmān naikena vaktavyāḥ kadācid api jānatā

uktvānṛtaṃ mahat prāptaṃ tvayā kṛcchraṃ narādhipa //

Note:

tasmān naikena vaktavyāḥ kadācid api jānatā

uktva ānṛtaṃ mahat prāptaṃ tvayā kṛcchraṃ nara-adhipa //

gatibhraṃśas tathaivāptā devajñārthavādinā

mama bhakto 'si satataṃ tena te niṣkṛtiḥ kṛtā //

Note:

gati-bhraṃśas tathaivāptā deva-jña artha-vādinā

mama bhakto 'si satataṃ tena te niṣkṛtiḥ kṛtā //

kālenālpena kalpena yā na śakyā surāsuraiḥ

gaccha pālaya rājyaṃ tvaṃ tathaivāvicalo bhava //

Note:

kālena alpena kalpena yā na śakyā sura-asuraiḥ

gaccha pālaya rājyaṃ tvaṃ tathaiva avicalo bhava //

nāvamānaṃ tvayā kāryaṃ brāhmaṇānāṃ kathaṃcana

brāhmaṇo hi mahad bhūtaṃ vijñeyaṃ daivataṃ param //

Note:

na avamānaṃ tvayā kāryaṃ brāhmaṇānāṃ kathaṃcana

brāhmaṇo hi mahad bhūtaṃ vijñeyaṃ daivataṃ param //

evam uktvā vasuṃ viṣṇus tatraivādarśanaṃ gataḥ

tārkṣyeṇa sahito rājan vismitaś cābhavad vasuḥ //

Note:

evam uktvā vasuṃ viṣṇus tatraiva adarśanaṃ gataḥ

tārkṣyeṇa sahito rājan vismitaś ca abhavad vasuḥ //

rājyaṃ cāvāpa bhūyo 'pi khecaratvaṃ tathaiva ca

tataḥ sabhājitaś cāpi devaiḥ sarvaiḥ samāgataiḥ //

Note:

rājyaṃ ca avāpa bhūyo 'pi khe-cara-tvaṃ tathaiva ca

tataḥ sa-bhājitaś ca api devaiḥ sarvaiḥ samāgataiḥ //

evaṃ sa devena hi bhaktiyukto rasātalastho vasudhādhipeśaḥ

bhayāt sughorāt pravimucya yukto rājyena gatvā nabhasas tathaiva //

Note:

evaṃ sa devena hi bhakti-yukto rasātala-stho vasudhā-adhipa-īśaḥ

bhayāt sughorāt pravimucya yukto rājyena gatvā nabhasas tathaiva //

// iti viṣṇudharmottare tṛtīya-khaṇḍe mārkaṇḍeya-vajra-saṃvāde vasū1pākhyānaṃ nāmā7ṣṭa-catvāriṃśad-adhika-triśatatamo 'dhyāyaḥ // 348 //

viśvarūpaṃ samācakṣva devadevasya cakriṇaḥ

kasya tūddarśitaṃ tena bhṛguvaṃśavivardhana //

Note:

viśva-rūpaṃ samācakṣva devadevasya cakriṇaḥ

kasya tu uddarśitaṃ tena bhṛgu-vaṃśa-vivardhana //

ekāntabhāvanābhaktair dṛṣṭāni bahuśaḥ purā

viśvarūpāṇi devasya yāny aśakyāni bhāṣitum //

Note:

ekānta-bhāvanā-bhaktair dṛṣṭāni bahuśaḥ purā

viśva-rūpāṇi devasya yāny aśakyāni bhāṣitum //

vāsudevaprasādena na bhaved divyadarśanaḥ

viśvarūpadharaṃ draṣṭuṃ tāvac chaktir na vidyate //

Note:

vāsudeva-prasādena na bhaved divya-darśanaḥ

viśva-rūpa-dharaṃ draṣṭuṃ tāvac chaktir na vidyate //

tatra yad darśitaṃ caiva nāradasya purānagha

tat te 'haṃ saṃpravakṣyāmi viśvadevena viṣṇunā //

Note:

tatra yad darśitaṃ caiva nāradasya pura ānagha

tat te 'haṃ saṃpravakṣyāmi viśvadevena viṣṇunā //

nāradaḥ sumahadbhūtaṃ naranārāyaṇāśrayam

badaryāśramam ity uktaṃ jagāmātimanoharam //

Note:

nāradaḥ sumahad-bhūtaṃ nara-nārāyaṇa-āśrayam

badary-āśramam ity uktaṃ jagāma atimano-haram //

caturātmā harir yatra dharmaputratvam āgataḥ

hariḥ kṛṣṇo naraś caiva tathā nārāyaṇaḥ prabhuḥ //

Note:

catur-ātmā harir yatra dharma-putratvam āgataḥ

hariḥ kṛṣṇo naraś caiva tathā nārāyaṇaḥ prabhuḥ //

hariḥ kṛṣṇaḥ sthit[au] vṛtte tadā lokāntare kila

naranārāyaṇau devau tapasy ugre tathā ratau //

Note:

hariḥ kṛṣṇaḥ sthit[au] vṛtte tadā loka-antare kila

nara-nārāyaṇau devau tapasy ugre tathā ratau //

aṣṭacakre sthitau yāne bhūtiyukte manohare

ekapādau nirālambau tathaivordhvabhujāv ubhau //

Note:

aṣṭa-cakre sthitau yāne bhūti-yukte mano-hare

eka-pādau nirālambau tathaivā urdhva-bhujāv ubhau //

dadarśa nāradas tatra tāv ubhau dīptatejasau

abhivādya gatau devau tayos tu purataḥ sthitaḥ //

Note:

dadarśa nāradas tatra tāv ubhau dīpta-tejasau

abhivādya gatau devau tayos tu purataḥ sthitaḥ //

pādyārghācamanīyādyaiḥ pūjitaḥ saṃs tadā dvijaḥ

naranārāyaṇābhyā[ṃs] tu tatrovāsa tadāśrame //

Note:

pādya-ārgha-ācamanīya-ādyaiḥ pūjitaḥ saṃs tadā dvijaḥ

nara-nārāyaṇābhyā[ṃs] tu tatra uvāsa tad-āśrame //

āśramasthaḥ sa viprendraḥ kadācid devasattamau

dadarśa vighnaṃ kurvāṇau devakarma tathānaghau //

Note:

āśrama-sthaḥ sa vipra-indraḥ kadācid deva-sattamau

dadarśa vighnaṃ kurvāṇau deva-karma tatha ānaghau //

tataḥ kṛtāhnik[au] prāha nāradas tau jagadgurū

bhavantau jagatāṃ nāthau bhavantau parameśvarau //

Note:

tataḥ kṛta-āhnik[au] prāha nāradas tau jagad-gurū

bhavantau jagatāṃ nāthau bhavantau parama-īśvarau //

ārādhanārthaṃ kasyeha tapasy abhiratāv ubhau

bhavadbhyām arcyate kaś ca daive pitrye ca kalpyate //

Note:

ārādhana-arthaṃ kasya iha tapasy abhiratāv ubhau

bhavadbhyām arcyate kaś ca daive pitrye ca kalpyate //

prakṛtir yā parāsmākaṃ yataḥ sarvasya saṃbhavaḥ

maryādādarśanārthāya navaṃ tam aparājitam //

Note:

prakṛtir yā para āsmākaṃ yataḥ sarvasya saṃbhavaḥ

maryādā-darśana-arthāya navaṃ tam aparājitam //

pūjayāmaḥ sadā brahman daive pitrye ca kalpite

viprān devagurūn gāś ca pitṝṃś caiva jagattraye //

Note:

pūjayāmaḥ sadā brahman daive pitrye ca kalpite

viprān deva-gurūn gāś ca pitṝṃś caiva jagat-traye //

ye 'rcayanty arcayanty eva taṃ devaṃ parameśvaram

yo 'yam apy arcayed devaṃ tena syāt pūjito hariḥ //

Note:

ye 'rcayanty arcayanty eva taṃ devaṃ parama-īśvaram

yo 'yam apy arcayed devaṃ tena syāt pūjito hariḥ //

vidhihīnaṃ mahābhāga sa hi sarvagato yataḥ

devasyānyasya yac cārcāṃ kartukāmo 'rcayed dharim //

Note:

vidhi-hīnaṃ mahā-bhāga sa hi sarva-gato yataḥ

devasya anyasya yac ca arcāṃ kartu-kāmo 'rcayed dharim //

tena tasya kṛtārcā syād dvijaśreṣṭha vidhānataḥ

deve yasmāt surāḥ sarvaṃ trailokyam api yad gatam //

Note:

tena tasya kṛta arcā syād dvija-śreṣṭha vidhānataḥ

deve yasmāt surāḥ sarvaṃ trailokyam api yad gatam //

kṛtā trailokyapūjā syād viṣṇupūjāvidhāyinā

nāsti lokeṣu tad brahma yatra nāsti janārdanaḥ //

Note:

kṛtā trailokya-pūjā syād viṣṇu-pūjā-vidhāyinā

na asti lokeṣu tad brahma yatra na asti janārdanaḥ //

na tad apy asti lokeṣu yan na viṣṇau pratiṣṭhitam

yasmin sarvaṃ yataḥ sarvaṃ yaḥ sarvaṃ sarvataś ca yaḥ //

Note:

na tad apy asti lokeṣu yan na viṣṇau pratiṣṭhitam

yasmin sarvaṃ yataḥ sarvaṃ yaḥ sarvaṃ sarvataś ca yaḥ //

yaś ca sarvamayo nityaṃ tasmai sarvātmane namaḥ

kṣīrodamadhye dvīpo 'sti bahuyojanavistṛtaḥ //

Note:

yaś ca sarva-mayo nityaṃ tasmai sarva-ātmane namaḥ

kṣīra-uda-madhye dvīpo 'sti bahu-yojana-vistṛtaḥ //

tatra te puruṣāḥ śvetāḥ śaśāṅkasamatejasaḥ

upetāś ca tathā sarve cakrava[r]tyupalakṣaṇaiḥ //

Note:

tatra te puruṣāḥ śvetāḥ śaśa-aṅka-sama-tejasaḥ

upetāś ca tathā sarve cakrava[r]ty-upalakṣaṇaiḥ //

pañcarātravidhānajñāḥ pūjayanti sadā harim

māyādeham athāsthāya devo 'pi madhusūdanaḥ //

Note:

pañcarātra-vidhāna-jñāḥ pūjayanti sadā harim

māyā-deham athā asthāya devo 'pi madhusūdanaḥ //

tatpūjāṃ pratigṛhṇāti śirasā satataṃ hariḥ

taiḥ sārdhaṃ ramate nityaṃ taiś ca saṃpūjyate sadā //

Note:

tat-pūjāṃ pratigṛhṇāti śirasā satataṃ hariḥ

taiḥ sārdhaṃ ramate nityaṃ taiś ca saṃpūjyate sadā //

ekāntabhāvopagatā ye bhavantīha mānavāḥ

akāmāś ca jagannātham arcayanti sadā ca ye //

Note:

ekānta-bhāva-upagatā ye bhavanti iha mānavāḥ

akāmāś ca jagannātham arcayanti sadā ca ye //

te yānti deham utsṛjya tad dvīpaṃ śvetasaṃjñitam

aniṣyandā nirāhārāḥ sarvajñāḥ sarvadarśinaḥ //

Note:

te yānti deham utsṛjya tad dvīpaṃ śveta-saṃjñitam

aniṣyandā nirāhārāḥ sarva-jñāḥ sarva-darśinaḥ //

sarveśvarā nityatṛptāḥ paraṃ sukham upāgatāḥ

pūjayanti hariṃ tatra divyaṃ varṣaśataṃ punaḥ //

Note:

sarva-īśvarā nitya-tṛptāḥ paraṃ sukham upāgatāḥ

pūjayanti hariṃ tatra divyaṃ varṣa-śataṃ punaḥ //

tato 'rkamaṇḍalaṃ bhittvā aniruddhaṃ vaśanti te

brahmaṃs tapobhiḥ pradyumnaṃ tataḥ saṃkarṣaṇaṃ prabhum //

Note:

tato 'rka-maṇḍalaṃ bhittvā aniruddhaṃ vaśanti te

brahmaṃs tapobhiḥ pradyumnaṃ tataḥ saṃkarṣaṇaṃ prabhum //

vāsudevaṃ tataḥ prāpya tenaiva sadṛśās tataḥ

bhavanti sarve sarvatra sarvadā sarvaśaktayaḥ //

Note:

vāsudevaṃ tataḥ prāpya tenaiva sadṛśās tataḥ

bhavanti sarve sarvatra sarvadā sarvaśaktayaḥ //

muktāś ca sarvaduḥkhebhyaḥ paraṃ sukham upāgatāḥ

sa tvaṃ śīghram ito gatvā śvetadvīpanivāsinaḥ //

Note:

muktāś ca sarva-duḥkhebhyaḥ paraṃ sukham upāgatāḥ

sa tvaṃ śīghram ito gatvā śvetadvīpa-nivāsinaḥ //

paśya tvaṃ puruṣān brahman prasannaḥ sa vibhus tava

darśayiṣyati rūpaṃ tu trailokyādbhutam adbhutam //

Note:

paśya tvaṃ puruṣān brahman prasannaḥ sa vibhus tava

darśayiṣyati rūpaṃ tu trailokya-adbhutam adbhutam //

viśvaṃ brāhmaṇaśārdūla prītaṃ madhuniṣūdanam

ekataś ca dvitaś caiva tritaś caiva mahātapāḥ //

Note:

viśvaṃ brāhmaṇa-śārdūla prītaṃ madhu-niṣūdanam

ekataś ca dvitaś caiva tritaś caiva mahā-tapāḥ //

taṃ tu deśaṃ gatā brahman na tair dṛṣṭo janārdanaḥ

ekāntabhāvopagatās tena yasmāj jagadguroḥ //

Note:

taṃ tu deśaṃ gatā brahman na tair dṛṣṭo janārdanaḥ

eka-antabhāva-upagatās tena yasmāj jagad-guroḥ //

kevalaṃ taiḥ śritaḥ ślokaḥ śvetadvīpanivāsibhiḥ

udīrito mahābhāgaiḥ sarvakalmaṣavarjitaiḥ //

Note:

kevalaṃ taiḥ śritaḥ ślokaḥ śvetadvīpa-nivāsibhiḥ

udīrito mahā-bhāgaiḥ sarva-kalmaṣa-varjitaiḥ //

jitaṃ te puṇḍarīkākṣa namas te viśvabhāvana

namas te 'stu hṛṣīkeśa mahāpuruṣa pūrvaja //

Note:

jitaṃ te puṇḍarīkākṣa namas te viśva-bhāvana

namas te 'stu hṛṣīkeśa mahā-puruṣa pūrva-ja //

ślokam etaṃ tu te śrutvā śrutavantas tathā giram

aśarīrāṃ mahābhāga sarvabhūtāvahāṃ hareḥ //

Note:

ślokam etaṃ tu te śrutvā śrutavantas tathā giram

aśarīrāṃ mahā-bhāga sarva-bhūta-āvahāṃ hareḥ //

śvetadvīpam athāsādya mṛtyum āpnoti karhicit

śvetadvīpe gatir nāsti vinā caikāntibhir dvijāḥ //

Note:

śvetadvīpam athā asādya mṛtyum āpnoti karhicit

śvetadvīpe gatir nāsti vinā caika-antibhir dvijāḥ //

sāmānyabhāvanā bhaktā bhavantaś ca tapodhanāḥ

tapasogreṇa saṃyuktās tena me deśam āgatāḥ //

Note:

sāmānya-bhāvanā bhaktā bhavantaś ca tapo-dhanāḥ

tapasa ūgreṇa saṃyuktās tena me deśam āgatāḥ //

sāmānyabhaktisattvāś ca punar vrajata mā ciram

bhavadbhiḥ puruṣā dṛṣṭāḥ śvetadvīpanivāsinaḥ //

Note:

sāmānya-bhakti-sattvāś ca punar vrajata mā ciram

bhavadbhiḥ puruṣā dṛṣṭāḥ śvetadvīpa-nivāsinaḥ //

ebhiḥ ślokais tathā dṛṣṭo bhavatīti janārdanaḥ

ekāntabhāvanāsaktaiḥ ślokais tu puruṣair imam //

Note:

ebhiḥ ślokais tathā dṛṣṭo bhavati iti janārdanaḥ

eka-antabhāvanā-āsaktaiḥ ślokais tu puruṣair imam //

japtavyaṃ satataṃ viprās tataḥ punar ih[ai]ṣyatha

śloko 'yaṃ pāvanaḥ puṇyaḥ sarvāghaviniṣūdanaḥ //

Note:

japtavyaṃ satataṃ viprās tataḥ punar ih[ai]ṣyatha

śloko 'yaṃ pāvanaḥ puṇyaḥ sarva-agha-viniṣūdanaḥ //

ślokair bhāvena kartavyau japahomau vijānatā

dhūpadīpānnapuṣpāṇāṃ tathaiva ca nivedanam //

Note:

ślokair bhāvena kartavyau japa-homau vijānatā

dhūpa-dīpa-anna-puṣpāṇāṃ tathaiva ca nivedanam //

ślokam etaṃ paṭhed viprā namaskāre pradakṣiṇe

snānam etena kartavyaṃ tathā cānte jalaṃ dvijāḥ //

Note:

ślokam etaṃ paṭhed viprā namas-kāre pradakṣiṇe

snānam etena kartavyaṃ tathā ca ante jalaṃ dvijāḥ //

sarvapāpaharaṃ puṇyaṃ mokṣadaṃ sarvakāmadam

śloka eṣa vinirdiṣṭaḥ sarvakāmapradaḥ śivaḥ //

Note:

sarva-pāpa-haraṃ puṇyaṃ mokṣa-daṃ sarva-kāma-dam

śloka eṣa vinirdiṣṭaḥ sarva-kāma-pradaḥ śivaḥ //

āpatprāptena japtavyaṃ tan mokṣārthaṃ tathaiva ca

etasya jāpaḥ kartavyo nityam eva vijānatā //

Note:

āpat-prāptena japtavyaṃ tan mokṣa-arthaṃ tathaiva ca

etasya jāpaḥ kartavyo nityam eva vijānatā //

etasya jāpāt puruṣaḥ sarvān kāmān upāśnute

etāṃ śrutvā tu te vāṇīṃ cāgatā magadhāḥ punaḥ //

Note:

etasya jāpāt puruṣaḥ sarvān kāmān upāśnute

etāṃ śrutvā tu te vāṇīṃ cā agatā magadhāḥ punaḥ //

dṛṣṭavanto vasuṃ tatra yajamānaṃ mahīpatiṃ

yājako yasya dharmātmā devācāryo bṛhaspatiḥ //

Note:

dṛṣṭavanto vasuṃ tatra yajamānaṃ mahī-patiṃ

yājako yasya dharmātmā deva-ācāryo bṛhaspatiḥ //

adṛśyena hṛto bhāgas tatra devena viṣṇunā

jagṛhur devatāḥ sarvā dṛśyabhāgāt purodhasaḥ //

Note:

adṛśyena hṛto bhāgas tatra devena viṣṇunā

jagṛhur devatāḥ sarvā dṛśya-bhāgāt purodhasaḥ //

viṣṇuṃ prati gatakrodhaṃ devācāryaṃ bṛhaspatim

ekataś ca dvitaś caiva tritaś caivam avocatam //

Note:

viṣṇuṃ prati gata-krodhaṃ deva-ācāryaṃ bṛhaspatim

ekataś ca dvitaś caiva tritaś caivam avocatam //

adṛśyaḥ sarvadevānāṃ taṃ kathaṃ draṣṭum icchasi

ity evam anunītas tu devācryo bṛhaspatiḥ //

Note:

adṛśyaḥ sarva-devānāṃ taṃ kathaṃ draṣṭum icchasi

ity evam anunītas tu devācryo bṛhaspatiḥ //

samāpayām āsa tadā taṃ yajñaṃ pārthivasya ca

ekāntabhāvopagatā ṛṣayo 'pi janārdanam //

Note:

samāpayām āsa tadā taṃ yajñaṃ pārthivasya ca

eka-anta-bhāvopagatā ṛṣayo 'pi janārdanam //

āgatā devakāryārthaṃ śvetadvīpāt purā dvija

śvetadvīpaṃ punaḥ prāptaṃ punarāvṛttidurlabham //

Note:

āgatā deva-kārya-arthaṃ śvetadvīpāt purā dvija

śvetadvīpaṃ punaḥ prāptaṃ punar-āvṛtti-durlabham //

tasmāt taṃ devadeveśaṃ tatrasthaṃ paśya nārada

tvayāpi devakāryāṇi kartavyāni bahūny atha //

Note:

tasmāt taṃ deva-deva-īśaṃ tatra-sthaṃ paśya nārada

tvaya āpi deva-kāryāṇi kartavyāni bahūny atha //

śvetadvīpagatasyāpi tena te dvija sāmpratam
na bhaviṣyati lokeṣu gatir nirvāṇakāriṇī
kalpāvasāne tu gatiṃ tāṃ tvaṃ vipra gamiṣyasi //

Note:

śvetadvīpa-gatasya api tena te dvija sāmpratam
na bhaviṣyati lokeṣu gatir nirvāṇa-kāriṇī
kalpa-avasāne tu gatiṃ tāṃ tvaṃ vipra gamiṣyasi //

evam uktas tataḥ śīghraṃ manomārutaraṃhasā

abhivādyātha tau devau taṃ dvīpaṃ nārado gataḥ //

Note:

evam uktas tataḥ śīghraṃ mano-māruta-raṃhasā

abhivādya atha tau devau taṃ dvīpaṃ nārado gataḥ //

sa tatra gatvā dadṛśe śvetadvīpanivāsinaḥ

pūjayām āsa śirasā tāṃś ca bhaktyā sa nāradaḥ //

Note:

sa tatra gatvā dadṛśe śvetadvīpa-nivāsinaḥ

pūjayām āsa śirasā tāṃś ca bhaktyā sa nāradaḥ //

prāpya śvetaṃ mahādvīpaṃ nārado hṛṣṭamānasaḥ

dadarśa tān eva narāñ śvetā[ṃś] candraprabhāñ śubhān //

Note:

prāpya śvetaṃ mahā-dvīpaṃ nārado hṛṣṭa-mānasaḥ

dadarśa tān eva narāñ śvetā[ṃś] candra-prabhāñ śubhān //

pūjayām āsa śirasā manasā tais tu pūjitaḥ

didṛkṣur jāpyaparamaḥ sarvakṛcchradharaḥ smṛtaḥ //

Note:

pūjayām āsa śirasā manasā tais tu pūjitaḥ

didṛkṣur jāpya-paramaḥ sarva-kṛcchra-dharaḥ smṛtaḥ //

bhūtvaikāmanā vipraś cordhvabāhur mahābhujaḥ

stotraṃ jagau sa viśvāya nirguṇāya guṇātmane //

Note:

bhūtvaika-amanā vipraś cā urdhva-bāhur mahā-bhujaḥ

stotraṃ jagau sa viśvāya nirguṇāya guṇa-ātmane //

vāsudevāya śāntāya tathā viśvasṛje dvija

anantāyāprameyāya sarvagāyātiraṃhase //

Note:

vāsudevāya śāntāya tathā viśvasṛje dvija

anantāya aprameyāya sarva-gāya atiraṃhase //

amitabalaparākramāya tasmai tridaśamunipratipūjitāya nityam

bhavabhavabharanāśanāya viṣṇoḥ praṇatajanapratipāpanāśanāya //

Note:

amita-bala-para-ākramāya tasmai tridaśa-muni-pratipūjitāya nityam

bhava-bhava-bhara-nāśanāya viṣṇoḥ praṇata-jana-pratipāpa-nāśanāya //

// iti śrīviṣṇudharmottare tṛtīye khaṇḍe mārkaṇḍeya-vajra-saṃvāde śrī-nāradasya śvetadvīpa-gamanavarṇano (!) nāmaikonapañcāśadadhitriśatatamo 'dhyāyaḥ // 3.349 //

namo 'stu te devadeva /

Note:

namo 'stu te devadeva /

niṣkriya /

Note:

niṣkriya /

nirguṇa /

Note:

nirguṇa /

lokasākṣin /

Note:

loka-sa-akṣin /

kṣetrajña /

Note:

kṣetra-jña /

anantapuruṣa /

Note:

ananta-puruṣa /

mahāpuruṣa /

Note:

mahā-puruṣa /

triguṇapradhāna /

Note:

triguṇa-pradhāna /

amṛta /

Note:

amṛta /

vyoma /

Note:

vyoma /

sanātana /

Note:

sanātana /

sadasadvyaktāvyakta /

Note:

sad-asad-vyakta-avyakta /

ṛtadhāma /

Note:

ṛta-dhāma /

pūrva /

Note:

pūrva /

ādideva /

Note:

ādi-deva /

suprajāpate /

Note:

suprajāpate /

mahāprajāpate /

Note:

mahā-prajāpate /

ūrjaspate /

Note:

ūrjas-pate /

vācaspate /

Note:

vācas-pate /

vanaspate /

Note:

vanas-pate /

manaḥpate /

Note:

manaḥ-pate /

marutpate /

Note:

marut-pate /

jagatpate /

Note:

jagat-pate /

pṛthivīpate /

Note:

pṛthivī-pate /

dikpate /

Note:

dik-pate /

salilapate /

Note:

salila-pate /

pūrvanivāsa /

Note:

pūrva-nivāsa /

brahmapurohita /

Note:

brahma-purohita /

brahmakāyika /

Note:

brahma-kāyika /

rājika /

Note:

rājika /

mahārājika /

Note:

mahā-rājika /

caturmahārājika /

Note:

catur-mahā-rājika /

ābhāsvara /

Note:

ābhāsvara /

mahābhāsvara /

Note:

mahā-ābhāsvara /

saptamahābhāsvara /

Note:

sapta-mahā-ābhāsvara /

yāmya /

Note:

yāmya /

mahāyāmya /

Note:

mahā-yāmya /

saṃjñāsaṃjña /

Note:

saṃjñā-asaṃjña /

tuṣita /

Note:

tuṣita /

mahātuṣita /

Note:

mahā-tuṣita /

pratardana /

Note:

pratardana /

parinirmitavaśavartin /

Note:

parinirmita-vaśavartin /

aparinirmitavaśavartin /

Note:

aparinirmita-vaśavartin /

yajña /

Note:

yajña /

mahāyajña /

Note:

mahā-yajña /

yajñasaṃbhava /

Note:

yajña-saṃbhava /

yajñayone /

Note:

yajña-yone /

yajñavāha /

Note:

yajña-vāha /

yajñamukha /

Note:

yajña-mukha /

yajñahṛdaya /

Note:

yajña-hṛdaya /

yajñabhāgahara / Vdha_3.350.[51=136] / yajñastuta /

Note:

yajña-bhāga-hara / Vdha_3.350.[51=136] / yajña-stuta /

pañcayajña /

Note:

pañca-yajña /

cara /

Note:

cara /

pañcakāla /

Note:

pañca-kāla /

trigate /

Note:

trigate /

pāñcarātrika /

Note:

pāñca-rātrika /

vaikuṇṭha /

Note:

vaikuṇṭha /

aparājita /

Note:

aparājita /

nāvamika /

Note:

nāvamika /

paramasvāmin /

Note:

parama-svāmin /

susnāta /

Note:

susnāta /

haṃsa /

Note:

haṃsa /

mahāhaṃsa /

Note:

mahā-haṃsa /

paramayājñika /

Note:

parama-yājñika /

sāṃkhyayaugika /

Note:

sāṃkhya-yaugika /

amṛteśaya /

Note:

amṛte-śaya /

hiraṇyeśaya /

Note:

hiraṇye-śaya /

vedaśaya /

Note:

veda-śaya /

kuśeśaya /

Note:

kuśe-śaya /

brahmaśaya /

Note:

brahma-śaya /

padmeśaya /

Note:

padme-śaya /

viśveśvara /

Note:

viśveśvara /

tvaṃ jaganmayaḥ /

Note:

tvaṃ jagan-mayaḥ /

tvaṃ jagatprakṛtiḥ /

Note:

tvaṃ jagat-prakṛtiḥ /

tvaṃ cāgner āsyam /

Note:

tvaṃ ca agner āsyam /

tvaṃ baḍavāmukho 'gniḥ /

Note:

tvaṃ baḍavā-mukho 'gniḥ /

tvam āhutiḥ /

Note:

tvam āhutiḥ /

Note:

tvam āhutiḥ /

tvaṃ sārathiḥ /

Note:

tvaṃ sārathiḥ /

tvaṃ vaṣatkāraḥ /

Note:

tvaṃ vaṣatkāraḥ /

tvam oṃkāraḥ /

Note:

tvam oṃkāraḥ /

tvam annaḥ /

Note:

tvam annaḥ /

tvam annādaḥ /

Note:

tvam annādaḥ /

tvaṃ candramāḥ /

Note:

tvaṃ candramāḥ /

tvaṃ sūryaś cakṣur ādya[m] /

Note:

tvaṃ sūryaś cakṣur ādya[m] /

tvaṃ diggajaḥ /

Note:

tvaṃ dig-gajaḥ /

digbhāno /

Note:

dig-bhāno /

vidigbhāno /

Note:

vidig-bhāno /

hayaśirāḥ /

Note:

haya-śirāḥ /

prathaman /

Note:

prathaman /

trisauparṇadhara /

Note:

tri-sauparṇa-dhara /

pañcāgne /

Note:

pañca-agne /

triṇāciketa /

Note:

triṇāciketa /

ṣaḍaṅgavidhāna /

Note:

ṣaḍaṅga-vidhāna /

prāgjyotiṣka /

Note:

prāgjyotiṣka /

jyeṣṭhasāmaga /

Note:

jyeṣṭha-sāmaga /

vratadhara /

Note:

vrata-dhara /

atharvaśirāḥ /

Note:

atharva-śirāḥ /

pañcamahākalpa /

Note:

pañca-mahā-kalpa /

arhanācārya /

Note:

arhan-ācārya /

[v]ālakhilya /

Note:

[v]ālakhilya /

vaikhānasa /

Note:

vaikhānasa /

agniyoga /

Note:

agni-yoga /

abhagnaparisaṃkhyāna /

Note:

abhagna-parisaṃkhyāna /

yugādi /

Note:

yuga-ādi /

yugamadhya /

Note:

yuga-madhya /

yuganidhana /

Note:

yuga-nidhana /

akhaṇḍala%! /

Note:

akhaṇḍala%! /

prācīnagarbha /

Note:

prācīna-garbha /

kauśika /

Note:

kauśika /

puruṣṭuta /

Note:

puru-ṣṭuta /

puruhūta /

Note:

puru-hūta /

viśvahūta /

Note:

viśva-hūta /

viśvahuta /

Note:

viśva-huta /

viśvarūpa /

Note:

viśva-rūpa /

anantagate /

Note:

ananta-gate /

anantabhoga /

Note:

ananta-bhoga /

ananta /

Note:

ananta /

anādimadhya /

Note:

anādi-madhya /

avyaktanidhana /

Note:

avyakta-nidhana /

vratavāsa /

Note:

vrata-vāsa /

samudrādhivāsa /

Note:

samudra-adhivāsa /

samavāsa /

Note:

sama-vāsa /

yaśovāsa /

Note:

yaśo-vāsa /

lakṣmyāvāsa /

Note:

lakṣmy-āvāsa /

kīrtyāvāsa /

Note:

kīrty-āvāsa /

kavyāvāsa /

Note:

kavy-āvāsa /

śrīvāsa /

Note:

śrī-vāsa /

śrīnivāsa /

Note:

śrī-nivāsa /

sarvavāsa /

Note:

sarva-vāsa /

vāsudeva /

Note:

vāsudeva /

sarvacchandoga /

Note:

sarva-cchandoga /

harihaya /

Note:

hari-haya /

harimedha /

Note:

hari-medha /

yajñabhāgahara / Vdha_3.350.[136=51] / varaprada /

Note:

yajña-bhāga-hara / Vdha_3.350.[136=51] / vara-prada /

yama /

Note:

yama /

niyama /

Note:

niyama /

mahāniyama /

Note:

mahā-niyama /

kṛcchrātikṛcchra /

Note:

kṛcchra-atikṛcchra /

mahākṛcchra /

Note:

mahā-kṛcchra /

sarvakṛcchra /

Note:

sarva-kṛcchra /

niyamadhara /

Note:

niyama-dhara /

nivṛt[t]idharma /

Note:

nivṛt[t]i-dharma /

pravacanagate /

Note:

pravacana-gate /

pravṛttavedakriya /

Note:

pravṛtta-veda-kriya /

aja /

Note:

aja /

sarvagata /

Note:

sarva-gata /

sarvadarśin /

Note:

sarva-darśin /

agrāhya /

Note:

agrāhya /

acara /

Note:

acara /

mahāvibhūte /

Note:

mahā-vibhūte /

māhātmyaśarīra /

Note:

māhātmya-śarīra /

pavitra /

Note:

pavitra /

mahāpavitra /

Note:

mahā-pavitra /

hiranmaya /

Note:

hiranmaya /

bṛhat /

Note:

bṛhat /

apratarkya /

Note:

apratarkya /

avijñeya /

Note:

avijñeya /

brahmāgni /

Note:

brahma-agni /

prajāsargakara /

Note:

prajā-sarga-kara /

[pr]ajānichanakara /

Note:

[pr]ajā-nichana-kara /

mahāmāyādhara /

Note:

mahā-māyā-dhara /

citraśikhaṇḍa /

Note:

citraśikhaṇḍa /

varaprada /

Note:

vara-prada /

puroḍāśbhāgahara /

Note:

puroḍāś-bhāga-hara /

gatādhvaga /

Note:

gata-adhva-ga /

chinnatṛṣṇa /

Note:

chinna-tṛṣṇa /

sarvato nivṛt[t]a /

Note:

sarvato nivṛt[t]a /

brahmarūpa /

Note:

brahma-rūpa /

brahmadhara /

Note:

brahma-dhara /

brāhmaṇapriya /

Note:

brāhmaṇa-priya /

viśvamūrte /

Note:

viśva-mūrte /

mahāmūrte /

Note:

mahā-mūrte /

bāndhava /

Note:

bāndhava /

bhaktavatsala /

Note:

bhakta-vatsala /

brahmaṇyadeva /

Note:

brahmaṇya-deva /

bhakto 'haṃ tvāṃ didṛkṣur ekāntadarśanāyety oṃ namaḥ /

Note:

bhakto 'haṃ tvāṃ didṛkṣur ekāntadarśanāya ity oṃ namaḥ /

// iti śrī-viṣṇudharmottare tṛtīya-khaṇḍe mārkaṇḍeya-vajra-saṃvāde śvetadvīpe śrīnārada-stotra-varṇano nāma pañcāśad-adhika-triśatatamo 'dhyāyaḥ //

sa dadarśa tadā viṣṇuṃ viśvarūpadharaṃ harim

yuktaṃ varṇaiḥ śukraprakhyaiḥ pītaraktasitāsitaiḥ //

Note:

sa dadarśa tadā viṣṇuṃ viśva-rūpa-dharaṃ harim

yuktaṃ varṇaiḥ śukra-prakhyaiḥ pīta-rakta-sita-asitaiḥ //

kvacin mecakasaṃyuktaiḥ kvacin mecakarañjitaiḥ

[kva]cic chaśāṅkasaṃkāśaṃ kvacid dhiṅgulasaṃnibham //

Note:

kvacin mecaka-saṃyuktaiḥ kvacin mecaka-rañjitaiḥ

[kva]cic chaśa-aṅka-saṃkāśaṃ kvacid dhiṅgula-saṃnibham //

kvacin marakataprakhyaṃ padmarāganibhaṃ kvacit

kvacit kanakasaṃkāśaṃ kvacin nīlotpalaprabham //

Note:

kvacin marakata-prakhyaṃ padma-rāga-nibhaṃ kvacit

kvacit kanaka-saṃkāśaṃ kvacin nīla-utpala-prabham //

kvacit pāṭalapuṣpābham kvacid gaganasaṃnibham

kuṃkumakṣodasaṃkāśaṃ haridrakṣodasaṃnibham //

Note:

kvacit pāṭala-puṣpa-ābham kvacid gagana-saṃnibham

kuṃkuma-kṣoda-saṃkāśaṃ haridra-kṣoda-saṃnibham //

kvacid rajopalaprakhyam indranīlanibhaṃ kvacit

anirdeśyāni varṇāni tathā bibhrat kvacit kvacit //

Note:

kvacid rajopala-prakhyam indranīla-nibhaṃ kvacit

anirdeśyāni varṇāni tathā bibhrat kvacit kvacit //

nānāvidhānāṃ sattvānāṃ vadanāni bahūni ca

brahmaśaṃkaraśakrāṇāṃ yamasya varuṇasya ca //

Note:

nānā-vidhānāṃ sattvānāṃ vadanāni bahūni ca

brahma-śaṃkara-śakrāṇāṃ yamasya varuṇasya ca //

dhanadasya hutāśanasya vāyor nirṛtinas tathā

grahāṇām atha ṛkṣāṇāṃ rudrāṇāṃ vasubhiḥ saha //

Note:

dhanadasya hutāśanasya vāyor nirṛtinas tathā

grahāṇām atha ṛkṣāṇāṃ rudrāṇāṃ vasubhiḥ saha //

ādityānāṃ samarutāṃ bhṛgūṇāṃ ca tathā dvija

tathaivāṅgiraso rājan sādhyānām aśvibhiḥ saha //

Note:

ādityānāṃ sa-marutāṃ bhṛgūṇāṃ ca tathā dvija

tathaiva aṅgiraso rājan sādhyānām aśvibhiḥ saha //

daityānām atha nāgānāṃ gandharvoragarakṣasām

pitṛpannagayakṣāṇāṃ tathā ca piśitāśinām //

Note:

daityānām atha nāgānāṃ gandharva-uraga-rakṣasām

pitṛ-pannaga-yakṣāṇāṃ tathā ca piśitāśinām //

manuṣyahayanāgānāṃ gajāśvamṛgapakṣiṇāṃ

dvīpiśārdūlasiṃhānāṃ sarveṣāṃ prāṇinām atha //

Note:

manuṣya-haya-nāgānāṃ gaja-aśva-mṛga-pakṣiṇāṃ

dvīpi-śārdūla-siṃhānāṃ sarveṣāṃ prāṇinām atha //

kānicit tasya saumyāni kānicid bhīṣaṇāni ca

dadarśa tasya vaktrāṇi śataśo 'tha sahasraśaḥ //

Note:

kānicit tasya saumyāni kānicid bhīṣaṇāni ca

dadarśa tasya vaktrāṇi śataśo 'tha sahasraśaḥ //

vaktreṣu tasya raudrasya prāṇisaṃghāny anekaśaḥ

dadarśa sarvataś cāgnīn grasyamānāṃś ca viṣṇunā //

Note:

vaktreṣu tasya raudrasya prāṇi-saṃghāny anekaśaḥ

dadarśa sarvataś ca agnīn grasyamānāṃś ca viṣṇunā //

saumyebhyas tasya vaktrebhyo nirgacchantyas tathā prajāḥ

vāhāṃś ca vividhāṃs tasya sa dadarśātha nāradaḥ //

Note:

saumyebhyas tasya vaktrebhyo nirgacchantyas tathā prajāḥ

vāhāṃś ca vividhāṃs tasya sa dadarśa atha nāradaḥ //

hastāṃś ca vividhākārān nānāmudrāsamanvitān

yuktān nānāvidhair bhāṇḍair āyudhaiś ca sahasraśaḥ //

Note:

hastāṃś ca vividhā-ākārān nānā-mudrā-samanvitān

yuktān nānā-vidhair bhāṇḍair āyudhaiś ca sahasraśaḥ //

sruksruvāvedicamasakuśakṛṣṇājināgnibhiḥ

kecic ca kalaśaṃ ghaṇṭāṃ śaṅkhapadmotpalādibhiḥ //

Note:

sruk-sruvā-vedi-camasakuśa-kṛṣṇa-ajina-agnibhiḥ

kecic ca kalaśaṃ ghaṇṭāṃ śaṅkha-padma-utpala-ādibhiḥ //

kecit khaḍgagadācakracarmaśūlaparaśvadhaiḥ

kecit pāśamahādaṇḍakṛpāṇaśarakārmukaiḥ //

Note:

kecit khaḍga-gadā-cakracarma-śūla-paraśvadhaiḥ

kecit pāśa-mahā-daṇḍakṛpāṇa-śara-kārmukaiḥ //

kecid bhuśuṇḍīlaguḍaśaktivajrāśmapaṭṭiśaiḥ

bījapūrṇākṣamālāś ca pūrṇapātrais tathā paraiḥ //

Note:

kecid bhuśuṇḍī-laguḍaśakti-vajra-aśma-paṭṭiśaiḥ

bīja-pūrṇa-akṣa-mālāś ca pūrṇa-pātrais tathā paraiḥ //

evaṃ nānāvidhair bhāṇḍaiḥ karāṃs tasya samanvitān

asaṃkhyeyān mahātejā dadarśa munisattamaḥ //

Note:

evaṃ nānā-vidhair bhāṇḍaiḥ karāṃs tasya samanvitān

asaṃkhyeyān mahā-tejā dadarśa muni-sattamaḥ //

nṛttaśāstravinirdiṣṭo nṛttakarmaṇi cāpy atha

śirāṃsi dṛṣṭayo hastāṃs tasya devasya dṛṣṭavān //

Note:

nṛtta-śāstra-vinirdiṣṭo nṛtta-karmaṇi ca apy atha

śirāṃsi dṛṣṭayo hastāṃs tasya devasya dṛṣṭavān //

trailokyaṃ ca T kāye sakalaṃ munisattamaḥ

devadānavagandharvasayakṣoragarakṣasām //

Note:

trailokyaṃ ca T kāye sakalaṃ muni-sattamaḥ

deva-dānava-gandharvasa-yakṣa-uraga-rakṣasām //

dvīpāmbhonidhilokaiś ca pātālaiś caiva saṃyutam

jagat samagraṃ devasya dehasthaṃ dṛṣṭavān muniḥ //

Note:

dvīpa-ambho-nidhi-lokaiś ca pātālaiś caiva saṃyutam

jagat samagraṃ devasya deha-sthaṃ dṛṣṭavān muniḥ //

sa dṛṣṭvā paramaṃ rūpaṃ bhīto hṛṣṭaś ca vismitaḥ

papāta pādayos tasya śirasā sāśrulocanaḥ //

Note:

sa dṛṣṭvā paramaṃ rūpaṃ bhīto hṛṣṭaś ca vismitaḥ

papāta pādayos tasya śirasā sa-aśru-locanaḥ //

stotreṇa caiva tuṣṭāva pūrvoktena janārdanam

tam uvāca tato devaḥ prahasann ṛṣisattamam //

Note:

stotreṇa caiva tuṣṭāva pūrva-uktena janārdanam

tam uvāca tato devaḥ prahasann ṛṣi-sattamam //

uttiṣṭha mā bhair dharmajña varaṃ vṛṇu yathepsitam
nityam ekāntike deva bhaktir bhavatu sā tvayi
nānyaṃ varaṃ kāmayāmi narāṇām idam uttamam //

Note:

uttiṣṭha mā bhair dharma-jña varaṃ vṛṇu yatha-ipsitam
nityam eka-antike deva bhaktir bhavatu sā tvayi
na anyaṃ varaṃ kāmayāmi narāṇām idam uttamam //

tam uvāca tato devaḥ praṇatārtiharo hariḥ

etan nisargasiddhaṃ te yena tvaṃ dṛṣṭavān mama //

Note:

tam uvāca tato devaḥ praṇata-ārti-haro hariḥ

etan nisarga-siddhaṃ te yena tvaṃ dṛṣṭavān mama //

viśvarūpam idaṃ brahmann avajñeyaṃ tathā tvayā

tapas taptaṃ yato vipra mamāpi ca tatas tava //

Note:

viśva-rūpam idaṃ brahmann avajñeyaṃ tathā tvayā

tapas taptaṃ yato vipra mama api ca tatas tava //

rūpam etat samāsthāya rūpaṃ svaṃ dvija darśitam

icchārūpāṇy ahaṃ kuryāṃ śataśo 'tha sahasraśaḥ //

Note:

rūpam etat samāsthāya rūpaṃ svaṃ dvija darśitam

icchā-rūpāṇy ahaṃ kuryāṃ śataśo 'tha sahasraśaḥ //

trailokye yāni rūpāṇi devādīnāṃ dvijottama

mamaiva tāni jānīha matto 'nyan nāsti kiṃcana //

Note:

trailokye yāni rūpāṇi deva-ādīnāṃ dvijottama

mamaiva tāni jānīha matto 'nyan na asti kiṃcana //

ahaṃ bhūtaṃ ca bhavyaṃ ca vartamānam ahaṃ tathā

sthāvaraṃ jaṅgamaṃ caiva sarvam evāsmi nārada //

Note:

ahaṃ bhūtaṃ ca bhavyaṃ ca vartamānam ahaṃ tathā

sthāvaraṃ jaṅgamaṃ caiva sarvam eva asmi nārada //

sac cāsac cāham evātra tattvam etad bravīmi te

aśabdam arasaṃ sparśagandharūpavivarjitam //

Note:

sac ca asac ca aham eva atra tattvam etad bravīmi te

aśabdam arasaṃ sparśagandha-rūpa-vivarjitam //

sarvagaṃ māṃ vijānīhi paramārthena nārada

yaḥ kariṣyati me stotraṃ stotreṇa tvatkṛtena tu //

Note:

sarva-gaṃ māṃ vijānīhi parama-arthena nārada

yaḥ kariṣyati me stotraṃ stotreṇa tvat-kṛtena tu //

tasya kāmān vidhāsyāmi ye divyā ye ca mānuṣāḥ

śvetadvīpe gatis tasya mṛtasya ca bhaviṣyati //

Note:

tasya kāmān vidhāsyāmi ye divyā ye ca mānuṣāḥ

śveta-dvīpe gatis tasya mṛtasya ca bhaviṣyati //

śvetadvīpam avāpyāpi naraḥ svastho bhaviṣyasi

varāhasyāsya kalpasya yāvat kālo 'vaśiṣyate //

Note:

śveta-dvīpam avāpya api naraḥ svastho bhaviṣyasi

varāhasya asya kalpasya yāvat kālo 'vaśiṣyate //

vārāhe tu gate kalpe tato mātsyo bhaviṣyati

devakāryāṇi kāryāṇi subahūni yatas tvayā //

Note:

vārāhe tu gate kalpe tato mātsyo bhaviṣyati

deva-kāryāṇi kāryāṇi subahūni yatas tvayā //

prādurbhāvagataś cāham anuśāsyas tathā tvayā

prādurbhāvāṇi me brahman vyatītāni sahasraśaḥ //

Note:

prādur-bhāva-gataś ca aham anuśāsyas tathā tvayā

prādur-bhāvāṇi me brahman vyatītāni sahasraśaḥ //

bhaviṣyanti tathānyāni tatra me śṛṇu kānicit

aham ekārṇave loke śeṣaparyaṅkaśāyikaḥ //

Note:

bhaviṣyanti tatha ānyāni tatra me śṛṇu kānicit

aham eka-arṇave loke śeṣa-paryaṅka-śāyikaḥ //

lakṣmīsahāyas tiṣṭhāmi yadā suptaḥ pitāmahaḥ

ahaṃ matsyas tathā kūrmo haṃso 'ham api nārada //

Note:

lakṣmī-sahāyas tiṣṭhāmi yadā suptaḥ pitāmahaḥ

ahaṃ matsyas tathā kūrmo haṃso 'ham api nārada //

strīrūpeṇa mayā vipra vañcitā daityadānavāḥ

mayāśvaśirasā vedā dānavebhyas tathā hṛtāḥ //

Note:

strī-rūpeṇa mayā vipra vañcitā daitya-dānavāḥ

maya āśva-śirasā vedā dānavebhyas tathā hṛtāḥ //

vārāheṇa mayā bhūtvā vasudheyaṃ samuddhṛtā

vārāheṇa mayā daityāḥ pātālatalagā hatāḥ //

Note:

vārāheṇa mayā bhūtvā vasudha īyaṃ samuddhṛtā

vārāheṇa mayā daityāḥ pātāla-tala-gā hatāḥ //

nṛvarāheṇa nihato hiraṇyākṣo balotkaṭaḥ

dānavāś ca hatā yuddhe naranārāyaṇātmanā //

Note:

nṛ-varāheṇa nihato hiraṇya-akṣo bala-utkaṭaḥ

dānavāś ca hatā yuddhe nara-nārāyaṇa-ātmanā //

lokottare tathā mārge hariḥ kṛṣṇas tathāpy aham

nārasiṃhena rūpeṇa hiraṇyakaśipur hataḥ //

Note:

loka-uttare tathā mārge hariḥ kṛṣṇas tatha āpy aham

nārasiṃhena rūpeṇa hiraṇya-kaśipur hataḥ //

vāmanena mayā bhūtvā bales tribhuvanaṃ hṛtam

tribhiḥ kramaiḥ purā brahman devānāṃ hitakāmyayā //

Note:

vāmanena mayā bhūtvā bales tribhuvanaṃ hṛtam

tribhiḥ kramaiḥ purā brahman devānāṃ hita-kāmyayā //

vāḍavo 'haṃ samudrasthaḥ pibāmi salilaṃ sadā

pṛthvī vasumatī brahman pṛthunā ca mayā kṛtā //

Note:

vāḍavo 'haṃ samudra-sthaḥ pibāmi salilaṃ sadā

pṛthvī vasu-matī brahman pṛthunā ca mayā kṛtā //

kapilena mayā duṣṭā dagdhavyāḥ sagarātmajāḥ

dattātreyeṇa vasudhā devā dvija.gaṇāḥ punaḥ //

Note:

kapilena mayā duṣṭā dagdhavyāḥ sagara-ātma-jāḥ

dattātreyeṇa vasudhā devā dvija.gaṇāḥ punaḥ //

jāmadagnyena rāmeṇa laghvī vasumatī kṛtā

triḥsaptakṛtvaḥ kartavyā kṣatrabhāraprapīḍitā //

Note:

jāmadagnyena rāmeṇa laghvī vasu-matī kṛtā

triḥ-sapta-kṛtvaḥ kartavyā kṣatra-bhāra-prapīḍitā //

dattvā caturdhā putrāṃś ca mayā daśarathasya ca

rāmeṇa rāvaṇavadhaḥ kartavyo janatāsukham //

Note:

dattvā caturdhā putrāṃś ca mayā daśarathasya ca

rāmeṇa rāvaṇa-vadhaḥ kartavyo janatā-sukham //

kāryaṃ gandharvanidhanaṃ tathaiva bharatātmanā

meghanādavadhaḥ kāryo lakṣmaṇena tathā mayā //

Note:

kāryaṃ gandharva-nidhanaṃ tathaiva bharata-ātmanā

meghanāda-vadhaḥ kāryo lakṣmaṇena tathā mayā //

śatrughnena ca kartavyo lavaṇasya vadhas tathā

mayā vālmīkinā kāryaṃ kāvyaṃ rāmāyaṇaṃ tathā //

Note:

śatrughnena ca kartavyo lavaṇasya vadhas tathā

mayā vālmīkinā kāryaṃ kāvyaṃ rāmāyaṇaṃ tathā //

vyāsena vedā vaktavyā ākhyānaṃ bhārataṃ mahat

mayā brāhmaṇaśārdūla tathā dvaipāyanātmanā //

Note:

vyāsena vedā vaktavyā ākhyānaṃ bhārataṃ mahat

mayā brāhmaṇa-śārdūla tathā dvaipāyana-ātmanā //

pāṇḍoḥ putratvam āsādya pañcadhā ca tathā mayā

dvidhā ca vasudevasya laghvī kāryā vasuṃdharā //

Note:

pāṇḍoḥ putra-tvam āsādya pañcadhā ca tathā mayā

dvidhā ca vasudevasya laghvī kāryā vasuṃdharā //

naraloke nihantavyā daityā mānuṣarūpiṇaḥ

balabhadreṇa ca mayā hantavyā mauṣṭikādayaḥ //

Note:

nara-loke nihantavyā daityā mānuṣa-rūpiṇaḥ

balabhadreṇa ca mayā hantavyā mauṣṭika-ādayaḥ //

mayā kṛṣṇena hantavyāḥ kaṃsapūrvā mahābalāḥ

pradyumnena nihantavyaḥ śambaraś ca mahābalaḥ //

Note:

mayā kṛṣṇena hantavyāḥ kaṃsa-pūrvā mahā-balāḥ

pradyumnena nihantavyaḥ śambaraś ca mahā-balaḥ //

hantavyāś cāniruddhena daityāḥ śatasahasraśaḥ

sāmbena yuyudhānena mayā bhūtvā tathaiva ca //

Note:

hantavyāś ca aniruddhena daityāḥ śata-sahasraśaḥ

sāmbena yuyudhānena mayā bhūtvā tathaiva ca //

mayā buddhena vaktavyā dharmāḥ kaliyuge punaḥ

hantavyā mleccharājānas tathā viṣṇuvaśātmanā //

Note:

mayā buddhena vaktavyā dharmāḥ kali-yuge punaḥ

hantavyā mleccha-rājānas tathā viṣṇu-vaśa-ātmanā //

mamāṃśena vijānīhi pṛthivyāṃ cakravartinaḥ

ṛṣayaś ca tathā jñeyā mamaivāṃśasamudbhavāḥ //

Note:

mama aṃśena vijānīhi pṛthivyāṃ cakra-vartinaḥ

ṛṣayaś ca tathā jñeyā mamaiva aṃśa-samudbhavāḥ //

yad yad vibhūtimat sattvaṃ śrīmadūrjitam eva ca

tat tad evāvagacches tvaṃ mama tejo'ṃśasaṃbhavam //

Note:

yad yad vibhūti-mat sattvaṃ śrīmad-ūrjitam eva ca

tat tad eva avagacches tvaṃ mama tejo-'ṃśa-saṃbhavam //

atha vā bahunaitena kiṃ jñānena tavānagha

viṣṭabhyāham idaṃ kṛtsnam ekāṃśenāsthito jagat //

Note:

atha vā bahunaitena kiṃ jñānena tava anagha

viṣṭabhya aham idaṃ kṛtsnam eka-aṃśenā asthito jagat //

tad gaccha mānasī siddhiḥ sadā te 'stu dvijottama

kalpāvasānam āsādya maccharīraṃ pravekṣyasi //

Note:

tad gaccha mānasī siddhiḥ sadā te 'stu dvija-uttama

kalpa-avasānam āsādya mac-charīraṃ pravekṣyasi //

etāvad uktvā vacanaṃ tatraivāntaradhīyata

bhagavān nāradaś cakre pujāṃ taddeśavāsinām //

Note:

etāvad uktvā vacanaṃ tatraiva antaradhīyata

bhagavān nāradaś cakre pujāṃ tad-deśa-vāsinām //

taiś ca saṃpūjito vipras tān praṇamya yatavrataḥ

ājagāma tataḥ śīghraṃ naranārāyaṇāśramam //

Note:

taiś ca saṃpūjito vipras tān praṇamya yata-vrataḥ

ājagāma tataḥ śīghraṃ nara-nārāyaṇa-āśramam //

pādayor nyapatat tatra sa tayor munipūjyayoḥ

tābhyāṃ saṃpūjito vipras tatrovāsa tadāśrame //

Note:

pādayor nyapatat tatra sa tayor muni-pūjyayoḥ

tābhyāṃ saṃpūjito vipras tatra uvāsa tad-āśrame //

tataḥ kadācit taṃ vipram ūcatus tau tapodhanau

āvābhyāṃ tvaṃ tathā dṛṣṭaḥ śvetadvīpagate 'cyutaḥ //

Note:

tataḥ kadācit taṃ vipram ūcatus tau tapo-dhanau

āvābhyāṃ tvaṃ tathā dṛṣṭaḥ śveta-dvīpa-gate 'cyutaḥ //

samīpaṃ devadevasya taddehasthair yathāsukham

loke 'smin muniśārdūla nāsti dhanyataras tvayā //

Note:

samīpaṃ deva-devasya tad-deha-sthair yathā-sukham

loke 'smin muni-śārdūla nāsti dhanyataras tvayā //

dṛṣṭavān asi yad brahman viśvarūpadharaṃ harim

trailokyasāraṃ viśveśaṃ praṇatārtivināśanam //

Note:

dṛṣṭavān asi yad brahman viśva-rūpa-dharaṃ harim

trailokya-sāraṃ viśva-īśaṃ praṇata-ārti-vināśanam //

yatas te 'nugrahas tena kṛto devena viṣṇunā

tato guhyaṃ nibodhemaṃ tatpūjāvidhim uttamam //

Note:

yatas te 'nugrahas tena kṛto devena viṣṇunā

tato guhyaṃ nibodha imaṃ tat-pūjā-vidhim uttamam //

sarvakarmakaraṃ divyaṃ sakalārthapradaṃ śivam

nābhaktāya ca tad deyaṃ tvayā brāhmaṇasattama //

Note:

sarva-karma-karaṃ divyaṃ sakala-artha-pradaṃ śivam

na abhaktāya ca tad deyaṃ tvayā brāhmaṇa-sattama //

ekāntabhāvopagataṃ janārdanaṃ naras tu saṃpūjya tathā vidhānataḥ

prayāti taddvīpam anuttamaṃ śivaṃ na yatra gatvā vinivartate punaḥ //

Note:

eka-anta-bhāva-upagataṃ janārdanaṃ naras tu saṃpūjya tathā vidhānataḥ

prayāti tad-dvīpam anuttamaṃ śivaṃ na yatra gatvā vinivartate punaḥ //

// iti śrīviṣṇudharmottare tṛtīya-khaṇḍe mārkaṇḍeya-vajra-saṃvāde viśvarūpākhyānaṃ nāmaikapañcāśaduttara-triśatatamo 'dhyāyaḥ // 351 //

ādāv eva saraḥsaritprasravaṇasamīpagṛhopavanaparvatamastakānām anyatame hṛdye deśe susamaṃ manoharaṃ hastamātraṃ maṇḍalakam upakalpayet //

Note:

ādāv eva saraḥ-sarit-prasravaṇa-samīpa-gṛhopavana-parvata-mastakānām anyatame hṛdye deśe susamaṃ mano-haraṃ hasta-mātraṃ maṇḍalakam upakalpayet //

tatra madhye 'ṣṭapatraṃ padmam ālikhet / tatas tūdāhṛtacaturasrayā caturdvāralekhayā vibhajet //

Note:

tatra madhye 'ṣṭa-patraṃ padmam ālikhet / tatas tu udāhṛta-catur-asrayā catur-dvāra-lekhayā vibhajet //

tataḥ padmakarṇikāmadhye śvetaṃ śatapatraṃ padmaṃ dhyāyet //

Note:

tataḥ padma-karṇikā-madhye śvetaṃ śata-patraṃ padmaṃ dhyāyet //

tatkarṇikopary arkamaṇḍala[ṃ] / tadupari candramaṇḍala[ṃ] / tadupar[y] agnimaṇḍala[ṃ] / tanmadhye paraṃ puruṣam aśarīram agandham arasam arūpam asparśam aśabdaṃ sarvagaṃ plutāntaṃ oṃkāraṃ vinyaset //

Note:

tat-karṇika-upary arka-maṇḍala[ṃ] / tad-upari candramaṇḍala[ṃ] / tad-upar[y] agni-maṇḍala[ṃ] / tan-madhye paraṃ puruṣam aśarīram agandham arasam arūpam asparśam aśabdaṃ sarvagaṃ pluta-antaṃ oṃ-kāraṃ vinyaset //

kamalapūrvadale akāraṃ vāsudevaṃ nyaset / śvetavarṇaṃ dhyāyet //

Note:

kamala-pūrva-dale a-kāraṃ vāsudevaṃ nyaset / śveta-varṇaṃ dhyāyet //

dakṣiṇe ākāraṃ saṃkarṣaṇaṃ vinyaset / padmapatrābhaṃ taṃ ca dhyāyet //

Note:

dakṣiṇe ā-kāraṃ saṃkarṣaṇaṃ vinyaset / padma-patra-ābhaṃ taṃ ca dhyāyet //

paścime dale oṃkār[aṃ] pradyumnaṃ vinyaset / pītavarṇaṃ ca dhyāyet //

Note:

paścime dale oṃ-kār[aṃ] pradyumnaṃ vinyaset / pīta-varṇaṃ ca dhyāyet //

uttaradale aḥkāram aniruddhaṃ vinyaset / kṛṣṇavarṇaṃ ca dhyāyet //

Note:

uttara-dale aḥ-kāram aniruddhaṃ vinyaset / kṛṣṇa-varṇaṃ ca dhyāyet //

aiśāne dale tad iti brahmāṇaṃ vinyaset / padmapatrābhaṃ dhyāyet // [Vdha_3.352.0.9] //

Note:

aiśāne dale tad iti brahmāṇaṃ vinyaset / padma-patra-ābhaṃ dhyāyet // [Vdha_3.352.0.9] //

{.......?} / sūryakoṭisamaṃ dhyāyet //

Note:

{.......?} / sūrya-koṭi-samaṃ dhyāyet //

vāyavyadale varāhaṃ vinyaset / bhinnāñjanasamaṃ dhyāyet //

Note:

vāyavya-dale varāhaṃ vinyaset / bhinna-añjana-samaṃ dhyāyet //

prapūrvadvāre oṃ keṃ ṭeṃ yeṃ etāny akṣarāṇi vainateyaṃ vinyaset / hemavarṇaṃ ca dhyāyet //

Note:

prapūrva-dvāre oṃ keṃ ṭeṃ yeṃ etāny akṣarāṇi vainateyaṃ vinyaset / hema-varṇaṃ ca dhyāyet //

dakṣiṇe dvāre tejoratharatṛ(?)cakraṃ sudarśanaṃ vinyaset / vajranābhaṃ sahasrāraṃ sūryakoṭisamaprabhaṃ dhyāyet //

Note:

dakṣiṇe dvāre tejo-ratharatṛ(?)-cakraṃ sudarśanaṃ vinyaset / vajra-nābhaṃ sahasra-araṃ sūryakoṭi-sama-prabhaṃ dhyāyet //

paścimadvāre śārṅgaṃ vinyaset / indracāpanibhaṃ dhyāyet //

Note:

paścima-dvāre śārṅgaṃ vinyaset / indra-cāpa-nibhaṃ dhyāyet //

sveṃ ṭheṃ heṃ theṃ uttare dvāre aniruddhaṃ nyasyet / sarvavarṇaṃ dhyāyet //

Note:

sveṃ ṭheṃ heṃ theṃ uttare dvāre aniruddhaṃ nyasyet / sarva-varṇaṃ dhyāyet //

veṃ ṇeṃ kṣeṃ kṣeṃ vidikṣu pāñcajanyaṃ śaṅkhaṃ nyaset / śaśāṅkavarṇaṃ dhyāyet //

Note:

veṃ ṇeṃ kṣeṃ kṣeṃ vidikṣu pāñca-janyaṃ śaṅkhaṃ nyaset / śaśa-aṅka-varṇaṃ dhyāyet //

dheṃ heṃ bheṃ heṃ śriyaṃ padmaṃ dakṣiṇato nyaset / śuklāṃ dhyāyet //

Note:

dheṃ heṃ bheṃ heṃ śriyaṃ padmaṃ dakṣiṇato nyaset / śuklāṃ dhyāyet //

geṃ ḍeṃ veṃ śeṃ padmāntarataḥ puṣṭiṃ nyaset / śvetāṃ dhyāyet //

Note:

geṃ ḍeṃ veṃ śeṃ padma-antarataḥ puṣṭiṃ nyaset / śvetāṃ dhyāyet //

heṃ seṃ purato vanamālāṃ nyaset / heṃ seṃ bahuvarṇāṃ dhyāyet //

Note:

heṃ seṃ purato vana-mālāṃ nyaset / heṃ seṃ bahu-varṇāṃ dhyāyet //

cityaiśānyāṃ nandakaṃ nyaset / ākāśavarṇaṃ dhāyet //

Note:

cityaiśānyāṃ nandakaṃ nyaset / ākāśa-varṇaṃ dhāyet //

oṃ ity āgneyyāṃ varma nyaset / bahuvarṇaṃ dhyāyet //

Note:

oṃ ity āgneyyāṃ varma nyaset / bahu-varṇaṃ dhyāyet //

oṃ jheṃ leṃ śrīvatsaṃ nyaset / śukl[a]ṃ dhyāyet //

Note:

oṃ jheṃ leṃ śrīvatsaṃ nyaset / śukl[a]ṃ dhyāyet //

oṃ cheṃ ṭheṃ vāyavye kaustubhaṃ nyaset / ādityaṃ dīptaṃ dhyāyet //

Note:

oṃ cheṃ ṭheṃ vāyavye kaustubhaṃ nyaset / ādityaṃ dīptaṃ dhyāyet //

tato maṇḍale bāhyasthāṃ yathāsvadiśam okāraukārau (?) dikpatī śakrāgnī yamanairṛtavāruṇapavanakuberān aiśānyāṃ nyaset / yathoktarūpaṃ dhyāyet //

Note:

tato maṇḍale bāhya-sthāṃ yathā-sva-diśam o-kārau-kārau (?) dik-patī śakra-agnī yama-nairṛta-vāruṇa-pavana-kuberān aiśānyāṃ nyaset / yatha-ukta-rūpaṃ dhyāyet //

oṃ namo bhagavate vāsudevāyety antena dvādaśākṣareṇa karṇikāmadhye puruṣāyārghyapādyācamanīyānulepanapuṣpadīpadhūpamadhuparkanaivedyaphalabhakṣyāṇi nivedayet //

Note:

oṃ namo bhagavate vāsudevāya ity antena dvādaśa-akṣareṇa karṇikā-madhye puruṣāya arghya-pādya-ācamanīya-anulepana-puṣpa-dīpa-dhūpa-madhu-parka-naivedya-phala-bhakṣyāṇi nivedayet //

oṃ namo nārāyaṇāyety athavāṣṭākṣareṇa mantreṇa / oṃ jitaṃ te puṇḍarīkākṣa namas te viśvabhāvana / manas te 'stu hṛṣīkeśa mahāpuruṣa pūrvaja //

Note:

oṃ namo nārāyaṇāya ity athava āṣṭa-akṣareṇa mantreṇa / oṃ jitaṃ te puṇḍarīkākṣa namas te viśva-bhāvana / manas te 'stu hṛṣīkeśa mahā-puruṣa pūrvaja //

ity anena mantreṇa puruṣasūktena vā / athānyān dalaniviṣṭān devān yathābhihitair mantraiḥ pṛthakpṛthag arcaye[t] //

Note:

ity anena mantreṇa puruṣa-sūktena vā / atha anyān dala-niviṣṭān devān yathā-abhihitair mantraiḥ pṛthak-pṛthag arcaye[t] //

anena vidhinā yas tu viṣṇum abhyarcayen naraḥ

sarvān saṃsādhayed arthān kṛtakṛtyo hi jāyate //

Note:

anena vidhinā yas tu viṣṇum abhyarcayen naraḥ

sarvān saṃsādhayed arthān kṛta-kṛtyo hi jāyate //

kṛtvā vyādhiṃ vyā[dh]itaṃ bhakṣayati na karoti na tad āpnoti idaṃ tv anyat / dhanyaṃ yaśasyaṃ puṇyaṃ ca pavitraṃ pāpanāśanaṃ //

Note:

kṛtvā vyādhiṃ vyā[dh]itaṃ bhakṣayati na karoti na tad āpnoti idaṃ tv anyat / dhanyaṃ yaśasyaṃ puṇyaṃ ca pavitraṃ pāpa-nāśanaṃ //

ārogyaṃ dhanadhānyavardhanaṃ śatrughnaṃ vaśīkaraṇaṃ yaḥ puruṣo 'nena vidhinā satataṃ devam abhyarcayati saṃpattiṃ janayati athavā tasya na rocate tadā śvetadvīpam avpyāpya arkamaṇḍalaṃ bhittvā niruṇaddhi pradyumnasaṃkarṣaṇān prāpnoti sudevatvam avāpya niṣkalatvam āpnoti //

Note:

ārogyaṃ dhana-dhānya-vardhanaṃ śatrughnaṃ vaśī-karaṇaṃ yaḥ puruṣo 'nena vidhinā satataṃ devam abhyarcayati saṃpattiṃ janayati athavā tasya na rocate tadā śveta-dvīpam avpyāpya arka-maṇḍalaṃ bhittvā niruṇaddhi pradyumna-saṃkarṣaṇān prāpnoti sudeva-tvam avāpya niṣkala-tvam āpnoti //

// iti śrīviṣṇudharmottare tṛtīya-khaṇḍe mārkaṇḍeya-vajra-saṃvāde nārāyaṇa-pūjana-prakāra-varṇano nāma dvipañcāśaduttara-triśatatamo 'dhyāyaḥ // 352 //

etad dhi nāradaḥ śrutvā naranārāyaṇeritam

anenaiva vidhānena satataṃ madhusūdanam //

Note:

etad dhi nāradaḥ śrutvā nara-nārāyaṇa-īritam

anenaiva vidhānena satataṃ madhusūdanam //

pūjayām āsa dharmātmā tadgatenāntarātmanā

tataḥ puṃsavano bhagavān nāradasya mahātmanaḥ //

Note:

pūjayām āsa dharma-ātmā tad-gatena antar-ātmanā

tataḥ puṃsavano bhagavān nāradasya mahā-ātmanaḥ //

pratyakṣataḥ punar bhūtaṃ nāradaṃ vākyam abravīt

gaccha nārada bhadra tvaṃ lokāṃś cara yathepsitān //

Note:

pratyakṣataḥ punar bhūtaṃ nāradaṃ vākyam abravīt

gaccha nārada bhadra tvaṃ lokāṃś cara yathā-īpsitān //

darśanaṃ tava dāsyāmi kālekāle yathepsite

anugraham idaṃ prāpya deveśāt puruṣottamāt //

Note:

darśanaṃ tava dāsyāmi kāle-kāle yathā-īpsite

anugraham idaṃ prāpya deva-īśāt puruṣottamāt //

cacāra nārado lokān nityaṃ saṃpūjayan harim

viśvarūpam idaṃ dṛṣṭaṃ nāradena mahātmanā //

Note:

cacāra nārado lokān nityaṃ saṃpūjayan harim

viśva-rūpam idaṃ dṛṣṭaṃ nāradena mahā-ātmanā //

prahlādena punas tena narakesarirūpiṇaḥ

tathā cāmṛtakādehe tenaiva ca mahātmanā //

Note:

prahlādena punas tena narakesari-rūpiṇaḥ

tathā ca amṛtakādehe tenaiva ca mahā-ātmanā //

brahmaṇā ca purā dṛṣṭaṃ t[r]ailokyākramaṇe punaḥ

paścime sāgare dṛṣṭaṃ daśagrīveṇa rakṣasā //

Note:

brahmaṇā ca purā dṛṣṭaṃ t[r]ailokya-ākramaṇe punaḥ

paścime sāgare dṛṣṭaṃ daśa-grīveṇa rakṣasā //

kṛṣṇāvatāre dūtyena gatasya madhuvidviṣaḥ

dhārtarāṣṭrasabhāmadhye ṛṣibhiś ca parīkṣitaḥ //

Note:

kṛṣṇa-avatāre dūtyena gatasya madhu-vidviṣaḥ

dhārtarāṣṭra-sabhā-madhye ṛṣibhiś ca parīkṣitaḥ //

mahābhāratasaṃgrāme dṛṣṭavān arjunas tathā

bandhunāśabhayodvigno yatra tena prabodhitaḥ //

Note:

mahābhārata-saṃgrāme dṛṣṭavān arjunas tathā

bandhu-nāśa-bhaya-udvigno yatra tena prabodhitaḥ //

nivṛtte bhārate yuddhe gacchanto dvārakāṃ punaḥ

mārgāgatena tad dṛṣṭam uttaṅkena mahātmanā //

Note:

nivṛtte bhārate yuddhe gacchanto dvārakāṃ punaḥ

mārga-āgatena tad dṛṣṭam uttaṅkena mahā-ātmanā //

trailokyanātho govindaḥ satataṃ bhaktavatsalaḥ

tasya karṃāṇi yo nityaṃ puruṣaḥ parikīrtayet //

Note:

trailokya-nātho govindaḥ satataṃ bhakta-vatsalaḥ

tasya karṃāṇi yo nityaṃ puruṣaḥ parikīrtayet //

śṛṇuyād vā mahīpāla śucis tadgatamānasaḥ

sarvapāpavinirmuktaḥ sa yāti paramāṃ gatim //

Note:

śṛṇuyād vā mahī-pāla śucis tad-gata-mānasaḥ

sarva-pāpa-vinirmuktaḥ sa yāti paramāṃ gatim //

evaṃ sa rājan dvijavaryamukhyaḥ saṃprāptavān devavarāt prasādam

bhaktikramakraiyanṛpaprasādāt tasmād dhi kāmān puruṣā labhante //

Note:

evaṃ sa rājan dvija-varya-mukhyaḥ saṃprāptavān deva-varāt prasādam

bhaktikramakraiyanṛpaprasādāt tasmād dhi kāmān puruṣā labhante //

// iti śrīviṣṇudharmottare tṛtīya-khaṇḍe mārkaṇḍeyavajrasaṃvāde nārada-prasādo nāma tripañcāśaduttaratriśatatamo 'dhyāyaḥ // 353 //

This e-text was provided to GRETIL in good faith that no copyright rights have been infringed. If anyone wishes to assert copyright over this file, please contact the GRETIL management at
gretil(at)sub(dot)uni-goettingen(dot)de. The file will be immediately removed pending resolution of the claim.

Distributed under a Creative Commons Attribution-NonCommercial-ShareAlike 4.0 International License.

Notes: Distributed under a Creative Commons Attribution-NonCommercial-ShareAlike 4.0 International License (https://creativecommons.org/licenses/by-nc-sa/4.0/)
Holder of rights: Göttingen Register of Electronic Texts in Indian Languages (GRETIL), SUB Göttingen

Citation Suggestion for this Object: TextGrid Repository (2022). 1_sanskr. tei. sa_viSNudharmottarapurANa3,343-353. GRETIL. Göttingen Register of Electronic Texts in Indian Languages (GRETIL), SUB Göttingen. https://hdl.handle.net/21.T11991/0000-001C-94F8-3