śivopaniṣad

kailāsaśikharāsīnam aśeṣāmarapūjitam

kālaghnaṃ śrīmahākālam īśvaraṃ jñānapāragam //

Note:

kailāsa-śikhara-āsīnam aśeṣa-amara-pūjitam

kāla-ghnaṃ śrī-mahākālam īśvaraṃ jñāna-pāragam //

saṃpūjya vidhivad bhaktyā ṛṣyātreyaḥ susaṃyataḥ

sarvabhūtahitārthāya papracchedaṃ mahāmuniḥ //

Note:

saṃpūjya vidhivad bhaktyā ṛṣy-ātreyaḥ susaṃyataḥ

sarva-bhūta-hita-arthāya papraccha idaṃ mahā-muniḥ //

jñānayogaṃ na vindanti ye narā mandabuddhayaḥ

te mucyante kathaṃ ghorād bhagavan bhavasāgarāt //

Note:

jñāna-yogaṃ na vindanti ye narā manda-buddhayaḥ

te mucyante kathaṃ ghorād bhagavan bhava-sāgarāt //

evaṃ pṛṣṭaḥ prasannātmā ṛṣy ātreyeṇa dhīmatā

mandabuddhivimuktyarthaṃ mahākālaḥ prabhāṣate //

Note:

evaṃ pṛṣṭaḥ prasanna-ātmā ṛṣy ātreyeṇa dhīmatā

manda-buddhi-vimukty-arthaṃ mahā-kālaḥ prabhāṣate //

purā rudreṇa gaditāḥ śivadharmāḥ sanātanāḥ

devyāḥ sarvagaṇānāṃ ca saṃkṣepād granthakoṭibhiḥ //

Note:

purā rudreṇa gaditāḥ śiva-dharmāḥ sanātanāḥ

devyāḥ sarva-gaṇānāṃ ca saṃkṣepād grantha-koṭibhiḥ //

āyuḥ prajñāṃ tathā śaktiṃ prasamīkṣya nṝṇām iha

tāpatrayaprapīḍāṃ ca bhogatṛṣṇāvimohinīm //

Note:

āyuḥ prajñāṃ tathā śaktiṃ prasamīkṣya nṝṇām iha

tāpa-traya-prapīḍāṃ ca bhoga-tṛṣṇā-vimohinīm //

te dharmāḥ skandanandibhyām anyaiś ca munisattamaiḥ

sāramādāya nirdiṣṭāḥ samyakprakaraṇāntaraiḥ //

Note:

te dharmāḥ skanda-nandibhyām anyaiś ca muni-sattamaiḥ

sāra-mādāya nirdiṣṭāḥ samyak-prakaraṇa-antaraiḥ //

sārād api mahāsāraṃ śivopaniṣadaṃ param

alpagranthaṃ mahārthaṃ ca pravakṣyāmi jagaddhitam //

Note:

sārād api mahā-sāraṃ śiva-upaniṣadaṃ param

alpa-granthaṃ mahā-arthaṃ ca pravakṣyāmi jagad-dhitam //

śivaḥ śiva ime śāntanāma cādyaṃ muhurmuhuḥ

uccārayanti tad bhaktyā te śivā nātra saṃśayaḥ //

Note:

śivaḥ śiva ime śāntanāma cā adyaṃ muhur-muhuḥ

uccārayanti tad bhaktyā te śivā na atra saṃśayaḥ //

aśivāḥ pāśasaṃyuktāḥ paśavaḥ sarvacetanāḥ

yasmād vilakṣaṇās tebhyas tasmād īśaḥ śivaḥ smṛtaḥ //

Note:

aśivāḥ pāśa-saṃyuktāḥ paśavaḥ sarva-cetanāḥ

yasmād vilakṣaṇās tebhyas tasmād īśaḥ śivaḥ smṛtaḥ //

guṇo buddhir ahaṃkāras tanmātrāṇīndriyāni ca

bhūtāni ca caturviṃśad iti pāśāḥ prakīrtitāḥ //

Note:

guṇo buddhir ahaṃkāras tan-mātrāṇi indriyāni ca

bhūtāni ca catur-viṃśad iti pāśāḥ prakīrtitāḥ //

pañcaviṃśakam ajñānaṃ sahajaṃ sarvadehinām

pāśājālasya tan mūlaṃ prakṛtiḥ kāraṇāya naḥ //

Note:

pañcaviṃśakam ajñānaṃ sahajaṃ sarva-dehinām

pāśā-jālasya tan mūlaṃ prakṛtiḥ kāraṇāya naḥ //

satyajñāne nibadhyante puruṣāḥ pāśabandhanaiḥ

madbhāvāc ca vimucyante jñāninaḥ pāśapañjarāt //

Note:

satya-jñāne nibadhyante puruṣāḥ pāśa-bandhanaiḥ

mad-bhāvāc ca vimucyante jñāninaḥ pāśa-pañjarāt //

ṣaḍviṃśakaś ca puruṣaḥ paśur ajñaḥ śivāgame

saptaviṃśa iti proktaḥ śivaḥ sarvajagatpatiḥ //

Note:

ṣaḍviṃśakaś ca puruṣaḥ paśur ajñaḥ śiva-āgame

saptaviṃśa iti proktaḥ śivaḥ sarva-jagat-patiḥ //

yasmāc chivaḥ susaṃpūrṇaḥ sarvajñaḥ sarvagaḥ prabhuḥ

tasmāt sa pāśaharitaḥ sa viśuddhaḥ svabhāvataḥ //

Note:

yasmāc chivaḥ susaṃpūrṇaḥ sarvajñaḥ sarvagaḥ prabhuḥ

tasmāt sa pāśa-haritaḥ sa viśuddhaḥ sva-bhāvataḥ //

paśupāśaparaḥ śāntaḥ paramajñānadeśikaḥ

śivaḥ śivāya bhūtānāṃ taṃ vijñāya vimucyate //

Note:

paśu-pāśa-paraḥ śāntaḥ parama-jñāna-deśikaḥ

śivaḥ śivāya bhūtānāṃ taṃ vijñāya vimucyate //

etad eva paraṃ jñānaṃ śiva ity akṣaradvayam

vicārād yāti vistāraṃ tailabindur ivāmbhasi //

Note:

etad eva paraṃ jñānaṃ śiva ity akṣara-dvayam

vicārād yāti vistāraṃ taila-bindur iva ambhasi //

sakṛd uccāritaṃ yena śiva ity akṣaradvayam

baddhaḥ parikaras tena mokṣopagamanaṃ prati //

Note:

sakṛd uccāritaṃ yena śiva ity akṣara-dvayam

baddhaḥ parikaras tena mokṣa-upagamanaṃ prati //

dvyakṣaraḥ śivamantro 'yaṃ śivopaniṣadi smṛtaḥ

ekākṣaraḥ punaś cāyam om ity evaṃ vyavasthitaḥ //

Note:

dvy-akṣaraḥ śiva-mantro 'yaṃ śiva-upaniṣadi smṛtaḥ

eka-akṣaraḥ punaś ca ayam om ity evaṃ vyavasthitaḥ //

nāmasaṃkīrtaṇād eva śivasyāśeṣapātakaiḥ

yataḥ pramucyate kṣipraṃ mantro 'yaṃ dvyakṣaraḥ paraḥ //

Note:

nāma-saṃkīrtaṇād eva śivasya aśeṣa-pātakaiḥ

yataḥ pramucyate kṣipraṃ mantro 'yaṃ dvy-akṣaraḥ paraḥ //

yaḥ śivaṃ śivam ity evaṃ dvyakṣaraṃ mantram abhyaset

ekākṣaraṃ vā satataṃ sa yāti paramaṃ padam //

Note:

yaḥ śivaṃ śivam ity evaṃ dvy-akṣaraṃ mantram abhyaset

eka-akṣaraṃ vā satataṃ sa yāti paramaṃ padam //

mitrasvajanabandhūnāṃ kuryān nāma śivātmakam

api tat kīrtanād yāti pāpamuktaḥ śivaṃ puram //

Note:

mitra-svajana-bandhūnāṃ kuryān nāma śiva-ātmakam

api tat kīrtanād yāti pāpa-muktaḥ śivaṃ puram //

vijñeyaḥ sa śivaḥ śānto naras tadbhāvabhāvitaḥ

āste sadā nirudvignaḥ sa dehānte vimucyate //

Note:

vijñeyaḥ sa śivaḥ śānto naras tad-bhāva-bhāvitaḥ

āste sadā nirudvignaḥ sa deha-ante vimucyate //

hṛdy antaḥkaraṇaṃ jñeyaṃ śivasya āyatanaṃ param

hṛtpadmaṃ vedikā tatra liṅgam oṃkāram iṣyate //

Note:

hṛdy antaḥ-karaṇaṃ jñeyaṃ śivasya āyatanaṃ param

hṛt-padmaṃ vedikā tatra liṅgam oṃ-kāram iṣyate //

puruṣaḥ sthāpako jñeyaḥ satyaṃ saṃmārjanaṃ smṛtam

ahiṃsā gomayaṃ proktaṃ śāntiś ca salilaṃ param //

Note:

puruṣaḥ sthāpako jñeyaḥ satyaṃ saṃmārjanaṃ smṛtam

ahiṃsā gomayaṃ proktaṃ śāntiś ca salilaṃ param //

kuryāt saṃmārjanaṃ prājño vairāgyaṃ candanaṃ smṛtam

pūjayed dhyānayogena saṃtoṣaiḥ kusumaiḥ sitaiḥ //

Note:

kuryāt saṃmārjanaṃ prājño vairāgyaṃ candanaṃ smṛtam

pūjayed dhyāna-yogena saṃtoṣaiḥ kusumaiḥ sitaiḥ //

dhūpaś ca guggulur deyaḥ prāṇāyāmasamudbhavaḥ

pratyāhāraś ca naivedyam asteyaṃ ca pradakṣiṇam //

Note:

dhūpaś ca guggulur deyaḥ prāṇa-āyāma-samudbhavaḥ

pratyāhāraś ca naivedyam asteyaṃ ca pradakṣiṇam //

iti divyopacāraiś ca saṃpūjya paramaṃ śivam

japed dhyāyec ca muktyarthaṃ sarvasaṅgavivarjitaḥ //

Note:

iti divya-upacāraiś ca saṃpūjya paramaṃ śivam

japed dhyāyec ca mukty-arthaṃ sarva-saṅga-vivarjitaḥ //

jñānayogavinirmuktaḥ karmayogasamāvṛttaḥ

mṛtaḥ śivapuraṃ gacchet sa tena śivakarmaṇā //

Note:

jñāna-yoga-vinirmuktaḥ karma-yoga-samāvṛttaḥ

mṛtaḥ śiva-puraṃ gacchet sa tena śiva-karmaṇā //

tatra bhuktvā mahābhogān pralaye sarvadehinām

śivadharmāc chivajñānaṃ prāpya muktim avāpnuyāt //

Note:

tatra bhuktvā mahā-bhogān pralaye sarva-dehinām

śiva-dharmāc chiva-jñānaṃ prāpya muktim avāpnuyāt //

jñānayogena mucyante dehapātād anantaram

bhogān bhuktvā ca mucyante pralaye karmayoginaḥ //

Note:

jñāna-yogena mucyante deha-pātād anantaram

bhogān bhuktvā ca mucyante pralaye karma-yoginaḥ //

tasmāj jñānavido yogāt tathājñāḥ karmayoginaḥ

sarva eva vimucyante ye narāḥ śivam āśritāḥ //

Note:

tasmāj jñāna-vido yogāt tatha ājñāḥ karma-yoginaḥ

sarva eva vimucyante ye narāḥ śivam āśritāḥ //

sa bhogaḥ śivavidyārthaṃ yeṣāṃ karmāsti nirmalam

te bhogān prāpya mucyante pralaye śivavidyayā //

Note:

sa bhogaḥ śiva-vidyā-arthaṃ yeṣāṃ karma asti nirmalam

te bhogān prāpya mucyante pralaye śiva-vidyayā //

vidyā saṃkīrtanīyā hi yeṣāṃ karma na vidyate

te cāvartya vimucyante yāvat karma na tad bhavet //

Note:

vidyā saṃkīrtanīyā hi yeṣāṃ karma na vidyate

te cā avartya vimucyante yāvat karma na tad bhavet //

śivajñānavidaṃ tasmāt pūjayed vibhavair gurum

vidyādānaṃ ca kurvīta bhogamokṣajigīṣayā //

Note:

śiva-jñāna-vidaṃ tasmāt pūjayed vibhavair gurum

vidyā-dānaṃ ca kurvīta bhoga-mokṣa-jigīṣayā //

śivayogī śivajñānī śivajāpī tapo'dhikaḥ

kramaśaḥ karmayogī ca pañcaite muktibhājanāḥ //

Note:

śiva-yogī śiva-jñānī śiva-jāpī tapo'dhikaḥ

kramaśaḥ karma-yogī ca pañca-ete mukti-bhājanāḥ //

karmayogasya yan mūlaṃ tad vakṣyāmi samāsataḥ

liṅgam āyatanaṃ ceti tatra karma pravartate //

Note:

karma-yogasya yan mūlaṃ tad vakṣyāmi samāsataḥ

liṅgam āyatanaṃ ca iti tatra karma pravartate //

// iti śivopaniṣadi muktinirdeśādhyāyaḥ prathamaḥ //

atha pūrvasthito liṅge garbhaḥ sa triguṇo bhavet

garbhād vāpi vibhāgena sthāpya liṅgaṃ śivālaye //

Note:

atha pūrva-sthito liṅge garbhaḥ sa tri-guṇo bhavet

garbhād va āpi vibhāgena sthāpya liṅgaṃ śiva-ālaye //

yāval liṅgasya dairghyaṃ syāt tāvad vedyāś ca vistaraḥ

liṅgatṛtīyabhāgena bhaved vedyāḥ samucchrayaḥ //

Note:

yāval liṅgasya dairghyaṃ syāt tāvad vedyāś ca vistaraḥ

liṅga-tṛtīya-bhāgena bhaved vedyāḥ samucchrayaḥ //

bhāgam ekaṃ nyased bhūmau dvitīyaṃ vedimadhyataḥ

tṛtīyabhāge pūjā svād iti liṅgaṃ tridhā sthitam //

Note:

bhāgam ekaṃ nyased bhūmau dvitīyaṃ vedi-madhyataḥ

tṛtīya-bhāge pūjā svād iti liṅgaṃ tridhā sthitam //

bhūmisthaṃ caturaśraṃ svād aṣṭāśraṃ vedimadhyataḥ

pūjārthaṃ vartulaṃ kāryaṃ dairghyāt triguṇavistaram //

Note:

bhūmi-sthaṃ catur-aśraṃ svād aṣṭa-aśraṃ vedi-madhyataḥ

pūjā-arthaṃ vartulaṃ kāryaṃ dairghyāt tri-guṇa-vistaram //

adhobhāge sthitaḥ skandaḥ sthitā devī ca madhyataḥ

ūrdhvaṃ rudraḥ kramād vāpi brahmaviṣṇumaheśvarāḥ //

Note:

adho-bhāge sthitaḥ skandaḥ sthitā devī ca madhyataḥ

ūrdhvaṃ rudraḥ kramād va āpi brahma-viṣṇu-maheśvarāḥ //

eta eva trayo lokā eta eva trayo guṇāḥ

eta eva trayo vedā etac cānyat sthitaṃ tridhā //

Note:

eta eva trayo lokā eta eva trayo guṇāḥ

eta eva trayo vedā etac ca anyat sthitaṃ tridhā //

navahastaḥ smṛto jyeṣṭhaḥ ṣaḍḍhastaś cāpi madhyamaḥ

vidyāt kanīyas traihastaṃ liṅgamānam idaṃ smṛtam //

Note:

nava-hastaḥ smṛto jyeṣṭhaḥ ṣaḍ-ḍhastaś ca api madhyamaḥ

vidyāt kanīyas trai-hastaṃ liṅga-mānam idaṃ smṛtam //

garbhasyānataḥ pravistāras tadūnaś ca na śasyate

garbhasyānataḥ pravistārād tadupary api saṃsthitam //

Note:

garbhasya anataḥ pravistāras tad-ūnaś ca na śasyate

garbhasya anataḥ pravistārād tad-upary api saṃsthitam //

prāsādaṃ kalpayec chrīmān vibhajeta tridhā punaḥ

bhāga eko bhavej jaṅghā dvau bhāgau mañjarī smṛtā //

Note:

prāsādaṃ kalpayec chrīmān vibhajeta tridhā punaḥ

bhāga eko bhavej jaṅghā dvau bhāgau mañjarī smṛtā //

mañjaryā ardhabhāgasthaṃ śukanāsaṃ prakalpayet

garbhād ardhena vistāram āyāmaṃ ca suśobhanam //

Note:

mañjaryā ardha-bhāga-sthaṃ śuka-nāsaṃ prakalpayet

garbhād ardhena vistāram āyāmaṃ ca suśobhanam //

garbhād vāpi tribhāgena śukanāsaṃ prakalpayet

garbhād ardhena vistīrṇā garbhāc ca dviguṇāyatā //

Note:

garbhād va āpi tri-bhāgena śuka-nāsaṃ prakalpayet

garbhād ardhena vistīrṇā garbhāc ca dvi-guṇa-āyatā //

jaṅghābhiś ca bhavet kāryā mañjaryaṅgularāśinā

prāsādārdhena vijñeyo maṇḍapas tasya vāmataḥ //

Note:

jaṅghābhiś ca bhavet kāryā mañjary-aṅgula-rāśinā

prāsāda-ardhena vijñeyo maṇḍapas tasya vāmataḥ //

maṇḍapāt pādavistīrṇā jagatī tāvaducchritā

prāsādasya pramāṇena jagatyā sārdham aṅgaṇam //

Note:

maṇḍapāt pāda-vistīrṇā jagatī tāvad-ucchritā

prāsādasya pramāṇena jagatyā sārdham aṅgaṇam //

prākāraṃ tatsamantāc ca gupurād ālabhūṣitam

prākārāntaḥ sthitaṃ kāryaṃ vṛṣasthānaṃ samucchritam //

Note:

prākāraṃ tat-samantāc ca gu-purād āla-bhūṣitam

prākāra-antaḥ sthitaṃ kāryaṃ vṛṣa-sthānaṃ samucchritam //

nandīśvaramahākālau dvāraśākhāvyavasthitau

prākārād dakṣiṇe kāryaṃ sarvopakaraṇānvitam //

Note:

nandīśvara-mahākālau dvāra-śākhā-vyavasthitau

prākārād dakṣiṇe kāryaṃ sarva-upakaraṇa-anvitam //

pañcabhaumaṃ tribhaumaṃ vā yogīndrāvasathaṃ mahat

prākāraguptaṃ tat kāryaṃ maitrasthānasamanvitam //

Note:

pañca-bhaumaṃ tri-bhaumaṃ vā yogīndrāvasathaṃ mahat

prākāra-guptaṃ tat kāryaṃ maitra-sthāna-samanvitam //

sthānād daśasamāyuktaṃ bhavyavṛkṣajalānvitam

tan mahānasam āgneyyāṃ pūrvataḥ sattramaṇḍapam //

Note:

sthānād daśa-samāyuktaṃ bhavya-vṛkṣa-jala-anvitam

tan mahā-anasam āgneyyāṃ pūrvataḥ sattra-maṇḍapam //

sthānaṃ caṇḍeśam aiśānyāṃ puṣpārāmaṃ tathottaram

koṣṭhāgāraṃ ca vāyavyāṃ vāruṇyāṃ varuṇālayam //

Note:

sthānaṃ caṇḍeśam aiśānyāṃ puṣpa-ārāmaṃ tatha ūttaram

koṣṭha-āgāraṃ ca vāyavyāṃ vāruṇyāṃ varuṇa-ālayam //

śamīndhanakuśasthānam āyudhānāṃ ca nairṛtam

sarvalokopakārāya nagarasthaṃ prakalpayet //

Note:

śamī-indhana-kuśasthānam āyudhānāṃ ca nairṛtam

sarva-loka-upakārāya nagara-sthaṃ prakalpayet //

śrīmadāyatanaṃ śambhor yogināṃ vijane vane

śivasyāyatane yāvat sametāḥ paramāṇavaḥ //

Note:

śrīmad-āyatanaṃ śambhor yogināṃ vijane vane

śivasyā ayatane yāvat sametāḥ parama-aṇavaḥ //

manvantarāṇi tāvanti kartur bhogāḥ śive pure

mahāpratimaliṅgāni mahānty āyatanāni ca //

Note:

manvantarāṇi tāvanti kartur bhogāḥ śive pure

mahā-pratima-liṅgāni mahānty āyatanāni ca //

kṛtvāpnoti mahābhogān ante muktiṃ ca śāśvatīm

liṅgapratiṣṭhāṃ kurvīta yadā tallakṣaṇaṃ kṛtī //

Note:

kṛtvā āpnoti mahā-bhogān ante muktiṃ ca śāśvatīm

liṅga-pratiṣṭhāṃ kurvīta yadā tal-lakṣaṇaṃ kṛtī //

pañcagavyena saṃśodhya pūjayitvādhivāsayet

pālāśodumbarāśvatthapṛṣadājyatilair yavaiḥ //

Note:

pañca-gavyena saṃśodhya pūjayitva ādhivāsayet

pālāśa-udumbara-aśvatthapṛṣad-ājya-tilair yavaiḥ //

agnikāryaṃ prakurvīta dadyāt pūrṇāhutitrayam

śivasyāṣṭaśataṃ hutvā liṅgamūlaṃ spṛśed budhaḥ //

Note:

agni-kāryaṃ prakurvīta dadyāt pūrṇa-āhuti-trayam

śivasya aṣṭa-śataṃ hutvā liṅga-mūlaṃ spṛśed budhaḥ //

evaṃ madhye 'vasāne tan mūrtimantraiś ca mūrtiṣu

aṣṭau mūrtīśvarāḥ kāryāḥ navamaḥ sthāpakaḥ smṛtaḥ //

Note:

evaṃ madhye 'vasāne tan mūrti-mantraiś ca mūrtiṣu

aṣṭau mūrti-īśvarāḥ kāryāḥ navamaḥ sthāpakaḥ smṛtaḥ //

prātaḥ saṃsthāpayel liṅgaṃ mantrais tu navabhiḥ kramāt

mahāsnāpanapūjāṃ ca sthāpya liṅgaṃ prapūjayet //

Note:

prātaḥ saṃsthāpayel liṅgaṃ mantrais tu navabhiḥ kramāt

mahā-snāpana-pūjāṃ ca sthāpya liṅgaṃ prapūjayet //

guror mūrtidharāṇāṃ ca dadyād uttamadakṣiṇām

yatīnāṃ ca samastānāṃ dadyān madhyamadakṣiṇām //

Note:

guror mūrti-dharāṇāṃ ca dadyād uttama-dakṣiṇām

yatīnāṃ ca samastānāṃ dadyān madhyama-dakṣiṇām //

dīnāndhakṛpaṇebhyaś ca sarvāsām upakalpayet

sarvabhakṣyānnapānādyair aniṣiddhaṃ ca bhojanam //

Note:

dīna-andha-kṛpaṇebhyaś ca sarvāsām upakalpayet

sarva-bhakṣya-anna-pāna-ādyair aniṣiddhaṃ ca bhojanam //

kalpayed āgatānāṃ ca bhūtebhyaś ca baliṃ haret

rātrau mātṛgaṇānāṃ ca baliṃ dadyād viśeṣataḥ //

Note:

kalpayed āgatānāṃ ca bhūtebhyaś ca baliṃ haret

rātrau mātṛ-gaṇānāṃ ca baliṃ dadyād viśeṣataḥ //

evaṃ yaḥ sthāpayel liṅgaṃ tasya puṇyaphalaṃ śṛṇu

kulatriṃśakam uddhṛtya bhṛtyaiś ca parivāritaḥ //

Note:

evaṃ yaḥ sthāpayel liṅgaṃ tasya puṇya-phalaṃ śṛṇu

kula-triṃśakam uddhṛtya bhṛtyaiś ca parivāritaḥ //

kalatraputramitrādyaiḥ sahitaḥ sarvabāndhavaiḥ
vimucya pāpakalilaṃ śivalokaṃ vrajen naraḥ
tatra bhuktvā mahābhogān pralaye muktim āpnuyāt //

Note:

kalatra-putra-mitra-ādyaiḥ sahitaḥ sarva-bāndhavaiḥ
vimucya pāpa-kalilaṃ śiva-lokaṃ vrajen naraḥ
tatra bhuktvā mahā-bhogān pralaye muktim āpnuyāt //

// iti śivopaniṣadi liṅgāyatanādhyāyo dvitīyaḥ //

athānyair alpavittaiś ca nṛpaiś ca śivabhāvitaiḥ

śaktitaḥ svāśrame kāryaṃ śivaśāntigṛhadvayam //

Note:

atha anyair alpa-vittaiś ca nṛpaiś ca śiva-bhāvitaiḥ

śaktitaḥ sva-āśrame kāryaṃ śiva-śānti-gṛha-dvayam //

gṛhasyeśānadigbhāge kāryam uttarato 'pi vā

khātvā bhūmiṃ samuddhṛtya śalyān ākoṭya yatnataḥ //

Note:

gṛhasyā iśāna-dig-bhāge kāryam uttarato 'pi vā

khātvā bhūmiṃ samuddhṛtya śalyān ākoṭya yatnataḥ //

śivadevagṛhaṃ kāryam aṣṭahastapramāṇataḥ

dakṣiṇottaradigbhāge kiṃcic dīrghaṃ prakalpayet //

Note:

śiva-deva-gṛhaṃ kāryam aṣṭa-hasta-pramāṇataḥ

dakṣiṇa-uttara-dig-bhāge kiṃcic dīrghaṃ prakalpayet //

hastamātrapramāṇaṃ ca dṛḍhapaṭṭacatuṣṭayam

catuṣkoṇeṣu saṃyojyam arghyapātrādisaṃśrayam //

Note:

hasta-mātra-pramāṇaṃ ca dṛḍha-paṭṭa-catuṣṭayam

catuṣ-koṇeṣu saṃyojyam arghya-pātra-ādi-saṃśrayam //

garbhamadhye prakurvīta śivavediṃ suśobhanām

udagarvāk cchritāṃ(?) kiṃcic catuḥśīrṣakasaṃyutām //

Note:

garbha-madhye prakurvīta śiva-vediṃ suśobhanām

udagarvāk cchritāṃ(?) kiṃcic catuḥ-śīrṣaka-saṃyutām //

trihastāyām avistārām ṣoḍaśāṅgulam ucchritām

tacchīrṣāṇīva hastārdham āyāmād vistareṇa ca //

Note:

tri-hastāyām avistārām ṣoḍaśa-aṅgulam ucchritām

tac-chīrṣāṇi iva hasta-ardham āyāmād vistareṇa ca //

śivasthaṇḍilam ity etac caturhastaṃ samaṃ śiraḥ

mūrtinaivedyadīpānāṃ vinyāsārthaṃ prakalpayet //

Note:

śiva-sthaṇḍilam ity etac catur-hastaṃ samaṃ śiraḥ

mūrti-naivedya-dīpānāṃ vinyāsa-arthaṃ prakalpayet //

śaivaliṅgena kāryaṃ syāt kāryaṃ maṇijapārthivaiḥ

sthaṇḍilārdhe ca kurvanti vedim anyāṃ savartulām //

Note:

śaiva-liṅgena kāryaṃ syāt kāryaṃ maṇija-pārthivaiḥ

sthaṇḍila-ardhe ca kurvanti vedim anyāṃ sa-vartulām //

ṣoḍaśāṅgulam utsedhāṃ vistīrṇāṃ dviguṇena ca

gṛhe na sthāpayec chailaṃ liṅgaṃ maṇijam arcayet //

Note:

ṣoḍaśa-aṅgulam utsedhāṃ vistīrṇāṃ dvi-guṇena ca

gṛhe na sthāpayec chailaṃ liṅgaṃ maṇijam arcayet //

trisaṃdhyaṃ pārthivaṃ vāpi kuryād anyad dinedine

sarveṣām eva varṇānāṃ sphāṭikaṃ sarvakāmadam //

Note:

tri-saṃdhyaṃ pārthivaṃ va āpi kuryād anyad dine-dine

sarveṣām eva varṇānāṃ sphāṭikaṃ sarva-kāma-dam //

sarvadoṣavinirmuktam anyathā doṣam āvahet

āyuṣmān balavāñ śrīmān putravān dhanavān sukhī //

Note:

sarva-doṣa-vinirmuktam anyathā doṣam āvahet

āyuṣmān balavāñ śrīmān putravān dhanavān sukhī //

varam iṣṭaṃ ca labhate liṅgaṃ pārthivam arcayan

tasmād dhi pārthivaṃ liṅgaṃ jñeyaṃ sarvārthasādhakam //

Note:

varam iṣṭaṃ ca labhate liṅgaṃ pārthivam arcayan

tasmād dhi pārthivaṃ liṅgaṃ jñeyaṃ sarva-artha-sādhakam //

nirdoṣaṃ sulabhaṃ caiva pūjayet satataṃ budhaḥ

yathā yathā mahāliṅgaṃ pūjā śraddhā yathā yathā //

Note:

nirdoṣaṃ sulabhaṃ caiva pūjayet satataṃ budhaḥ

yathā yathā mahā-liṅgaṃ pūjā śraddhā yathā yathā //

tathā tathā mahat puṇyaṃ vijñeyam anurūpataḥ
pratimāliṅgavedīṣu yāvantaḥ paramāṇavaḥ
tāvatkalpān mahābhogas tatkartāste śive pure //

Note:

tathā tathā mahat puṇyaṃ vijñeyam anurūpataḥ
pratimā-liṅga-vedīṣu yāvantaḥ parama-aṇavaḥ
tāvat-kalpān mahā-bhogas tat-kartā āste śive pure //

// iti śivopaniṣadi śivagṛhādhyāyas tṛtīyaḥ //

athaikabhinnāvicchinnaṃ purataḥ śāntimaṇḍapam

pūrvāparāṣṭahastaṃ syād dvādaśottaradakṣiṇe //

Note:

atha-ekabhinna-avicchinnaṃ purataḥ śānti-maṇḍapam

pūrva-apara-aṣṭa-hastaṃ syād dvādaśa-uttara-dakṣiṇe //

tad dvārabhittisaṃbaddhaṃ kapicchukasamāvṛtam

paṭadvayaṃ bhavet sthāpya sruvādyāvārahetunā //

Note:

tad dvāra-bhitti-saṃbaddhaṃ kapi-cchuka-samāvṛtam

paṭa-dvayaṃ bhavet sthāpya sruva-ādy-āvāra-hetunā //

dvāraṃ triśākhaṃ vijñeyaṃ navatyaṅgulam ucchritam

tadardhena ca vistīrṇaṃ satkavāṭaṃ śivālaye //

Note:

dvāraṃ triśākhaṃ vijñeyaṃ navaty-aṅgulam ucchritam

tad-ardhena ca vistīrṇaṃ sat-kavāṭaṃ śiva-ālaye //

dīrghaṃ pañcanavatyā ca pañcaśākhāsuśobhitam

satkavāṭadvayopetaṃ śrīmad vāhanamaṇṭapam //

Note:

dīrghaṃ pañca-navatyā ca pañca-śākhā-suśobhitam

sat-kavāṭa-dvaya-upetaṃ śrīmad vāhana-maṇṭapam //

dvāraṃ paścānmukhaṃ jñeyam aśeṣārthaprasādhakam

abhāve prāṅmukhaṃ kāryam udagdakṣiṇato na ca //

Note:

dvāraṃ paścān-mukhaṃ jñeyam aśeṣa-artha-prasādhakam

abhāve prāṅ-mukhaṃ kāryam udag-dakṣiṇato na ca //

gavākṣakadvayaṃ kāryam apidhānaṃ suśobhanam

dhūmanirgamanārthāya dakṣiṇottarakuḍyayoḥ //

Note:

gava-akṣaka-dvayaṃ kāryam apidhānaṃ suśobhanam

dhūma-nirgamana-arthāya dakṣiṇa-uttara-kuḍyayoḥ //

āgneyabhāgāt paritaḥ kāryā jālagavākṣakāḥ

ūrdhvastūpikayā yuktā īṣacchidrapidhānayā //

Note:

āgneya-bhāgāt paritaḥ kāryā jāla-gava-akṣakāḥ

ūrdhva-stūpikayā yuktā īṣac-chidra-pidhānayā //

śivāgnihotrakuṇḍaṃ ca vṛttaṃ hastapramāṇataḥ

caturaśravedi(kā) śrīman mekhalātrayabhūṣitam //

Note:

śiva-agnihotra-kuṇḍaṃ ca vṛttaṃ hasta-pramāṇataḥ

catur-aśra-vedi(kā) śrīman mekhalā-traya-bhūṣitam //

kuḍyaṃ dvihastavistīṛṇaṃ pañcahastasamucchritam

śivāgnihotraśaraṇaṃ kartavyam atiśobhanam //

Note:

kuḍyaṃ dvi-hasta-vistīṛṇaṃ pañca-hasta-samucchritam

śiva-agnihotra-śaraṇaṃ kartavyam atiśobhanam //

jagatīstambhapaṭṭādyaṃ saptasaṃkhyaṃ ca kalpayet

bandhayogavinirmuktaṃ tulyasthānapadāntaram //

Note:

jagatī-stambha-paṭṭa-ādyaṃ sapta-saṃkhyaṃ ca kalpayet

bandha-yoga-vinirmuktaṃ tulya-sthāna-pada-antaram //

aiṣṭakaṃ kalpayed yatnāc chivāgnyāyatanaṃ mahat

catuḥpregīvakopetam(?) ekapregīvakena vā(?) //

Note:

aiṣṭakaṃ kalpayed yatnāc chiva-agny-āyatanaṃ mahat

catuḥ-pregīvaka-upetam(?) eka-pregīvakena vā(?) //

sudhāpraliptaṃ kartavyaṃ pañcāṇḍakabibhūṣitam

śivāgnihotraśaraṇaṃ caturaṇḍakasaṃyutam //

Note:

sudhā-praliptaṃ kartavyaṃ pañca-aṇḍaka-bibhūṣitam

śiva-agni-hotra-śaraṇaṃ catur-aṇḍaka-saṃyutam //

bahis tad eva jagatī trihastā vā sukuṭṭimā

tāvad eva ca vistīrṇā mekhalādivibhūṣitā //

Note:

bahis tad eva jagatī tri-hastā vā sukuṭṭimā

tāvad eva ca vistīrṇā mekhala-ādi-vibhūṣitā //

kartavyā cātra jagatī tasyāś cādhaḥ samantataḥ

dvihastamātravistīrṇā tadardhārdhasamucchritā //

Note:

kartavyā ca atra jagatī tasyāś ca adhaḥ samantataḥ

dvi-hasta-mātra-vistīrṇā tad-ardha-ardha-samucchritā //

anyā vṛttā prakartavyā rudravedī suśobhanā

daśahastapramāṇā ca caturaṅgulam ucchritā //

Note:

anyā vṛttā prakartavyā rudra-vedī suśobhanā

daśa-hasta-pramāṇā ca catur-aṅgulam ucchritā //

rudramātṛgaṇānāṃ ca dikpatīnāṃ ca sarvadā

sarvāgrapākasaṃyuktaṃ tāsu nityabaliṃ haret //

Note:

rudra-mātṛ-gaṇānāṃ ca dik-patīnāṃ ca sarvadā

sarva-agra-pāka-saṃyuktaṃ tāsu nitya-baliṃ haret //

vedy anyā sarvabhūtānāṃ bahiḥ kāryā dvihastikā

vṛṣasthānaṃ ca kartavyaṃ śivālokanasaṃmukham //

Note:

vedy anyā sarva-bhūtānāṃ bahiḥ kāryā dvi-hastikā

vṛṣa-sthānaṃ ca kartavyaṃ śiva-ālokana-saṃmukham //

agrārṣasavitur vyoma vṛṣaḥ kāryaś ca paścime

vyomnaś cādhas trigarbhaṃ syāt pitṛtarpaṇavedikā //

Note:

agra-ārṣa-savitur vyoma vṛṣaḥ kāryaś ca paścime

vyomnaś ca adhas tri-garbhaṃ syāt pitṛ-tarpaṇa-vedikā //

prākārāntarbahiḥ kāryaṃ śrīmad gopurabhūṣitam

puṣpārāmajalopetaṃ prākārāntaṃ ca kārayet //

Note:

prākāra-antar-bahiḥ kāryaṃ śrīmad go-pura-bhūṣitam

puṣpa-ārāma-jala-upetaṃ prākāra-antaṃ ca kārayet //

mṛddārujaṃ tṛṇacchannaṃ prakurvīta śivālayam

bhūmikādvayavinyāsād utkṣiptaṃ kalpayed budhaḥ //

Note:

mṛd-dārujaṃ tṛṇa-cchannaṃ prakurvīta śiva-ālayam

bhūmikā-dvaya-vinyāsād utkṣiptaṃ kalpayed budhaḥ //

śivadakṣiṇataḥ kāryaṃ tabhukter yogyam ālayam

śayyāsanasamāyuktaṃ vāstuvidyāvinirmitam //

Note:

śiva-dakṣiṇataḥ kāryaṃ ta-bhukter yogyam ālayam

śayyā-āsana-samāyuktaṃ vāstu-vidyā-vinirmitam //

dhvajasiṃhau vṛṣagajau catvāraḥ śobhanāḥ smṛtāḥ

dhūmaśvagardabhadhvāṅkṣāś catvāraś cārthanāśakāḥ //

Note:

dhvaja-siṃhau vṛṣa-gajau catvāraḥ śobhanāḥ smṛtāḥ

dhūma-śva-gardabha-dhvāṅkṣāś catvāraś ca artha-nāśakāḥ //

gṛhasyāyāmavistāraṃ kṛtvā triguṇam āditaḥ

aṣṭabhiḥ śodhayed āpaiḥ śeṣaś ca gṛham ādiśet //

Note:

gṛhasyā ayāma-vistāraṃ kṛtvā tri-guṇam āditaḥ

aṣṭabhiḥ śodhayed āpaiḥ śeṣaś ca gṛham ādiśet //

iti śāntigṛhaṃ kṛtvā rudrāgniṃ yaḥ pravartayet

apy ekaṃ divasaṃ bhaktyā tasya puṇyaphalaṃ śṛṇu //

Note:

iti śānti-gṛhaṃ kṛtvā rudra-agniṃ yaḥ pravartayet

apy ekaṃ divasaṃ bhaktyā tasya puṇya-phalaṃ śṛṇu //

kalatraputramitrādyaiḥ sa bhṛtyaiḥ parivāritaḥ

kulaikaviṃśad uttārya devalokam avāpnuyāt //

Note:

kalatra-putra-mitra-ādyaiḥ sa bhṛtyaiḥ parivāritaḥ

kula-ekaviṃśad uttārya deva-lokam ava-āpnuyāt //

nīlotpaladalaśyāmāḥ pīnavṛttapayodharāḥ

hemavarṇāḥ striyaś cānyāḥ sundaryaḥ priyadarśanāḥ //

Note:

nīla-utpala-dala-śyāmāḥ pīna-vṛtta-payo-dharāḥ

hema-varṇāḥ striyaś ca anyāḥ sundaryaḥ priya-darśanāḥ //

tābhiḥ sārdhaṃ mahābhogair vimānaiḥ sārvakāmikaiḥ

icchayā krīḍate tāvad yāvad ābhūtasaṃplavam //

Note:

tābhiḥ sārdhaṃ mahā-bhogair vimānaiḥ sārva-kāmikaiḥ

icchayā krīḍate tāvad yāvad ā-bhūta-saṃplavam //

tataḥ kalpāgninā sārdhaṃ dahyamānaṃ suvihvalam

dṛṣṭvā virajyate bhūyo bhavabhogamahārṇavāt //

Note:

tataḥ kalpa-agninā sārdhaṃ dahyamānaṃ suvihvalam

dṛṣṭvā virajyate bhūyo bhava-bhoga-mahā-arṇavāt //

tataḥ saṃpṛcchate rudrāṃs tatrasthān jñānapāragān

tebhyaḥ prāpya śivajñānaṃ śāntaṃ nirvāṇam āpnuyāt //

Note:

tataḥ saṃpṛcchate rudrāṃs tatra-sthān jñāna-pāragān

tebhyaḥ prāpya śiva-jñānaṃ śāntaṃ nirvāṇam āpnuyāt //

aviraktaś ca bhogebhyaḥ sapta janmāni jāyate

pṛthivyadhipatiḥ śrīmān icchayā vā dvijottamaḥ //

Note:

aviraktaś ca bhogebhyaḥ sapta janmāni jāyate

pṛthivy-adhipatiḥ śrīmān icchayā vā dvijottamaḥ //

saptamāj janmanaś cānte śivajñānam anāpnuyāt

jñānād viraktaḥ saṃsārāc chuddhaḥ khāny adhitiṣṭhati //

Note:

saptamāj janmanaś ca ante śiva-jñānam anāpnuyāt

jñānād viraktaḥ saṃsārāc chuddhaḥ khāny adhitiṣṭhati //

ity etad akhilaṃ kāryaṃ phalam uktaṃ samāsataḥ

utsave ca punar brūmaḥ pratyekaṃ dravyajaṃ phalam //

Note:

ity etad akhilaṃ kāryaṃ phalam uktaṃ samāsataḥ

utsave ca punar brūmaḥ pratyekaṃ dravyajaṃ phalam //

sadgandhaguṭikām ekāṃ lākṣāṃ prāṇyaṅgavarjitām

karpāsāsthipramāṇaṃ ca hutvāgnau śṛṇuyāt phalam //

Note:

sad-gandha-guṭikām ekāṃ lākṣāṃ prāṇy-aṅga-varjitām

karpāsa-asthi-pramāṇaṃ ca hutva āgnau śṛṇuyāt phalam //

yāvat satgandhaguṭikā śivāgnau saṃkhyayā hutā

tāvatkoṭyas tu varṣāṇi bhogān bhuṅkte śive pure //

Note:

yāvat sat-gandha-guṭikā śiva-agnau saṃkhyayā hutā

tāvat-koṭyas tu varṣāṇi bhogān bhuṅkte śive pure //

ekāṅgulapramāṇena hutvāgnau candanāhutim

varṣakoṭidvayaṃ bhogair divyaiḥ śivapure vaset //

Note:

eka-aṅgula-pramāṇena hutva āgnau candana-āhutim

varṣa-koṭi-dvayaṃ bhogair divyaiḥ śiva-pure vaset //

yāvatkesarasaṃkhyānaṃ kusumasyānale hutam

tāvadyugasahasrāṇi śivaloke mahīyate //

Note:

yāvat-kesara-saṃkhyānaṃ kusumasya anale hutam

tāvad-yuga-sahasrāṇi śiva-loke mahīyate //

nāgakesarapuṣpaṃ tu kuṅkumārdhena kīrtitam

yat phalaṃ candanasyoktam uśīrasya tadardhakam //

Note:

nāga-kesara-puṣpaṃ tu kuṅkuma-ardhena kīrtitam

yat phalaṃ candanasya uktam uśīrasya tad-ardhakam //

yat puṣpadhūpabhaṣyānnadadhikṣīraghṛtādibhiḥ

puṇyaliṅgārcane proktaṃ tad dhomasya daśādhikam //

Note:

yat puṣpa-dhūpa-bhaṣya annadadhi-kṣīra-ghṛta-ādibhiḥ

puṇya-liṅga-arcane proktaṃ tad dhomasya daśa-adhikam //

hutvāgnau samidhas tisrau śivomāskandanāmabhiḥ

paścād dadyāt tilānnāni homayīta yathākramam //

Note:

hutva āgnau samidhas tisrau śiva-umā-skanda-nāmabhiḥ

paścād dadyāt tila-annāni homayīta yathā-kramam //

palāśāaṅkurajāriṣṭapālālyaḥ(?) samidhaḥ śubhāḥ

pṛṣadājyaplutā hutvā śṛṇu yat phalam āpnuyāt //

Note:

palāśa-aaṅkuraja-ariṣṭapālālyaḥ(?) samidhaḥ śubhāḥ

pṛṣad-ājya-plutā hutvā śṛṇu yat phalam āpnuyāt //

palāśāṅkurasaṃkhyānāṃ yāvad agnau hutaṃ bhavet

tāvatkalpān mahābhogaiḥ śivaloke mahīyate //

Note:

palāśa-aṅkura-saṃkhyānāṃ yāvad agnau hutaṃ bhavet

tāvat-kalpān mahā-bhogaiḥ śiva-loke mahīyate //

tallakṣyamadhyasaṃbhūtaṃ hutvāgnau samidhaḥ śubhāḥ

kalpārdhasaṃmitaṃ kālaṃ bhogān bhuṅkte śive pure //

Note:

tal-lakṣya-madhya-saṃbhūtaṃ hutva āgnau samidhaḥ śubhāḥ

kalpa-ardha-saṃmitaṃ kālaṃ bhogān bhuṅkte śive pure //

śamīsamitphalaṃ deyam abdān api ca lakṣakam

śamyardhaphalavaccheṣāḥ samidhaḥ kṣīravṛkṣajāḥ //

Note:

śamī-samit-phalaṃ deyam abdān api ca lakṣakam

śamy-ardha-phalavac-cheṣāḥ samidhaḥ kṣīra-vṛkṣajāḥ //

tilasaṃkhyāṃs tilān hutvā hy ājyāktā(?) yāvatī bhavet

tāvat sa varṣalakṣāṃs tu bhogān bhuṅkte śive pure //

Note:

tila-saṃkhyāṃs tilān hutvā hy ājyāktā(?) yāvatī bhavet

tāvat sa varṣa-lakṣāṃs tu bhogān bhuṅkte śive pure //

yāvat surauṣadhīrajñas(?) tilatulyaphalaṃ smṛtam

itarebhyas tilebhyaś ca kṛṣṇānāṃ dviguṇaṃ phalam //

Note:

yāvat surauṣadhīrajñas(?) tila-tulya-phalaṃ smṛtam

itarebhyas tilebhyaś ca kṛṣṇānāṃ dviguṇaṃ phalam //

lājākṣatāḥ sagodhūmāḥ varṣalakṣaphalapradāḥ

daśasāhasrikā jñeyāḥ śeṣāḥ syur bījajātayaḥ //

Note:

lāja-akṣatāḥ sa-go-dhūmāḥ varṣa-lakṣa-phala-pradāḥ

daśa-sāhasrikā jñeyāḥ śeṣāḥ syur bīja-jātayaḥ //

palāśendhanaje vahnau homasya dviguṇaṃ phalam

kṣīravṛkṣasamṛddhe 'gnau phalaṃ sārdhārdhikaṃ bhavet //

Note:

palāśa-indhana-je vahnau homasya dviguṇaṃ phalam

kṣīra-vṛkṣa-samṛddhe 'gnau phalaṃ sārdha-ardhikaṃ bhavet //

asamiddhe sadhūme ca homakarma nirarthakam

andhaś ca jāyamānaḥ syād dāridryopahatas tathā //

Note:

asamiddhe sadhūme ca homa-karma nirarthakam

andhaś ca jāyamānaḥ syād dāridrya-upahatas tathā //

na ca kaṇṭakibhir vṛkṣair agniṃ prajvālya homayet

śuṣkair navaiḥ praśastaiś ca kāṣṭhair agniṃ samindhayet //

Note:

na ca kaṇṭakibhir vṛkṣair agniṃ prajvālya homayet

śuṣkair navaiḥ praśastaiś ca kāṣṭhair agniṃ samindhayet //

evam ājyāhutiṃ hutvā śivalokam avāpnuyāt

tatra kalpaśataṃ bhogān bhuṅkte divyān yathepsitān //

Note:

evam ājya-āhutiṃ hutvā śiva-lokam avāpnuyāt

tatra kalpa-śataṃ bhogān bhuṅkte divyān yatha-īpsitān //

srucaikāhitamātreṇa vratasyāpūritena ca

yāhutir dīyate vahnau sā pūrṇāhutir ucyate //

Note:

sruca aika-āhita-mātreṇa vratasyā apūritena ca

yā āhutir dīyate vahnau sā pūrṇa-āhutir ucyate //

ekāṃ pūrṇāhutiṃ hutvā śivena śivabhāvitaḥ

sarvakāmam avāpnoti śivaloke vyavasthitaḥ //

Note:

ekāṃ pūrṇa-āhutiṃ hutvā śivena śiva-bhāvitaḥ

sarva-kāmam avāpnoti śiva-loke vyavasthitaḥ //

aśeṣakulajair sārdhaṃ sa bhṛtyaiḥ parivāritaḥ

ābhūtasaṃplavaṃ yāvad bhogān bhuṅkte yathepsitān //

Note:

aśeṣa-kulajair sārdhaṃ sa bhṛtyaiḥ parivāritaḥ

ā-bhūta-saṃplavaṃ yāvad bhogān bhuṅkte yathā-īpsitān //

tataś ca pralaye prāpte saṃprāpya jñānam uttamam

prasādād īśvarasyaiva mucyate bhavasāgarāt //

Note:

tataś ca pralaye prāpte saṃprāpya jñānam uttamam

prasādād īśvarasya eva mucyate bhava-sāgarāt //

śivapūrṇāhutiṃ vahnau patantīṃ yaḥ prapaśyati

so 'pi pāpari naraḥ sarvair muktaḥ śivapuraṃ vrajet //

Note:

śiva-pūrṇa-āhutiṃ vahnau patantīṃ yaḥ prapaśyati

so 'pi pāpari naraḥ sarvair muktaḥ śiva-puraṃ vrajet //

śivāgnidhūmasaṃspṛṣṭā jīvāḥ sarve carācarāḥ

te 'pi pāpavinirmuktāḥ svargaṃ yānti na saṃśayaḥ //

Note:

śiva-agni-dhūma-saṃspṛṣṭā jīvāḥ sarve cara-acarāḥ

te 'pi pāpa-vinirmuktāḥ svargaṃ yānti na saṃśayaḥ //

śivayajñamahāvedyā jāyate ye na santi vā

te 'pi yānti śivasthānaṃ jīvāḥ sthāvarajaṅgamāḥ //

Note:

śiva-yajña-mahā-vedyā jāyate ye na santi vā

te 'pi yānti śiva-sthānaṃ jīvāḥ sthāvara-jaṅgamāḥ //

pūrṇāhutiṃ ghṛtābhāve kṣīratailena kalpayet

homayed atasītailaṃ tilatailaṃ vinā naraḥ //

Note:

pūrṇa-āhutiṃ ghṛta-abhāve kṣīra-tailena kalpayet

homayed atasī-tailaṃ tila-tailaṃ vinā naraḥ //

sarṣapeṅguḍikāśāmrakarañjamadhukākṣajam

priyaṅgubilvapaippalyanālikerasamudbhavam(?) //

Note:

sarṣapa-iṅguḍi-kāśa-āmrakarañja-madhukākṣajam

priyaṅgu-bilva-paippalyanālikera-samudbhavam(?) //

ity evam ādikaṃ tailam ājyābhāve prakalpayet

dūrvayā bilvapattrair vā samidhaḥ saṃprakīrtitāḥ //

Note:

ity evam ādikaṃ tailam ājya-abhāve prakalpayet

dūrvayā bilva-pattrair vā samidhaḥ saṃprakīrtitāḥ //

annārthaṃ homayet kṣīraṃ dadhi mūlaphalāni vā

tilārthaṃ taṇḍulaiḥ kuryād darbhārthaṃ haritais tṛṇaiḥ //

Note:

anna-arthaṃ homayet kṣīraṃ dadhi mūla-phalāni vā

tila-arthaṃ taṇḍulaiḥ kuryād darbha-arthaṃ haritais tṛṇaiḥ //

paridhīnām abhāvena śarair vaṃśaiś ca kalpayet

indhanānām abhāvena dīpayet tṛṇagomayaiḥ //

Note:

paridhīnām abhāvena śarair vaṃśaiś ca kalpayet

indhanānām abhāvena dīpayet tṛṇa-gomayaiḥ //

gomayānām abhāvena mahaty ambhasi homayet

apām asaṃbhave homaṃ bhūmibhāge manohare //

Note:

gomayānām abhāvena mahaty ambhasi homayet

apām asaṃbhave homaṃ bhūmi-bhāge mano-hare //

viprasya dakṣiṇe pāṇāv aśvatthe tadabhāvataḥ

chāgasya dakṣiṇe karṇe kuśamūle ca homayet //

Note:

viprasya dakṣiṇe pāṇāv aśvatthe tad-abhāvataḥ

chāgasya dakṣiṇe karṇe kuśa-mūle ca homayet //

svātmāgnau homayet prājñaḥ sarvāgnīnām asaṃbhave

abhāve na tyajet karma karmayogavidhau sthitaḥ //

Note:

sv-ātma-agnau homayet prājñaḥ sarva-agnīnām asaṃbhave

abhāve na tyajet karma karma-yoga-vidhau sthitaḥ //

āpatkāle 'pi yaḥ kuryāc chivāgner manasārcanam

sa mohakañcukaṃ tyaktvā parāṃ śāntim avāpnuyāt //

Note:

āpat-kāle 'pi yaḥ kuryāc chiva-agner manasa-arcanam

sa moha-kañcukaṃ tyaktvā parāṃ śāntim avāpnuyāt //

prāṇāgnihotraṃ kurvanti paramaṃ śivayoginaḥ

bāhyakarmavinirmuktā jñānadhyānasamākulāḥ //

Note:

prāṇa-agni-hotraṃ kurvanti paramaṃ śiva-yoginaḥ

bāhya-karma-vinirmuktā jñāna-dhyāna-samākulāḥ //

// iti śivopaniṣadi śāntigṛhāgnikāryādhyāyaś caturthaḥ //

athāgneyaṃ mahāsnānam alakṣmīmalanāśanam

sarvapāpaharaṃ divyaṃ tapaḥ śrīkīrtivardhanam //

Note:

athā agneyaṃ mahā-snānam alakṣmī-mala-nāśanam

sarva-pāpa-haraṃ divyaṃ tapaḥ śrī-kīrti-vardhanam //

agnirūpeṇa rudreṇa svatejaḥ paramaṃ balam

bhūtirūpaṃ samudgīrṇaṃ viśuddhaṃ duritāpaham //

Note:

agni-rūpeṇa rudreṇa sva-tejaḥ paramaṃ balam

bhūti-rūpaṃ samudgīrṇaṃ viśuddhaṃ dur-ita-apaham //

yakṣarakṣaḥpiśācānāṃ dhvaṃsanaṃ mantrasatkṛtam

rakṣārthaṃ bālarūpāṇāṃ sūtikānāṃ gṛheṣu ca //

Note:

yakṣa-rakṣaḥ-piśācānāṃ dhvaṃsanaṃ mantra-sat-kṛtam

rakṣā-arthaṃ bāla-rūpāṇāṃ sūtikānāṃ gṛheṣu ca //

yaś ca bhuṅkte dvijaḥ kṛtvā [a]nnasya vā paridhitrayam(?)

api śūdrasya paṅktisthaḥ paṅktidoṣair na lipyate //

Note:

yaś ca bhuṅkte dvijaḥ kṛtvā [a]nnasya vā paridhi-trayam(?)

api śūdrasya paṅkti-sthaḥ paṅkti-doṣair na lipyate //

āhāram ardhabhuktaṃ ca kīṭakeśādidūṣitam

tāvanmātraṃ samuddhṛtya bhūtispṛṣṭaṃ viśuddhyati //

Note:

āhāram ardha-bhuktaṃ ca kīṭa-keśa-ādi-dūṣitam

tāvan-mātraṃ samuddhṛtya bhūti-spṛṣṭaṃ viśuddhyati //

āraṇyaṃ gomayakṛtaṃ karīṣaṃ vā praśasyate

śarkarāpāṃsunirmuktam abhāve kāṣṭhabhasmanā //

Note:

āraṇyaṃ go-maya-kṛtaṃ karīṣaṃ vā praśasyate

śarkarā-pāṃsu-nirmuktam abhāve kāṣṭha-bhasmanā //

svagṛhāśramavallibhyaḥ kulālālayabhasmanā

gomayeṣu ca dagdheṣu hīṣṭakāni ca yeṣu ca //

Note:

sva-gṛha-āśrama-vallibhyaḥ kulāla-ālaya-bhasmanā

go-mayeṣu ca dagdheṣu hi iṣṭakāni ca yeṣu ca //

sarvatra vidyate bhasma duḥkhāpārjanarakṣaṇam (duḥkhopār)

śaṅkhakundenduvarṇābham ādadyāj jantuvarjitam //

Note:

sarvatra vidyate bhasma duḥkhāpārjana-rakṣaṇam (duḥkha-upār-)

śaṅkha-kunda-indu-varṇa-ābham ādadyāj jantu-varjitam //

bhasmānīya prayatnena tad rakṣed yatnavāṃs tathā

mārjāramūṣikādyaiś ca nopahanyeta tad yathā //

Note:

bhasmā anīya prayatnena tad rakṣed yatnavāṃs tathā

mārjāra-mūṣikā-ādyaiś ca na upahanyeta tad yathā //

pañcadoṣavinirmuktaṃ guṇapañcakasaṃyutam

śivaikādaśikājaptaṃ śivabhasma prakīrtitam //

Note:

pañca-doṣa-vinirmuktaṃ guṇa-pañcaka-saṃyutam

śiva-ekādaśikā-japtaṃ śiva-bhasma prakīrtitam //

jātikārukavākkāyasthānaduṣṭaṃ ca pañcamam

pāpaghnaṃ śāṃkaraṃ rakṣāpavitraṃ yogadaṃ guṇāḥ(?) //

Note:

jāti-kāruka-vāk-kāyasthāna-duṣṭaṃ ca pañcamam

pāpa-ghnaṃ śāṃkaraṃ rakṣāpavitraṃ yogadaṃ guṇāḥ(?) //

śivavratasya śāntasya bhāsakatvāc chubhasya ca

bhakṣaṇāt sarvapāpānāṃ bhasmeti parikīrtitam //

Note:

śiva-vratasya śāntasya bhāsakatvāc chubhasya ca

bhakṣaṇāt sarva-pāpānāṃ bhasma iti parikīrtitam //

bhasmasnānaṃ śivasnānaṃ vāruṇād adhikaṃ smṛtam

jantuśaivālanirmuktam āgneyaṃ paṅkavarjitam //

Note:

bhasma-snānaṃ śiva-snānaṃ vāruṇād adhikaṃ smṛtam

jantu-śaivāla-nirmuktam āgneyaṃ paṅka-varjitam //

apavitraṃ bhavet toyaṃ niśi pūrvam anāhṛtam

nadītaḍāgavāpiṣu giriprasravaṇeṣu ca //

Note:

apavitraṃ bhavet toyaṃ niśi pūrvam anāhṛtam

nadī-taḍāga-vāpiṣu giri-prasravaṇeṣu ca //

snānaṃ sādhāraṇaṃ proktaṃ vāruṇaṃ sarvadehinām

asādhāraṇam evoktaṃ bhasmasnānaṃ dvijanmanām //

Note:

snānaṃ sādhāraṇaṃ proktaṃ vāruṇaṃ sarva-dehinām

asādhāraṇam eva uktaṃ bhasma-snānaṃ dvi-janmanām //

trikālaṃ vāruṇasnānād anārogyaṃ prajāyate

āgneyaṃ rogaśamanam etasmād sārvakāmikam //

Note:

tri-kālaṃ vāruṇa-snānād anārogyaṃ prajāyate

āgneyaṃ roga-śamanam etasmād sārva-kāmikam //

saṃdhyātraye 'rdharātre ca bhuktvā cānnavirecane

śivayogy ācaret snānam uccārādikriyāsu ca //

Note:

saṃdhyā-traye 'rdha-rātre ca bhuktvā ca anna-virecane

śiva-yogy ācaret snānam uccāra-ādi-kriyāsu ca //

bhasmāstṛte mahībhāge same jantuvivarjite

dhyāyamānaḥ śivaṃ yogī rajanyantaṃ śayīta ca //

Note:

bhasma-āstṛte mahī-bhāge same jantu-vivarjite

dhyāyamānaḥ śivaṃ yogī rajany-antaṃ śayīta ca //

ekarātroṣitasyāpi yā gatir bhasmaśāyinaḥ

na sā śakyā gṛhasthena prāptuṃ yajñaśatair api //

Note:

eka-rātra-uṣitasya api yā gatir bhasma-śāyinaḥ

na sā śakyā gṛha-sthena prāptuṃ yajña-śatair api //

gṛhasthas tryāyuṣoṃkāraiḥ snānaṃ kuryāt tripuṇḍrakaiḥ

yatiḥ sārvāṅgikaṃ snānam āpādatalamastakāt //

Note:

gṛha-sthas try-āyuṣoṃkāraiḥ snānaṃ kuryāt tri-puṇḍrakaiḥ

yatiḥ sārva-āṅgikaṃ snānam ā-pāda-tala-mastakāt //

śivabhaktas tridhā vedyāṃ bhasmasnānaphalaṃ labhet

hṛdi mūrdhni lalāṭe ca śūdraḥ śivagṛhāśramī //

Note:

śiva-bhaktas tridhā vedyāṃ bhasma-snāna-phalaṃ labhet

hṛdi mūrdhni lalāṭe ca śūdraḥ śiva-gṛha-āśramī //

gaṇāḥ pravrajitāḥ śāntāḥ bhūtim ālabhya pañcadhā

śirolalāṭe hṛdbāhvor bhasmasnānaphalaṃ labhet //

Note:

gaṇāḥ pravrajitāḥ śāntāḥ bhūtim ālabhya pañcadhā

śiro-lalāṭe hṛd-bāhvor bhasma-snāna-phalaṃ labhet //

saṃvatsaraṃ tadardhaṃ vā caturdaśyaṣṭamīṣu ca

yaḥ kuryād bhasmanā snānaṃ tasya puṇyaphalaṃ śṛnu //

Note:

saṃvatsaraṃ tad-ardhaṃ vā caturdaśy-aṣṭamīṣu ca

yaḥ kuryād bhasmanā snānaṃ tasya puṇya-phalaṃ śṛnu //

śivabhasmani yāvantaḥ sametāḥ paramāṇavaḥ

tāvadvarṣasahasrāṇi śivaloke mahīyate //

Note:

śiva-bhasmani yāvantaḥ sametāḥ parama-aṇavaḥ

tāvad-varṣa-sahasrāṇi śiva-loke mahīyate //

ekaviṃśakulopetaḥ patnīputrādisaṃyutaḥ

mitrasvajanabhṛtyaiś ca samastaiḥ parivāritaḥ //

Note:

eka-viṃśa-kula-upetaḥ patnī-putra-adi-saṃyutaḥ

mitra-svajana-bhṛtyaiś ca samastaiḥ parivāritaḥ //

tatra bhuktvā mahābhogān icchayā sārvakāmikān

jñānayogaṃ samāsādya pralaye muktim āpnuyāt //

Note:

tatra bhuktvā mahā-bhogān icchayā sārva-kāmikān

jñāna-yogaṃ samāsādya pralaye muktim āpnuyāt //

bhasma bhasmāntikaṃ yena gṛhītaṃ naiṣṭhikavratam(?)

anena vai sa dehena rudraś caṅkramate kṣitau //

Note:

bhasma bhasma-antikaṃ yena gṛhītaṃ naiṣṭhika-vratam(?)

anena vai sa dehena rudraś caṅkramate kṣitau //

bhasmasnānarataṃ śāntaṃ ye namanti dine dine

te sarvapāpanirmuktā narā yānti śivaṃ puram //

Note:

bhasma-snāna-rataṃ śāntaṃ ye namanti dine dine

te sarva-pāpa-nirmuktā narā yānti śivaṃ puram //

ity etat paramaṃ snānam āgneyaṃ śivanirmitam

trisaṃdhyam ācaren nityaṃ jāpī yogam avāpnuyāt //

Note:

ity etat paramaṃ snānam āgneyaṃ śiva-nirmitam

tri-saṃdhyam ācaren nityaṃ jāpī yogam avāpnuyāt //

bhasmānīya pradadyād yaḥ snānārthaṃ śivayogine

kalpaṃ śivapure bhogān bhuktvānte syād dvijottamaḥ //

Note:

bhasmā anīya pradadyād yaḥ snāna-arthaṃ śiva-yogine

kalpaṃ śiva-pure bhogān bhuktva ānte syād dvijottamaḥ //

āgneyaṃ vāruṇaṃ māntraṃ vāyavyaṃ tv aindrapañcamam

mānasaṃ śāntitoyaṃ ca jñānasnānaṃ tathāṣṭamam //

Note:

āgneyaṃ vāruṇaṃ māntraṃ vāyavyaṃ tv aindra-pañcamam

mānasaṃ śānti-toyaṃ ca jñāna-snānaṃ tatha āṣṭamam //

āgneyaṃ rudramantreṇa bhasmasnānam anuttamam

ambhasā vāruṇaṃ snānam kāryaṃ vāruṇamūrtinā //

Note:

āgneyaṃ rudra-mantreṇa bhasma-snānam anuttamam

ambhasā vāruṇaṃ snānam kāryaṃ vāruṇa-mūrtinā //

mūrdhānaṃ pāṇinālabhya śivaikādaśikāṃ japet

dhyāyamānaḥ śivaṃ śāntam mantrasnānaṃ paraṃ smṛtam //

Note:

mūrdhānaṃ pāṇinā ālabhya śiva-ekādaśikāṃ japet

dhyāyamānaḥ śivaṃ śāntam mantra-snānaṃ paraṃ smṛtam //

gavāṃ khurapuṭotkhātapavanoddhūtareṇunā

kāryaṃ vāyavyakaṃ snānam mantreṇa marudātmanā //

Note:

gavāṃ khura-puṭa-utkhātapavana-uddhūta-reṇunā

kāryaṃ vāyavyakaṃ snānam mantreṇa marud-ātmanā //

vyabhre 'rke varṣati snānaṃ kuryād aindrīṃ diśaṃ sthitaḥ

ākāśamūrtimantreṇa tad aindram iti kīrtitam //

Note:

vyabhre 'rke varṣati snānaṃ kuryād aindrīṃ diśaṃ sthitaḥ

ākāśa-mūrti-mantreṇa tad aindram iti kīrtitam //

udakaṃ pāṇinā gṛhya sarvatīrthāni saṃsmaret

abhyukṣayec chiras tena snānaṃ mānasam ucyate //

Note:

udakaṃ pāṇinā gṛhya sarva-tīrthāni saṃsmaret

abhyukṣayec chiras tena snānaṃ mānasam ucyate //

pṛthivyāṃ yāni tīrthāni sarāṃsy āyatanāni ca

teṣu snātasya yat puṇyaṃ tat puṇyaṃ kṣāntivāriṇā //

Note:

pṛthivyāṃ yāni tīrthāni sarāṃsy āyatanāni ca

teṣu snātasya yat puṇyaṃ tat puṇyaṃ kṣānti-vāriṇā //

na tathā śudhyate tīrthais tapobhir vā mahādhvaraiḥ

puruṣaḥ sarvadānaiś ca yathā kṣāntyā viśuddhyati //

Note:

na tathā śudhyate tīrthais tapobhir vā mahā-adhvaraiḥ

puruṣaḥ sarva-dānaiś ca yathā kṣāntyā viśuddhyati //

ākruṣṭas tāḍitas tasmād adhikṣiptas tiraskṛta

kṣamed akṣamamānānāṃ svargamokṣajigīṣayā //

Note:

ākruṣṭas tāḍitas tasmād adhikṣiptas tiras-kṛta

kṣamed akṣama-mānānāṃ svarga-mokṣa-jigīṣayā //

yaiva brahmavidāṃ prāptir yaiva prāptis tapasvinām

yaiva yogābhiyuktānāṃ gatiḥ saiva kṣamāvatām //

Note:

ya aiva brahma-vidāṃ prāptir ya aiva prāptis tapasvinām

ya aiva yoga-abhiyuktānāṃ gatiḥ sa aiva kṣamāvatām //

jñānāmalāmbhasā snātaḥ sarvadaiva muniḥ śuciḥ

nirmalaḥ suviśuddhaś ca vijñeyaḥ sūryaraśmivat //

Note:

jñāna-amala-ambhasā snātaḥ sarvada aiva muniḥ śuciḥ

nirmalaḥ suviśuddhaś ca vijñeyaḥ sūrya-raśmivat //

medhyāmedhyarasaṃ yadvad api vatsa vinā karaiḥ

naiva lipyati tad doṣais tadvaj jñānī sunirmalaḥ //

Note:

medhya-amedhya-rasaṃ yadvad api vatsa vinā karaiḥ

na eva lipyati tad doṣais tadvaj jñānī sunirmalaḥ //

eṣām ekatame snātaḥ śuddhabhāvaḥ śivaṃ vrajet

aśuddhabhāvaḥ snāto 'pi pūjayann āpnuyāt phalam //

Note:

eṣām ekatame snātaḥ śuddha-bhāvaḥ śivaṃ vrajet

aśuddha-bhāvaḥ snāto 'pi pūjayann āpnuyāt phalam //

jalaṃ mantraṃ dayā dānaṃ satyam indriyasaṃyamaḥ

jñānaṃ bhāvātmaśuddhiś ca śaucam aṣṭavidhaṃ śrutam //

Note:

jalaṃ mantraṃ dayā dānaṃ satyam indriya-saṃyamaḥ

jñānaṃ bhāva-ātma-śuddhiś ca śaucam aṣṭa-vidhaṃ śrutam //

aṅguṣṭhatalamūle ca brāhmaṃ tīrtham avasthitam

tenācamya bhavec chuddhaḥ śivamantreṇa bhāvitaḥ //

Note:

aṅguṣṭha-tala-mūle ca brāhmaṃ tīrtham avasthitam

tenā acamya bhavec chuddhaḥ śiva-mantreṇa bhāvitaḥ //

yad adhaḥ kanyakāyāś ca tat tīrthaṃ daivam ucyate

tīrthaṃ pradeśinīmūle pitryaṃ pitṛvidhodayam(?) //

Note:

yad adhaḥ kanyakāyāś ca tat tīrthaṃ daivam ucyate

tīrthaṃ pradeśinī-mūle pitryaṃ pitṛ-vidhodayam(?) //

madhyamāṅgulimadhyena tīrtham āriṣam ucyate

karapuṣkaramadhye tu śivatīrthaṃ pratiṣṭhitam //

Note:

madhyama-aṅguli-madhyena tīrtham āriṣam ucyate

kara-puṣkara-madhye tu śiva-tīrthaṃ pratiṣṭhitam //

vāmapāṇitale tīrtham aumam nāma prakīrtitam

śivomātīrthasaṃyogāt kuryāt snānābhiṣecanam //

Note:

vāma-pāṇi-tale tīrtham aumam nāma prakīrtitam

śiva-umā-tīrtha-saṃyogāt kuryāt snāna-abhiṣecanam //

devān daivena tīrthena tarpayed akṛtāmbhasā

uddhṛtya dakṣiṇaṃ pāṇim upavītī sadā budhaḥ //

Note:

devān daivena tīrthena tarpayed akṛta-ambhasā

uddhṛtya dakṣiṇaṃ pāṇim upavītī sadā budhaḥ //

prācīnāvītinā kāryaṃ pitṝṇāṃ tilavāriṇā

tarpaṇaṃ sarvabhūtānām āriṣeṇa nivītinā //

Note:

prācīna-āvītinā kāryaṃ pitṝṇāṃ tila-vāriṇā

tarpaṇaṃ sarva-bhūtānām āriṣeṇa nivītinā //

savyaskandhe yadā sūtram upavīty ucyate tadā

prācīnāvīty asavyena nivītī kaṇṭhasaṃsthite //

Note:

savya-skandhe yadā sūtram upavīty ucyate tadā

prācīna-āvīty asavyena nivītī kaṇṭha-saṃsthite //

pitṝṇāṃ tarpaṇaṃ kṛtvā sūryāyārghyaṃ prakalpayet

upasthāya tataḥ sūryaṃ yajec chivam anantaram //

Note:

pitṝṇāṃ tarpaṇaṃ kṛtvā sūryāyā arghyaṃ prakalpayet

upasthāya tataḥ sūryaṃ yajec chivam anantaram //

// iti śivopaniṣadi śiva-bhasma-snānādhyāyaḥ pañcamaḥ //

atha bhaktyā śivaṃ pūjya naivedyam upakalpayet

yad annam ātmanāśnīyāt tasyāgre vinivedayet //

Note:

atha bhaktyā śivaṃ pūjya naivedyam upakalpayet

yad annam ātmana āśnīyāt tasyā agre vinivedayet //

yaḥ kṛtvā bhakṣyabhojyāni yatnena vinivedayet

śivāya sa śive loke kalpakoṭiṃ pramodate //

Note:

yaḥ kṛtvā bhakṣya-bhojyāni yatnena vinivedayet

śivāya sa śive loke kalpa-koṭiṃ pramodate //

yaḥ pakvaṃ śrīphalaṃ dadyāc chivāya vinivedayet

guror vā homayed vāpi tasya puṇyaphalaṃ śṛṇu //

Note:

yaḥ pakvaṃ śrīphalaṃ dadyāc chivāya vinivedayet

guror vā homayed va āpi tasya puṇya-phalaṃ śṛṇu //

śrīmadbhiḥ sa mahāyānair bhogān bhuṅkte śive pure

varṣāṇām ayutaṃ sāgraṃ tadante śrīpatir bhavet //

Note:

śrīmadbhiḥ sa mahā-yānair bhogān bhuṅkte śive pure

varṣāṇām ayutaṃ sa-āgraṃ tad-ante śrī-patir bhavet //

kapittham ekaṃ yaḥ pakvam īśvarāya nivedayet

varṣalakṣaṃ mahābhogaiḥ śivaloke mahīyate //

Note:

kapittham ekaṃ yaḥ pakvam īśvarāya nivedayet

varṣa-lakṣaṃ mahā-bhogaiḥ śiva-loke mahīyate //

ekam āmraphalaṃ pakvaṃ yaḥ śambhor vinivedayet

varṣāṇām yutaṃ bhogaiḥ krīḍate sa śive pure //

Note:

ekam āmra-phalaṃ pakvaṃ yaḥ śambhor vinivedayet

varṣāṇām yutaṃ bhogaiḥ krīḍate sa śive pure //

ekaṃ vaṭaphalaṃ pakvaṃ yaḥ śivāya nivedayet

varṣalakṣaṃ mahābhogaiḥ śivaloke mahīyate //

Note:

ekaṃ vaṭa-phalaṃ pakvaṃ yaḥ śivāya nivedayet

varṣa-lakṣaṃ mahā-bhogaiḥ śiva-loke mahīyate //

yaḥ pakvaṃ dāḍimaṃ caikaṃ dadyād vikasitaṃ navam

śivāya gurave vāpi tasya puṇyaphalaṃ śṛṇu //

Note:

yaḥ pakvaṃ dāḍimaṃ ca ekaṃ dadyād vikasitaṃ navam

śivāya gurave va āpi tasya puṇya-phalaṃ śṛṇu //

yāvat tadbījasaṃkhyānaṃ śobhanaṃ parikīrtitam

tāvadaṣṭāyutāny uccaiḥ śivaloke mahīyate //

Note:

yāvat tad-bīja-saṃkhyānaṃ śobhanaṃ parikīrtitam

tāvad-aṣṭa-ayutāny uccaiḥ śiva-loke mahīyate //

drākṣāphalāni pakvāni yaḥ śivāya nivedayet

bhaktyā vā śivayogibhyas tasya puṇyaphalaṃ śṛṇu //

Note:

drākṣā-phalāni pakvāni yaḥ śivāya nivedayet

bhaktyā vā śiva-yogibhyas tasya puṇya-phalaṃ śṛṇu //

yāvat tatphalasaṃkhyānam ubhayor viniveditam

tāvadyugasahasrāṇi rudraloke mahīyate //

Note:

yāvat tat-phala-saṃkhyānam ubhayor viniveditam

tāvad-yuga-sahasrāṇi rudra-loke mahīyate //

drākṣāphaleṣu yat puṇyaṃ tat kharjūraphaleṣu ca

tad eva rājavṛkṣeṣu pārāvataphaleṣu ca //

Note:

drākṣā-phaleṣu yat puṇyaṃ tat kharjūra-phaleṣu ca

tad eva rāja-vṛkṣeṣu pārāvata-phaleṣu ca //

yo nāraṅgaphalaṃ pakvaṃ vinivedya maheśvare

aṣṭalakṣaṃ mahābhogaiḥ kṛḍate sa śive pure //

Note:

yo nāraṅga-phalaṃ pakvaṃ vinivedya maheśvare

aṣṭa-lakṣaṃ mahā-bhogaiḥ kṛḍate sa śive pure //

bījapūreṣu tasyārdhaṃ tadardhaṃ likuceṣu ca

jambūphaleṣu yat puṇyaṃ tat puṇyaṃ tindukeṣu ca //

Note:

bījapūreṣu tasya ardhaṃ tad-ardhaṃ likuceṣu ca

jambū-phaleṣu yat puṇyaṃ tat puṇyaṃ tindukeṣu ca //

panasaṃ nārikelaṃ vā śivāya vinivedayet

varṣalakṣaṃ mahābhogaiḥ śivaloke mahīyate //

Note:

panasaṃ nārikelaṃ vā śivāya vinivedayet

varṣa-lakṣaṃ mahā-bhogaiḥ śiva-loke mahīyate //

puruṣaṃ ca priyālaṃ ca madhūkakusumāni ca

jambūphalāni pakvāni vaikaṅkataphalāni ca //

Note:

puruṣaṃ ca priyālaṃ ca madhūka-kusumāni ca

jambū-phalāni pakvāni vaikaṅkata-phalāni ca //

nivedya bhaktyā śarvāya pratyekaṃ tu phale phale

daśavarṣasahasrāṇi rudraloke mahīyate //

Note:

nivedya bhaktyā śarvāya pratyekaṃ tu phale phale

daśa-varṣa-sahasrāṇi rudra-loke mahīyate //

kṣīrikāyāḥ phalaṃ pakvaṃ yaḥ śivāya nivedayet

varṣalakṣaṃ mahābhogair modate sa śive pure //

Note:

kṣīrikāyāḥ phalaṃ pakvaṃ yaḥ śivāya nivedayet

varṣa-lakṣaṃ mahā-bhogair modate sa śive pure //

vālukātrapusādīni yaḥ phalāni nivedayet

śivāya gurave vāpi pakvaṃ ca karamardakam //

Note:

vālukā-trapusa-ādīni yaḥ phalāni nivedayet

śivāya gurave vā api pakvaṃ ca karamardakam //

daśavarṣasahasrāṇi rudraloke mahīyate

badarāṇi supakvāni tintiḍīkaphalāni ca //

Note:

daśa-varṣa-sahasrāṇi rudra-loke mahīyate

badarāṇi supakvāni tintiḍīka-phalāni ca //

darśanīyāni pakvāni hy āmalakyāḥ phalāni ca

evam ādīni cānyāni śākamūlaphalāni ca //

Note:

darśanīyāni pakvāni hy āmalakyāḥ phalāni ca

evam ādīni ca anyāni śāka-mūla-phalāni ca //

nivedayati śarvāya śṛṇu yat phalam āpnuyāt

ekaikasmin phale bhogān prāpnuyād anupūrvaśaḥ //

Note:

nivedayati śarvāya śṛṇu yat phalam āpnuyāt

eka ekasmin phale bhogān prāpnuyād anupūrvaśaḥ //

pañcavarṣasahasrāṇi rudraloke mahīyate

godhūmacandakādyāni sukṛtaṃ saktubharjitam //

Note:

pañca-varṣa-sahasrāṇi rudra-loke mahīyate

godhūma-candaka-ādyāni sukṛtaṃ saktu-bharjitam //

nivedayīta śarvāya tasya puṇyaphalaṃ śṛṇu

yāvat tadbījasaṃkhyānaṃ śubhaṃ bhraṣṭaṃ nivedayet //

Note:

nivedayīta śarvāya tasya puṇya-phalaṃ śṛṇu

yāvat tad-bīja-saṃkhyānaṃ śubhaṃ bhraṣṭaṃ nivedayet //

tāvadvarṣasahasrāṇi rudraloke mahīyate

yaḥ pakvānīkṣudaṇḍāni śivāya vinivedayet //

Note:

tāvad-varṣa-sahasrāṇi rudra-loke mahīyate

yaḥ pakvāni ikṣu-daṇḍāni śivāya vinivedayet //

gurave vāpi tad bhaktyā tasya puṇyaphalaṃ śṛṇu

ikṣuparṇāni caikaikaṃ varṣalokaṃ pramodate //

Note:

gurave va āpi tad bhaktyā tasya puṇya-phalaṃ śṛṇu

ikṣu-parṇāni ca eka-ekaṃ varṣa-lokaṃ pramodate //

sākaṃ śivapure bhogaiḥ pauṇḍraṃ pañcaguṇaṃ phalam

nivedya parameśāya śuktimātrarasasya tu //

Note:

sākaṃ śiva-pure bhogaiḥ pauṇḍraṃ pañca-guṇaṃ phalam

nivedya parama-īśāya śukti-mātra-rasasya tu //

varṣakoṭiṃ mahābhogaiḥ śivaloke mahīyate

nivedya phāṇitaṃ śuddhaṃ śivāya gurave 'pi vā //

Note:

varṣa-koṭiṃ mahā-bhogaiḥ śiva-loke mahīyate

nivedya phāṇitaṃ śuddhaṃ śivāya gurave 'pi vā //

rasāt sahasraguṇitaṃ phalaṃ prāpnoti mānavaḥ

guḍasya phalam ekaṃ yaḥ śivāya vinivedayet //

Note:

rasāt sahasra-guṇitaṃ phalaṃ prāpnoti mānavaḥ

guḍasya phalam ekaṃ yaḥ śivāya vinivedayet //

ambakoṭiṃ śive loke mahābhogaiḥ pramodate

khaṇḍasya palanaivedyaṃ guḍāc chataguṇaṃ phalam //

Note:

amba-koṭiṃ śive loke mahā-bhogaiḥ pramodate

khaṇḍasya pala-naivedyaṃ guḍāc chata-guṇaṃ phalam //

khaṇḍāt sahasraguṇitaṃ śarkarāyā nivedane

matsaṇḍikāṃ mahāśuddhāṃ śaṃkarāya nivedayet //

Note:

khaṇḍāt sahasra-guṇitaṃ śarkarāyā nivedane

matsaṇḍikāṃ mahā-śuddhāṃ śaṃkarāya nivedayet //

kalpakoṭiṃ naraḥ sāgraṃ śivaloke mahīyate

pariśuddhaṃ bhṛṣṭam ājyaṃ siddhaṃ caiva susaṃskṛtam //

Note:

kalpa-koṭiṃ naraḥ sāgraṃ śiva-loke mahīyate

pariśuddhaṃ bhṛṣṭam ājyaṃ siddhaṃ ca eva susaṃskṛtam //

māsaṃ nivedya śarvāya śṛṇu yat phalam āpnuyāt

aśeṣaphaladānena yat puṇyaṃ parikīrtitam //

Note:

māsaṃ nivedya śarvāya śṛṇu yat phalam āpnuyāt

aśeṣa-phala-dānena yat puṇyaṃ parikīrtitam //

tat puṇyaṃ prāpnuyāt sarvaṃ mahādānanivedane

panasāni ca divyāni svādūni surabhīṇi ca //

Note:

tat puṇyaṃ prāpnuyāt sarvaṃ mahā-dāna-nivedane

panasāni ca divyāni svādūni surabhīṇi ca //

nivedayet tu śarvāya tasya puṇyaphalaṃ śṛṇu

kalpakoṭiṃ naraḥ sāgraṃ śivaloke vyavasthitaḥ //

Note:

nivedayet tu śarvāya tasya puṇya-phalaṃ śṛṇu

kalpa-koṭiṃ naraḥ sāgraṃ śiva-loke vyavasthitaḥ //

piban śivāmṛtaṃ divyaṃ mahābhogaiḥ pramodate

dine dine ca yas tv āpaṃ vastrapūtaṃ samācaret //

Note:

piban śiva amṛtaṃ divyaṃ mahā-bhogaiḥ pramodate

dine dine ca yas tv āpaṃ vastra-pūtaṃ samācaret //

sukhāya śivabhaktebhyas tasya puṇyaphalaṃ śṛṇu

mahāsarāṃsi yaḥ kuryād bhavet puṇyaṃ śivāgrataḥ //

Note:

sukhāya śiva-bhaktebhyas tasya puṇya-phalaṃ śṛṇu

mahā-sarāṃsi yaḥ kuryād bhavet puṇyaṃ śiva-agrataḥ //

tat puṇyaṃ sakalaṃ prāpya śivaloke mahīyate

yad iṣṭam ātmanaḥ kiṃcid annapānaphalādikam //

Note:

tat puṇyaṃ sakalaṃ prāpya śiva-loke mahīyate

yad iṣṭam ātmanaḥ kiṃcid anna-pāna-phala-ādikam //

tat tac chivāya deyaṃ syād uttamaṃ bhogam icchatā

na śivaḥ paripūrṇatvāt kiṃcid aśnāti kasyacit //

Note:

tat tac chivāya deyaṃ syād uttamaṃ bhogam icchatā

na śivaḥ paripūrṇatvāt kiṃcid aśnāti kasyacit //

kintv īśvaranibhaṃ kṛtvā sarvam ātmani dīyate

na rohati yathā bījaṃ svastham āśrayavarjitam //

Note:

kintv īśvara-nibhaṃ kṛtvā sarvam ātmani dīyate

na rohati yathā bījaṃ svastham āśraya-varjitam //

puṇyabījaṃ tathā sūkṣmaṃ niṣphalaṃ syān nirāśrayam

sukṣetreṣu yathā bījam uptaṃ bhavati satphalam //

Note:

puṇya-bījaṃ tathā sūkṣmaṃ niṣphalaṃ syān nirāśrayam

sukṣetreṣu yathā bījam uptaṃ bhavati sat-phalam //

alpam apy akṣayaṃ tadvat puṇyaṃ śivasamāśrayāt

tasmād īśvaram uddiśya yad yad ātmani rocate //

Note:

alpam apy akṣayaṃ tadvat puṇyaṃ śiva-samāśrayāt

tasmād īśvaram uddiśya yad yad ātmani rocate //

tat tad īśvarabhaktebhyaḥ pradātavyaṃ phalārthinā

yaḥ śivāya guror vāpi racayen maṇibhūmikam //

Note:

tat tad īśvara-bhaktebhyaḥ pradātavyaṃ phala-arthinā

yaḥ śivāya guror vā api racayen maṇi-bhūmikam //

naivedya bhojanārthaṃ yaḥ pattraiḥ puṣpaiś ca śobhanam

yāvat tat pattrapuṣpāṇāṃ parisaṃkhyā vidhīyate //

Note:

naivedya bhojana-arthaṃ yaḥ pattraiḥ puṣpaiś ca śobhanam

yāvat tat pattra-puṣpāṇāṃ parisaṃkhyā vidhīyate //

tāvadvarṣasahasrāṇi suraloke mahīyate

palāśakadalīpadmapattrāṇi ca viśeṣataḥ //

Note:

tāvad-varṣa-sahasrāṇi sura-loke mahīyate

palāśa-kadalī-padmapattrāṇi ca viśeṣataḥ //

dattvā śivāya gurave śṛṇu yat phalam āpnuyāt

yāvat tatpattrasaṃkhyānam īśvarāya niveditam //

Note:

dattvā śivāya gurave śṛṇu yat phalam āpnuyāt

yāvat tat-pattra-saṃkhyānam īśvarāya niveditam //

tāvadabdāyutānāṃ sa loke bhogān avāpnuyāt

yāvat tāmbulapattrāṇi pūgāṃś ca vinivedayet //

Note:

tāvad-abda-ayutānāṃ sa loke bhogān avāpnuyāt

yāvat tāmbula-pattrāṇi pūgāṃś ca vinivedayet //

tāvanti varṣalakṣāṇi śivaloke mahīyate

yac chuddhaṃ śaṅkhacūrṇaṃ vā gurave vinivedayet //

Note:

tāvanti varṣa-lakṣāṇi śiva-loke mahīyate

yac chuddhaṃ śaṅkha-cūrṇaṃ vā gurave vinivedayet //

tāmbūlayogasiddhyarthaṃ tasya puṇyaphalaṃ śṛṇu

yāvat tāmbūlapattrāṇi cūrṇamānena bhakṣayet //

Note:

tāmbūla-yoga-siddhy-arthaṃ tasya puṇya-phalaṃ śṛṇu

yāvat tāmbūla-pattrāṇi cūrṇamānena bhakṣayet //

tāvadvarṣasahasrāṇi rudraloke mahīyate

jātīphalaṃ sakaṅkolaṃ latākastūrikotpalam //

Note:

tāvad-varṣa-sahasrāṇi rudra-loke mahīyate

jātī-phalaṃ sa-kaṅkolaṃ latā-kastūrikā-utpalam //

ity etāni sugandhīni phalāni vinivedayet

phale phale mahābhogair varṣalakṣaṃ tu yatnataḥ //

Note:

ity etāni sugandhīni phalāni vinivedayet

phale phale mahā-bhogair varṣa-lakṣaṃ tu yatnataḥ //

kāmikena vimānena krīḍate sa śive pure

truṭimātrapramāṇena karpūrasya śive gurau //

Note:

kāmikena vimānena krīḍate sa śive pure

truṭi-mātra-pramāṇena karpūrasya śive gurau //

varṣakoṭiṃ mahābhogaiḥ śivaloke mahīyate

pūgatāmbūlapattrāṇām ādhāraṃ yo nivedayet //

Note:

varṣa-koṭiṃ mahā-bhogaiḥ śiva-loke mahīyate

pūga-tāmbūla-pattrāṇām ādhāraṃ yo nivedayet //

varṣakoṭyaṣṭakaṃ bhogaiḥ śivaloke mahīyate

yaś cūeṇādhārasatpātraṃ kasyāpi vinivedayet //

Note:

varṣa-koṭy-aṣṭakaṃ bhogaiḥ śiva-loke mahīyate

yaś cūeṇa-ādhāra-sat-pātraṃ kasya api vinivedayet //

modate sa śive loke varṣakoṭīś caturdaśa

mṛtkāṣṭhavaṃśakhaṇḍāni yaḥ pradadyāc chivāśrame //

Note:

modate sa śive loke varṣa-koṭīś caturdaśa

mṛt-kāṣṭha-vaṃśa-khaṇḍāni yaḥ pradadyāc chiva-āśrame //

prāpnuyād vipulān bhogān divyāñ chivapure naraḥ

māṇikyaṃ kalaśaṃ pātrīṃ sthālyādīn bhāṇḍasaṃpuṭān //

Note:

prāpnuyād vipulān bhogān divyāñ chiva-pure naraḥ

māṇikyaṃ kalaśaṃ pātrīṃ sthālya-ādīn bhāṇḍa-saṃpuṭān //

dattvā śivāgrajas tebhyaḥ śivaloke mahīyate

toyādhārapidhānāni mṛdvastratarujāni vā //

Note:

dattvā śiva-agrajas tebhyaḥ śiva-loke mahīyate

toya-ādhāra-pidhānāni mṛd-vastra-tarujāni vā //

vaṃśālābusamutthāni dattvāpnoti śivaṃ puram

pañcasaṃmārjanītoyaṃ gomayāñjanakarpaṭān //

Note:

vaṃśa-ālābu-samutthāni dattvā āpnoti śivaṃ puram

pañca-saṃmārjanī-toyaṃ gomaya-añjana-karpaṭān //

mṛtkumbhapīṭikāṃ dadyād bhogāñ chivapure labhet

yaḥ puṣpadhūpagandhānāṃ dadhikṣīraghṛtāmbhasām //

Note:

mṛt-kumbha-pīṭikāṃ dadyād bhogāñ chiva-pure labhet

yaḥ puṣpa-dhūpa-gandhānāṃ dadhi-kṣīra-ghṛta-ambhasām //

dadyād ādhārapātrāṇi śivaloke sa gacchati

vaṃśatālādisaṃbhūtaṃ puṣpādhārakaraṇḍakam //

Note:

dadyād ādhāra-pātrāṇi śiva-loke sa gacchati

vaṃśa-tāla-ādi-saṃbhūtaṃ puṣpa-ādhāra-karaṇḍakam //

ity evamādyān yo dadyāc chivalokam avāpnuyāt

yaḥ sruksruvādipātrāṇi homārthaṃ vinivedayet //

Note:

ity evam-ādyān yo dadyāc chiva-lokam avāpnuyāt

yaḥ sruk-sruva-ādi-pātrāṇi homa-arthaṃ vinivedayet //

varṣakoṭiṃ mahābhāgaiḥ śivaloke mahīyate

yaḥ sarvadhātusaṃyuktaṃ dadyāl lavaṇaparvatam //

Note:

varṣa-koṭiṃ mahā-bhāgaiḥ śiva-loke mahīyate

yaḥ sarva-dhātu-saṃyuktaṃ dadyāl lavaṇa-parvatam //

śivāya gurave vāpi tasya puṇyaphalaṃ śṛṇu

kalpakoṭisahasrāṇi kalpakoṭiśatāni ca //

Note:

śivāya gurave va āpi tasya puṇya-phalaṃ śṛṇu

kalpa-koṭi-sahasrāṇi kalpa-koṭi-śatāni ca //

sa gotrabhṛtyasaṃyukto vasec chivapure naraḥ

vimānayānaiḥ śrīmadbhiḥ sarvakāmasamanvitaiḥ //

Note:

sa gotra-bhṛtya-saṃyukto vasec chivapure naraḥ

vimāna-yānaiḥ śrīmadbhiḥ sarva-kāma-samanvitaiḥ //

bhogān bhuktvā tu vipulāṃs tadante sa mahīpatiḥ

manaḥśilāṃ harītālaṃ rājapaṭṭaṃ ca hiṅgulam //

Note:

bhogān bhuktvā tu vipulāṃs tad-ante sa mahī-patiḥ

manaḥ-śilāṃ harītālaṃ rāja-paṭṭaṃ ca hiṅgulam //

gairikaṃ maṇidantaṃ ca hematoyaṃ tathāṣṭamam

yaś ca taṃ parvatavaraṃ śālitaṇḍulakalpitam //

Note:

gairikaṃ maṇi-dantaṃ ca hema-toyaṃ tathā aṣṭamam

yaś ca taṃ parvata-varaṃ śāli-taṇḍula-kalpitam //

śivāyagurave vāpi tasya puṇyaphalaṃ śṛṇu

kalpakoṭiśataṃ sāgraṃ bhogān bhuṅkte śive pure //

Note:

śivāya-gurave vā api tasya puṇya-phalaṃ śṛṇu

kalpa-koṭi-śataṃ sa-agraṃ bhogān bhuṅkte śive pure //

yaḥ sarvadhānyaśikharair upetaṃ yavaparvatam

ghṛtatailanadīyuktaṃ tasya puṇyaphalaṃ śṛṇu //

Note:

yaḥ sarva-dhānya-śikharair upetaṃ yava-parvatam

ghṛta-taila-nadī-yuktaṃ tasya puṇya-phalaṃ śṛṇu //

kalpakoṭiśataṃ sāgraṃ bhogān bhuṅkte śive pure

samastakulajaiḥ sārdhaṃ tasyānte sa mahīpatiḥ //

Note:

kalpa-koṭi-śataṃ sa-agraṃ bhogān bhuṅkte śive pure

samasta-kulajaiḥ sa-ardhaṃ tasya ante sa mahī-patiḥ //

tiladhenuṃ pradadyād yaḥ kṛtvā kṛṣṇājine naraḥ

kapilāyāḥ pradānasya yat phalaṃ tad avāpnuyāt //

Note:

tila-dhenuṃ pradadyād yaḥ kṛtvā kṛṣṇa-ajine naraḥ

kapilāyāḥ pradānasya yat phalaṃ tad avāpnuyāt //

ghṛtadhenuṃ naraḥ kṛtvā kāṃsyapātre sakāñcanān

nivedya gopradānasya samagraṃ phalam āpnuyāt //

Note:

ghṛta-dhenuṃ naraḥ kṛtvā kāṃsya-pātre sa-kāñcanān

nivedya go-pradānasya samagraṃ phalam āpnuyāt //

dvīpicarmaṇi yaḥ sthāpya pradadyāl lavaṇāḍhakam

aśeṣarasadānasya yat puṇyaṃ tad avāpnuyāt //

Note:

dvīpi-carmaṇi yaḥ sthāpya pradadyāl lavaṇa-āḍhakam

aśeṣa-rasa-dānasya yat puṇyaṃ tad avāpnuyāt //

maricāḍhena kurvīta(?) mārīcaṃ nāma parvatam

dadyād yaj jīrakaṃ pūrvam āgneyaṃ hiṅgum uttamam //

Note:

maricāḍhena kurvīta(?) mārīcaṃ nāma parvatam

dadyād yaj jīrakaṃ pūrvam āgneyaṃ hiṅgum uttamam //

dakṣiṇe guḍaśuṇṭhīṃ ca nairṛte nāgakesaram

pippalīṃ paścime dadyād vāyavye kṛṣṇajīrakam //

Note:

dakṣiṇe guḍa-śuṇṭhīṃ ca nairṛte nāga-kesaram

pippalīṃ paścime dadyād vāyavye kṛṣṇa-jīrakam //

kauberyām ajamodaṃ ca tvagelāś ceśadaivate

kustumbaryāḥ pradeyāḥ syur bahiḥ prākārataḥ sthitāḥ //

Note:

kauberyām aja-modaṃ ca tvag-elāś cā iśa-daivate

kustumbaryāḥ pradeyāḥ syur bahiḥ prākārataḥ sthitāḥ //

kakubhām antarāleṣu samantāt saindhavaṃ nyaset

sapuṣpākṣatatoyena śivāya vinivedayet //

Note:

kakubhām antarāleṣu samantāt saindhavaṃ nyaset

sa-puṣpa-akṣata-toyena śivāya vinivedayet //

yāvat taddīpasaṃkhyānaṃ sarvam ekatra parvate

tāvadvarṣaśatād ūrdhvaṃ bhogān bhuṅkte śive pure //

Note:

yāvat tad-dīpa-saṃkhyānaṃ sarvam ekatra parvate

tāvad-varṣa-śatād ūrdhvaṃ bhogān bhuṅkte śive pure //

kūśmāṇḍaṃ madhyataḥ sthāpya kāliṅgaṃ pūrvato nyaset

dakṣiṇe kṣīratumbīṃ tu vṛntākaṃ paścime nyaset //

Note:

kūśmāṇḍaṃ madhyataḥ sthāpya kāliṅgaṃ pūrvato nyaset

dakṣiṇe kṣīra-tumbīṃ tu vṛntākaṃ paścime nyaset //

paṭīsāny uttare sthāpya karkaṭīm īśadaivate

nyased gajapaṭolāṃś ca madhurān vahnidaivate //

Note:

paṭīsāny uttare sthāpya karkaṭīm īśa-daivate

nyased gaja-paṭolāṃś ca madhurān vahni-daivate //

kāravellāṃś ca nairṛtyāṃ vāyavyāṃ nimbakaṃ phalam

uccāvacāni cānyāni phalāni sthāpayed bahiḥ //

Note:

kāravellāṃś ca nairṛtyāṃ vāyavyāṃ nimbakaṃ phalam

ucca-avacāni ca anyāni phalāni sthāpayed bahiḥ //

abhyarcya puṣpadhūpaiś ca samantāt phalaparvatam

śivāya gurave vāpi praṇipatya nivedayet //

Note:

abhyarcya puṣpa-dhūpaiś ca samantāt phala-parvatam

śivāya gurave va āpi praṇipatya nivedayet //

yāvat tatphalasaṃkhyānaṃ taddīpānāṃ ca madhyataḥ

tāvadvarṣasahasrāṇi rudraloke mahīyate //

Note:

yāvat tat-phala-saṃkhyānaṃ tad-dīpānāṃ ca madhyataḥ

tāvad-varṣa-sahasrāṇi rudraloke mahīyate //

mūlakaṃ madhyataḥ sthāpya tatpūrve vālamūlakam

āgneyyāṃ vāstukaṃ sthāpya yāmyāyāṃ kṣāravāstukam //

Note:

mūlakaṃ madhyataḥ sthāpya tat-pūrve vāla-mūlakam

āgneyyāṃ vāstukaṃ sthāpya yāmyāyāṃ kṣāra-vāstukam //

pālakyaṃ nairṛte sthāpya sumukhaṃ paścime nyaset

kuhadrakaṃ ca vāyavyām uttare vāpi tālikīm //

Note:

pālakyaṃ nairṛte sthāpya sumukhaṃ paścime nyaset

kuhadrakaṃ ca vāyavyām uttare va āpi tālikīm //

kusumbhaśākam aiśānyāṃ sarvaśākāni tadbahiḥ

pūrvakrameṇa vinyasya śivāya vinivedayet //

Note:

kusumbha-śākam aiśānyāṃ sarva-śākāni tad-bahiḥ

pūrva-krameṇa vinyasya śivāya vinivedayet //

yāvat tanmūlanālānāṃ pattrasaṃkhyā ca kīrtitā

tāvadvarṣasahasrāṇi rudraloke mahīyate //

Note:

yāvat tan-mūla-nālānāṃ pattra-saṃkhyā ca kīrtitā

tāvad-varṣa-sahasrāṇi rudra-loke mahīyate //

dattvā labhen mahābhogān guggulvadreḥ paladvayam

varṣakoṭidvayaṃ svarge dviguṇaṃ guḍamiśritaiḥ //

Note:

dattvā labhen mahā-bhogān guggulv-adreḥ pala-dvayam

varṣa-koṭi-dvayaṃ svarge dvi-guṇaṃ guḍa-miśritaiḥ //

guḍārdrakaṃ salavaṇam āmramañjarisaṃyutam

nivedya gurave bhaktyā saubhāgyaṃ paramaṃ labhet //

Note:

guḍa-ārdrakaṃ sa-lavaṇam āmra-mañjari-saṃyutam

nivedya gurave bhaktyā saubhāgyaṃ paramaṃ labhet //

hastāropyeṇa vā kṛtvā mahāratnānvitāṃ mahīm

nivedayitvā śarvāya śivatulyaḥ prajāyate //

Note:

hasta-āropyeṇa vā kṛtvā mahā-ratna-anvitāṃ mahīm

nivedayitvā śarvāya śiva-tulyaḥ prajāyate //

vajrendranīlavaiḍūryapadmarāgaṃ samauktikam

kīṭapakṣaṃ suvarṇaṃ ca mahāratnāni sapta vai //

Note:

vajra-indranīla-vaiḍūryapadma-rāgaṃ sa-mauktikam

kīṭa-pakṣaṃ suvarṇaṃ ca mahā-ratnāni sapta vai //

yaś ca siṃhāsanaṃ dadyān mahāratnānvitaṃ nṛpaḥ

kṣudraratnaiś ca vividhais tasya puṇyaphalaṃ śṛṇu //

Note:

yaś ca siṃha-āsanaṃ dadyān mahā-ratna-anvitaṃ nṛpaḥ

kṣudra-ratnaiś ca vividhais tasya puṇya-phalaṃ śṛṇu //

kulatriṃśakasaṃyuktaḥ sāntaḥpuraparicchadaḥ

samastabhṛtyasaṃyuktaḥ śivaloke mahīyate //

Note:

kula-triṃśaka-saṃyuktaḥ sa-antaḥ-pura-paricchadaḥ

samasta-bhṛtya-saṃyuktaḥ śiva-loke mahīyate //

tatra bhuktvā mahābhogān śivatulyaparākramaḥ

āmahāpralayaṃ yāvat tadante muktim āpnuyāt //

Note:

tatra bhuktvā mahā-bhogān śiva-tulya-parākramaḥ

ā-mahā-pralayaṃ yāvat tad-ante muktim āpnuyāt //

yadi ced rājyam ākaṅkṣet tataḥ sarvasamāhitaḥ

saptadvīpasamudrāyāḥ kṣiter adhipatir bhavet //

Note:

yadi ced rājyam ākaṅkṣet tataḥ sarva-samāhitaḥ

sapta-dvīpa-samudrāyāḥ kṣiter adhipatir bhavet //

janmakoṭisahasrāṇi janmakoṭiśatāni ca

rājyaṃ kṛtvā tataś cānte punaḥ śivapuraṃ vrajet //

Note:

janma-koṭi-sahasrāṇi janma-koṭi-śatāni ca

rājyaṃ kṛtvā tataś ca ante punaḥ śiva-puraṃ vrajet //

etad eva phalaṃ jñeyaṃ makuṭābharaṇādiṣu

ratnāsanapradānena pāduke vinivedayet //

Note:

etad eva phalaṃ jñeyaṃ makuṭa-ābharaṇa-ādiṣu

ratna-āsana-pradānena pāduke vinivedayet //

dadyād yaḥ kevalaṃ vajraṃ śuddhaṃ godhūmamātrakam

śivāya sa śive loke tiṣṭhed āpralayaṃ sukhī //

Note:

dadyād yaḥ kevalaṃ vajraṃ śuddhaṃ godhūma-mātrakam

śivāya sa śive loke tiṣṭhed ā-pralayaṃ sukhī //

indranīlapradānena sa vaiḍūryapradānataḥ

modate vividhair bhogaiḥ kalpakoṭiṃ śive pure //

Note:

indranīla-pradānena sa vaiḍūrya-pradānataḥ

modate vividhair bhogaiḥ kalpa-koṭiṃ śive pure //

masūramātram api yaḥ padmarāgaṃ suśobhanam

nivedayitvā śarvāya modate kālam akṣayam //

Note:

masūra-mātram api yaḥ padma-rāgaṃ suśobhanam

nivedayitvā śarvāya modate kālam akṣayam //

nivedya mauktikaṃ svaccham ekabhāgaikamātrakam

bhogaiḥ śivapure divyaiḥ kalpakoṭiṃ pramodate //

Note:

nivedya mauktikaṃ svaccham eka-bhāga-eka-mātrakam

bhogaiḥ śiva-pure divyaiḥ kalpa-koṭiṃ pramodate //

kīṭapakṣaṃ mahāśuddhaṃ nivedya yavamātrakam

śivāyādyaḥ śive loke modate kālam akṣayam //

Note:

kīṭa-pakṣaṃ mahā-śuddhaṃ nivedya yava-mātrakam

śivāyā adyaḥ śive loke modate kālam akṣayam //

hemnā kṛtvā ca yaḥ puṣpam api māṣakamātrakam

nivedayitvā śarvāya varṣakoṭiṃ vased divi //

Note:

hemnā kṛtvā ca yaḥ puṣpam api māṣaka-mātrakam

nivedayitvā śarvāya varṣa-koṭiṃ vased divi //

kṣudraratnāni yo dadyād dhemni baddhāni śambhave

modate sa śive loke kalpakoṭyayutaṃ naraḥ //

Note:

kṣudra-ratnāni yo dadyād dhemni baddhāni śambhave

modate sa śive loke kalpa-koṭy-ayutaṃ naraḥ //

yathā yathā mahāratnaṃ śobhanaṃ ca yathā yathā

tathā tathā mahat puṇyaṃ jñeyaṃ tac chivadānataḥ //

Note:

yathā yathā mahā-ratnaṃ śobhanaṃ ca yathā yathā

tathā tathā mahat puṇyaṃ jñeyaṃ tac chiva-dānataḥ //

bhūmibhāge sa()vistīṛṇe jambūdvīpaṃ prakalpayet

aṣṭāvaraṇasaṃyuktaṃ nagendrāṣṭakabhūṣitam //

Note:

bhūmi-bhāge sa(-)vistīṛṇe jambū-dvīpaṃ prakalpayet

aṣṭa-āvaraṇa-saṃyuktaṃ naga-indra-aṣṭaka-bhūṣitam //

tanmadhye kārayed divyaṃ meruprāsādam uttamam

anekaśikharākīrṇam aśeṣāmarasaṃyutam //

Note:

tan-madhye kārayed divyaṃ meru-prāsādam uttamam

aneka-śikhara-ākīrṇam aśeṣa-amara-saṃyutam //

bahiḥ suvarṇanicitaṃ sarvaratnopaśobhitam

catuḥpragrīvakopetaṃ cakṣurliṅgasamāyutam //

Note:

bahiḥ suvarṇa-nicitaṃ sarva-ratna-upaśobhitam

catuḥ-pragrīvaka-upetaṃ cakṣur-liṅga-samāyutam //

caturdikṣu vanopetaṃ caturbhiḥ saṃyutaiḥ śaraiḥ

caturṇāṃ purayuktena prākāreṇa ca saṃyutam //

Note:

catur-dikṣu vana-upetaṃ caturbhiḥ saṃyutaiḥ śaraiḥ

caturṇāṃ pura-yuktena prākāreṇa ca saṃyutam //

meruprāsādam ity evaṃ hemaratnavibhūṣitam

yaḥ kārayed vanopetaṃ so 'nantaphalam āpnuyāt //

Note:

meru-prāsādam ity evaṃ hema-ratna-vibhūṣitam

yaḥ kārayed vana-upetaṃ so 'nanta-phalam āpnuyāt //

bhūmyambhaḥparamāṇūnāṃ yathā saṃkhyā na vidyate

śivāyatanapuṇyasya tathā saṃkhyā na vidyate //

Note:

bhūmy-ambhaḥ-parama-aṇūnāṃ yathā saṃkhyā na vidyate

śiva-āyatana-puṇyasya tathā saṃkhyā na vidyate //

kulatriṃśakasaṃyuktaḥ sarvabhṛtyasamanvitaḥ

kalatraputramitraiś ca sarvasvajanasaṃyutaḥ //

Note:

kula-triṃśaka-saṃyuktaḥ sarva-bhṛtya-samanvitaḥ

kalatra-putra-mitraiś ca sarva-sva-jana-saṃyutaḥ //

āśrtitopāśritaiḥ sarvair aśeṣagaṇasaṃyutaḥ

yathā śivas tathaivāyaṃ śarvaloke sa pūjyate //

Note:

āśrtita upāśritaiḥ sarvair aśeṣa-gaṇa-saṃyutaḥ

yathā śivas tatha eva ayaṃ śarva-loke sa pūjyate //

na ca mānuṣyakaṃ lokam āgacchet kṛpaṇaṃ punaḥ

sarvajñaḥ paripūrṇaś ca muktaḥ svātmani tiṣṭhati //

Note:

na ca mānuṣyakaṃ lokam āgacchet kṛpaṇaṃ punaḥ

sarva-jñaḥ paripūrṇaś ca muktaḥ svātmani tiṣṭhati //

yaḥ śivāya vanaṃ kṛtvā mudābdasalilotthitam(?)

tad daṇḍakopaśobhaṃ ca haste kurvīta sarvadā //

Note:

yaḥ śivāya vanaṃ kṛtvā mudābda-salila-utthitam(?)

tad daṇḍaka-upaśobhaṃ ca haste kurvīta sarvadā //

śobhayed bhūtanāthaṃ vā candraśālāṃ kvacit kvacit

vedīṃ vāthābhyapadyanta pronnatāḥ stambhapaṅktayaḥ //

Note:

śobhayed bhūta-nāthaṃ vā candra-śālāṃ kvacit kvacit

vedīṃ va ātha abhyapadyanta pronnatāḥ stambha-paṅktayaḥ //

śātakumbhamayīṃ vāpi sarvalakṣaṇasaṃyutām

īśvarapratimāṃ saumyāṃ kārayet puruṣocchritām //

Note:

śāta-kumbha-mayīṃ va āpi sarva-lakṣaṇa-saṃyutām

īśvara-pratimāṃ saumyāṃ kārayet puruṣa-ucchritām //

triśūlasavyahastāṃ ca varadābhayadāyikāṃ

savyahastākṣamālāṃ ca jaṭākusumabhūṣitām //

Note:

triśūla-savya-hastāṃ ca varada-abhaya-dāyikāṃ

savya-hasta-akṣa-mālāṃ ca jaṭā-kusuma-bhūṣitām //

padmasiṃhāsanāsīnāṃ vṛṣasthāṃ vā samucchritām

vimānasthāṃ rathasthāṃ vā vedisthāṃ vā prabhānvitām //

Note:

padma-siṃha-āsana-āsīnāṃ vṛṣasthāṃ vā samucchritām

vimānasthāṃ rathasthāṃ vā vedisthāṃ vā prabhā-anvitām //

saumyavaktrāṃ karālāṃ vā mahābhairavarūpiṇīm

atyucchritāṃ suvistīrṇāṃ nṛtyasthāṃ yogasaṃsthitām //

Note:

saumya-vaktrāṃ karālāṃ vā mahā-bhairava-rūpiṇīm

atyucchritāṃ suvistīrṇāṃ nṛtyasthāṃ yoga-saṃsthitām //

kuryād asaṃbhave hemnas tāreṇa vimalena ca

ārakūṭamayīṃ vāpi tāmramṛcchailadārujām //

Note:

kuryād asaṃbhave hemnas tāreṇa vimalena ca

ārakūṭa-mayīṃ va āpi tāmra-mṛc-chaila-dārujām //

aśeṣakaiḥ sarūpaiś ca varṇakair vā paṭe likhet

kuḍye vā phalake vāpi bhaktyā vittānusārataḥ //

Note:

aśeṣakaiḥ sarūpaiś ca varṇakair vā paṭe likhet

kuḍye vā phalake va āpi bhaktyā vitta-anusārataḥ //

ekāṃ saparivārāṃ vā pārvatīṃ gaṇasaṃyutām

pratīhārasamopetāṃ(?) kuryād evāvikalpataḥ //

Note:

ekāṃ sa-parivārāṃ vā pārvatīṃ gaṇa-saṃyutām

pratīhāra-sama-upetāṃ(?) kuryād eva avikalpataḥ //

pīṭhaṃ vā kārayed raupyaṃ tāmraṃ pittalasaṃbhavam

caturmukhaikavaktraṃ vā bahiḥ kāñcanasaṃskṛtam //

Note:

pīṭhaṃ vā kārayed raupyaṃ tāmraṃ pittala-saṃbhavam

catur-mukha-eka-vaktraṃ vā bahiḥ kāñcana-saṃskṛtam //

pṛthakpṛthaganekāni kārayitvā mukhāni tu

saumyabhairavarūpāṇi śivasya bahurūpiṇaḥ //

Note:

pṛthak-pṛthag-anekāni kārayitvā mukhāni tu

saumya-bhairava-rūpāṇi śivasya bahu-rūpiṇaḥ //

nānābharaṇayuktāni hemaraupyakṛtāni ca

śivasya rathayātrāyāṃ tāni lokasya darśayet //

Note:

nānā-ābharaṇa-yuktāni hema-raupya-kṛtāni ca

śivasya ratha-yātrāyāṃ tāni lokasya darśayet //

uktāni yāni puṇyāni saṃkṣepeṇa pṛthak pṛthak

kṛtvaikena mamaiteṣām akṣayaṃ phalam āpnuyāt //

Note:

uktāni yāni puṇyāni saṃkṣepeṇa pṛthak pṛthak

kṛtva aikena mama eteṣām akṣayaṃ phalam āpnuyāt //

mātuḥ pituḥ sahopāyair(?) daśabhir daśabhiḥ kulaiḥ

kalatraputramitrādyair bhṛtyair yuktaḥ sa bāndhavaiḥ //

Note:

mātuḥ pituḥ saha upāyair(?) daśabhir daśabhiḥ kulaiḥ

kalatra-putra-mitra-ādyair bhṛtyair yuktaḥ sa bāndhavaiḥ //

ayutena vimānānāṃ sarvakāmayutena ca

bhuṅkte svayaṃ mahābhogān ante muktim avāpnuyāt //

Note:

ayutena vimānānāṃ sarva-kāma-yutena ca

bhuṅkte svayaṃ mahā-bhogān ante muktim avāpnuyāt //

maṇḍapastambhaparyante kīlayed darpaṇānvitam

abhiṣicya janā yasmin pujāṃ kuvanti bilvakaiḥ //

Note:

maṇḍapa-stambha-paryante kīlayed darpaṇa-anvitam

abhiṣicya janā yasmin pujāṃ kuvanti bilvakaiḥ //

kālakālakṛtiṃ kṛtvā kīlayed yaḥ śivāśrame

sarvalokopakārāya pūjayec ca dine dine //

Note:

kāla-kāla-kṛtiṃ kṛtvā kīlayed yaḥ śiva-āśrame

sarva-loka-upakārāya pūjayec ca dine dine //

dhūpavelāpramāṇārthaṃ kalpayed yaḥ śivāśrame

kṣarantīṃ pūryamāṇāṃ vā sadāyāme ghaṭīṃ nṛpaḥ //

Note:

dhūpa-velā-pramāṇa-arthaṃ kalpayed yaḥ śiva-āśrame

kṣarantīṃ pūryamāṇāṃ vā sadā āyāme ghaṭīṃ nṛpaḥ //

eṣām ekatamaṃ puṇyaṃ kṛtvā pāpavivarjitaḥ

śivaloke naraḥ prāpya sarvajñaḥ sa sukhī bhavet //

Note:

eṣām ekatamaṃ puṇyaṃ kṛtvā pāpa-vivarjitaḥ

śiva-loke naraḥ prāpya sarvajñaḥ sa sukhī bhavet //

rathayātrāṃ pravakṣyāmi śivasya paramātmanaḥ

sarvalokahitārthāya mahāśilpivinirmitām //

Note:

ratha-yātrāṃ pravakṣyāmi śivasya parama-ātmanaḥ

sarva-loka-hita-arthāya mahā-śilpi-vinirmitām //

rathamadhye samāveśya yathā yaṣṭiṃ tu kīlayet

yaṣṭer madhye sthitaṃ kāryaṃ vimānam atiśobhitam //

Note:

ratha-madhye samāveśya yathā yaṣṭiṃ tu kīlayet

yaṣṭer madhye sthitaṃ kāryaṃ vimānam atiśobhitam //

pañcabhaumaṃ tribhaumaṃ vā dṛḍhavaṃśaprakalpitam

karmaṇā sunibaddhaṃ ca rajjubhiś ca susaṃyutam //

Note:

pañca-bhaumaṃ tri-bhaumaṃ vā dṛḍha-vaṃśa-prakalpitam

karmaṇā sunibaddhaṃ ca rajjubhiś ca susaṃyutam //

pañcaśālāṇḍikair yuktaṃ nānābhaktisamanvitam

citravarṇaparicchannaṃ paṭair vā varṇakānvitaiḥ //

Note:

pañca-śālā-aṇḍikair yuktaṃ nānā-bhakti-samanvitam

citra-varṇa-paricchannaṃ paṭair vā varṇaka-anvitaiḥ //

lambakaiḥ sūtradāmnā ca ghaṇṭācāmarabhūṣitam

budbudair ardhacandraiś ca darpaṇaiś ca samujjvalam //

Note:

lambakaiḥ sūtra-dāmnā ca ghaṇṭā-cāmara-bhūṣitam

budbudair ardha-candraiś ca darpaṇaiś ca samujjvalam //

kadalyardhadhvajair yuktaṃ mahācchattraṃ mahādhvajam

puṣpamālāparikṣiptaṃ sarvaśobhāsamanvitam //

Note:

kadaly-ardha-dhvajair yuktaṃ mahā-cchattraṃ mahā-dhvajam

puṣpa-mālā-parikṣiptaṃ sarva-śobhā-samanvitam //

mahārathavimāne 'smin sthāpayed gaṇasaṃyutam

īśvarapratimāṃ hemni prathame puramaṇḍape //

Note:

mahā-ratha-vimāne 'smin sthāpayed gaṇa-saṃyutam

īśvara-pratimāṃ hemni prathame pura-maṇḍape //

mukhatrayaṃ ca badhnīyād bahiḥ kuryāt tathāśritam

pure pure bahir dikṣu gṛhakeṣu samāśritam //

Note:

mukha-trayaṃ ca badhnīyād bahiḥ kuryāt tathā āśritam

pure pure bahir dikṣu gṛhakeṣu samāśritam //

catuṣkaṃ śivavaktrāṇāṃ saṃsthāpya pratipūjayet

dinatrayaṃ prakurvīta snānam arcanabhojanam //

Note:

catuṣkaṃ śiva-vaktrāṇāṃ saṃsthāpya pratipūjayet

dina-trayaṃ prakurvīta snānam arcana-bhojanam //

nṛtyakrīḍāprayogeṇa geyamaṅgalapāṭhakaiḥ

mahāvāditranirghoṣaiḥ pauṣapūrṇimaparvaṇi //

Note:

nṛtya-krīḍā-prayogeṇa geya-maṅgala-pāṭhakaiḥ

mahā-vāditra-nirghoṣaiḥ pauṣa-pūrṇima-parvaṇi //

bhrāmayed rājamārgeṇa caturthe 'hani tadratham

tataḥ svasthānam ānīya taccheṣam api vardhayet //

Note:

bhrāmayed rāja-mārgeṇa caturthe 'hani tad-ratham

tataḥ sva-sthānam ānīya tac-cheṣam api vardhayet //

avadhārya jagaddhātrī pratimām avatārayet

mahāvimānayātraiṣā kartavyā paṭṭake 'pi vā //

Note:

avadhārya jagad-dhātrī pratimām avatārayet

mahā-vimāna-yātra eṣā kartavyā paṭṭake 'pi vā //

vaṃśair navaiḥ supakvaiś ca kaṭaṃ kuryād bharakṣamam(?)

vṛttaṃ dviguṇadīrghaṃ ca caturaśram adhaḥ samam //

Note:

vaṃśair navaiḥ supakvaiś ca kaṭaṃ kuryād bhara-kṣamam(?)

vṛttaṃ dvi-guṇa-dīrghaṃ ca catur-aśram adhaḥ samam //

sarvatra carmaṇā baddhaṃ mahāyaṣṭisamāśritam

mukhaṃ baddhaṃ ca kurvīta vaṃśamaṇḍalinā dṛḍham //

Note:

sarvatra carmaṇā baddhaṃ mahā-yaṣṭi-samāśritam

mukhaṃ baddhaṃ ca kurvīta vaṃśa-maṇḍalinā dṛḍham //

kaṭe 'smiṃs tāni vastrāṇi sthāpya badhnīta yatnataḥ

upary upari sarvāṇi tanmadhye pratimāṃ nyaset //

Note:

kaṭe 'smiṃs tāni vastrāṇi sthāpya badhnīta yatnataḥ

upary upari sarvāṇi tan-madhye pratimāṃ nyaset //

varṇakaiḥ kuṅkumādyaiś ca citrapuṣpaiś ca pūjayet

nānābharaṇapūjābhir muktāhārapralambibhiḥ //

Note:

varṇakaiḥ kuṅkuma-ādyaiś ca citra-puṣpaiś ca pūjayet

nānā-ābharaṇa-pūjābhir muktā-āhāra-pralambibhiḥ //

rathasya mahato madhye sthāpya paṭṭadvayaṃ dṛḍham

adharottarabhāgena madhye chidrasamanvitam //

Note:

rathasya mahato madhye sthāpya paṭṭa-dvayaṃ dṛḍham

adhara-uttara-bhāgena madhye chidra-samanvitam //

kaṭiyaṣṭer adhobhāgaṃ sthāpya chidramayaṃ śubhaiḥ

ābaddhya kīlayed yatnād yaṣṭyardhaṃ ca dhvajāṣṭakam //

Note:

kaṭi-yaṣṭer adho-bhāgaṃ sthāpya chidra-mayaṃ śubhaiḥ

ābaddhya kīlayed yatnād yaṣṭy-ardhaṃ ca dhvaja-aṣṭakam //

kaṭasya pṛṣṭaṃ sarvatra kārayet paṭasaṃvṛtam

tatpaṭe ca likhet somaṃ sagaṇaṃ savṛṣaṃ śivam //

Note:

kaṭasya pṛṣṭaṃ sarvatra kārayet paṭa-saṃvṛtam

tat-paṭe ca likhet somaṃ sa-gaṇaṃ sa-vṛṣaṃ śivam //

vicitrapuṣpasragdāmnā samantād bhūṣayet kaṭam

ravakaiḥ kiṅkiṇījālair ghaṇṭācāmarabhūṣitaiḥ //

Note:

vicitra-puṣpa-srag-dāmnā samantād bhūṣayet kaṭam

ravakaiḥ kiṅkiṇī-jālair ghaṇṭā-cāmara-bhūṣitaiḥ //

mahāpūjāviśeṣaiś ca kautūhalasamanvitam

vādyārambhopacāreṇa mārgaśobhāṃ prakalpayet //

Note:

mahā-pūjā-viśeṣaiś ca kautūhala-samanvitam

vādya-ārambha-upacāreṇa mārga-śobhāṃ prakalpayet //

tad rathaṃ bhrāmayed yatnād rājamārgeṇa sarvataḥ

tataḥ svāśramam ānīya sthāpayet tatsamīpataḥ //

Note:

tad rathaṃ bhrāmayed yatnād rāja-mārgeṇa sarvataḥ

tataḥ sva-āśramam ānīya sthāpayet tat-samīpataḥ //

mahāśabdaṃ tataḥ kuryāt tālatrayasamanvitam

tatas tuṣṇīṃ sthite loke tacchāntim iha dhārayet //

Note:

mahā-śabdaṃ tataḥ kuryāt tāla-traya-samanvitam

tatas tuṣṇīṃ sthite loke tac-chāntim iha dhārayet //

śivaṃ tu sarvajagataḥ śivaṃ gobrāhmaṇasya ca

śivam astu nṛpāṇāṃ ca tadbhaktānāṃ janasya ca //

Note:

śivaṃ tu sarva-jagataḥ śivaṃ go-brāhmaṇasya ca

śivam astu nṛpāṇāṃ ca tad-bhaktānāṃ janasya ca //

rājā vijayam āpnoti putrapautraiś ca vardhatām

dharmaniṣṭhaś ca bhavatu prajānāṃ ca hite rataḥ //

Note:

rājā vijayam āpnoti putra-pautraiś ca vardhatām

dharma-niṣṭhaś ca bhavatu prajānāṃ ca hite rataḥ //

kālavarṣī tu parjanyaḥ sasyasaṃpattir uttamā

subhikṣāt kṣemam āpnoti kāryasiddhiś ca jāyatām //

Note:

kāla-varṣī tu parjanyaḥ sasya-saṃpattir uttamā

subhikṣāt kṣemam āpnoti kārya-siddhiś ca jāyatām //

doṣāḥ prayāntu nāśaṃ ca guṇāḥ sthairyaṃ bhajantu vaḥ

bahukṣīrayutā gāvo hṛṣṭapuṣṭā bhavantu vaḥ //

Note:

doṣāḥ prayāntu nāśaṃ ca guṇāḥ sthairyaṃ bhajantu vaḥ

bahu-kṣīra-yutā gāvo hṛṣṭa-puṣṭā bhavantu vaḥ //

evaṃ śivamahāśāntim uccārya jagataḥ kramāt

abhivardhya tataḥ śeṣam aiśvarīṃ sārvakāmikīm //

Note:

evaṃ śiva-mahā-śāntim uccārya jagataḥ kramāt

abhivardhya tataḥ śeṣam aiśvarīṃ sārva-kāmikīm //

śivamālāṃ samādāya sadāsīparicārikaḥ

phalair bhakṣaiś ca saṃyuktāṃ gṛhya pātrīṃ niveśayet //

Note:

śiva-mālāṃ samādāya sa-dāsī-paricārikaḥ

phalair bhakṣaiś ca saṃyuktāṃ gṛhya pātrīṃ niveśayet //

pātrīṃ ca dhārayen mūrdhnā soṣṇīṣāṃ devaputrakaḥ

alaṃkṛtaḥ śuklavāsā dhārmikaḥ satataṃ śuciḥ //

Note:

pātrīṃ ca dhārayen mūrdhnā sa-uṣṇīṣāṃ deva-putrakaḥ

alaṃ-kṛtaḥ śukla-vāsā dhārmikaḥ satataṃ śuciḥ //

tataś ca tāṃ samutkṣipya pāṇinā dhārayed budhaḥ

prabrūyād aparaś cātra śivadharmasya bhājakaḥ //

Note:

tataś ca tāṃ samutkṣipya pāṇinā dhārayed budhaḥ

prabrūyād aparaś ca atra śiva-dharmasya bhājakaḥ //

toyaṃ yathā ghaṭīsaṃstham ajasraṃ kṣarate tathā

kṣarate sarvalokānāṃ tadvad āyur aharniśam //

Note:

toyaṃ yathā ghaṭī-saṃstham ajasraṃ kṣarate tathā

kṣarate sarva-lokānāṃ tadvad āyur ahar-niśam //

yadā sarvaṃ parityajya gantavyam avaśair dhruvam

tadā na dīyate kasmāt pātheyārtham idaṃ dhanam //

Note:

yadā sarvaṃ parityajya gantavyam avaśair dhruvam

tadā na dīyate kasmāt pātheya-artham idaṃ dhanam //

kalatraputramitrāṇi pitā mātā ca bāndhavāḥ

tiṣṭhanti na mṛtasyārthe paraloke dhanāni ca //

Note:

kalatra-putra-mitrāṇi pitā mātā ca bāndhavāḥ

tiṣṭhanti na mṛtasya arthe para-loke dhanāni ca //

nāsti dharmasamaṃ mitraṃ nāsti dharmasamaḥ sakhā

yataḥ sarvaiḥ parityaktaṃ naraṃ dharmo 'nugacchati //

Note:

na asti dharma-samaṃ mitraṃ na asti dharma-samaḥ sakhā

yataḥ sarvaiḥ parityaktaṃ naraṃ dharmo 'nugacchati //

tasmād dharmaṃ samuddiśya yaḥ śeṣām abhivardhayet

samastapāpanirmuktaḥ śivalokaṃ sa gacchati //

Note:

tasmād dharmaṃ samuddiśya yaḥ śeṣām abhivardhayet

samasta-pāpa-nirmuktaḥ śiva-lokaṃ sa gacchati //

upary upari vittena yaḥ śeṣām abhivardhayet

tasyeyam uttamā deyā yataś cānyā na vardhate //

Note:

upary upari vittena yaḥ śeṣām abhivardhayet

tasya iyam uttamā deyā yataś ca anyā na vardhate //

ity evaṃ madhyamāṃ śeṣāṃ vardhayed vā kanīyasīm

tatas teṣāṃ pradātavyā sarvaśokasya śāntaye //

Note:

ity evaṃ madhyamāṃ śeṣāṃ vardhayed vā kanīyasīm

tatas teṣāṃ pradātavyā sarva-śokasya śāntaye //

yenottamā gṛhītā syāc śivaśeṣā mahīyasī

prāpaṇīyā gṛhaṃ tasya tathaiva śirasā vṛtā //

Note:

yena uttamā gṛhītā syāc śiva-śeṣā mahīyasī

prāpaṇīyā gṛhaṃ tasya tatha aiva śirasā vṛtā //

dhvajacchattravimānādyair mahāvāditraniḥsvanaiḥ

gṛhadvāraṃ tataḥ prāptam arcayitvā niveśayet //

Note:

dhvaja-cchattra-vimāna-ādyair mahā-vāditra-niḥsvanaiḥ

gṛha-dvāraṃ tataḥ prāptam arcayitvā niveśayet //

dadyād gotrakalatrāṇāṃ bhṛtyānāṃ svajanasya ca

tarpayec cānatān(?) bhaktyā vāditradhvajavāhakān //

Note:

dadyād gotra-kalatrāṇāṃ bhṛtyānāṃ sva-janasya ca

tarpayec cā anatān(?) bhaktyā vāditra-dhvaja-vāhakān //

evam ādīyate bhaktyā yaḥ śivasyottamā gṛhe

śobhayā rājamārgeṇa tasya dharmaphalaṃ śṛṇu //

Note:

evam ādīyate bhaktyā yaḥ śivasya uttamā gṛhe

śobhayā rāja-mārgeṇa tasya dharma-phalaṃ śṛṇu //

samastapāpanirmuktaḥ samastakulasaṃyutaḥ

śivalokam avāpnoti sabhṛtyaparicārakaḥ //

Note:

samasta-pāpa-nirmuktaḥ samasta-kula-saṃyutaḥ

śiva-lokam avāpnoti sa-bhṛtya-paricārakaḥ //

tatra divyair mahābhogair vimānaiḥ sārvakāmikaiḥ

kalpānāṃ krīḍate koṭim ante nirvāṇam āpnuyāt //

Note:

tatra divyair mahā-bhogair vimānaiḥ sārva-kāmikaiḥ

kalpānāṃ krīḍate koṭim ante nirvāṇam āpnuyāt //

rathasya yātrāṃ yaḥ kuryād ity evam upaśobhayā

bhakṣabhojyapradānaiś ca tatphalaṃ śṛnu yatnataḥ //

Note:

rathasya yātrāṃ yaḥ kuryād ity evam upaśobhayā

bhakṣa-bhojya-pradānaiś ca tat-phalaṃ śṛnu yatnataḥ //

aśeṣapāpanirmuktaḥ sarvabhṛtyasamanvitaḥ

kulatriṃśakam uddhṛtya suhṛdbhiḥ svajanaiḥ saha //

Note:

aśeṣa-pāpa-nirmuktaḥ sarva-bhṛtya-samanvitaḥ

kula-triṃśakam uddhṛtya suhṛdbhiḥ svajanaiḥ saha //

sarvakāmayutair divyaiḥ svacchandagamanālayaiḥ

mahāvimānaiḥ śrīmadbhir divyastrīparivāritaḥ //

Note:

sarva-kāma-yutair divyaiḥ sva-cchanda-gamana-ālayaiḥ

mahā-vimānaiḥ śrīmadbhir divya-strī-parivāritaḥ //

icchayā krīḍate bhogaiḥ kalpakoṭiṃ śive pure

jñānayogaṃ tataḥ prāpya saṃsārād avamucyate //

Note:

icchayā krīḍate bhogaiḥ kalpa-koṭiṃ śive pure

jñāna-yogaṃ tataḥ prāpya saṃsārād avamucyate //

śivasya rathayātrāyām upavāsaparaḥ kṣamī

purataḥ pṛṣṭhato vāpi gacchaṃs tasya phalaṃ śṛṇu //

Note:

śivasya rathayātrāyām upavāsa-paraḥ kṣamī

purataḥ pṛṣṭhato va āpi gacchaṃs tasya phalaṃ śṛṇu //

aśeṣapāpanirmuktaḥ śuddhaḥ śivapuraṃ gataḥ

mahārathopamair yānaiḥ kalpāśītiṃ pramodateä //

Note:

aśeṣa-pāpa-nirmuktaḥ śuddhaḥ śiva-puraṃ gataḥ

mahā-ratha-upamair yānaiḥ kalpa-aśītiṃ pramodateä //

dhvajacchattrapatākābhir dīpadarpaṇacāmaraiḥ

dhūpair vitānakalaśair upaśobhā sahasraśaḥ //

Note:

dhvaja-cchattra-patākābhir dīpa-darpaṇa-cāmaraiḥ

dhūpair vitāna-kalaśair upaśobhā sahasraśaḥ //

gṛhītvā yāti purataḥ svecchayā vā parecchayā

saṃparkāt kautukāl lābhāc chivaloke vrajante te //

Note:

gṛhītvā yāti purataḥ sva-icchayā vā para-icchayā

saṃparkāt kautukāl lābhāc chiva-loke vrajante te //

śivasya rathayātrāṃ tu yaḥ prapaśyati bhaktitaḥ

prasaṅgāt kautukād vāpi te 'pi yānti śivaṃ puram //

Note:

śivasya ratha-yātrāṃ tu yaḥ prapaśyati bhaktitaḥ

prasaṅgāt kautukād va āpi te 'pi yānti śivaṃ puram //

nānāyatnādiśeṣānte nānāprekṣaṇakāni ca

kurvīta rathayātrāyāṃ ramate ca vibhūṣitā //

Note:

nānā-yatna-ādi-śeṣa-ante nānā-prekṣaṇakāni ca

kurvīta ratha-yātrāyāṃ ramate ca vibhūṣitā //

te bhogair vividhair divyaiḥ śivāsannā gaṇeśvarāḥ

krīḍanti rudrabhavane kalpānāṃ viṃśatīr narāḥ //

Note:

te bhogair vividhair divyaiḥ śiva-āsannā gaṇa-īśvarāḥ

krīḍanti rudra-bhavane kalpānāṃ viṃśatīr narāḥ //

mahatā jñānasaṅghena tasmāc chivarathena ca

pṛthakjīvā mṛtā yānti śivalokaṃ na saṃśayaḥ //

Note:

mahatā jñāna-saṅghena tasmāc chiva-rathena ca

pṛthak-jīvā mṛtā yānti śiva-lokaṃ na saṃśayaḥ //

śrīparvate mahākāle vārāṇasyāṃ mahālaye

jalpeśvare kurukṣetre kedāre maṇḍaleśvare //

Note:

śrī-parvate mahā-kāle vārāṇasyāṃ mahā-ālaye

jalpa-īśvare kuru-kṣetre kedāre maṇḍala-īśvare //

gokarṇe bhadrakarṇe ca śaṅkukarṇe sthaleśvare

bhīmeśvare suvarṇākṣe kālañjaravane tathā //

Note:

go-karṇe bhadra-karṇe ca śaṅku-karṇe sthala-īśvare

bhīma-īśvare suvarṇa-akṣe kālañjara-vane tathā //

evam ādiṣu cānyeṣu śivakṣetreṣu ye mṛtāḥ

jīvāś carācarāḥ sarve śivalokaṃ vrajanti te //

Note:

evam ādiṣu ca anyeṣu śiva-kṣetreṣu ye mṛtāḥ

jīvāś cara-acarāḥ sarve śiva-lokaṃ vrajanti te //

prayāgaṃ kāmikaṃ tīrtham avimuktaṃ tu naiṣṭhikam

śrīparvataṃ ca vijñeyam ihāmutra ca siddhidam //

Note:

prayāgaṃ kāmikaṃ tīrtham avimuktaṃ tu naiṣṭhikam

śrī-parvataṃ ca vijñeyam iha amutra ca siddhi-dam //

prasaṅgenāpi yaḥ paśyed anyatra prasthitaḥ kvacit

śrīparvataṃ mahāpuṇyaṃ so 'pi yāti śivaṃ puram //

Note:

prasaṅgena api yaḥ paśyed anyatra prasthitaḥ kvacit

śrī-parvataṃ mahā-puṇyaṃ so 'pi yāti śivaṃ puram //

vrajed yaḥ śivatīrthāni sarvapāpaiḥ pramucyate

pāpayuktaḥ śivajñānaṃ prāpya nirvāṇam āpnuyāt //

Note:

vrajed yaḥ śiva-tīrthāni sarva-pāpaiḥ pramucyate

pāpa-yuktaḥ śiva-jñānaṃ prāpya nirvāṇam āpnuyāt //

tīrthasthāneṣu yaḥ śrāddhaṃ śivarātre prayatnataḥ

kalpayitvānusāreṇa kālasya viṣuvasya ca //

Note:

tīrtha-sthāneṣu yaḥ śrāddhaṃ śiva-rātre prayatnataḥ

kalpayitva ānusāreṇa kālasya viṣuvasya ca //

tīrthayātrāgataṃ śāntaṃ hāhābhūtam acetanam

kṣutpipāsāturaṃ loke pāṃsupādaṃ tvarānvitam //

Note:

tīrtha-yātrā-gataṃ śāntaṃ hāhā-bhūtam acetanam

kṣut-pipāsa-āturaṃ loke pāṃsu-pādaṃ tvara-anvitam //

saṃtarpayitvā yatnena mlānalakṣmīm ivāmbubhiḥ

pādyāsanapradānena kas tena puruṣaḥ samaḥ //

Note:

saṃtarpayitvā yatnena mlāna-lakṣmīm iva ambubhiḥ

pādya-āsana-pradānena kas tena puruṣaḥ samaḥ //

aśnanti yāvat tatpiṇḍaṃ tīrthanirdhūtakalmaṣāḥ

tāvadvarṣasahasrāṇi taddātās te śive pure //

Note:

aśnanti yāvat tat-piṇḍaṃ tīrtha-nirdhūta-kalmaṣāḥ

tāvad-varṣa-sahasrāṇi tad-dātās te śive pure //

dadyād yaḥ śivasattrārthaṃ mahiṣīṃ supayasvinīm

modate sa śive loke yugakoṭiśataṃ naraḥ //

Note:

dadyād yaḥ śiva-sattra-arthaṃ mahiṣīṃ su-payasvinīm

modate sa śive loke yuga-koṭi-śataṃ naraḥ //

ārtāya śivabhaktāya dadyād yaḥ supayasvinīm

ajām ekāṃ supuṣṭāṅgīṃ tasya puṇyaphalaṃ śṛṇu //

Note:

ārtāya śiva-bhaktāya dadyād yaḥ su-payasvinīm

ajām ekāṃ su-puṣṭa-aṅgīṃ tasya puṇya-phalaṃ śṛṇu //

yāvat tadromasaṃkhyānaṃ tatprasūtikuleṣu ca

tāvadvarṣasahasrāṇi rudraloke mahīyate //

Note:

yāvat tad-roma-saṃkhyānaṃ tat-prasūti-kuleṣu ca

tāvad-varṣa-sahasrāṇi rudra-loke mahīyate //

mṛduromāñcitāṃ kṛṣṇāṃ nivedya gurave naraḥ

romṇi romṇi suvarṇasya dattasya phalam āpnuyāt //

Note:

mṛdu-roma-añcitāṃ kṛṣṇāṃ nivedya gurave naraḥ

romṇi romṇi suvarṇasya dattasya phalam āpnuyāt //

gajāśvarathasaṃyuktair vimānaiḥ sārvakāmikaiḥ

sānugaḥ krīḍate bhogaiḥ kalpakoṭiṃ śive pure //

Note:

gaja-aśva-ratha-saṃyuktair vimānaiḥ sārva-kāmikaiḥ

sa-anugaḥ krīḍate bhogaiḥ kalpa-koṭiṃ śive pure //

nivedyāśvataraṃ puṣṭam aduṣṭaṃ gurave naraḥ

saṃgatiṃ sopakaraṇaṃ bhogān bhuṅkte śive pure //

Note:

nivedya aśvataraṃ puṣṭam aduṣṭaṃ gurave naraḥ

saṃgatiṃ sa-upakaraṇaṃ bhogān bhuṅkte śive pure //

divyāśvayuktaiḥ śrīmadbhir vimānaiḥ sārvakāmikaiḥ

koṭiṃ koṭiṃ ca kalpānāṃ tadante syān mahīpatiḥ //

Note:

divya-aśva-yuktaiḥ śrīmadbhir vimānaiḥ sārva-kāmikaiḥ

koṭiṃ koṭiṃ ca kalpānāṃ tad-ante syān mahī-patiḥ //

api yojanamātrāya śibikāṃ parikalpayet

guroḥ śāntasya dāntasya tasya puṇyaphalaṃ śṛṇu //

Note:

api yojana-mātrāya śibikāṃ parikalpayet

guroḥ śāntasya dāntasya tasya puṇya-phalaṃ śṛṇu //

vimānānāṃ sahasreṇa sarvakāmayutena ca

kalpakoṭyayutaṃ sāgraṃ bhogān bhuṅkte śive pure //

Note:

vimānānāṃ sahasreṇa sarva-kāma-yutena ca

kalpa-koṭy-ayutaṃ sa-agraṃ bhogān bhuṅkte śive pure //

chāgaṃ meṣaṃ mayūraṃ ca kukkuṭaṃ śārikāṃ śukam

bālakrīḍanakān etān ity ādyān aparān api //

Note:

chāgaṃ meṣaṃ mayūraṃ ca kukkuṭaṃ śārikāṃ śukam

bāla-krīḍanakān etān ity ādyān aparān api //

nivedayitvā skandāya tatsāyujyam avāpnuyāt

bhuktvā tu vipulān bhogāṃs tadante syād dvijottamaḥ //

Note:

nivedayitvā skandāya tat-sāyujyam avāpnuyāt

bhuktvā tu vipulān bhogāṃs tad-ante syād dvija-uttamaḥ //

musalolūkhalādyāni gṛhopakaraṇāni ca

dadyāc chivagṛhasthebhyas tasya pūṇyaphalaṃ śṛṇu //

Note:

musala-ulūkhala-ādyāni gṛha-upakaraṇāni ca

dadyāc chiva-gṛhasthebhyas tasya pūṇya-phalaṃ śṛṇu //

pratyekaṃ kalpam ekaikaṃ gṛhopakaraṇair naraḥ

ante divi vased bhogais tadante ca gṛhī bhavet //

Note:

pratyekaṃ kalpam eka-ekaṃ gṛha-upakaraṇair naraḥ

ante divi vased bhogais tad-ante ca gṛhī bhavet //

kharjūratālapattrair vā carmaṇā vā sukalpitam

dattvā koṭyāsanaṃ vṛttaṃ śivalokam avāpnuyāt //

Note:

kharjūra-tāla-pattrair vā carmaṇā vā sukalpitam

dattvā koṭy-āsanaṃ vṛttaṃ śiva-lokam avāpnuyāt //

prātarnīhāravelāyāṃ hemante śivayoginām

kṛtvā pratāpanāyāgniṃ śivaloke mahīyate //

Note:

prātar-nīhāra-velāyāṃ hemante śiva-yoginām

kṛtvā pratāpanāya agniṃ śiva-loke mahīyate //

sūryāyutaprabhādīptair vimānaiḥ sārvakāmikaiḥ

kalpakoṭiśataṃ bhogān bhuktvā sa tu mahīpatiḥ //

Note:

sūrya-ayuta-prabhā-dīptair vimānaiḥ sārva-kāmikaiḥ

kalpa-koṭi-śataṃ bhogān bhuktvā sa tu mahī-patiḥ //

yaḥ prāntaraṃ videśaṃ vā gacchantaṃ śivayoginam

bhojayīta yathāśaktyā śivaloke mahīyate //

Note:

yaḥ prāntaraṃ videśaṃ vā gacchantaṃ śiva-yoginam

bhojayīta yathā-śaktyā śiva-loke mahīyate //

yaś chattraṃ dhārayed grīṣme gacchate śivayogine

sa mṛtaḥ pṛthivīṃ kṛtsnām ekacchattrām avāpnuyāt //

Note:

yaś chattraṃ dhārayed grīṣme gacchate śiva-yogine

sa mṛtaḥ pṛthivīṃ kṛtsnām eka-cchattrām avāpnuyāt //

yaḥ samuddharate mārge mātropakaraṇāsanam

śivayogapravṛttasya tasya puṇyaphalaṃ śṛṇu //

Note:

yaḥ samuddharate mārge mātra-upakaraṇa-āsanam

śiva-yoga-pravṛttasya tasya puṇya-phalaṃ śṛṇu //

kalpāyutaṃ naraḥ sāgraṃ bhuktvā bhogāñ chive pure

tadante prāpnuyād rājyaṃ sarvaiśvaryasamanvitam //

Note:

kalpa-ayutaṃ naraḥ sa-agraṃ bhuktvā bhogāñ chive pure

tad-ante prāpnuyād rājyaṃ sarva-eśvarya-samanvitam //

abhyaṅgodvartanaṃ snānam ārtasya śivayoginaḥ

kṛtvāpnoti mahābhogān kalpāñ chivapure naraḥ //

Note:

abhyaṅga-udvartanaṃ snānam ārtasya śiva-yoginaḥ

kṛtvā āpnoti mahā-bhogān kalpāñ chiva-pure naraḥ //

apanīya samucchiṣṭaṃ bhaktitaḥ śivayoginām

daśadhenupradānasya phalam āpnoti mānavaḥ //

Note:

apanīya samucchiṣṭaṃ bhaktitaḥ śiva-yoginām

daśa-dhenu-pradānasya phalam āpnoti mānavaḥ //

pañcagavyasamaṃ jñeyam ucchiṣṭaṃ śivayoginām

tad bhuktvā labhate śuddhiṃ mahataḥ pātakād api //

Note:

pañca-gavya-samaṃ jñeyam ucchiṣṭaṃ śiva-yoginām

tad bhuktvā labhate śuddhiṃ mahataḥ pātakād api //

nārī ca bhuktvā satputraṃ kulādhāraṃ guṇānvitam

rājyayogyaṃ dhanāḍhyaṃ ca prāpnuyād dharmatatparam //

Note:

nārī ca bhuktvā sat-putraṃ kula-ādhāraṃ guṇa-anvitam

rājya-yogyaṃ dhana-āḍhyaṃ ca prāpnuyād dharma-tat-param //

yaś ca yāṃ śivayajñāya gṛhasthaḥ parikalpayet

śivabhakto 'sya mahataḥ paramaṃ phalam āpnuyāt //

Note:

yaś ca yāṃ śiva-yajñāya gṛha-sthaḥ parikalpayet

śiva-bhakto 'sya mahataḥ paramaṃ phalam āpnuyāt //

śivomāṃ ca prayatnena bhaktyābdaṃ yo 'nupālayet

gavāṃ lakṣapradānasya saṃpūrṇaṃ phalam āpnuyāt //

Note:

śiva-umāṃ ca prayatnena bhaktya ābdaṃ yo 'nupālayet

gavāṃ lakṣa-pradānasya saṃpūrṇaṃ phalam āpnuyāt //

prātaḥ pradadyāt saghṛtaṃ sukṛtaṃ bālapiṇḍakam

dūrvāṃ ca bālavatsānāṃ(?) tasya puṇyaphalaṃ śṛṇu //

Note:

prātaḥ pradadyāt sa-ghṛtaṃ sukṛtaṃ bāla-piṇḍakam

dūrvāṃ ca bāla-vatsānāṃ(?) tasya puṇya-phalaṃ śṛṇu //

yāvat tadbālavatsānāṃ pānāhāraṃ prakalpayet

tāvadaṣṭāyutān pūrvair bhogān bhuṅkte śive pure //

Note:

yāvat tad-bāla-vatsānāṃ pāna-āhāraṃ prakalpayet

tāvad-aṣṭa-ayutān pūrvair bhogān bhuṅkte śive pure //

vidhavānāthavṛddhānāṃ pradadyād yaḥ prajīvanam

ābhūtassaṃplavaṃ yāvac chivaloke mahīyate //

Note:

vidhava-anātha-vṛddhānāṃ pradadyād yaḥ prajīvanam

ā-bhūta-ssaṃplavaṃ yāvac chiva-loke mahīyate //

dadyād yaḥ sarvajantūnām āhāram anuyatnataḥ

triḥ pṛthvīṃ ratnasaṃpūrṇāṃ yad dattvā tat phalaṃ labhet //

Note:

dadyād yaḥ sarva-jantūnām āhāram anuyatnataḥ

triḥ pṛthvīṃ ratna-saṃpūrṇāṃ yad dattvā tat phalaṃ labhet //

vinayavratadānāni yāni siddhāni lokataḥ

tāni tenaiva vidhinā śivamantreṇa kalpayet //

Note:

vinaya-vrata-dānāni yāni siddhāni lokataḥ

tāni tena eva vidhinā śiva-mantreṇa kalpayet //

nivedayīta rudrāya rudrāṇyāḥ ṣaṇmukhasya ca

prāpnuyād vipulān bhogān divyāñ chivapure naraḥ //

Note:

nivedayīta rudrāya rudrāṇyāḥ ṣaṇmukhasya ca

prāpnuyād vipulān bhogān divyāñ chiva-pure naraḥ //

punar yaḥ kartarīṃ dadyāt keśakleśāpanuttaye

sarvakleśavinirmuktaḥ śivaloke sukhī bhavet //

Note:

punar yaḥ kartarīṃ dadyāt keśa-kleśa-apanuttaye

sarva-kleśa-vinirmuktaḥ śiva-loke sukhī bhavet //

nāsikāśodhanaṃ dadyāt saṃdaṃśaṃ śivayogine

varṣakoṭiṃ mahābhogaiḥ śivaloke mahīyate //

Note:

nāsikā-śodhanaṃ dadyāt saṃdaṃśaṃ śiva-yogine

varṣa-koṭiṃ mahā-bhogaiḥ śiva-loke mahīyate //

nakhacchedanakaṃ dattvā śivaloke mahīyate

varṣalakṣaṃ mahābhogaiḥ śivaloke mahīyate //

Note:

nakha-cchedanakaṃ dattvā śiva-loke mahīyate

varṣa-lakṣaṃ mahā-bhogaiḥ śiva-loke mahīyate //

dattvāñjanaśalākāṃ vā lohādyāṃ śivayogine

bhogāñ chivapure prāpya jñānacakṣur avāpnuyāt //

Note:

dattva āñjana-śalākāṃ vā loha-ādyāṃ śiva-yogine

bhogāñ chiva-pure prāpya jñāna-cakṣur avāpnuyāt //

karṇaśodhanakaṃ dattvā lohādyaṃ śivayogine

varṣakoṭiṃ mahābhogaiḥ śivaloke mahīyate //

Note:

karṇa-śodhanakaṃ dattvā loha-ādyaṃ śiva-yogine

varṣa-koṭiṃ mahā-bhogaiḥ śiva-loke mahīyate //

dadyād yaḥ śivabhaktāya sūcīṃ kaupīnaśodhanīm

varṣalakṣaṃ sa lakṣārdhaṃ śivaloke mahīyate //

Note:

dadyād yaḥ śiva-bhaktāya sūcīṃ kaupīna-śodhanīm

varṣa-lakṣaṃ sa lakṣa-ardhaṃ śiva-loke mahīyate //

nivedya śivayogibhyaḥ sūcikaṃ sūtrasaṃyutam

varṣalakṣaṃ mahābhogaiḥ krīḍate sa śive pure //

Note:

nivedya śiva-yogibhyaḥ sūcikaṃ sūtra-saṃyutam

varṣa-lakṣaṃ mahā-bhogaiḥ krīḍate sa śive pure //

dadyād yaḥ śivayogibhyaḥ sukṛtāṃ patravedhanīm

varṣalakṣaṃ mahābhogaiḥ śivaloke mahīyate //

Note:

dadyād yaḥ śiva-yogibhyaḥ sukṛtāṃ patra-vedhanīm

varṣa-lakṣaṃ mahā-bhogaiḥ śiva-loke mahīyate //

dadyād yaḥ pustakādīnāṃ sarvakāryārthakartṛkām

pañcalakṣaṃ mahābhogair modate sa śive pure //

Note:

dadyād yaḥ pustaka-ādīnāṃ sarva-kārya-artha-kartṛkām

pañca-lakṣaṃ mahā-bhogair modate sa śive pure //

śamīndhanatṛṇādīnāṃ dadyāt tacchedanaṃ ca yaḥ

krīḍate sa śive loke varṣalakṣacatuṣṭayam //

Note:

śamī-indhana-tṛṇa-ādīnāṃ dadyāt tac-chedanaṃ ca yaḥ

krīḍate sa śive loke varṣa-lakṣa-catuṣṭayam //

śivāśramopabhogāya lohopakaraṇaṃ mahat

yaḥ pradadyāg kuṭhārādyaṃ tasya puṇyaphalaṃ śṛṇu //

Note:

śiva-āśrama-upabhogāya loha-upakaraṇaṃ mahat

yaḥ pradadyāg kuṭhāra-ādyaṃ tasya puṇya-phalaṃ śṛṇu //

yāvat tatphalasaṃkhyānaṃ lohopakaraṇe bhavet

tāvanti varṣalakṣāṇi śivaloke mahīyate //

Note:

yāvat tat-phala-saṃkhyānaṃ loha-upakaraṇe bhavet

tāvanti varṣa-lakṣāṇi śiva-loke mahīyate //

śivāyatanavittānāṃ rakṣārthaṃ yaḥ prayacchati

dhanuḥkhaḍgāyudhādīni tasya puṇyaphalaṃ śṛṇu //

Note:

śiva-āyatana-vittānāṃ rakṣā-arthaṃ yaḥ prayacchati

dhanuḥ-khaḍga-āyudha-ādīni tasya puṇya-phalaṃ śṛṇu //

ekaikasmin parijñeyam āyudhe cāpi vai phalam

varṣakoṭyaṣṭakaṃ bhogaiḥ śivaloke mahīyate //

Note:

eka-ekasmin parijñeyam āyudhe ca api vai phalam

varṣa-koṭy-aṣṭakaṃ bhogaiḥ śiva-loke mahīyate //

yaḥ svātmabhogabhṛtyarthaṃ kusumāni nivedayet

śivāya gurave vāpi tasya puṇyaphalaṃ śṛṇu //

Note:

yaḥ svātma-bhoga-bhṛty-arthaṃ kusumāni nivedayet

śivāya gurave va āpi tasya puṇya-phalaṃ śṛṇu //

yāvad anyo'nyasaṃbandhās tasyāṃśāḥ parikīrtitāḥ

varṣalakṣaṃ sa tāvac ca śivaloke pramodate //

Note:

yāvad anyo-'nya-saṃbandhās tasya aṃśāḥ parikīrtitāḥ

varṣa-lakṣaṃ sa tāvac ca śiva-loke pramodate //

naṣṭāpahṛtam anviṣya punar vittaṃ nivedayet

śivātmakaṃ śivāyaiva tasya puṇyaphalaṃ śṛṇu //

Note:

naṣṭa-apahṛtam anviṣya punar vittaṃ nivedayet

śiva-ātmakaṃ śivāya eva tasya puṇya-phalaṃ śṛṇu //

yāvac chivāya tadvittaṃ prāṅ nivedya phalaṃ smṛtam

naṣṭam ānīya tad bhūyaḥ puṇyaṃ śataguṇaṃ labhet //

Note:

yāvac chivāya tad-vittaṃ prāṅ nivedya phalaṃ smṛtam

naṣṭam ānīya tad bhūyaḥ puṇyaṃ śata-guṇaṃ labhet //

devadravyaṃ hṛtaṃ naṣṭam anveṣyam api yatnataḥ

na prāpnoti tadā tasya prāpnuyād dviguṇaṃ phalam //

Note:

deva-dravyaṃ hṛtaṃ naṣṭam anveṣyam api yatnataḥ

na prāpnoti tadā tasya prāpnuyād dviguṇaṃ phalam //

tāmrakumbhakaṭāhādyaṃ yaḥ śivāya nivedayet

śivātmakaṃ śivāyaiva tasya puṇyaphalaṃ śṛṇu //

Note:

tāmra-kumbha-kaṭāha-ādyaṃ yaḥ śivāya nivedayet

śiva-ātmakaṃ śivāya eva tasya puṇya-phalaṃ śṛṇu //

yāvac chivāya tad vittaṃ prāṅ nivedya phalaṃ smṛtam

naṣṭam ānīya tad bhūyaḥ puṇyaṃ śataguṇaṃ labhet //

Note:

yāvac chivāya tad vittaṃ prāṅ nivedya phalaṃ smṛtam

naṣṭam ānīya tad bhūyaḥ puṇyaṃ śata-guṇaṃ labhet //

snānasattropabhogāya tasya puṇyaphalaṃ śṛṇu

yāvat tatphalasaṃkhyānaṃ tāmropakaraṇe sthitam //

Note:

snāna-sattra-upabhogāya tasya puṇya-phalaṃ śṛṇu

yāvat tat-phala-saṃkhyānaṃ tāmra-upakaraṇe sthitam //

pale pale varṣakoṭiṃ modate sa śive pure

yaḥ pattrapuṣpavastūnāṃ dadyād ādhārabhājanam //

Note:

pale pale varṣa-koṭiṃ modate sa śive pure

yaḥ pattra-puṣpa-vastūnāṃ dadyād ādhāra-bhājanam //

tadvastudātur yat puṇyaṃ tat puṇyaṃ sakalaṃ bhavet

dattvopakaraṇaṃ kiṃcid api yo vittam arthinām //

Note:

tad-vastu-dātur yat puṇyaṃ tat puṇyaṃ sakalaṃ bhavet

dattva upakaraṇaṃ kiṃcid api yo vittam arthinām //

yad vastu kurute tena tatpradānaphalaṃ labhet

yaḥ śaucapītavastrāṇi kṣārādyaiḥ śivayoginām //

Note:

yad vastu kurute tena tat-pradāna-phalaṃ labhet

yaḥ śauca-pīta-vastrāṇi kṣāra-ādyaiḥ śiva-yoginām //

sa pāpamalanirmuktaḥ śivalokam avāpnuyāt

yaḥ puṣpapaṭṭasaṃyuktaṃ paṭagarbhaṃ ca kambalam //

Note:

sa pāpa-mala-nirmuktaḥ śiva-lokam avāpnuyāt

yaḥ puṣpa-paṭṭa-saṃyuktaṃ paṭa-garbhaṃ ca kambalam //

pradadyāc chivayogibhyas tasya puṇyaphalaṃ śṛṇu

teṣāṃ ca vastratantūnāṃ yāvatsaṃkhyā vidhīyate //

Note:

pradadyāc chiva-yogibhyas tasya puṇya-phalaṃ śṛṇu

teṣāṃ ca vastra-tantūnāṃ yāvat-saṃkhyā vidhīyate //

tāvadvarṣasahasrāṇi bhogān bhuṅkte śive pure

ślakṣṇavastrāṇi śuklāni dadyād yaḥ śivayogine //

Note:

tāvad-varṣa-sahasrāṇi bhogān bhuṅkte śive pure

ślakṣṇa-vastrāṇi śuklāni dadyād yaḥ śiva-yogine //

citravastrāṇi tadbhaktyā tasya puṇyaphalaṃ śṛṇu

yāvat tatsūkṣmavastrāṇāṃ tantusaṃkhyā vidhīyate //

Note:

citra-vastrāṇi tad-bhaktyā tasya puṇya-phalaṃ śṛṇu

yāvat tat-sūkṣma-vastrāṇāṃ tantu-saṃkhyā vidhīyate //

tāvadyugāni saṃbhogaiḥ śivaloke mahīyate

śaṅkhapātraṃ tu vistīrṇaṃ bhāṇḍaṃ vāpi suśobhanam //

Note:

tāvad-yugāni saṃbhogaiḥ śiva-loke mahīyate

śaṅkha-pātraṃ tu vistīrṇaṃ bhāṇḍaṃ va āpi suśobhanam //

pradadyāc chivayogibhyas tasya puṇyaphalaṃ śṛṇu

divyaṃ vimānam ārūḍhaḥ sarvakāmasamanvitam //

Note:

pradadyāc chiva-yogibhyas tasya puṇya-phalaṃ śṛṇu

divyaṃ vimānam ārūḍhaḥ sarva-kāma-samanvitam //

kalpakoṭyayutaṃ sāgraṃ śivaloke mahīyate

śuktyādīni ca pātrāṇi śobhanāny amalāni ca //

Note:

kalpa-koṭy-ayutaṃ sa-agraṃ śiva-loke mahīyate

śukty-ādīni ca pātrāṇi śobhanāny amalāni ca //

nivedya śivayogibhyaḥ śaṅkhārdhena phalaṃ labhet

sphāṭikānāṃ ca pātrāṇāṃ śaṅkhatulyaphalaṃ smṛtam //

Note:

nivedya śiva-yogibhyaḥ śaṅkha-ardhena phalaṃ labhet

sphāṭikānāṃ ca pātrāṇāṃ śaṅkha-tulya-phalaṃ smṛtam //

śailajānāṃ tadardhena pātrāṇāṃ ca tadardhakam

tālakharjūrapātrāṇāṃ vaṃśajānāṃ nivedane //

Note:

śailajānāṃ tad-ardhena pātrāṇāṃ ca tad-ardhakam

tāla-kharjūra-pātrāṇāṃ vaṃśa-jānāṃ nivedane //

anyeṣām evam ādīnāṃ puṇyaṃ vārkṣyārdhasaṃmitam

vaṃśajārdhasamaṃ puṇyaṃ phalapātranivedane //

Note:

anyeṣām evam ādīnāṃ puṇyaṃ vārkṣya-ardha-saṃmitam

vaṃśa-ja-ardha-samaṃ puṇyaṃ phala-pātra-nivedane //

nānāparṇapuṭāṇāṃ ca sārāṇāṃ vā phalārdhakam

yas tāmrakāṃsyapātrāṇi śovhanāny amalāni ca //

Note:

nānā-parṇa-puṭāṇāṃ ca sārāṇāṃ vā phala-ardhakam

yas tāmra-kāṃsya-pātrāṇi śovhanāny amalāni ca //

snānabhojanapānārthaṃ dadyād yaḥ śivayogine

tāmrāṃ kāṃsīṃ trilohīṃ vā yaḥ pradadyāt tripādikām //

Note:

snāna-bhojana-pāna-arthaṃ dadyād yaḥ śiva-yogine

tāmrāṃ kāṃsīṃ tri-lohīṃ vā yaḥ pradadyāt tri-pādikām //

bhojane bhojanādhāraṃ gurave tatphalaṃ śṛṇu

yāvat tatpalasaṃkhyānaṃ tripādyā bhojaneṣu ca //

Note:

bhojane bhojana-ādhāraṃ gurave tat-phalaṃ śṛṇu

yāvat tat-pala-saṃkhyānaṃ tri-pādyā bhojaneṣu ca //

tāvadyugasahasrāṇi bhogān bhuṅkte śive pure

lohaṃ tripādikaṃ dattvā satkṛtvā śivayogine //

Note:

tāvad-yuga-sahasrāṇi bhogān bhuṅkte śive pure

lohaṃ tri-pādikaṃ dattvā sat-kṛtvā śiva-yogine //

daśakalpān mahābhogair naraḥ śivapure vaset

yaḥ pradadyāt triviṣṭambhaṃ bhikṣāpātrasamāśrayam //

Note:

daśa-kalpān mahā-bhogair naraḥ śiva-pure vaset

yaḥ pradadyāt tri-viṣṭambhaṃ bhikṣā-pātra-samāśrayam //

vaṃśajaṃ dārujaṃ vāpi tasya puṇyaphalaṃ śṛṇu

divyastrībhogasaṃpanno vimāne mahati sthitaḥ //

Note:

vaṃśa-jaṃ dāru-jaṃ va āpi tasya puṇya-phalaṃ śṛṇu

divya-strī-bhoga-saṃpanno vimāne mahati sthitaḥ //

caturyugasahasraṃ tu bhogān bhuṅkte śive pure

bhikṣāpātramukhācchādam vastraparṇādikalpitam //

Note:

catur-yuga-sahasraṃ tu bhogān bhuṅkte śive pure

bhikṣā-pātra-mukha-ācchādam vastra-parṇa-ādi-kalpitam //

dattvā śivapure bhogān kalpam ekaṃ vasen naraḥ

saṃśrayaṃ yaḥ pradadyāc ca bhikṣāpātre kamaṇḍalau //

Note:

dattvā śiva-pure bhogān kalpam ekaṃ vasen naraḥ

saṃśrayaṃ yaḥ pradadyāc ca bhikṣā-pātre kamaṇḍalau //

kalpitaṃ vastrasūtrādyais tasya puṇyaphalaṃ śṛṇu

tadvastrapūtatantūnāṃ saṃkhyā yāvad vidhīyate //

Note:

kalpitaṃ vastra-sūtra-ādyais tasya puṇya-phalaṃ śṛṇu

tad-vastra-pūta-tantūnāṃ saṃkhyā yāvad vidhīyate //

tāvadvarṣasahasrāṇi rudraloke mahīyate

sūtravalkalavālair vā śikyabhāṇḍasamāśrayam //

Note:

tāvad-varṣa-sahasrāṇi rudra-loke mahīyate

sūtra-valkala-vālair vā śikya-bhāṇḍa-samāśrayam //

yaḥ kṛtvā dāmanīyoktraṃ pragrahaṃ rajjum eva vā

evam ādīni cānyāni vastūni vinivedayet //

Note:

yaḥ kṛtvā dāmanī-yoktraṃ pragrahaṃ rajjum eva vā

evam ādīni ca anyāni vastūni vinivedayet //

śivagoṣṭhopayogārthaṃ tasya puṇyaphalaṃ śṛṇu

yāvat tadrajjusaṃkhyānaṃ pradadyāc chivagokule //

Note:

śiva-goṣṭha-upayoga-arthaṃ tasya puṇya-phalaṃ śṛṇu

yāvat tad-rajju-saṃkhyānaṃ pradadyāc chiva-gokule //

tāvac caturyugaṃ dehī śivaloke mahīyate

yathā yathā priyaṃ vastraṃ śobhanaṃ ca yathā yathā //

Note:

tāvac catur-yugaṃ dehī śiva-loke mahīyate

yathā yathā priyaṃ vastraṃ śobhanaṃ ca yathā yathā //

tathā tathā mahāpuṇyaṃ taddānād uttarottaram

yaḥ panthānaṃ diśet pṛṣṭaṃ praṇaṣṭaṃ ca gavādikaṃ //

Note:

tathā tathā mahā-puṇyaṃ tad-dānād uttara-uttaram

yaḥ panthānaṃ diśet pṛṣṭaṃ praṇaṣṭaṃ ca gava-ādikaṃ //

sa godānasamaṃ puṇyaṃ prajñāsaukhyaṃ ca vindati

kṛtvopakāram ārtānāṃ svargaṃ yāti na saṃśayaḥ //

Note:

sa go-dāna-samaṃ puṇyaṃ prajñā-saukhyaṃ ca vindati

kṛtva upakāram ārtānāṃ svargaṃ yāti na saṃśayaḥ //

api kaṇṭakam uddhṛtya kimutānyaṃ mahāguṇam(?)

annapānauṣadhīnāṃ ca yaḥ pradātāram uddiśet //

Note:

api kaṇṭakam uddhṛtya kim-uta-anyaṃ mahā-guṇam(?)

anna-pāna-auṣadhīnāṃ ca yaḥ pradātāram uddiśet //

ārtānāṃ tasya vijñeyaṃ dātus tatsadṛśaṃ phalam

śivāya tasya saṃruddhaṃ karma tiṣṭhati yad vinā //

Note:

ārtānāṃ tasya vijñeyaṃ dātus tat-sadṛśaṃ phalam

śivāya tasya saṃruddhaṃ karma tiṣṭhati yad vinā //

tad alpam api yajñāṅgaṃ dattvā yajñaphalaṃ labhet

api kāśakuśaṃ sūtraṃ gomayaṃ samidindhanam //

Note:

tad alpam api yajña-aṅgaṃ dattvā yajña-phalaṃ labhet

api kāśa-kuśaṃ sūtraṃ go-mayaṃ samid-indhanam //

śivayajñopayogārthaṃ pravakṣyāmi samāsataḥ
sarveṣāṃ śivabhaktānāṃ dadyād yat kiṃcid ādarāt
dattvā yajñaphalaṃ vidyāt kimu tadvastudānataḥ //

Note:

śiva-yajña-upayoga-arthaṃ pravakṣyāmi samāsataḥ
sarveṣāṃ śiva-bhaktānāṃ dadyād yat kiṃcid ādarāt
dattvā yajña-phalaṃ vidyāt kimu tad-vastu-dānataḥ //

// iti śivopaniṣadi phalopakaraṇapradānādhyāyaḥ ṣaṣṭhaḥ //

atha svargāpavargārthe pravakṣyāmi samāsataḥ

sarveṣāṃ śivabhaktānāṃ śivācāram anuttamam //

Note:

atha svarga-apavarga-arthe pravakṣyāmi samāsataḥ

sarveṣāṃ śiva-bhaktānāṃ śiva-ācāram anuttamam //

śivaḥ śivāya bhūtānāṃ yasmād dānaṃ prayacchati

gurumūrtiḥ sthitas tasmāt pūjayet satataṃ gurum //

Note:

śivaḥ śivāya bhūtānāṃ yasmād dānaṃ prayacchati

guru-mūrtiḥ sthitas tasmāt pūjayet satataṃ gurum //

nālakṣaṇe yathā liṅge sāṃnidhyaṃ kalpayec chivaḥ

alpāgame gurau tadvat sāṃnidhyaṃ na prakalpayet //

Note:

na alakṣaṇe yathā liṅge sāṃnidhyaṃ kalpayec chivaḥ

alpa-āgame gurau tadvat sāṃnidhyaṃ na prakalpayet //

śivajñānārthatattvajñaḥ prasannamanasaṃ gurum

śivaḥ śivaṃ samāsthāya jñānaṃ vakti na hītaraḥ //

Note:

śiva-jñāna-artha-tattvajñaḥ prasanna-manasaṃ gurum

śivaḥ śivaṃ samāsthāya jñānaṃ vakti na hi itaraḥ //

guruṃ ca śivavad bhaktyā namaskāreṇa pūjayet

kṛtāñjalis trisaṃdhyaṃ ca bhūmivinyastamastakaḥ //

Note:

guruṃ ca śivavad bhaktyā namas-kāreṇa pūjayet

kṛta-añjalis trisaṃdhyaṃ ca bhūmi-vinyasta-mastakaḥ //

na viviktam anācāntam(?) caṅkramantaṃ tathākulam

samādhisthaṃ vrajantaṃ ca namaskuryād guruṃ budhaḥ //

Note:

na viviktam anācāntam(?) caṅkramantaṃ tathā ākulam

samādhi-sthaṃ vrajantaṃ ca namas-kuryād guruṃ budhaḥ //

vyākhyāne tatsamāptau ca saṃpraśne snānabhojane

bhuktvā ca śayane svapne namaskuryāt sadā gurum //

Note:

vyākhyāne tat-samāptau ca saṃpraśne snāna-bhojane

bhuktvā ca śayane svapne namas-kuryāt sadā gurum //

grāmāntaram abhiprepsur guroḥ kuryāt pradakṣiṇam

sārvāṅgikapraṇāmaṃ ca punaḥ kuryāt tadāgataḥ //

Note:

grāma-antaram abhiprepsur guroḥ kuryāt pradakṣiṇam

sārva-āṅgika-praṇāmaṃ ca punaḥ kuryāt tad-āgataḥ //

parvotsaveṣu sarveṣu dadyād gandhapavitrakam

śivajñānasya cārambhe pravāsagamanāgatau //

Note:

parva-utsaveṣu sarveṣu dadyād gandha-pavitrakam

śiva-jñānasya cā arambhe pravāsa-gamana-āgatau //

śivadharmavratārambhe tatsamāptau ca kalpayet

prasādanāya kupito vijitya ca ripuṃ tathā //

Note:

śiva-dharma-vrata-ārambhe tat-samāptau ca kalpayet

prasādanāya kupito vijitya ca ripuṃ tathā //

puṇyāhe grahaśāntau ca dīkṣāyāṃ ca sadakṣiṇam

āvārya padasaṃprāptau pavitre copavigrahe //

Note:

puṇya-ahe graha-śāntau ca dīkṣāyāṃ ca sa-dakṣiṇam

āvārya pada-saṃprāptau pavitre ca upavigrahe //

upānacchattraśayanaṃ vastram āsanabhūṣaṇam

pātradaṇḍākṣasūtraṃ vā gurusaktaṃ na dhārayet //

Note:

upānac-chattra-śayanaṃ vastram āsana-bhūṣaṇam

pātra-daṇḍa-akṣa-sūtraṃ vā guru-saktaṃ na dhārayet //

hāsyaniṣṭhīvanāsphoṭam uccabhāṣyavijṛmbhaṇam

pādaprasāraṇaṃ gatiṃ na kuryād gurusaṃnidhau //

Note:

hāsya-niṣṭhīvana-āsphoṭam ucca-bhāṣya-vijṛmbhaṇam

pāda-prasāraṇaṃ gatiṃ na kuryād guru-saṃnidhau //

hīnānnapānavastraḥ syān nīcaśayyāsano guroḥ

na yatheṣṭaś ca saṃtiṣṭhet kalahaṃ ca vivarjayet //

Note:

hīna-anna-pāna-vastraḥ syān nīca-śayyā-āsano guroḥ

na yathā-iṣṭaś ca saṃtiṣṭhet kalahaṃ ca vivarjayet //

prativāte 'nuvāte vā na tiṣṭhed guruṇā saha

asaṃśraye ca satataṃ na kiṃcit kīrtayed guroḥ //

Note:

prativāte 'nuvāte vā na tiṣṭhed guruṇā saha

asaṃśraye ca satataṃ na kiṃcit kīrtayed guroḥ //

anyāsakto na bhuñjāno na tiṣṭhann aparāṅmukhaḥ

na śayano na cāsīnaḥ saṃbhāsyed guruṇā saha //

Note:

anya-āsakto na bhuñjāno na tiṣṭhann aparāṅ-mukhaḥ

na śayano na cā asīnaḥ saṃbhāsyed guruṇā saha //

dṛṣṭvaiva gurum āyāntam uttiṣṭhed dūratas tvaram

anujñātaś ca guruṇā saṃviśec cānupṛṣṭhataḥ //

Note:

dṛṣṭva aiva gurum āyāntam uttiṣṭhed dūratas tvaram

anujñātaś ca guruṇā saṃviśec ca anupṛṣṭhataḥ //

na kaṇṭhaṃ prāvṛtaṃ kuryān na ca tatrāvasaktikām

na pādadhāvanasnānaṃ yatra paśyed guruḥ sthitaḥ //

Note:

na kaṇṭhaṃ prāvṛtaṃ kuryān na ca tatra avasaktikām

na pāda-dhāvana-snānaṃ yatra paśyed guruḥ sthitaḥ //

na dantadhāvanābhyaṅgam āyāmodvartanakriyāḥ

utsargaparidhānaṃ ca guroḥ kurvīta paśyataḥ //

Note:

na danta-dhāvana-abhyaṅgam āyāma-udvartana-kriyāḥ

utsarga-paridhānaṃ ca guroḥ kurvīta paśyataḥ //

gurur yad arpayet kiṃcid gṛhāsannaṃ tadañjalau

pātre vā purataḥ śiṣyas tad vaktram abhivīkṣayan //

Note:

gurur yad arpayet kiṃcid gṛha-āsannaṃ tad-añjalau

pātre vā purataḥ śiṣyas tad vaktram abhivīkṣayan //

yad arpayed guruḥ kiṃci tan namraḥ purataḥ sthitaḥ

pāṇidvayena gṛhṇīyat sthāpayet tac ca susthitam //

Note:

yad arpayed guruḥ kiṃci tan namraḥ purataḥ sthitaḥ

pāṇi-dvayena gṛhṇīyat sthāpayet tac ca susthitam //

na guroḥ kīrtayen nāma paro'kṣam api kevalam

samānasaṃjñam anyaṃ vā nāhvayīta tadākhyayā //

Note:

na guroḥ kīrtayen nāma paro'kṣam api kevalam

samāna-saṃjñam anyaṃ vā nā ahvayīta tad-ākhyayā //

svagurus tadguruś caiva yadi syātāṃ samaṃ kvacit

guror gurus tayoḥ pūjyaḥ svaguruś ca tadājñayā //

Note:

sva-gurus tad-guruś ca eva yadi syātāṃ samaṃ kvacit

guror gurus tayoḥ pūjyaḥ sva-guruś ca tad-ājñayā //

anivedya na bhuñjīta bhuktvā cāsya nivedayet

nāvijñāpya guruṃ gacched bahiḥ kāryeṇa kenacit //

Note:

anivedya na bhuñjīta bhuktvā ca asya nivedayet

na avijñāpya guruṃ gacched bahiḥ kāryeṇa kenacit //

gurvājñayā karma kṛtvā tatsamāptau nivedayet

kṛtvā ca naityakaṃ sarvam adhīyītājñayā guroḥ //

Note:

gurv-ājñayā karma kṛtvā tat-samāptau nivedayet

kṛtvā ca naityakaṃ sarvam adhīyītā ajñayā guroḥ //

mṛdbhasmagomayajalaṃ pattrapuṣpendhanaṃ samit

paryāptam aṣṭakaṃ hy etad gurvarthaṃ tu samāharet //

Note:

mṛd-bhasma-go-maya-jalaṃ pattra-puṣpa-indhanaṃ samit

paryāptam aṣṭakaṃ hy etad gurv-arthaṃ tu samāharet //

bhaiṣajyāhārapātrāṇi vastraśayyāsanaṃ guroḥ

ānayet sarvayatnena prārthayitvā dhaneśvarān //

Note:

bhaiṣajya-āhāra-pātrāṇi vastra-śayya-āsanaṃ guroḥ

ānayet sarva-yatnena prārthayitvā dhana-īśvarān //

guror na khaṇḍayed ājñām api prāṇān parityajet

kṛtvājñāṃ prāpnuyān muktiṃ laṅghayan narakaṃ vrajet //

Note:

guror na khaṇḍayed ājñām api prāṇān parityajet

kṛtvā ājñāṃ prāpnuyān muktiṃ laṅghayan narakaṃ vrajet //

paryaṭet pṛthivīṃ kṛtsnāṃ saśailavanakānanām

gurubhaiṣajyasiddhyartham api gacched rasātalam //

Note:

paryaṭet pṛthivīṃ kṛtsnāṃ sa-śaila-vana-kānanām

guru-bhaiṣajya-siddhy-artham api gacched rasātalam //

yad ādiśed guruḥ kiṃcit tat kuryād avicārataḥ

amīmāṃsyā hi guravaḥ sarvakāryeṣu sarvathā //

Note:

yad ādiśed guruḥ kiṃcit tat kuryād avicārataḥ

a-mīmāṃsyā hi guravaḥ sarva-kāryeṣu sarvathā //

notthāpayet sukhāsīnaṃ śayānaṃ na prabodhayet

āsīno gurum āsīnam abhigacchet pratiṣṭhitam //

Note:

na utthāpayet sukha-āsīnaṃ śayānaṃ na prabodhayet

āsīno gurum āsīnam abhigacchet pratiṣṭhitam //

pathi prayāntaṃ yāntaṃ ca yatnād viśramayed gurum

kṣitpipāsāturaṃ snātaṃ jñātvā śaktaṃ ca bhojayet //

Note:

pathi prayāntaṃ yāntaṃ ca yatnād viśramayed gurum

kṣit-pipāsa-āturaṃ snātaṃ jñātvā śaktaṃ ca bhojayet //

abhyaṅgodvartanaṃ snānaṃ bhojanaṣṭhīvamārjanam

gātrasaṃvāhanaṃ rātrau pādābhyaṅgaṃ ca yatnataḥ //

Note:

abhyaṅga-udvartanaṃ snānaṃ bhojana-ṣṭhīva-mārjanam

gātra-saṃvāhanaṃ rātrau pāda-abhyaṅgaṃ ca yatnataḥ //

prātaḥ prasādhanaṃ dattvā kāryaṃ saṃmārjanāñjanam

nānāpuṣpaprakaraṇaṃ śrīmadvyākhyānamaṇḍape //

Note:

prātaḥ prasādhanaṃ dattvā kāryaṃ saṃmārjana-añjanam

nānā-puṣpa-prakaraṇaṃ śrīmad-vyākhyāna-maṇḍape //

sthāpyāsanaṃ guroḥ pūjyaṃ śivajñānasya pustakam

tatra tiṣṭhet pratīkṣaṃs tad guror āgamanaṃ kramāt //

Note:

sthāpyā asanaṃ guroḥ pūjyaṃ śiva-jñānasya pustakam

tatra tiṣṭhet pratīkṣaṃs tad guror āgamanaṃ kramāt //

guror nindāpavādaṃ ca śrutvā karṇau pidhāpayet

anyatra caiva sarpet tu nigṛhṇīyād upāyataḥ //

Note:

guror nindā-apavādaṃ ca śrutvā karṇau pidhāpayet

anyatra ca eva sarpet tu nigṛhṇīyād upāyataḥ //

na guror apriyaṃ kuryāt pīḍitas tārito 'pi vā

noccārayec ca tadvākyam uccārya narakaṃ vrajet //

Note:

na guror apriyaṃ kuryāt pīḍitas tārito 'pi vā

na uccārayec ca tad-vākyam uccārya narakaṃ vrajet //

gurur eva pitā mātā gurur eva paraḥ śivaḥ

yasyaiva niścito bhāvas tasya muktir na dūrataḥ //

Note:

gurur eva pitā mātā gurur eva paraḥ śivaḥ

yasya eva niścito bhāvas tasya muktir na dūrataḥ //

āhārācāradharmāṇāṃ yat kuryād gurur īśvaraḥ

tathaiva cānukurvīta nānuyuñjīta kāraṇam //

Note:

āhāra-ācāra-dharmāṇāṃ yat kuryād gurur īśvaraḥ

tatha aiva ca anukurvīta na anuyuñjīta kāraṇam //

yajñas tapāṃsi niyamāt tāni vai vividhāni ca

guruvākye tu sarvāṇi saṃpadyante na saṃśayaḥ //

Note:

yajñas tapāṃsi niyamāt tāni vai vividhāni ca

guru-vākye tu sarvāṇi saṃpadyante na saṃśayaḥ //

ajñānapaṅkanirmagnaṃ yaḥ samuddharate janam

śivajñānātmahastena kas taṃ na pratipūjayet //

Note:

ajñāna-paṅka-nirmagnaṃ yaḥ samuddharate janam

śiva-jñāna-ātma-hastena kas taṃ na pratipūjayet //

iti yaḥ pūjayen nityaṃ gurumūrtistham īśvaram

sarvapāpavinirmuktaḥ prāpnoti paramaṃ padam //

Note:

iti yaḥ pūjayen nityaṃ guru-mūrti-stham īśvaram

sarva-pāpa-vinirmuktaḥ prāpnoti paramaṃ padam //

snātvāmbhasā bhasmanā vā śuklavastropavītavān

dūrvāgarbhasthitaṃ puṣpaṃ guruḥ śirasi dhārayet //

Note:

snātva āmbhasā bhasmanā vā śukla-vastra-upavītavān

dūrvā-garbha-sthitaṃ puṣpaṃ guruḥ śirasi dhārayet //

rocanālabhanaṃ kuryād dhūyayed ātmanas tanum

aṅgulīyākṣasūtraṃ ca karṇamātre ca dhārayet //

Note:

rocana-ālabhanaṃ kuryād dhūyayed ātmanas tanum

aṅgulīya-akṣa-sūtraṃ ca karṇa-mātre ca dhārayet //

gurur evaṃvidhaḥ śrīmān nityaṃ tiṣṭhet samāhitaḥ

yasmāj jñānopadeśārthaṃ gurur āste sadāśivaḥ //

Note:

gurur evaṃ-vidhaḥ śrīmān nityaṃ tiṣṭhet samāhitaḥ

yasmāj jñāna-upadeśa-arthaṃ gurur āste sadā-śivaḥ //

dhārayet pāduke nityaṃ mṛduvarmaprakalpite

pragṛhya daṇḍaṃ chattraṃ vā paryaṭed āśramād bahiḥ //

Note:

dhārayet pāduke nityaṃ mṛdu-varma-prakalpite

pragṛhya daṇḍaṃ chattraṃ vā paryaṭed āśramād bahiḥ //

na bhūmau vinyaset pādam antardhānaṃ vinā guruḥ

kuśapādakam ākramya tarpaṇārthaṃ prakalpayet //

Note:

na bhūmau vinyaset pādam antar-dhānaṃ vinā guruḥ

kuśa-pādakam ākramya tarpaṇa-arthaṃ prakalpayet //

pādasthānāni pattrādyaiḥ kṛtvā devagṛhaṃ viśet

pātrāstaritapādaś ca(?) nityaṃ bhuñjīta vāgyataḥ //

Note:

pāda-sthānāni pattra-ādyaiḥ kṛtvā deva-gṛhaṃ viśet

pātrāstarita-pādaś ca(?) nityaṃ bhuñjīta vāg-yataḥ //

na pādau dhāvayet kāṃsye lohe vā parikalpite

śaucayet tṛṇagarbhāyāṃ dvitīyāyāṃ tathācamet //

Note:

na pādau dhāvayet kāṃsye lohe vā parikalpite

śaucayet tṛṇa-garbhāyāṃ dvitīyāyāṃ tathā ācamet //

na raktam ulbaṇaṃ vastraṃ dhārayet kusumāni ca

na bahir gandhamālyāni vāsāṃsi malināni ca //

Note:

na raktam ulbaṇaṃ vastraṃ dhārayet kusumāni ca

na bahir gandha-mālyāni vāsāṃsi malināni ca //

keśāsthīni kapālāni kārpāsāsthituṣāṇi ca

amedhyāṅgārabhasmāni nādhitiṣṭhed rajāṃsi ca //

Note:

keśa-asthīni kapālāni kārpāsa-asthi-tuṣāṇi ca

amedhya-aṅgāra-bhasmāni na adhitiṣṭhed rajāṃsi ca //

na ca loṣṭaṃ vimṛdnīyān na ca chindyān nakhais tṛṇam

na pattrapuṣpamūlyāni vaṃśamaṅgalakāṣṭhitām //

Note:

na ca loṣṭaṃ vimṛdnīyān na ca chindyān nakhais tṛṇam

na pattra-puṣpa-mūlyāni vaṃśa-maṅgala-kāṣṭhitām //

evam ādīni cānyāni pāṇibhyāṃ na ca mardayet

na dantakhādanaṃ kuryād romāṇy utpāṭayen na ca //

Note:

evam ādīni ca anyāni pāṇibhyāṃ na ca mardayet

na danta-khādanaṃ kuryād romāṇy utpāṭayen na ca //

na padbhyām ullikhed bhūmiṃ loṣṭakāṣṭhaiḥ kareṇa vā

na nakhāṃś ca nakhair vidhyān na kaṇḍūyen nakhais tanum //

Note:

na padbhyām ullikhed bhūmiṃ loṣṭa-kāṣṭhaiḥ kareṇa vā

na nakhāṃś ca nakhair vidhyān na kaṇḍūyen nakhais tanum //

muhurmuhuḥ śiraḥ śmaśru na spṛśet karajair budhaḥ

na likṣākarṣaṇaṃ kuryād ātmano vā parasya vā //

Note:

muhur-muhuḥ śiraḥ śmaśru na spṛśet karajair budhaḥ

na likṣā-karṣaṇaṃ kuryād ātmano vā parasya vā //

sauvarṇyaraupyatāmraiś ca śṛṅgadantaśalākayā

dehakaṇḍūyanaṃ kāryaṃ vaṃśakāṣṭhīkavīraṇaiḥ(?) //

Note:

sauvarṇya-raupya-tāmraiś ca śṛṅga-danta-śalākayā

deha-kaṇḍūyanaṃ kāryaṃ vaṃśa-kāṣṭhīka-vīraṇaiḥ(?) //

na vicittaṃ prakurvīta diśaś caivāvalokayan

na śokārtaś ca saṃtiṣṭhed dhūtvā pāṇau kapolakam //

Note:

na vicittaṃ prakurvīta diśaś ca eva avalokayan

na śoka-ārtaś ca saṃtiṣṭhed dhūtvā pāṇau kapolakam //

na pāṇipādavākcakṣuḥśrotraśiśnagudodaraiḥ

cāpalāni na kurvīta sa sarvārtham avāpnuyāt //

Note:

na pāṇi-pāda-vāk-cakṣuḥśrotra-śiśna-guda-udaraiḥ

cāpalāni na kurvīta sa sarva-artham avāpnuyāt //

na kuryāt kenacid vairam adhruve jīvite sati

lokakautūhalaṃ pāpaṃ saṃdhyāṃ ca parivarjayet //

Note:

na kuryāt kenacid vairam adhruve jīvite sati

loka-kautūhalaṃ pāpaṃ saṃdhyāṃ ca parivarjayet //

na kudvāreṇa veśmāni nagaraṃ grāmam āviśet

na divā prāvṛtaśirā rātrau prāvṛtya paryaṭet //

Note:

na ku-dvāreṇa veśmāni nagaraṃ grāmam āviśet

na divā prāvṛta-śirā rātrau prāvṛtya paryaṭet //

nātibhramaṇaśīlaḥ syān na viśec ca gṛhād gṛham

na cājñānam adhīyīta śivajñānaṃ samabhyaset //

Note:

na atibhramaṇa-śīlaḥ syān na viśec ca gṛhād gṛham

na ca ajñānam adhīyīta śiva-jñānaṃ samabhyaset //

śivajñānaṃ paraṃ brahma tad ārabhya na saṃtyajet

brahmāsādhya ca yo gacched brahmahā sa prakīrtitaḥ //

Note:

śiva-jñānaṃ paraṃ brahma tad ārabhya na saṃtyajet

brahma asādhya ca yo gacched brahma-hā sa prakīrtitaḥ //

kṛtāñjaliḥ sthitaḥ śiṣyo laghuvastram udaṅmukhaḥ

śivamantraṃ samuccārya prāṅmukho 'dhyāpayed guruḥ //

Note:

kṛta-añjaliḥ sthitaḥ śiṣyo laghu-vastram udaṅ-mukhaḥ

śiva-mantraṃ samuccārya prāṅ-mukho 'dhyāpayed guruḥ //

nāgadantādisaṃbhūtaṃ caturaśraṃ suśobhanam

hemaratnacitaṃ vāpi guror āsanam uttamam //

Note:

nāga-danta-ādi-saṃbhūtaṃ catur-aśraṃ suśobhanam

hema-ratna-citaṃ va āpi guror āsanam uttamam //

na śuśrūṣārthakāmāś ca na ca dharmaḥ pradṛśyate

na bhaktir na yaśaḥ krauryaṃ na tam adhyāpayed guruḥ //

Note:

na śuśrūṣā-artha-kāmāś ca na ca dharmaḥ pradṛśyate

na bhaktir na yaśaḥ krauryaṃ na tam adhyāpayed guruḥ //

devāgnigurugoṣṭhīṣu vyākhyādhyayanasaṃsadi

praśne vāde 'nṛte 'śauce dakṣiṇaṃ bāhum uddharet //

Note:

deva-āgni-guru-goṣṭhīṣu vyākhyā-adhyayana-saṃsadi

praśne vāde 'nṛte 'śauce dakṣiṇaṃ bāhum uddharet //

vaśe satatanamraḥ syāt saṃhṛtyāṅgāni kūrmavat

tatsaṃmukhaṃ ca nirgacchen namaskārapurassaraḥ //

Note:

vaśe satata-namraḥ syāt saṃhṛtya aṅgāni kūrmavat

tat-saṃmukhaṃ ca nirgacchen namas-kāra-puras-saraḥ //

devāgniguruviprāṇāṃ na vrajed antareṇa tu

nārpayen na ca gṛhṇīyāt kiṃcid vastu tadantarā //

Note:

deva-agni-guru-viprāṇāṃ na vrajed antareṇa tu

na arpayen na ca gṛhṇīyāt kiṃcid vastu tad-antarā //

na mukhena dhamed agniṃ nādhaḥkuryān na laṅghayet

na kṣiped aśuciṃ vahnau na ca pādau pratāpayet //

Note:

na mukhena dhamed agniṃ na adhaḥ-kuryān na laṅghayet

na kṣiped aśuciṃ vahnau na ca pādau pratāpayet //

tṛṇakāṣṭhādigahane jantubhiś ca samākule

sthāne na dīpayed agniṃ dīptaṃ cāpi tataḥ kṣipet //

Note:

tṛṇa-kāṣṭha-ādi-gahane jantubhiś ca samākule

sthāne na dīpayed agniṃ dīptaṃ ca api tataḥ kṣipet //

agniṃ yugapad ānīya dhārayeta prayatnataḥ

jvalantaṃ na pradīpaṃ ca svayaṃ nirvāpayed budhaḥ //

Note:

agniṃ yuga-pad ānīya dhārayeta prayatnataḥ

jvalantaṃ na pradīpaṃ ca svayaṃ nirvāpayed budhaḥ //

śivavratadharaṃ dṛṣṭvā samutthāya sadā drutam

śivo 'yam iti saṃkalpya harṣitaḥ praṇamet tataḥ //

Note:

śiva-vrata-dharaṃ dṛṣṭvā samutthāya sadā drutam

śivo 'yam iti saṃkalpya harṣitaḥ praṇamet tataḥ //

bhogān dadāti vipulān liṅge saṃpūjitaḥ śivaḥ

agnau ca vividhāṃ siddhiṃ gurau muktiṃ prayacchati //

Note:

bhogān dadāti vipulān liṅge saṃpūjitaḥ śivaḥ

agnau ca vividhāṃ siddhiṃ gurau muktiṃ prayacchati //

mokṣārthaṃ pūjayet tasmād gurumūrtistham īśvaram

gurubhaktyā labhej jñānaṃ jñānān muktim avāpnuyāt //

Note:

mokṣa-arthaṃ pūjayet tasmād guru-mūrti-stham īśvaram

guru-bhaktyā labhej jñānaṃ jñānān muktim avāpnuyāt //

sarvaparvasu yatnena hy eṣu saṃpūjayec chivam

kuryād āyatane śobhāṃ gurusthāneṣu sarvataḥ //

Note:

sarva-parvasu yatnena hy eṣu saṃpūjayec chivam

kuryād āyatane śobhāṃ guru-sthāneṣu sarvataḥ //

naradvayocchrite pīṭhe sarvaśobhāsamanvite

saṃsthāpya maṇijaṃ liṅgaṃ sthāne kuryāj jagaddhitam //

Note:

nara-dvaya-ucchrite pīṭhe sarva-śobhā-samanvite

saṃsthāpya maṇijaṃ liṅgaṃ sthāne kuryāj jagad-dhitam //

annapānaviśeṣaiś ca naivedyam upakalpayet

bhojayed vratinaś cātra svaguruṃ ca viśeṣataḥ //

Note:

anna-pāna-viśeṣaiś ca naivedyam upakalpayet

bhojayed vratinaś ca atra sva-guruṃ ca viśeṣataḥ //

pūjayec ca śivajñānaṃ vācayīta ca parvasu

darśayec chivabhaktebhyaḥ satpūjāṃ parikalpitām //

Note:

pūjayec ca śiva-jñānaṃ vācayīta ca parvasu

darśayec chiva-bhaktebhyaḥ sat-pūjāṃ parikalpitām //

priyaṃ brūyāt sadā tebhyaḥ pradeyaṃ cāpi śaktitaḥ

evaṃ kṛte viśeṣeṇa prasīdati maheśvaraḥ //

Note:

priyaṃ brūyāt sadā tebhyaḥ pradeyaṃ ca api śaktitaḥ

evaṃ kṛte viśeṣeṇa prasīdati maha-īśvaraḥ //

chinnaṃ bhinnaṃ mṛtaṃ naṣṭaṃ vardhate nāsti kevalam

ity ādyān na vadec chabdān sākṣād brūyāt tu maṅgalam //

Note:

chinnaṃ bhinnaṃ mṛtaṃ naṣṭaṃ vardhate na asti kevalam

ity ādyān na vadec chabdān sākṣād brūyāt tu maṅgalam //

adhenuṃ dhenum ity eva brūyād bhadram abhadrakam

kapālaṃ ca bhagālaṃ syāt paramaṃ maṅgalaṃ vadet //

Note:

adhenuṃ dhenum ity eva brūyād bhadram abhadrakam

kapālaṃ ca bhagālaṃ syāt paramaṃ maṅgalaṃ vadet //

aindraṃ dhanur maṇidhanur dāhakāṣṭhādi candanam

svaryātaṃ ca mṛtaṃ brūyāc chivībhūtaṃ ca yoginam //

Note:

aindraṃ dhanur maṇi-dhanur dāha-kāṣṭha-ādi candanam

svar-yātaṃ ca mṛtaṃ brūyāc chivī-bhūtaṃ ca yoginam //

dvidhābhūtaṃ vadec chinnaṃ bhinnaṃ ca bahudhā sthitam

naṣṭam anveṣaṇīyaṃ ca riktaṃ pūrṇābhivardhitam //

Note:

dvidhā-bhūtaṃ vadec chinnaṃ bhinnaṃ ca bahudhā sthitam

naṣṭam anveṣaṇīyaṃ ca riktaṃ pūrṇa-abhivardhitam //

nāstīti śobhanaṃ sarvam ādyam aṅgābhivardhanam

siddhimad brūhi gacchantaṃ suptaṃ brūyāt pravardhitam //

Note:

na asti iti śobhanaṃ sarvam ādyam aṅga-abhivardhanam

siddhimad brūhi gacchantaṃ suptaṃ brūyāt pravardhitam //

na mlecchamūrkhapatitaiḥ krūraiḥ saṃtāpavedibhiḥ

durjanair avaliptaiś ca kṣudraiḥ saha na saṃvadet //

Note:

na mleccha-mūrkha-patitaiḥ krūraiḥ saṃtāpa-vedibhiḥ

durjanair avaliptaiś ca kṣudraiḥ saha na saṃvadet //

nādhārmikanṛpākrānte na daṃśamaśakāvṛte

nātiśītajalākīrṇe deśe rogaprade vaset //

Note:

na adhārmika-nṛpa-ākrānte na daṃśa-maśaka-āvṛte

na atiśīta-jala-ākīrṇe deśe roga-prade vaset //

nāsanaṃ śayanaṃ pānaṃ namaskārābhivādanam

sopānatkaḥ prakurvīta śivapustakavācanam //

Note:

nā asanaṃ śayanaṃ pānaṃ namas-kāra-abhivādanam

sa-upānatkaḥ prakurvīta śiva-pustaka-vācanam //

ācāryaṃ daivataṃ tīrtham uddhūtodaṃ mṛdaṃ dadhi

vaṭam aśvatthakapilāṃ dīkṣitodadhisaṃgamam //

Note:

ācāryaṃ daivataṃ tīrtham uddhūta-udaṃ mṛdaṃ dadhi

vaṭam aśvattha-kapilāṃ dīkṣita-udadhi-saṃgamam //

yāni caiṣāṃ prakārāṇi maṅgalānīha kānicit

śivāyeti namaskṛtvā proktam etat pradakṣiṇam //

Note:

yāni ca eṣāṃ prakārāṇi maṅgalāni iha kānicit

śivāya iti namas-kṛtvā proktam etat pradakṣiṇam //

upānacchattravastrāṇi pavitraṃ karakaṃ srajam

āsanaṃ śayanaṃ pānaṃ dhṛtam anyair na dhārayet //

Note:

upānac-chattra-vastrāṇi pavitraṃ karakaṃ srajam

āsanaṃ śayanaṃ pānaṃ dhṛtam anyair na dhārayet //

pālāśam āsanaṃ śayyāṃ pāduke dantadhāvanam

varjayec cāpi niryāsaṃ raktaṃ na tu samudbhavam //

Note:

pālāśam āsanaṃ śayyāṃ pāduke danta-dhāvanam

varjayec ca api niryāsaṃ raktaṃ na tu samudbhavam //

saṃdhyām upāsya kurvīta nityaṃ dehaprasādhanam

spṛśed vandec ca kapilāṃ pradadyāc ca gavāṃ hitam //

Note:

saṃdhyām upāsya kurvīta nityaṃ deha-prasādhanam

spṛśed vandec ca kapilāṃ pradadyāc ca gavāṃ hitam //

yaḥ pradadyād gavāṃ samyak phalāni ca viśeṣataḥ

kṣetram uddāmayec cāpi tasya puṇyaphalaṃ śṛṇu //

Note:

yaḥ pradadyād gavāṃ samyak phalāni ca viśeṣataḥ

kṣetram uddāmayec ca api tasya puṇya-phalaṃ śṛṇu //

yāvat tatpattrakusumakandamūlaphalāni ca

tāvadvarṣasahasrāṇi śivaloke mahīyate //

Note:

yāvat tat-pattra-kusumakanda-mūla-phalāni ca

tāvad-varṣa-sahasrāṇi śiva-loke mahīyate //

kṛśarogārtavṛddhānāṃ tyaktānāṃ nirjane vane

kṣutpipāsāturāṇāṃ ca gavāṃ vihvalacetasām //

Note:

kṛśa-roga-ārta-vṛddhānāṃ tyaktānāṃ nirjane vane

kṣut-pipāsa-āturāṇāṃ ca gavāṃ vihvala-cetasām //

nītvā yas tṛṇatoyāni vane yatnāt prayacchati

karoti ca paritrāṇaṃ tasya puṇyaphalaṃ śṛṇu //

Note:

nītvā yas tṛṇa-toyāni vane yatnāt prayacchati

karoti ca paritrāṇaṃ tasya puṇya-phalaṃ śṛṇu //

kulaikaviṃśakopetaḥ patnīputrādisaṃyutaḥ

mitrabhṛtyair upetaś ca śrīmacchivapuraṃ vrajet //

Note:

kula-eka-viṃśaka-upetaḥ patnī-putra-ādi-saṃyutaḥ

mitra-bhṛtyair upetaś ca śrīmac-chiva-puraṃ vrajet //

tatra bhuktvā mahābhogān vimānaiḥ sārvakāmikaiḥ

sa mahāpralayaṃ yāvat tadante muktim āpnuyāt //

Note:

tatra bhuktvā mahā-bhogān vimānaiḥ sārva-kāmikaiḥ

sa mahā-pralayaṃ yāvat tad-ante muktim āpnuyāt //

gobrāhmaṇaparitrāṇaṃ sakṛt kṛtvā prayatnataḥ

mucyate pañcabhir ghorair mahadbhiḥ pātakair drutam //

Note:

go-brāhmaṇa-paritrāṇaṃ sakṛt kṛtvā prayatnataḥ

mucyate pañcabhir ghorair mahadbhiḥ pātakair drutam //

ahiṃsā satyam asteyaṃ brahmacaryam akalkatā

akrodho guruśuśrūṣā śaucaṃ saṃtoṣam ārjavam //

Note:

ahiṃsā satyam asteyaṃ brahma-caryam akalkatā

akrodho guru-śuśrūṣā śaucaṃ saṃtoṣam ārjavam //

ahiṃsādyā yamāḥ pañca yatīnāṃ parikīrtitāḥ

akrodhādyāś ca niyamāḥ siddhivṛddhikarāḥ smṛtāḥ //

Note:

ahiṃsā-ādyā yamāḥ pañca yatīnāṃ parikīrtitāḥ

akrodha-ādyāś ca niyamāḥ siddhi-vṛddhi-karāḥ smṛtāḥ //

daśalākṣaṇiko dharmaḥ śivācāraḥ prakīrtitaḥ

yogīndrāṇāṃ viśeṣeṇa śivayogaprasiddhaye //

Note:

daśa-lākṣaṇiko dharmaḥ śiva-ācāraḥ prakīrtitaḥ

yogi-indrāṇāṃ viśeṣeṇa śiva-yoga-prasiddhaye //

na vindati naro yogaṃ putradārādisaṃgataḥ

nibaddhaḥ snehapāśena mohastambhabalīyasā //

Note:

na vindati naro yogaṃ putra-dārā-ādi-saṃgataḥ

nibaddhaḥ sneha-pāśena moha-stambha-balīyasā //

mohāt kuṭumbasaṃsaktas tṛṣṇayā śṛṅkhalīkṛtaḥ

bālair baddhas tu loko 'yaṃ musalenābhihanyate //

Note:

mohāt kuṭumba-saṃsaktas tṛṣṇayā śṛṅkhalī-kṛtaḥ

bālair baddhas tu loko 'yaṃ musalena abhihanyate //

ime bālāḥ kathaṃ tyājyā jīviṣyanti mayā vinā

mohād dhi cintayaty evaṃ paramārthau na paśyati //

Note:

ime bālāḥ kathaṃ tyājyā jīviṣyanti mayā vinā

mohād dhi cintayaty evaṃ parama-arthau na paśyati //

saṃparkād udare nyastaḥ śukrabindur acetanaḥ

sa pitrā kena yatnena garbhasthaḥ paripālitaḥ //

Note:

saṃparkād udare nyastaḥ śukra-bindur acetanaḥ

sa pitrā kena yatnena garbha-sthaḥ paripālitaḥ //

karkaśāḥ kaṭhinā bhakṣā jīryante yatra bhakṣitāḥ

tasminn evodare śukraṃ kiṃ na jīryati bhakṣyavat //

Note:

karkaśāḥ kaṭhinā bhakṣā jīryante yatra bhakṣitāḥ

tasminn eva udare śukraṃ kiṃ na jīryati bhakṣyavat //

yenaitad yojitaṃ garbhe yena caiva vivardhitam

tenaiva nirgatṃ bhūyaḥ karmaṇā svena pālyate //

Note:

yena etad yojitaṃ garbhe yena ca eva vivardhitam

tena eva nirgatṃ bhūyaḥ karmaṇā svena pālyate //

na kaścit kasyacit putraḥ pitā mātā na kasyacit

yat svayaṃ prāktanaṃ karma pitā māteti tat smṛtam //

Note:

na kaścit kasyacit putraḥ pitā mātā na kasyacit

yat svayaṃ prāktanaṃ karma pitā māta īti tat smṛtam //

yena yatra kṛtaṃ karma sa tatraiva prajāyate

pitarau cāsya dāsatvaṃ kurutas tatpracoditau //

Note:

yena yatra kṛtaṃ karma sa tatra eva prajāyate

pitarau ca asya dāsatvaṃ kurutas tat-pracoditau //

na kaścit kasyacic chaktaḥ kartuṃ duḥkhaṃ sukhāni ca

karoti prāktanaṃ karma mohāl lokasya kevalam //

Note:

na kaścit kasyacic chaktaḥ kartuṃ duḥkhaṃ sukhāni ca

karoti prāktanaṃ karma mohāl lokasya kevalam //

karmadāyādasaṃbandhād upakāraḥ parasparam

dṛśyate nāpakāraś ca mohenātmani manyate //

Note:

karma-dāya-āda-saṃbandhād upakāraḥ paras-param

dṛśyate na apakāraś ca mohenā atmani manyate //

īśvarādhiṣṭhitaṃ karma phalatīha śubhāśubham

grāmasvāmiprasādena sukṛtaṃ karṣaṇaṃ yathā //

Note:

īśvara-adhiṣṭhitaṃ karma phalati iha śubha-aśubham

grāma-svāmi-prasādena sukṛtaṃ karṣaṇaṃ yathā //

dvayaṃ devatvamokṣāya mameti na mameti ca

mameti badhyate jantur na mameti vimucyate //

Note:

dvayaṃ devatva-mokṣāya mama iti na mama iti ca

mama iti badhyate jantur na mama iti vimucyate //

dvyakṣaraṃ ca bhaven mṛtyus tryakṣaraṃ brahma śāśvatam

mameti dvyakṣaraṃ mṛtyus tryakṣaraṃ na mameti ca //

Note:

dvy-akṣaraṃ ca bhaven mṛtyus try-akṣaraṃ brahma śāśvatam

mama iti dvy-akṣaraṃ mṛtyus try-akṣaraṃ na mama iti ca //

tasmād ātmany ahaṃkāram utsṛjya pravicārataḥ

vidhūyāśeṣasaṅgāṃś ca mokṣopāyaṃ vicintayet //

Note:

tasmād ātmany ahaṃ-kāram utsṛjya pravicārataḥ

vidhūya aśeṣa-saṅgāṃś ca mokṣa-upāyaṃ vicintayet //

jñānād yogaparikleśaṃ kuprāvaraṇabhojanam

kucaryāṃ kunivāsaṃ ca mokṣārthī na vicintayet //

Note:

jñānād yoga-parikleśaṃ kuprāvaraṇa-bhojanam

kucaryāṃ kunivāsaṃ ca mokṣa-arthī na vicintayet //

na duḥkhena vinā saukhyaṃ dṛśyate sarvadehinām

duḥkhaṃ tanmātrakaṃ jñeyaṃ sukham ānantyam uttamam //

Note:

na duḥkhena vinā saukhyaṃ dṛśyate sarva-dehinām

duḥkhaṃ tan-mātrakaṃ jñeyaṃ sukham ānantyam uttamam //

sevāyāṃ pāśupālye ca vānijye kṛṣikarmaṇi

tulye sati parikleśe varaṃ kleśo vimuktaye //

Note:

sevāyāṃ pāśupālye ca vānijye kṛṣi-karmaṇi

tulye sati parikleśe varaṃ kleśo vimuktaye //

svargāpavargayor ekaṃ yaḥ śīghraṃ na prasādhayet

yāti tenaiva dehena sa mṛtas tapyate ciram //

Note:

svarga-apavargayor ekaṃ yaḥ śīghraṃ na prasādhayet

yāti tena eva dehena sa mṛtas tapyate ciram //

yad avaśyaṃ parādhīnais tyajanīyaṃ śarīrakam

kasmāt tena vimūḍhātmā na sādhayati śāśvatam //

Note:

yad avaśyaṃ parādhīnais tyajanīyaṃ śarīrakam

kasmāt tena vimūḍha-ātmā na sādhayati śāśvatam //

yauvanasthā gṛhasthāś ca prāsādasthāś ca ye nṛpāḥ

sarva eva viśīryante śuṣkasnigdhānnabhojanāḥ //

Note:

yauvana-sthā gṛha-sthāś ca prāsāda-sthāś ca ye nṛpāḥ

sarva eva viśīryante śuṣka-snigdha-anna-bhojanāḥ //

anekadoṣaduṣṭasya dehasyaiko mahān guṇah

yāṃ yām avasthām āpnoti tāṃ tām evānuvartate //

Note:

aneka-doṣa-duṣṭasya dehasya-eko mahān guṇah

yāṃ yām avasthām āpnoti tāṃ tām eva anuvartate //

mandaṃ pariharan karma svadeham anupālayet

varṣāsu jīrṇakaṭavat tiṣṭhann apy avasīdati //

Note:

mandaṃ pariharan karma sva-deham anupālayet

varṣāsu jīrṇa-kaṭavat tiṣṭhann apy avasīdati //

na te 'tra dehinaḥ santi ye tiṣṭhanti suniścalāḥ

sarve kurvanti karmāṇi vikṛśāḥ pūrvakarmabhiḥ //

Note:

na te 'tra dehinaḥ santi ye tiṣṭhanti suniścalāḥ

sarve kurvanti karmāṇi vikṛśāḥ pūrva-karmabhiḥ //

tulye saty api kartavye varaṃ karma kṛtaṃ param

yaḥ kṛtvā na punaḥ kuryān nānākarma śubhāśubham //

Note:

tulye saty api kartavye varaṃ karma kṛtaṃ param

yaḥ kṛtvā na punaḥ kuryān nānā-karma śubha-aśubham //

tasmād antarbahiścintām anekākārasaṃsthitām

saṃtyajyātmahitārthāya svādhyāyadhyānam abhyaset //

Note:

tasmād antar-bahiś-cintām aneka-ākāra-saṃsthitām

saṃtyajyā atma-hita-arthāya sva-adhyāya-dhyānam abhyaset //

vivikte vijane ramye puṣpāśramavibhūṣite

sthānaṃ kṛtvā śivasthāne dhyāyec chāntaṃ paraṃ śivam //

Note:

vivikte vijane ramye puṣpa-āśrama-vibhūṣite

sthānaṃ kṛtvā śiva-sthāne dhyāyec chāntaṃ paraṃ śivam //

ye 'tiramyāṇy araṇyāni sujalāni śivāni tu

vihāyābhiratā grāme prāyas te daivamohitāḥ //

Note:

ye 'tiramyāṇy araṇyāni sujalāni śivāni tu

vihāya abhiratā grāme prāyas te daiva-mohitāḥ //

vivekinaḥ praśāntasya yat sukhaṃ dhyāyataḥ śivam

na tat sukhaṃ mahendrasya brahmaṇaḥ keśavasya vā //

Note:

vivekinaḥ praśāntasya yat sukhaṃ dhyāyataḥ śivam

na tat sukhaṃ mahā-indrasya brahmaṇaḥ keśavasya vā //

iti nāmāmṛtaṃ divyaṃ mahākālād avāptavān

vistareṇānupūrvāc ca ṛṣyātreyaḥ(?) suniścitam //

Note:

iti nāma-amṛtaṃ divyaṃ mahā-kālād avāptavān

vistareṇa anupūrvāc ca ṛṣy-ātreyaḥ(?) suniścitam //

prajñām athā vinirmathya(?) śivajñānamahodadhim

ṛṣyātreyaḥ samuddhṛtya prāhedam aṇumātrakam //

Note:

prajñām athā vinirmathya(?) śiva-jñāna-mahā-udadhim

ṛṣy-ātreyaḥ samuddhṛtya prāha idam aṇu-mātrakam //

śivadharme mahāśāstre śivadharmasya cottare

yad anuktaṃ bhavet kiṃcit tad atra parikīrtitam //

Note:

śiva-dharme mahā-śāstre śiva-dharmasya ca uttare

yad anuktaṃ bhavet kiṃcit tad atra parikīrtitam //

tridaivatyam idaṃ śāstraṃ munīndrātreyabhāṣitam

tiryaṅmanujadevānāṃ sarveṣāṃ ca vimuktidam //

Note:

tri-daivatyam idaṃ śāstraṃ muni-indra-ātreya-bhāṣitam

tiryaṅ-manuja-devānāṃ sarveṣāṃ ca vimukti-dam //

nandiskandamahākālās trayo devāḥ prakīrtitāḥ

candrātreyas tathātriś ca ṛṣy ātreyo munitrayam //

Note:

nandi-skanda-mahākālās trayo devāḥ prakīrtitāḥ

candra-atreyas tatha ātriś ca ṛṣy ātreyo muni-trayam //

etair mahātmabiḥ proktāḥ śivadharmāḥ samāsataḥ

sarvalokopakārārthaṃ namas tebhyaḥ sadā namaḥ //

Note:

etair mahā-ātmabiḥ proktāḥ śiva-dharmāḥ samāsataḥ

sarva-loka-upakāra-arthaṃ namas tebhyaḥ sadā namaḥ //

teṣāṃ śiṣyapraśiṣyaiś ca śivadharmapravaktṛbhiḥ

vyāptaṃ jñānasaraḥ śārvaṃ vikacair iva paṅkajaiḥ //

Note:

teṣāṃ śiṣya-praśiṣyaiś ca śiva-dharma-pravaktṛbhiḥ

vyāptaṃ jñāna-saraḥ śārvaṃ vikacair iva paṅkajaiḥ //

ye śrāvayanti satataṃ śivadharmaṃ śivārthinām

te rudrās te munīndrāś ca te namasyāḥ svabhaktitaḥ //

Note:

ye śrāvayanti satataṃ śiva-dharmaṃ śiva-arthinām

te rudrās te muni-indrāś ca te namasyāḥ sva-bhaktitaḥ //

ye samutthāya śṛṇvanti śivadharmaṃ dine dine

te rudrā rudralokeśā na te prakṛtimānuṣāḥ //

Note:

ye samutthāya śṛṇvanti śiva-dharmaṃ dine dine

te rudrā rudra-loka-īśā na te prakṛti-mānuṣāḥ //

śivopaniṣadaṃ hy etad adhyāyaiḥ saptabhiḥ smṛtam

ṛṣyātreyasagotreṇa muninā hitakāmyayā //

Note:

śiva-upaniṣadaṃ hy etad adhyāyaiḥ saptabhiḥ smṛtam

ṛṣy-ātreya-sagotreṇa muninā hita-kāmyayā //

// iti śivopaniṣadi śivācārādhyāyaḥ saptamaḥ //

// iti śivopaniṣat samāptā //

This e-text was provided to GRETIL in good faith that no copyright rights have been infringed. If anyone wishes to assert copyright over this file, please contact the GRETIL management at
gretil(at)sub(dot)uni-goettingen(dot)de. The file will be immediately removed pending resolution of the claim.

Distributed under a Creative Commons Attribution-NonCommercial-ShareAlike 4.0 International License.

Notes: Distributed under a Creative Commons Attribution-NonCommercial-ShareAlike 4.0 International License (https://creativecommons.org/licenses/by-nc-sa/4.0/)
Holder of rights: Göttingen Register of Electronic Texts in Indian Languages (GRETIL), SUB Göttingen

Citation Suggestion for this Object: TextGrid Repository (2022). 1_sanskr. tei. sa_zivopaniSad. GRETIL. Göttingen Register of Electronic Texts in Indian Languages (GRETIL), SUB Göttingen. https://hdl.handle.net/21.T11991/0000-001C-9492-5