ādīśvarāya praṇanāmi tasmai $
yenopadiṣṭā haṭhayogavidyā &
virājate pronnatarājayogam %
āroḍhum icchor adhirohiṇīva //
Note:
ādi-īśvarāya praṇanāmi tasmai $
yena upadiṣṭā haṭha-yoga-vidyā &
virājate pronnata-rāja-yogam %
āroḍhum icchor adhirohiṇi īva //
ekadā caṇḍakāpālir gatvā gheraṇḍakuṭṭiram
praṇamya vinayād bhaktyā gheraṇḍaṃ paripṛcchhati //
Note:
ekadā caṇḍakāpālir gatvā gheraṇḍa-kuṭṭiram
praṇamya vinayād bhaktyā gheraṇḍaṃ paripṛcchhati //
ghaṭasthayogaṃ yogeśa tattvajñānasya kāraṇam
idānīṃ śrotum icchāmi yogeśvara vada prabho //
Note:
ghaṭa-stha-yogaṃ yoga-īśa tattva-jñānasya kāraṇam
idānīṃ śrotum icchāmi yoga-īśvara vada prabho //
sādhu sādhu mahābāho yan māṃ tvaṃ paripṛcchasi
kathayāmi hi te tattvaṃ sāvadhāno 'vadhāraya //
Note:
sādhu sādhu mahā-bāho yan māṃ tvaṃ paripṛcchasi
kathayāmi hi te tattvaṃ sa-avadhāno 'vadhāraya //
nāsti māyāsamaḥ pāśo nāsti yogāt paraṃ balam
na hi jñānāt paro bandhur nāhaṃkārāt paro ripuḥ //
Note:
na asti māyā-samaḥ pāśo na asti yogāt paraṃ balam
na hi jñānāt paro bandhur na ahaṃ-kārāt paro ripuḥ //
abhyāsāt kādivarṇāder yathā śāstrāṇi bodhayet
tathā yogaṃ samāsādya tattvajñānaṃ ca labhyate //
Note:
abhyāsāt ka-ādi-varṇa-āder yathā śāstrāṇi bodhayet
tathā yogaṃ samāsādya tattva-jñānaṃ ca labhyate //
sukṛtair duṣkṛtaiḥ kāryair jāyate prāṇināṃ ghaṭaḥ
ghaṭād utpadyate karma ghaṭayantraṃ yathā bhramet //
Note:
sukṛtair duṣ-kṛtaiḥ kāryair jāyate prāṇināṃ ghaṭaḥ
ghaṭād utpadyate karma ghaṭa-yantraṃ yathā bhramet //
ūrdhvādho bhramate yadvad ghaṭayantraṃ gavāṃ vaśāt
tadvat karmavaśāj jīvo bhramate janmamṛtyunā //
Note:
ūrdhva-adho bhramate yadvad ghaṭa-yantraṃ gavāṃ vaśāt
tadvat karma-vaśāj jīvo bhramate janma-mṛtyunā //
āmakumbha ivāmbhaḥstho jīryamāṇaḥ sadā ghaṭaḥ
yogānalena saṃdahya ghaṭaśuddhiṃ samācaret //
Note:
āma-kumbha iva ambhaḥ-stho jīryamāṇaḥ sadā ghaṭaḥ
yoga-analena saṃdahya ghaṭa-śuddhiṃ samācaret //
śodhanaṃ dṛḍhatā caiva sthairyaṃ dhairyaṃ ca lāghavam
pratyakṣaṃ ca nirliptaṃ ca ghatasthaṃ saptasādhanam //
Note:
śodhanaṃ dṛḍhatā ca eva sthairyaṃ dhairyaṃ ca lāghavam
praty-akṣaṃ ca nirliptaṃ ca ghata-sthaṃ sapta-sādhanam //
ṣaṭkarmaṇā śodhanaṃ ca āsanena bhaved dṛḍham
mudrayā sthiratā caiva pratyāhāreṇa dhairyatā //
Note:
ṣaṭ-karmaṇā śodhanaṃ ca āsanena bhaved dṛḍham
mudrayā sthiratā ca eva pratyāhāreṇa dhairyatā //
prāṇāyāmāl lāghavaṃ ca dhyānāt pratyakṣam ātmani
samādhinā nirliptaṃ ca muktir eva na saṃśayaḥ //
Note:
prāṇa-āyāmāl lāghavaṃ ca dhyānāt praty-akṣam ātmani
samādhinā nirliptaṃ ca muktir eva na saṃśayaḥ //
dhautir vastis tathā netir laulikī trāṭakaṃ tathā
kapālabhātiś caitāni ṣaṭkarmāṇi samācaret //
Note:
dhautir vastis tathā netir laulikī trāṭakaṃ tathā
kapālabhātiś ca etāni ṣaṭ-karmāṇi samācaret //
antardhautir dantadhautir hṛddhautir mūlaśodhanam
dhautyaś caturvidhā proktā ghaṭaṃ kurvanti nirmalam //
Note:
antar-dhautir danta-dhautir hṛd-dhautir mūla-śodhanam
dhautyaś catur-vidhā proktā ghaṭaṃ kurvanti nir-malam //
vātasāraṃ vārisāraṃ vahnisāraṃ bahiṣkṛtam
ghaṭasya nirmalārthāya hy antardhautiś caturvidhā //
Note:
vāta-sāraṃ vāri-sāraṃ vahni-sāraṃ bahiṣ-kṛtam
ghaṭasya nir-mala-arthāya hy antar-dhautiś catur-vidhā //
kākacañcūvad āsyena pibed vāyuṃ śanaiḥ śanaiḥ
cālayed udaraṃ paścād vartmanā recayec chanaiḥ //
Note:
kāka-cañcūvad āsyena pibed vāyuṃ śanaiḥ śanaiḥ
cālayed udaraṃ paścād vartmanā recayec chanaiḥ //
vātasāraṃ paraṃ gopyaṃ dehanirmalakārakam
sarvarogakṣayakaraṃ dehānalavivardhakam //
Note:
vāta-sāraṃ paraṃ gopyaṃ deha-nir-mala-kārakam
sarva-roga-kṣaya-karaṃ deha-anala-vivardhakam //
ākaṇṭhaṃ pūrayed vāri vaktreṇa ca pibec chanaiḥ
cālayed udareṇaiva codarād recayed adhaḥ //
Note:
ā-kaṇṭhaṃ pūrayed vāri vaktreṇa ca pibec chanaiḥ
cālayed udareṇa eva ca udarād recayed adhaḥ //
vārisāraṃ paraṃ gopyaṃ dehanirmalakārakam
sādhayed yaḥ prayatnena devadehaṃ prapadyate //
Note:
vāri-sāraṃ paraṃ gopyaṃ deha-nir-mala-kārakam
sādhayed yaḥ prayatnena deva-dehaṃ prapadyate //
vārisāraṃ parāṃ dhautiṃ sādhayed yaḥ prayatnataḥ
maladehaṃ śodhayitvā devadehaṃ prapadyate //
Note:
vāri-sāraṃ parāṃ dhautiṃ sādhayed yaḥ prayatnataḥ
mala-dehaṃ śodhayitvā deva-dehaṃ prapadyate //
nābhigranthiṃ merupṛṣṭhe śatavāraṃ ca kārayet
udarāmayajaṃ tyaktvā jāṭharāgniṃ vivardhayet
vahnisāram iyaṃ dhautir yogināṃ yogasiddhidā //
Note:
nābhi-granthiṃ meru-pṛṣṭhe śata-vāraṃ ca kārayet
udara-āmaya-jaṃ tyaktvā jāṭhara-agniṃ vivardhayet
vahni-sāram iyaṃ dhautir yogināṃ yoga-siddhi-dā //
eṣā dhautiḥ parā gopyā na prakāśyā kadācana
kevalaṃ dhautimātreṇa devadeho bhaved dhruvam //
Note:
eṣā dhautiḥ parā gopyā na prakāśyā kadā-cana
kevalaṃ dhauti-mātreṇa deva-deho bhaved dhruvam //
kākīmudrāṃ sādhayitvā pūrayed udaraṃ mahat
dhārayed ardhayāmaṃ tu cālayed adhavartmanā
eṣā dhautiḥ parā gopyā na prakāśyā kadācana //
Note:
kākī-mudrāṃ sādhayitvā pūrayed udaraṃ mahat
dhārayed ardhayāmaṃ tu cālayed adha-vartmanā
eṣā dhautiḥ parā gopyā na prakāśyā kadā-cana //
nābhimagnajale sthitvā śaktināḍīṃ vimarjayet
kārābhyāṃ kṣālayen nāḍīṃ yāvan malavisarjanam //
Note:
nābhi-magna-jale sthitvā śakti-nāḍīṃ vimarjayet
kārābhyāṃ kṣālayen nāḍīṃ yāvan mala-visarjanam //
tāvat prakṣālya nāḍīṃ ca udare veśayet punaḥ
idaṃ prakṣālanaṃ gopyaṃ devānām api durlabham
kevalaṃ dhautimātreṇa devadeho bhaved dhruvam //
Note:
tāvat prakṣālya nāḍīṃ ca udare veśayet punaḥ
idaṃ prakṣālanaṃ gopyaṃ devānām api dur-labham
kevalaṃ dhauti-mātreṇa deva-deho bhaved dhruvam //
yām ārdhadhāraṇāśaktiṃ yāvan na sādhayen naraḥ
bahiṣkṛtaṃ mahādhautī tāvan naiva tu jāyate //
Note:
yām ārdha-dhāraṇā-śaktiṃ yāvan na sādhayen naraḥ
bahiṣ-kṛtaṃ mahā-dhautī tāvan na eva tu jāyate //
dantamūlaṃ jihvāmūlaṃ randhraṃ ca karṇayugmayoḥ
kapālarandhraṃ pañceti dantadhautirvidhīyate //
Note:
danta-mūlaṃ jihvā-mūlaṃ randhraṃ ca karṇa-yugmayoḥ
kapāla-randhraṃ pañca iti dantadhautirvidhīyate //
khadireṇa rasenātha mṛttikayā ca śuddhayā
mārjayed dantamūlaṃ ca yāvat kilbiṣam āharet //
Note:
khadireṇa rasena atha mṛttikayā ca śuddhayā
mārjayed danta-mūlaṃ ca yāvat kilbiṣam āharet //
dantamūlaṃ parā dhautir yogināṃ yogasādhane
nityaṃ kuryāt prabhāte ca dantarakṣāya yogavit
dantamūlaṃ dhāraṇādikāryeṣu yogināṃ yataḥ //
Note:
danta-mūlaṃ parā dhautir yogināṃ yoga-sādhane
nityaṃ kuryāt prabhāte ca danta-rakṣāya yoga-vit
danta-mūlaṃ dhāraṇā-ādi-kāryeṣu yogināṃ yataḥ //
athātaḥ saṃpravakṣyāmi jihvāśodhanakāraṇam
jarāmaraṇarogādīn nāśayed dīrghalambikā //
Note:
atha ataḥ saṃpravakṣyāmi jihvā-śodhana-kāraṇam
jarā-maraṇa-roga-ādīn nāśayed dīrgha-lambikā //
tarjanīmadhyamānāmā aṅgulitrayayogataḥ
veśayed galamadhye tu mārjayel lambikāmalam
śanaiḥ śanair mārjayitvā kaphadoṣaṃ nivārayet //
Note:
tarjanī-madhyamā-nāmā aṅguli-traya-yogataḥ
veśayed gala-madhye tu mārjayel lambikā-malam
śanaiḥ śanair mārjayitvā kapha-doṣaṃ nivārayet //
mārjayen navanītena dohayec ca punaḥ punaḥ
tadagraṃ lauhayantreṇa karṣayitvā punaḥ punaḥ //
Note:
mārjayen navanītena dohayec ca punaḥ punaḥ
tad-agraṃ lauha-yantreṇa karṣayitvā punaḥ punaḥ //
nityaṃ kuryāt prayatnena raver udayake 'stake
evaṃ kṛte tu nitye ca lambikā dīrghatāṃ gatā //
Note:
nityaṃ kuryāt prayatnena raver udayake 'stake
evaṃ kṛte tu nitye ca lambikā dīrghatāṃ gatā //
tarjanyaṅgulyagrayogān mārjayet karṇarandhrayoḥ
nityam abhyāsayogena nādāntaraṃ prakāśanam //
Note:
tarjany--aṅguly-agra-yogān mārjayet karṇa-randhrayoḥ
nityam abhyāsa-yogena nāda-antaraṃ prakāśanam //
vṛddhāṅguṣṭhena dakṣeṇa mardayed bhālarandhrakam
evam abhyāsayogena kaphadoṣaṃ nivārayet //
Note:
vṛddha-aṅguṣṭhena dakṣeṇa mardayed bhāla-randhrakam
evam abhyāsa-yogena kapha-doṣaṃ nivārayet //
nāḍī nirmalatāṃ yāti divyadṛṣṭiḥ prajāyate
nidrānte bhojanānte ca divānte ca dine dine //
Note:
nāḍī nir-malatāṃ yāti divya-dṛṣṭiḥ prajāyate
nidrā-ante bhojana-ante ca diva-ante ca dine dine //
hṛddhautiṃ trividhāṃ kuryād daṇḍavamanavāsasā //
Note:
hṛd-dhautiṃ tri-vidhāṃ kuryād daṇḍa-vamana-vāsasā //
rambhādaṇḍaṃ hariddaṇḍaṃ vetradaṇḍaṃ tathaiva ca
hṛnmadhye cālayitvā tu punaḥ pratyāharec chanaiḥ //
Note:
rambhā-daṇḍaṃ harid-daṇḍaṃ vetra-daṇḍaṃ tatha aiva ca
hṛn-madhye cālayitvā tu punaḥ pratyāharec chanaiḥ //
kaphapittaṃ tathā kledaṃ recayed ūrdhvavartmanā
daṇḍadhautividhānena hṛdrogaṃ nāśayed dhruvam //
Note:
kapha-pittaṃ tathā kledaṃ recayed ūrdhva-vartmanā
daṇḍa-dhauti-vidhānena hṛd-rogaṃ nāśayed dhruvam //
bhojanānte pibed vāri ākarṇapūritaṃ sudhīḥ
ūrdhvadṛṣṭiṃ kṣaṇaṃ kṛtvā taj jalaṃ vamayet punaḥ
nityam abhyāsayogena kaphapittaṃ nivārayet //
Note:
bhojana-ante pibed vāri ā-karṇa-pūritaṃ su-dhīḥ
ūrdhva-dṛṣṭiṃ kṣaṇaṃ kṛtvā taj jalaṃ vamayet punaḥ
nityam abhyāsa-yogena kapha-pittaṃ nivārayet //
ekonaviṃśatiḥ hastaḥ pañcaviṃśati vai tathā
caturaṅgulavistāraṃ sūkṣmavastraṃ śanair graset
punaḥ pratyāhared etat procyate dhautikarmakam //
Note:
eka-ūna-viṃśatiḥ hastaḥ pañca-viṃśati vai tathā
catur-aṅgula-vistāraṃ sūkṣma-vastraṃ śanair graset
punaḥ pratyāhared etat procyate dhauti-karmakam //
gulmajvaraplīhākuṣṭhakaphapittaṃ vinaśyati
ārogyaṃ balapuṣṭiś ca bhavet tasya dine dine //
Note:
gulma-jvara-plīhā-kuṣṭha-kapha-pittaṃ vinaśyati
ārogyaṃ bala-puṣṭiś ca bhavet tasya dine dine //
apānakrūratā tāvad yāvanmūlaṃ na śodhayet
tasmāt sarvaprayatnena mūlaśodhanam ācaret //
Note:
apāna-krūratā tāvad yāvan-mūlaṃ na śodhayet
tasmāt sarva-prayatnena mūla-śodhanam ācaret //
pītamūlasya daṇḍena madhyamāṅgulināpi vā
yatnena kṣālayed guhyaṃ vāriṇā ca punaḥ punaḥ //
Note:
pīta-mūlasya daṇḍena madhyama-aṅgulina āpi vā
yatnena kṣālayed guhyaṃ vāriṇā ca punaḥ punaḥ //
vārayet koṣṭhakāṭhinyam āmājīrṇaṃ nivārayet
kāraṇaṃ kāntipuṣṭyoś ca dīpanaṃ vahnimaṇḍalam //
Note:
vārayet koṣṭha-kāṭhinyam āmā-jīrṇaṃ nivārayet
kāraṇaṃ kānti-puṣṭyoś ca dīpanaṃ vahni-maṇḍalam //
jalavastiḥ śuṣkavastir vastī ca dvividhau smṛtau
jalavastiṃ jale kuryāc chuṣkavastiṃ kṣitau sadā //
Note:
jala-vastiḥ śuṣka-vastir vastī ca dvi-vidhau smṛtau
jala-vastiṃ jale kuryāc chuṣka-vastiṃ kṣitau sadā //
nābhimagnajale pāyunyastanālotkaṭāsanaḥ
ākuñcanaṃ prakāśaṃ ca jalavastiṃ samācaret //
Note:
nābhi-magna-jale pāyu-nyasta-nāla-utkaṭa-āsanaḥ
ākuñcanaṃ prakāśaṃ ca jala-vastiṃ samācaret //
pramehaṃ ca gudāvartaṃ krūravāyuṃ nivārayet
bhavet svacchandadehaś ca kāmadevasamo bhavet //
Note:
pramehaṃ ca guda-āvartaṃ krūra-vāyuṃ nivārayet
bhavet sva-cchanda-dehaś ca kāma-deva-samo bhavet //
vastiṃ paścimatānena cālayitvā śanaiḥ śanaiḥ
aśvinīmudrayā pāyum ākuñcayet prakāśayet //
Note:
vastiṃ paścima-tānena cālayitvā śanaiḥ śanaiḥ
aśvinī-mudrayā pāyum ākuñcayet prakāśayet //
evam abhyāsayogena koṣṭhadoṣo na vidyate
vivardhayej jāṭharāgnim āmavātaṃ vināśayet //
Note:
evam abhyāsa-yogena koṣṭha-doṣo na vidyate
vivardhayej jāṭhara-agnim āma-vātaṃ vināśayet //
vitastimānaṃ sūkṣmasūtraṃ nāsānāle praveśayet
mukhān nirgamayet paścāt procyate netikarmakam //
Note:
vitastimānaṃ sūkṣma-sūtraṃ nāsā-nāle praveśayet
mukhān nirgamayet paścāt procyate neti-karmakam //
sādhanān netikarmāpi khecarīsiddhim āpnuyāt
kaphadoṣā vinaśyanti divyadṛṣṭiḥ prajāyate //
Note:
sādhanān neti-karma api khecarī-siddhim āpnuyāt
kapha-doṣā vinaśyanti divya-dṛṣṭiḥ prajāyate //
amandavegaṃ tundaṃ ca bhrāmayed ubhapārśvayoḥ
sarvarogān nihantīha dehānalavivardhanam //
Note:
a-manda-vegaṃ tundaṃ ca bhrāmayed ubha-pārśvayoḥ
sarva-rogān nihanti iha deha-anala-vivardhanam //
nimeṣonmeṣakaṃ tyaktvā sūkṣmalakṣyaṃ nirīkṣayet
yāvad aśrū nipatate trāṭakaṃ procyate budhaiḥ //
Note:
nimeṣa-unmeṣakaṃ tyaktvā sūkṣma-lakṣyaṃ nirīkṣayet
yāvad aśrū nipatate trāṭakaṃ procyate budhaiḥ //
evam abhyāsayogena śāṃbhavī jāyate dhruvam
na jāyate netrarogaḥ divyadṛṣṭipradāyakam //
Note:
evam abhyāsa-yogena śāṃbhavī jāyate dhruvam
na jāyate netra-rogaḥ divya-dṛṣṭi-pradāyakam //
vāmakrameṇa vyutkrameṇa śītkrameṇa viśeṣataḥ
bhālabhātiṃ tridhā kuryāt kaphadoṣaṃ nivārayet //
Note:
vāma-krameṇa vyutkrameṇa śīt-krameṇa viśeṣataḥ
bhāla-bhātiṃ tridhā kuryāt kapha-doṣaṃ nivārayet //
iḍayā pūrayed vāyuṃ recayet piṅgalā punaḥ
piṅgalayā pūrayitvā punaś candreṇa recayet //
Note:
iḍayā pūrayed vāyuṃ recayet piṅgalā punaḥ
piṅgalayā pūrayitvā punaś candreṇa recayet //
pūrakaṃ recakaṃ kṛtvā vegena na tu cālayet
evam abhyāsayogena kaphadoṣaṃ nivārayet //
Note:
pūrakaṃ recakaṃ kṛtvā vegena na tu cālayet
evam abhyāsa-yogena kapha-doṣaṃ nivārayet //
nāsābhyāṃ jalam ākṛṣya punar vaktreṇa recayet
pāyaṃ pāyaṃ prakurvaṃś cec chleṣmadoṣaṃ nivārayet //
Note:
nāsābhyāṃ jalam ākṛṣya punar vaktreṇa recayet
pāyaṃ pāyaṃ prakurvaṃś cec chleṣma-doṣaṃ nivārayet //
śītkṛtya pītvā vaktreṇa nāsānalair virecayet
evam abhyāsayogena kāmadevasamo bhavet //
Note:
śīt-kṛtya pītvā vaktreṇa nāsā-nalair virecayet
evam abhyāsa-yogena kāma-deva-samo bhavet //
na jāyate vārddhakaṃ ca jvaro naiva prajāyate
bhavet svacchandadehaś ca kaphadoṣaṃ nivārayet //
Note:
na jāyate vārddhakaṃ ca jvaro na eva prajāyate
bhavet sva-cchanda-dehaś ca kapha-doṣaṃ nivārayet //
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghaṭa-stha-yoge ṣaṭ-karma-sādhanaṃ nāma prathamo1padeśaḥ //1// ]]
āsanāni samastāni yāvanto jīvajantavaḥ
caturaśīti lakṣāṇi śivena kathitaṃ purā //
Note:
āsanāni samastāni yāvanto jīva-jantavaḥ
catur-aśīti lakṣāṇi śivena kathitaṃ purā //
teṣāṃ madhye viśiṣṭāni ṣoḍaśonaṃ śataṃ kṛtam
teṣāṃ madhye martyaloke dvātriṃśad āsanaṃ śubham //
Note:
teṣāṃ madhye viśiṣṭāni ṣo-ḍaśa-ūnaṃ śataṃ kṛtam
teṣāṃ madhye martya-loke dvā-triṃśad āsanaṃ śubham //
siddhaṃ padmaṃ tathā bhadraṃ muktaṃ vajraṃ ca svastikam
siṃhaṃ ca gomukhaṃ vīraṃ dhanurāsanam eva ca //
Note:
siddhaṃ padmaṃ tathā bhadraṃ muktaṃ vajraṃ ca svastikam
siṃhaṃ ca go-mukhaṃ vīraṃ dhanur-āsanam eva ca //
mṛtaṃ guptaṃ tathā mātsyaṃ matsyendrāsanam eva ca
gorakṣaṃ paścimottānam utkaṭaṃ saṃkaṭaṃ tathā //
Note:
mṛtaṃ guptaṃ tathā mātsyaṃ matsya-indra-āsanam eva ca
go-rakṣaṃ paścima-uttānam ut-kaṭaṃ saṃ-kaṭaṃ tathā //
mayūraṃ kukkuṭaṃ kūrmaṃ tathā uttānakūrmakam
uttānamaṇḍukaṃ vṛkṣaṃ maṇḍūkaṃ garuḍaṃ vṛṣam //
Note:
mayūraṃ kukkuṭaṃ kūrmaṃ tathā uttāna-kūrmakam
uttāna-maṇḍukaṃ vṛkṣaṃ maṇḍūkaṃ garuḍaṃ vṛṣam //
śalabhaṃ makaraṃ coṣṭraṃ bhujaṃgaṃ ca yogāsanam
dvātriṃśad āsanāny eva martyaloke ca siddhidā //
Note:
śalabhaṃ makaraṃ ca uṣṭraṃ bhujaṃ-gaṃ ca yoga-āsanam
dvā-triṃśad āsanāny eva martya-loke ca siddhi-dā //
yonisthānakam aṅghrimūlaghaṭitaṃ saṃpīḍya gulphetaraṃ $
meḍhropary atha saṃnidhāya cibukaṃ kṛtvā hṛdi sthāpitam &
sthāṇuḥ saṃyamitendriyo 'caladṛśā paśyan bhruvor antare %
etan mokṣakapāṭabhedanakaraṃ siddhāsanaṃ procyate //
Note:
yoni-sthānakam aṅghri-mūla-ghaṭitaṃ saṃpīḍya gulpha-itaraṃ $
meḍhra-upary atha saṃnidhāya cibukaṃ kṛtvā hṛdi sthāpitam &
sthāṇuḥ saṃyamita-indriyo '-cala-dṛśā paśyan bhruvor antare %
etan mokṣa-kapāṭa-bhedana-karaṃ siddha-āsanaṃ procyate //
vāmor ūpari dakṣiṇaṃ hi caraṇaṃ saṃsthāpya vāmaṃ tathā $
dakṣor ūpari paścimena vidhinā kṛtvā karābhyāṃ dṛḍham &
aṅguṣṭhau hṛdaye nidhāya cibukaṃ nāsāgram ālokayed %
etad vyādhivikāranāśanakaraṃ padmāsanaṃ procyate //
Note:
vāmor ūpari dakṣiṇaṃ hi caraṇaṃ saṃsthāpya vāmaṃ tathā $
dakṣor ūpari paścimena vidhinā kṛtvā karābhyāṃ dṛḍham &
aṅguṣṭhau hṛdaye nidhāya cibukaṃ nāsā-agram ālokayed %
etad vyādhi-vikāra-nāśana-karaṃ padma-āsanaṃ procyate //
gulphau ca vṛṣaṇasyādho vyutkrameṇa samāhitau
pādāṅguṣṭhau karābhyāṃ ca dhṛtvā ca pṛṣṭhadeśataḥ //
Note:
gulphau ca vṛṣaṇasya adho vyutkrameṇa samāhitau
pāda-aṅguṣṭhau karābhyāṃ ca dhṛtvā ca pṛṣṭha-deśataḥ //
jālaṃdharaṃ samāsādya nāsāgram avalokayet
bhadrāsanaṃ bhaved etat sarvavyādhivināśakam //
Note:
jālaṃ-dharaṃ samāsādya nāsā-agram avalokayet
bhadra-āsanaṃ bhaved etat sarva-vyādhi-vināśakam //
pāyumūle vāmagulphaṃ dakṣagulphaṃ tathopari
śirogrīvāsame kāye muktāsanaṃ tu siddhidam //
Note:
pāyu-mūle vāma-gulphaṃ dakṣa-gulphaṃ tatha ūpari
śiro-grīva-āsame kāye mukta-āsanaṃ tu siddhi-dam //
jaṅghayor vajravat kṛtvā gudapārśve padāv ubhau
vajrāsanaṃ bhaved etad yogināṃ siddhidāyakam //
Note:
jaṅghayor vajravat kṛtvā guda-pārśve padāv ubhau
vajra-āsanaṃ bhaved etad yogināṃ siddhi-dāyakam //
jānūrvor antare kṛtvā yogī pādatale ubhe
ṛjukāyaḥ samāsīnaḥ svastikaṃ tat pracakṣate //
Note:
jānu-urvor antare kṛtvā yogī pāda-tale ubhe
ṛju-kāyaḥ samāsīnaḥ svastikaṃ tat pracakṣate //
gulphau ca vṛṣaṇasyādho vyutkrameṇordhvatāṃ gatau
citimūlau bhūmisaṃsthau karau ca jānunopari //
Note:
gulphau ca vṛṣaṇasya adho vyutkrameṇā urdhvatāṃ gatau
citi-mūlau bhūmi-saṃsthau karau ca jānuna ūpari //
vyāttavaktro jalaṃdhreṇa nāsāgram avalokayet
siṃhāsanaṃ bhaved etat sarvavyādhivināśakam //
Note:
vyātta-vaktro jalaṃ-dhreṇa nāsā-agram avalokayet
siṃha-āsanaṃ bhaved etat sarva-vyādhi-vināśakam //
pādau bhūmau ca saṃsthāpya pṛṣṭhapārśve niveśayet
sthirakāyaṃ samāsādya gomukhaṃ gomukhākṛti //
Note:
pādau bhūmau ca saṃsthāpya pṛṣṭha-pārśve niveśayet
sthira-kāyaṃ samāsādya go-mukhaṃ go-mukha-ākṛti //
ekapādam athaikasmin vinyased ūrusaṃsthitam
itarasmiṃs tathā paścād vīrāsanam itīritam //
Note:
eka-pādam atha ekasmin vinyased ūru-saṃsthitam
itarasmiṃs tathā paścād vīra-āsanam itī iritam //
prasārya pādau bhuvi daṇḍarūpau $
karau ca pṛṣṭhaṃ dhṛtapādayugmam &
kṛtvā dhanustulyavivartitāṅgaṃ %
nigadyate vai dhanurāsanaṃ tat //
Note:
prasārya pādau bhuvi daṇḍa-rūpau $
karau ca pṛṣṭhaṃ dhṛta-pāda-yugmam &
kṛtvā dhanus-tulya-vivartita-aṅgaṃ %
nigadyate vai dhanur-āsanaṃ tat //
uttānaṃ śavavad bhūmau śayānaṃ tu śavāsanam
śavāsanaṃ śramaharaṃ cittaviśrāntikāraṇam //
Note:
uttānaṃ śavavad bhūmau śayānaṃ tu śava-āsanam
śava-āsanaṃ śrama-haraṃ citta-viśrānti-kāraṇam //
jānūrvor antare pādau kṛtvā pādau ca gopayet
pādaupari ca saṃsthāpya gudaṃ guptāsanaṃ viduḥ //
Note:
jānu-ūrvor antare pādau kṛtvā pādau ca gopayet
pādaupari ca saṃsthāpya gudaṃ gupta-āsanaṃ viduḥ //
muktapadmāsanaṃ kṛtvā uttānaśayanaṃ caret
kūrparābhyāṃ śiro veṣṭya matsyāsanaṃ tu rogahā //
Note:
mukta-padma-āsanaṃ kṛtvā uttāna-śayanaṃ caret
kūrparābhyāṃ śiro veṣṭya matsya-āsanaṃ tu roga-hā //
udare paścimaṃ tānaṃ kṛtvā tiṣṭhati yatnataḥ
namrāṅgaṃ vāmapadaṃ hi dakṣajānūpari nyaset //
Note:
udare paścimaṃ tānaṃ kṛtvā tiṣṭhati yatnataḥ
namra-aṅgaṃ vāma-padaṃ hi dakṣa-jānu-ūpari nyaset //
tatra yāmyaṃ kūrparaṃ ca yāmyakare ca vaktrakam
bhruvor madhye gatā dṛṣṭiḥ pīṭhaṃ matsyendram ucyate //
Note:
tatra yāmyaṃ kūrparaṃ ca yāmya-kare ca vaktrakam
bhruvor madhye gatā dṛṣṭiḥ pīṭhaṃ matsya-indram ucyate //
jānūrvor antare pādau uttānau vyaktasaṃsthitau
gulphau cācchādya hastābhyām uttānābhyaṃ prayatnataḥ //
Note:
jānu-ūrvor antare pādau uttānau vyakta-saṃsthitau
gulphau cā acchādya hastābhyām uttānābhyaṃ prayatnataḥ //
kaṇṭhasaṃkocanaṃ kṛtvā nāsāgram avalokayet
gorakṣāsanam ity āhur yogināṃ siddhikāraṇam //
Note:
kaṇṭha-saṃkocanaṃ kṛtvā nāsa-agram avalokayet
go-rakṣa-āsanam ity āhur yogināṃ siddhi-kāraṇam //
prasārya pādau bhuvi daṇḍarūpau $
saṃnyastabhālaṃ citiyugmamadhye &
yatnena pādau ca dhṛtau karābhyāṃ %
yogendrapīṭhaṃ paścimatānam āhuḥ //
Note:
prasārya pādau bhuvi daṇḍa-rūpau $
saṃnyasta-bhālaṃ citi-yugma-madhye &
yatnena pādau ca dhṛtau karābhyāṃ %
yoga-indra-pīṭhaṃ paścima-tānam āhuḥ //
aṅguṣṭhābhyām avaṣṭabhya dharāṃ gulphau ca khe gatau
tatropari gudaṃ nyased vijñeyam utkaṭāsanam //
Note:
aṅguṣṭhābhyām avaṣṭabhya dharāṃ gulphau ca khe gatau
tatra upari gudaṃ nyased vijñeyam utkaṭa-āsanam //
vāmapādaciter mūlaṃ saṃnyasya dharaṇītale
pādadaṇḍena yāmyena veṣṭayed vāmapādakam
jānuyugme karayugmam etat saṃkaṭam āsanam //
Note:
vāma-pāda-citer mūlaṃ saṃnyasya dharaṇī-tale
pāda-daṇḍena yāmyena veṣṭayed vāma-pādakam
jānu-yugme kara-yugmam etat saṃkaṭam āsanam //
dharām avaṣṭabhya karadvayābhyāṃ $
tat kūrpare sthāpitanābhipārśvam &
uccāsane daṇḍavad utthitaḥ khe %
mayūram etat pravadanti pīṭham //
Note:
dharām avaṣṭabhya kara-dvayābhyāṃ $
tat kūrpare sthāpita-nābhi-pārśvam &
ucca-āsane daṇḍavad utthitaḥ khe %
mayūram etat pravadanti pīṭham //
bahukadaśanabhuktaṃ bhasma kuryād aśeṣaṃ $
janayati jaṭharāgniṃ jārayet kālakūṭam &
harati sakalarogān āśu gulmajvarādīn %
bhavati vigatadoṣaṃ hy āsanaṃ śrīmayūram //
Note:
bahu-kad-aśana-bhuktaṃ bhasma kuryād a-śeṣaṃ $
janayati jaṭhara-agniṃ jārayet kāla-kūṭam &
harati sa-kala-rogān āśu gulma-jvara-ādīn %
bhavati vigata-doṣaṃ hy āsanaṃ śrī-mayūram //
padmāsanaṃ samāsādya jānūrvor antare karau
kūrparābhyāṃ samāsīno mañcasthaḥ kukkuṭāsanam //
Note:
padma-āsanaṃ samāsādya jānu-ūrvor antare karau
kūrparābhyāṃ samāsīno mañca-sthaḥ kukkuṭa-āsanam //
gulphau ca vṛṣaṇasyādho vyutkrameṇa samāhitau
ṛjukāyaśirogrīvaṃ kūrmāsanam itīritam //
Note:
gulphau ca vṛṣaṇasya adho vyutkrameṇa samāhitau
ṛju-kāya-śiro-grīvaṃ kūrma-āsanam itī iritam //
kukkuṭāsanabandhasthaṃ karābhyāṃ dhṛtakandharam
khagakūrmavad uttānam etad uttānakūrmakam //
Note:
kukkuṭa-āsana-bandha-sthaṃ karābhyāṃ dhṛta-kandharam
kha-ga-kūrmavad uttānam etad uttāna-kūrmakam //
pādatalau pṛṣṭhadeśe aṅguṣṭhau dvau ca saṃspṛśet
jānuyugmaṃ puraskṛtya sādhayen maṇḍukāsanam //
Note:
pāda-talau pṛṣṭha-deśe aṅguṣṭhau dvau ca saṃspṛśet
jānu-yugmaṃ puraskṛtya sādhayen maṇḍuka-āsanam //
maṇḍūkāsanabandhasthaṃ kūrparābhyāṃ dhṛtaṃ śiraḥ
etad bhekavad uttānam etad uttānamaṇḍukam //
Note:
maṇḍūka-āsana-bandha-sthaṃ kūrparābhyāṃ dhṛtaṃ śiraḥ
etad bhekavad uttānam etad uttāna-maṇḍukam //
vāmorumūladeśe ca yāmyaṃ pādaṃ nidhāya tu
tiṣṭhati vṛkṣavad bhūmau vṛkṣāsanam idaṃ viduḥ //
Note:
vāma-ūru-mūla-deśe ca yāmyaṃ pādaṃ nidhāya tu
tiṣṭhati vṛkṣavad bhūmau vṛkṣa-āsanam idaṃ viduḥ //
jaṅghorubhyāṃ dharāṃ pīḍya sthirakāyo dvijānunā
jānūpari karayugmaṃ garuḍāsanam ucyate //
Note:
jaṅgha-urubhyāṃ dharāṃ pīḍya sthira-kāyo dvi-jānunā
jānu-ūpari kara-yugmaṃ garuḍa-āsanam ucyate //
yāmyagulphe pāyumūlaṃ vāmabhāge padetaram
viparītaṃ spṛśed bhūmiṃ vṛṣāsanam idaṃ bhavet //
Note:
yāmya-gulphe pāyu-mūlaṃ vāma-bhāge pada-itaram
viparītaṃ spṛśed bhūmiṃ vṛṣa-āsanam idaṃ bhavet //
adhyāsya śete padayugmavakṣe $
bhūmim avaṣṭabhya karadvayābhyām &
pādau ca śūnye ca vitasti cordhvaṃ %
vadanti pīṭhaṃ śalabhaṃ munīndrāḥ //
Note:
adhyāsya śete pada-yugma-vakṣe $
bhūmim avaṣṭabhya kara-dvayābhyām &
pādau ca śūnye ca vitasti cā urdhvaṃ %
vadanti pīṭhaṃ śalabhaṃ muni-indrāḥ //
adhyāsya śete hṛdayaṃ nidhāya $
bhūmau ca pādau pravisāryamāṇau &
śiraś ca dhṛtvā karadaṇḍayugme %
dehāgnikāraṃ makarāsanaṃ tat //
Note:
adhyāsya śete hṛdayaṃ nidhāya $
bhūmau ca pādau pravisāryamāṇau &
śiraś ca dhṛtvā kara-daṇḍa-yugme %
deha-agni-kāraṃ makara-āsanaṃ tat //
adhyāsya śete padayugmam astaṃ $
pṛṣṭhe nidhāyāpi dhṛtaṃ karābhyām &
ākuñcya samyag ghy udarāsyagaṇḍam %
uṣṭraṃ ca pīṭhaṃ yatayo vadanti //
Note:
adhyāsya śete pada-yugmam astaṃ $
pṛṣṭhe nidhāya api dhṛtaṃ karābhyām &
ākuñcya samyag ghy udara-āsya-gaṇḍam %
uṣṭraṃ ca pīṭhaṃ yatayo vadanti //
aṅguṣṭhanābhiparyantam adho bhūmau ca vinyaset
karatalābhyāṃ dharāṃ dhṛtvā ūrdhvaṃ śīrṣaṃ phaṇīva hi //
Note:
aṅguṣṭha-nābhi-pary-antam adho bhūmau ca vinyaset
kara-talābhyāṃ dharāṃ dhṛtvā ūrdhvaṃ śīrṣaṃ phaṇi īva hi //
dehāgnir vardhate nityaṃ sarvarogavināśanam
jāgarti bhujagī devī sādhanād bhujaṃgāsanam //
Note:
deha-agnir vardhate nityaṃ sarva-roga-vināśanam
jāgarti bhuja-gī devī sādhanād bhujaṃ-ga-āsanam //
uttānau caraṇau kṛtvā saṃsthāpya jānunopari
āsanopari saṃsthāpya uttānaṃ karayugmakam //
Note:
uttānau caraṇau kṛtvā saṃsthāpya jānuna ūpari
āsana upari saṃsthāpya uttānaṃ kara-yugmakam //
pūrakair vāyum ākṛṣya nāsāgram avalokayet
yogāsanaṃ bhaved etad yogināṃ yogasādhane //
Note:
pūrakair vāyum ākṛṣya nāsa-agram avalokayet
yoga-āsanaṃ bhaved etad yogināṃ yoga-sādhane //
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghata-stha-yogae āsana-prayogo nāma dvitīyo1padeśaḥ //2// ]]
mahāmudrā nabhomudrā uḍḍīyānaṃ jalaṃdharam
mūlabandhaṃ mahābandhaṃ mahāvedhaś ca khecarī //
Note:
mahā-mudrā nabho-mudrā uḍḍīyānaṃ jalaṃ-dharam
mūla-bandhaṃ mahā-bandhaṃ mahā-vedhaś ca khe-carī //
viparītakaraṇī yonir vajrolī śakticālanī
taḍāgī māṇḍukī mudrā śāṃbhavī pañcadhāraṇā //
Note:
viparīta-karaṇī yonir vajrolī śakti-cālanī
taḍāgī māṇḍukī mudrā śāṃbhavī pañca-dhāraṇā //
aśvinī pāśinī kākī mātaṅgī ca bhujaṃginī
pañcaviṃśatimudrāś ca siddhidā iha yoginām //
Note:
aśvinī pāśinī kākī mātaṅgī ca bhujaṃ-ginī
pañca-viṃśati-mudrāś ca siddhi-dā iha yoginām //
mudrāṇāṃ paṭalaṃ devi kathitaṃ tava saṃnidhau
yena vijñātamātreṇa sarvasiddhiḥ prajāyate //
Note:
mudrāṇāṃ paṭalaṃ devi kathitaṃ tava saṃnidhau
yena vijñāta-mātreṇa sarva-siddhiḥ prajāyate //
gopanīyaṃ prayatnena na deyaṃ yasya kasyacit
prītidaṃ yogināṃ caiva durlabhaṃ marutām api //
Note:
gopanīyaṃ prayatnena na deyaṃ yasya kasya-cit
prīti-daṃ yogināṃ ca eva durl-abhaṃ marutām api //
pāyumūlaṃ vāmagulphe saṃpīḍya dṛḍhayatnataḥ
yāmyapādaṃ prasāryātha karābhyāṃ dhṛtapadāṅguliḥ //
Note:
pāyu-mūlaṃ vāma-gulphe saṃpīḍya dṛḍha-yatnataḥ
yāmya-pādaṃ prasārya atha karābhyāṃ dhṛta-pada-aṅguliḥ //
kaṇṭhasaṃkocanaṃ kṛtvā bhruvor madhye nirīkṣayet
pūrakair vāyuṃ saṃpūrya mahāmudrā nigadyate //
Note:
kaṇṭha-saṃkocanaṃ kṛtvā bhruvor madhye nirīkṣayet
pūrakair vāyuṃ saṃpūrya mahā-mudrā nigadyate //
valitaṃ palitaṃ caiva jarāṃ mṛtyuṃ nivārayet
kṣayakāsaṃ gudāvartaṃ plīhājīrṇaṃ jvaraṃ tathā
nāśayet sarvarogāṃś ca mahāmudrābhisevanāt //
Note:
valitaṃ palitaṃ ca eva jarāṃ mṛtyuṃ nivārayet
kṣaya-kāsaṃ guda-āvartaṃ plīhā-jīrṇaṃ jvaraṃ tathā
nāśayet sarva-rogāṃś ca mahā-mudrā-abhisevanāt //
yatra yatra sthito yogī sarvakāryeṣu sarvadā
ūrdhvajihvaḥ sthiro bhūtvā dhārayet pavanaṃ sadā
nabhomudrā bhaved eṣā yogināṃ roganāśinī //
Note:
yatra yatra sthito yogī sarva-kāryeṣu sarvadā
ūrdhva-jihvaḥ sthiro bhūtvā dhārayet pavanaṃ sadā
nabho-mudrā bhaved eṣā yogināṃ roga-nāśinī //
udare paścimaṃ tānaṃ nābher ūrdhvaṃ tu kārayet
uḍḍīnaṃ kurute yasmād aviśrāntaṃ mahākhagaḥ
uḍḍīyānaṃ tv asau bandho mṛtyumātaṃgakesarī //
Note:
udare paścimaṃ tānaṃ nābher ūrdhvaṃ tu kārayet
uḍḍīnaṃ kurute yasmād a-viśrāntaṃ mahā-kha-gaḥ
uḍḍīyānaṃ tv asau bandho mṛtyu-mātaṃga-kesarī //
samagrād bandhanād dhy etad uḍḍīyānaṃ viśiṣyate
uḍḍīyāne samabhyaste muktiḥ svābhāvikī bhavet //
Note:
samagrād bandhanād dhy etad uḍḍīyānaṃ viśiṣyate
uḍḍīyāne samabhyaste muktiḥ svābhāvikī bhavet //
kaṇṭhasaṃkocanaṃ kṛtvā cibukaṃ hṛdaye nyaset
jālaṃdhare kṛte bandhe ṣoḍaśādhārabandhanam
jālaṃdharamahāmudrā mṛtyoś ca kṣayakāriṇī //
Note:
kaṇṭha-saṃkocanaṃ kṛtvā cibukaṃ hṛdaye nyaset
jālaṃ-dhare kṛte bandhe ṣo-ḍaśa-ādhāra-bandhanam
jālaṃ-dhara-mahā-mudrā mṛtyoś ca kṣaya-kāriṇī //
siddhaṃ jālaṃdharaṃ bandhaṃ yogināṃ siddhidāyakam
ṣaṇmāsam abhyased yo hi sa siddho nātra saṃśayaḥ //
Note:
siddhaṃ jālaṃ-dharaṃ bandhaṃ yogināṃ siddhi-dāyakam
ṣaṇ-māsam abhyased yo hi sa siddho na atra saṃśayaḥ //
pārṣṇinā vāmapādasya yonim ākuñcayet tataḥ
nābhigranthiṃ merudaṇḍe saṃpīḍya yatnataḥ sudhīḥ //
Note:
pārṣṇinā vāma-pādasya yonim ākuñcayet tataḥ
nābhi-granthiṃ meru-daṇḍe saṃpīḍya yatnataḥ su-dhīḥ //
meḍhraṃ dakṣiṇagulphena dṛḍhabandhaṃ samācaret
nābher ūrdhvam adhaś cāpi tānaṃ kuryāt prayatnataḥ
jarāvināśinī mudrā mūlabandho nigadyate //
Note:
meḍhraṃ dakṣiṇa-gulphena dṛḍha-bandhaṃ samācaret
nābher ūrdhvam adhaś ca api tānaṃ kuryāt prayatnataḥ
jarā-vināśinī mudrā mūla-bandho nigadyate //
saṃsārasāgaraṃ tartum abhilaṣati yaḥ pumān
virale sugupto bhūtvā mudrām etāṃ samabhyaset //
Note:
saṃsāra-sāgaraṃ tartum abhilaṣati yaḥ pumān
virale su-gupto bhūtvā mudrām etāṃ samabhyaset //
abhyāsād bandhanasyāsya marutsiddhir bhaved dhruvam
sādhayed yatnatas tarhi maunī tu vijitālasaḥ //
Note:
abhyāsād bandhanasya asya marut-siddhir bhaved dhruvam
sādhayed yatnatas tarhi maunī tu vijita-ālasaḥ //
vāmapādasya gulphena pāyumūlaṃ nirodhayet
dakṣapādena tad gulphaṃ saṃpīḍya yatnataḥ sudhīḥ //
Note:
vāma-pādasya gulphena pāyu-mūlaṃ nirodhayet
dakṣa-pādena tad gulphaṃ saṃpīḍya yatnataḥ su-dhīḥ //
śanaiḥ śanaiś cālayet pārṣṇiṃ yonim ākuñcayec chanaiḥ
jālaṃdhare dhārayet prāṇaṃ mahābandho nigadyate //
Note:
śanaiḥ śanaiś cālayet pārṣṇiṃ yonim ākuñcayec chanaiḥ
jālaṃ-dhare dhārayet prāṇaṃ mahā-bandho nigadyate //
mahābandhaḥ paro bandho jarāmaraṇanāśanaḥ
prasādād asya bandhasya sādhayet sarvavāñchitam //
Note:
mahā-bandhaḥ paro bandho jarā-maraṇa-nāśanaḥ
prasādād asya bandhasya sādhayet sarva-vāñchitam //
rūpayauvanalāvaṇyaṃ nārīṇāṃ puruṣaṃ vinā
mūlabandhamahābandhau mahāvedhaṃ vinā tathā //
Note:
rūpa-yauvana-lāvaṇyaṃ nārīṇāṃ puruṣaṃ vinā
mūla-bandha-mahā-bandhau mahā-vedhaṃ vinā tathā //
mahābandhaṃ samāsādya uḍḍānakumbhakaṃ caret
mahāvedhaḥ samākhyāto yogināṃ siddhidāyakaḥ //
Note:
mahā-bandhaṃ samāsādya uḍḍāna-kumbhakaṃ caret
mahā-vedhaḥ samākhyāto yogināṃ siddhi-dāyakaḥ //
mahābandhamūlabandhau mahāvedhasamanvitau
pratyahaṃ kurute yas tu sa yogī yogavittamaḥ //
Note:
mahā-bandha-mūla-bandhau mahā-vedha-samanvitau
praty-ahaṃ kurute yas tu sa yogī yoga-vittamaḥ //
na mṛtyuto bhayaṃ tasya na jarā tasya vidyate
gopanīyaḥ prayatnena vedho yaṃ yogipuṃgavaiḥ //
Note:
na mṛtyuto bhayaṃ tasya na jarā tasya vidyate
gopanīyaḥ prayatnena vedho yaṃ yogi-puṃ-gavaiḥ //
jihvādho nāḍīṃ saṃchitya rasanāṃ cālayet sadā
dohayen navanītena lauhayantreṇa karṣayet //
Note:
jihva ādho nāḍīṃ saṃchitya rasanāṃ cālayet sadā
dohayen nava-nītena lauha-yantreṇa karṣayet //
evaṃ nityaṃ samabhyāsāl lambikā dīrghatāṃ vrajet
yāvad gacched bhruvor madhye tadā sidhyati khecarī //
Note:
evaṃ nityaṃ samabhyāsāl lambikā dīrghatāṃ vrajet
yāvad gacched bhruvor madhye tadā sidhyati khecarī //
rasanāṃ tālumadhye tu śanaiḥ śanaiḥ praveśayet
kapālakuhare jihvā praviṣṭā viparītagā
bhruvor madhye gatā dṛṣṭir mudrā bhavati khecarī //
Note:
rasanāṃ tālu-madhye tu śanaiḥ śanaiḥ praveśayet
kapāla-kuhare jihvā praviṣṭā viparīta-gā
bhruvor madhye gatā dṛṣṭir mudrā bhavati khe-carī //
na ca mūrcchā kṣudhā tṛṣṇā naivālasyaṃ prajāyate
na ca rogo jarā mṛtyur devadehaṃ prapadyate //
Note:
na ca mūrcchā kṣudhā tṛṣṇā na evā alasyaṃ prajāyate
na ca rogo jarā mṛtyur deva-dehaṃ prapadyate //
na cāgnir dahate gātraṃ na śoṣayati mārutaḥ
na dehaṃ kledayanty āpo daṃśayen na bhujaṃgamaḥ //
Note:
na ca agnir dahate gātraṃ na śoṣayati mārutaḥ
na dehaṃ kledayanty āpo daṃśayen na bhujaṃ-gamaḥ //
lāvaṇyaṃ ca bhaved gātre samādhir jāyate dhruvam
kapālavaktrasaṃyoge rasanā rasam āpnuyāt //
Note:
lāvaṇyaṃ ca bhaved gātre samādhir jāyate dhruvam
kapāla-vaktra-saṃyoge rasanā rasam āpnuyāt //
nānāvidhisamudbhūtam ānandaṃ ca dine dine
ādau lavaṇakṣāraṃ ca tatas tiktakaṣāyakam //
Note:
nānā-vidhi-samudbhūtam ānandaṃ ca dine dine
ādau lavaṇa-kṣāraṃ ca tatas tikta-kaṣāyakam //
navanītaṃ ghṛtaṃ kṣīraṃ dadhitakramadhūni ca
drākṣārasaṃ ca pīyūṣaṃ jāyate rasanodakam //
Note:
nava-nītaṃ ghṛtaṃ kṣīraṃ dadhi-takra-madhūni ca
drākṣā-rasaṃ ca pīyūṣaṃ jāyate rasanā-udakam //
nābhimūle vaset sūryas tālumūle ca candramāḥ
amṛtaṃ grasate sūryas tato mṛtyuvaśo naraḥ //
Note:
nābhi-mūle vaset sūryas tālu-mūle ca candramāḥ
a-mṛtaṃ grasate sūryas tato mṛtyu-vaśo naraḥ //
ūrdhvaṃ ca yojayet sūryaṃ candraṃ ca adha ānayet
viparītakarī mudrā sarvatantreṣu gopitā //
Note:
ūrdhvaṃ ca yojayet sūryaṃ candraṃ ca adha ānayet
viparīta-karī mudrā sarva-tantreṣu gopitā //
bhūmau śiraś ca saṃsthāpya karayugmaṃ samāhitaḥ
ūrdhvapādaḥ sthiro bhūtvā viparītakarī matā //
Note:
bhūmau śiraś ca saṃsthāpya kara-yugmaṃ samāhitaḥ
ūrdhva-pādaḥ sthiro bhūtvā viparīta-karī matā //
mudreyaṃ sādhayen nityaṃ jarāṃ mṛtyuṃ ca nāśayet
sa siddhaḥ sarvalokeṣu pralaye 'pi na sīdati //
Note:
mudra īyaṃ sādhayen nityaṃ jarāṃ mṛtyuṃ ca nāśayet
sa siddhaḥ sarva-lokeṣu pralaye 'pi na sīdati //
siddhāsanaṃ samāsādya karṇākṣināsikāmukham
aṅguṣṭhatarjanīmadhyānāmādibhiś ca dhārayet //
Note:
siddha-āsanaṃ samāsādya karṇa-akṣi-nāsikā-mukham
aṅguṣṭha-tarjanī-madhya-a-nāmā-ādibhiś ca dhārayet //
kākībhiḥ prāṇaṃ saṃkṛṣya apāne yojayet tataḥ
ṣaṭ cakrāṇi kramād dhṛtvā huṃhaṃsamanunā sudhīḥ //
Note:
kākībhiḥ prāṇaṃ saṃkṛṣya apāne yojayet tataḥ
ṣaṭ cakrāṇi kramād dhṛtvā huṃ-haṃ-sa-manunā su-dhīḥ //
caitanyam ānayed devīṃ nidritā yā bhujaṃginī
jīvena sahitāṃ śaktiṃ samutthāpya parāmbuje //
Note:
caitanyam ānayed devīṃ nidritā yā bhujaṃ-ginī
jīvena sahitāṃ śaktiṃ samutthāpya para-ambu-je //
śaktimayaṃ svayaṃ bhūtvā paraṃ śivena saṃgamam
nānāsukhaṃ vihāraṃ ca cintayet paramaṃ sukham //
Note:
śaktimayaṃ svayaṃ bhūtvā paraṃ śivena saṃgamam
nānā-sukhaṃ vihāraṃ ca cintayet paramaṃ sukham //
śivaśaktisamāyogād ekāntaṃ bhuvi bhāvayet
ānandamānaso bhūtvā ahaṃ brahmeti saṃbhavet //
Note:
śiva-śakti-samāyogād eka-antaṃ bhuvi bhāvayet
ānanda-mānaso bhūtvā ahaṃ brahma iti saṃbhavet //
yonimudrā parā gopyā devānām api durlabhā
sakṛttadbhāvasaṃsiddhaḥ samādhisthaḥ sa eva hi //
Note:
yoni-mudrā parā gopyā devānām api dur-labhā
sakṛt-tad-bhāva-saṃsiddhaḥ samādhi-sthaḥ sa eva hi //
brahmahā bhrūṇahā caiva surāpo gurutalpagaḥ
etaiḥ pāpair na lipyate yonimudrānibandhanāt //
Note:
brahma-hā bhrūṇa-hā ca eva surā-po guru-talpa-gaḥ
etaiḥ pāpair na lipyate yoni-mudrā-nibandhanāt //
yāni pāpāni ghorāṇi upapāpāni yāni ca
tāni sarvāṇi naśyanti yonimudrānibandhanāt
tasmād abhyasanaṃ kuryād yadi muktiṃ samicchati //
Note:
yāni pāpāni ghorāṇi upa-pāpāni yāni ca
tāni sarvāṇi naśyanti yoni-mudrā-nibandhanāt
tasmād abhyasanaṃ kuryād yadi muktiṃ samicchati //
dharām avaṣṭabhya karadvayābhyām $
ūrdhvaṃ kṣipet pādayugaṃ śiraḥ khe &
śaktiprabodhāya cirajīvanāya %
vajrolimudrāṃ munayo vadanti //
Note:
dharām avaṣṭabhya kara-dvayābhyām $
ūrdhvaṃ kṣipet pāda-yugaṃ śiraḥ khe &
śakti-prabodhāya cira-jīvanāya %
vajroli-mudrāṃ munayo vadanti //
ayaṃ yogo yogaśreṣṭho yogināṃ muktikāraṇam
ayaṃ hitaprado yogo yogināṃ siddhidāyakaḥ //
Note:
ayaṃ yogo yoga-śreṣṭho yogināṃ mukti-kāraṇam
ayaṃ hita-prado yogo yogināṃ siddhi-dāyakaḥ //
etad yogaprasādena bindusiddhir bhaved dhruvam
siddhe bindau mahāyatne kiṃ na sidhyati bhūtale //
Note:
etad yoga-prasādena bindu-siddhir bhaved dhruvam
siddhe bindau mahā-yatne kiṃ na sidhyati bhū-tale //
bhogena mahatā yukto yadi mudrāṃ samācaret
tathāpi sakalā siddhis tasya bhavati niścitam //
Note:
bhogena mahatā yukto yadi mudrāṃ samācaret
tatha āpi sa-kalā siddhis tasya bhavati niścitam //
mūlādhāre ātmaśaktiḥ kuṇḍalī paradevatā
śayitā bhujagākārā sārdhatrivalayānvitā //
Note:
mūla-ādhāre ātma-śaktiḥ kuṇḍalī para-devatā
śayitā bhuja-ga-ākārā sa-ardha-tri-valaya-anvitā //
yāvat sā nidritā dehe tāvaj jīvaḥ paśur yathā
jñānaṃ na jāyate tāvat koṭiyogaṃ samabhyaset //
Note:
yāvat sā nidritā dehe tāvaj jīvaḥ paśur yathā
jñānaṃ na jāyate tāvat koṭi-yogaṃ samabhyaset //
udghāṭayet kavāṭaṃ ca yathā kuñcikayā haṭhāt
kuṇḍalinyāḥ prabodhena brahmadvāraṃ vibhedayet //
Note:
udghāṭayet kavāṭaṃ ca yathā kuñcikayā haṭhāt
kuṇḍalinyāḥ prabodhena brahma-dvāraṃ vibhedayet //
nābhiṃ bṛhadveṣṭanaṃ ca na ca nagnaṃ bahiḥ sthitam
gopanīyagṛhe sthitvā śakticālanam abhyaset //
Note:
nābhiṃ bṛhad-veṣṭanaṃ ca na ca nagnaṃ bahiḥ sthitam
gopanīya-gṛhe sthitvā śakti-cālanam abhyaset //
vitastipramitaṃ dīrghaṃ vistāre caturaṅgulam
mṛdulaṃ dhavalaṃ sūkṣmaveṣṭanāmbaralakṣaṇam
evam ambaram uktaṃ ca kaṭisūtreṇa yojayet //
Note:
vitasti-pramitaṃ dīrghaṃ vistāre catur-aṅgulam
mṛdulaṃ dhavalaṃ sūkṣma-veṣṭana-ambara-lakṣaṇam
evam ambaram uktaṃ ca kaṭi-sūtreṇa yojayet //
bhāsmanā gātrasaṃliptaṃ siddhāsanaṃ samācaret
nāsābhyāṃ prāṇam ākṛṣya apāne yojayed balāt //
Note:
bhāsmanā gātra-saṃliptaṃ siddha-āsanaṃ samācaret
nāsābhyāṃ prāṇam ākṛṣya apāne yojayed balāt //
tāvad ākuñcayed guhyaṃ śanair aśvinimudrayā
yāvad gacchet suṣumṇāyāṃ vāyuḥ prakāśayed dhaṭhāt //
Note:
tāvad ākuñcayed guhyaṃ śanair aśvini-mudrayā
yāvad gacchet suṣumṇāyāṃ vāyuḥ prakāśayed dhaṭhāt //
tāvad vāyuprabhedena kumbhikā ca bhujaṃginī
baddhaśvāsas tato bhūtvā ca ūrdhvamātraṃ prapadyate
śabdadvayaṃ phalaikaṃ tu yonimudrāṃ ca cālayet //
Note:
tāvad vāyu-prabhedena kumbhikā ca bhujaṃ-ginī
baddha-śvāsas tato bhūtvā ca ūrdhva-mātraṃ prapadyate
śabda-dvayaṃ phala-ekaṃ tu yoni-mudrāṃ ca cālayet //
vinā śakticālanena yonimudrā na sidhyati
ādau cālanam abhyasya yonimudrāṃ samabhyaset //
Note:
vinā śakti-cālanena yoni-mudrā na sidhyati
ādau cālanam abhyasya yoni-mudrāṃ samabhyaset //
iti te kathitaṃ caṇḍa prakāraṃ śakticālanam
gopanīyaṃ prayatnena dine dine samabhyaset //
Note:
iti te kathitaṃ caṇḍa prakāraṃ śakti-cālanam
gopanīyaṃ prayatnena dine dine samabhyaset //
mudreyaṃ paramā gopyā jarāmaraṇanāśinī
tasmād abhyasanaṃ kāryaṃ yogibhiḥ siddhikāṅkṣibhiḥ //
Note:
mudra īyaṃ paramā gopyā jarā-maraṇa-nāśinī
tasmād abhyasanaṃ kāryaṃ yogibhiḥ siddhi-kāṅkṣibhiḥ //
nityaṃ yo 'bhyasate yogī siddhis tasya kare sthitā
tasya vigrahasiddhiḥ syād rogāṇāṃ saṃkṣayo bhavet //
Note:
nityaṃ yo 'bhyasate yogī siddhis tasya kare sthitā
tasya vigraha-siddhiḥ syād rogāṇāṃ saṃkṣayo bhavet //
udare paścimaṃ tānaṃ kṛtvā ca taḍāgākṛti
taḍāgī sā parā mudrā jarāmṛtyuvināśinī //
Note:
udare paścimaṃ tānaṃ kṛtvā ca taḍāga-ākṛti
taḍāgī sā parā mudrā jarā-mṛtyu-vināśinī //
mukhaṃ saṃmudritaṃ kṛtvā jihvāmūlaṃ pracālayet
śanair grased amṛtaṃ tan māṇḍukīṃ mudrikāṃ viduḥ //
Note:
mukhaṃ saṃmudritaṃ kṛtvā jihvā-mūlaṃ pracālayet
śanair grased a-mṛtaṃ tan māṇḍukīṃ mudrikāṃ viduḥ //
valitaṃ palitaṃ naiva jāyate nityayauvanam
na keśe jāyate pāko yaḥ kuryān nitya māṇḍukīm //
Note:
valitaṃ palitaṃ na eva jāyate nitya-yauvanam
na keśe jāyate pāko yaḥ kuryān nitya māṇḍukīm //
netrāñjanaṃ samālokya ātmārāmaṃ nirīkṣayet
sā bhavec chāṃbhavī mudrā sarvatantreṣu gopitā //
Note:
netra-añjanaṃ samālokya ātma-ārāmaṃ nirīkṣayet
sā bhavec chāṃbhavī mudrā sarva-tantreṣu gopitā //
vedaśāstrapurāṇāni sāmānyagaṇikā iva
iyaṃ tu śāṃbhavī mudrā guptā kulavadhūr iva //
Note:
veda-śāstra-purāṇāni sāmānya-gaṇikā iva
iyaṃ tu śāṃbhavī mudrā guptā kula-vadhūr iva //
sa eva ādināthaś ca sa ca nārāyaṇaḥ svayam
sa ca brahmā sṛṣṭikārī yo mudrāṃ vetti śāṃbhavīm //
Note:
sa eva ādi-nāthaś ca sa ca nārāyaṇaḥ svayam
sa ca brahmā sṛṣṭi-kārī yo mudrāṃ vetti śāṃbhavīm //
satyaṃ satyaṃ punaḥ satyaṃ satyam uktaṃ maheśvara
śāṃbhavīṃ yo vijānīyāt sa ca brahma na cānyathā //
Note:
satyaṃ satyaṃ punaḥ satyaṃ satyam uktaṃ mahā-īśvara
śāṃbhavīṃ yo vijānīyāt sa ca brahma na ca anyathā //
kathitā śāṃbhavī mudrā śṛṇuṣva pañcadhāraṇām
dhāraṇāni samāsādya kiṃ na sidhyati bhūtale //
Note:
kathitā śāṃbhavī mudrā śṛṇuṣva pañca-dhāraṇām
dhāraṇāni samāsādya kiṃ na sidhyati bhū-tale //
anena naradehena svargeṣu gamanāgamam
manogatir bhavet tasya khecaratvaṃ na cānyathā //
Note:
anena nara-dehena svargeṣu gamana-āgamam
mano-gatir bhavet tasya khe-caratvaṃ na ca anyathā //
yat tattvaṃ haritāladeśaracitaṃ bhaumaṃ lakārānvitaṃ $
vedāsraṃ kamalāsanena sahitaṃ kṛtvā hṛdi sthāyinam &
prāṇaṃ tatra vinīya pañcaghaṭikāś cittānvitaṃ dhārayed %
eṣā stambhakarī sadā kṣitijayaṃ kuryād adhodhāraṇā //
Note:
yat tattvaṃ hari-tāla-deśa-racitaṃ bhaumaṃ la-kāra-anvitaṃ $
veda-āsraṃ kamala-āsanena sahitaṃ kṛtvā hṛdi sthāyinam &
prāṇaṃ tatra vinīya pañca-ghaṭikāś citta-anvitaṃ dhārayed %
eṣā stambha-karī sadā kṣiti-jayaṃ kuryād adho-dhāraṇā //
pārthivīdhāraṇāmudrāṃ yaḥ karoti ca nityaśaḥ
mṛtyuṃjayaḥ svayaṃ so 'pi sa siddho vicared bhuvi //
Note:
pārthivī-dhāraṇā-mudrāṃ yaḥ karoti ca nityaśaḥ
mṛtyuṃ-jayaḥ svayaṃ so 'pi sa siddho vicared bhuvi //
śaṅkhendupratimaṃ ca kundadhavalaṃ tattvaṃ kilālaṃ śubhaṃ $
tat pīyūṣavakārabījasahitaṃ yuktaṃ sadā viṣṇunā &
prāṇaṃ tatra vinīya pañcaghaṭikāś cittānvitaṃ dhārayed %
eṣā duḥsahatāpapāpahariṇī syād āmbhasī dhāraṇā //
Note:
śaṅkha-indu-pratimaṃ ca kunda-dhavalaṃ tattvaṃ kilālaṃ śubhaṃ $
tat pīyūṣa-va-kāra-bīja-sahitaṃ yuktaṃ sadā viṣṇunā &
prāṇaṃ tatra vinīya pañca-ghaṭikāś citta-anvitaṃ dhārayed %
eṣā duḥ-saha-tāpa-pāpa-hariṇī syād āmbhasī dhāraṇā //
āmbhasīṃ paramāṃ mudrāṃ yo jānāti sa yogavit
jale ca gabhīre ghore maraṇaṃ tasya no bhavet //
Note:
āmbhasīṃ paramāṃ mudrāṃ yo jānāti sa yoga-vit
jale ca gabhīre ghore maraṇaṃ tasya na u bhavet //
iyaṃ tu paramā mudrā gopanīyā prayatnataḥ
prakāśāt siddhihāniḥ syāt satyaṃ vacmi ca tattvataḥ //
Note:
iyaṃ tu paramā mudrā gopanīyā prayatnataḥ
prakāśāt siddhi-hāniḥ syāt satyaṃ vacmi ca tattvataḥ //
yan nābhisthitam indra=gopasadṛśaṃ bījatrikoṇānvitaṃ $
tattvaṃ tejamayaṃ pradīptam aruṇaṃ rudreṇa yat siddhidam &
prāṇaṃ tatra vinīya pañcaghaṭikāś cittānvitaṃ dhārayed %
eṣā kālagabhīrabhītiharaṇī vaiśvānarī dhāraṇā //
Note:
yan nābhi-sthitam indra=gopa-sa-dṛśaṃ bīja-tri-koṇa-anvitaṃ $
tattvaṃ tejamayaṃ pradīptam aruṇaṃ rudreṇa yat siddhi-dam &
prāṇaṃ tatra vinīya pañca-ghaṭikāś citta-anvitaṃ dhārayed %
eṣā kāla-gabhīra-bhīti-haraṇī vaiśvānarī dhāraṇā //
pradīpte jvalite vahnau yadi patati sādhakaḥ
etanmudrāprasādena sa jīvati na mṛtyubhāk //
Note:
pradīpte jvalite vahnau yadi patati sādhakaḥ
etan-mudrā-prasādena sa jīvati na mṛtyu-bhāk //
yad bhinnāñjanapuñjasaṃnibham idaṃ dhūmrāvabhāsaṃ paraṃ $
tattvaṃ sattvamayaṃ yakārasahitaṃ yatreśvaro devatā &
prāṇaṃ tatra vinīya pañcaghaṭikāś cittānvitaṃ dhārayed %
eṣā khe gamanaṃ karoti yamināṃ syād vāyavī dhāraṇā //
Note:
yad bhinna-añjana-puñja-saṃnibham idaṃ dhūmra-avabhāsaṃ paraṃ $
tattvaṃ sattvamayaṃ ya-kāra-sahitaṃ yatrā iśvaro devatā &
prāṇaṃ tatra vinīya pañca-ghaṭikāś citta-anvitaṃ dhārayed %
eṣā khe gamanaṃ karoti yamināṃ syād vāyavī dhāraṇā //
iyaṃ tu paramā mudrā jarāmṛtyuvināśinī
vāyunā mriyate nāpi khe ca gatipradāyinī //
Note:
iyaṃ tu paramā mudrā jarā-mṛtyu-vināśinī
vāyunā mriyate na api khe ca gati-pradāyinī //
śaṭhāya bhaktihīnāya na deyā yasya kasyacit
datte ca siddhihāniḥ syāt satyaṃ vacmi ca caṇḍa te //
Note:
śaṭhāya bhakti-hīnāya na deyā yasya kasya-cit
datte ca siddhi-hāniḥ syāt satyaṃ vacmi ca caṇḍa te //
yat sindhau varaśuddhavārisadṛśaṃ vyomaṃ paraṃ bhāsitaṃ $
tattvaṃ devasadāśivena sahitaṃ bījaṃ hakārānvitam &
prāṇaṃ tatra vinīya pañcaghaṭikāś cittānvitaṃ dhārayed %
eṣā mokṣakavāṭabhedanakarī tu syān nabhodhāraṇā //
Note:
yat sindhau vara-śuddha-vāri-sa-dṛśaṃ vyomaṃ paraṃ bhāsitaṃ $
tattvaṃ deva-sadā-śivena sahitaṃ bījaṃ ha-kāra-anvitam &
prāṇaṃ tatra vinīya pañca-ghaṭikāś citta-anvitaṃ dhārayed %
eṣā mokṣa-kavāṭa-bhedana-karī tu syān nabho-dhāraṇā //
ākāśīdhāraṇāṃ mudrāṃ yo vetti sa ca yogavit
na mṛtyur jāyate tasya pralaye nāvasīdati //
Note:
ākāśī-dhāraṇāṃ mudrāṃ yo vetti sa ca yoga-vit
na mṛtyur jāyate tasya pralaye na avasīdati //
ākuñcayed gudadvāraṃ prakāśayet punaḥ punaḥ
sā bhaved aśvinī mudrā śaktiprabodhakāriṇī //
Note:
ākuñcayed guda-dvāraṃ prakāśayet punaḥ punaḥ
sā bhaved aśvinī mudrā śakti-prabodha-kāriṇī //
aśvinī paramā mudrā guhyarogavināśinī
balapuṣṭikarī caiva akālamaraṇaṃ haret //
Note:
aśvinī paramā mudrā guhya-roga-vināśinī
bala-puṣṭi-karī ca eva a-kāla-maraṇaṃ haret //
kaṇṭhapṛṣṭe kṣipet pādau pāśavad dṛḍhabandhanam
sā eva pāśinī mudrā śaktiprabodhakāriṇī //
Note:
kaṇṭha-pṛṣṭe kṣipet pādau pāśavad dṛḍha-bandhanam
sā eva pāśinī mudrā śakti-prabodha-kāriṇī //
pāśinī mahatī mudrā balapuṣṭividhāyinī
sādhanīyā prayatnena sādhakaiḥ siddhikāṅkṣibhiḥ //
Note:
pāśinī mahatī mudrā bala-puṣṭi-vidhāyinī
sādhanīyā prayatnena sādhakaiḥ siddhi-kāṅkṣibhiḥ //
kākacañcuvad āsyena pibed vāyuṃ śanaiḥ śanaiḥ
kākī mudrā bhaved eṣā sarvarogavināśinī //
Note:
kāka-cañcuvad āsyena pibed vāyuṃ śanaiḥ śanaiḥ
kākī mudrā bhaved eṣā sarva-roga-vināśinī //
kākīmudrā parā mudrā sarvatantreṣu gopitā
asyāḥ prasādamātreṇa na rogī kākavad bhavet //
Note:
kākī-mudrā parā mudrā sarva-tantreṣu gopitā
asyāḥ prasāda-mātreṇa na rogī kākavad bhavet //
kaṇṭhamagnajale sthitvā nāsābhyāṃ jalam āharet
mukhān nirgamayet paścāt punar vaktreṇa cāharet //
Note:
kaṇṭha-magna-jale sthitvā nāsābhyāṃ jalam āharet
mukhān nirgamayet paścāt punar vaktreṇa cā aharet //
nāsābhyāṃ recayet paścāt kuryād evaṃ punaḥ punaḥ
mātaṅginī parā mudrā jarāmṛtyuvināśinī //
Note:
nāsābhyāṃ recayet paścāt kuryād evaṃ punaḥ punaḥ
mātaṅginī parā mudrā jarā-mṛtyu-vināśinī //
virale nirjane deśe sthitvā caikāgramānasaḥ
kuryān mātaṅginīṃ mudrāṃ mātaṅga iva jāyate //
Note:
virale nir-jane deśe sthitvā ca eka-agra-mānasaḥ
kuryān mātaṅginīṃ mudrāṃ mātaṅga iva jāyate //
yatra yatra sthito yogī sukham atyantam aśnute
tasmāt sarvaprayatnena sādhayen mudrikāṃ parām //
Note:
yatra yatra sthito yogī sukham aty-antam aśnute
tasmāt sarva-prayatnena sādhayen mudrikāṃ parām //
vaktraṃ kiṃcitsuprasārya cālinaṃ galayā pibet
sā bhaved bhujagī mudrā jarāmṛtyuvināśinī //
Note:
vaktraṃ kiṃ-cit-su-prasārya cālinaṃ galayā pibet
sā bhaved bhuja-gī mudrā jarā-mṛtyu-vināśinī //
yāvac ca udare rogam ajīrṇādi viśeṣataḥ
tat sarvaṃ nāśayed āśu yatra mudrā bhujaṃginī //
Note:
yāvac ca udare rogam a-jīrṇa-ādi viśeṣataḥ
tat sarvaṃ nāśayed āśu yatra mudrā bhujaṃ-ginī //
idaṃ tu mudrāpaṭalaṃ kathitaṃ caṇḍa te śubham
vallabhaṃ sarvasiddhānāṃ jarāmaraṇanāśanam //
Note:
idaṃ tu mudrā-paṭalaṃ kathitaṃ caṇḍa te śubham
vallabhaṃ sarva-siddhānāṃ jarā-maraṇa-nāśanam //
śaṭhāya bhaktihīnāya na deyaṃ yasya kasyacit
gopanīyaṃ prayatnena durlabhaṃ marutām api //
Note:
śaṭhāya bhakti-hīnāya na deyaṃ yasya kasya-cit
gopanīyaṃ prayatnena dur-labhaṃ marutām api //
ṛjave śāntacittāya gurubhaktiparāya ca
kulīnāya pradātavyaṃ bhogamuktipradāyakam //
Note:
ṛjave śānta-cittāya guru-bhakti-parāya ca
kulīnāya pradātavyaṃ bhoga-mukti-pradāyakam //
mudrāṇāṃ paṭalaṃ hy etat sarvavyādhivināśanam
nityam abhyāsaśīlasya jaṭharāgnivivardhanam //
Note:
mudrāṇāṃ paṭalaṃ hy etat sarva-vyādhi-vināśanam
nityam abhyāsa-śīlasya jaṭhara-agni-vivardhanam //
na tasya jāyate mṛtyur nāsya jarādikaṃ tathā
nāgnijalabhayaṃ tasya vāyor api kuto bhayam //
Note:
na tasya jāyate mṛtyur na asya jarā-ādikaṃ tathā
na agni-jala-bhayaṃ tasya vāyor api kuto bhayam //
kāsaḥ śvāsaḥ plīhā kuṣṭhaṃ śleṣmarogāś ca viṃśatiḥ
mudrāṇāṃ sādhanāc caiva vinaśyanti na saṃśayaḥ //
Note:
kāsaḥ śvāsaḥ plīhā kuṣṭhaṃ śleṣma-rogāś ca viṃśatiḥ
mudrāṇāṃ sādhanāc ca eva vinaśyanti na saṃśayaḥ //
bahunā kim ihoktena sāraṃ vacmi ca caṇḍa te
nāsti mudrāsamaṃ kiṃcit siddhidaṃ kṣitimaṇḍale //
Note:
bahunā kim iha uktena sāraṃ vacmi ca caṇḍa te
na asti mudrā-samaṃ kiṃ-cit siddhi-daṃ kṣiti-maṇḍale //
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghaṭa-stha-yoga-prakaraṇe mudrā-prayogo nāma tṛtīyo1padeśaḥ //3// ]]
athātaḥ saṃpravakṣyāmi pratyāhārakam uttamam
yasya vijñānamātreṇa kāmādiripunāśanam //
Note:
atha ataḥ saṃpravakṣyāmi pratyāhārakam uttamam
yasya vijñāna-mātreṇa kāma-ādi-ripu-nāśanam //
yato yato niścarati manaś cañcalam asthiram
tatas tato niyamyaitad ātmany eva vaśaṃ nayet //
Note:
yato yato niścarati manaś cañcalam a-sthiram
tatas tato niyamya etad ātmany eva vaśaṃ nayet //
yatra yatra gatā dṛṣṭir manas tatra pragacchati
tataḥ pratyāhared etad ātmany eva vaśaṃ nayet //
Note:
yatra yatra gatā dṛṣṭir manas tatra pragacchati
tataḥ pratyāhared etad ātmany eva vaśaṃ nayet //
puraskāraṃ tiraskāraṃ suśrāvyaṃ vā bhayānakam
manas tasmān niyamyaitad ātmany eva vaśaṃ nayet //
Note:
puras-kāraṃ tiras-kāraṃ su-śrāvyaṃ vā bhayānakam
manas tasmān niyamya etad ātmany eva vaśaṃ nayet //
śītaṃ vāpi tathā coṣṇaṃ yan manaḥsparśayogataḥ
tasmāt pratyāhared etad ātmany eva vaśaṃ nayet //
Note:
śītaṃ va āpi tathā ca uṣṇaṃ yan manaḥ-sparśa-yogataḥ
tasmāt pratyāhared etad ātmany eva vaśaṃ nayet //
sugandhe vāpi durgandhe ghrāṇeṣu jāyate manaḥ
tasmāt pratyāhared etad ātmany eva vaśaṃ nayet //
Note:
su-gandhe va āpi dur-gandhe ghrāṇeṣu jāyate manaḥ
tasmāt pratyāhared etad ātmany eva vaśaṃ nayet //
madhurāmlakatiktādirasaṃ gataṃ yadā manaḥ
tasmāt pratyāhared etad ātmany eva vaśaṃ nayet //
Note:
madhura-āmlaka-tikta-ādi-rasaṃ gataṃ yadā manaḥ
tasmāt pratyāhared etad ātmany eva vaśaṃ nayet //
śabdādiṣv anuraktāni nigṛhyākṣāṇi yogavit
kuryāc cittānucārīṇi pratyāhāraparāyaṇaḥ //
Note:
śabda-ādiṣv anuraktāni nigṛhya akṣāṇi yoga-vit
kuryāc citta-anucārīṇi pratyāhāra-parāyaṇaḥ //
vaśyatā paramā tena jāyate 'ticalātmanām
indriyāṇām avaśyais tair na yogī yogasādhakaḥ //
Note:
vaśyatā paramā tena jāyate 'ti-cala-ātmanām
indriyāṇām a-vaśyais tair na yogī yoga-sādhakaḥ //
prāṇāyāmair dahed doṣān dhāraṇābhiś ca kilbiṣam
pratyāhāreṇa viṣayān dhyānenānīśvarān guṇān //
Note:
prāṇa-āyāmair dahed doṣān dhāraṇābhiś ca kilbiṣam
pratyāhāreṇa viṣayān dhyānena an-īśvarān guṇān //
yathā parvatadhātūnāṃ doṣā dahyanti dhāmyatām
tathendriyakṛtā doṣā dahyante prāṇanigrahāt //
Note:
yathā parvata-dhātūnāṃ doṣā dahyanti dhāmyatām
tatha īndriya-kṛtā doṣā dahyante prāṇa-nigrahāt //
samaḥ samāsano bhūtvā saṃhṛtya caraṇāv ubhau
saṃvṛtāsyas tathaivorū samyag viṣṭabhya cāgrataḥ //
Note:
samaḥ sama-āsano bhūtvā saṃhṛtya caraṇāv ubhau
saṃvṛta-āsyas tatha aiva urū samyag viṣṭabhya ca agrataḥ //
pārṣṇibhyāṃ liṅgavṛṣaṇāv aspṛśan prayataḥ sthitaḥ
kiṃcidunnāmitaśirā dantair dantān na saṃspṛśet
saṃpaśyan nāsikāgraṃ svaṃ diśaś cānavalokayan //
Note:
pārṣṇibhyāṃ liṅga-vṛṣaṇāv a-spṛśan prayataḥ sthitaḥ
kiṃ-cid-unnāmita-śirā dantair dantān na saṃspṛśet
saṃpaśyan nāsika-agraṃ svaṃ diśaś ca an-avalokayan //
rajasā tamaso vṛttiṃ sattvena rajasas tathā
saṃchādya nirmale sattve sthito yuñjīta yogavit //
Note:
rajasā tamaso vṛttiṃ sattvena rajasas tathā
saṃchādya nir-male sattve sthito yuñjīta yoga-vit //
indriyāṇīndriyārthebhyaḥ prāṇādīn mana eva ca
nigṛhya samavāyena pratyāhāram upakramet //
Note:
indriyāṇi indriya-arthebhyaḥ prāṇa-ādīn mana eva ca
nigṛhya samavāyena pratyāhāram upakramet //
yas tu pratyāharet kāmān sarvāṅgān īva kacchapaḥ
sadātmaratir ekasthaḥ paśyaty ātmānam ātmani //
Note:
yas tu pratyāharet kāmān sarva-aṅgān īva kacchapaḥ
sadā ātma-ratir eka-sthaḥ paśyaty ātmānam ātmani //
sa bāhyābhyantaraṃ śaucaṃ niṣpādyākaṇṭhanābhitaḥ
pūrayitvā budho dehaṃ pratyāhāram upakramet //
Note:
sa bāhya-abhy-antaraṃ śaucaṃ niṣpādyā a-kaṇṭha-nābhitaḥ
pūrayitvā budho dehaṃ pratyāhāram upakramet //
tathā vai yogayuktasya yogino niyatātmanaḥ
(sarve doṣāḥ praṇaśyanti svasthaś caivopajāyate) //
Note:
tathā vai yoga-yuktasya yogino niyata-ātmanaḥ
(sarve doṣāḥ praṇaśyanti sva-sthaś ca eva upajāyate) //
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghaṭa-stha-yoge pratyāhāra-prayogo nāma caturtho1padeśaḥ //4// ]]
athātaḥ saṃpravakṣyāmi prāṇāyāmasya yadvidhim
yasya sādhanamātreṇa devatulyo bhaven naraḥ //
Note:
atha ataḥ saṃpravakṣyāmi prāṇa-āyāmasya yad-vidhim
yasya sādhana-mātreṇa deva-tulyo bhaven naraḥ //
ādau sthānaṃ tathā kālaṃ mitāhāraṃ tathāparam
nāḍīśuddhiṃ tataḥ paścāt prāṇāyāmaṃ ca sādhayet //
Note:
ādau sthānaṃ tathā kālaṃ mita-āhāraṃ tathā-aparam
nāḍī-śuddhiṃ tataḥ paścāt prāṇa-āyāmaṃ ca sādhayet //
dūradeśe tathāraṇye rājadhānyāṃ janāntike
yogārambhaṃ na kurvīta kṛtaś cet siddhihā bhavet //
Note:
dūra-deśe tatha āraṇye rāja-dhānyāṃ jana-antike
yoga-ārambhaṃ na kurvīta kṛtaś cet siddhi-hā bhavet //
aviśvāsaṃ dūradeśe araṇye bhakṣavarjitam
lokāraṇye prakāśaś ca tasmāt trīṇi vivarjayet //
Note:
a-viśvāsaṃ dūra-deśe araṇye bhakṣa-varjitam
loka-āraṇye prakāśaś ca tasmāt trīṇi vivarjayet //
sudeśe dhārmike rājye subhikṣe nirupadrave
tatraikaṃ kuṭiraṃ kṛtvā prācīraiḥ pariveṣṭayet //
Note:
su-deśe dhārmike rājye su-bhikṣe nir-upadrave
tatra ekaṃ kuṭiraṃ kṛtvā prācīraiḥ pariveṣṭayet //
vāpīkūpataḍāgaṃ ca prācīramadhyavarti ca
nātyuccaṃ nātinīcaṃ vā kuṭiraṃ kīṭavarjitam //
Note:
vāpī-kūpa-taḍāgaṃ ca prācīra-madhya-varti ca
na aty-uccaṃ na ati-nīcaṃ vā kuṭiraṃ kīṭa-varjitam //
samyaggomayaliptaṃ ca kuṭiraṃ randhravarjitam
evaṃ sthāne hi gupte ca prāṇāyāmaṃ samabhyaset //
Note:
samyag-gomaya-liptaṃ ca kuṭiraṃ randhra-varjitam
evaṃ sthāne hi gupte ca prāṇa-āyāmaṃ samabhyaset //
hemante śiśire grīṣme varṣāyāṃ ca ṛtau tathā
yogārambhaṃ na kurvīta kṛte yogo hi rogadaḥ //
Note:
hemante śiśire grīṣme varṣāyāṃ ca ṛtau tathā
yoga-ārambhaṃ na kurvīta kṛte yogo hi roga-daḥ //
vasante śaradi proktaṃ yogārambhaṃ samācaret
tadā yogo bhavet siddho rogān mukto bhaved dhruvam //
Note:
vasante śaradi proktaṃ yoga-ārambhaṃ samācaret
tadā yogo bhavet siddho rogān mukto bhaved dhruvam //
caitrādiphālgunānte ca māghādiphālgunāntike
dvau dvau māsau ṛtubhāgau anubhāvaś catuś catuḥ //
Note:
caitra-ādi-phālguna-ante ca māgha-ādi-phālguna-antike
dvau dvau māsau ṛtu-bhāgau anubhāvaś catuś catuḥ //
vasantaś caitravaiśākhau jyeṣṭhāṣāḍhau ca grīṣmakau
varṣā śrāvaṇabhādrābhyāṃ śarad āśvinakārtikau
mārgapauṣau ca hemantaḥ śiśiro māghaphālgunau //
Note:
vasantaś caitra-vaiśākhau jyeṣṭha-āṣāḍhau ca grīṣmakau
varṣā śrāvaṇa-bhādrābhyāṃ śarad āśvina-kārtikau
mārga-pauṣau ca hemantaḥ śiśiro māgha-phālgunau //
anubhāvaṃ pravakṣyāmi ṛtūnāṃ ca yathoditam
māghādimādhavānte hi vasantānubhavaś catuḥ //
Note:
anubhāvaṃ pravakṣyāmi ṛtūnāṃ ca yathā-uditam
māgha-ādi-mādhava-ante hi vasanta-anubhavaś catuḥ //
caitrādi cāṣāḍhāntaṃ ca grīṣmaś cānubhavaś catuḥ
āṣāḍhādi cāśvināntaṃ varṣā cānubhavaś catuḥ //
Note:
caitra-ādi cā aṣāḍha-antaṃ ca grīṣmaś ca anubhavaś catuḥ
āṣāḍha-ādi ca aśvina-antaṃ varṣā ca anubhavaś catuḥ //
bhādrādi mārgaśīrṣāntaṃ śarado 'nubhavaś catuḥ
kārtikādimāghamāsāntaṃ hemantānubhavaś catuḥ
mārgādīṃś caturo māsāñ śiśirānubhavaṃ viduḥ //
Note:
bhādra-ādi mārgaśīrṣa-antaṃ śarado 'nubhavaś catuḥ
kārtika-ādi-māgha-māsa-antaṃ hemanta-anubhavaś catuḥ
mārga-ādīṃś caturo māsāñ śiśira-anubhavaṃ viduḥ //
vasante vāpi śaradi yogārambhaṃ tu samācaret
tadā yogo bhavet siddho vināyāsena kathyate //
Note:
vasante va āpi śaradi yoga-ārambhaṃ tu samācaret
tadā yogo bhavet siddho vinā āyāsena kathyate //
mitāhāraṃ vinā yas tu yogārambhaṃ tu kārayet
nānārogo bhavet tasya kiṃcid yogo na sidhyati //
Note:
mita-āhāraṃ vinā yas tu yoga-ārambhaṃ tu kārayet
nānā-rogo bhavet tasya kiṃ-cid yogo na sidhyati //
śālyannaṃ yavapiṇḍaṃ vā godhūmapiṇḍakaṃ tathā
mudgaṃ māṣacaṇakādi śubhraṃ ca tuṣavarjitam //
Note:
śāly-annaṃ yava-piṇḍaṃ vā godhūma-piṇḍakaṃ tathā
mudgaṃ māṣa-caṇaka-ādi śubhraṃ ca tuṣa-varjitam //
paṭolaṃ panasaṃ mānaṃ kakkolaṃ ca śukāśakam
drāḍhikāṃ karkaṭīṃ rambhāṃ ḍumbarīṃ kaṇṭakaṇṭakam //
Note:
paṭolaṃ panasaṃ mānaṃ kakkolaṃ ca śuka-āśakam
drāḍhikāṃ karkaṭīṃ rambhāṃ ḍumbarīṃ kaṇṭa-kaṇṭakam //
āmarambhāṃ bālarambhāṃ rambhādaṇḍaṃ ca mūlakam
vārtākīṃ mūlakam ṛddhiṃ yogī bhakṣaṇam ācaret //
Note:
āma-rambhāṃ bāla-rambhāṃ rambhā-daṇḍaṃ ca mūlakam
vārtākīṃ mūlakam ṛddhiṃ yogī bhakṣaṇam ācaret //
bālaśākaṃ kāla śākaṃ tathā paṭolapatrakam
pañcaśākaṃ praśaṃsīyād vāstūkaṃ hilamocikāṃ //
Note:
bāla-śākaṃ kāla śākaṃ tathā paṭola-patrakam
pañca-śākaṃ praśaṃsīyād vāstūkaṃ hila-mocikāṃ //
śuddhaṃ sumadhuraṃ snigdham udarārdhavivarjitam
bhujyate surasaṃprītyā [surasaṃ prityā] mitāhāram imaṃ viduḥ //
Note:
śuddhaṃ su-madhuraṃ snigdham udara-ardha-vivarjitam
bhujyate sura-saṃprītyā [su-rasaṃ prityā] mita-āhāram imaṃ viduḥ //
annena pūrayed ardhaṃ toyena tu tṛtīyakam
udarasya turīyāṃśaṃ saṃrakṣed vāyucāraṇe //
Note:
annena pūrayed ardhaṃ toyena tu tṛtīyakam
udarasya turīya-aṃśaṃ saṃrakṣed vāyu-cāraṇe //
kaṭv amlaṃ lavaṇaṃ tiktaṃ bhṛṣṭaṃ ca dadhi takrakam
śākotkaṭaṃ tathā madyaṃ tālaṃ ca panasaṃ tathā //
Note:
kaṭv amlaṃ lavaṇaṃ tiktaṃ bhṛṣṭaṃ ca dadhi takrakam
śāka-utkaṭaṃ tathā madyaṃ tālaṃ ca panasaṃ tathā //
kulatthaṃ masūraṃ pāṇḍuṃ kūṣmāṇḍaṃ śākadaṇḍakam
tumbīkolakapitthaṃ ca kaṇṭabilvaṃ palāśakam //
Note:
kulatthaṃ masūraṃ pāṇḍuṃ kūṣmāṇḍaṃ śāka-daṇḍakam
tumbī-kola-kapitthaṃ ca kaṇṭa-bilvaṃ palāśakam //
kadambaṃ jambīraṃ bimbaṃ lakucaṃ laśunaṃ viṣam
kāmaraṅgaṃ piyālaṃ ca hiṅguśālmalikemukam //
Note:
kadambaṃ jambīraṃ bimbaṃ lakucaṃ laśunaṃ viṣam
kāma-raṅgaṃ piyālaṃ ca hiṅgu-śālmali-kemukam //
yogārambhe varjayec ca pathastrīvahnisevanam //
Note:
yoga-ārambhe varjayec ca patha-strī-vahni-sevanam //
navanītaṃ ghṛtaṃ kṣīraṃ guḍaṃ śarkarādi cekṣavaṃ
pakvarambhāṃ nārikelaṃ dāḍimbam aśivāsavam
drākṣāṃ tu lavalīṃ dhātrīṃ rasam amlavivarjitam //
Note:
nava-nītaṃ ghṛtaṃ kṣīraṃ guḍaṃ śarkara-ādi cā ikṣavaṃ
pakva-rambhāṃ nārikelaṃ dāḍimbam a-śiva-āsavam
drākṣāṃ tu lavalīṃ dhātrīṃ rasam amla-vivarjitam //
elājātilavaṅgaṃ ca pauruṣaṃ jambujāmbalam
harītakīṃ kharjūraṃ ca yogī bhakṣaṇam ācaret //
Note:
elā-jāti-lavaṅgaṃ ca pauruṣaṃ jambu-jāmbalam
harītakīṃ kharjūraṃ ca yogī bhakṣaṇam ācaret //
laghupākaṃ priyaṃ snigdhaṃ tathā dhātuprapoṣaṇam
manoabhilaṣitaṃ yogyaṃ yogī bhojanam ācaret //
Note:
laghu-pākaṃ priyaṃ snigdhaṃ tathā dhātu-prapoṣaṇam
mano-abhilaṣitaṃ yogyaṃ yogī bhojanam ācaret //
kāṭhinyaṃ duritaṃ pūtim uṣṇaṃ paryuṣitaṃ tathā
atiśītaṃ cāti coṣṇaṃ bhakṣyaṃ yogī vivarjayet //
Note:
kāṭhinyaṃ duritaṃ pūtim uṣṇaṃ paryuṣitaṃ tathā
ati-śītaṃ ca ati ca uṣṇaṃ bhakṣyaṃ yogī vivarjayet //
prātaḥsnānopavāsādikāyakleśavidhiṃ tathā
ekāhāraṃ nirāhāraṃ yāmānte ca na kārayet //
Note:
prātaḥ-snāna-upavāsa-ādi-kāya-kleśa-vidhiṃ tathā
eka-āhāraṃ nir-āhāraṃ yāma-ante ca na kārayet //
evaṃvidhividhānena prāṇāyāmaṃ samācaret
ārambhe prathame kuryāt kṣīrādyaṃ nityabhojanam
madhyāhne caiva sāyāhne bhojanadvayam ācaret //
Note:
evaṃ-vidhi-vidhānena prāṇa-āyāmaṃ samācaret
ārambhe prathame kuryāt kṣīra-ādyaṃ nitya-bhojanam
madhya-ahne ca eva sāya-ahne bhojana-dvayam ācaret //
kuśāsane mṛgājine vyāghrājine ca kambale
sthūlāsane samāsīnaḥ prāṅmukho vāpyudaṅmukhaḥ
nāḍīśuddhiṃ samāsādya prāṇāyāmaṃ samabhyaset //
Note:
kuśa-āsane mṛga-ajine vyāghra-ajine ca kambale
sthūla-āsane samāsīnaḥ prāṅmukho va āpyudaṅ-mukhaḥ
nāḍī-śuddhiṃ samāsādya prāṇa-āyāmaṃ samabhyaset //
nāḍīśuddhiṃ kathaṃ kuryān nāḍīśuddhis tu kīdṛśī
tat sarvaṃ śrotum icchāmi tad vadasva dayānidhe //
Note:
nāḍī-śuddhiṃ kathaṃ kuryān nāḍī-śuddhis tu kī-dṛśī
tat sarvaṃ śrotum icchāmi tad vadasva dayā-nidhe //
malākulāsu nāḍīṣu māruto naiva gacchati
prāṇāyāmaḥ kathaṃ sidhyet tattvajñānaṃ kathaṃ bhavet
tasmād ādau naḍīśuddhiṃ prāṇāyāmaṃ tato 'bhyaset //
Note:
mala-ākulāsu nāḍīṣu māruto na eva gacchati
prāṇa-āyāmaḥ kathaṃ sidhyet tattva-jñānaṃ kathaṃ bhavet
tasmād ādau naḍī-śuddhiṃ prāṇa-āyāmaṃ tato 'bhyaset //
nāḍīśuddhir dvidhā proktā samanur nirmanus tathā
bījena samanuṃ kuryān nirmanuṃ dhautikarmaṇi //
Note:
nāḍī-śuddhir dvidhā proktā sa-manur nir-manus tathā
bījena sa-manuṃ kuryān nir-manuṃ dhauti-karmaṇi //
dhautikarma purā proktaṃ ṣaṭkarmasādhane yathā
śṛṇuṣva samanuṃ caṇḍa nāḍīśuddhir yathā bhavet //
Note:
dhauti-karma purā proktaṃ ṣaṭ-karma-sādhane yathā
śṛṇuṣva sa-manuṃ caṇḍa nāḍī-śuddhir yathā bhavet //
upaviśyāsane yogī padmāsanaṃ samācaret
gurvādinyāsanaṃ kṛtvā yathaiva gurubhāṣitam
nāḍīśuddhiṃ prakurvīta prāṇāyāmaviśuddhaye //
Note:
upaviśyā asane yogī padma-āsanaṃ samācaret
gurv-ādi-nyāsanaṃ kṛtvā yatha aiva guru-bhāṣitam
nāḍī-śuddhiṃ prakurvīta prāṇa-āyāma-viśuddhaye //
vāyubījaṃ tato dhyātvā dhūmravarṇaṃ satejasam
candreṇa pūrayed vāyuṃ bījaṃ ṣoḍaśakaiḥ sudhīḥ //
Note:
vāyu-bījaṃ tato dhyātvā dhūmra-varṇaṃ sa-tejasam
candreṇa pūrayed vāyuṃ bījaṃ ṣo-ḍaśakaiḥ su-dhīḥ //
catuḥṣaṣṭyā mātrayā ca kumbhakenaiva dhārayet
dvātriṃśanmātrayā vāyuṃ sūryanāḍyā ca recayet //
Note:
catuḥ-ṣaṣṭyā mātrayā ca kumbhakena eva dhārayet
dvā-triṃśan-mātrayā vāyuṃ sūrya-nāḍyā ca recayet //
nābhimūlād vahnim utthāpya dhyāyet tejo vanīyutam
vahnibījaṃ ṣoḍaśena sūryanāḍyā ca pūrayet //
Note:
nābhi-mūlād vahnim utthāpya dhyāyet tejo vanī-yutam
vahni-bījaṃ ṣo-ḍaśena sūrya-nāḍyā ca pūrayet //
catuḥṣaṣṭyā mātrayā ca kumbhakenaiva dhārayet
dvātriṃśanmātrayā vāyuṃ śaśināḍyā ca recayet //
Note:
catuḥ-ṣaṣṭyā mātrayā ca kumbhakena eva dhārayet
dvā-triṃśan-mātrayā vāyuṃ śaśi-nāḍyā ca recayet //
nāsāgre śaśadhṛg bimbaṃ dhyātvā jyotsnāsamanvitam
ṭhaṃ bījaṃ ṣoḍaśenaiva iḍayā pūrayen marut //
Note:
nāsa-agre śaśa-dhṛg bimbaṃ dhyātvā jyotsnā-samanvitam
ṭhaṃ bījaṃ ṣo-ḍaśena eva iḍayā pūrayen marut //
catuḥṣaṣṭyā mātrayā ca [kumbhakenaiva] dhārayet
amṛtaplāvitaṃ dhyātvā prāṇāyāmaṃ samabhyaset //
Note:
catuḥ-ṣaṣṭyā mātrayā ca [kumbhakena eva] dhārayet
a-mṛta-plāvitaṃ dhyātvā prāṇa-āyāmaṃ samabhyaset //
[vaṃ bījaṃ śoḍaśenaiva sūryanāḍyā ca pūrayet]
dvātriṃśena lakāreṇa dṛḍhaṃ bhāvyaṃ virecayet //
Note:
[vaṃ bījaṃ śo-ḍaśena eva sūrya-nāḍyā ca pūrayet]
dvā-triṃśena la-kāreṇa dṛḍhaṃ bhāvyaṃ virecayet //
evaṃvidhāṃ nāḍīśuddhiṃ kṛtvā nāḍīṃ viśodhayet
dṛḍho bhūtvāsanaṃ kṛtvā prāṇāyāmaṃ samācaret //
Note:
evaṃ-vidhāṃ nāḍī-śuddhiṃ kṛtvā nāḍīṃ viśodhayet
dṛḍho bhūtvā āsanaṃ kṛtvā prāṇa-āyāmaṃ samācaret //
sahitaḥ sūryabhedaś ca ujjāyī śītalī tathā
bhastrikā bhrāmarī mūrcchā kevalī cāṣṭa kumbhikāḥ //
Note:
sahitaḥ sūrya-bhedaś ca ujjāyī śītalī tathā
bhastrikā bhrāmarī mūrcchā kevalī ca aṣṭa kumbhikāḥ //
sahitau dvividhau proktau prāṇāyāmaṃ samācaret
sagarbho bījam uccārya nirgarbho bījavarjitaḥ
prāṇāyāmaṃ sagarbhaṃ ca prathamaṃ kathayāmi te //
Note:
sahitau dvi-vidhau proktau prāṇa-āyāmaṃ samācaret
sa-garbho bījam uccārya nir-garbho bīja-varjitaḥ
prāṇa-āyāmaṃ sa-garbhaṃ ca prathamaṃ kathayāmi te //
sukhāsane copaviśya prāṅmukho vāpy udaṅmukhaḥ
dhyāyed vidhiṃ rajoguṇaṃ raktavarṇam avarṇakam //
Note:
sukha-āsane ca upaviśya prāṅ-mukho va āpy udaṅ-mukhaḥ
dhyāyed vidhiṃ rajo-guṇaṃ rakta-varṇam a-varṇakam //
iḍayā pūrayed vāyuṃ mātrayā ṣoḍaśaiḥ sudhīḥ
pūrakānte kumbhakādye kartavyas tūḍḍiyānakaḥ //
Note:
iḍayā pūrayed vāyuṃ mātrayā ṣo-ḍaśaiḥ su-dhīḥ
pūraka-ante kumbhaka-ādye kartavyas tu uḍḍiyānakaḥ //
sattvamayaṃ hariṃ dhyātvā ukāraiḥ śuklavarṇakaiḥ
catuḥṣaṣṭyā ca mātrayā anilaṃ kumbhakaṃ caret
kumbhakānte recakādye kartavyaṃ ca jālaṃdharam //
Note:
sattvamayaṃ hariṃ dhyātvā u-kāraiḥ śukla-varṇakaiḥ
catuḥ-ṣaṣṭyā ca mātrayā anilaṃ kumbhakaṃ caret
kumbhaka-ante recaka-ādye kartavyaṃ ca jālaṃ-dharam //
rudraṃ tamoguṇaṃ dhyātvā makāraiḥ kṛṣṇavarṇakaiḥ
dvātriṃśanmātrayā caiva recayed vidhinā punaḥ //
Note:
rudraṃ tamo-guṇaṃ dhyātvā ma-kāraiḥ kṛṣṇa-varṇakaiḥ
dvā-triṃśan-mātrayā ca eva recayed vidhinā punaḥ //
punaḥ piṅgalayāpūrya kumbhakenaiva dhārayet
iḍayā recayet paścāt tadbījena krameṇa tu //
Note:
punaḥ piṅgalayā āpūrya kumbhakena eva dhārayet
iḍayā recayet paścāt tad-bījena krameṇa tu //
anulomavilomena vāraṃ vāraṃ ca sādhayet
pūrakānte kumbhakādye dhṛtaṃ nāsāpuṭadvayam
kaniṣṭhānāmikāṅguṣṭhais tarjanīmadhyame vinā //
Note:
anu-loma-vi-lomena vāraṃ vāraṃ ca sādhayet
pūraka-ante kumbhaka-ādye dhṛtaṃ nāsā-puṭa-dvayam
kaniṣṭhā-a-nāmikā-aṅguṣṭhais tarjanī-madhyame vinā //
prāṇāyāmaṃ nigarbhaṃ tu vinā bījena jāyate
vāmajānūpari nyastavāmapāṇitalaṃ bhramet
mātrādiśataparyantaṃ pūrakumbhakarecanam //
Note:
prāṇa-āyāmaṃ ni-garbhaṃ tu vinā bījena jāyate
vāma-jānu-upari nyasta-vāma-pāṇi-talaṃ bhramet
mātrā-ādi-śata-pary-antaṃ pūra-kumbhaka-recanam //
uttamā viṃśatir mātrā madhyamā ṣoḍaśī smṛtā
adhamā dvādaśī mātrā prāṇāyāmās tridhā smṛtāḥ //
Note:
uttamā viṃśatir mātrā madhyamā ṣo-ḍaśī smṛtā
adhamā dvā-daśī mātrā prāṇa-āyāmās tridhā smṛtāḥ //
adhamāj jāyate gharmo merukampaś ca madhyamāt
uttamāc ca bhūmityāgas trividhaṃ siddhilakṣaṇam //
Note:
adhamāj jāyate gharmo meru-kampaś ca madhyamāt
uttamāc ca bhūmi-tyāgas tri-vidhaṃ siddhi-lakṣaṇam //
prāṇāyāmāt khecaratvaṃ prāṇāyāmād roganāśanam
prāṇāyāmād bodhayec chaktiṃ prāṇāyāmān manonmanī
ānando jāyate citte prāṇāyāmī sukhī bhavet //
Note:
prāṇa-āyāmāt khe-caratvaṃ prāṇa-āyāmād roga-nāśanam
prāṇa-āyāmād bodhayec chaktiṃ prāṇa-āyāmān mana-unmanī
ānando jāyate citte prāṇa-āyāmī sukhī bhavet //
kathitaṃ sahitaṃ kumbhaṃ sūryabhedanakaṃ śṛṇu
pūrayet sūryanāḍyā ca yathāśakti bahirmarut //
Note:
kathitaṃ sahitaṃ kumbhaṃ sūrya-bhedanakaṃ śṛṇu
pūrayet sūrya-nāḍyā ca yathā-śakti bahir-marut //
dhārayed bahuyatnena kumbhakena jalaṃdharaiḥ
yāvat svedaṃ nakhakeśābhyāṃ tāvat kurvantu kumbhakam //
Note:
dhārayed bahu-yatnena kumbhakena jalaṃ-dharaiḥ
yāvat svedaṃ nakha-keśābhyāṃ tāvat kurvantu kumbhakam //
prāṇo 'pānaḥ samānaś caudānavyānau ca vāyavaḥ
nāgaḥ kūrmaś ca kṛkaro devadatto dhanaṃjayaḥ //
Note:
prāṇo 'pānaḥ samānaś caudāna-vyānau ca vāyavaḥ
nāgaḥ kūrmaś ca kṛkaro deva-datto dhanaṃ-jayaḥ //
hṛdi prāṇo vahen nityam apāno gudamaṇḍale
samāno nābhideśe tu udānaḥ kaṇṭhamadhyagaḥ
vyāno vyāpya śarīre tu pradhānāḥ pañca vāyavaḥ //
Note:
hṛdi prāṇo vahen nityam apāno guda-maṇḍale
samāno nābhi-deśe tu udānaḥ kaṇṭha-madhya-gaḥ
vyāno vyāpya śarīre tu pradhānāḥ pañca vāyavaḥ //
prāṇādyāḥ pañca vikhyātā nāgādyāḥ pañca vāyavaḥ
teṣām api ca pañcānāṃ sthānāni ca vadāmy aham //
Note:
prāṇa-ādyāḥ pañca vikhyātā nāga-ādyāḥ pañca vāyavaḥ
teṣām api ca pañcānāṃ sthānāni ca vadāmy aham //
udgāre nāga ākhyātaḥ kūrmas tūnmīlane smṛtaḥ
kṛkaraḥ kṣuttṛṣe jñeyo devadatto vijṛmbhaṇe
na jahāti mṛte kvāpi sarvavyāpī dhanaṃjayaḥ //
Note:
udgāre nāga ākhyātaḥ kūrmas tu unmīlane smṛtaḥ
kṛkaraḥ kṣut-tṛṣe jñeyo deva-datto vijṛmbhaṇe
na jahāti mṛte kva api sarva-vyāpī dhanaṃ-jayaḥ //
nāgo gṛhṇāti caitanyaṃ kūrmaś caiva nimeṣaṇam
kṣuttṛṣaṃ kṛkaraś caiva jṛmbhaṇaṃ caturthena tu
bhaved dhanaṃjayāc chabdaṃ kṣaṇamātraṃ na niḥsaret //
Note:
nāgo gṛhṇāti caitanyaṃ kūrmaś ca eva nimeṣaṇam
kṣut-tṛṣaṃ kṛkaraś ca eva jṛmbhaṇaṃ caturthena tu
bhaved dhanaṃ-jayāc chabdaṃ kṣaṇa-mātraṃ na niḥsaret //
sarvaṃ ca sūryakaṃ bhitvā nābhimūlāt samuddharet //
Note:
sarvaṃ ca sūryakaṃ bhitvā nābhi-mūlāt samuddharet //
iḍayā recayet paścād dhairyeṇākhaṇḍavegataḥ
punaḥ sūryeṇa cākṛṣya kumbhayitvā yathāvidhi //
Note:
iḍayā recayet paścād dhairyeṇa a-khaṇḍa-vegataḥ
punaḥ sūryeṇa cā akṛṣya kumbhayitvā yathā-vidhi //
recayitvā sādhayet tu krameṇa ca punaḥ punaḥ
kumbhakaḥ sūryabhedas tu jarāmṛtyuvināśakaḥ //
Note:
recayitvā sādhayet tu krameṇa ca punaḥ punaḥ
kumbhakaḥ sūrya-bhedas tu jarā-mṛtyu-vināśakaḥ //
bodhayet kuṇḍalīṃ śaktiṃ dehānalavivardhanam
iti te kathitaṃ caṇḍa sūryabhedanam uttamam //
Note:
bodhayet kuṇḍalīṃ śaktiṃ deha-anala-vivardhanam
iti te kathitaṃ caṇḍa sūrya-bhedanam uttamam //
nāsābhyāṃ vāyum ākṛṣya mukhamadhye ca dhārayet
hṛdgalābhyāṃ samākṛṣya vāyuṃ vaktreṇa dhārayet //
Note:
nāsābhyāṃ vāyum ākṛṣya mukha-madhye ca dhārayet
hṛd-galābhyāṃ samākṛṣya vāyuṃ vaktreṇa dhārayet //
mukhaṃ praphullaṃ saṃrakṣya kuryāj jālaṃdharaṃ tataḥ
āśakti kumbhakaṃ kṛtvā dhārayed avirodhataḥ //
Note:
mukhaṃ praphullaṃ saṃrakṣya kuryāj jālaṃ-dharaṃ tataḥ
ā-śakti kumbhakaṃ kṛtvā dhārayed a-virodhataḥ //
ujjāyīkumbhakaṃ kṛtvā sarvakāryāṇi sādhayet
na bhavet kapharogaś ca krūravāyur ajīrṇakam //
Note:
ujjāyī-kumbhakaṃ kṛtvā sarva-kāryāṇi sādhayet
na bhavet kapha-rogaś ca krūra-vāyur a-jīrṇakam //
āmavātaḥ kṣayaḥ kāso jvaraplīhā na jāyate
jarāmṛtyuvināśāya cojjāyīṃ sādhayen naraḥ //
Note:
āma-vātaḥ kṣayaḥ kāso jvara-plīhā na jāyate
jarā-mṛtyu-vināśāya ca ujjāyīṃ sādhayen naraḥ //
jihvayā vāyum ākṛṣya udare pūrayec chanaiḥ
kṣaṇaṃ ca kumbhakaṃ kṛtvā nāsābhyāṃ recayet punaḥ //
Note:
jihvayā vāyum ākṛṣya udare pūrayec chanaiḥ
kṣaṇaṃ ca kumbhakaṃ kṛtvā nāsābhyāṃ recayet punaḥ //
sarvadā sādhayed yogī śītalīkumbhakaṃ śubham
ajīrṇaṃ kaphapittaṃ ca naiva tasya prajāyate //
Note:
sarvadā sādhayed yogī śītalī-kumbhakaṃ śubham
a-jīrṇaṃ kapha-pittaṃ ca na eva tasya prajāyate //
bhastreva lohakārāṇāṃ yathākrameṇa saṃbhramet
tato vāyuṃ ca nāsābhyām ubhābhyāṃ cālayec chanaiḥ //
Note:
bhastra īva loha-kārāṇāṃ yathā-krameṇa saṃbhramet
tato vāyuṃ ca nāsābhyām ubhābhyāṃ cālayec chanaiḥ //
evaṃ viṃśativāraṃ ca kṛtvā kuryāc ca kumbhakam
tadante cālayed vāyuṃ pūrvoktaṃ ca yathāvidhi //
Note:
evaṃ viṃśati-vāraṃ ca kṛtvā kuryāc ca kumbhakam
tad-ante cālayed vāyuṃ pūrva-uktaṃ ca yathā-vidhi //
trivāraṃ sādhayed enaṃ bhastrikākumbhakaṃ sudhīḥ
na ca rogo na ca kleśa ārogyaṃ ca dine dine //
Note:
tri-vāraṃ sādhayed enaṃ bhastrikā-kumbhakaṃ su-dhīḥ
na ca rogo na ca kleśa ārogyaṃ ca dine dine //
ardharātre gate yogī jantūnāṃ śabdavarjite
karṇau nidhāya hastābhyāṃ kuryāt pūrakam uttamam //
Note:
ardha-rātre gate yogī jantūnāṃ śabda-varjite
karṇau nidhāya hastābhyāṃ kuryāt pūrakam uttamam //
śṛṇuyād dakṣiṇe karṇe nādam antargataṃ sudhīḥ
prathamaṃ jhiṃjhīnādaṃ ca vaṃśīnādaṃ tataḥ param
meghaghargharabhrāmarī ca ghaṇṭākāṃsyaṃ tataḥ param //
Note:
śṛṇuyād dakṣiṇe karṇe nādam antar-gataṃ su-dhīḥ
prathamaṃ jhiṃjhī-nādaṃ ca vaṃśī-nādaṃ tataḥ param
megha-gharghara-bhrāmarī ca ghaṇṭā-kāṃsyaṃ tataḥ param //
turībherīmṛdaṅgādivīṇānādakadundubhiḥ
evaṃ nānāvidho nādo jāyate nityam abhyasāt //
Note:
turī-bherī-mṛd-aṅga-ādi-vīṇā-nādaka-dundubhiḥ
evaṃ nānā-vidho nādo jāyate nityam abhyasāt //
anāhatasya śabdasya tasya śabdasya yo dhvaniḥ
dhvaner antargataṃ jyotir jyotir antargataṃ manaḥ //
Note:
an-āhatasya śabdasya tasya śabdasya yo dhvaniḥ
dhvaner antar-gataṃ jyotir jyotir antar-gataṃ manaḥ //
tasmiṃs tu vilayaṃ yāti tad viṣṇoḥ paramaṃ padam
evaṃ bhrāmarīsaṃsiddhiḥ samādhisiddhim āpnuyāt //
Note:
tasmiṃs tu vilayaṃ yāti tad viṣṇoḥ paramaṃ padam
evaṃ bhrāmarī-saṃsiddhiḥ samādhi-siddhim āpnuyāt //
mukhe ca kumbhakaṃ kṛtvā bhruvor antargataṃ manaḥ
saṃtyajya viṣayān sarvān manomūrcchā sukhapradā //
Note:
mukhe ca kumbhakaṃ kṛtvā bhruvor antar-gataṃ manaḥ
saṃtyajya viṣayān sarvān mano-mūrcchā sukha-pradā //
ātmani manasaṃyogād ānandaṃ jāyate dhruvam
evaṃ nānāvidhānando jāyate nityam abhyasāt
evam abhyāsayogena samādhisiddhim āpnuyāt //
Note:
ātmani mana-saṃyogād ānandaṃ jāyate dhruvam
evaṃ nānā-vidhā-ānando jāyate nityam abhyasāt
evam abhyāsa-yogena samādhi-siddhim āpnuyāt //
bhujaṃginyāḥ śvāsavaśād ajapā jāyate nanu
haṃkāreṇa bahir yāti saḥkāreṇa viśet punaḥ //
Note:
bhujaṃ-ginyāḥ śvāsa-vaśād a-japā jāyate nanu
haṃ-kāreṇa bahir yāti saḥ-kāreṇa viśet punaḥ //
ṣaṭ śatāni divārātrau sahasrāṇy ekaviṃśatiḥ
ajapāṃ nāma gāyatrīṃ jīvo japati sarvadā //
Note:
ṣaṭ śatāni divā-rātrau sahasrāṇy eka-viṃśatiḥ
a-japāṃ nāma gāyatrīṃ jīvo japati sarvadā //
mūlādhāre yathā haṃsas tathā hi hṛdi paṅkaje
tathā nāsāpuṭadvandve triveṇīsaṃgamāgamam //
Note:
mūla-ādhāre yathā haṃsas tathā hi hṛdi paṅka-je
tathā nāsā-puṭa-dvandve tri-veṇī-saṃgama-āgamam //
ṣaṇṇavatyaṅgulīmānaṃ śarīraṃ karmarūpakam
dehād bahirgato vāyuḥ svabhāvād dvādaśāṅguliḥ //
Note:
ṣaṇ-ṇavaty-aṅgulī-mānaṃ śarīraṃ karma-rūpakam
dehād bahir-gato vāyuḥ sva-bhāvād dvā-daśa-aṅguliḥ //
śayane ṣoḍaśāṅgulyo bhojane viṃśatis tathā
caturviṃśāṅguliḥ panthe nidrāyāṃ triṃśadaṅguliḥ
maithune ṣaṭtriṃśad uktaṃ vyāyāme ca tato 'dhikam //
Note:
śayane ṣo-ḍaśa-aṅgulyo bhojane viṃśatis tathā
catur-viṃśa-aṅguliḥ panthe nidrāyāṃ triṃśad-aṅguliḥ
maithune ṣaṭ-triṃśad uktaṃ vyāyāme ca tato 'dhikam //
svabhāve 'sya gater nyūne param āyuḥ pravardhate
āyuḥkṣayo 'dhike prokto mārute cāntarād gate //
Note:
sva-bhāve 'sya gater nyūne param āyuḥ pravardhate
āyuḥ-kṣayo 'dhike prokto mārute ca antarād gate //
tasmāt prāṇe sthite dehe maraṇaṃ naiva jāyate
vāyunā ghaṭasaṃbandhe bhavet kevalakumbhakaḥ //
Note:
tasmāt prāṇe sthite dehe maraṇaṃ na eva jāyate
vāyunā ghaṭa-saṃbandhe bhavet kevala-kumbhakaḥ //
yāvajjīvaṃ japen mantram ajapāsaṃkhyakevalam
adyāvadhi dhṛtaṃ saṃkhyāvibhramaṃ kevalīkṛte //
Note:
yāvaj-jīvaṃ japen mantram a-japā-saṃkhya-kevalam
adya-avadhi dhṛtaṃ saṃkhyā-vibhramaṃ kevalī-kṛte //
ata eva hi kartavyaḥ kevalīkumbhako naraiḥ
kevalī cājapāsaṃkhyā dviguṇā ca manonmanī //
Note:
ata eva hi kartavyaḥ kevalī-kumbhako naraiḥ
kevalī ca a-japā-saṃkhyā dvi-guṇā ca mana-unmanī //
nāsābhyāṃ vāyum ākṛṣya kevalaṃ kumbhakaṃ caret
ekādikacatuḥṣaṣṭiṃ dhārayet prathame dine //
Note:
nāsābhyāṃ vāyum ākṛṣya kevalaṃ kumbhakaṃ caret
eka-ādika-catuḥ-ṣaṣṭiṃ dhārayet prathame dine //
kevalīm aṣṭadhā kuryād yāme yāme dine dine
atha vā pañcadhā kuryād yathā tat kathayāmi te //
Note:
kevalīm aṣṭadhā kuryād yāme yāme dine dine
atha vā pañcadhā kuryād yathā tat kathayāmi te //
prātar madhyāhnasāyāhne madhyarātre caturthake
trisaṃdhyam atha vā kuryāt samamāne dine dine //
Note:
prātar madhya-ahna-sāya-ahne madhya-rātre caturthake
tri-saṃdhyam atha vā kuryāt sama-māne dine dine //
pañcavāraṃ dine vṛddhir vāraikaṃ ca dine tathā
ajapāparimāṇe ca yāvat siddhiḥ prajāyate //
Note:
pañca-vāraṃ dine vṛddhir vāra-ekaṃ ca dine tathā
a-japā-parimāṇe ca yāvat siddhiḥ prajāyate //
prāṇāyāmaṃ kevalīṃ nāma tadā vadati yogavit
kumbhake kevale siddhe kiṃ na sidhyati bhūtale //
Note:
prāṇa-āyāmaṃ kevalīṃ nāma tadā vadati yoga-vit
kumbhake kevale siddhe kiṃ na sidhyati bhū-tale //
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghata-stha-yoga-prakaraṇe prāṇā3yāma-prayogo nāma pañcamo1padeśaḥ //5// ]]
sthūlaṃ jyotis tathā sūkṣmaṃ dhyānasya trividhaṃ viduḥ
sthūlaṃ mūrtimayaṃ proktaṃ jyotis tejomayaṃ tathā
sūkṣmaṃ bindumayaṃ brahma kuṇḍalī paradevatā //
Note:
sthūlaṃ jyotis tathā sūkṣmaṃ dhyānasya tri-vidhaṃ viduḥ
sthūlaṃ mūrtimayaṃ proktaṃ jyotis tejomayaṃ tathā
sūkṣmaṃ bindumayaṃ brahma kuṇḍalī para-devatā //
svakīyahṛdaye dhyāyet sudhāsāgaram uttamam
tanmadhye ratnadvīpaṃ tu suratnavālukāmayam //
Note:
svakīya-hṛdaye dhyāyet sudhā-sāgaram uttamam
tan-madhye ratna-dvīpaṃ tu su-ratna-vālukāmayam //
caturdikṣu nīpataruṃ bahupuṣpasamanvitam
nīpopavanasaṃkulair veṣṭitaṃ paritā iva //
Note:
catur-dikṣu nīpa-taruṃ bahu-puṣpa-samanvitam
nīpa-upa-vana-saṃkulair veṣṭitaṃ paritā iva //
mālatīmallikājātī$kesaraiś campakais tathā &
pārijātaiḥ sthalapadmair gandhāmoditadiṅmukhaiḥ //
Note:
mālatī-mallikā-jātī-$-kesaraiś campakais tathā &
pārijātaiḥ sthala-padmair gandhā-modita-diṅ-mukhaiḥ //
tanmadhye saṃsmared yogī kalpavṛkṣaṃ manoramam
catuḥśākhācaturvedaṃ nityapuṣpaphalānvitam //
Note:
tan-madhye saṃsmared yogī kalpa-vṛkṣaṃ mano-ramam
catuḥ-śākhā-catur-vedaṃ nitya-puṣpa-phala-anvitam //
bhramarāḥ kokilās tatra guñjanti nigadanti ca
dhyāyettatra sthiro bhūtvā mahāmāṇikyamaṇḍapam //
Note:
bhramarāḥ kokilās tatra guñjanti nigadanti ca
dhyāyet-tatra sthiro bhūtvā mahā-māṇikya-maṇḍapam //
tanmadhye tu smared yogī paryaṅkaṃ sumanoharam
tatreṣṭadevatāṃ dhyāyed yaddhyānaṃ gurubhāṣitam //
Note:
tan-madhye tu smared yogī paryaṅkaṃ su-mano-haram
tatra iṣṭa-devatāṃ dhyāyed yad-dhyānaṃ guru-bhāṣitam //
yasya devasya yad rūpaṃ yathā bhūṣaṇavāhanam
tad rūpaṃ dhyāyate nityaṃ sthūladhyānam idaṃ viduḥ //
Note:
yasya devasya yad rūpaṃ yathā bhūṣaṇa-vāhanam
tad rūpaṃ dhyāyate nityaṃ sthūla-dhyānam idaṃ viduḥ //
sahasrāramahāpadme karṇikāyāṃ vicintayet
vilagnasahitaṃ padmaṃ dvādaśair dalasaṃyutam //
Note:
sahasra-ara-mahāpadme karṇikāyāṃ vicintayet
vilagna-sahitaṃ padmaṃ dvā-daśair dala-saṃyutam //
śubhravarṇaṃ mahātejo dvādaśair bījabhāṣitam
sahakṣamavalariyuṃ haṃsaśaktiṃ yathākramam //
Note:
śubhra-varṇaṃ mahā-tejo dvā-daśair bīja-bhāṣitam
sa-ha-kṣa-ma-va-la-ri-yuṃ haṃ-sa-śa-ktiṃ yathā-kramam //
tanmadhye karṇikāyāṃ tu akathādirekhātrayam
halakṣakoṇasaṃyuktaṃ praṇavaṃ tatra vartate //
Note:
tan-madhye karṇikāyāṃ tu a-ka-tha-ādi-rekhā-trayam
ha-la-kṣa-koṇa-saṃyuktaṃ praṇavaṃ tatra vartate //
nādabindumayaṃ pīṭhaṃ dhyāyet tatra manoharam
tatropari haṃsayugmaṃ pādukā tatra vartate //
Note:
nāda-bindumayaṃ pīṭhaṃ dhyāyet tatra mano-haram
tatra-upari haṃ-sa-yugmaṃ pādukā tatra vartate //
dhyāyettatra guruṃ devaṃ vibhujaṃ ca trilocanam
śvetāmbaradharaṃ devaṃ śuklagandhānulepanam //
Note:
dhyāyettatra guruṃ devaṃ vi-bhujaṃ ca tri-locanam
śveta-ambara-dharaṃ devaṃ śukla-gandha-anulepanam //
śuklapuṣpamayaṃ mālyaṃ raktaśaktisamanvitam
evaṃvidhagurudhyānāt sthūladhyānaṃ prasidhyati //
Note:
śukla-puṣpamayaṃ mālyaṃ rakta-śakti-samanvitam
evaṃ-vidha-guru-dhyānāt sthūla-dhyānaṃ prasidhyati //
kathitaṃ sthūladhyānaṃ tu tejodhyānaṃ śṛṇuṣva me
yaddhyānena yogasiddhir ātmapratyakṣam eva ca
mūlādhāre kuṇḍalinī bhujagākārarūpiṇī //
Note:
kathitaṃ sthūla-dhyānaṃ tu tejo-dhyānaṃ śṛṇuṣva me
yad-dhyānena yoga-siddhir ātma-praty-akṣam eva ca
mūla-ādhāre kuṇḍalinī bhuja-ga-ākāra-rūpiṇī //
jīvātmā tiṣṭhati tatra pradīpakalikākṛtiḥ
dhyāyet tejomayaṃ brahma tejodhyānaṃ tad eva hi //
Note:
jīva-ātmā tiṣṭhati tatra pradīpa-kalikā-ākṛtiḥ
dhyāyet tejomayaṃ brahma tejo-dhyānaṃ tad eva hi //
nābhimūle sthitaṃ sūryamaṇḍalaṃ vahnisaṃyutam
dhyāyet tejo mahad vyāptaṃ tejodhyānaṃ tad eva hi //
Note:
nābhi-mūle sthitaṃ sūrya-maṇḍalaṃ vahni-saṃyutam
dhyāyet tejo mahad vyāptaṃ tejo-dhyānaṃ tad eva hi //
bhruvor madhye manordhve ca yat tejaḥ praṇavātmakam
dhyāyej jvālāvalīyuktaṃ tejodhyānaṃ tad eva hi //
Note:
bhruvor madhye mana-ūrdhve ca yat tejaḥ praṇava-ātmakam
dhyāyej jvāla-avalī-yuktaṃ tejo-dhyānaṃ tad eva hi //
tejodhyānaṃ śrutaṃ caṇḍa sūkṣmadhyānaṃ vadāmy aham
bahubhāgyavaśād yasya kuṇḍalī jāgratī bhavet //
Note:
tejo-dhyānaṃ śrutaṃ caṇḍa sūkṣma-dhyānaṃ vadāmy aham
bahu-bhāgya-vaśād yasya kuṇḍalī jāgratī bhavet //
ātmanā saha yogena netrarandhrād vinirgatā
vihared rājamārge ca cañcalatvān na dṛśyate //
Note:
ātmanā saha yogena netra-randhrād vinirgatā
vihared rāja-mārge ca cañcalatvān na dṛśyate //
śāṃbhavīmudrayā yogī dhyānayogena sidhyati
sūkṣmadhyānam idaṃ gopyaṃ devānām api durlabham //
Note:
śāṃbhavī-mudrayā yogī dhyāna-yogena sidhyati
sūkṣma-dhyānam idaṃ gopyaṃ devānām api dur-labham //
sthūladhyānāc chataguṇaṃ tejodhyānaṃ pracakṣate
tejodhyānāl lakṣaguṇaṃ sūkṣmadhyānaṃ parātparam //
Note:
sthūla-dhyānāc chata-guṇaṃ tejo-dhyānaṃ pracakṣate
tejo-dhyānāl lakṣa-guṇaṃ sūkṣma-dhyānaṃ parāt-param //
iti te kathitaṃ caṇḍa dhyānayogaṃ sudurlabham
ātmā sākṣād bhaved yasmāt tasmād dhyānaṃ viśiṣyate //
Note:
iti te kathitaṃ caṇḍa dhyāna-yogaṃ su-dur-labham
ātmā sa-akṣād bhaved yasmāt tasmād dhyānaṃ viśiṣyate //
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghata-stha-yoge sapta-sādhane dhyāna-yogo nāma ṣaṣṭho1padeśaḥ //6// ]]
samādhiś ca paraṃ tattvaṃ bahubhāgyena labhyate
guroḥ kṛpāprasādena prāpyate gurubhaktitaḥ //
Note:
samādhiś ca paraṃ tattvaṃ bahu-bhāgyena labhyate
guroḥ kṛpā-prasādena prāpyate guru-bhaktitaḥ //
vidyāpratītiḥ svagurupratītir $
ātmapratītir manasaḥ prabodhaḥ &
dine dine yasya bhavet sa yogī %
suśobhanābhyāsam upaiti sadyaḥ //
Note:
vidyā-pratītiḥ sva-guru-pratītir $
ātma-pratītir manasaḥ prabodhaḥ &
dine dine yasya bhavet sa yogī %
su-śobhana-abhyāsam upaiti sadyaḥ //
ghaṭād bhinnaṃ manaḥ kṛtvā aikyaṃ kuryāt parātmani
samādhiṃ taṃ vijānīyān muktasaṃjño daśādibhiḥ //
Note:
ghaṭād bhinnaṃ manaḥ kṛtvā aikyaṃ kuryāt para-ātmani
samādhiṃ taṃ vijānīyān mukta-saṃjño daśā-ādibhiḥ //
ahaṃ brahma na cānyo 'smi brahmaivāhaṃ na śokabhāk
saccidānandarūpo 'haṃ nityamuktaḥ svabhāvavān //
Note:
ahaṃ brahma na ca anyo 'smi brahma eva ahaṃ na śoka-bhāk
sac-cid-ānanda-rūpo 'haṃ nitya-muktaḥ sva-bhāvavān //
śāṃbhavyā caiva khecaryā bhrāmaryā yonimudrayā
dhyānaṃ nādaṃ rasānandaṃ layasiddhiś caturvidhā //
Note:
śāṃbhavyā ca eva khe-caryā bhrāmaryā yoni-mudrayā
dhyānaṃ nādaṃ rasa-ānandaṃ laya-siddhiś catur-vidhā //
pañcadhā bhaktiyogena manomūrcchā ca ṣaḍvidhā
ṣaḍvidho 'yaṃ rājayogaḥ pratyekam avadhārayet //
Note:
pañcadhā bhakti-yogena mano-mūrcchā ca ṣaḍ-vidhā
ṣaḍ-vidho 'yaṃ rāja-yogaḥ praty-ekam avadhārayet //
śāṃbhavīṃ mudrikāṃ kṛtvā ātmapratyakṣam ānayet
bindu brahmamayaṃ dṛṣṭvā manas tatra niyojayet //
Note:
śāṃbhavīṃ mudrikāṃ kṛtvā ātma-praty-akṣam ānayet
bindu brahmamayaṃ dṛṣṭvā manas tatra niyojayet //
khamadhye kuru cātmānam ātmamadhye ca khaṃ kuru
ātmānaṃ khamayaṃ dṛṣṭvā na kiṃcid api bādhyate
sadānandamayo bhūtvā samādhistho bhaven naraḥ //
Note:
kha-madhye kuru cā atmānam ātma-madhye ca khaṃ kuru
ātmānaṃ khamayaṃ dṛṣṭvā na kiṃ-cid api bādhyate
sad-ānandamayo bhūtvā samādhi-stho bhaven naraḥ //
khecarīmudrāsādhanād rasanā ūrdhvagatā yadā
tadā samādhisiddhiḥ syād dhitvā sādhāraṇakriyām //
Note:
khe-carī-mudrā-sādhanād rasanā ūrdhva-gatā yadā
tadā samādhi-siddhiḥ syād dhitvā sādhāraṇa-kriyām //
anilaṃ mandavegena bhrāmarīkumbhakaṃ caret
mandaṃ mandaṃ recayed vāyuṃ bhṛṅganādaṃ tato bhavet //
Note:
anilaṃ manda-vegena bhrāmarī-kumbhakaṃ caret
mandaṃ mandaṃ recayed vāyuṃ bhṛṅga-nādaṃ tato bhavet //
antaḥsthaṃ bhramarīnādaṃ śrutvā tatra mano nayet
samādhir jāyate tatra ānandaḥ so 'ham ity ataḥ //
Note:
antaḥ-sthaṃ bhramarī-nādaṃ śrutvā tatra mano nayet
samādhir jāyate tatra ānandaḥ so 'ham ity ataḥ //
yonimudrāṃ samāsādya svayaṃ śaktimayo bhavet
suśṛṅgārarasenaiva viharet paramātmani //
Note:
yoni-mudrāṃ samāsādya svayaṃ śaktimayo bhavet
su-śṛṅgāra-rasena eva viharet parama-ātmani //
ānandamayaḥ saṃbhūtvā aikyaṃ brahmaṇi saṃbhavet
ahaṃ brahmeti cādvaitaṃ samādhis tena jāyate //
Note:
ānandamayaḥ saṃbhūtvā aikyaṃ brahmaṇi saṃbhavet
ahaṃ brahmeti ca a-dvaitaṃ samādhis tena jāyate //
svakīyahṛdaye dhyāyed iṣṭadevasvarūpakam
cintayed bhaktiyogena paramāhlādapūrvakam //
Note:
svakīya-hṛdaye dhyāyed iṣṭa-deva-sva-rūpakam
cintayed bhakti-yogena parama-āhlāda-pūrvakam //
ānandāśrupulakena daśābhāvaḥ prajāyate
samādhiḥ saṃbhavet tena saṃbhavec ca manonmanī //
Note:
ānanda-aśru-pulakena daśā-a-bhāvaḥ prajāyate
samādhiḥ saṃbhavet tena saṃbhavec ca mana-unmanī //
manomūrcchāṃ samāsādya mana ātmani yojayet
parātmanaḥ samāyogāt samādhiṃ samavāpnuyāt //
Note:
mano-mūrcchāṃ samāsādya mana ātmani yojayet
para-ātmanaḥ samāyogāt samādhiṃ samavāpnuyāt //
iti te kathitaṃ caṇḍa samādhir muktilakṣaṇam
rājayogaḥ samādhiḥ syād ekātmany eva sādhanam
unmanī sahajāvasthā sarve caikātmavācakāḥ //
Note:
iti te kathitaṃ caṇḍa samādhir mukti-lakṣaṇam
rāja-yogaḥ samādhiḥ syād eka-ātmany eva sādhanam
unmanī saha-ja-avasthā sarve ca eka-ātma-vācakāḥ //
jale viṣṇuḥ sthale viṣṇur viṣṇuḥ parvatamastake
jvālāmālākule viṣṇuḥ sarvaṃ viṣṇumayaṃ jagat //
Note:
jale viṣṇuḥ sthale viṣṇur viṣṇuḥ parvata-mastake
jvālā-māla-ākule viṣṇuḥ sarvaṃ viṣṇumayaṃ jagat //
bhūcarāḥ khecarāś cāmī yāvanto jīvajantavaḥ
vṛkṣagulmalatāvallītṛṇādyā vāri parvatāḥ
sarvaṃ brahma vijānīyāt sarvaṃ paśyati cātmani //
Note:
bhū-carāḥ khe-carāś ca amī yāvanto jīva-jantavaḥ
vṛkṣa-gulma-latā-vallī-tṛṇa-ādyā vāri parvatāḥ
sarvaṃ brahma vijānīyāt sarvaṃ paśyati cā atmani //
ātmā ghatasthacaitanyam advaitaṃ śāśvataṃ param
ghaṭād bhinnataraṃ jñānaṃ vītarāgaṃ vivāsanam //
Note:
ātmā ghata-stha-caitanyam a-dvaitaṃ śāśvataṃ param
ghaṭād bhinnataraṃ jñānaṃ vīta-rāgaṃ vi-vāsanam //
evaṃvidhiḥ samādhiḥ syāt sarvasaṃkalpavarjitaḥ
svadehe putradārādibāndhaveṣu dhanādiṣu
sarveṣu nirmamo bhūtvā samādhiṃ samavāpnuyāt //
Note:
evaṃ-vidhiḥ samādhiḥ syāt sarva-saṃkalpa-varjitaḥ
sva-dehe putra-dāra-ādi-bāndhaveṣu dhana-ādiṣu
sarveṣu nir-mamo bhūtvā samādhiṃ samavāpnuyāt //
layāmṛtaṃ paraṃ tattvaṃ śivoktaṃ vividhāni ca
teṣāṃ saṃkṣepam ādāya kathitaṃ muktilakṣaṇam //
Note:
laya-a-mṛtaṃ paraṃ tattvaṃ śiva-uktaṃ vi-vidhāni ca
teṣāṃ saṃkṣepam ādāya kathitaṃ mukti-lakṣaṇam //
iti te kathitaś caṇḍa samādhir durlabhaḥ paraḥ
yaṃ jñātvā na punarjanma jāyate bhūmimaṇḍale //
Note:
iti te kathitaś caṇḍa samādhir dur-labhaḥ paraḥ
yaṃ jñātvā na punar-janma jāyate bhūmi-maṇḍale //
[[iti śrī-gheraṇḍa-saṃhitāyāṃ gheraṇḍa-caṇḍa-saṃvāde ghata-stha-yoga-sādhane yogasya sapta-sāre samādhi-yogo nāma saptamo1padeśaḥ samāptaḥ //7// ]]
- Notes
- Distributed under a Creative Commons Attribution-NonCommercial-ShareAlike 4.0 International License (https://creativecommons.org/licenses/by-nc-sa/4.0/)
- Holder of rights
- Göttingen Register of Electronic Texts in Indian Languages (GRETIL), SUB Göttingen
- Citation Suggestion for this Object
- TextGrid Repository (2022). 1_sanskr. tei. sa_gheraNDasaMhitA. GRETIL. Göttingen Register of Electronic Texts in Indian Languages (GRETIL), SUB Göttingen. https://hdl.handle.net/21.T11991/0000-001C-951F-8