saṃkrāmo 'tra na bhāvanā na ca kathāyuktir na carcā na ca
dhyānaṃ vā na ca dhāraṇā na ca japābhyāsaprayāso na ca |
dhyānaṃ vā na ca dhāraṇā na ca japābhyāsaprayāso na ca |
tat kiṃ nāma suniścitaṃ vada paraṃ satyaṃ ca tacchrūyatāṃ
na tyāgī na parigrahī bhaja sukhaṃ sarvaṃ yathāvasthitaḥ ||
na tyāgī na parigrahī bhaja sukhaṃ sarvaṃ yathāvasthitaḥ ||
saṃsāro 'sti na tattvatas tanubhṛtāṃ bandhasya vārtaiva kā
bandho yasya na jātu tasya vitathā muktasya muktikriyā |
bandho yasya na jātu tasya vitathā muktasya muktikriyā |
mithyāmohakṛd eṣa rajjubhujagacchāyāpiśācabhramo mā kiṃcit tyaja
mā gṛhāṇa vihara [1] svastho yathāvasthitaḥ ||
mā gṛhāṇa vihara [1] svastho yathāvasthitaḥ ||
pūjapūjakapūjyabhedasaraṇiḥ keyaṃ kathānuttare saṃkrāmaḥ
kila kasya kena vidadhe ko vā praveśakramaḥ |
kila kasya kena vidadhe ko vā praveśakramaḥ |
māyeyam na cidadvayāt paratayā bhinnāpy aho vartate sarvaṃ
svānubhavasvabhāvavimalaṃ cintāṃ vṛthā mā kṛthāḥ ||
svānubhavasvabhāvavimalaṃ cintāṃ vṛthā mā kṛthāḥ ||
ānando 'tra na vittamadhyamadavan naivāṅganāsaṅgavat
dīpārkendukṛtaprabhāprakaravan naiva prakāśodayaḥ |
dīpārkendukṛtaprabhāprakaravan naiva prakāśodayaḥ |
harṣaḥ saṃbhṛtabhedamuktisukhabhūr bhārāvatāropamaḥ
sarvādvaitapadasya vismṛtanidheḥ prāptiḥ prakāśodayaḥ ||
sarvādvaitapadasya vismṛtanidheḥ prāptiḥ prakāśodayaḥ ||
rāgadveṣasukhāsukhodayalayāhaṅkāradainyādayo ye bhāvāḥ
pravibhānti viśvavapuṣo bhinnasvabhāvā na te |
pravibhānti viśvavapuṣo bhinnasvabhāvā na te |
vyaktiṃ paśyasi yasya yasya sahasā tattattadekātmatāsaṃvidrūpam
avekṣya kiṃ na ramase tadbhāvanānirbharaḥ ||
avekṣya kiṃ na ramase tadbhāvanānirbharaḥ ||
pūrvābhāvabhavakriyā hi sahasā bhāvāḥ sadā 'smin bhave
madhyākāravikārasaṃkaravatāṃ teṣāṃ kutaḥ satyatā |
madhyākāravikārasaṃkaravatāṃ teṣāṃ kutaḥ satyatā |
niḥsatye capale prapañcanicaye svapnabhrame peśale
śaṅkātaṅkakalaṅkayuktikalanātītaḥ prabuddho bhava ||
śaṅkātaṅkakalaṅkayuktikalanātītaḥ prabuddho bhava ||
bhāvānāṃ na samudbhavo 'sti sahajas tvadbhāvitā bhānty amī
niḥsatyā api satyatām anubhavabhrāntyā bhajanti kṣaṇam |
niḥsatyā api satyatām anubhavabhrāntyā bhajanti kṣaṇam |
tvatsaṅkalpaja eṣa viśvamahimā nāsty asya janmānyataḥ
tasmāt tvaṃ vibhavena bhāsi bhuvaneṣv ekopy anekātmakaḥ ||
tasmāt tvaṃ vibhavena bhāsi bhuvaneṣv ekopy anekātmakaḥ ||
yat satyaṃ yad asatyam alpabahulaṃ nityaṃ na nityaṃ ca yat
yan māyāmalinaṃ yad ātmavimalaṃ ciddarpaṇe rājate |
yan māyāmalinaṃ yad ātmavimalaṃ ciddarpaṇe rājate |
tat sarvaṃ svavimarśasaṃvidudayād rūpaprakāśātmakaṃ jñātvā
svānubhavādhirūḍhamahimā viśveśvaratvaṃ bhaja ||
svānubhavādhirūḍhamahimā viśveśvaratvaṃ bhaja ||
|| iti śrīmadācāryābhinavaguptapādair viracitānuttarāṣṭikā samāptā ||
Note: [1] var. vilasa
Note: Gandharva-nagaram / DSO Sanskrit Archive
- Notizen
- Distributed under a Creative Commons Attribution-NonCommercial-ShareAlike 4.0 International License (https://creativecommons.org/licenses/by-nc-sa/4.0/)
- Rechtsinhaber*in
- Göttingen Register of Electronic Texts in Indian Languages (GRETIL), SUB Göttingen
- Zitationsvorschlag für dieses Objekt
- TextGrid Repository (2022). 1_sanskr. tei. sa_abhinavagupta-anuttarASTikA. GRETIL. Göttingen Register of Electronic Texts in Indian Languages (GRETIL), SUB Göttingen. https://hdl.handle.net/21.T11991/0000-001C-951B-C