adyāpi tāṃ kanakacampakadāmagaurīṃ phullāravindavadanāṃ tanuromarājīm
suptotthitāṃ madanavihvalalālasāṅgīṃ vidyāṃ pramādaguṇitām iva cintayāmi //
Note:
adya api tāṃ kanaka-campakadāma-gaurīṃ phulla-aravinda-vadanāṃ tanu-roma-rājīm
supta-utthitāṃ madana-vihvala-lālasa-aṅgīṃ vidyāṃ pramāda-guṇitām iva cintayāmi //
adyāpi tāṃ śaśimukhīṃ navayauvanāḍhyāṃ pīnastanīṃ punar ahaṃ yadi gaurakāntim
paśyāmi manmathaśarānalapīḍitāṅgīṃ gātrāṇi saṃprati karomi suśītalāni //
Note:
adya api tāṃ śaśi-mukhīṃ nava-yauvana-āḍhyāṃ pīna-stanīṃ punar ahaṃ yadi gaura-kāntim
paśyāmi manmatha-śara-anala-pīḍita-aṅgīṃ gātrāṇi saṃprati karomi suśītalāni //
adyāpi tāṃ yadi punaḥ kamalāyatākṣīṃ paśyāmi pīvarapayodharabhārakhinnām
saṃpīḍya bāḥuyugalena pibāmi vaktram unmattavan madhukaraḥ kamalaṃ yatheṣṭam //
Note:
adya api tāṃ yadi punaḥ kamala-āyata-akṣīṃ paśyāmi pīvara-payodhara-bhārakhinnām
saṃpīḍya bāḥu-yugalena pibāmi vaktram unmatta-van madhukaraḥ kamalaṃ yatha īṣṭam //
adyāpi tāṃ nidhuvanaklamaniḥsahāṅgīm āpāṇḍugaṇḍapatitālakakuntalālim
pracchannapāpakṛtamantharam āvahantīṃ kaṇṭhāvasaktabāhulatāṃ smarāmi //
Note:
adya api tāṃ nidhuvana-klama-niḥsaha-aṅgīm ā-pāṇḍu-gaṇḍa-patita-alaka-kuntala-ālim
pracchanna-pāpa-kṛta-mantharam āvahantīṃ kaṇṭha-avasakta-bāhu-latāṃ smarāmi //
adyāpi tāṃ suratajāgaraghūrṇamāna tiryagvalattaralatārakam āyatākṣīm
śṛṅgārasārakamalākararājahaṃsīṃ vrīḍāvinamravadanām uṣasi smarāmi //
Note:
adya api tāṃ surata-jāgara-ghūrṇamāna tiryag-valat-tarala-tārakam āyatākṣīm
śṛṅgāra-sāra-kamala-ākara-rāja-haṃsīṃ vrīḍā-vinamra-vadanām uṣasi smarāmi //
adyāpi tāṃ yadi punaḥ śravaṇāyatākṣīṃ paśyāmi dīrghavirahajvaritāṅgayaṣṭim
aṅgair ahaṃ samupaguhya tato 'tigāḍhaṃ nonmīlayāmi nayane na ca tāṃ tyajāmi //
Note:
adya api tāṃ yadi punaḥ śravaṇa-āyata-akṣīṃ paśyāmi dīrgha-viraha-jvarita-aṅga-yaṣṭim
aṅgair ahaṃ samupaguhya tato 'tigāḍhaṃ na unmīlayāmi nayane na ca tāṃ tyajāmi //
adyāpi tāṃ suratatāṇḍavasūtradhārīṃ pūrṇendusundaramukhīṃ madavihvalāṅgīm
tanvīṃ viśālajaghanastanabhāranamrāṃ vyālolakuntalakalāpavatīṃ smarāmi //
Note:
adya api tāṃ surata-tāṇḍava-sūtra-dhārīṃ pūrṇa-indu-sundara-mukhīṃ mada-vihvala-aṅgīm
tanvīṃ viśāla-jaghana-stana-bhāra-namrāṃ vyālola-kuntala-kalāpavatīṃ smarāmi //
adyāpi tāṃ masṛṇacandanapaṅkamiśrakastūrikāparimalotthavisarpigandhām
anyonyacañcupuṭacumbanalagnapakṣma yugmābhirāmanayanāṃ śayane smarāmi //
Note:
adya api tāṃ masṛṇa-candana-paṅka-miśrakastūrikā-parimala-uttha-visarpi-gandhām
anyonya-cañcu-puṭa-cumbana-lagna-pakṣma yugma-abhirāma-nayanāṃ śayane smarāmi //
adyāpi tāṃ nidhuvane madhupānaraktām līlādharāṃ kṛśatanuṃ capalāyatākṣīm
kāśmīrapaṅkamṛganābhikṛtāṅgarāgāṃ karpūrapūgaparipūrṇamukhīṃ smarāmi //
Note:
adya api tāṃ nidhuvane madhu-pāna-raktām līlā-adharāṃ kṛśa-tanuṃ capala-āyata-akṣīm
kāśmīra-paṅka-mṛganābhi-kṛta-aṅga-rāgāṃ karpūra-pūga-paripūrṇa-mukhīṃ smarāmi //
adyāpi tat+kanakagaurakṛtāṅgarāgaṃ prasvedabinduvitataṃ vadanaṃ priyāyāḥ
ante smarāmi ratikhedavilolanetraṃ rāhūparāgaparimuktam ivendubimbam //
Note:
adya api tat+kanaka-gaura-kṛta-aṅga-rāgaṃ prasveda-bindu-vitataṃ vadanaṃ priyāyāḥ
ante smarāmi rati-kheda-vilola-netraṃ rāhu-uparāga-parimuktam iva indu-bimbam //
adyāpi tanmanasi saṃparivartate me rātrau mayi kṣutavati kṣitipālaputryā
jīveti maṅgalavacaḥ parihṛtya kopāt karṇe kṛtaṃ kanakapatram anālapantyā //
Note:
adya api tan-manasi saṃparivartate me rātrau mayi kṣutavati kṣiti-pāla-putryā
jīveti maṅgala-vacaḥ parihṛtya kopāt karṇe kṛtaṃ kanaka-patram anālapantyā //
adyāpi tat+kanakakuṇḍalaghṛṣṭagaṇḍam āsyaṃ smarāmi viparītaratābhiyoge
āndolanaśramajalasphuṭasāndrabindu muktāphalaprakaravicchuritaṃ priyāyāḥ //
Note:
adya api tat+kanaka-kuṇḍala-ghṛṣṭa-gaṇḍam āsyaṃ smarāmi viparīta-rata-abhiyoge
āndolana-śrama-jala-sphuṭa-sāndra-bindu muktāphala-prakara-vicchuritaṃ priyāyāḥ //
adyāpi tatpraṇayabhaṅgagurudṛṣṭipātaṃ tasyāḥ smarāmi rativibhramagātrabhaṅgam
vastrāñcalaskhalatacārupayodharāntaṃ dantacchadaṃ daśanakhaṇḍanamaṇḍanaṃ ca //
Note:
adya api tat-praṇaya-bhaṅga-guru-dṛṣṭi-pātaṃ tasyāḥ smarāmi rati-vibhrama-gātra-bhaṅgam
vastra-añcala-skhalata-cāru-payodhara-antaṃ danta-cchadaṃ daśana-khaṇḍana-maṇḍanaṃ ca //
adyāpy aśokanavapallavaraktahastāṃ muktāphalapracayacumbitacūcukāgrām
antaḥ smitocchvasitapāṇḍuragaṇḍabhittiṃ tāṃ vallabhāmalasahaṃsagatiṃ smarāmi //
Note:
adya apy aśoka-nava-pallava-rakta-hastāṃ muktāphala-pracaya-cumbita-cūcuka-agrām
antaḥ smita-ucchvasita-pāṇḍura-gaṇḍa-bhittiṃ tāṃ vallabha-amala-sa-haṃsa-gatiṃ smarāmi //
adyāpi tat+kanakareṇughanorudeśe nyastaṃ smarāmi nakharakṣatalakṣma tasyāḥ
ākṛṣṭahemarucirāmbaram utthitāyā lajjāvaśāt karaghṛtaṃ ca tato vrajantyāḥ //
Note:
adya api tat+kanaka-reṇu-ghana-ūru-deśe nyastaṃ smarāmi nakhara-kṣata-lakṣma tasyāḥ
ākṛṣṭa-hema-rucira-ambaram utthitāyā lajjā-vaśāt kara-ghṛtaṃ ca tato vrajantyāḥ //
adyāpi tāṃ vidhṛtakajjalalolanetrāṃ pṛthvīṃ prabhūtakusumākulakeśapāśām
sindūrasaṃlulitamauktikadantakāntim ābaddhahemakaṭakāṃ rahasi smarāmi //
Note:
adya api tāṃ vidhṛta-kajjala-lola-netrāṃ pṛthvīṃ prabhūta-kusuma-ākula-keśa-pāśām
sindūra-saṃlulita-mauktika-danta-kāntim ābaddha-hema-kaṭakāṃ rahasi smarāmi //
adyāpi tāṃ galitabandhanakeśapāśāṃ srastasrajaṃ smitasudhāmadhurādharauṣṭhīm
pīnonnatastanayugoparicārucumban+ muktāvalīṃ rahasi loladṛśam smarāmi //
Note:
adya api tāṃ galita-bandhana-keśa-pāśāṃ srasta-srajaṃ smita-sudhā-madhura-adhara-oṣṭhīm
pīna-unnata-stana-yuga-upari-cāru-cumban+ mukta-āvalīṃ rahasi lola-dṛśam smarāmi //
adyāpi tāṃ dhavalaveśmani ratnadīpa mālāmayūkhapaṭalair dalitāndhakāre
prāptodyame rahasi saṃmukhadarśanārthaṃ lajjābhayārthanayanām anucintayāmi //
Note:
adya api tāṃ dhavala-veśmani ratna-dīpa mālā-mayūkha-paṭalair dalita-andha-kāre
prāpta-udyame rahasi saṃmukha-darśana-arthaṃ lajjā-bhaya-artha-nayanām anucintayāmi //
adyāpi tāṃ virahavahninipīḍitāṅgīṃ tanvīṃ kuraṅganayanāṃ surataikapātrīm
nānāvicitrakṛtamaṇḍanam āvahantīṃ tāṃ rājahaṃsagamanāṃ sudatīṃ smarāmi //
Note:
adya api tāṃ viraha-vahni-nipīḍita-aṅgīṃ tanvīṃ kuraṅga-nayanāṃ surata-eka-pātrīm
nānā-vicitra-kṛta-maṇḍanam āvahantīṃ tāṃ rāja-haṃsa-gamanāṃ su-datīṃ smarāmi //
adyāpi tāṃ vihasitāṃ kucabhāranamrāṃ muktākalāpadhavalīkṛtakaṇṭhadeśām
tat+kelimandaragirau kusumāyudhasya kāntāṃ smarāmi rucirojjvalapuṣpaketum //
Note:
adya api tāṃ vihasitāṃ kuca-bhāra-namrāṃ muktā-kalāpa-dhavalī-kṛta-kaṇṭha-deśām
tat+keli-mandara-girau kusuma-āyudhasya kāntāṃ smarāmi rucira-ujjvala-puṣpa-ketum //
adyāpi tāṃ cāṭuśatadurlalitocitārthaṃ tasyāḥ smarāmi surataklamavihvalāyāḥ
avyaktaniḥsvanitakātarakathyamāna saṃkīrṇavarṇaruciraṃ vacanaṃ priyāyāḥ //
Note:
adya api tāṃ cāṭu-śata-durlalita-ucita-arthaṃ tasyāḥ smarāmi surata-klama-vihvalāyāḥ
avyakta-niḥsvanita-kātara-kathyamāna saṃkīrṇa-varṇa-ruciraṃ vacanaṃ priyāyāḥ //
adyāpi tāṃ surataghūrṇanimīlitākṣīṃ srastāṅgayaṣṭigalitāṃśukakeśapāśām
śṛṅgāravāriruhakānanarājahaṃsīṃ janmāntare 'pi nidhane 'py anucintayāmi //
Note:
adya api tāṃ surata-ghūrṇa-nimīlita-akṣīṃ srasta-aṅga-yaṣṭi-galita-aṃśuka-keśa-pāśām
śṛṅgāra-vāri-ruha-kānana-rāja-haṃsīṃ janma-antare 'pi nidhane 'py anucintayāmi //
adyāpi tāṃ praṇayinīṃ mṛgaśāvakākṣīṃ pīyūṣapurṇakucakumbhayugaṃ vahantīm
paśyāmy ahaṃ yadi punar divasāvasāne svargāpavarganararājasukhaṃ tyajāmi //
Note:
adya api tāṃ praṇayinīṃ mṛga-śāvaka-akṣīṃ pīyūṣa-purṇa-kuca-kumbha-yugaṃ vahantīm
paśyāmy ahaṃ yadi punar divasa-avasāne svarga-apavarga-nara-rāja-sukhaṃ tyajāmi //
adyāpi tāṃ kṣititale varakāminīnāṃ sarvāṅgasundaratayā prathamaikarekhām
śṛṅgāranāṭakarasottamapānapātrīṃ kāntāṃ smarāmi kusumāyudhabāṇakhinnām //
Note:
adya api tāṃ kṣiti-tale vara-kāminīnāṃ sarva-aṅga-sundaratayā prathama-eka-rekhām
śṛṅgāra-nāṭaka-rasa-uttama-pāna-pātrīṃ kāntāṃ smarāmi kusuma-āyudha-bāṇa-khinnām //
adyāpi tāṃ stimitavastram ivāṅgalagnāṃ prauḍhapratāpamadanānalataptadeham
bālām anāthaśaraṇām anukampanīyāṃ prāṇādhikāṃ kṣaṇam ahaṃ na hi vismarāmi //
Note:
adya api tāṃ stimita-vastram iva aṅga-lagnāṃ prauḍha-pratāpa-madana-anala-tapta-deham
bālām anātha-śaraṇām anukampanīyāṃ prāṇādhikāṃ kṣaṇam ahaṃ na hi vismarāmi //
adyāpi tāṃ prathamato varasundarīṇāṃ snehaikapātraghaṭitām avanīśaputrīm
haṃhojanā mama viyogahutāśano 'yaṃ soḍhuṃ na śakyateti praticintayāmi //
Note:
adya api tāṃ prathamato vara-sundarīṇāṃ sneha-eka-pātra-ghaṭitām avanī-īśa-putrīm
haṃhojanā mama viyoga-huta-aśano 'yaṃ soḍhuṃ na śakyata iti praticintayāmi //
adyāpi vismayakarīṃ tridaśān vihāya buddhir balāc calati me kim ahaṃ karomi
jānann api pratimuhūrtam ihāntakāle kānteti vallabhatareti mameti dhīrā //
Note:
adya api vismaya-karīṃ tridaśān vihāya buddhir balāc calati me kim ahaṃ karomi
jānann api pratimuhūrtam iha anta-kāle kānta īti vallabhatara īti mama iti dhīrā //
adyāpi tāṃ gamanam ity uditaṃ madīyaṃ śrutvaiva bhīruhariṇīm iva cañcalākṣīm
vācaḥ skhaladvigaladāśrujalākulākṣīṃ saṃcintayāmi guruśokavinamravaktrām //
Note:
adya api tāṃ gamanam ity uditaṃ madīyaṃ śrutva aiva bhīru-hariṇīm iva cañcala-akṣīm
vācaḥ skhalad-vigalad-āśru-jala-ākula-akṣīṃ saṃcintayāmi guru-śoka-vinamra-vaktrām //
adyāpi tāṃ sunipuṇaṃ yatatā mayāpi dṛṣṭaṃ na yat sadṛśatovadanaṃ kadācit
saundaryanirjitarati dvijarājakānti kāntām ihātivimalatvamahāguṇena //
Note:
adya api tāṃ sunipuṇaṃ yatatā maya āpi dṛṣṭaṃ na yat sadṛśato-vadanaṃ kadā-cit
saundarya-nirjita-rati dvija-rāja-kānti kāntām iha ativimalatva-mahā-guṇena //
adyāpi tāṃ kṣaṇaviyogaviṣopameyāṃ saṅge punar bahutarām amṛtābhiṣekām
tāṃ jīvadhāraṇakarīṃ madanātapatrām udvattakeśanivahāṃ sudatīṃ smarāmi //
Note:
adya api tāṃ kṣaṇa-viyoga-viṣa-upameyāṃ saṅge punar bahutarām amṛta-abhiṣekām
tāṃ jīva-dhāraṇa-karīṃ madana-ātapatrām udvatta-keśa-nivahāṃ su-datīṃ smarāmi //
adyāpi vāsagṛhato mayi nīyamane durvārabhīṣaṇakarair yamadūtakalpair
kiṃ kiṃ tayā bahuvidhaṃ na kṛtaṃ madarthe vaktuṃ na pāryateti vyathate mano me //
Note:
adya api vāsa-gṛhato mayi nīyamane durvāra-bhīṣaṇa-karair yama-dūta-kalpair
kiṃ kiṃ tayā bahuvidhaṃ na kṛtaṃ mad-arthe vaktuṃ na pāryata iti vyathate mano me //
adyāpi me niśi divā hṛdayaṃ dunoti pūrṇendusundaramukhaṃ mama vallabhāyāḥ
lāvaṇyanirjitaratikṣatikāmadarpaṃ bhūyaḥ puraḥ pratipadaṃ na vilokyate yat //
Note:
adya api me niśi divā hṛdayaṃ dunoti pūrṇa-indu-sundara-mukhaṃ mama vallabhāyāḥ
lāvaṇya-nirjita-rati-kṣati-kāma-darpaṃ bhūyaḥ puraḥ pratipadaṃ na vilokyate yat //
adyāpi tām avahitāṃ manasācalena saṃcintayāmi yuvatīṃ mama jīvitāśām
nānyopabhuktanavayauvanabhārasārāṃ janmāntare 'pi mama saiva gatir yathā syāt //
Note:
adya api tām avahitāṃ manasa ācalena saṃcintayāmi yuvatīṃ mama jīvita-āśām
na anya-upabhukta-nava-yauvana-bhāra-sārāṃ janma-antare 'pi mama sa aiva gatir yathā syāt //
adyāpi tadvadanapaṅkajagandhalubdha bhrāmyaddvirephacayacumbitagaṇḍadeśām
līlāvadhūtakarapallavakaṅkaṇānāṃ kvāṇo vimūrcchati manaḥ sutarāṃ madīyam //
Note:
adya api tad-vadana-paṅkaja-gandha-lubdha bhrāmyad-dvirepha-caya-cumbita-gaṇḍa-deśām
līlā-avadhūtakara-pallava-kaṅkaṇānāṃ kvāṇo vimūrcchati manaḥ sutarāṃ madīyam //
adyāpi tāṃ nakhapadaṃ stanamaṇḍale yad dattaṃ mayāsyamadhupānavimohitena
udbhinnaromapulakair bahubhiḥ samantāj jāgarti rakṣati vilokayati smarāmi //
Note:
adya api tāṃ nakha-padaṃ stana-maṇḍale yad dattaṃ mayā āsya-madhu-pāna-vimohitena
udbhinna-roma-pulakair bahubhiḥ samantāj jāgarti rakṣati vilokayati smarāmi //
adyāpi kopavimukhīkṛtagantukāmā noktaṃ vacaḥ pratidadāti yadaiva vaktram
cumbāmi roditi bhṛśaṃ patito 'smi pāde dāsas tava priyatame bhaja maṃ smarāmi //
Note:
adya api kopa-vimukhī-kṛta-gantu-kāmā na uktaṃ vacaḥ pratidadāti yada aiva vaktram
cumbāmi roditi bhṛśaṃ patito 'smi pāde dāsas tava priyatame bhaja maṃ smarāmi //
adyāpi dhavati manaḥ kim ahaṃ karomi sārdhaṃ sakhībhir api vāsagṛhaṃ sukānte
kāntāṅgasaṃgaparihāsavicitranṛtye krīḍābhirāmeti yātu madīyakālaḥ //
Note:
adya api dhavati manaḥ kim ahaṃ karomi sārdhaṃ sakhībhir api vāsa-gṛhaṃ sukānte
kāntā-aṅga-saṃga-parihāsa-vicitra-nṛtye krīḍā-abhirāma iti yātu madīya-kālaḥ //
adyāpi tāṃ jagati varṇayituṃ na kaś cic chaknoty adṛṣṭasadṛśīṃ ca parigrahaṃ me
dṛṣṭaṃ tayor sadṛśayor khalu yena rūpaṃ śakto bhaved yadi saiva naro na cānyaḥ //
Note:
adya api tāṃ jagati varṇayituṃ na kaś cic chaknoty adṛṣṭa-sadṛśīṃ ca parigrahaṃ me
dṛṣṭaṃ tayor sadṛśayor khalu yena rūpaṃ śakto bhaved yadi sa eva naro na ca anyaḥ //
adyāpi tāṃ na khalu vedmi kim īśapatnī śāpaṃ gatā surapater atha kṛṣṇalakṣmī
dhātraiva kiṃ nu jagataḥ parimohanāya sā nirmitā yuvatiratnadidṛkṣayā vā //
Note:
adya api tāṃ na khalu vedmi kim īśa-patnī śāpaṃ gatā sura-pater atha kṛṣṇa-lakṣmī
dhātra aiva kiṃ nu jagataḥ parimohanāya sā nirmitā yuvati-ratna-didṛkṣayā vā //
adyāpi tannayanakajjalam ujjvalāsyaṃ viśrāntakarṇayugalaṃ parihāsahetor
paśye tavātmani navīnapayodharābhyāṃ kṣīṇāṃ vapur yadi vinaśyati no na doṣaḥ //
Note:
adya api tan-nayana-kajjalam ujjvala-āsyaṃ viśrānta-karṇa-yugalaṃ parihāsa-hetor
paśye tavā atmani navīna-payodharābhyāṃ kṣīṇāṃ vapur yadi vinaśyati no na doṣaḥ //
adyāpi nirmalaśaracchaśigaurakānti ceto muner api haret kim utāsmadīyam
vaktraṃ sudhāmayam ahaṃ yadi tat prapadye cumban pibāmy avirataṃ vyadhate mano me //
Note:
adya api nirmala-śarac-chaśi-gaura-kānti ceto muner api haret kim uta asmadīyam
vaktraṃ sudhā-mayam ahaṃ yadi tat prapadye cumban pibāmy avirataṃ vyadhate mano me //
adyāpi tat+kamalareṇusugandhagandhi tatpremavāri makaradhvajapātakāri
prāpnomy ahaṃ yadi punaḥ surataikatīrthaṃ prāṇāṃs tyajāmī niyataṃ tadavāptihetor //
Note:
adya api tat+kamala-reṇu-sugandha-gandhi tat-prema-vāri makara-dhvaja-pāta-kāri
prāpnomy ahaṃ yadi punaḥ surata-eka-tīrthaṃ prāṇāṃs tyajāmī niyataṃ tad-avāpti-hetor //
adyāpy aho jagati sundaralakṣapūrṇe 'nyānyam uttamaguṇādhikasaṃprapanne
anyābhir apy upamituṃ na mayā ca śakyaṃ rūpaṃ tadīyam iti me hṛdaye vitarkaḥ //
Note:
adya apy aho jagati sundara-lakṣa-pūrṇe 'nya-anyam uttama-guṇa-adhika-saṃprapanne
anyābhir apy upamituṃ na mayā ca śakyaṃ rūpaṃ tadīyam iti me hṛdaye vitarkaḥ //
adyāpi sā mama manastaṭinī sadāste romāñcavīcivilasadvipulasvabhāvā%
kādambakeśararuciḥ kṣatavīkṣaṇaṃ māṃ gātraklamaṃ kathayatī priyarājahaṃsī //
Note:
adya api sā mama manas-taṭinī sadā āste romāñca-vīci-vilasad-vipula-svabhāvā%
kādamba-keśara-ruciḥ kṣata-vīkṣaṇaṃ māṃ gātra-klamaṃ kathayatī priya-rāja-haṃsī //
adyāpi sā hi navayauvanasundarāṅgī romāñcavīcivilasaccapalāṅgayaṣṭiḥ
matsvāntasārasacaladvirahoccapaṃkāt+ kim+cidgamaṃ prathayati priyarājahaṃsī //
Note:
adya api sā hi nava-yauvana-sundara-aṅgī roma-añca-vīci-vilasac-capala-aṅga-yaṣṭiḥ
mat-svānta-sārasa-calad-viraha-ucca-paṃkāt+ kim+cid-gamaṃ prathayati priya-rāja-haṃsī //
adyāpi tāṃ nṛpatī śekhararājaputrīṃ saṃpūrṇayauvanamadālasaghūrṇanetrīm
gandharvayakṣasurakiṃnaranāgakanyāṃ svargād aho nipatitām iva cintayāmi //
Note:
adya api tāṃ nṛpatī śekhara-rāja-putrīṃ saṃpūrṇa-yauvana-madālasa-ghūrṇa-netrīm
gandharva-yakṣa-sura-kiṃnara-nāga-kanyāṃ svargād aho nipatitām iva cintayāmi //
adyāpi tāṃ nijavapuḥ+kṛśavedimadhyām uttuṃgasaṃbhṛtasudhāstanakumbhayugmām
nānāvicitrakṛtamaṇḍamaṇḍitāṅgī suptotthitāṃ niśi divā na hi vismarāmi //
Note:
adya api tāṃ nija-vapuḥ+kṛśa-vedi-madhyām uttuṃga-saṃbhṛta-sudhā-stana-kumbha-yugmām
nānā-vicitra-kṛta-maṇḍa-maṇḍita-aṅgī supta-utthitāṃ niśi divā na hi vismarāmi //
adyāpi tāṃ kanakakāntimadālasāṅgīṃ vrīḍotsukāṃ nipatitām iva ceṣṭamānām
agāṃgasaṃgaparicumbanajātamohāṃ tāṃ jīvanauṣadhim iva pramadāṃ smarāmi //
Note:
adya api tāṃ kanaka-kānti-madālasa-aṅgīṃ vrīḍā-utsukāṃ nipatitām iva ceṣṭamānām
agāṃga-saṃga-paricumbana-jāta-mohāṃ tāṃ jīvana-oṣadhim iva pramadāṃ smarāmi //
adyāpi tatsuratakelinirastrayuddhaṃ bandhopabandhapatanotthitaśūnyahastam
dantauṣṭhapīḍananakhakṣataraktasiktaṃ tasyā smarāmi ratibandhuraniṣṭhuratvam //
Note:
adya api tat-surata-keli-nirastra-yuddhaṃ bandha-upabandha-patana-utthita-śūnya-hastam
danta-oṣṭha-pīḍana-nakha-kṣata-rakta-siktaṃ tasyā smarāmi rati-bandhura-niṣṭhuratvam //
adyāpy ahaṃ varavadhūsuratopabhogaṃ jīvāmi nānyavidhinā kṣaṇam antareṇa
tad bhrātaro maraṇam eva hi duḥkha śāntyai vijñāpayāmi bhavatas tvaritaṃ lunīdhvam //
Note:
adya apy ahaṃ vara-vadhū-surata-upabhogaṃ jīvāmi na anya-vidhinā kṣaṇam antareṇa
tad bhrātaro maraṇam eva hi duḥkha śāntyai vijñāpayāmi bhavatas tvaritaṃ lunīdhvam //
adyāpi nojjhati haraḥ kila kālakūṭaṃ kūrmo bibharti dharaṇīṃ khalu pṛṣṭabhāge
ambhonidhir vahati duḥsahavaḍavāgnim aṅgīkṛtaṃ sukṛtinaḥ paripālayanti //
Note:
adya api na ujjhati haraḥ kila kāla-kūṭaṃ kūrmo bibharti dharaṇīṃ khalu pṛṣṭa-bhāge
ambhonidhir vahati duḥsaha-vaḍavā-agnim aṅgī-kṛtaṃ sukṛtinaḥ paripālayanti //
- Notizen
- Distributed under a Creative Commons Attribution-NonCommercial-ShareAlike 4.0 International License (https://creativecommons.org/licenses/by-nc-sa/4.0/)
- Rechtsinhaber*in
- Göttingen Register of Electronic Texts in Indian Languages (GRETIL), SUB Göttingen
- Zitationsvorschlag für dieses Objekt
- TextGrid Repository (2022). 1_sanskr. tei. sa_bilhaNa-caurapaJcAzikA. GRETIL. Göttingen Register of Electronic Texts in Indian Languages (GRETIL), SUB Göttingen. https://hdl.handle.net/21.T11991/0000-001C-934A-9