• GRETIL
• 1_sanskr
• tei
• transformations
• plaintext
• sa_daNDin-kAvyAdarza1--2.1-144--2.310-368

          Daṇḍin: Kāvyādarśa, 1, 2.1-144, 2.310-368


# Header

  This file is a plain text transformation of http://gretil.sub.uni-goettingen.de/gretil/corpustei/sa_daNDin-kAvyAdarza1--2.1-144--2.310-368.xml
  with a rudimentary header. For a more extensive header please refer to the source file.

## Data entry: Reinhold Grünendahl
## Contribution: Reinhold Grünendahl
## Date of this version: 2020-07-31

## Source: 
   - S.K. Belvalkar, Poona 1924.

## Publisher: Göttingen Register of Electronic Texts in Indian Languages (GRETIL), SUB Göttingen

## Licence:
   This e-text was provided to GRETIL in good faith that no copyright rights have been infringed. If anyone wishes to assert copyright over this file, please contact the GRETIL management at gretil(at)sub(dot)uni-goettingen(dot)de. The file will be immediately removed pending resolution of the claim.
   Distributed under a Creative Commons Attribution-NonCommercial-ShareAlike 4.0 International License.

## Structure of references:
   A reference is assembled consisting of
   - a pragmatic abbreviation of the title: Kāvyādarśa, 1, 2.1-144, 2.310-368 = KA,
   - the number of the  in arabic numerals,
   - the number of the verse in arabic numerals.

## Notes:
   This file has been created by mass conversion of GRETIL's Sanskrit corpus from dkavy1au.htm. Due to the heterogeneity of the sources the header markup might be suboptimal. For the sake of transparency the header of the legacy file is documented in the note element below:

   
	 DANDIN: KAVYADARSA, Pariccheda 1
based on the edition by S.K. Belvalkar, Poona 1924.
Input by Reinhold Gruenendahl
ANALYTIC VERSION according to BHELA conventions:
Sandhi markers:
(. =short vowel, - =long vowel)
in word-sandhi:
1: . . e.g.: veda+anta = vedā1nta
2: - .
3: . -
4: - -
in sentence-sandhi:
7: . . e.g.: ca+api = cā7pi
8: . -
9: - .
0: - -
Pada markers:
1: $
2: &
3: %
4: // n.n //
	


## Revisions:
   - 2020-07-31: TEI encoding by mass conversion of GRETIL's Sanskrit corpus


# Text


atha kāvyā3darśaḥ


pariccheda 1

caturmukhamukhāmbhojavanahaṃsavadhūr mama 
mānase ramatāṃ dīrghaṃ sarvaśuklā sarasvatī // KA_1.1

pūrvaśāstrāṇi saṃhṛtya prayogān upalakṣya ca 
yathāsāmarthyam asmābhiḥ kriyate kāvyalakṣaṇam // KA_1.2

iha śiṣṭānuśiṣṭānāṃ śiṣṭānām api sarvathā 
vācām eva prasādena lokayātrā pravartate // KA_1.3

idam andhaṃ()tamaḥ kṛtsnaṃ jāyeta bhuvanatrayam 
yadi śabdā-hvayaṃ jyotir āsaṃsāraṃ na dīpyate // KA_1.4

ādirājayaśobimbam ādarśaṃ prāpya vāṅmayam 
teṣām asaṃnidhāne 'pi na svayaṃ paśya naśyati // KA_1.5

gaur gauḥ kāmadughā samyak prayuktā smaryate budhaiḥ 
duṣprayuktā punar gotvaṃ prayoktuḥ saiva śaṃsati // KA_1.6

tad alpam api nopekṣyaṃ kāvye duṣṭaṃ kathaṃ cana 
syād vapuḥ sundaram api śvitreṇaikena durbhagam // KA_1.7

guṇadoṣān aśāstrajñaḥ kathaṃ vibhajate naraḥ 
kim andhasyādhikāro 'sti rūpabhedopalabdhiṣu // KA_1.8

ataḥ prajānāṃ vyutpattim abhisaṃdhāya sūrayaḥ 
vācāṃ vicitramārgāṇāṃ nibabandhuḥ kriyāvidhim // KA_1.9

taiḥ śarīraṃ ca kāvyānām alaṃkārāś ca darśitāḥ 
śarīraṃ tāvadiṣṭārthavyavacchinnā padāvalī // KA_1.10

padyaṃ gadyaṃ ca miśraṃ ca tat tridhaiva vyavasthitam 
padyaṃ catuṣpadī tac ca vṛttaṃ jātir iti dvidhā // KA_1.11

chandovicityāṃ sakalas tatprabandho nidarśitaḥ 
sā vidyā naus vivikṣūṇāṃ gambhīraṃ kāvyasāgaram // KA_1.12

muktakaṃ kulakaṃ kośaḥ saṃghāta iti tādṛśaḥ 
sargabandhāṃśarūpatvād anuktaḥ padyavistaraḥ // KA_1.13

sargabandho mahākāvyam ucyate tasya lakṣaṇam 
āśīr namaskriyā vastunirdeśo vāpi tanmukham // KA_1.14

itihāsakathodbhūtam itarad vā sadāśrayam 
caturvargaphalāyattaṃ caturodā-ttanāyakam // KA_1.15

nagarārṇavaśailartucandrārkodayavarṇanaiḥ 
udyānasalilakrīḍāmadhupānaratotsavaiḥ // KA_1.16

vipralambhair vivāhaiś ca kumārodayavarṇanaiḥ 
mantradūtaprayāṇājināyakābhyudayair api // KA_1.17

alaṃkṛtam asaṃkṣiptaṃ rasabhāvanirantaram 
sargair anativistīrṇaiḥ śravyavṛttaiḥ susaṃdhibhiḥ // KA_1.18

sarvatra bhinnavṛttāntair upetaṃ lokarañjanam 
kāvyaṃ kalpottarasthāyi jāyate sadalaṃkṛti // KA_1.19

nyūnam apy atra yaiḥkaiścid aṅgaiḥ kāvyaṃ na duṣyati 
yady upā-tteṣu saṃpattir ārādhayati tadvidaḥ // KA_1.20

guṇataḥ prāg upanyasya nāyakaṃ tena vidviṣām 
nirā-karaṇam ity eṣa mārgaḥ prakṛtisundaraḥ // KA_1.21

vaṃśavīryaśrutādīni varṇayitvā ripor api 
tajjayān nāyakotkarṣavarṇanaṃ ca dhinoti naḥ // KA_1.22

apādaḥ padasaṃtāno gadyam ākhyāyikā kathā 
iti tasya prabhedau dvau tayor ākhyāyikā kila // KA_1.23

nāyakenaiva vācyānyā nāyakenetareṇa vā 
svaguṇāviṣkriyā doṣo nātra bhūtārthaśaṃsinaḥ // KA_1.24

api tv aniyamo dṛṣṭas tatrāpy anyair udīraṇāt 
anyo vaktā svayaṃ veti kīdṛg vā bhedalakṣaṇam // KA_1.25

vaktraṃ cāparavaktraṃ ca socchvāsatvaṃ ca bhedakam 
cihnam ākhyāyikāyāś cet prasaṅgena kathāsv api // KA_1.26

āryādivatpraveśaḥ kiṃ na vaktrāparavaktrayoḥ 
bhedaś ca dṛṣṭo lambādir ucchvāso vāstu kiṃ tataḥ // KA_1.27

tat kathā-khyāyikety ekā jātiḥ saṃjñādvayāṅkitā 
atraivāntarbhaviṣyanti śeṣāś cā-khyānajātayaḥ // KA_1.28

kanyāharaṇasaṃgrāmavipralambhodayādayaḥ 
sargabandhasamā eva naite vaiśeṣikā guṇāḥ // KA_1.29

kavibhāvakṛtaṃ cihnam anyatrāpi na duṣyati 
mukham iṣṭārthasaṃsiddhyai kiṃ hi na syāt kṛtātmanām // KA_1.30

miśrāṇi nāṭakādīni teṣām anyatra vistaraḥ 
gadyapadyamayī kācit campūr ity abhidhīyate // KA_1.31

tad etad vāṅmayaṃ bhūyaḥ saṃskṛtaṃ prākṛtaṃ tathā 
apabhraṃśaś ca miśraṃ cety āhur āryāś caturvidham // KA_1.32

saṃskṛtaṃ nāma daivī vāg anvā-khyātā maharṣibhiḥ 
tadbhavas tatsamo deśīty anekaḥ prākṛtakramaḥ // KA_1.33

mahārāṣṭrāśrayāṃ bhāṣāṃ prakṛṣṭaṃ prākṛtaṃ viduḥ 
sāgaraḥ sūktiratnānāṃ setubandhādi yanmayam // KA_1.34

śaurasenī ca gauḍī ca lāṭī cānyā ca tādṛśī 
yāti prākṛtam ity evaṃ vyavahāreṣu saṃnidhim // KA_1.35

ābhīrādigiraḥ kāvyeṣv apabhraṃśa iti smṛtāḥ 
śāstreṣu saṃskṛtād anyad apabhraṃśatayoditam // KA_1.36

saṃskṛtaṃ sargabandhādi prākṛtaṃ skandhakādikam 
osarādīny apabhraṃśo nāṭakādi tu miśrakam // KA_1.37

kathāpi sarvabhāṣābhiḥ saṃskṛtena ca badhyate 
bhūtabhāṣāmayīṃ prāhur adbhutārthāṃ bṛhatkathām // KA_1.38

lāsyacchalitaśamyādi prekṣārtham itarat punaḥ 
śravyam eveti saiṣāpi dvayī gatir udā-hṛtā // KA_1.39

asty aneko girāṃ mārgaḥ sūkṣmabhedaḥ parasparam 
tatra vaidarbhagauḍīyau varṇyete prasphuṭāntarau // KA_1.40

śleṣaḥ prasādaḥ samatā mādhuryaṃ sukumāratā 
arthavyaktir udāratvaṃ ojaḥkāntisamādhayaḥ // KA_1.41

iti vaidarbhamārgasya prāṇā daśa guṇāḥ smṛtāḥ 
eṣāṃ viparyayaḥ prāyo lakṣyate gauḍavartmani // KA_1.42

śliṣṭam aspṛṣṭaśaithilyam alpaprāṇākṣarottaram 
śithilaṃ mālatīmālā lolālikalilā yathā // KA_1.43

anuprāsadhiyā gauḍais tad iṣṭaṃ bandhagauravāt 
vaidarbhair mālatīdāma laṅghitaṃ bhramarair iti // KA_1.44

prasādavat prasiddhārtham indor indīvaradyuti 
lakṣma lakṣmīṃ tanotīti pratītisubhagaṃ vacaḥ // KA_1.45

vyutpannam iti gauḍīyair nātirūḍham apīṣyate 
yathānatyarjunābjanmasadṛkṣāṅko balakṣaguḥ // KA_1.46

samaṃ bandheṣv aviṣamaṃ te mṛdusphuṭamadhyamāḥ 
bandhā mṛdusphuṭonmiśravarṇavinyāsayonayaḥ // KA_1.47

kokilā-lāpavācālo mām eti malayānilaḥ 
ucchalacchīkarācchācchanirjharāmbhaḥkaṇokṣitaḥ // KA_1.48

candanapraṇayodgandhir mando malayamārutaḥ 
spardhate ruddhamaddhairyo vararāmāmukhānilaiḥ // KA_1.49

ity anā-locya vaiṣamyam arthālaṃkāraḍambarau 
apekṣamāṇā vavṛdhe paurastyā kāvyapaddhatiḥ // KA_1.50

madhuraṃ rasavad vāci vastuny api rasasthitiḥ 
yena mādhyanti dhīmanto madhuneva madhuvratāḥ // KA_1.51

yayā kayācic chrutyā yat samānam anubhūyate 
tadrūpā hi padā-sattiḥ sānuprāsā rasā-vahā // KA_1.52

eṣa rājā yadā lakṣmīṃ prāptavān brahmaṇapriyaḥ 
tataḥ prabhṛti dharmasya loke 'sminn utsavo 'bhavat // KA_1.53

itīdaṃ nādṛtaṃ gauḍair anuprāsas tu tatpriyaḥ 
anuprāsād api prāyo vaidarbhair idam iṣyate // KA_1.54

varṇāvṛttir anuprāsaḥ pādeṣu ca padeṣu ca 
pūrvānubhavasaṃskārabodhinī yady adūratā // KA_1.55

candre śaranniśottaṃse kundastavakavibhrame 
indranīlanibhaṃ lakṣma saṃdadhāty anilaḥ śriyam // KA_1.56

cāru candramasaṃ bhīru bimbaṃ paśyaitad ambare 
manmano manmathā-krāntaṃ nirdayaṃ hantum udyatam // KA_1.57

ity anuprāsam icchanti nātidūrāntaraśrutim 
na tu rāmāmukhāmbhojasadṛśaś candramā iti // KA_1.58

smaraḥ kharaḥ khalaḥ kāntaḥ kāyaḥ kopaś ca naḥ kṛśaḥ 
cyuto māno 'dhiko rāgo moho jāto 'savo gatāḥ // KA_1.59

ity ādi bandhapāruṣyaṃ śaithilyaṃ ca nigacchati 
ato naivam anuprāsaṃ dākṣinātyāḥ prayuñjate // KA_1.60

āvṛttiṃ varṇasaṃghātagocarāṃ yamakaṃ viduḥ 
tat tu naikāntamadhuram ataḥ paścād vidhāsyate // KA_1.61

kāmaṃ sarvo 'py alaṃkāro rasam arthe niṣañcati 
tathāpy agrāmyataivaitaṃ bhāraṃ vahati bhūyasā // KA_1.62

kanye kāmayamānaṃ māṃ na tvaṃ kāmayase katham 
iti grāmyo 'yam arthātmā vairasyāya prakalpate // KA_1.63

kāmaṃ kandarpacāṇḍālo mayi vāmākṣi nirdayaḥ 
tvayi nirmatsaro diṣṭyety agrāmyo 'rtho rasā-vahaḥ // KA_1.64

śabde 'pi grāmyatāsty eva sā sabhyetarakīrtanāt 
yathā yakārādipadaṃ ratyutsavanirūpaṇe // KA_1.65

padasaṃdhānavṛttyā vā vākyārthatvena vā punaḥ 
duṣpratītikaraṃ grāmyaṃ yathā yā bhavataḥ priyā // KA_1.66

kharaṃ prahṛtya viśrāntaḥ puruṣo vīryavān iti 
evam ādi na śaṃsanti mārgayor ubhayor api // KA_1.67

bhaginībhagavatyādi sarvatraivānumanyate 
vibhaktam iti mādhuryam ucyate sukumāratā // KA_1.68

aniṣṭhurākṣaraprāyaṃ sukumāram iheṣyate 
bandhaśaithilyadoṣas tu darśitaḥ sarvakomale // KA_1.69

maṇḍalīkṛtya barhāṇi kaṇṭhair madhuragītibhiḥ 
kalāpinaḥ pranṛtyanti kāle jīmūtamālini // KA_1.70

ity anūrjita evārtho nālaṃkāro 'pi tādṛśaḥ 
sukumāratayaivaitad ārohati satāṃ manaḥ // KA_1.71

dīptam ity aparair bhūmnā kṛcchrodyam api badhyate 
nyakṣeṇa kṣayitaḥ pakṣaḥ kṣatriyāṇāṃ kṣaṇād iti // KA_1.72

arthavyaktir aneyatvam arthasya hariṇoddhṛtā 
bhūḥ khurakṣuṇṇanāgāsṛglohitād udadher iti // KA_1.73

mahī mahāvarāheṇa lohitād uddhṛtodadheḥ 
itīyaty eva nirdiṣṭe neyatvam uragāsṛjaḥ // KA_1.74

nedṛśaṃ bahu manyate mārgayor ubhayor api 
na hi pratītiḥ subhagā śabdanyāyavilaṅghinī // KA_1.75

utkarṣavān guṇaḥ kaścid yasminn ukte pratīyate 
tadudārā-hvayaṃ tena sanāthā kāvyapaddhatiḥ // KA_1.76

arthināṃ kṛpaṇā dṛṣṭis tvanmukhe patitā sakṛt 
tadavasthā punar deva nānyasya mukham īkṣate // KA_1.77

iti tyāgasya vākye 'sminn utkarṣaḥ sādhu lakṣyate 
anenaiva pathānyatra samānanyāyam ūhyatām // KA_1.78

ślāghyair viśeṣaṇair yuktam udāraṃ kaiścid iṣyate 
yathā līlāmbujakrīḍāsarohemāṅgadādayaḥ // KA_1.79

ojaḥ samāsabhūyastvam etad gadyasya jīvitam 
padye 'py adākṣiṇātyānām idam ekaṃ parāyaṇam // KA_1.80

tad gurūṇāṃ laghūnāṃ ca bāhulyālpatvamiśraṇaiḥ 
uccāvacaprakāraṃ tad dṛśyam ākhyāyikādiṣu // KA_1.81

astamastakaparyastasamastārkāṃśusaṃstarā 
pīnastanasthitātāmrakamravastreva vāruṇī // KA_1.82

iti padye 'pi paurastyā badhnanty ojasvinīr giraḥ 
anye tv anā-kulaṃ hṛdyam icchanty ojo girāṃ yathā // KA_1.83

payodharataṭotsaṅgalagnasaṃdhyātapāṃśukā 
kasya kāmāturaṃ ceto vāruṇī na kariṣyati // KA_1.84

kāntaṃ sarvajagatkāntaṃ laukikārthānatikramāt 
tac ca vārttābhidhāneṣu varṇanāsv api dṛśyate // KA_1.85

gṛhāṇi nāma tāny eva taporāśir bhavādṛśaḥ 
saṃbhāvayati yāny eva pāvanaiḥ pādapāṃsubhiḥ // KA_1.86

anayor ana-vadyāṅgi stanayor jṛmbhamāṇayoḥ 
avakāśo na paryāptas tava bāhulatāntare // KA_1.87

iti saṃbhāvyam evaitad viśeṣā-khyānasaṃskṛtam 
kāntaṃ bhavati sarvasya lokayātrānuvartinaḥ // KA_1.88

lokātīta ivātyartham adhyā-ropya vivakṣitaḥ 
yo 'rthas tenāti tuṣyanti vidagdhā netare janāḥ // KA_1.89

devadhiṣṇyam ivā-rādhyam adyaprabhṛti no gṛham 
yuṣmatpādarajaḥpātadhautaniḥśeṣakilbiṣam // KA_1.90

alpaṃ nirmitam ākāśam anā-locyaiva vedhasā 
idam evaṃvidhaṃ bhāvi bhavatyāḥ stanajhṛmbhaṇam // KA_1.91

idam atyuktir ity uktam etad gauḍopalālitam 
prasthānaṃ prākpraṇītaṃ tu sāram anyasya vartmanaḥ // KA_1.92

anyadharmas tato 'nyatra lokasīmānurodhinā 
samyag ādhīyate yatra sa samā-dhiḥ smṛto yathā // KA_1.93

kumudāni nimīlāni kamalāny unmiṣanti ca 
iti netrakriyādhyāsāl labdhā tadvācinī śrutiḥ // KA_1.94

niḥṣṭhyūtodgīrṇavāntādi gauṇavṛttivyapā-śrayam 
atisundaram anyatra grāmyakakṣāṃ vigāhate // KA_1.95

padmāny arkāṃśuniḥṣṭhyūtāḥ pītvā pāvakavipruṣaḥ 
bhūyo vamantīva mukhair udgīrṇāruṇareṇubhiḥ // KA_1.96

iti hṛdyam ahṛdyaṃ tu niḥṣṭhīvati vadhūr iti 
yugapan naikadharmāṇām adhyāsaś ca smṛto yathā // KA_1.97

gurugarbhabharaklāntāḥ stanantyo meghapaṅktayaḥ 
acalādhityakotsaṅgam imāḥ samadhiśerate // KA_1.98

utsaṅgaśayanaṃ sakhyāḥ stananaṃ gauravaṃ klamaḥ 
itīme garbhiṇīdharmā bahavo 'py atra darśitāḥ // KA_1.99

tad etat kāvyasarvasvaṃ samā-dhir nāma yo guṇaḥ 
kavisārthaḥ samagro 'pi tam ekam anugacchati // KA_1.100

iti mārgadvayaṃ bhinnaṃ tatsvarūpanirūpaṇāt 
tadbhedās tu na śakyante vaktuṃ pratikavi sthitāḥ // KA_1.101

ikṣukṣīraguḍādīnāṃ mādhuryasyāntaraṃ mahat 
tathāpi na tad ākhyātuṃ sarasvatyāpi śakyate // KA_1.102

naisargikī ca pratibhā śrutaṃ ca bahu nirmalam 
amandaś cābhiyogo 'syāḥ kāraṇaṃ kāvyasaṃpadaḥ // KA_1.103

na vidyate yady api pūrvavāsanāguṇānubandhi pratibhānam adbhutam 
śrutena yatnena ca vāg upāsitā dhruvaṃ karoty eva kamapy anugraham // KA_1.104

tad astatandrair aniśaṃ sarasvatī śramād upāsyā khalu kīrtim īpsubhiḥ 
kṛśe kavitve 'pi janāḥ kṛtaśramāḥ vidagdhagoṣṭhīṣu vihartum īśate // KA_1.105

// iti kāvyā3darśe mārga-vibhāgo nāma prathamaḥ pari-cchedaḥ //


pariccheda 2

kāvyaśobhākarān dharmān alaṃkārān pracakṣate 
te cādyāpi vikalpyante kas tān kārtsnyena vakṣyati // KA_2.1

kiṃtu bījaṃ vikalpānāṃ pūrvā-cāryaiḥ pradarsitam 
tad eva pratisaṃskartum ayam asmatpariśramaḥ // KA_2.2

kāścin mārgavibhāgārtham uktāḥ prāg apy alaṃkriyāḥ 
sā-dhāraṇam alaṃkārajātam anyat pradarśyate // KA_2.3

svabhāvā-khyānam upamā rūpakaṃ dīpakāvṛttiḥ 
ākṣepo 'rthāntaranyāso vyatireko vibhāvanā // KA_2.4

samāsātiśayotprekṣā hetuḥ sūkṣmo lavaḥ kramaḥ 
preyo rasavad ūrjasvi paryāyoktaṃ samā-hitam // KA_2.5

udā-ttāpahnutiśleṣaviśeṣās tulyayogitā 
virodhā-prastutastotre vyājastutinidarśane // KA_2.6

sahoktiḥ parivṛttyā-śiḥsaṃkīrṇam atha bhāvikam 
iti vācām alaṃkārā darśitāḥ pūrvasūribhiḥ // KA_2.7

nānāvasthaṃ padārthānāṃ rūpaṃ sākṣād vivṛṇvatī 
svabhāvoktiś ca jātiś cety ādyā sālaṃkṛtir yathā // KA_2.8

tuṇḍair ātāmrakuṭilaiḥ pakṣair haritakomalaiḥ 
trivarṇarājibhiḥ kaṇṭhair ete mañjugiraḥ śukāḥ // KA_2.9

kalakvaṇitagarbheṇa kaṇṭhenā-ghūrṇitekṣaṇaḥ 
pārāvataḥ paribhramya riraṃsuś cumbati priyām // KA_2.10

badhnann aṅgeṣu romāñcam kurvan manasi nirvṛtim 
netre cā-mīlayann eṣa priyāsparśaḥ pravartate // KA_2.11

kaṇṭhekālaḥ karasthena kapālenenduśekharaḥ 
jaṭābhiḥ snigdhatāmrābhir āvirāsīd vṛṣadhvajaḥ // KA_2.12

jātikriyāguṇadravyasvabhāvākhyānam īdṛśam 
śāstreṣv asyaiva sāmrājyaṃ kāvyeṣv apy etad īpsitam // KA_2.13

yathā kathaṃcid sādṛśyaṃ yatrodbhūtaṃ pratīyate 
upamā nāma sā tasyāḥ prapañco 'yaṃ nidarśyate // KA_2.14

ambhoruham ivā-tāmraṃ mugdhe karatalaṃ tava 
iti dharmopamā sākṣāt tulyadharmapradarśanāt // KA_2.15

rājīvam iva te vaktraṃ netre nīlotpale iva 
iyaṃ pratīyamānaikadharmā vastūpamaiva sā // KA_2.16

tavānanam ivonnidram aravindam abhūd iti 
sā prasiddhiviparyāsād viparyāsopameṣyate // KA_2.17

tavānanam ivāmbhojam ambojam iva te mukham 
ity anyo'nyopamā sāyam anyo'nyotkarṣaśaṃsinī // KA_2.18

tvanmukhaṃ kamalenaiva tulyaṃ nānyena kenacit 
ity anyasāmyavyā-vṛtter iyaṃ sā niyamopamā // KA_2.19

padmaṃ tāvat tavānveti mukham anyac ca tādṛśam 
asti ced astu tatkārīty asāv aniyamopamā // KA_2.20

samuccayopamāpy asti na kāntyaiva mukhaṃ tava 
hlādanā-khyena cānveti karmaṇendum itī-dṛśī // KA_2.21

tvayy eva tvanmukhaṃ dṛṣṭaṃ dṛśyate divi candramāḥ 
iyaty eva bhidā nānyety asāv atiśayopamā // KA_2.22

mayy evāsyā mukhaśrīr ity alam indor vikatthanaiḥ 
padme 'pi sā yad asty evety asāv utprekṣitopamā // KA_2.23

yadi kiṃcid bhavet padmaṃ subhru vibhrāntalocanam 
tat te mukhaśriyaṃ dhattām ity asāv adbhutopamā // KA_2.24

śaśīty utprekṣya tanvaṅgi tvanmukhaṃ tvanmukhā-śayā 
indum apy anudhāvāmīty eṣā mohopamā smṛtā // KA_2.25

kiṃ padmam antarbhrāntāli kiṃ te lolekṣaṇaṃ mukham 
mama dolāyate cittam itīyaṃ saṃśayopamā // KA_2.26

na padmasyendunigrāhyasyendulajjākarī dyutiḥ 
atas tvanmukham evedam ity asau nirṇayopamā // KA_2.27

śiśirāṃśupratispardhi śrīmat surabhigandhi ca 
ambhojam iva te vaktram iti śleṣopamā smṛtā // KA_2.28

sarūpaśabdavācyatvāt sā samānopamā yathā 
bālevodyānamāleyaṃ sā(1)la()kā(3)nanaśobhinī // KA_2.29

padmaṃ bahurajaś candraḥ kṣayī tābhyāṃ tavānanam 
samānam api sotsekam iti nindopamā smṛtā // KA_2.30

brahmaṇo 'py udbhavaḥ padmaṃ candraḥ śaṃbhuśirodhṛtaḥ 
tau tulyau tvanmukheneti sā praśaṃsopamocyate // KA_2.31

candreṇa tvanmukhaṃ tulyam ity ācikhyāsu me manaḥ 
sa guṇo vāstu doṣo vety ācikhyāsopamāṃ viduḥ // KA_2.32

śatapattraṃ śaraccandras tvadānanam iti trayam 
parasparavirodhīti sā virodhopamā matā // KA_2.33

na jātu śaktir indos te mukhena pratigarjitum 
kalaṅkino jaḍasyeti pratiṣedhopamaiva sā // KA_2.34

mṛgekṣaṇāṅkaṃ te vaktram mṛgeṇaivāṅkitaḥ śaśī 
tathāpi sama evāsau notkarṣīti caṭūpamā // KA_2.35

na padmaṃ mukham evedaṃ na bhṛṅgau cakṣuṣī ime 
iti vispaṣṭasādṛśyāt tattvākhyānopamaiva sā // KA_2.36

candrāravindayoḥ kāntim atikramya mukhaṃ tava 
ātmanaivābhavat tulyam ity asā-dhāraṇopamā // KA_2.37

sarvapadmaprabhāsāraḥ samā-hṛta iva kvacit 
tvadānanaṃ vibhātīti tām abhūtopamāṃ viduḥ // KA_2.38

candrabimbād iva viṣaṃ candanād iva pāvakaḥ 
paruṣā vāg ito vaktrād ity asaṃbhāvitopamā // KA_2.39

candanodakacandrāṃśucandrakāntādiśītalaḥ 
sparśas tavety atiśayaṃ bodhayantī bahūpamā // KA_2.40

candrabimbād ivotkīrṇaṃ padmagarbhād ivoddhṛtam 
tava tanvaṅgi vadanam ity asau vikriyopamā // KA_2.41

pūṣṇy ātapa ivāhnīva pūṣā vyomnīva vāsaraḥ 
vikramas tvayy adhāl lakṣmīm iti mālopamā matā // KA_2.42

vākyārtheṇaiva vākyārthaḥ ko 'pi yady upamīyate 
ekānekevaśabdatvāt sā vākyārthopamā dvidhā // KA_2.43

tvadānanam adhīrākṣam āvirdaśanadīdhiti 
bhramadbhṛṅgam ivā-lakṣyakesaraṃ bhāti paṅkajam // KA_2.44

nalinyā iva tanvaṅgyās tasyāḥ padmam ivānanam 
mayā madhuvrateneva pāyaṃ pāyam aramyata // KA_2.45

vastu kiṃcid upanyasya nyasanāt tatsadharmaṇaḥ 
sāmyapratītir astīti prativastūpamā yathā // KA_2.46

naiko 'pi tvādṛśo 'dyāpi jāyamāneṣu rājasu 
nanu dvitīyo nāsty eva pārijātasya pādapaḥ // KA_2.47

adhikena samīkṛtya hīnam ekakriyāvidhau 
yad bruvanti smṛtā seyaṃ tulyayogopamā yathā // KA_2.48

divo jāgarti rakṣāyai pulomārir bhuvo bhavān 
asurās tena hanyante sāvalepās tvayā nṛpāḥ // KA_2.49

kāntyā candramasaṃ dhāmnā sūryaṃ dhairyeṇa cārṇavam 
rājann anukaroṣīti saiṣā hetūpamā matā // KA_2.50

na liṅgavacane bhinne na hīnādhikatāpi vā 
upamādūṣanāyālaṃ yatrodvego na dhīmatām // KA_2.51

strīva gacchati ṣaṇḍho 'yaṃ vakty eṣā strī pumān iva 
prāṇā iva priyo 'yam me vidyā dhanam ivārjitam // KA_2.52

bhavān iva mahīpāla devarājo virājate 
alam aṃśumataḥ kakṣām āroḍhuṃ tejasā nṛpaḥ // KA_2.53

ity evam ādau saubhāgyaṃ na jahāty eva jātucit 
asty eva kvacid udvegaḥ prayoge vāgvidāṃ yathā // KA_2.54

haṃsīva dhavalaś candraḥ sarāṃsīvā-malaṃ nabhaḥ 
bhartṛbhakto bhaṭaḥ śveva khadyoto bhāti bhānuvat // KA_2.55

īdṛśaṃ varjyate sadbhiḥ kāraṇaṃ tatra cintyatām 
guṇadoṣavicārāya svayam eva manīṣibhiḥ // KA_2.56

ivavadvāyathāśabdāḥ samānanibhasaṃnibhāḥ 
tulyasaṃkāśanikāśaprakāśapratirūpakāḥ // KA_2.57

pratipakṣapratidvaṃdvipratyanīkavirodhinaḥ 
sadṛksadṛśasaṃvādisajātīyānuvādinaḥ // KA_2.58

pratibimbapraticchandasarūpasamasaṃmitāḥ 
salakṣaṇasadṛkṣā-bhasapakṣopamitopamāḥ // KA_2.59

kalpadeśīyadeśyādiḥ prakhyapratinidhī api 
savarṇatulatau śabdau ye cā-nyūnārthavādinaḥ // KA_2.60

samāsaś ca bahuvrīhiḥ śaśāṅkavadanādiṣu 
spardhate jayati dveṣṭi druhyati pratigarjati // KA_2.61

ākrośaty avajānāti kadarthayati nindati 
viḍambayati saṃdhatte hasatīrṣyaty asūyati // KA_2.62

tasya muṣṇāti saubhāgyaṃ tasya kāntiṃ vilumpati 
tena sārdhaṃ vigṛhṇāti tulāṃ tenādhirohati //  KA_2.63

tatpadavyām padaṃ dhatte tasya kakṣāṃ vigāhate 
tam anvety anubadhnāti tacchīlaṃ tanniṣedhati // KA_2.64

tasya cānukarotīti śabdāḥ sādṛśyam ūcakāḥ 
upamāyām ime proktāḥ kavīnāṃ buddhisaukhyadāḥ // KA_2.65

upamaiva tirobhūtabhedā rūpakam ucyate 
yathā bāhulatā pāṇipadmaṃ caraṇapallavaḥ // KA_2.66

aṅgulyaḥ pallavāny āsan kusumāni nakhārciṣaḥ 
bāhū late vasantaśrīs tvaṃ naḥ pratyakṣacāriṇī // KA_2.67

ity etad asamastā-khyaṃ samastaṃ pūrvarūpakam 
smitaṃ mukhendor jyotsneti samastavyastarūpakam // KA_2.68

tāmrāṅgulidalaśreṇi nakhadīdhitikesaram 
dhriyate mūrdhni bhūpālair bhavaccaraṇapaṅkajam // KA_2.69

aṅgulyādau dalāditvaṃ pāde cā-ropya padmatām 
tadyogyasthānavinyāsād etat sakalarūpakam // KA_2.70

akasmād eva te caṇḍi sphuritādharapallavam 
mukhaṃ muktāruco dhatte gharmāmbhaḥkaṇamañjarīḥ // KA_2.71

mañjarīkṛtya gharmāmbhaḥ pallavīkṛtya cādharam 
nānyathā kṛtam atrāsyam ato 'vayavarūpakam // KA_2.72

valgitabhru galadgharmajalam ālohitekṣaṇam 
vivṛṇāti (!) madāvasthām idam vadanapaṅkajam // KA_2.73

avikṛtya mukhāṅgāni mukham evāravindatām 
āsīd gamitam atredam ato 'vayavirūpakam // KA_2.74

madapāṭalagaṇḍena raktanetrotpalena te 
mukhena mugdhaḥ so 'py eṣa jano rāgamayaḥ kṛtaḥ // KA_2.75

ekāṅgarūpakaṃ caitad evaṃ dviprabhṛtīny api 
aṅgāni rūpayanty atra yogā-yogau bhidākarau // KA_2.76

smitapuṣpojjvalaṃ lolanetrabhṛṅgam idaṃ mukham 
iti puṣpadvirephāṇāṃ saṃgatyā yuktarūpakam // KA_2.77

idam ārdrasmitajyotsnaṃ snigdhanetrotpalaṃ mukham 
iti jyotsnotpalā-yogād ayuktaṃ nāma rūpakam // KA_2.78

rūpaṇād aṅgino 'ṅgānāṃ rūpaṇā-rūpaṇā-śrayāt 
rūpakaṃ viṣamaṃ nāma lalitaṃ jāyate yathā // KA_2.79

madaraktakapolena manmathas tvanmukhendunā 
nartitabhrūlatenālaṃ mardituṃ bhuvanatrayam // KA_2.80

haripādaḥ śirolagnajahnukanyājalāṃśukaḥ 
jayaty asuraniḥśaṅkasurānandotsavadhvajaḥ // KA_2.81

viśeṣaṇasamagrasya rūpaṃ ketor yadī-dṛśam 
pāde tadarpaṇād etat saviśeṣaṇarūpakam // KA_2.82

na mīlayati padmāni na nabho 'py avagāhate 
tvanmukhendur mamāsūnāṃ haraṇāyaiva kalpate // KA_2.83

akriyā candrakāryāṇām anyakāryasya ca kriyā 
atra saṃdarśyate yasmād viruddhaṃ nāma rūpakam // KA_2.84

gāmbhīryeṇa samudro 'si gauraveṇāsi parvataḥ 
kāmadatvāc ca lokānām asi tvaṃ kalpapādapaḥ // KA_2.85

gāmbhīryapramukhair atra hetubhiḥ sāgaro giriḥ 
kalpadrumaś ca kriyate tad idaṃ heturūpakam // KA_2.86

rājahaṃsopabhogārthaṃ bhramaraprārthyasaurabham 
sakhi vaktrāmbujam idaṃ taveti śliṣṭarūpakam // KA_2.87

iṣṭaṃ sādharmyavaidharmyadarśanād gauṇamukhyayoḥ 
upamāvyatirekā-khyaṃ rūpakadvitayaṃ yathā // KA_2.88

ayam ālohitacchāyo madane mukhacandramāḥ 
saṃnaddhodayarāgasya candrasya pratigarjati // KA_2.89

candramāḥ pīyate devair mayā tvanmukhacandramāḥ 
asamagro 'py asau śaśvad ayam āpūrṇamaṇḍalaḥ // KA_2.90

mukhacandrasya candratvam ittham anyopatāpinaḥ 
na te sundari saṃvādīty etad ākṣeparūpakam // KA_2.91

mukhendur api te caṇḍi māṃ nirdahati nirdayam 
bhāgyadoṣān mamaiveti tat samā-dhānarūpakam // KA_2.92

mukhapaṅkajaraṅge 'smin bhrūlatānartakī tava 
līlānṛtyaṃ karotīti ramyaṃ rūpakarūpakam // KA_2.93

naitan mukham idaṃ padmaṃ na netre bhramarāv imau 
etāni kesarāṇy eva naitā dantārciṣas tava // KA_2.94

mukhāditvaṃ nivartyaiva padmāditvena rūpaṇāt 
udbhāvitaguṇotkarṣaṃ tat tv āpahnavarūpakam // KA_2.95

na paryanto vikalpānāṃ rūpakopamayor ataḥ 
diṅmātraṃ darśitaṃ dhīrair anuktam anumīyatām // KA_2.96

jātikriyāguṇadravyavācinaikatra vartinā 
sarvavākyopakāraś cet tad āhur dīpakaṃ yathā // KA_2.97

pavano dakṣiṇaḥ parṇaṃ jīrṇaṃ harati vīrudhāṃ 
sa evāvanatāṅgīnāṃ mānabhaṅgāya kalpate // KA_2.98

caranti caturambhodhivelodyāneṣu dantinaḥ 
cakravālādrikuñjeṣu kundabhāso guṇāś ca te // KA_2.99

śyāmalāḥ prāvṛṣeṇyābhir diśo jīmūtapaṅktibhiḥ 
bhuvaś ca sukumārābhir navaśādvalarājibhiḥ // KA_2.100

viṣṇunā vikramasthena dānavānāṃ vibhūtayaḥ 
kvāpi nītāḥ kuto 'py āsann ānītā daivatarddhayaḥ // KA_2.101

ity ādidīpakāny uktāny evaṃ madhyāntayor api 
vākyayor darśayiṣyāmaḥ kāni cittāni tadyathā // KA_2.102

nṛtyanti niculotsaṅge gāyanti ca kalāpinaḥ 
badhnanti ca payodeṣu dṛśo harṣāśrugarbhiṇīḥ // KA_2.103

mando gandhavahaḥ kṣāro vahnir induś ca jāyate 
carcācandanapātaś ca śastrapātaḥ pravāsinām // KA_2.104

jalaṃ jaladharodgīrṇaṃ kulaṃ gṛhaśikhaṇḍinām 
calaṃ ca taḍitāṃ dāma balaṃ kusumadhanvanaḥ // KA_2.105

tvayā nīlotpalaṃ karṇe smareṇāstraṃ śarāsane 
mayāpi maraṇe cetas trayam etat samaṃ kṛtam // KA_2.106

śuklaḥ śvetārciṣo vṛddhyai pakṣaḥ pañcaśarasya saḥ 
sa ca rāgasya rāgo 'pi yūnāṃ ratyutsavaśriyaḥ // KA_2.107

ity ādidīpakatve 'pi pūrvapūrvavyapekṣiṇī 
vākyamālā prayukteti tan mālādīpakaṃ matam // KA_2.108

avalepam anaṅgasya vardhayanti balāhakāḥ 
karśayanti tu gharmasya mārutoddhūtaśīkarāḥ // KA_2.109

avalepapadenātra balāhakapadena ca 
kriye viruddhe saṃyukte tad viruddhārthaṃ dīpakam // KA_2.110

haraty ābhogam āśānāṃ gṛhṇāti jyotiṣāṃ gaṇam 
ādatte cādya me prāṇān asau jaladharāvalī // KA_2.111

anekaśabdopā-dānāt kriyaikaivātra dīpyate 
yato jaladharāvalyā tasmād ekārthadīpakam // KA_2.112

hṛdyagandhavahās tuṅgās tamālaśyāmalatviṣaḥ 
divi bhramanti jīmūtā bhuvi caite mataṃgajāḥ // KA_2.113

atra dharmair abhinnānām abhrāṇāṃ dantināṃ tathā 
bhramaṇenaiva saṃbandha iti śliṣṭārthadīpakam // KA_2.114

anenaiva prakāreṇa śeṣāṇām api dīpake 
vikalpānām avagatir vidhātavyā vicakṣaṇaiḥ // KA_2.115

arthā-vṛttiḥ padā-vṛttir ubhayā-vṛttir eva ca 
dīpakasthāna eveṣṭam alaṃkāratrayaṃ yathā // KA_2.116

vikasanti kadambāni sphuṭanti kuṭajadrumāḥ 
unmīlanti ca kandalyo dalanti kakubhāni ca // KA_2.117

utkaṇṭhayati meghānāṃ mālā vṛndaṃ kalāpinām 
yūnāṃ cotkaṇṭhayaty eva mānasaṃ makaradhvajaḥ // KA_2.118

jitvā viśvaṃ bhavān atra viharaty avarodhanaiḥ 
viharaty apsarobhis te ripuvargo divaṃ gataḥ // KA_2.119

pratiṣedhoktir ākṣepas traikālyāpekṣayā tridhā 
athāsya punar ākṣepyabhedānantyād anantatā // KA_2.120

anaṅgaḥ pañcabhiḥ puṣpair viśvaṃ vyajayateṣubhiḥ 
ity asaṃbhāvyam atha vā vicitrā vastuśaktayaḥ // KA_2.121

ity anaṅgajayāyogabuddhir hetubalād iha 
pravṛttaiva yad ākṣiptā vṛttākṣepaḥ sa īdṛśaḥ // KA_2.122

kutaḥ kuvalayaṃ karṇe karoṣi kalabhāṣiṇi 
kim apāṅgam aparyāptam asmin karmaṇi manyase // KA_2.123

sa vartamānā-kṣepo 'yaṃ kurvaty evāsitotpala 
karṇe kācit priyeṇaivaṃ cāṭukāreṇa rudhyate // KA_2.124

satyaṃ bravīmi na tvaṃ māṃ draṣṭuṃ vallabha lapsyase 
anyacumbanasaṃkrāntalākṣāraktena cakṣuṣā // KA_2.125

so 'yaṃ bhaviṣyadā-kṣepaḥ prāg evātimanasvinī 
kadācid aparādho 'sya bhāvīty evam arunddhayat // KA_2.126

tava tanvaṅgi mithyaiva rūḍham aṅgeṣu mārdavam 
yadi satyaṃ mṛdūny eva kim akāṇḍe rujanti mām // KA_2.127

dharmā-kṣepo 'yam ākṣiptam aṅganāgātramārdavam 
kāmukena yad atraivaṃ karmaṇā tadvirodhinā // KA_2.128

sundarī sā bhavaty evaṃ vivekaḥ kena jāyate 
prabhāmātraṃ hi taralaṃ dṛśyate na tadā-śrayaḥ // KA_2.129

dharmyā-kṣepo 'yam ākṣipto dharmī dharmaṃ prabhā-hvayam 
anujñāyaiva yad rūpam atyāścaryaṃ vivakṣatā // KA_2.130

cakṣuṣī tava rajyete sphuraty adharapallavaḥ 
bhruvau ca bhugne na tathāpy aduṣṭasyāsti me bhayam // KA_2.131

sa eṣa kāraṇā-kṣepaḥ pradhānaṃ kāraṇaṃ bhiyaḥ 
svāparādho niṣiddho 'tra yat priyeṇa paṭīyasā // KA_2.132

dūre priyatamaḥ so 'yam āgato jaladā-gamaḥ 
dṛṣṭāś ca phullā niculā na mṛtā cāsmi kiṃ nv idam // KA_2.133

kāryā-kṣepaḥ sa kāryasya maraṇasya nivartanāt 
tatkāraṇam upanyasya dāruṇaṃ jaladā-gamam // KA_2.134

na ciraṃ mama tāpāya tava yātrā bhaviṣyati 
yadi yāsyasi yātavyam alam āśaṅkayātra te // KA_2.135

ity anujñāmukhenaiva kāntasyā-kṣipyate gatiḥ 
maraṇaṃ sūcayantyaiva so 'nujñā-kṣepa ucyate // KA_2.136

dhanaṃ ca bahu labhyaṃ te sukhaṃ kṣemaṃ ca vartmani 
na ca me prāṇasaṃdehas tathāpi priya mā sma gāḥ // KA_2.137

ity ācakṣāṇayā hetūn priyayātrānubandhinaḥ 
prabhutvenaiva ruddhas tat prabhutvā-kṣepa ucyate // KA_2.138

jīvitāśā balavatī dhanāśā durbalā mama 
gaccha vā tiṣṭha vā kānta svavasthā tu niveditā // KA_2.139

asāv anādarā-kṣepo yad anādaravad vacaḥ 
priyapraṇāyaṃ rundhatyā prayuktam iha raktayā // KA_2.140

gaccha gacchasi cet kānta panthānaḥ santu te śivāḥ 
mamāpi janma tatraiva bhūyād yatra gato bhavān // KA_2.141

ity āśīrvacanā-kṣepo yad āśīrvādavartmanā 
svāvasthāṃ sūcayantyaiva kāntayātrā niṣidhyate // KA_2.142

yadi satyaiva yātrā te kāpy anyā mṛgyatāṃ tvayā 
aham adyaiva ruddhāsmi randhrāpekṣeṇa mṛtyunā // KA_2.143

ity eṣa paruṣā-kṣepaḥ paruṣākṣarapūrvakam 
kāntasyā-kṣipyate yasmāt prasthānaṃ premanighnayā // KA_2.144


 KA_2.145


 KA_2.146


 KA_2.147


 KA_2.148


 KA_2.149


 KA_2.150


 KA_2.151


 KA_2.152


 KA_2.153


 KA_2.154


 KA_2.155


 KA_2.156


 KA_2.157


 KA_2.158


 KA_2.159


 KA_2.160


 KA_2.161


 KA_2.162


 KA_2.163


 KA_2.164


 KA_2.165


 KA_2.166


 KA_2.167


 KA_2.168


 KA_2.169


 KA_2.170


 KA_2.171


 KA_2.172


 KA_2.173


 KA_2.174


 KA_2.175


 KA_2.176


 KA_2.177


 KA_2.178


 KA_2.179


 KA_2.180


 KA_2.181


 KA_2.182


 KA_2.183


 KA_2.184


 KA_2.185


 KA_2.186


 KA_2.187


 KA_2.188


 KA_2.189


 KA_2.190


 KA_2.191


 KA_2.192


 KA_2.193


 KA_2.194


 KA_2.195


 KA_2.196


 KA_2.197


 KA_2.198


 KA_2.199


 KA_2.200


 KA_2.201


 KA_2.202


 KA_2.203


 KA_2.204


 KA_2.205


 KA_2.206


 KA_2.207


 KA_2.208


 KA_2.210


 KA_2.211


 KA_2.212


 KA_2.213


 KA_2.214


 KA_2.215


 KA_2.216


 KA_2.217


 KA_2.218


 KA_2.219


 KA_2.220


 KA_2.221


 KA_2.222


 KA_2.223


 KA_2.224


 KA_2.225


 KA_2.226


 KA_2.227


 KA_2.228


 KA_2.229


 KA_2.230


 KA_2.231


 KA_2.232


 KA_2.233


 KA_2.234


 KA_2.235


 KA_2.236


 KA_2.237


 KA_2.238


 KA_2.239


 KA_2.240


 KA_2.241


 KA_2.242


 KA_2.243


 KA_2.244


 KA_2.245


 KA_2.246


 KA_2.247


 KA_2.248


 KA_2.249


 KA_2.250


 KA_2.251


 KA_2.252


 KA_2.253


 KA_2.254


 KA_2.255


 KA_2.256


 KA_2.257


 KA_2.258


 KA_2.259


 KA_2.260


 KA_2.261


 KA_2.262


 KA_2.263


 KA_2.264


 KA_2.265


 KA_2.266


 KA_2.267


 KA_2.268


 KA_2.269


 KA_2.270


 KA_2.271


 KA_2.272


 KA_2.273


 KA_2.274


 KA_2.275


 KA_2.276


 KA_2.277


 KA_2.278


 KA_2.279


 KA_2.280


 KA_2.281


 KA_2.282


 KA_2.283


 KA_2.284


 KA_2.285


 KA_2.286


 KA_2.287


 KA_2.288


 KA_2.289


 KA_2.290


 KA_2.291


 KA_2.292


 KA_2.293


 KA_2.294


 KA_2.295


 KA_2.296


 KA_2.297


 KA_2.298


 KA_2.299


 KA_2.300


 KA_2.301


 KA_2.302


 KA_2.303


 KA_2.304


 KA_2.305


 KA_2.306


 KA_2.307


 KA_2.308


 KA_2.309

śliṣṭam iṣṭam anekārtham ekarūpānvitaṃ vacaḥ 
tad abhinnapadaṃ bhinnapadaprāyam iti dvidhā // KA_2.310

asāv udayam ārūḍhaḥ kāntimān raktamaṇḍalaḥ 
rājā harati lokasya hṛdayaṃ mṛdubhiḥ karaiḥ // KA_2.311

doṣā(3)kareṇa saṃbadhnan[n / n]a[]kṣatrapathavartinā 
rajñā pradoṣo mām ittham apriyaṃ kiṃ na bādhate // KA_2.312

upamārūpakā-kṣepavyatirekādigocarāḥ 
prāg eva darśitāḥ śleṣā darśyante kecanāpare // KA_2.313

asty abhinnakriyaḥ kaścid aviruddhakriyo 'paraḥ 
viruddhakarmā cāsty anyaḥ śleṣo niyamavān api // KA_2.314

niyamā-kṣeparūpoktir avirodhī virodhy api 
teṣāṃ nidarśaneṣv eva rūpam āvir bhaviṣyati // KA_2.315

vakrāḥ svabhāvamadhurāḥ śaṃsantyo rāgam ulbaṇam 
dṛśo dūtyaś ca karṣanti kāntābhiḥ preṣitāḥ priyān // KA_2.316

madhurā rāgavardhinyaḥ komalāḥ kokilāgiraḥ 
ākarṇyante madakalāḥ śliṣyante cāsitekṣaṇāḥ // KA_2.317

rāgam ādarśayann eṣa vāruṇīyogavardhitam 
tirobhavati gharmāṃśur aṅgajas tu vijṛmbhate // KA_2.318

nistriṃśatvam asāv eva dhanuṣy evāsya vakratā 
śareṣv eva narendrasya mārgaṇatvaṃ ca vartate // KA_2.319

padmānām eva daṇḍeṣu kaṇṭakas tvayi rakṣati 
athavā dṛśyate rāgimithunā-liṅganeṣv api // KA_2.320

mahībhṛd bhūrikaṭakas tejasvī niyatodayaḥ 
dakṣaḥ prajāpatiś cāsīt svāmī śaktidharaś ca saḥ // KA_2.321

acyuto 'py avṛṣacchedī rājāpy aviditakṣayaḥ 
devo 'py avibudho jajñe śaṃkaro 'py abhujaṃgavān // KA_2.322

guṇajātikriyādīnāṃ yatra vaikalyadarśanam 
viśeṣadarśanāyaiva sā viśeṣoktir iṣyate // KA_2.323

na kaṭhoraṃ na vā tīkṣṇam āyudhaṃ puṣpadhanvanaḥ 
tathāpi jitam evāsīd amunā bhuvanatrayam // KA_2.324

na devakanyakā nāpi gandharvakulasaṃbhavā 
tathāpy eṣā tapobhaṅgaṃ vidhātuṃ vedhaso 'py alam // KA_2.325

na baddhā bhrukuṭir nāpi sphurito daśanacchadaḥ 
na ca raktābhavad dṛṣṭir jitaṃ ca dviṣatāṃ balam // KA_2.326

na rathā na ca mātaṃgā na hayā na ca pattayaḥ 
strīṇām apāṅgadṛṣṭyaiva jīyate jagatāṃ trayam // KA_2.327

ekacakro ratho yantā vikalo viṣamā hayāḥ 
ākrāmaty eva tejasvī tathāpy arko nabhastalam // KA_2.328

saiṣā hetuviśeṣoktis tejasvīti viśeṣaṇāt 
ayaṃ eva kramo 'nyeṣāṃ bhedānām api kalpate // KA_2.329

vivakṣitaguṇotkṛṣṭair yat samīkṛtya kasyacit 
kīrtanaṃ stutinindārthaṃ sā matā tulyayogitā // KA_2.330

yamaḥ kubero varuṇaḥ sahasrākṣo bhavān api 
bibhṛty ananyaviṣayāṃ lokapāla iti śrutim // KA_2.331

saṃgatāni mṛgākṣīṇāṃ taḍidvilasitāni ca 
kṣaṇadvayaṃ na tiṣṭhanti ghanārabdhāny api svayam // KA_2.332

viruddhānāṃ padārthānāṃ yatra saṃsargadarśanam 
viśeṣadarśanāyaiva sa virodhaḥ smṛto yathā // KA_2.333

kūjitaṃ rājahaṃsānāṃ vardhate madamañjulam 
kṣīyate ca mayūrāṇāṃ rutam utkrāntasauṣṭhavam // KA_2.334

prāvṛṣeṇyair jaladharair ambaraṃ durdināyate 
rāgeṇa punar ākrāntaṃ jāyate jagatām manaḥ // KA_2.335

tanumadhyaṃ pṛthuśroṇi raktauṣṭham asitekṣaṇam 
natanābhi vapuḥ strīṇāṃ kaṃ na hanty unnatastanam // KA_2.336

mṛṇālabāhu rambhoru padmotpalamukhekṣaṇam 
api te rūpam asmākam tanvi tāpāya kalpate // KA_2.337

udyānamārutoddhūtāś cūtacampakareṇavaḥ 
udaśrayanti pānthānām aspṛśanto 'pi locane // KA_2.338

kṛṣṇārjunānuraktāpi dṛṣṭiḥ karṇāvalambinī 
yāti viśvasanīyatvaṃ kasya te kalabhāṣiṇī // KA_2.339

ity anekaprakāro 'yam alaṃkāraḥ pratīyate 
aprastutapraśaṃsā syād aprakānteṣu yā stutiḥ // KA_2.340

sukhaṃ jīvanti hariṇā vaneṣv aparasevinaḥ 
arthair ayatnasulabhair jaladarbhāṅkurādibhiḥ // KA_2.341

seyam aprastutaivātra mṛgavṛttiḥ praśasyate 
rājānuvartanakleśanirviṇṇena manasvinā // KA_2.342

yadi nindann iva stauti vyājastutir asau stutā 
doṣābhāsā guṇā eva labhante yatra saṃnidhim // KA_2.343

tāpasenāpi rāmeṇa jiteyaṃ bhūtadhāriṇī 
tvayā rājñāpi seveyaṃ jitā mā bhūn madas tava // KA_2.344

puṃsaḥ purāṇād ācchidya śrīs tvayā paribhujyate 
rājann ikṣvākuvaṃśasya kim idaṃ tava yujyate // KA_2.345

bhujaṅgabhogasaṃsaktā kalatraṃ tava medinī 
ahaṃkāraḥ parāṃ koṭim ārohati kutas tava // KA_2.346

iti śleṣānuviddhānām anyeṣāṃ copalakṣyatāṃ 
vyājastutiprakārāṇām aparyantaḥ pravistaraḥ // KA_2.347

arthāntarapravṛttena kiṃcit tatsadṛśaṃ phalam 
sad asad vā nidarśyeta yadi tat syān nidarśanam // KA_2.348

udayann eva savitā padmeṣv arpayati śriyam 
vibhāvayitum ṛddhīnāṃ phalaṃ suhṛdanugraham // KA_2.349

yāti candrāṃśubhiḥ spṛṣṭā dhvāntarājī parābhavam 
sadyo rājaviruddhānāṃ sūcayanti durantatām // KA_2.350

sahoktiḥ sahabhāvasya kathanaṃ guṇakarmaṇām 
arthānāṃ yo vinimayaḥ parivṛttis tu sā yathā // KA_2.351

saha dīrghā mama śvāsair imāḥ saṃprati rātrayaḥ 
pāṇḍurāś ca mamaivāṅgaiḥ saha tāś candrabhūṣaṇāḥ // KA_2.352

vardhate saga pānthānāṃ mūrchayā cūtamañjarī 
patanti ca samaṃ teṣām asubhir malayānilāḥ // KA_2.353

kokilā-lāpasubhagāḥ sugandhivanavāyavaḥ 
yānti sārdhaṃ janānandair vṛddhiṃ surabhivāsarāḥ // KA_2.354

ity udā-hṛtayo dattāḥ sahokter atra kāścana 
kriyate parivṛtteś ca kiṃcid rūpanirūpaṇam // KA_2.355

śastraprahāraṃ dadatā bhujena tava bhūbhujām 
cirārjitaṃ hṛtaṃ teṣāṃ yaśaḥ kumudapāṇḍuram // KA_2.356

āśīr nāmābhilaṣite vastuny āśaṃsanaṃ yathā 
pātu vaḥ paramaṃ jyotir avāṅmanasagocaram // KA_2.357

ananvayasasaṃdehāv upamāsv eva darśitau 
upamārūpakaṃ cāpi rūpakeṣv eva darśitam // KA_2.358

utprekṣābheda evāsāv utprekṣāvayavo 'pi ca 
nānālaṃkārasaṃsṛṣṭiḥ saṃsṛṣṭis tu nigadyate // KA_2.359

aṅgāṅgibhāvāvasthānaṃ sarveṣāṃ samakakṣatā 
ity alaṃkārasaṃsṛṣṭer lakṣaṇīyā dvayī gatiḥ // KA_2.360

ākṣipanty aravindāni tava mugdhe mukhaśriyam 
kośadaṇḍasamagrāṇāṃ kim eṣām asti duṣkaram // KA_2.361

limpatīva tamo 'ṅgāni varṣatīvāñjanaṃ nabhaḥ 
asatpuruṣaseveva dṛṣṭir niṣphalatāṃ gatā // KA_2.63

śleṣaḥ sarvāsu puṣṇāti priyo vakroktiṣu śriyam 
bhinnaṃ dvidhā svabhāvoktir vakroktiś ceti vāṅmayam // KA_2.363

bhāvikatvam iti prāhuḥ prabandhaviṣayaṃ guṇam 
bhāvaḥ kaver abhiprāyaḥ kāvyeṣv āsiddhi yaḥ sthitaḥ // KA_2.364

parasparopakāritvaṃ sarveṣāṃ vastuparvaṇām 
viśeṣaṇānāṃ vyarthānām akriyā sthānavarṇanā // KA_2.365

vyaktir uktikramabalād gambhīrasyāpi vastunaḥ 
bhāvāyattam idaṃ sarvam iti tad bhāvikaṃ viduḥ // KA_2.366

yac ca saṃdhyaṅgavṛttyaṅgalakṣaṇādyāgamāntare 
vyāvarṇitam idaṃ ceṣṭam alaṃkāratayaiva naḥ // KA_2.367

panthā sa eṣa vivṛtaḥ parimāṇavṛttyā saṃkṣipya vistaram anantam alaṃkriyāṇāṃ 
vācām atītya viṣayaṃ parivartamānān abhyāsa eva vivarītum alaṃ viśeṣān // KA_2.368

// ity ācārya-daṇḍinaḥ kṛtau kāvyādarśe 'rthālaṃkāravibhāgo nāma dvitīyaḥ paricchedaḥ //