TextGrid Repository

śivaḥ śaktyā yukto yadi bhavati śaktaḥ prabhavituṃ na ced evaṃ devo na khalu kuśalaḥ spanditum api

atas tvām ārādhyāṃ hariharavirañcyādibhir api praṇantuṃ stotuṃ vā katham akṛtapuṇyaḥ prabhavati //

Note:

śivaḥ śaktyā yukto yadi bhavati śaktaḥ prabhavituṃ na ced evaṃ devo na khalu kuśalaḥ spanditum api

atas tvām ārādhyāṃ hariharavirañcyādibhir api praṇantuṃ stotuṃ vā katham akṛtapuṇyaḥ prabhavati //

tanīyāṃsaṃ pāṃsuṃ tava caraṇapaṅkeruhabhavaṃ virañciḥ saṃcinvan viracayati lokān avikalam

vahaty enaṃ śauriḥ katham api sahasreṇa śirasāṃ haraḥ saṃkṣubhyainaṃ bhajati bhasitoddhūlanavidhim //

Note:

tanīyāṃsaṃ pāṃsuṃ tava caraṇapaṅkeruhabhavaṃ virañciḥ saṃcinvan viracayati lokān avikalam

vahaty enaṃ śauriḥ katham api sahasreṇa śirasāṃ haraḥ saṃkṣubhyainaṃ bhajati bhasitoddhūlanavidhim //

avidyānām antastimiramihiradvīpanagarī jaḍānāṃ caitanyastabakamakarandasrutijharī

daridrāṇāṃ cintāmaṇiguṇanikā janmajaladhau nimagnānāṃ daṃṣṭrā muraripuvarāhasya bhavatī //

Note:

avidyānām antastimiramihiradvīpanagarī jaḍānāṃ caitanyastabakamakarandasrutijharī

daridrāṇāṃ cintāmaṇiguṇanikā janmajaladhau nimagnānāṃ daṃṣṭrā muraripuvarāhasya bhavatī //

tvadanyaḥ pāṇibhyām abhayavarado daivatagaṇas tvam ekā naivāsi prakaṭitavarābhītyabhinayā

bhayāt trātuṃ dātuṃ phalam api ca vāñchāsamadhikaṃ śaraṇye lokānāṃ tava hi caraṇāv eva nipuṇau //

Note:

tvadanyaḥ pāṇibhyām abhayavarado daivatagaṇas tvam ekā naivāsi prakaṭitavarābhītyabhinayā

bhayāt trātuṃ dātuṃ phalam api ca vāñchāsamadhikaṃ śaraṇye lokānāṃ tava hi caraṇāv eva nipuṇau //

haris tvām ārādhya praṇatajanasaubhāgyajananīṃ purā nārī bhūtvā puraripum api kṣobham anayat

smaro 'pi tvāṃ natvā ratinayanalehyena vapuṣā munīnām apy antaḥ prabhavati hi mohāya mahatām //

Note:

haris tvām ārādhya praṇatajanasaubhāgyajananīṃ purā nārī bhūtvā puraripum api kṣobham anayat

smaro 'pi tvāṃ natvā ratinayanalehyena vapuṣā munīnām apy antaḥ prabhavati hi mohāya mahatām //

dhanuḥ pauṣpaṃ maurvī madhukaramayī pañca viśikhā vasantaḥ sāmanto malayamarudāyodhanarathaḥ

tathāpy ekaḥ sarvaṃ himagirisute kām api kṛpāṃ apāṅgāt te labdhvā jagad idam anaṅgo vijayate //

Note:

dhanuḥ pauṣpaṃ maurvī madhukaramayī pañca viśikhā vasantaḥ sāmanto malayamarudāyodhanarathaḥ

tathāpy ekaḥ sarvaṃ himagirisute kām api kṛpāṃ apāṅgāt te labdhvā jagad idam anaṅgo vijayate //

kvaṇatkāñcīdāmā karikalabhakumbhastanabharā parikṣīṇā madhye pariṇataśaraccandravadanā

dhanur bāṇān pāśaṃ sṛṇim api dadhānā karatalaiḥ purastād āstāṃ naḥ puramathitur āhopuruṣikā //

Note:

kvaṇatkāñcīdāmā karikalabhakumbhastanabharā parikṣīṇā madhye pariṇataśaraccandravadanā

dhanur bāṇān pāśaṃ sṛṇim api dadhānā karatalaiḥ purastād āstāṃ naḥ puramathitur āhopuruṣikā //

sudhāsindhor madhye suraviṭapivāṭīparivṛte maṇidvīpe nīpopavanavati cintāmaṇigṛhe

śivākāre mañce paramaśivaparyaṅkanilayāṃ bhajanti tvāṃ dhanyāḥ kati cana cidānandalaharīm //

Note:

sudhāsindhor madhye suraviṭapivāṭīparivṛte maṇidvīpe nīpopavanavati cintāmaṇigṛhe

śivākāre mañce paramaśivaparyaṅkanilayāṃ bhajanti tvāṃ dhanyāḥ kati cana cidānandalaharīm //

mahīṃ mūlādhāre kam api maṇipūre hutavahaṃ sthitaṃ svādhiṣṭhāne hṛdi marutam ākāśam upari

mano 'pi bhrūmadhye sakalam api bhittvā kulapathaṃ sahasrāre padme saha rahasi patyā viharasi //

Note:

mahīṃ mūlādhāre kam api maṇipūre hutavahaṃ sthitaṃ svādhiṣṭhāne hṛdi marutam ākāśam upari

mano 'pi bhrūmadhye sakalam api bhittvā kulapathaṃ sahasrāre padme saha rahasi patyā viharasi //

sudhādhārāsāraiś caraṇayugalāntarvigalitaiḥ prapañcaṃ siñcantī punar api rasaāmnāyamahasā

avāpya svāṃ bhūmiṃ bhujaganibham adhyuṣṭavalayaṃ svam ātmānaṃ kṛtvā svapiṣi kulakuṇḍe kuhariṇi //

Note:

sudhādhārāsāraiś caraṇayugalāntarvigalitaiḥ prapañcaṃ siñcantī punar api rasaāmnāyamahasā

avāpya svāṃ bhūmiṃ bhujaganibham adhyuṣṭavalayaṃ svam ātmānaṃ kṛtvā svapiṣi kulakuṇḍe kuhariṇi //

caturbhiḥ śrīkaṇṭhaiḥ śivayuvatibhiḥ pañcabhir api prabhinnābhiḥ śaṃbhor navabhir iti mūlaprakṛtibhiḥ

trayaś catvāriṃśad vasudalakalāśratrivalayatrirekhābhiḥ sārdhaṃ tava caraṇakoṇāḥ pariṇatāḥ //

Note:

caturbhiḥ śrīkaṇṭhaiḥ śivayuvatibhiḥ pañcabhir api prabhinnābhiḥ śaṃbhor navabhir iti mūlaprakṛtibhiḥ

trayaś catvāriṃśad vasudalakalāśratrivalayatrirekhābhiḥ sārdhaṃ tava caraṇakoṇāḥ pariṇatāḥ //

tvadīyaṃ saundaryaṃ tuhinagirikanye tulayituṃ kavīndrāḥ kalpante katham api viriñciprabhṛtayaḥ

yad ālokyautsukyād amaralalanā yānti manasā tapobhir duṣprāpām api giriśasāyujyapadavīm //

Note:

tvadīyaṃ saundaryaṃ tuhina-giri-kanye tulayituṃ kavi-indrāḥ kalpante katham api viriñci-prabhṛtayaḥ

yad ālokyautsukyād amaralalanā yānti manasā tapobhir duṣ-prāpām api giriśasāyujyapadavīm //

naraṃ varṣīyāṃsaṃ nayanavirasaṃ narmasu jaḍaṃ tavāpāṅgāloke patitam anudhāvanti śataśaḥ

galadveṇībandhāḥ kucakalaśavisrastasicayā haṭhāt truṭyatkāñcyo vigalitadukūlā yuvatayaḥ //

Note:

naraṃ varṣīyāṃsaṃ nayana-vi-rasaṃ narmasu jaḍaṃ tavāpāṅga-āloke patitam anudhāvanti śataśaḥ

galad-veṇī-bandhāḥ kuca-kalaśa-visrasta-sicayā haṭhāt truṭyat-kāñcyo vigalita-dukūlā yuvatayaḥ //

kṣitau ṣatpañcāśad dvisamadhikapañcāśad udake hutāśe dvāṣaṣṭiś caturadhikapañcāśad anile

divi dviḥṣattriṃśan manasi ca catuḥṣaṣṭir iti ye mayūkhās teṣām apy upari tava pādāmbujayugam //

Note:

kṣitau ṣat-pañcāśad dvi-sam-adhika-pañcāśad udake huta-āśe dvā-ṣaṣṭiś catur-adhika-pañcāśad anile

divi dviḥ-ṣat-triṃśan manasi ca catuḥ-ṣaṣṭir iti ye mayūkhās teṣām apy upari tava pādāmbu-ja-yugam //

śarajjyotsnāśubhrāṃ śaśiyutajaṭājūṭamukuṭāṃ varatrāsatrāṇasphaṭikaguṭikāpustakakarām

sakṛn na tvā natvā katham iva stāṃ saṃnidadhate madhukṣīradrākṣāmadhurimadhurīṇā bhaṇitayaḥ //

Note:

śaraj-jyotsnā-śubhrāṃ śaśi-yuta-jaṭā-jūṭa-mukuṭāṃ vara-trāsa-trāṇa-sphaṭika-guṭikā-pustaka-karām

sakṛn na tvā natvā katham iva stāṃ saṃnidadhate madhu-kṣīra-drākṣā-madhurima-dhurīṇā bhaṇitayaḥ //

kavīndrāṇāṃ cetaḥkamalavanabālātaparuciṃ bhajante ye santaḥ kati cid aruṇām eva bhavatīm

virañcipreyasyās taruṇataraśṛṅgāralaharīgabhīrābhir vāgbhir vidadhati satāṃ rañjanam amī //

Note:

kavi-indrāṇāṃ cetaḥ-kamala-vana-bāla-ātapa-ruciṃ bhajante ye santaḥ kati cid aruṇām eva bhavatīm

virañci-preyasyās taruṇatara-śṛṅgāra-laharī-gabhīrābhir vāgbhir vidadhati satāṃ rañjanam amī //

savitrībhir vācāṃ śaśimaṇiśilābhaṅgarucibhir vaśinyādyābhis tvāṃ saha janani saṃcintayati yaḥ

sa kartā kāvyānāṃ bhavati mahatāṃ bhaṅgisubhagair vacobhir vāgdevīvadanakamalāmodamadhuraiḥ //

Note:

savitrībhir vācāṃ śaśi-maṇi-śilā-bhaṅga-rucibhir vaśiny-ādyābhis tvāṃ saha janani saṃcintayati yaḥ

sa kartā kāvyānāṃ bhavati mahatāṃ bhaṅgi-su-bhagair vacobhir vāg-devī-vadana-kamala-āmoda-madhuraiḥ //

tanucchāyābhis te taruṇataraṇiśrīsaraṇibhir divaṃ sarvām urvīm aruṇimanigmagnāṃ smarati yaḥ

bhavanty asya trasyadvanahariṇaśālīnanayanāḥ sahorvaśyā vaśyāḥ katikati na gīrvāṇagaṇikā //

Note:

tanu-cchāyābhis te taruṇa-taraṇi-śrī-saraṇibhir divaṃ sarvām urvīm aruṇima-nigmagnāṃ smarati yaḥ

bhavanty asya trasyad-vana-hariṇa-śālīna-nayanāḥ saha urvaśyā vaśyāḥ kati-kati na gīrvāṇa-gaṇikā //

mukhaṃ binduṃ kṛtvā kucayugam adhas tasya tadadho harārdhaṃ dhyāyed yo haramahiṣi te manmathakalām

sa sadyaḥ saṃkṣobhaṃ nayati vanitā ity atilaghu trilokīm apy āśu bhramayati ravīndustanayugām //

Note:

mukhaṃ binduṃ kṛtvā kuca-yugam adhas tasya tad-adho ha-rārdhaṃ dhyāyed yo hara-mahiṣi te manmatha-kalām

sa sadyaḥ saṃkṣobhaṃ nayati vanitā ity ati-laghu tri-lokīm apy āśu bhramayati ravi-indu-stana-yugām //

kirantīm aṅgebhyaḥ kiraṇanikurambāmṛtarasaṃ hṛdi tvām ādhatte himakaraśilāmūrtim iva yaḥ

sa sarpāṇāṃ darpaṃ śamayati śakuntādhipa iva jvarapluṣṭān dṛṣṭyā sukhayati sudhādhārasirayā //

Note:

kirantīm aṅgebhyaḥ kiraṇa-nikurambā-mṛta-rasaṃ hṛdi tvām ādhatte hima-kara-śilā-mūrtim iva yaḥ

sa sarpāṇāṃ darpaṃ śamayati śakuntādhipa iva jvara-pluṣṭān dṛṣṭyā sukhayati sudhā-dhāra-sirayā //

taḍillekhātanvīṃ tapanaśaśivaiśvānaramayīṃ niṣaṇṇāṃ ṣaṇṇām apy upari kamalānāṃ tava kalām

mahāpadmāṭavyāṃ mṛditamalamāyena manasā mahāntaḥ paśyanto dadhati paramāhlādalaharīm //

Note:

taḍil-lekhā-tanvīṃ tapana-śaśi-vaiśvānaramayīṃ niṣaṇṇāṃ ṣaṇṇām apy upari kamalānāṃ tava kalām

mahā-padmāṭavyāṃ mṛdita-mala-māyena manasā mahāntaḥ paśyanto dadhati parama-āhlāda-laharīm //

bhavāni tvaṃ dāse mayi vitara dṛṣṭiṃ sakaruṇāṃ iti stotuṃ vāñchan kathayati bhavāni tvam iti yaḥ

tadaiva tvaṃ tasmai diśasi nijasāyujyapadavīṃ mukundabrahmendrasphuṭamukuṭanīrājitapadām //

Note:

bhavāni tvaṃ dāse mayi vitara dṛṣṭiṃ sa-karuṇāṃ iti stotuṃ vāñchan kathayati bhavāni tvam iti yaḥ

tada aiva tvaṃ tasmai diśasi nija-sāyujya-padavīṃ mukunda-brahma-indra-sphuṭa-mukuṭa-nīrājita-padām //

tvayā hṛtvā vāmaṃ vapur aparitṛptena manasā śarīrārdhaṃ śaṃbhor aparam api śaṅke hṛtam abhūt

tathā hi tvadrūpaṃ sakalam aruṇābhaṃ trinayanaṃ kucābhyām ānamraṃ kuṭilaśaśicūḍālamukuṭam //

Note:

tvayā hṛtvā vāmaṃ vapur a-paritṛptena manasā śarīrārdhaṃ śaṃbhor aparam api śaṅke hṛtam abhūt

tathā hi tvad-rūpaṃ sa-kalam aruṇa-ābhaṃ tri-nayanaṃ kucābhyām ānamraṃ kuṭila-śaśi-cūḍāla-mukuṭam //

jagat sūte dhātā harir avati rudraḥ kṣapayate tiras kurvann etat svam api vapur īśas tirayati

sadāpūrvaḥ sarvaṃ tad idam anugṛhṇāti ca śivas tavājñām ālambya kṣanacalitayor bhrūlatikayoḥ //

Note:

jagat sūte dhātā harir avati rudraḥ kṣapayate tiras kurvann etat svam api vapur īśas tirayati

sadā-pūrvaḥ sarvaṃ tad idam anugṛhṇāti ca śivas tavā ajñām ālambya kṣana-calitayor bhrū-latikayoḥ //

trayāṇāṃ devānāṃ triguṇajanitānāṃ tava śive bhavet pūjā pūjā tava caraṇayor yā viracitā

tathā hi tvatpādodvahanamaṇipīṭhasya nikaṭe sthitā hy ete śaśvan mukulitakarottaṃsamukuṭāḥ //

Note:

trayāṇāṃ devānāṃ tri-guṇa-janitānāṃ tava śive bhavet pūjā pūjā tava caraṇayor yā viracitā

tathā hi tvat-pādodvahana-maṇi-pīṭhasya nikaṭe sthitā hy ete śaśvan mukulita-karottaṃsa-mukuṭāḥ //

virañciḥ pañcatvaṃ vrajati harir āpnoti viratiṃ vināśaṃ kīnāśo bhajati dhanado yāti nidhanam

vitandrī māhendrī vitatir api saṃmīlitadṛśā mahāsaṃhāre +asmin viharati sati tvatpatir asau //

Note:

virañciḥ pañcatvaṃ vrajati harir āpnoti viratiṃ vināśaṃ kīnāśo bhajati dhana-do yāti nidhanam

vi-tandrī māhendrī vitatir api saṃmīlita-dṛśā mahā-saṃhāre +asmin viharati sati tvat-patir asau //

japo jalpaḥ śilpaṃ sakalam api mudrāviracanā gatiḥ prādakṣiṇyakramaṇam aśanādy āhutividhiḥ

praṇāmaḥ saṃveśaḥ sukham akhilam ātmārpaṇadṛśā saparyāparyāyas tava bhavatu yan me vilasitam //

Note:

japo jalpaḥ śilpaṃ sa-kalam api mudrā-viracanā gatiḥ prādakṣiṇya-kramaṇam aśana-ādy āhuti-vidhiḥ

praṇāmaḥ saṃveśaḥ sukham a-khilam ātmārpaṇa-dṛśā saparyā-paryāyas tava bhavatu yan me vilasitam //

dadāne dīnebhyaḥ śriyam aniśam āśānusadṛśīṃ amandaṃ saundaryaprakaramakarandaṃ vikirati

tavāsmin mandārastabakasubhage yātu caraṇe nimajjan majjīvaḥ karaṇacaraṇaiḥ ṣa.ccaraṇatām //

Note:

dadāne dīnebhyaḥ śriyam aniśam āśā-anu-sa-dṛśīṃ a-mandaṃ saundarya-prakara-makarandaṃ vikirati

tava asmin mandāra-stabaka-su-bhage yātu caraṇe nimajjan maj-jīvaḥ karaṇa-caraṇaiḥ ṣa.c-caraṇatām //

sudhām apy āsvādya pratibhayajarāmṛtyuhariṇīṃ vipadyante viśve vidhiśatamakhādyā diviṣadaḥ

karālaṃ yat kṣveḍaṃ kavalitavataḥ kālakalanā na śaṃbhos tanmūlaṃ tava janani tāṭaṅkamahimā //

Note:

sudhām apy āsvādya pratibhaya-jarā-mṛtyu-hariṇīṃ vipadyante viśve vidhi-śata-makha-ādyā divi-ṣadaḥ

karālaṃ yat kṣveḍaṃ kavalitavataḥ kāla-kalanā na śaṃbhos tan-mūlaṃ tava janani tāṭaṅka-mahimā //

kirīṭaṃ vairiñcaṃ parihara puraḥ kaiṭabhabhidaḥ kaṭhore koṭīre skhalasi jahi jambhārimukuṭam

praṇamreṣv eteṣu prasabham abhiyātasya bhavanaṃ bhavasyābhyutthāne tava parijanoktir vijayate //

Note:

kirīṭaṃ vairiñcaṃ parihara puraḥ kaiṭabha-bhidaḥ kaṭhore koṭīre skhalasi jahi jambhāri-mukuṭam

praṇamreṣv eteṣu prasabham abhiyātasya bhavanaṃ bhavasya abhyutthāne tava pari-janoktir vijayate //

catuḥṣaṣṭyā tantraiḥ sakalam abhisaṃdhāya bhuvanaṃ sthitas tattatsiddhiprasavaparatantraiḥ paśupatiḥ

punas tvannirbandhād akhilapuruṣārthaikaghaṭanāsvatantraṃ te tantraṃ kṣititalam avātītarad idam //

Note:

catuḥ-ṣaṣṭyā tantraiḥ sa-kalam abhisaṃdhāya bhuvanaṃ sthitas tat-tat-siddhi-prasava-para-tantraiḥ paśu-patiḥ

punas tvan-nirbandhād a-khila-puruṣārtha-eka-ghaṭanāsva-tantraṃ te tantraṃ kṣiti-talam avātītarad idam //

śivaḥ śaktiḥ kāmaḥ kṣitir atha raviḥ śītakiraṇaḥ smaro haṃsaḥ śakras tad anu ca parāmāraharayaḥ

amī hṛllekhābhis tisṛbhir avasāneṣu ghaṭitā bhajante varṇās te tava janani nāmāvayavatām //

Note:

śivaḥ śaktiḥ kāmaḥ kṣitir atha raviḥ śīta-kiraṇaḥ smaro haṃsaḥ śakras tad anu ca parā-māra-harayaḥ

amī hṛl-lekhābhis tisṛbhir avasāneṣu ghaṭitā bhajante varṇās te tava janani nāmāvayavatām //

smaraṃ yoniṃ lakṣmīṃ tritayam idam ādau tava manor nidhāyaike nitye niravadhimahābhogarasikāḥ

japanti tvāṃ cintāmaṇigunanibaddhākṣavalayāḥ śivāgnau juhvantaḥ surabhighṛtadhārāhutiśataiḥ //

Note:

smaraṃ yoniṃ lakṣmīṃ tritayam idam ādau tava manor nidhāyaike nitye nir-avadhi-mahā-bhoga-rasikāḥ

japanti tvāṃ cintā-maṇi-guna-nibaddhākṣa-valayāḥ śivāgnau juhvantaḥ surabhi-ghṛta-dhāra-āhuti-śataiḥ //

śarīraṃ tvaṃ śaṃbhoḥ śaśimihiravakṣoruhayugaṃ tavātmānaṃ manye bhagavati bhavātmānam anagham

ataḥ śeṣaḥ śeṣīty ayam ubhayasādhāraṇatayā sthitaḥ saṃbandho vāṃ samarasaparānandaparayoḥ //

Note:

śarīraṃ tvaṃ śaṃbhoḥ śaśi-mihira-vakṣo-ruha-yugaṃ tavā atmānaṃ manye bhagavati bhava-ātmānam an-agham

ataḥ śeṣaḥ śeṣi īty ayam ubhaya-sādhāraṇatayā sthitaḥ saṃbandho vāṃ sama-rasa-para-ānanda-parayoḥ //

manas tvaṃ vyoma tvaṃ marud asi marutsārathir asi tvam āpas tvaṃ bhūmis tvayi pariṇatāyāṃ na hi param

tvam eva svātmānaṃ pariṇamayituṃ viśvavapuṣā cidānandākāraṃ śivayuvati bhāvena bibhṛṣe //

Note:

manas tvaṃ vyoma tvaṃ marud asi marut-sārathir asi tvam āpas tvaṃ bhūmis tvayi pariṇatāyāṃ na hi param

tvam eva sva-ātmānaṃ pariṇamayituṃ viśva-vapuṣā cid-ānanda-ākāraṃ śiva-yuvati bhāvena bibhṛṣe //

tavājñācakrasthaṃ tapanaśaśikoṭidyutidharam paraṃ śaṃbhuṃ vande parimilitapārśvaṃ paracitā

yam ārādhyan bhaktyā raviśaśiśucīnām aviṣaye nirāloke loko nivasati hi bhālokabhavane //

Note:

tavā ajñā-cakra-sthaṃ tapana-śaśi-koṭi-dyuti-dharam paraṃ śaṃbhuṃ vande parimilita-pārśvaṃ para-citā

yam ārādhyan bhaktyā ravi-śaśi-śucīnām a-viṣaye nir-āloke loko nivasati hi bhā-loka-bhavane //

viśuddhau te śuddhasphaṭikaviśadaṃ vyomajanakaṃ śivaṃ seve devīm api śivasamānavyasaninīm

yayoḥ kāntyā yāntyā śaśikiraṇasārūpyasaraṇiṃ vidhūtāntardhvāntā vilasati cakorīva jagatī //

Note:

viśuddhau te śuddha-sphaṭika-viśadaṃ vyoma-janakaṃ śivaṃ seve devīm api śiva-samāna-vyasaninīm

yayoḥ kāntyā yāntyā śaśi-kiraṇa-sārūpya-saraṇiṃ vidhūtāntar-dhvāntā vilasati cakori īva jagatī //

samunmīlatsaṃvitkamalamakarandaikarasikaṃ bhaje haṃsadvaṃdvaṃ kim api mahatāṃ mānasacaram

yadālāpād aṣṭādaśaguṇitavidyāpariṇatir yad ādatte doṣād guṇam akhilam adbhyaḥ paya iva //

Note:

samunmīlat-saṃvit-kamala-makaranda-eka-rasikaṃ bhaje haṃsa-dvaṃdvaṃ kim api mahatāṃ mānasa-caram

yad-ālāpād aṣṭā-daśa-guṇita-vidyā-pariṇatir yad ādatte doṣād guṇam a-khilam adbhyaḥ paya iva //

tava svādhiṣṭhāne hutavaham adhiṣṭhāya nirataṃ tam īḍe saṃvartaṃ janani mahatīṃ tāṃ ca samayām

yadāloke lokān dahati mahati krodhakalile dayārdrā dṛṣṭis te śiśiram upacāraṃ racayati //

Note:

tava svādhiṣṭhāne huta-vaham adhiṣṭhāya nirataṃ tam īḍe saṃvartaṃ janani mahatīṃ tāṃ ca samayām

yad-āloke lokān dahati mahati krodha-kalile dayā-ārdrā dṛṣṭis te śiśiram upacāraṃ racayati //

taḍitvantaṃ śaktyā timiraparipanthisphuraṇayā sphurannānāratnābharaṇapariṇaddhendradhanuṣam

tava śyāmaṃ meghaṃ kam api maṇipūraikaśaraṇaṃ niṣeve varṣantaṃ haramihirataptaṃ tribhuvanam //

Note:

taḍitvantaṃ śaktyā timira-paripanthi-sphuraṇayā sphuran-nānā-ratna-ābharaṇa-pariṇaddha-indra-dhanuṣam

tava śyāmaṃ meghaṃ kam api maṇi-pūra-eka-śaraṇaṃ niṣeve varṣantaṃ hara-mihira-taptaṃ tri-bhuvanam //

tavādhāre mūle saha samayayā lāsyaparayā navātmānaṃ vande navarasamahātāṇḍavanaṭam

ubhābhyām etābhyām ubhayavidhim uddiśya dayayā sanāthābhyāṃ jajñe janakajananīmad jagad idam //

Note:

tavā adhāre mūle saha samayayā lāsya-parayā nava-ātmānaṃ vande nava-rasa-mahā-tāṇḍava-naṭam

ubhābhyām etābhyām ubhaya-vidhim uddiśya dayayā sa-nāthābhyāṃ jajñe janaka-jananīmad jagad idam //

gatair māṇikyatvaṃ gaganamaṇibhiḥ sāndraghaṭitaṃ kirīṭaṃ te haimaṃ himagirisute kīrtayati yaḥ

sa nīḍeyacchāyācchuraṇaśabalaṃ candraśakalaṃ dhanuḥ śaunāsīraṃ kim iti na nibadhnāti dhiṣaṇām //

Note:

gatair māṇikyatvaṃ gagana-maṇibhiḥ sāndra-ghaṭitaṃ kirīṭaṃ te haimaṃ hima-giri-sute kīrtayati yaḥ

sa nīḍeyac-chāyā-cchuraṇa-śabalaṃ candra-śakalaṃ dhanuḥ śaunāsīraṃ kim iti na nibadhnāti dhiṣaṇām //

dhunotu dhvāntaṃ nas tulitadalitendīvaravanaṃ ghanasnigdhaṃ ślakṣṇaṃ cikuranikurambaṃ tava śive

yadīyaṃ saurabhyaṃ sahajam upalabdhuṃ sumanaso vasanty asmin manye balamathanavāṭīviṭapinām //

Note:

dhunotu dhvāntaṃ nas tulita-dalita-indīvara-vanaṃ ghana-snigdhaṃ ślakṣṇaṃ cikura-nikurambaṃ tava śive

yadīyaṃ saurabhyaṃ saha-jam upalabdhuṃ su-manaso vasanty asmin manye bala-mathana-vāṭī-viṭapinām //

vahantī sundūraṃ prabalakabarībhāratimiratviṣāṃ bṛndair bandīkṛtam iva navīnārkakiraṇam

tanotu kṣemaṃ nas tava vadanasaundaryalaharīparīvāhasrotaḥsaraṇir iva sīmantasaraṇiḥ //

Note:

vahantī sundūraṃ pra-bala-kabarī-bhāra-timira-tviṣāṃ bṛndair bandī-kṛtam iva navīnārka-kiraṇam

tanotu kṣemaṃ nas tava vadana-saundarya-laharī-parīvāha-srotaḥ-saraṇir iva sīmanta-saraṇiḥ //

arālaiḥ svābhāvyād alikalabhasaśrībhir alakaiḥ parītaṃ te vaktraṃ parihasati paṅkeruharucim

darasmere yasmin daśanarucikiñjalkarucire sugandhau mādyanti smaramathanacakṣurmadhulihaḥ //

Note:

arālaiḥ svābhāvyād ali-kalabha-sa-śrībhir alakaiḥ parītaṃ te vaktraṃ parihasati paṅke-ruha-rucim

dara-smere yasmin daśana-ruci-kiñjalka-rucire su-gandhau mādyanti smara-mathana-cakṣur-madhu-lihaḥ //

lalāṭaṃ lāvaṇyadyutivimalam ābhāti tava yad dvitīyaṃ tan manye mukuṭaśaśikhaṇḍasya śakalam

viparyāsanyāsād ubhayam api saṃbhūya ca mithaḥ sudhālepasyūtiḥ pariṇamati rākāhimakaraḥ //

Note:

lalāṭaṃ lāvaṇya-dyuti-vi-malam ābhāti tava yad dvitīyaṃ tan manye mukuṭa-śaśi-khaṇḍasya śakalam

viparyāsa-nyāsād ubhayam api saṃbhūya ca mithaḥ sudhā-lepa-syūtiḥ pariṇamati rākā-hima-karaḥ //

bhruvau bhugne kiṃcid bhuvanabhayabhaṅgavyasanini tvadīye netrābhyāṃ madhukararucibhyāṃ dhṛtaguṇe

dhanur manye savyetarakaragṛhītaṃ ratipateḥ prakoṣṭhe muṣṭau ca sthagayati nigūḍhāntaram ume //

Note:

bhruvau bhugne kiṃ-cid bhuvana-bhaya-bhaṅga-vyasanini tvadīye netrābhyāṃ madhu-kara-rucibhyāṃ dhṛta-guṇe

dhanur manye savya-itara-kara-gṛhītaṃ rati-pateḥ prakoṣṭhe muṣṭau ca sthagayati nigūḍhāntaram ume //

ahaḥ sūte savyaṃ tava nayanam arkātmakatayā triyāmāṃ vāmaṃ te sṛjati rajanīnāyakamayam

tṛtīyā te dṛṣtir daradalitahemāmbujaruciḥ samādhatte saṃdhyāṃ divasaniśayor antaracarīm //

Note:

ahaḥ sūte savyaṃ tava nayanam arka-ātmakatayā tri-yāmāṃ vāmaṃ te sṛjati rajanī-nāyakamayam

tṛtīyā te dṛṣtir dara-dalita-hemāmbu-ja-ruciḥ samādhatte saṃdhyāṃ divasa-niśayor antara-carīm //

viśālā kalyāṇī sphuṭarucir ayodhyā kuvalayaiḥ kṛpādhārādhārā kim api madhurā bhogavatikā

avantī dṛṣṭis te bahunagaravistāravijayā dhruvaṃ tattannāmavyavaharaṇayogyā vijayate //

Note:

viśālā kalyāṇī sphuṭa-rucir a-yodhyā kuvalayaiḥ kṛpā-dhārā-dhārā kim api madhurā bhogavatikā

avantī dṛṣṭis te bahu-nagara-vistāra-vijayā dhruvaṃ tat-tan-nāma-vyavaharaṇa-yogyā vijayate //

kavīnāṃ saṃdarbhastabakamakarandaikarasikaṃ kaṭākṣavyākṣepabhramarakalabhau karṇayugalam

amuñcantau dṛṣṭvā tava nvarasāsvādataralāv asūyāsaṃsargād alikanayanaṃ kiṃcid aruṇam //

Note:

kavīnāṃ saṃdarbha-stabaka-makaranda-eka-rasikaṃ kaṭākṣa-vyākṣepa-bhramara-kalabhau karṇa-yugalam

a-muñcantau dṛṣṭvā tava nva-rasa-āsvāda-taralāv asūyā-saṃsargād alika-nayanaṃ kiṃ-cid aruṇam //

śive śṛṅgārārdrā taditaramukhe kutsanaparā saroṣā gaṅgāyāṃ giriśacarite vismayavatī

harāhibhyo bhītā sarasiruhasaubhāgyajayinī sakhīṣu smerā te mayi janani dṛṣṭiḥ sakaruṇā //

Note:

śive śṛṅgāra-ārdrā tad-itara-mukhe kutsana-parā sa-roṣā gaṅgāyāṃ giri-śa-carite vismayavatī

harāhibhyo bhītā sarasi-ruha-saubhāgya-jayinī sakhīṣu smerā te mayi janani dṛṣṭiḥ sa-karuṇā //

gate karṇābhyarṇaṃ garuta iva pakṣmāṇi dadhatī purāṃ bhettuś cittapraśamarasavidrāvaṇaphale

ime netre gotrādharapatikulottaṃsakalike tavā-karṇākṛṣṭasmaraśaravilāsaṃ kalayataḥ //

Note:

gate karṇābhyarṇaṃ garuta iva pakṣmāṇi dadhatī purāṃ bhettuś citta-praśama-rasa-vidrāvaṇa-phale

ime netre gotrā-dhara-pati-kulottaṃsa-kalike tavā a-karṇa-ākṛṣṭa-smara-śara-vilāsaṃ kalayataḥ //

vibhaktatraivarṇyaṃ vyatikaritanīlāñjanatayā vibhāti tvannetratritayam idam īśānadayite

punaḥ sraṣṭuṃ devān druhiṇaharirudrān uparatān rajaḥ sattvaṃ bibhrat tama iti guṇānāṃ trayam iva //

Note:

vibhakta-traivarṇyaṃ vyatikarita-nīlāñjanatayā vibhāti tvan-netra-tritayam idam īśāna-dayite

punaḥ sraṣṭuṃ devān druhiṇa-hari-rudrān uparatān rajaḥ sattvaṃ bibhrat tama iti guṇānāṃ trayam iva //

pavitrīkartuṃ naḥ paśupatiparādhīnahṛdaye dayāmitrair netrair aruṇadhavalaśyāmarucibhiḥ

nadaḥ śoṇo gaṅgā tapanatanayeti dhruvam amuṃ trayāṇāṃ tīrthānām upanayasi saṃbhedam anaghe //

Note:

pavitrī-kartuṃ naḥ paśu-pati-parādhīna-hṛdaye dayā-mitrair netrair aruṇa-dhavala-śyāma-rucibhiḥ

nadaḥ śoṇo gaṅgā tapana-tanaya īti dhruvam amuṃ trayāṇāṃ tīrthānām upanayasi saṃbhedam an-aghe //

tavā-parṇe karṇejapanayanapaiśunyacakitā nilīyante toye niyatam animeṣāḥ śapharikāḥ

iyaṃ ca śrīr baddhacchadapuṭakapāṭaṃ kuvalayam jahāti pratyūṣe niśi ca vighaṭayya praviśati //

Note:

tava a-parṇe karṇe-japa-nayana-paiśunya-cakitā nilīyante toye niyatam a-nimeṣāḥ śapharikāḥ

iyaṃ ca śrīr baddha-cchada-puṭa-kapāṭaṃ kuvalayam jahāti pratyūṣe niśi ca vighaṭayya praviśati //

nimeṣonmeṣābhyāṃ pralayam udayaṃ yāti jagatī tavety āhuḥ santo dharaṇidhararājanyatanaye

tvadunmeṣāj jātaṃ jagad idam aśeṣaṃ pralayataḥ paritrātuṃ śaṅke parihṛtanimeṣās tava dṛśaḥ //

Note:

nimeṣonmeṣābhyāṃ pralayam udayaṃ yāti jagatī tava ity āhuḥ santo dharaṇi-dhara-rājanya-tanaye

tvad-unmeṣāj jātaṃ jagad idam a-śeṣaṃ pralayataḥ paritrātuṃ śaṅke parihṛta-nimeṣās tava dṛśaḥ //

dṛśā drāghīyasyā daradalitanīlotpalarucā davīyāṃsaṃ dīnaṃ snapaya kṛpayā mām api śive

anenāyaṃ dhanyo bhavati na ca te hānir iyatā vane vā harmye vā samakaranipāto himakaraḥ //

Note:

dṛśā drāghīyasyā dara-dalita-nīlotpala-rucā davīyāṃsaṃ dīnaṃ snapaya kṛpayā mām api śive

anena ayaṃ dhanyo bhavati na ca te hānir iyatā vane vā harmye vā sama-kara-nipāto hima-karaḥ //

arālaṃ te pālīyugalam agarājanyatanaye na keṣām ādhatte kusumaśarakodaṇḍakutukam

tiraścīno yatra śravaṇapatham ullaṅghya vilasan apāṅgavyāsaṅgo diśati śarasaṃdhānadhiṣaṇām //

Note:

arālaṃ te pālī-yugalam a-ga-rājanya-tanaye na keṣām ādhatte kusuma-śara-ko-daṇḍa-kutukam

tiraś-cīno yatra śravaṇa-patham ullaṅghya vilasan apāṅga-vyāsaṅgo diśati śara-saṃdhāna-dhiṣaṇām //

sphuradgaṇḍābhogapratiphalitatāṭaṅkayugalaṃ catuścakraṃ manye tava mukham idaṃ manmatharatham

yam āruhya druhyaty avaniratham arkenducaraṇaṃ mahāvīro māraḥ pramathapataye svaṃ jitavate //

Note:

sphurad-gaṇḍa-ābhoga-pratiphalita-tāṭaṅka-yugalaṃ catuś-cakraṃ manye tava mukham idaṃ manmatha-ratham

yam āruhya druhyaty avani-ratham arka-indu-caraṇaṃ mahā-vīro māraḥ pramatha-pataye svaṃ jitavate //

sarasvatyāḥ sūktīr amṛtalaharīkauśalaharīḥ pibantyāḥ śarvāṇi śravaṇaculukābhyām aviratam

camatkāraślāghācalitaśirasaḥ kuṇḍalagaṇo jhaṇatkārais tāraiḥ prativacanam ācaṣṭae iva te //

Note:

sarasvatyāḥ su-uktīr a-mṛta-laharī-kauśala-harīḥ pibantyāḥ śarvāṇi śravaṇa-culukābhyām a-viratam

camat-kāra-ślāghā-calita-śirasaḥ kuṇḍala-gaṇo jhaṇat-kārais tāraiḥ prativacanam ācaṣṭae iva te //

asau nāsāvaṃśas tuhinagirivaṃśadhvajapaṭi tvadīyo nedīyaḥ phalatu phalam asmākam ucitam

vahann antar muktāḥ śiśirataraniśvāsaghaṭitāḥ samṛddhyā yas tāsāṃ bahir api ca muktāmaṇidharaḥ //

Note:

asau nāsā-vaṃśas tuhina-giri-vaṃśa-dhvaja-paṭi tvadīyo nedīyaḥ phalatu phalam asmākam ucitam

vahann antar muktāḥ śiśiratara-niśvāsa-ghaṭitāḥ samṛddhyā yas tāsāṃ bahir api ca muktā-maṇi-dharaḥ //

prakṛtyā raktāyās tava sudati dantacchadaruceḥ pravakṣye sādṛśyaṃ janayatu phalaṃ vidrumalatā

na bimbaṃ tadbimbapratiphalanalābhād aruṇitaṃ tulām adhyāroḍhuṃ katham iva vilajjeta kalayā //

Note:

prakṛtyā raktāyās tava su-dati danta-cchada-ruceḥ pravakṣye sādṛśyaṃ janayatu phalaṃ vi-druma-latā

na bimbaṃ tad-bimba-pratiphalana-lābhād aruṇitaṃ tulām adhyāroḍhuṃ katham iva vilajjeta kalayā //

smitajyotsnājālaṃ tava vadanacandrasya pibatāṃ cakorāṇām āsīd atirasatayā cañcujaḍimā

atas te śītāṃśor amṛtalaharīm amlarucayaḥ pibanti svacchandaṃ niśiniśi bhṛśaṃ kāñcikadhiyā //

Note:

smita-jyotsnā-jālaṃ tava vadana-candrasya pibatāṃ cakorāṇām āsīd ati-rasatayā cañcu-jaḍimā

atas te śītāṃśor a-mṛta-laharīm amla-rucayaḥ pibanti sva-cchandaṃ niśi-niśi bhṛśaṃ kāñcika-dhiyā //

aviśrāntaṃ patyur guṇagaṇakathāmreḍanajapā japāpuṣpacchāyā tava janani jihvā jayati sā

yadagrāsīnāyāḥ sphaṭikadṛṣadacchacchavimayī sarasvatyā mūrtiḥ pariṇamati māṇikyavapuṣā //

Note:

a-viśrāntaṃ patyur guṇa-gaṇa-kathā-āmreḍana-japā japā-puṣpa-cchāyā tava janani jihvā jayati sā

yad-agra-āsīnāyāḥ sphaṭika-dṛṣad-accha-cchavimayī sarasvatyā mūrtiḥ pariṇamati māṇikya-vapuṣā //

raṇe jitvā daityān apahṛtaśirastraiḥ kavacibhir nivṛttaiś caṇḍāṃśutripuraharanirmālyavimukhaiḥ

viśākhendropendraiḥ śaśiviśadakarpūraśakalā vilīyante mātas tava vadanatāmbūlakabalāḥ //

Note:

raṇe jitvā daityān apahṛta-śiras-traiḥ kavacibhir nivṛttaiś caṇḍāṃśu-tri-pura-hara-nirmālya-vi-mukhaiḥ

viśākha-indropa-indraiḥ śaśi-viśada-karpūra-śakalā vilīyante mātas tava vadana-tāmbūla-kabalāḥ //

vipañcyā gāyantī vividham avadānaṃ paśupates tvayārabdhe vaktuṃ calitaśirasā sādhuvacane

tvadīyair mādhuryair apalapitatantrīkalaravāṃ nijāṃ vīṇāṃ vāṇī niculayati colena nibhṛtam //

Note:

vipañcyā gāyantī vividham avadānaṃ paśu-pates tvayā ārabdhe vaktuṃ calita-śirasā sādhu-vacane

tvadīyair mādhuryair apalapita-tantrī-kala-ravāṃ nijāṃ vīṇāṃ vāṇī niculayati colena nibhṛtam //

karāgreṇa spaṣṭaṃ tuhinagiriṇā vatsalatayā girīśenodastaṃ muhur adharapānākulatayā

karagrāhyaṃ śaṃbhor mukhamukuravṛntaṃ girisute kathaṃkāraṃ brūmas tava cibukam aupamyarahitam //

Note:

karāgreṇa spaṣṭaṃ tuhina-giriṇā vatsalatayā giri-īśena udastaṃ muhur adhara-pāna-ākulatayā

kara-grāhyaṃ śaṃbhor mukha-mukura-vṛntaṃ giri-sute kathaṃ-kāraṃ brūmas tava cibukam aupamya-rahitam //

bhujāśleṣān nityaṃ puradamayituḥ kaṇṭakavatī tava grīvā dhatte mukhakamalanālaśriyam iyam

svataḥ śvetā kālāgarubahalajambālamalinā mṛṇālīlālityam vahati yadadho hāralatikā //

Note:

bhuja-āśleṣān nityaṃ pura-damayituḥ kaṇṭakavatī tava grīvā dhatte mukha-kamala-nāla-śriyam iyam

svataḥ śvetā kāla āgaru-bahala-jambāla-malinā mṛṇālī-lālityam vahati yad-adho hāra-latikā //

gale rekhās tisro gatigamakagītaikanipuṇe vivāhavyānaddhatriguṇaguṇasaṃkhyāpratibhuvaḥ

virājante nānāvidhamadhurarāgākarabhuvāṃ trayāṇāṃ grāmāṇāṃ sthitiniyamasīmāna iva te //

Note:

gale rekhās tisro gati-gamaka-gīta-eka-nipuṇe vivāha-vyānaddha-tri-guṇa-guṇa-saṃkhyā-pratibhuvaḥ

virājante nānā-vidha-madhura-rāga-ākara-bhuvāṃ trayāṇāṃ grāmāṇāṃ sthiti-niyama-sīmāna iva te //

mṛṇālīmṛdvīnāṃ tava bhujalatānāṃ catasṛṇāṃ caturbhiḥ saundaryaṃ sarasijabhavaḥ stauti vadanaiḥ

nakhebhyaḥ saṃtrasyan prathamamathanād andhakaripoś caturṇāṃ śīrṣāṇāṃ samam abhayahastārpaṇadhiyā //

Note:

mṛṇālī-mṛdvīnāṃ tava bhuja-latānāṃ catasṛṇāṃ caturbhiḥ saundaryaṃ sarasi-ja-bhavaḥ stauti vadanaiḥ

nakhebhyaḥ saṃtrasyan prathama-mathanād andhaka-ripoś caturṇāṃ śīrṣāṇāṃ samam a-bhaya-hastārpaṇa-dhiyā //

nakhānām uddyotair navanalinarāgaṃ vihasatāṃ karāṇāṃ te kāntiṃ kathaya kathayāmaḥ katham ume

kayā cid vā sāmyaṃ bhajatu kalayā hanta kamalaṃ yadi krīḍallakṣmīcaraṇatalalākṣāruṇadalam //

Note:

nakhānām uddyotair nava-nalina-rāgaṃ vihasatāṃ karāṇāṃ te kāntiṃ kathaya kathayāmaḥ katham ume

kayā cid vā sāmyaṃ bhajatu kalayā hanta kamalaṃ yadi krīḍal-lakṣmī-caraṇa-tala-lākṣā-aruṇa-dalam //

samaṃ devi skandadvipavadanapītaṃ stanayugaṃ tavedaṃ naḥ khedaṃ haratu satataṃ prasnutamukham

yad ālokyāśaṅkākulitahṛdayo hāsajanakaḥ svakumbhau herambaḥ parimṛśati hastena jhaṭiti //

Note:

samaṃ devi skanda-dvi-pa-vadana-pītaṃ stana-yugaṃ tava idaṃ naḥ khedaṃ haratu satataṃ prasnuta-mukham

yad ālokyā aśaṅka-ākulita-hṛdayo hāsa-janakaḥ sva-kumbhau herambaḥ parimṛśati hastena jhaṭiti //

amū te vakṣojāv amṛtarasamāṇikyakutupau na saṃdehaspando nagapatipatāke manasi naḥ

pibantau tau yasmād aviditavadhūsaṃgamarasau kumārāv adyāpi dviradavadanakrauñcadalanau //

Note:

amū te vakṣo-jāv a-mṛta-rasa-māṇikya-kutupau na saṃdeha-spando naga-pati-patāke manasi naḥ

pibantau tau yasmād a-vidita-vadhū-saṃgama-rasau kumārāv adya api dvir-ada-vadana-krauñca-dalanau //

vahaty amba stamberamadanujakumbhaprakṛtibhiḥ samārabdhāṃ muktāmaṇibhir amalāṃ hāralatikām

kucābhogo bimbādhararucibhir antaḥ śabalitāṃ pratāpavyāmiśrāṃ puravijayinaḥ kīrtim iva te //

Note:

vahaty amba stambe-rama-danu-ja-kumbha-prakṛtibhiḥ samārabdhāṃ muktā-maṇibhir a-malāṃ hāra-latikām

kuca-ābhogo bimbādhara-rucibhir antaḥ śabalitāṃ pratāpa-vyāmiśrāṃ pura-vijayinaḥ kīrtim iva te //

tava stanyaṃ manye dharaṇidharakanye hṛdayataḥ payaḥpārāvāraḥ parivahati sārasvata iva

dayāvatyā dattaṃ draviḍaśiśur āsvādya tava yat kavīnāṃ prauḍhānām ajani kamaniyaḥ kavayitā //

Note:

tava stanyaṃ manye dharaṇi-dhara-kanye hṛdayataḥ payaḥ-pārāvāraḥ parivahati sārasvata iva

dayāvatyā dattaṃ draviḍa-śiśur āsvādya tava yat kavīnāṃ prauḍhānām ajani kamaniyaḥ kavayitā //

harakrodhajvālāvalibhir avalīḍhena vapuṣā gabhīre te nābhīsarasi kṛtasaṅgo manasijaḥ

samuttasthau tasmād acalatanaye dhūmalatikā janas tāṃ jānīte janani tava romāvalir iti //

Note:

hara-krodha-jvālāvalibhir avalīḍhena vapuṣā gabhīre te nābhī-sarasi kṛta-saṅgo manasi-jaḥ

samuttasthau tasmād a-cala-tanaye dhūma-latikā janas tāṃ jānīte janani tava romāvalir iti //

yad etat kālindītanutarataraṅgākṛti śive kṛśe madhye kiṃ cij janani tava tad bhāti sudhiyām

vimardād anyoanyaṃ kucakalaśayor antaragataṃ tanūbhūtaṃ vyoma praviśad iva nābhīkuhariṇīm //

Note:

yad etat kālindī-tanutara-taraṅga-ākṛti śive kṛśe madhye kiṃ cij janani tava tad bhāti su-dhiyām

vimardād anyo-anyaṃ kuca-kalaśayor antara-gataṃ tanū-bhūtaṃ vyoma praviśad iva nābhī-kuhariṇīm //

sthiro gaṅgāvartaḥ stanamukularomāvalilatākalāvālaṃ kuṇḍaṃ kusumaśaratejohutabhujaḥ

rater līlāgāraṃ kim api tava nābhīti girije biladvāraṃ siddher giriśanayanānāṃ vijayate //

Note:

sthiro gaṅgā-āvartaḥ stana-mukula-roma-āvali-latākalā-āvālaṃ kuṇḍaṃ kusuma-śara-tejo-huta-bhujaḥ

rater līlā-agāraṃ kim api tava nābhi īti giri-je bila-dvāraṃ siddher giri-śa-nayanānāṃ vijayate //

nisargakṣīṇasya stanataṭabhareṇa klamajuṣo namanmūrter nābhau baliṣu śanakais truṭyatae iva

ciraṃ te madhyasya truṭitataṭinītīrataruṇā samāvasthāsthemno bhavatu kuśalaṃ śailatanaye //

Note:

nisarga-kṣīṇasya stana-taṭa-bhareṇa klama-juṣo naman-mūrter nābhau baliṣu śanakais truṭyatae iva

ciraṃ te madhyasya truṭita-taṭinī-tīra-taruṇā samāvasthā-sthemno bhavatu kuśalaṃ śaila-tanaye //

kucau sadyaḥ svidyattaṭaghaṭitakūrpāsabhidurau kaṣantau dormūle kanakakalaśābhau kalayatā

tava trātuṃ bhaṅgād alam iti vilagnaṃ tanubhuvā tridhā naddhaṃ devi trivali lavalīvallibhir iva //

Note:

kucau sadyaḥ svidyat-taṭa-ghaṭita-kūrpāsa-bhidurau kaṣantau dor-mūle kanaka-kalaśa-ābhau kalayatā

tava trātuṃ bhaṅgād alam iti vilagnaṃ tanu-bhuvā tridhā naddhaṃ devi tri-vali lavalī-vallibhir iva //

gurutvaṃ vistāraṃ kṣitidharapatiḥ pārvati nijān nitambād ācchidya tvayi haraṇarūpeṇa nidadhe

atas te vistīrṇo gurur ayam aśeṣāṃ vasumatīṃ nitambaprāgbhāraḥ sthagayati laghutvaṃ nayati ca //

Note:

gurutvaṃ vistāraṃ kṣiti-dhara-patiḥ pārvati nijān nitambād ācchidya tvayi haraṇa-rūpeṇa nidadhe

atas te vistīrṇo gurur ayam a-śeṣāṃ vasumatīṃ nitamba-prāg-bhāraḥ sthagayati laghutvaṃ nayati ca //

karīndrāṇāṃ śuṇḍāḥ kanakakadalīkāṇḍapaṭalīm ubhābhyām ūrubhyām ubhayam api nirjitya bhavatī

suvṛttābhyāṃ patyuḥ praṇatikaṭhinābhyāṃ girisute vijigye jānubhyāṃ vibudhakarikumbhadvayam api //

Note:

kari-indrāṇāṃ śuṇḍāḥ kanaka-kadalī-kāṇḍa-paṭalīm ubhābhyām ūrubhyām ubhayam api nirjitya bhavatī

su-vṛttābhyāṃ patyuḥ praṇati-kaṭhinābhyāṃ giri-sute vijigye jānubhyāṃ vibudha-kari-kumbha-dvayam api //

parājetuṃ rudraṃ dviguṇaśaragarbhau girisute niṣaṅgau jaṅghe te viṣamaviśikho bāḍham akṛta

yadagre dṛśyante daśaśaraphalāḥ pādayugalīnakhāgracchadmānaḥ suramukuṭaśāṇaikaniśitāḥ //

Note:

parājetuṃ rudraṃ- dvi-guṇa-śara-garbhau giri-sute niṣaṅgau jaṅghe te vi-ṣama-viśikho bāḍham akṛta

yad-agre dṛśyante daśa-śara-phalāḥ pāda-yugalī-nakhāgra-cchadmānaḥ sura-mukuṭa-śāṇa-eka-niśitāḥ //

śrutīnāṃ mūrdhāno dadhati tava yau śekharatayā mamāpy etau mātaḥ śirasi dayayā dhehi caraṇau

yayoḥ pādyaṃ pāthaḥ paśupatijaṭājūṭataṭinī yayor lākṣālakṣmīr aruṇaharicūḍāmaṇiruciḥ //

Note:

śrutīnāṃ mūrdhāno dadhati tava yau śekharatayā mama apy etau mātaḥ śirasi dayayā dhehi caraṇau

yayoḥ pādyaṃ pāthaḥ paśu-pati-jaṭā-jūṭa-taṭinī yayor lākṣā-lakṣmīr aruṇa-hari-cūḍā-maṇi-ruciḥ //

namovākaṃ brūmo nayanaramaṇīyāya padayos tavāsmai dvandvāya sphuṭarucirasālaktakavate

asūyaty atyantaṃ yad abhihananāya spṛhayate paśūnām īśānaḥ pramadavanakaṅkelitarave //

Note:

namo-vākaṃ brūmo nayana-ramaṇīyāya padayos tava asmai dvandvāya sphuṭa-ruci-rasa-ālaktakavate

asūyaty aty-antaṃ yad abhihananāya spṛhayate paśūnām īśānaḥ pramada-vana-kaṅkeli-tarave //

mṛṣā kṛtvā gotraskhalanam atha vailakṣyanamitaṃ lalāṭe bhartāraṃ caraṇakamale tāḍayati te

cirād antaḥśalyaṃ dahanakṛtam unmūlitavatā tulākoṭikvāṇaiḥ kilikilitam īśānaripuṇā //

Note:

mṛṣā kṛtvā gotra-skhalanam atha vailakṣya-namitaṃ lalāṭe bhartāraṃ caraṇa-kamale tāḍayati te

cirād antaḥ-śalyaṃ- dahana-kṛtam unmūlitavatā tulā-koṭi-kvāṇaiḥ kilikilitam īśāna-ripuṇā //

himānīhantavyaṃ himagiritaṭākrānticaturau niśāyāṃ nidrāṇāṃ niśi ca parabhāge ca viśadau

paraṃ lakṣmīpātraṃ śriyam atisṛjantau samayināṃ sarojaṃ tvatpādau janani jayataś citram iha kim //

Note:

himānī-hantavyaṃ hima-giri-taṭa-ākrānti-caturau niśāyāṃ nidrāṇāṃ niśi ca para-bhāge ca viśadau

paraṃ lakṣmī-pātraṃ śriyam atisṛjantau samayināṃ saro-jaṃ tvat-pādau janani jayataś citram iha kim //

padaṃ te kāntīnāṃ prapadam apadaṃ devi vipadāṃ kathaṃ nītaṃ sadbhiḥ kaṭhinakamaṭhīkarparatulām

kathaṃ vā bāhubhyām upayamanakāle purabhidā yad ādāya nyastaṃ dṛṣadi dayamānena manasā //

Note:

padaṃ te kāntīnāṃ pra-padam a-padaṃ devi vipadāṃ kathaṃ nītaṃ sadbhiḥ kaṭhina-kamaṭhī-karpara-tulām

kathaṃ vā bāhubhyām upayamana-kāle pura-bhidā yad ādāya nyastaṃ dṛṣadi dayamānena manasā //

nakhair nākastrīṇāṃ karakamalasaṃkocaśaśibhis tarūṇāṃ divyānāṃ hasata iva te caṇḍi caraṇau

phalāni svasthebhyaḥ kisalayakarāgreṇa dadatāṃ daridrebhyo bhadrāṃ śriyam aniśam ahnāya dadatau //

Note:

nakhair nāka-strīṇāṃ kara-kamala-saṃkoca-śaśibhis tarūṇāṃ divyānāṃ hasata iva te caṇḍi caraṇau

phalāni sva-sthebhyaḥ kisalaya-karāgreṇa dadatāṃ daridrebhyo bhadrāṃ śriyam a-niśam ahnāya dadatau //

kadā kāle mātaḥ kathaya kalitālaktakarasaṃ pibeyaṃ vidyārthī tava caraṇanirṇejanajalam

prakṛtyā mūkānām api ca kavitākāraṇatayā yad ādhatte vāṇīmukhakamalatāmbūlarasatām //

Note:

kadā kāle mātaḥ kathaya kalitālaktaka-rasaṃ pibeyaṃ vidyā-arthī tava caraṇa-nirṇejana-jalam

prakṛtyā mūkānām api ca kavitā-kāraṇatayā yad ādhatte vāṇī-mukha-kamala-tāmbūla-rasatām //

padanyāsakrīḍāparicayam ivārabdhumanasaś carantas te khelaṃ bhavanakalahaṃsā na jahati

suvikṣepe śikṣāṃ subhagamaṇimañjīraraṇitacchalād ācakṣāṇaṃ caraṇakamalaṃ cārucarite //

Note:

pada-nyāsa-krīḍā-paricayam ivā arabdhu-manasaś carantas te khelaṃ bhavana-kala-haṃsā na jahati

su-vikṣepe śikṣāṃ su-bhaga-maṇi-mañjīra-raṇita-cchalād ācakṣāṇaṃ caraṇa-kamalaṃ cāru-carite //

arālā keśeṣu prakṛtisaralā mandahasite śirīṣābhā citte dṛṣad iva kaṭhorā kucataṭe

bhṛśaṃ tanvī madhye pṛthur urasijārohaviṣaye jagat trātuṃ śaṃbhor jayati karuṇā kā cid aruṇā //

Note:

arālā keśeṣu prakṛti-saralā manda-hasite śirīṣa-ābhā citte dṛṣad iva kaṭhorā kuca-taṭe

bhṛśaṃ tanvī madhye pṛthur urasi-ja-āroha-viṣaye jagat trātuṃ śaṃbhor jayati karuṇā kā cid aruṇā //

purārāter antaḥpuram asi tatas tvaccaraṇayoḥ saparyāmaryādā taralakaraṇānām asulabhā

tathā hy ete nītāḥ śatamakhamukhāḥ siddhim atulāṃ tava dvāropāntasthitibhir aṇimādyābhir amarāḥ //

Note:

purārāter antaḥ-puram asi tatas tvac-caraṇayoḥ saparyā-maryādā tarala-karaṇānām a-su-labhā

tathā hy ete nītāḥ śata-makha-mukhāḥ siddhim a-tulāṃ tava dvāropānta-sthitibhir aṇimā-ādyābhir a-marāḥ //

gatās te mañcatvaṃ druhiṇaharirudreśvarabhṛtaḥ śivaḥ svacchacchāyāghaṭitakapaṭapracchadapaṭaḥ

tvadīyānāṃ bhāsāṃ pratiphalanalābhāruṇatayā śarīrī śṛṅgāro rasa iva dṛśāṃ dogdhi kutukam //

Note:

gatās te mañcatvaṃ druhiṇa-hari-rudra-īśvara-bhṛtaḥ śivaḥ svaccha-cchāyā-ghaṭita-kapaṭa-pracchada-paṭaḥ

tvadīyānāṃ bhāsāṃ pratiphalana-lābhāruṇatayā śarīrī śṛṅgāro rasa iva dṛśāṃ dogdhi kutukam //

kalaṅkaḥ kastūrī rajanikarabimbaṃ jalamayaṃ kalābhiḥ karpūrair marakatakaraṇḍaṃ nibiḍitam

atas tvadbhogena pratidinam idaṃ riktakuharaṃ vidhir bhūyobhūyo nibiḍayati nūnaṃ tava kṛte //

Note:

kalaṅkaḥ kastūrī rajani-kara-bimbaṃ jalamayaṃ kalābhiḥ karpūrair marakata-karaṇḍaṃ nibiḍitam

atas tvad-bhogena prati-dinam idaṃ rikta-kuharaṃ vidhir bhūyo-bhūyo nibiḍayati nūnaṃ tava kṛte //

svadehodbhūtābhir ghṛṇibhir aṇimādyābhir abhito niṣevye nitye tvām aham iti sadā bhāvayati yaḥ

kim āścaryaṃ tasya trinayansamṛddhiṃ tṛṇayato mahāsaṃvartāgnir viracayati nīrājanavidhim //

Note:

sva-dehodbhūtābhir ghṛṇibhir aṇimā-ādyābhir abhito niṣevye nitye tvām aham iti sadā bhāvayati yaḥ

kim āścaryaṃ tasya tri-nayan-samṛddhiṃ tṛṇayato mahā-saṃvartāgnir viracayati nīrājana-vidhim //

kalatraṃ vaidhātraṃ katikati bhajante na kavayaḥ śriyo devyāḥ ko vā na bhavati patiḥ kair api dhanaiḥ

mahādevaṃ hitvā tava sati satīnām acarame kucābhyām āsaṅgaḥ kuravakataror apy asulabhaḥ //

Note:

kalatraṃ vaidhātraṃ kati-kati bhajante na kavayaḥ śriyo devyāḥ ko vā na bhavati patiḥ kair api dhanaiḥ

mahā-devaṃ hitvā tava sati satīnām a-carame kucābhyām āsaṅgaḥ kuravaka-taror apy a-su-labhaḥ //

girām āhur devīṃ druhiṇagṛhiṇīm āgamavido hareḥ patnīṃ padmāṃ harasahacārīm adritanayām

turīyā kāpi tvaṃ duradhigamaniḥsīmamahimā mahāmāye viśvaṃ bhramayasi parabrahmamahiṣi //

Note:

girām āhur devīṃ druhiṇa-gṛhiṇīm āgama-vido hareḥ patnīṃ padmāṃ hara-saha-cārīm adri-tanayām

turīyā ka āpi tvaṃ dur-adhigama-niḥ-sīma-mahimā mahā-māye viśvaṃ bhramayasi para-brahma-mahiṣi //

sarasvatyā lakṣmyā vidhiharisapatno viharate rateḥ pātivratyaṃ śithilayati ramyeṇa vapuṣā

ciraṃ jīvann eṣa kṣapitapaśupāśavyatikaraḥ parabrahmābhikhyaṃ rasayati rasaṃ tvadbhajanavān //

Note:

sarasvatyā lakṣmyā vidhi-hari-sa-patno viharate rateḥ pātivratyaṃ śithilayati ramyeṇa vapuṣā

ciraṃ jīvann eṣa kṣapita-paśu-pāśa-vyatikaraḥ para-brahmābhikhyaṃ rasayati rasaṃ tvad-bhajanavān //

pradīpajvālābhir divasakaranīrājanavidhiḥ sudhāsūteś candropalajalalavair arghyaghaṭanā

svakīyair ambhobhiḥ salilanidhisauhityakaraṇaṃ tvadīyābhir vāgbhis tava janani vācāṃ stutir iyam //

Note:

pradīpa-jvālābhir divasa-kara-nīrājana-vidhiḥ sudhā-sūteś candropala-jala-lavair arghya-ghaṭanā

svakīyair ambhobhiḥ salila-nidhi-sauhitya-karaṇaṃ tvadīyābhir vāgbhis tava janani vācāṃ stutir iyam //

samānītaḥ padbhyāṃ maṇimukuratām ambaramaṇir bhayād antarbaddhastimitakiraṇaśreṇimasṛṇaḥ

dadhāti tvadvaktraṃ pratiphalitam aśrāntivikacaṃ nirātaṅkaṃ candrān nijahṛdayapaṅkeruham iva //

Note:

samānītaḥ padbhyāṃ maṇi-mukuratām ambara-maṇir bhayād antar-baddha-stimita-kiraṇa-śreṇi-masṛṇaḥ

dadhāti tvad-vaktraṃ pratiphalitam a-śrānti-vikacaṃ nir-ātaṅkaṃ candrān nija-hṛdaya-paṅke-ruham iva //

samudbhūtasthūlastanabharam uraś cāru hasitaṃ kaṭākṣe kandarpaḥ kusumitakadambadyutivapuḥ

harasya tvadbhrāntiṃ manasi janayām āsa madano bhavatyā ye bhaktāḥ pariṇatir amīṣām iyam ume //

Note:

samudbhūta-sthūla-stana-bharam uraś cāru hasitaṃ kaṭākṣe kandarpaḥ kusumita-kadamba-dyuti-vapuḥ

harasya tvad-bhrāntiṃ manasi janayām āsa madano bhavatyā ye bhaktāḥ pariṇatir amīṣām iyam ume //

nidhe nityasmere niravadhiguṇe nītinipuṇe nirāghātajñāne niyamaparacittaikanilaye

niyatyā nirmukte nikhilanigamāntastutipade nirātaṅke nitye nigamaya mamāpi stutim imām //

Note:

nidhe nitya-smere nir-avadhi-guṇe nīti-nipuṇe nirāghāta-jñāne niyama-paracitta-eka-nilaye

niyatyā nirmukte nikhila-nigamānta-stuti-pade nir-ātaṅke nitye nigamaya mama api stutim imām //

This e-text was provided to GRETIL in good faith that no copyright rights have been infringed. If anyone wishes to assert copyright over this file, please contact the GRETIL management at
gretil(at)sub(dot)uni-goettingen(dot)de. The file will be immediately removed pending resolution of the claim.

Distributed under a Creative Commons Attribution-NonCommercial-ShareAlike 4.0 International License.

Notes: Distributed under a Creative Commons Attribution-NonCommercial-ShareAlike 4.0 International License (https://creativecommons.org/licenses/by-nc-sa/4.0/)
Holder of rights: Göttingen Register of Electronic Texts in Indian Languages (GRETIL), SUB Göttingen

Citation Suggestion for this Object: TextGrid Repository (2022). 1_sanskr. tei. sa_zaMkara-saundaryalaharI. GRETIL. Göttingen Register of Electronic Texts in Indian Languages (GRETIL), SUB Göttingen. https://hdl.handle.net/21.T11991/0000-001C-8C9A-7