• GRETIL
• 1_sanskr
• tei
• sa_kAlidAsa-raghuvaMza

vāgarthāv iva saṃpṛktau vāgarthapratipattaye

jagataḥ pitarau vande pārvatīparameśvarau //

kva sūryaprabhavo vaṃśaḥ kva cālpaviṣayā matiḥ

titīrṣur dustaram mohād uḍupenāsmi sāgaram //

mandaḥ kaviyaśaḥ prārthī gamiṣyāmy upahāsyatām

prāṃśulabhye phale lobhād udbāhur iva vāmanaḥ //

Note: a: (prepsur C)

Note: c: (mohād ct C St V)

atha vā kṛtavāgdvāre vaṃśe 'smin pūrvasūribhiḥ

maṇau vajrasamutkīrṇe sūtrasyevāsti me gatiḥ //

so 'ham ājanamaśuddhānām āphalodayakarmaṇām

āsamudrakṣitīśānām ānākarathavartmanām //

yathāvidhihutāgnīnāṃ yathākāmārcitārthinām

yathāparādhadaṇḍānāṃ yathākālaprabhodhinām //

tyāgāya saṃbhṛtārthānāṃ satyāya mitabhāṣiṇām

yaśase vijigīṣuṇāṃ prajāyai gṛhamendhinām //

śaiśave 'bhyastavidyānāṃ yauvane viṣayaiṣiṇām

vārdhhake munivṛttīnāṃ yogenānte tanutyajām //

raghūṇām anvayaṃ vakṣye tanuvāgvibhavo 'pi san

tadguṇaiḥ karṇam āgatya cāpalāya pracoditaḥ //

Note: d: (^ṇoditaḥ N P)(^tāritaḥ C)

taṃ santaḥ śrotum arhanti sadasadvyaktihetavaḥ

hemnaḥ saṃlakṣyate hy agnau viśuddhiḥ śyāmikāpi vā //

vaivasato manur nāma mānanīyo manīṣiṇām

āsīn mahīkṣitām ādyaḥ praṇavaś chandasām iva //

Note: c: (^bhṛtām Vp Ak)

tadanvaye śuddhimati prasūtaḥ śuddhimattaraḥ

dilīpa iti rājendur induḥ kṣīranidhāv iva //

Note: a: (śuddhamatiḥ C)

Note: b: (^tamaḥ Am)

Note: c: (^endra V)

vyūḍhorasko vṛṣaskandhaḥ śālaprāṃśur mahābhujaḥ

ātmakarmakṣamaṃ dehaṃ kṣātro dharma ivāśritaḥ //

Note: d: (āsthitaḥ C)

sarvātiritasāreṇa sarvatejo'bhibhāvinā

sthitaḥ sarvonnatenorvīṃ krāntvā merur ivātmanā //

ākārasadṛśaprajñaḥ prajñayā sadṛśāgamaḥ

āgamaiḥ sadṛśārambha[ḥ] ārambhasadṛśodayaḥ //

Note: d: (prārambha^ S V)

bhīmakāntair nṛpaguṇaiḥ sa bhabhūvopajīvinām

adhṛṣyaś cābhi gamyaś ca yādhoratnair ivārṇavaḥ //

Note: c: (^ādhi C Vn)

rekhāmātram api kṣuṇṇād ā manor vartmanaḥ param

na vyatīyuḥ prajās tasya niyantur nemivṛttayaḥ //

Note: b: (ātmano C V)

prajānām eva bhūty arthaṃ sa tābyho balim agrahīt

sahasraguṇam utsraṣṭum ādatte hi rasaṃ raviḥ //

Note: a: (bhṛty^ Ct)

Note: d: (ān C)

senā paricchadas tasya dvayam evārthasādhanam

śāstreṣv akuṇṭhitā buddhir maurvī dhanuṣi cātatā //

Note: a: (ā^ C S Vn)

Note: c: (^eṣu vyāvṛtā V)(^eṣu vyāpṛtā Mv)(e c'; āvyāhatā C)

tasya saṃvṛtamantrasya gūdhākāreṅgitasya ca

phalānumeyāḥ prārambhāḥ saṃskārāḥ prāktanā iva //

jugopātmānam atrasto bheje dharmam anāturaḥ

agṛdhnur ādade so 'rtham asaktaḥ sukham anvabhūt //

Note: c: (ān C V Kd Kk12 Kn Sd12)

jñāne maunaṃ kṣamā śaktau tyāge ślāghāviparyayaḥ

guṇā guṇānubandhitvāt tasya saprasavā iva //

anākṛṣṭasya viṣayair vidyānāṃ pāradṛśvanaḥ

tasya dharmarater āsīd vṛddhatvaṃ jarasā vinā //

prajānāṃ vinayādhānād rakṣaṇād bharaṇād api

sa pitā pitaras tāsāṃ kevalaṃ janmahetavaḥ //

sthityai daṇḍayato daṇḍyān pariṇetuḥ prasūtaye

apy arthakāmau tasyāstāṃ dharma eva manīṣiṇaḥ //

Note: a: (praṇayato daṇḍaṃ C)

dudhoha gāṃ sa yajñāya sasyāya maghavā divam

saṃpadvinimayenobhau dadhatur bhuvanadvayam //

Note: c: (samyag^ C)

na kilānuyayus tasya rājāno rakṣitur yaśaḥ

vyāvṛtta yat parasvebhyaḥ śrutau taskaratā sthitā //

dveṣyo 'pi saṃmataḥ śiṣṭas tasyārtasya yathauṣadham

tvājyo duṣṭaḥ priyo 'py āsīd aṅgulīvoragakṣatā //

Note: d: (daṣṭo 'ṅguṣṭha ivāhinā *V)

taṃ vedhā vidadhe nūnaṃ mahābhūtasamādhinā

tathā hi sarve tasyāsan parārthaikaphalā guṇāḥ //

sa velāvapravalayāṃ parikhīkṛtasāgarām

ananyāśāsanām urvīṃ śaśāsaikapurīm iva //

tasya dākṣiṇyaruḍhena nāmnā magadhavaṃśajā

patnī sudakṣiṇety āsīd adhvarasyeva dakṣiṇā //

Note: a: (^yuktena C)

kalatravantam ātmānam avarodhe mahaty api

tayā mene manasvinyā lakṣmyā ca vasudhādhipaḥ //

tasyām ātmānurūpāyām ātmajanmasamutsukaḥ

vilambitaphalaiḥ kālaṃ sa nināya manorathaiḥ //

saṃtānārthāya vidhaye svabhujād avatāritā

tena dhūr jagato gurvī saciveṣu nicikṣipe //

Note: a: (mahate sutalābhāya C)

Note: d: (niveśitā C)

gaṅgāṃ bhagīratheneva pūrveṣāṃ pāvanakṣamām

icchatā saṃtatiṃ nyastā tena mantriṣu kosalā //

Note: a: (^aiva Vn)

Note: c: (īpsitā Vn)

Note: d: (kausalāḥ Vn)

athābhyarcya vidhātāraṃ prayatau putrakāmyayā

tau daṃpatī vasiṣṭhasya guror jagmatur āśramam //

snigdhagambhīranirghoṣam ekaṃ syandanam āsthitau

prāvṛṣeṇyaṃ payovāhaṃ vidyudairāvatāv iva //

Note: b: (a^ S Vn)

Note: b: (āśritau Ns2)

mā bhūd āśramapīḍeti parimeyapuraḥsarau

anubhāvaviśeṣāt tu senāparivṛtāv iva //

Note: d: (^gatāv C Vn)

sevyamānau sukhasparśaiḥ śālaniryāsagandhibhiḥ

puṣpareṇūtkirair vātair ādhūtavanarājibhiḥ //

Note: c: (^ūtkarair C Vn)

mano'bhirāmāḥ śṛṇvantau rathanemisvanonmukhaiḥ

ṣaḍjasaṃvādinīḥ kekā dvidhā bhinnāḥ śikhaṇḍibhiḥ //

paraparākṣisādṛśyam adūrojjhitavartmasu

mṛgadvandveṣu paśyantau syandanābaddhadṛṣṭiṣu //

śreṇībandhād vitanvadbhir astambhāṃ toraṇasrajam

sārasaiḥ kalanirhrādhaiḥ kvacid unnamitānanau //

Note: c: (^nihrādaiḥ S)

pavanasyānukūlatvāt prārthanāsiddhiśaṃsinaḥ

rajobhis turagotkīrṇair aspṛṣṭālaveṣṭanau //

sarasīṣv aravindānāṃ vīcivikṣobhaśītalam

āmodam upajighrantau svaniḥśvāsānukāriṇam //

Note: b: (^vikṣepa^ C)

Note: d: (^niśvās'^ C)

grāmeṣv ātmaviṣṛṭeṣu yūpacihneṣu yajvanām

amoghāḥ pratigṛhṇantāv arghyānupadam āśiṣaḥ //

haiyaṃgavīnam ādāya ghoṣavṛddhān upasthitān

nāmadheyāni pṛcchantau vanyānāṃ mārgaśākhinām //

kāpy abhikhyā tayor āsīd vrajatoḥ śuddhaveṣayoḥ

himanirmuktayor yoge citrācandramsor iva //

tat tad bhūmipatiḥ patnyai darśayan priyadarśanaḥ

sāyaṃ saṃyaminas tasya maharṣer mahiṣīsakhaḥ //

sa duṣprāpayaśāḥ prāpad āśramaṃ śrāntavāhanaḥ

sāyaṃ saṃyaminas tasya maharṣer mahiṣīsakhaḥ //

vanāntarād upāvṛttaiḥ samitkuśaphalaharaiḥ

pūryamāṇam adṛśyāgni-pratyudyātais tapasvibhiḥ //

Note: b: (skandhāsaktasamitkuṣaiḥ C Vn Am)

Note: c: (agnipratyudgamāt pūtaiḥ C Vn Am)

Note: d: (pūryamāṇaṃ tapasvibhiḥ C Vn Am)

ākīrṇam ṛṣipatnīnām uṭajadvārarodhibhiḥ

apatyair iva nīvāra-bhāgadheyocitair mṛgaiḥ //

sekānte munikanyābhis tatkṣaṇojjhitavṛkṣakam

viśvāsāya vihaṃgānām ālavālāmbupāyinām //

Note: b: (viviktīkṛta^ C)

ātapātayasaṃkśipta-nīvārāsu niṣādibhiḥ

mṛgair vartitaromantham uṭajāṅganabhūmiṣu //

Note: a: (^āpāya^ C)

Note: d: (ṇ C S)

abhyutthitāgnipiśunair atithīn āśramonmukhān

punānaṃ pavanoddhūtair dhūmair āhutigandhibhiḥ //

Note: a: (^uddhut^ C)(^uddhṛt^ Vn)

atha yantāram ādiṣya dhuryān viśramayeti saḥ

tām avāropayat patnīṃ rathād avatatāra ca //

Note: b: (ā ct Vn)

Note: c: (h ct)

Note: d: (ruroha C)

tasmai sabhyāḥ sabhāryāya goptre guptatamendriyāḥ

arhaṇām arhate cakrur munayo nayacakṣuṣe //

vidheḥ sāyantanasyānte sa dadarśa tapondhim

anvāsitam arundhatyā svāhayeva havirbhujam //

Note: c: (īnam C)

tayor jagṛhatuḥ pādān rājā rājñī ca māgadhī

tau gurur gurupatnī ca prītyā pratinanandatuḥ //

Note: a: (au C)

tam ātithyakriyāśānta-rathakṣobhapariśramam

papraccha kuśalaṃ rājye rājyāśramamuniṃ muniḥ //

ath'; ātharvanidhes tasya vijitāripuraḥ puraḥ

arthyām arthapatir vācam ādade vadatāṃ varaḥ //

Note: a: (^vidas C)

Note: b: (^puraḥsaraḥ C)

upapannaṃ nanu śivaṃ saptasv aṅgeṣu yasya me

daivīnāṃ mānuṣīṇāṃ ca pratihartā tvam āpadām //

Note: d: (^hantā C)(^kartā Vk)

tava mantrakṛto mantrair dūrāt prāsamitāribhiḥ

pratyādiśyanta iva me dṛṣtalakṣabhidaḥ śarāḥ //

Note: b: (saṃyamit'^ C)(saṃśamit'^ V)

Note: d: (^lakṣa^ ct)

havir āvarjitaṃ hotas tvayā vidhivad agniṣu

vṛṣṭir bhavati sasyānām avagrahaviśoṣiṇām //

Note: c: (yai Ct Vn)

puruṣāyuṣajīvinyo nirātaṅkā nirītayaḥ

yan madīyāḥ prajās tasya hetus tvadbrahmavarcasam //

Note: c: (tatra C S V)

tvayaivaṃ cintyamānasya guruṇā brahmayoninā

sānubandhāḥ kathaṃ na syuḥ saṃpado me nirāpadaḥ //

kiṃ tu vadhvāṃ tavaitasyām adṛṣṭasadṛśaprajam

na mām avati sadvīpā ratnasūr api medinī //

nūnaṃ mattaḥ paraṃ vaṃśyāḥ piṇḍavicchedadarśinaḥ

na prakāmabhujaḥ śrāddhe svadhāsaṃgrahatatparāḥ //

matparaṃ durlabham matvā nūnam āvarjitaṃ mayā

payaḥ pūrvaiḥ svaniḥśvāsaiḥ kavoṣṇam upabhujyate //

Note: c: (e C V)

Note: c: (sva^niḥśvāsa^ S)(sva^niḥśvāsa^ Ct)(sa^niḥśvāsaṃ V)

Note: d: (^bhuñjate C V)

so 'ham ijyāviśuddhātmā prajālopanimīlitaḥ

prakāśaś cāprakāśas ca lokāloka ivācalaḥ //

Note: c: (cāndhakāraś C V)

lokāntarasukhaṃ puṇyaṃ tapodānasamudbhavam

saṃtatiḥ śuddhavaṃśyā hi paratreha ca śarmaṇe //

tayā hīnaṃ vidhātar māṃ kathaṃ paśyan na dūyase

siktaṃ svayam iva snehād vandhyam āśramavṛkṣakam //

Note: a: (vinetar C)(vitānaṃ *V)

Note: d: (^pāpadam C)

asahyapīḍaṃ bhagavann ṛṇam antyam avehi me

aruṃtudam ivālānam anirvāṇasya dantinaḥ //

Note: d: (navabaddhasya C)

tasmān mucye yathā tāta saṃvidhātuṃ tathārhasi

ikṣvākūṇāṃ durāpe 'rthe tvadadhīnā hi siddhayaḥ //

iti vijñāpito rājñā dhyānastimitalocanaḥ

kṣaṇamātram ṛṣis tasthau suptamīna iva hradaḥ //

so 'paśyat praṇidhānena saṃtateḥ stambhakāraṇam

bhāvitātmā bhuvo bhartur athainaṃ pratyabodhayat //

purā śakram upasthāya tavorvīṃ prati yāsyataḥ

āsīt kalpatarucchāyām āśritā surabhiḥ pathi //

dharmalopabhayād rājñīm ṛtusnātām imāṃ smaran

pradakṣiṇakriyārhāyāṃ tasyāṃ tvaṃ sādhu nācaraḥ //

Note: a: (imāṃ devīm ṛtusnātāṃ C)

Note: b: (^tāṃ tu saṃsmaran S)(^tāṃ śrutvā sāpi C)

Note: b: (imāṃ saṃcintya V satvaraḥ)

Note: c: (^ātītas C)

Note: d: (tasyāḥ kopam ajījanaḥ C)

avajānāsi māṃ yasmād atas te na bhaviṣyati

matprasūtim anārādhya prajeti tvāṃ śaśāpa sā //

sa śāpo na tvayā rājan na ca sārathinā śrutaḥ

nadaty ākāśaṅgāyāḥ srotasy uddāmadiggaje //

īpsitaṃ tadavajñānād viddhi sārgalam ātmanaḥ

pratibadhnāti hi śreyaḥ pūjyapūjāvyatikramaḥ //

Note: a: (avehi C)

Note: b: (yatnāpekṣaṃ manoratham C)

haviṣe dīrghasattrasya sā cedānīṃ pracetasaḥ

bhujaṃgapihitadvāraṃ pātālam adhitiṣṭhati //

sutāṃ tadīyāṃ surabheḥ kṛtvā pratinidhiṃ śuciḥ

ārādhaya saptnīkaḥ prītā kāmadughā hi sā //

Note: a: (sa gāṃ madīyāṃ *V)

Note: b: (sa tvam ekāntarāṃ tasyā madīyāṃ vatsa mātaram C)

Note: d: (sā vāṃ kāmaṃ vidhāsyati C)

iti vādina evāsya hotur āhutisādhanam

anindyā nandinī nāma dhenur āvavṛte vanāt //

lalāṭodayam ābhugnaṃ pallavasnigdhapāṭalā

bibhratī śvetaromāṅkaṃ saṃdhyeva śaśinaṃ navam //

bhuvaṃ koṣṇena kuṇśodhnī medhyenāvabhṛthād api

pasraveṇābhivarṣantī vatsālokapravartinā //

Note: c: (prasnaven^ ct Ns1)

rajaḥkaṇaiḥ khuroddhūtaiḥ spṛśadbhir gātram antikāt

tīrthābhiṣekajāṃ śuddhim ādadhānā mahīkṣitaḥ //

Note: c: (^saṃśuddhim Vn)

Note: d: (^pateḥ C)(^bhṛtaḥ V)

tāṃ puṇyadarśanāṃ dṛṣtvā nimittajñas taponidhiḥ

yājyam āśaṃsitāvandhya prārthanaṃ punar abravīt //

Note: b: (^dhanaḥ C)

Note: c: (yācyam C)

Note: c: (aṃ C S)

Note: d: (pārthivaṃ C S)

adūravartinīṃ siddhiṃ rājan vigaṇayātmanaḥ

upasthiteyaṃ kalyāṇī nāmni kīrtita eva yat //

vanyavṛttir imāṃ śaśvad (?) ātmānugamanena gām

vidyām abhyasaneneva prasādayitum arhasi //

Note: a: (im J)

Note: b: (samyagārādhanena C)

prasthitāyāṃ pratiṣṭhethāḥ sthitāyāṃ sthitim ācareḥ

niṣaṇṇāyāṃ niṣīdāsyāṃ pītāmbhasi piber apaḥ //

Note: b: (sthānam Ct V)

vadhūr bhaktimatī cainām arcitām ā tapovanāt

prayatā prātar anvetu piteva dhuri putriṇām //

Note: c: (^yātāṃ C)

ity ā prasādād asyās tvaṃ paricaryāparo bhava

avighnam astu te stheyāḥ sāyaṃ pratudvrajed api //

Note: c: (bhūyāḥ Vn)

tatheti pratijagrāha prītimān saparigrahaḥ

ādeśaṃ deśakālajñaḥ śiṣyaḥ śāsitur ānataḥ //

atha pradoṣe doṣajñaḥ saṃveśāya viśaṃpatim

sūnuḥ sūnṛtavāk sraṣṭur visasarjodita sriyam //

Note: d: (orjita^ C N P)

satyām api tapaḥsiddhau niyamāpekṣayā muniḥ

kalpavit kalpayām āsa vanyām evāsya saṃvidhām //

nirdiṣṭāṃ kulapatinā sa parṇaśālām adhyāsya prayataparigrahadvitīyaḥ

tacchiṣyādhyayananiveditāvasānāṃ saṃviṣṭaḥ kuśaśayane niśāṃ nināya //

atha prajānmām adhipaḥ prabhāte jāyāpratigrāhitagandhamālyām

vanāya pītapratibaddhavatsāṃ yaśodhano dhenum ṛṣer mumoca //

tasyāḥ khuranyāsapavitrapāṃsum apāṃsulānāṃ dhuri kīrtanīyā

mārgaṃ manuṣyeśvaradharmapatnī śruter ivārthaṃ smṛtir anvagacchat //

nivartya rājā dayitāṃ dayālus tāṃ saurabheyīṃ surabhir yaśobhiḥ

payodharībhūtacatuḥsamudrāṃ jugopa gorūpadharām ivorvīm //

vratāya tenānucareṇa dhenor nyaṣedhi śeṣo 'py anuyāyivargaḥ

na cānyatas tasya śarīrarakṣā svavīryaguptā hi manoḥ prasūtiḥ //

āsvādavadbhiḥ kavalais tṛṇānaṃ kaṇḍūyanair daṃśanivārṇaiś ca

avyāhataiḥ svairagataiḥ sa tasyāḥ samrāṭ samārādhantatparo 'bhūt //

Note: c: (a^ C S)

Note: c: (eḥ C)

sthitaḥ sthitām uccalitaḥ prayātāṃ niṣeduṣīm āsanabandha dhīraḥ

jalābhilāṣī jalam ādadhānāṃ chāveya tāṃ bhūpati anvagacchat //

Note: b: (^vān sa Ct)

Note: c: (ādadānāṃ ct Sk)

sa nyastacihnām api rājalakṣmīṃ tejoviśeṣānumitāṃ dadhānaḥ

āsīd anāviṣkṛtadānarājir antarmadāvastha iva dvipendraḥ //

Note: a: (saṃ^ Vn)

Note: a: (rājya^ Vn)

latāpratānodgrathitaiḥ sa kiśair adhijaydhanvā vicacāra dāvam

rakṣāpadeśān munihomadhenor vanyān vineṣyann iva duṣṭasattvān //

Note: c: (^d guru^ C)

viṣṛṣṭapārśvānucarasya tasya pārśvadrumāḥ pāśabhṛtā samasya

udīrayām āsur ivonmadānām ālokaśabdaṃ vayasāṃ virāvaiḥ //

marutprayuktāś ca marutsakhābhaṃ tam arcyam ārād abhivartamānam

avākiran bālalatāḥ prasūnair ālokaśabdaṃ vayasāṃ virāvaiḥ //

dhanurbhṛto 'py asya dayārdrabhāvam ākhyātam antaḥkaraṇair viśaṅkaiḥ

vilokayantyo vapur āpur akṣṇāṃ prakāmavistāraphalaṃ hariṇyaḥ //

sa kīcakair mārutapūrṇarandhraiḥ kūjadbhir āpāditavaṃśkṛtyam

śuśrāva kuñjeṣu yaśaḥ svam uccair udgīyamānaṃ vanadevatābhiḥ //

ṛktas tuśārair girinirjharāṇām anokahākamptapuṣpagandhī

tam ātapaklāntam anātapatram ācārapūtaṃ pavanaḥ siṣeve //

Note: b: (iḥ C S Vn)

śaśāma vṛṣṭyāpi vinā davāgnir āsīd viśeṣā phalapuṣpavṛddhiḥ

ūnaṃ na sattveṣv adhiko babādhe tasmin vanaṃ gopatri gāhamāne //

Note: b: (āt C V)

saṃcārapūtāni digantarāṇi kṛtvā dinānte nilayāya gantum

pracakrame pallavarāgatāmrā tasmin vanaṃ gopatri gāhamāne //

tāṃ devatāpitratithikriyārthām anvag yayau madhyamalokapālaḥ

babhau ca sā tena satāṃ matena śraddheva sākṣād vidhinopapannā //

Note: c: (matena satāṃ tena Ns2)

sa palvalottīrṇavarāhayūthāny āvāsavṛkṣonmukhabarhiṇāni

yayau mṛgādhyāsitaśādvalāni śyāmāyamānāni vanāni paśyan //

āpīnabhārodvahanaprayatnād gṛṣṭir gurutvād vapuṣo narendraḥ

ubhāv alaṃcakratur añcitābhyāṃ tapovanāvṛttipathaṃ gatābhyām //

vasiṣṭhadhenor anuyāninaṃ tam āvartamānaṃ vanitā vanāntāt

papau nimeṣālasapakṣmapaṅktir upoṣitābhyām iva locanābhyām //

puraskṛtā vartmani pārthivena pratyudgatā pārthivadharmpatnyā

tadantare sā virarāja dhenur dinakṣapāmadhyagateva saṃdhyā //

pradakṣiṇīkṛtya payasvinīṃ tāṃ sudakṣiṇā sākṣatapātrahastā

praṇamya cānarca viśālam asyāḥ śṛṅgāntaraṃ dvāram ivārthasiddheḥ //

vatsotsukāpi stimitā saparyāṃ pratyagrahīt seti nanandatus tau

bhaktyopapanneṣu hi tavidhānāṃ prasādacihnāni puraḥphalāni //

guroḥ sadārasya nipīḍya pādau samāpya sāṃdhyaṃ ca vidhiṃ dilīpaḥ

dohāvasāne punar eva dogdhrīṃ bheje bhujocchinnaripur niṣaṇṇām //

tām antikanyastabalipradīpām anvāsya goptā gṛhiṇīsahāyaḥ

krameṇa suptām anu saṃviveśa suptotthitāṃ prātar an'(?)ūdatiṣṭhat //

Note: c: (anu^ C S)

itthaṃ vrataṃ dhārayataḥ prajārthaṃ samaṃ mahiṣyā mahanīyakīrteḥ

sapta vyatīyus triguṇāni tasya dināni dīnoddharaṇocitasya //

Note: a: (pālayataḥ C S Vn)

anyedyur ātmānucarasya bhāvaṃ jijñāsamānā munihomadhenuḥ

gaṅgāprapātāntavirūḍhaśaṣpaṃ gaurīguror gahvaram āviveṣa //

Note: c: (^ni^ N P)

ity adriṣobhāprahitekṣaṇena ity adriṣobhāprahitekṣaṇena

alakṣitābhyutpatano nṛpeṇa prasahya siṃhaḥ kila tāṃ cakarṣa //

tadīyam ākranditam ārtasādhor guhānibaddhapratiśabdadīrgham

raśmiṣv ivādāya nagendrasaktāṃ nivartayām āsa nṛpasya dṛṣṭim //

Note: c: (^dattāṃ Vn)

sa pāṭalāyāṃ gavi tasthivāṃsaṃ dhanurdharaḥ kesariṇaṃ dadarśa

adhityakāyām iva dhātumayyāṃ lodhradrumaṃ sānumataḥ praphullam //

Note: d: (r S Vn)

Note: d: -(tam Mv)

tato mṛgendrasya mṛgendragāmī vadhāya vadhyasya śaraṃ śaraṇyaḥ

jātābhiṣaṅgo nṛpatir niṣaṅgād uddhartum aicchat prasabhoddhṛtāriḥ //

vāmetaras tasya karaḥ prahartur nakhaprabhābhūṣitakaṅkapattre

saktāṅguliḥ sāyakapuṅkha eva citrārpitārambha invāvatasthe //

bāhupratiṣṭambhavivṛddhamanyur abhyarṇam āgaskṛtam aspṛśadbhiḥ

rājā svatejobhir adahyatāntar bhogīva mantrauṣadhiruddhavīryaḥ //

tam āryagṛhyaṃ nigṛhītadhenur manuṣyavācā manuvaṃśaketum

vismāyayan vismitam ātmavṛttau siṃhorusattvaṃ nijagāda siṃhaḥ //

Note: c: (p C S Mv V)

Note: d: (bhūpālasiṃhaṃ C S V)

alaṃ mahīpāla tava śrameṇa prayuktam apy astram ito vṛthā syāt

na pādaponmūlanaśakti raṃhaḥ śiloccaye mūrchati mārutasya //

kailāsagauraṃ vṛam ārurukṣoḥ pādārpaṇānugrahapūtapṛṣṭam

avehi māṃ kiṃkaram aṣṭamūrteḥ kumbhodaraṃ nāma nikumbhamitram //

Note: d: (^tulyam C S V Cm)

amuṃ puraḥ paśyasi devadāruṃ putrīkṛto 'sau vṛṣabhadhvajena

yo hemakumbhastananiḥsṛtānāṃ skandasya mātuḥ payasāṃ rasajñaḥ //

Note: b: ('yaṃ Vn)

kaṇḍūyamānena kaṭaṃ kadācid vanyadvipenonmathitā tvag asya

athainam adres tanayā śuśoca senānyam ālīḍham ivāsurāstraiḥ //

tadā prabhṛty eva vanadvipānāṃ trāsārtham asminn aham adikukṣau

vyāpāritaḥ śūlabhṛtā vidhāya siṃhatvam aṅkāgatasattvavṛtti //

Note: d: (iḥ C Vn)

tasyālam eṣā kṣudhitasya tṛptyai pradiṣṭakālā parameśvareṇa

upasthitā śoṇitapāraṇā me suradviṣaś cāndramasī sudheva //

sa tvaṃ nivartasva vihāya lajjāṃ guror bhavān darśitaśiṣyabhaktiḥ

śastreṇa rakṣyaṃ yad aśakyarakṣaṃ na tad yaśaḥ śastrabhṛtāṃ kṣiṇoti //

Note: b: (au C)

Note: c: (^rakṣyaṃ C Vn)

Note: d: (kṣaṇoti Vn)

iti pragalbhaṃ purusādhirājo mṛgādhirājasya vaco niśamya

pratyāhatāstro giriśaprabhāvād ātmany avajñāṃ śithilīcakāra //

pratyabravīc cainam iṣuprayoge tatpūrvasaṅge vitathaprayatnaḥ

jaḍīkṛtas tryambakavikṣaṇena vajraṃ mumukṣann iva vajrapāṇiḥ //

Note: b: (^bhaṅge J M Ns)

Note: c: (^vikṣitena C N P S)

pratyāha vainaṃ śaramokṣavandhyo mā pattraparvāt svarabhedam āptaḥ

prahīṇapūrvadhvaninādhirūḍhas tulām asārena śaradghanena //

Note: 2.42*: (Vn pāṭhāntaram)

saṃruddhaceṣṭasya hetuḥ hāsyaṃ vacas tad yad ahaṃ vivakṣuḥ

antargataṃ prāṇabhṛtāṃ hi veda sarvaṃ bhavān bhāvam ato 'bhidhāsye //

Note: a: (a[ḥ sa C][s tu Vn)

mānyaḥ sa me sthāvarajaṅgamānāṃ sargasthitipratyavahārahetuḥ

guror apīdaṃ dhanam āhitāgner naśyat purastād anupekṣaṇīyam //

Note: b: (^pratyupahāra^ Vn)

sa tvaṃ madīyena śarīravṛttiṃ dehena nirvartayituṃ prasīda

dināvasānotsukabālavatsā visṛjyatāṃ dhenur iyaṃ maharṣeḥ //

Note: b: (yatasva Sk)

Note: d: (^mucyatāṃ C V Sk)

athāndhakāraṃ girigahvarāṇāṃ daṃṣṭrāmayūkhaiḥ śakalāni kurvan

bhūyaḥ sa bhūteśvarapārśvavartī kiṃcid vihasyārthapatiṃ babhāṣe //

Note: a: (^kandarāṇāṃ Vc)

ekātapatraṃ jagataḥ prabhutvaṃ navaṃ yayaḥ kāntam idaṃ vapuś ca

alpasya hetor bahu hātum icchan vicāramūdhaḥ pratibhāsi me tvam //

bhūtānukampā tava ced iyaṃ gaur ekā bhavet svastimatī tvadante

jīvan punaḥ śaśvad upaplavebhyaḥ prajāḥ prajānātha piteva pāsi //

athaikadhenor aparādhacaṇḍād guroḥ kṛṣānupratimād bibheṣi

śakyo 'sya manyur bhavatā vinetuṃ gāḥ koṭiśaḥ sparśayatā ghaṭodhnīḥ //

Note: a: (^daṇḍād C V)

tad rakṣa kalyāṇaparaṃparāṇāṃ bhoktāram ūrjasvalam ātmadeham

mahītalasparśanamātrabhinnam ṛddhaṃ hi rājyaṃ padam aindram āhuḥ //

Note: c: (^bhinnamātram Vt)

etāvad uktvā virate mṛgendre pratisvanenāsya guhāgatena

śiloccayo 'pi kṣitipālam uccaiḥ prītyā tam evārtham abhāṣateva //

Note: b: (ātma^ C)

niśamya devānucarasya vācaṃ manuṣyadevaḥ punar apy uvāca

dhenvā tadadhyāsitakātarākṣyā nirīkṣyamāṇaḥ sutarāṃ dayāluḥ //

Note: c: (^adhyāsana^ Vn)

kṣatāt kila trāyata ity udagraḥ kṣatrasya śabdo bhuvaneṣu rūḍhaḥ

rājyena kiṃ tadviparītavṛtteḥ prāṇair upakrośamalīmasair vā //

kathaṃ nu śakyo 'nunayo maharṣer viśrāṇanāc cānyapayasvinīnām

imām anūnāṃ surabher avehi rudraujasā tu pahṛtaṃ tvayāsyām //

Note: b: (^ād anya^ C S V)

seyaṃ svadehārpaṇaniṣkrayeṇa nyāyyā mayā mocayituṃ bhavattaḥ

na pāraṇā syād vihatā tavaivaṃ bhaved aluptaś ca muneḥ kriyārthaḥ //

Note: c: (^phalā C)

bhavān apīdaṃ paravān avaiti mahān hi yatnas tava devadārau

sthātuṃ niyoktur na hi śakyam agre vināśya rakṣyaṃ svayam akṣatena //

Note: b: (prayatnas C)

Note: c: (yad aśakyam S Vn)

kim apy ahiṃsyas tava cen mato 'haṃ yaśaḥśarīre bhava me dayāluḥ

ekāntavidhaṃsiṣu madvidhānāṃ piṇḍeṣv anāsthā khalu bhautikeṣu //

saṃbandham ābhāṣaṇapūrvam āhur vṛttaḥ sa nau saṃgatayor vanānte

tad bhūtanāthānuga nārhasi tvaṃ saṃbandhino me praṇayaṃ vihantum //

Note: b: (jātaḥ C)

tatheti gām uktavate dilīpaḥ sadyaḥ pratiṣṭambhavimuktabāhuḥ

sa nyasta śastro haraye svadeham upānayat piṇḍam ivāmiṣasya //

Note: c: (saṃnyasta^ Ns2 S Vn)

tasmin kṣaṇe pālayituḥ prajānām utpaśyataḥ siṃhanipātam ugram

avāṅmukhasy'opari puṣpavṛṣṭiḥ papāta vidyādharahastamuktā //

Note: c: (adho^ Vt)

uttiṣṭha vatsety amṛtāyamānaṃ vaco niśamyotthitam utthitaḥ san

dadarśa rājā jananīm iva svāṃ gām agrataḥ prasraviṇīṃ na siṃham //

taṃ vismitaṃ dhenur uvāca sādho māyāṃ mayodhbhāvya parīkṣito 'si

ṛṣiprabhāvān mayi nāntako 'pi prabhuḥ prahartuṃ kim utānyahiṃsrāḥ //

Note: d: (aḥ C)

bhaktyā gurau mayy anukampāya ca prītāsmi te putra varaṃ vṛṇīṣva

na kevalānāṃ payasāṃ prasūtim avehi māṃ kāmadughāṃ prasannām //

Note: b: (vatsa C Vn)

tataḥ samānīya samānitārthī hastau svahastārjitavīraśabdaḥ

vaṃśasya kartāram anantakīrtiṃ sudakṣiṇāyāṃ tanayaṃ yayāce //

Note: a: (samānit'^ Ct Vn)

Note: c: (iḥ Vn)

saṃtānakāmāya tatheti kāmaṃ rājñe pratiśrutya payasvinī sā

dugdhvā payaḥ pattrapuṭe madīyaṃ putr'; opabhuṅkṣv' eti tam ādideśa //

Note: d: (^yuṅkṣv' Mv)

vatsasya homārthavidheś ca śeṣam ṛṣer anujñām adhigamya mātaḥ

ūdhasyam icchāmi tavopabhoktumyaṃ ṣaṣṭhāmśam urvyā iva rakṣitāyāḥ //

Note: b: (guror C S Vn)

Note: c: (au C J M)

itthaṃ kṣitīśena vasiṣṭhadhenur vijñāpitā prītatarā babhūva

tadanvitā haimavatāc ca kukṣeḥ pratyāyayāv āśramam aśrameṇa //

Note: d: (''; aiva Vn)

tasyāḥ prasannendumukhaḥ prasādaṃ gurur nṛpāṇāṃ gurave nivedya

praharṣacihnānumitaṃ priyāyai śaśaṃsa vācā punaruktayeva //

Note: c: (mukhaprasād^ C)

sa nandinīstanyam aninditātmā sadvatsalo vatsahutāvaśeṣam

papau vasiṣṭhena kṛtābhyanujñaḥ śubhraṃ yaśo mūrtam ivātitṛṣṇaḥ //

Note: b: (^nipītaśeṣam C *V)

Note: d: (śuddhaṃ C *Vn)

Note: d: (bhūya *Vn)

Note: d: (ātritṛptaḥ C)(ādhitṛṣṇaḥ *Vn)

prātar yathoktavratapāraṇānte prāsthānikaṃ svastyayanaṃ prayuja

tau daṃpatī svāṃ prati rājadhānīṃ prasthāpayām āsa vaśī vasiṣṭhaḥ //

Note: d: (saṃpreṣayām V)

pradakṣiṇīkṛtya hutaṃ hutāśam anantaraṃ bhartur arundhatīṃ ca

dhenuṃ savatsāṃ ca nṛpaḥ pratasthe sanmaṅgalodagrataraprabhāvaḥ //

Note: b: (tataś ca hotāram Ct)

Note: d: (^ānubhāvaḥ Vt)

śrotābhirāmadhvaninā rathena sa dharmapatnīsahitaḥ sahiṣṇuḥ

yayāv anudghātasukhena mārgaṃ sveneva pūrṇena manorathena //

Note: c: (^rayeṇa C)

Note: d: (aiva Vn)

tam āhitautsukyam adarśanena prajāḥ prajārthavratakarśitāṅgam

netraiḥ papus tṛptim anāpnuvadbhir navodayaṃ nātham ivauṣadhīnām //

Note: b: (^karṣit'^ C)

puraṃdaraśrīḥ puram utpatākaṃ praviśya paurair abhinandyamānaḥ

bhuje bhuaṃgendrasamānasāre bhūyaḥ sa bhūmer dhuram āsasañja //

atha nayanasamutthaṃ jyotir atrer iva dyauḥ surasarid iva tejo vahniniṣṭhyūtam aiśam

narapatikulabhūtyai garbham ādhatta rājñī gurubhir abhiniviṣṭaṃ lokapālānubhāvaiḥ //

athepsitaṃ bhartur upasthitodayaṃ sakhījanodvīkṣaṇakaumudīmukham

nidānam ikṣvākukulasya saṃtateḥ sudakṣiṇā daurhṛdalakṣaṇaṃ dadhau //

Note: b: (^maham Mv)

Note: d: (dohada^ C S Vn)

śarīrasādād asamagrabhūṣaṇā mukhena sālakṣyata lodhrapāṇḍunā

tanuprakāśena viceyatārakā prabhātakalpā śaśineva śarvarī //

Note: b: (ro^ S V)

Note: d: (vi^ Vn)

tato viśāṃpatyur ananyasaṃtater manorathaṃ kiṃcid ivodayonmukham

ananyasauhārdarasasya dohadaṃ priyā prapede prakṛtipriyaṃvadā //

mukhena sā ketakapattrapāṇḍunā kṛśāṅgayaṣṭiḥ parimeyabhūṣaṇā

sthitālpatārāṃ karuṇendumaṇḍalāṃ vibhātakalpāṃ rajanīṃ vyaḍambayat //

tadānanaṃ mṛtsurabhi kṣitīśvaro rahasy upāghrāya na tṛptim āyayau

karīva siktaṃ pṛṣataiḥ payomucāṃ śucivyapāye vanarājipalvalam //

Note: b: (^haḥ samā^ V)

divaṃ marutvān iva bhokṣyate bhuvaṃ digantaviśrāntaratho hi tat sutaḥ

ato 'bhilāṣe prathamaṃ tathāvidhe mano babandhānyarasān vilaṅghya sā //

Note: a: (mahīṃ Ct Vn)

Note: b: (mat^ C)

na me hriyā śaṃsati kiṃcid īpsitaṃ spṛhāvatī vastuṣu keṣu māgadhī

na hīṣṭam asya tridive 'pi bhūpater priyāsakhīr uttarakosaleśvaraḥ //

Note: c: (ās C S V)

upetya sā dohadaduḥkhaśīlatāṃ yad eva vavre tad apaśyad āhṛtam

na hīṣṭam asya tridive 'pi bhūpater abhūd anāsādyam adhijyadhanvanaḥ //

Note: c: (ās C S V)

krameṇa nistīrya ca dohadavyathāṃ pracīyamānāvayavā rarāja sā

purāṇapattrāpagamād anantaraṃ lateva saṃnaddhamanojñapallavā //

dineṣu gacchatsu nitāntapīvaraṃ tadīyam ānīlamukhaṃ stanadvayam

tiraścakāra bhramarābhilīnayoḥ sujātayoḥ paṅkajakośayoḥ śriyam) //

Note: a: (madhūkapāṇḍuraṃ VnSā)

Note: b: (^śyāma^ VnSā)

Note: c: (^āvalīḍhayoḥ C)

Note: c: (samudgayor vāraṇadantakośayor Vn Sā)

Note: d: (babhāra kāntiṃ gavalāpidhānayoḥ Vn Sā)

nidhānagarbhām iva sāgarāmbarāṃ śamīm ivābhyantaralīnapāvakām

nadīm ivāntaḥsalilāṃ sarasvatīṃ nṛpaḥ sasattvāṃ mahiṣīm amanyata //

priyānurāgasya manaḥsamunnater bhujārjitānāṃ ca digantasaṃpadām

yathākramaṃ puṃsavanādikāḥ kriyā dhṛteś ca dhīraḥ sadṛśīr vyadhatta saḥ //

Note: d: (śruteś C)

surendramātrāśritagarbhagauravāt prayatnamuktāsanayā gṛhāgataḥ

tayopacārāñjalikhinnahastayā nananda pāriplavanetrayā nṛpaḥ //

kumārabhṛtyākuśalair anuṣṭhite bhiṣagbhir āptair atha garbhabharmaṇi

patiḥ pratītaḥ prasavonmukhīm priyāṃ dadarśa kāle divam abhrītam iva //

Note: a: (adhi^ C *V)

Note: b: (^veśmani C *V)(^karmaṇi Mv)

grahais tataḥ pañcabhir uccasaṃśrayair asūryagaiḥ sūcitabhāgyasaṃpadam

asūta putraṃ samaye śacīsamā trisādhanā śaktir ivārtham akṣayam //

diśaḥ prasedur maruto vavuḥ sukhāḥ pradakṣiṇārcir havir agnir ādade

babhūva sarvaṃ śubhaśaṃsi tatkṣaṇaṃ bhavo hi lokābhyudayāya tādṛśām //

Note: b: (hutam Ct S)

ariṣṭaśayyāṃ parito visāriṇā sujanmanas tasya nijena tejasā

niśīthadīpāḥ sahasā hatatviṣo babhūvur ālekhyasamarpitā iva //

janāya śuddhāntacarāya śaṃsate kumārajanmāmṛtasaṃmitākṣaram

adeyam āsīt trayam eva bhūpateḥ śaśiprabhaṃ chattram ubhe ca cāmare //

Note: c: (dvayam C)

samīkṣya putrasya cirān mukhaṃ pitā nidhānakumbhasya yuveva durgataḥ

mudā śarīre prababhūva nātmanaḥ payodhir indūdayamūrchito yathā //

Note: a: (pitā Sd)

Note: b: (mukhaṃ Sd)

Note: b: (yathaiva Sd)

nivātapadmastimitena cakṣuṣā nṛpasya kāntaṃ pibataḥ sutānanam

mahodadheḥ pūra ivendudarśanād guruḥ praharṣaḥ prababhūva nātmani //

Note: d: (c' C V)

sa jātakarmaṇy akhile tapasvinā tapovanād etya purodhasā kṛte

dilīpasūnur maṇir ākarodbhavaḥ prayuktasaṃskāra ivādhikaṃ babhau //

sukhaśravā maṅgalatūryanisvanāḥ pramodanṛtyaiḥ saha vārayoṣitām

na kevalaṃ sadmani māgadhīpateḥ pathi vyajṛmbhanta divaukasām api //

na saṃyatas tasya babhūva rakṣitur visarjayed yaṃ sutajanmaharṣitaḥ

ṛṇābhidhānāt svayam eva kevalaṃ tadā pitḥṇāṃ mumuce sa bandhanāt //

Note: b: (^mocayed C Vt)

śutasya yāyād ayam antam arbhakas tathā pareṣāṃ yudhi ceti pārthivaḥ

avekṣya dhātor gamanārtham arthavic cakāra nāmnā raghum ātmasaṃbhavam //

pituḥ prayatnāt sa samagrasaṃpadaḥ śubhaiḥ śarīrāvayavair dine dine

pupoṣa vṛddhiṃ haridaśvadīdhiter anupraveśād iva bālacandramāḥ //

umāvṛṣāṅkau śarajanmanā yathā yathā jayantena śacīpuraṃdarau

tathā nṛpaḥ sā cu sutena māgadhī nanandatus tatsadṛśena tatsamau //

rathāṅganāmnor iva bhāvabandhanaṃ babhūva yat prema parasparāśrayam

vibhaktam apy ekasutena tat tayoḥ parasparasyopari paryacīyata //

Note: c: (e na V)

Note: d: (paryahīyata V)(na vyahīyata C)

uvāca dhātryā prathamoditaṃ vaco yayau tadīyām avalambya cāṅgulim

abhūc ca namraḥ praṇipātaśikṣayā pitur mudaṃ tena tatāna so 'rbhakaḥ //

Note: a: (yad āha Sd12)

Note: d: (śiśus tatāna saḥ Vn)

tam aṅkam āropya śarīrayogajaiḥ sukhair niṣiñcantam ivāmṛtaṃ tvaci

upāntasaṃmīlitalocano nṛpaś cirāt sutasparśarasjñatāṃ yayau //

tam aṅkam āropya śarīrayogajaiḥ sthiter abhettā sthitimantam anvayam

svamūrtibhedena guṇāgryavartinā patiḥ prajānām iva sargam ātmanaḥ //

sa vṛttacaulaś calakākapakṣakair amātyaputraiḥ savayobhir anvitaḥ

liper yathāvadgrahaṇena vāṅmayaṃ nadīmukheneva samudram āviśat //

Note: a: (^cū[l ct][ḍ C Vn]aś)

athopanītaṃ vidhivad vipaścito vininyur enaṃ guravo gurupriyam

avandhyayatnāś ca babhūvur arbhake tatāra vidyāḥ pavanātipātibhir //

Note: c: (atra te ct)

dhiyaḥ samagraiḥ sa guṇair udāradhīḥ kramāc catasraś caturarṇavopamāḥ

tatāra vidyāḥ pavanātipātibhir diśo haridbhir haritām iveśvaraḥ //

tvacaṃ sa medhyāṃ paridhāya rauravīm aśikṣatāstraṃ pitur eva mantravat

na kevalaṃ tadgurur ekapārthivaḥ kṣitāv abhūd ekadhanurdharo 'pi saḥ //

Note: b: (^vit Vn)

mahokṣatāṃ vatsataraḥ spṛśann iva dvipendrabhāvaṃ kalabhaḥ śrayann iva

raghuḥ kramād yauvanabhinnaśaiśavaḥ pupoṣa gāmbhīryamanoharaṃ vapuḥ //

Note: d: (gambhīra^ Vn SK)

athāsya godānavidher anantaraṃ vivāhadīkṣāṃ niravartayad guruḥ

narendrakanyās tam avāpya satpatiṃ tamonudaṃ dakṣasutā ivābabhuḥ //

Note: d: (^'pahaṃ C V)

yuvā yugavyāyatabāhur aṃsalaḥ kapāṭavakṣāḥ pariṇaddhakaṃdharaḥ

vapuḥprakarṣād ajayad guruṃ raghus tathāpi nīcair vinayād adṛśyata //

tataḥ prajānāṃ ciram ātmanā dhṛtāṃ nitāntagurvīṃ laghayiṣyatā dhuram

nisargasaṃskāravinīta ity asau nṛpeṇa cakre yuvarājaśabdabhāk //

narendramūlāyatanād anantaraṃ ghanavyapāyena gabhastimān iva

agacchad aṃśena guṇābhilāṣiṇī navāvatāraṃ kamalād ivotpalam //

vibhāvasuḥ sārathineva vāyunā ghanavyapāyena gabhastimān iva

babhūva tenātitarāṃ suduḥsahaḥ kaṭaprabhedena karīva pārthivaḥ //

niyujya taṃ homaturaṃgarakṣaṇe dhanurdharaṃ rājasutair anudrutam

apūrṇam ekena śatakratūpamaḥ śataṃ kratūnā apavighnam āpa saḥ //

Note: b: (anudgatam Vt)

tataḥ paraṃ tena makhāya vajvanā turaṃgam utsṛṣṭam anargalaṃ punaḥ

dhanurbhṛtām agrata eva rakṣiṇāṃ jahāra śakraḥ kila gūḍhavigrahaḥ //

Note: a: (ataḥ Vn)

Note: c: (atāṃ V)

viṣādaluptapratipatti vismitaṃ mamaiva yeneha turaṃgam īkṣase

dhenvā niśamyeti vacaḥ samīrtaṃ śrutaprabhāvā dadṛśe 'tha nandinī //

Note: a: (i^ C S)

svedāmbunā mārjaya putra locane mamaiva yeneha turaṃgam īkṣase

dhenvā niśamyeti vacaḥ samīritaṃ mudaṃ parām āpa dilīpanandanaḥ //

tadaṅganisyandajalena locane pramṛjya puṇyena puraskṛtaḥ satām

atīndriyeṣv apy upapannadarśano babhūva bhāveṣu dilīpanandanaḥ //

sa pūrvataḥ parvatapakṣaśātanaṃ dadarśa devaṃ naradevasaṃbhavaḥ

punaḥ punaḥ sūtaniṣiddhacāpalaṃ harantam aśvaṃ ratharaśmisaṃyatam //

Note: a: (inaṃ C)

Note: d: (^saṃyutam Vt)

sa pūrvataḥ parvatapakṣaśātanaṃ hariṃ viditvā haribhiś ca vājibhiḥ

avocad enaṃ gangaspṛśā raghuḥ svareṇa dhīreṇa nivartayann iva //

Note: a: (inaṃ C)

makhāṃśabhājāṃ prathamo manīṣibhis tvam eva devendra sadā nigadyase

ajasradīkṣāprayatasya madguroḥ kriyāvighātāya kathaṃ pravartase //

Note: b: (^eśa C)

Note: b: (yato C V)

trilokanāthena sadā makhadviṣas tvayā niyamyā nanu divyacakṣuṣā

sa cet svayaṃ karamasu dharmacāriṇāṃ tvam antarāyo bhavasi cyuto vidhiḥ //

Note: a: (satāṃ C)(satā TV)

Note: d: (ī Vn)

tad aṅgam agryaṃ maghavan mahākrator amuṃ turaṃgaṃ pratimoktum arhasi

pataḥśruter darśayitāra īśvarā malīmasām ādadate na paddhatim //

Note: c: (śucer CSTV)

Note: c: (deśayitāra T)

iti pragalbhaṃ raghuṇā samīritaṃ vaco niśamyādhipatir divaukasām

nivartayām āsa rathaṃ savismayaḥ pracakrame ca prativaktum uttaram //

yad āttha rājanyakumāra tat tathā yaśas tu rakṣyaṃ parato yaśodhanaiḥ

jagatprakāśaṃ tad aśeṣam ijyayā bhavadgurur laṅghayituṃ mamodyataḥ //

harir yathaikaḥ puruśottamaḥ smṛto maheśvaras tryambaka eva nāparaḥ

tathā vidur māṃ munayaḥ śatakratuṃ dvitīyagāmī na hi śabda eṣa naḥ //

ato 'yam aśvaḥ kapilānukāriṇā pitus tvadīyasya mayāpahāritaḥ

alaṃ prayatnena tavātra mā nidhāḥ padaṃ padavyāṃ sagarasya saṃtateḥ //

Note: a: (^ānusāriṇā N P)

Note: c: (kṛthāḥ C Vn)('nugāḥ Vtp)

Note: d: (āḥ C Vtp)

tataḥ prahasyāpabhayaḥ puraṃdaraṃ punar babhāṣe turagasya rakṣitā

gṛhāṇa śastraṃ yadi sarga eṣa te na khalv anirjitya raghuṃ kṛtī bhavān //

Note: c: (garva C V)

Note: d: (et Vt)

sa evam uktvā maghavantam unmukhaḥ kariṣyamāṇaḥ saśaram śarāsanam

atiṣṭhad ālīḍhaviśeṣaśobhinā vapuḥprakarṣeṇa viḍambiteśvaraḥ //

raghor avaṣṭambhamayena pattriṇā hṛdi kṣato gotrabhid apy amarṣaṇaḥ

navāmbudānīkamuhūrtalāñchane dhanuṣy amoghaṃ samadhatta sāyakam //

Note: b: (kṣito T)

Note: d: (mārgaṇam C)

dilīpasūnoḥ sa bṛhad (?) bhujāntaraṃ praviśya bhīmāsuraśoṇitocitaḥ

papāv anāsvāditapūrvam āśugaḥ kutūhaleneva manuṣyaśoṇitam //

hareḥ kumāro 'pi kumāravikramaḥ suradvipāsphālanakarkaśāṅgulau

bhuje śacīpattraviśeṣakāṅkite svanāmacihnaṃ nicakhāna sāyakam //

Note: c: (^latākriyocite V)

Note: d: (mārgaṇam Vt)

jahāra cānyena mayūrapattriṇā śareṇa śakrasya mahāśanidhvajam

cukopa tasmai sa bhṛśaṃ suraśriyaḥ prasahaya keśavyaparopaṇād iva //

Note: a: (^lāñchanam C)(^pakṣmaṇa V)(^lakṣaṇaṃ T)

tayor upāntasthitasiddhasainikaṃ garutmadāśīviśabhīmadarśanaiḥ

babhūva yuddhaṃ tumuulaṃ jayaiṣiṇor adhomukhair ūrdhvamukhaiś ca pattribhiḥ //

Note: b: (am Ct)

Note: c: (a Vn)

Note: d: (sāyakaiḥ C)

atiprabandhaprahitāstravṛṣṭibhis tam āśrayaṃ duṣprahasya tejasaḥ

śaśāka nirvāpayituṃ na vāsavaḥ svataś cyutaṃ vahnim ivādbhir ambudaḥ //

tataḥ prakoṣṭhe haricandanāṅkite pramathyamānārṇavadhīra

raghuḥ śaśāṅkārdhamukhena pattriṇā śarāsanajyām alunād viḍaujasaḥ //

Note: a: (ād T)

Note: a: (?T)

Note: b: (^oddhataṃ V)

sa cāpam utsṛjya vivṛddhamatsaraḥ praṇāśanāya prabalasya vidviṣaḥ

mahīdhrapakṣavyaparopaṇocitaṃ sphuratprabhāmaṇḍalam astram ādade //

Note: c: (^oddhataṃ V)

raghur bhṛśaṃ vakṣasi tena tāḍitaḥ papāta bhūmau saha sainikāśrubhiḥ

nimeṣamātrād avadhūya tad vyathāṃ sahotthitaḥ sainikaharṣanisvanaiḥ //

Note: c: (ca Ns2T Vn)

Note: d: (niḥ^ S Kn)

tathāpi śastravyavahāraniṣṭhure bipakṣabhāve ciram asya tasthuṣaḥ

tutoṣa vīryātiśayena vṛtrahā padaṃ hi sarvatra guṇair nidhīyate //

Note: b: (sthiram Vn)

asaṅgam adriṣv api sāravattayā na me tvadanyena visoḍham āyudham

avehi māṃ prītam ṛte turaṃgamāt kim icchasīti sphuṭam āha vāsavaḥ //

Note: a: (asahyam C)

Note: b: (um C)

Note: d: (varaṃ vṛṇīsveti tam C S Vt)

tato niṣaṅgād asamagram uddhṛtaṃ suvarṇapuṅkhadyutirañjitāṅgulim

narendrasūnuḥ pratisaṃharann iṣuṃ priyaṃvadaḥ pratyavadat sureśvaram //

Note: a: (a^niḥsṛtaṃ Vt)

Note: c: (dilīpa^ T)

Note: d: (aṃ N P)

Note: d: (puraṃdaraṃ pratyavadat priyaṃvadaḥ C)

amocyam aśvaṃ yadi manyase prabho tataḥ samāpte vidhinaiva karmaṇi

ajasradīkṣāprayataḥ sa madguruḥ krator aśeṣeṇa phalena yujyatām //

Note: c: (asya Vt)

Note: c: (me C T Vn)(^)

yathā ca vṛttāntam imaṃ sadogatas trilocanaikāṃśatayā durāsadaḥ

tavaiva saṃdeṣaharād viśaṃpatiḥ śṛṇoti lokeśa tathā vidhīyatām //

Note: d: (dev'^ C S V)

tatheti kāmaṃ pratiśuśruvān raghor yathāgataṃ mātalisārathir yayau

nṛpasya nātipramanāḥ sadogṛhaṃ sudakṣināsūnur api nyavartata //

tam abhyanandat prathamaṃ prabodhitaḥ prajeśvaraḥ śāsanahāriṇā hareḥ

parāmṛśan harṣajaḍena pāṇinā tadīyam aṅgaṃ kuliśavraṇāṅkitam //

Note: c: (^calena St *V T?)

iti kṣitīśo navatiṃ navādhikāṃ mahākratūnāṃ mahanīyaśāsanaḥ

samāraurukṣur divam āyuṣaḥ kṣaye tatāna sopānaparaṃparām iva //

atha sa viṣavyāvṛttātmā yathāvidhi sūnave nṛpatikakudaṃ dattvā yūne sitātapavāraṇam

munivanatarucchāyāṃ devyā tayā saha śiśriye galitavayasām ikṣvākūṇā idaṃ hi kulavrtam //

sa rājyaṃ guruṇā dattaṃ pratipadyādhikaṃ babhau

dinānte nihitaṃ tejaḥ savitreva hutāśanaḥ //

nyastaśastraṃ dilīpaṃ ca taṃ ca śuśruvuṣāṃ patim

rājñām uddhṛtanārāce hṛdi śalyam ivārpitam //

dilīpānantaraṃ rājye taṃ niśamya pratiṣṭhitam

pūrvaṃ pradūmito rājñāṃ hṛdaye 'gnir ivotthitaḥ //

Note: c: (e *V)

puruhūtadhvajasyeva tasyonnayanapaṅktayaḥ

navābhyutthānadarśinyo nananduḥ sa prajāḥ prajāḥ //

Note: d: (su^ Vn)

samam eva samākrāntaṃ tasyonnayanapaṅktayaḥ

tena siṃhāsanaṃ pitryam akhilaṃ cārimaṇḍalaṃ //

Note: d: (ca mahīkṣitām Sd)

chāyāmaṇḍalalakṣyena tam adṛśyā kila svayam

padmā padmātapatreṇa bheje sāmrājyadīkṣitam //

Note: a: (sitachāyānumānena C)

parikalpitasāṃnidhyā kāle kāle ca bandiṣu

stutyaṃ stutibhir arthyābhir upatasthe sarasvatī //

manuprabhṛtibhir mānyair bhuktā yady api rājabhiḥ

tathāpy ananyapūrveva tasminn āsīd vasuṃdharā //

sa hi sarvasya lokasya yuktadaṇḍatayā manaḥ

ādade nātiśītoṣṇo nabhasvān iva dakṣiṇaḥ //

Note: c: (nātiśīto na cātyuṣṇaḥ C)

mandotkaṇṭaḥ kṛtās tena guṇādhikatayā gurau

phalena sahakārasya phuṣpodgama iva prajāḥ //

nayavidbhir nave rājñi sad asac copadarśitam

pūrva evābhavat pakṣas tasmin nābhavad uttaraḥ //

Note: a: (^vadbhir Vn)

pañcānām api bhūtānām utkarṣaṃ pupuṣur guṇāḥ

nave tasmin mahīpāle sarvaṃ navam ivābhavat //

yathā prahlādanāc candraḥ pratāpāt tapano yathā

tathaiva so 'bhūd anvartho rājā prakṛtirañjanāt //

kāmaṃ karṇāntaviṣrānte viśāle tasya locane

cakṣuṣmattā tu śāstreṇa sūkṣmakāryārthadarśinā //

Note: d: (aḥ Vn)

labdhapraśamanasvastham athainaṃ samupasthitā

pārthivaśrīr dvitīyeva śarat paṅkajalakṣaṇā //

Note: a: (^aṃ Vn)

Note: a: (^sthyam C)

nirvṛṣṭalaghubhir meghair muktavartmā suduḥsahaḥ

svaṃ dhanuḥ śaṅkiteneva yugapad vyānaśe diśaḥ //

Note: b: (durutsahaḥ Vn)

adhijyam āyudhaṃ kartuṃ muktavartmā suduḥsahaḥ

svaṃ dhanuḥ śaṅkiteneva saṃjahre śatamanyunā //

Note: b: (durutsahaḥ Vn)

vārṣikaṃ saṃjahārendro dhanur jaitraṃ raghur dadhau

prajārthasādhane tau hi paryāyodyatakārmukau //

Note: d: (^odyamaviśramau S Mv)

puṇḍarīkātapatras taṃ vikasatkāśacāmaraḥ

ṛtur viḍambayām āsa āsīt samarasā dvayoḥ //

Note: b: (vilasat^ T Vp)

prasādarīkātapatras taṃ candre ca viśadaprabhe

tadā cakṣuṣmatāṃ prītir āsīt samarasā dvayoḥ //

haṃsaśreṇīṣu tārāsu kumudvatsu ca vāriṣu

vibhūtayays tadīyānāṃ paryastā yaśasām iva //

Note: a: (iṣu N P T)

ikṣucchāyaniṣādinyas tasya goptur guṇodayam

ākumārakathodghātaṃ śāligopyo jagur yaśaḥ //

Note: a: (yā^ C Mv V)

Note: a: (tasya gopur dvirephāṇāṃ Vn)

Note: b: (karṇotpalanipātinām Vn)

Note: c: (^odbhūtaṃ C Mv)(^odgītaṃ Vt])

Note: c: (svarasaṃvādibhiḥ kaṇṭhaiḥ Vn)

prasasādodayād ambhaḥ kumbhayoner mahaujasaḥ

raghor abhibhavāśaṅki cukṣubhe dviṣatāṃ manaḥ //

Note: c: (os tv C)

Note: c: (paribhav'^ V)

madodagrāḥ kakudmantaḥ saritāṃ kūlamudrujāḥ

līlākhelam anuprāpur mohakṣās tasya vikramam //

prasavaiḥ saptaparṇānāṃ madagandhibhir āhatāḥ

asūyayeva tannāgāḥ saptadhaiva prasusruvuḥ //

saritaḥ kurvatī gādhāḥ pathaś cāśyānakardamān

yātrāyai codayām āsa taṃ śakteḥ prathamaṃ śarat //

Note: c: (prerayām C V)

samyak tasmai ghuto vahnir vājinīrājanāvidhau

pradakṣiṇārcir vyājena hasteneva jayaṃ dadau //

Note: a: (tasmai samyag [?] ct)

sa guptamūlapratyantaḥ śuddhapārṣṇir ayānvitaḥ

ṣaḍvidhaṃ balam ādāya pratasthe digjigīṣayā //

Note: a: (^paryantaḥ V)

avākiran vayovṛddhās taṃ lājaiḥ paurayoṣitaḥ

pṛṣatair mandaroddhūtaiḥ kṣīrormaya ivācyutam //

sa yayau prathamaṃ prācīṃ tulyaḥ prācīnabarhiṣā

ahitān aniloddhūtais tarjayann iva ketubhiḥ //

rajobhiḥ syandanoddhūtair gajaiś ca ghanasaṃnibhaiḥ

bhuvas talam iva vyoma kurvan vyomeva bhūtalam //

Note: a: (turagotkīrṇair Sk)

pratāpo 'gre tataḥ śabdaḥ parāgas tadantaram

yayau paścād rathādīti catuḥskandheva sā camūḥ //

Note: b: (purogās *V)

Note: c: (^ānīkaṃ C Mv V)

marupṛṣṭhāny udambhāṃsi nāvyāḥ supratarā nadīḥ

vipināni prakāśāni śaktimattvāc cakāra saḥ //

Note: a: (marut^ Vn)

purogaiḥ kaluṣās tasya sahaprasthāyibhiḥ kṛśāḥ

paścātprayāyibhiḥ paṅkāś cakrire mārganimnagāḥ //

sa senāṃ mahatīṃ karṣan pūrvasāgaragāminīm

babhau harajaṭābhraṣṭāṃ gaṅgām iva bhagīrathaḥ //

tyājitaiḥ phalam utkhātair bhagnaiś ca bahudhā nṛpaiḥ

tasyāsīd ulbaṇo mārgaḥ pādapair iva dantinaḥ //

paurastyān evam ākrāmaṃs tāṃs tāñ janapadāñ jayī

prāpa tālīvanśyāmam upakañṭhaṃ mahodadheḥ //

anamrāṇāṃ samuddhartus tasmāt sindhurayād iva

ātmā saṃrakṣitaḥ suhmair vṛttim āśritya vaitasīm //

Note: b: (asmāt Vt)

vaṅgān utkhāya tarasā netā nausādhanoddhatān

nicakhāna jayastambhān gaṅgāsroto'ntareṣu saḥ //

Note: a: (uddhṛtya Vt)

Note: b: (^odyatān ct)

āpādapadmapraṇatāḥ kalamā iva te raghum

phalaiḥ saṃvardhayām āsur utkhātapratirpitāḥ //

Note: a: (^pravaṇāḥ V)

sa tīrtvā kapiṣāṃ sainyair baddhadviradasetubhiḥ

utkalādarśitapathaḥ kaliṅgābhimukho yayau //

Note: a: (karabhāṃ Mv)

Note: c: (utkalair darśita^ Vn)

Note: d: (aṃ C)

sa pratāpaṃ mahendrasya mūrdhni tīkṣṇaṃ nyaveśayat

aṅkuśaṃ dviradasyeva yantā gambhīravedinaḥ //

pratijagrāha kāliṅgas tam astrair gajasādhanaḥ

pakṣacchedodyataṃ śakraṃ śilāvarṣīva parvataḥ //

dviṣāṃ viṣahya kākutsthas tatra nārācadurdinam

sanmaṅgalasnāta iva pratipede jayaśriyam //

vāyavyāstravinirdhūtāt pakṣāviddhān mahodadheḥ

gajānīkāt sa kāliṅgaṃ tārkṣyaḥ sarpam ivādade //

tāmbūlīnāṃ dalais tatra racitāpānabhūmayaḥ

nalikerāsavaṃ yodhāḥ śātravaṃ ca papur yaśaḥ //

Note: c: (nārikel'^ ct)

Note: d: (v[ā] C Vn)

Note: d: (yaśaḥ papuḥ C Vn)

gṛhītapratimuktasya sa dharmavijayī nṛpaḥ

śriyaṃ mahendranāthasya jahāra na tu medinīm //

tato velātaṭenaiva phalavatpūgamālinā

agastyācaritām āśām anāśāsyajayo yayau //

sa sainyaparibhogeṇa gajadānasugandhinā

kāverīṃ saritāṃ patyuḥ śaṅkanīyām ivākarot //

balair adhuṣitās tasya vijigīṣor gatādhvanaḥ

maricodbhrāntahārītā malayādrer upatyakāḥ //

Note: c: (marīc'^ Vn)(mārīc'^ ct)

Note: c: (^otsṛśṭa^ C)

sasañjur aśvakṣuṇṇānām elānām utpatiṣṇavaḥ

tulyagandhiṣu mattebha-kaṭeṣu phalareṇavaḥ //

Note: a: (jj C)

ājāneyakhurakṣuṇṇa-pakvailākṣetrasaṃbhavam

vyānaśe sapadi vyoma tripadīchedinām api //

bhogiveṣṭanamārgeṣu candanānāṃ samarpitam

n'āsrasat kariṇāṃ graivaṃ tripadīchedinām api //

Note: c: (aṃ Vn)

diśi mandāyate tejo dakṣiṇasyāṃ raver api

tasyām eva raghoḥ pāṇḍyāḥ pratāpaṃ na viṣehire //

tāmraparṇīsametasya muktāsāraṃ mahodadheḥ

te nipatya dadus tasmai yaśaḥ svam iva saṃcitam //

sa nirviśya yathākāmaṃ taṭeṣv ālīnacandanau

stanāv iva diśas tasyāḥ śailau malayadardurau //

Note: b: (ālīḍha^ C Tl)(ādhīna^ Vn)

Note: d: (^durdurau N P)(^durdarau Vt)

tasyānīkair visarpadbhir aparāntajayodyataiḥ

rāmāstrotsārito 'py āsīt sahyalagna ivārṇavaḥ //

Note: c: (^eṣūt^ T)

bhayotsṛṣṭavibhūṣāṇāṃ tena keralayoṣitām

alakeṣu camūreṇuś cūrṇapratinidhīkṛtaḥ //

muralāmārutoddhūtam agamat kaitakaṃ rajaḥ

tadyodhavārabāṇānām ayatnapaṭavāsatām //

Note: a: (marulā^ N P)

abhyabhūyata vāhānāṃ caratāṃ gātraśiñjitaiḥ

varmabhiḥ pavanoddhūta-rājatālīvanadvhvanaiḥ //

Note: b: (^sañjitaiḥ Mv *Vn)

Note: c: (marmar[aḥ C *V][aiḥ Mv])

kharjūrīskandhanaddhānāṃ madodgārtasugandhiṣu

kaṭeṣu kariṇāṃ petuḥ puṃnāgebhyaḥ śilīmukhāḥ //

avakāśaṃ kilodanvān rāmāyābhyarthito dadau

aparāntamahīpāla-vyājena raghave karam //

mattebharadanotkīrṇa-vyaktavikramalakṣaṇam

trikūṭam eva tatroccair jayastambhaṃ cakāra saḥ //

pārasīkāṃs tato jetuṃ pratasthe sthalavartmanā

indriyākhyān iva ripūṃs tattvajñānena saṃyamī //

yavanīmukhapadmānāṃ sehe madhumadaṃ na saḥ

bālātapam ivābjānām akālajaladodayaḥ //

saṃgrāmas tumulas tasya pāścātyair aśvasādhanaiḥ

śārṅgakūjitavijñeya-pratiyodhe rajasy abhūt //

Note: a: (a S)

Note: b: (pārasīkāśva^ T)

Note: d: (o V)

bhallāpavarjitais teṣāṃ śirobhiḥ śmaśrulair mahīm

tastāra saraghāvyāptaiḥ sa kṣaudrapaṭalair iva //

apanītaśirastrāṇāḥ śeṣās taṃ śaraṇaṃ yayuḥ

praṇipātapratīkāraḥ saṃrambho hi mahātmanām //

vinayante sma tadyodhā madhubhir vijayaśramam

āstīrṇājinaratnāsu drākṣāvalayabhūmiṣu //

Note: b: (^śriyam T)

tataḥ pratasthe kauberīṃ bhāsvān iva raghur diśam

śarair usrair ivodīcyān uddhariṣyam rasān iva //

jitān ajayyas tān eva kṛtvā rathapuraḥsarān

mahārṇavam ivaurāgniḥ praviveśottarāpatham //

vinītādhvaśramās tasya sindhutīraveceṣṭanaiḥ

dudhuvur vājinaḥ skandhāṃl lagnakuṅkumakesarān //

Note: b: (vaṅkṣṇa^ Vn)(vaṅkū^ Vp)

Note: b: (itaiḥ C)

tatra hūṇāvarodhānāṃ bhartṛśu vyaktavikramam

kapolapāṭalādeśi babhūva raghuceṣṭitam //

Note: c: (^pāṭan'^ T Vn)

kāmbojāḥ samare soḍhuṃ tasya vīryam anīśvarāḥ

gajālānaparikliṣṭair akṣoṭaiḥ sārdham ānatāḥ //

Note: d: (akṣoḍaiḥ C V)(aṅkolaiḥ N P)

teṣāṃ sadaśvabhūyiṣṭhās tuṅgā draviṇarāśayaḥ

upadā viviśuḥ śaśvan notsekāḥ kosaleśvaram //

Note: b: (a^ N P)

Note: c: (viviśus taṃ viśāṃnātham C T Mn)

Note: d: (aḥ Vn)

Note: d: (udanvantam ivāpagāḥ C T Mn)

tato gaurīguruṃ śailam ārurohāśvasādhanaḥ

vardhayann iva tatkūṭān uddhūtair dhātureṇubhiḥ //

Note: d: (^dhatair C)

śaśaṃsa tulyasattvānāṃ sainyaghoṣe 'py asaṃbhramam

guhāśayānāṃ siṃhānāṃ parivṛtyāvalokitam //

Note: c: (^gatānāṃ T)

bhūrjeṣu marmarībhūtāḥ kīcakadhvanihetavaḥ

gaṅgāśīkariṇo mārge marutas taṃ siṣevire //

viśaśramur namerūṇāṃ chāyāsv adhyāsya sainikāḥ

dṛṣado vāsitotsaṅgā niṣaṇṇamṛganābhibhiḥ //

Note: b: (ām Vt)

saralāsaktamātaṅga-graiveyasphuritatviṣaḥ

āsannoṣadhayo netur naktam asnehadīpikāḥ //

Note: b: ('^opacita^ Vt)

Note: c: (au Vn)

Note: c: (tasya Vt)

tasyotsṛṣṭanivāseṣu kaṇṭharajjukṣata tvacaḥ

gajavarṣma kirātebhyaḥ śaśaṃsur devadāravaḥ //

Note: b: (^kṣita^ Vt)

tatra janyaṃ raghor ghoraṃ pārvatīyair gaṇair abhūt

nārācakṣepaṇīyāśma-niṣpeṣotpatitānalam //

Note: a: (ghoraṃ C)

Note: a: (yuddhaṃ C)

Note: b: (a ct)

Note: b: (guṇair Vn)

Note: d: (aḥ Vt)

śarair utsavasaṃketān sa kṛtvā viratotsavān

jayodāharaṇaṃ bāhvor gāpayām āsa kiṃnarān //

Note: b: (karadān kṛtī T)

Note: d: (y C)

Note: d: (aiḥ T)

paraspareṇa vijñātas teṣūpāyanapāṇiṣu

rājñā himavataḥ sāro rājñaḥ sāro himādriṇā //

Note: a: (asya C V)

tatrākṣobhyaṃ yaśorāśiṃ niveśyāvarurobha saḥ

paulastyatulitasyādrer ādadhāna iva hriyam //

Note: d: (śriyam T Vn)

cakampe tīrṇalauhitye tasmin prāgjyotiṣeśvaraḥ

tadgālānatāṃ prāptaiḥ saha kālāgurudruamaiḥ //

Note: a: (o V)

na prasehe sa ruddhārkam adhārāvarṣadurdinam

rathavartma rajo 'py asya kuta eva patākinīm //

Note: b: (^varṣi^ Vn)

Note: b: (anabhramaya^ T)

Note: c: (^vega^ Ct)

tam īśaḥ kāmarūpāṇām atyākhaṇḍalavikramam

bheje bhinnakaṭair nāgair anyān uparurodha yaiḥ //

kāmarūpeśvaras tasya hemapīṭhādhidevatām

ratnapuṣpopahāreṇa cchāyām ānarca pādayoḥ //

Note: b: (pāda^ C)

iti jitvā diṣo jiṣṇur nyavartata rathoddhatam

rajo viśrāmayan rājñāṃ chattraśūnyeṣu mauliṣu //

Note: c: (a V)

sa viśvajitam ājahre yajñaṃ sarvasvadakṣiṇam

ādānaṃ hi visargāya sataṃ vārimucām iva //

Note: a: (^rebhe C N P Ar)

Note: b: (kratuṃ T)

sattrānte sacivasakhaḥ puraskriyābhir gurvībhiḥ śamitaparājayavyalīkān

kākutsthaś ciravirahotsukāvarodhān rājanyān svapuranivṛttaye 'numene //

yajñānte tam avabhṛthābiṣekapūtaṃ satkāraiḥ śamitaparājayavyalīkān

āmantryotsukavanitātpatadvisṛṣṭāḥ svāni svāny avanibhujaḥ purāṇi jagmuḥ //

te rekādhvajakuliśātapatraicihnaṃ samrājaś caraṇayugaṃ prasādalabhyam

prasthānapraṇatibhir aṅgulīṣu cakrur maulisrakcyutamakarandareṇugauram //

tam adhvare viśvajiti kṣitīśaṃ niḥśeṣaviśrāṇitakośajātam

upāttavidyo gurudakṣinārthī kautsaḥ prapede varatantuśiṣyaḥ //

sa mṛnmaye vītahiraṇmayatvāt pātre nidhāyārgahyam anarghyaśīlaḥ

śrutaprakāśaṃ yaśasā prakāśaḥ pratyujjagāmātithim ātitheyaḥ //

Note: b: (anargha^ ct Vn)

tam arcayitvā vidhivad vidhijñas tapodhanaṃ mānadhanāgrayāyī

viśāṃpatir viṣṭarabhājam ārāt kṛtāñjaliḥ kṛtyavid ita uvāca //

apy agraṇīr mantrakṛtām ṛṣīṇāṃ kuśāgrabuddhe kuśalī gurus te

yatas tvayā jñānam aśeṣam āptam lokena caitanyam ivoṣṇaraśmeḥ //

Note: a: (ayy C V)

Note: d: (caitanyam ugrād iva dīkṣitena T *V)

kāyena vācā manasāpi śaśvad yat saṃbhṛtaṃ vāsavadhairyalopi

āpādyate na vyayam antarāyaiḥ kaccin maharṣes trividhaṃ tapas tat //

Note: a: (ca C V)

Note: b: (yad vajriṇo dhairyavilope taptam C *V)

ādhārabandhapramukhaiḥ prayatnaiḥ saṃvardhitānāṃ sutanirviśeṣam

kaccin na vāyvādir upaplavo vaḥ śramacchidaṃ āśramapādapānām //

kriyānimitteṣv api vatsalatvād abhagnakāmā munibhiḥ kuśeṣu

tadaṅkaśayyācyutanābhinālā kaccin mṛgīṇām anaghā prasūtiḥ //

nirvartyate yair niyamābhiṣeko yebhyo nivāpāñjalayaḥ pitḥṇām

tāny uñchaṣaṣṭhāṅkitasaikatāni śivāni vas tīrthajalāni kaccit //

nīvārapākādi kaḍamgarīyair āmṛśyate jānapadair na kaccit

kālopapannātithikalpabhāgaṃ vanyaṃ śarīrasthitisādhanaṃ vaḥ //

Note: a: (k P)

Note: c: (^kalpya^ ct)

api prasannena maharṣiṇā tvaṃ samyag vinīyānumato gṛhāya

kālo hy ayaṃ saṃkramituṃ dvitīyaṃ sarvopakārakṣamam āśramaṃ te //

Note: a: (ayi C *V)

tavārhato nābhigamena tṛptaṃ mano niyogakriyayotsukaṃ me

apy ājñayā śāsitur ātmanā vā prāpto 'si saṃbhāvayituṃ vanān mām //

Note: a: ('bhyāgamanena C)

Note: c: (avy C V)

ity arghyapātrānumitavyayasya raghor udārām api gāṃ niśamya

svārthopapattiṃ prati durbalāśas tam ity avocad varatantuśiṣyaḥ //

Note: a: (argha^ Ct)

Note: d: (pratyavocad V)

sarvatra no vārttam avehi rājan nāthe kutas tvavy aśubhaṃ prajānām

sūrye tapaty āvaraṇāya dṛṣṭeḥ kalpeta lokasya kathaṃ tamisrā //

Note: d: (am C Mv)

bhaktiḥ pratīkṣyeṣu kulocitā te pūrvān mahābhāga tayā 'tiśeṣe

vyatītakālas tv aham abhyupetas tvām arthibhāvād iti me viṣādaḥ //

Note: b: (^bhāgyatayā Vt)

Note: c: (aṃ T)

śarīramātreṇa narendra tiṣṭhann ābhāsi tīrthapratipāditarddhiḥ

āraṇyakopāttaphalaprasūtiḥ stambena nīvāra ivāvaśiṣṭaḥ //

sthāne bhavān ekanarādhipaḥ sann akiṃcanatvaṃ makhajaṃ vyanakti

paryāyapītasya surair himāṃśoḥ kalākṣayaḥ ślāghyataro hi vṛddheḥ //

tadanyatas tāvad ananyakāryo gurvartham āhartum ahaṃ yatiṣye

svasty astu te nirgalitāmbugarbhaṃ śaradghanaṃ nārdati cātako 'pi //

Note: a: (tvad^ Vn)

etāvad uktvā pratiyātukāmaṃ śiṣyaṃ maharṣer nṛpatir niṣidhya

kiṃ vastu vidvan gurave pradeyaṃ tvayā kiyad veti tam anvayuṅkta //

Note: c: (ṃ^ Vn)

tato yathāvadvihitādhvarāya tasmai smayāveśavivarjitāya

varṇāśramāṇāṃ gurave sa varṇī vicakṣaṇaḥ prastutam ācacakṣe //

samāptavidyena mayā maharṣir vijñāpito 'bhūd gurudakṣiṇāyai

sa me cirāyāskhalitopacārāṃ tāṃ bhaktim evāgaṇayat purastāt //

Note: a: (av^ Vn)

nirbandhasaṃjātaruṣārthakārśyam acintayitvā guruṇāham uktaḥ

vittasya vidyāparisaṃkhyayā me koṭīṣ catasro daśa cāhareti //

so 'haṃ saparyāvidhibhājanena matvā bahvantaṃ prabhuśabdaśeṣam

abhyutsahe saṃprati noparoddhum alpetaratvāc chrutaniṣkrayasya //

itthaṃ dvijena dvijarākāntir āvedito vedavidāṃ vareṇa

enonivṛttendriyavṛttir enaṃ jagāda bhūyo jagadekanāthaḥ //

gurvartham arthī śrutapāradṛśvā raghoḥ sakāśād anavāpya kāmam

gato vadāyāntaram ity ayaṃ me mā bhūt parīvādanavāvatāraḥ //

sa tvaṃ praśaste mahite madīye vasaṃś caturtho 'gnir ivāgnyagāre

dvitrāṇy ahāny arhasi soḍhum arhan yāvad yate sādhayituṃ tvadartham //

Note: a: (aḥ Vn)

tatheti tasy'; āvitathaṃ pratītaḥ pratyagrahīt saṃgaram agrajanmā

gām āttasārāṃ raghur apy avekṣya niṣkaṣṭum arthaṃ cakame kuberāt //

Note: a: (āṃ C Vt)(a^ Vn)

Note: a: (^pratijñaḥ Vn)

Note: b: (tāṃ giram C Mv V)

vasiṣṭhamantrokṣaṇajāt prabhāvād udanvadākāśamahīdhareṣu

marutsakhasyeva balāhakasya gatir vijaghne na hi tadrathasya //

athādhiśiśye prayathaḥ pradoṣe rathaṃ raghuḥ kalpitaśastragarbham

sāmantasaṃbhāvanayaiva dhīraḥ kailāsanāthaṃ tarasā jigīṣuḥ //

prātaḥ prayāṇābhimukhāya tasmai savismayāḥ kośagṛhe niyuktāḥ

hiraṇmayīṃ kośagṛhasya madhye vṛṣṭiṃ śaśaṃsuḥ patitāṃ nabhastaḥ //

taṃ bhūpatir bhāsurahemarāśiṃ labdhaṃ kuberād abhiyāsyamānāt

dideśa kautasya samastam eva pādaṃ sumeror iva vajrabhinnam //

Note: c: (āya ct)

Note: d: (śṛṅgaṃ C Mv Vn)

janasya sāketanivāsinas tau dvāv apy abhūtām abhinandyasattvau

gurupradeyādhikanīḥspṛho 'rthī nṛpo 'rthikāmād adhikapradaś ca //

athoṣṭravāmīśatavāhitārthaṃ prajeṣvaraṃ prītamanā maharṣiḥ

spṛṣan kareṇānatapūrvakāyaṃ saṃprasthito vācam uvāca kautsaḥ //

Note: a: (^hārit'^ Vt)

Note: b: (manīṣī C V)

Note: d: (vākyam Ct)

kim atra citraṃ yadi kāmasūr bhūr vṛtte sthitasyādhipateḥ prajānām

acintanīyas tu tava prabhāvo manīṣitaṃ dyaur api yena dugdhā //

āśāsyam anyat punaruktabhūtaṃ śreyāṃsi sarvāṇy adhijagmuṣas te

putraṃ labhasvātmaguṇānurūpaṃ bhavantam īḍaṃ bhavataḥ piteva //

Note: d: (o C V)

itthaṃ prayujyāśiṣam agrajanmā rājñe pratīyāya guroḥ sakāśam

rājāpi lebhe sutam āśu tasmād ālokam arkād iva jīvalokaḥ //

Note: d: (caitanyam Mv)

brāhme muhūrte kila tasya devī kumārakalpaṃ suṣuve kumāram

ataḥ pitā brahmaṇa eva nāmnā tam ātmajanmānam ajaṃ cakāra //

Note: d: (agrya^ C Vp)(agra^ *Vn)

rūpaṃ tad ojasvi tad eva vīryaṃ tadaiva naisargikam unnatatvam

na kāraṇāt svād bibhide kumāraḥ pravartito dīpa iva pradīpāt //

Note: b: (tath^ Ct)

upāttavidyaṃ vidhivad gurubhyas taṃ yauvanodbhedaviśeṣakāntam

śrīr gantukāmāpi guror anujñāṃ dhīreva kanyā pitur ācakāṅkṣa //

Note: c: (^ḥ sābhilāṣā^ ct)

atheśvareṇa krathakaiśikānāṃ svayaṃvarārthaṃ svasur indumatyāḥ

āptaḥ kumārānayanotsukena bhojena dūto raghave visṛṣṭaḥ //

Note: a: (a Vn)

taṃ ślāghyasaṃbandham asau vicintya dārakriyāyogyadaśaṃ ca putram

prasthāpayām āsa sasainyam enam ṛddhāṃ vidarbhādhiparājadhānīm //

tasyopakāryāracitopakārā vanyetarā jānapadopadābhiḥ

mārge nivāsā manujendrasūnor babhūvur udyānavihārakalpāḥ //

Note: a: (^opacārā ct)

Note: b: (vyāptāntarā C)

sa narmadārodhasi śīkarārdrair marudbhir ānartitanaktamāle

niveśayām āsa vilaṅghitādhvā klāntaṃ rajodhūsaraketu sainyam //

Note: d: (u^ S)

athopariṣṭād bhramarair bhramadbhiḥ prāk sūcitāntaḥsalilapraveśaḥ

nirdhauta dānāmalagaṇḍabhittir yanyaḥ saritto gaja unmamajja //

Note: b: (k^ C)

Note: c: (nirdhūta^ V)

Note: c: (^galla^ V)

niḥśeṣavikṣālitadhātunāpi vaprakriyām ṛkṣavatas taṭeṣu

nīlordhvarekhāśabalena śaṃsan dantadvayenāśmavikuṇṭhitena //

saṃhāravikṣepalaghukriyeṇa hastena tīrābhimukhaḥ saśabdam

babhau sa bhindan bṛhatas taraṅgān vāryargalābhaṅga iva pravṛttaḥ //

sa bhogibhogādhikapīvareṇa hastena tīrābhimukhaḥ saśabdam

saṃvardhitārtdhaprahitena dīrghān cikṣepa vārīparighān ivormīn //

śailopamaḥ śaivalamañjarīṇāṃ jālāni karṣann urasā sa paścāt

pūrvaṃ tadutpīḍitavārirāśiḥ saritpravāhas taṭam utsasarpa //

Note: a: (e Ct)

Note: a: (^vallarīṇāṃ Vn)

Note: b: (tarasā C Vn)

kāraṇḍavotsṛṣṭamṛdupratnānāḥ pulindayoṣāmbuvihārakāñcīḥ

karṣan sa śaivālalatā nadīṣaḥ skandhāvalagnās taṭam utsasarpa //

tasyaikanāgasya kapolabhittyor jalāvagāhakṣaṇamātraśāntā

vanyetarānekapadarśanena punar didīpe madadurdinaśrīḥ //

Note: b: (hrad^ V)

saptacchadakṣīrakaṭupravāham asahyam āghrāya madaṃ tadīyam

vilaṅghitādhoraṇatīvrayatnāḥ senāgajendrā vimukhā babhūvuḥ //

Note: d: (ī^ S Vn)

sa cchinnabandhadrutayugyaśūnyaṃ bhagnākṣaparyastarathaṃ kṣaṇena

rāmāparitāṇavihastayodhaṃ senāniveśaṃ tumulaṃ cakāra //

Note: d: (a S Vn)

tam āpatantaṃ nṛpater avadhyo vanyaḥ karīti śrutavān kumāraḥ

nivartayiṣyan viśikhena kumbhe jaghāna nātyāyatakṛṣṭaśārṅgaḥ //

Note: d: (^cāpaḥ C V)

sa viddhamātraḥ kila nāgarūpam utsṛjya tadvismitasainyadṛṣṭaḥ

sphuratprabhāmaṇḍalamadhyavarti kāntaṃ vapur vyomacaraṃ prapede //

atha prabhāvopanataiḥ kumāraṃ kalpadrumotthair avakīrya puṣpaiḥ

uvāca vāgmī daśanaprabhābhiḥ saṃvardhitoraḥsthalatārahāraḥ //

mataṅgaśāpād avalepamūlād avāptavān asmi mataṅgajatvam

avehi gandharvapates tanūjaṃ priyaṃvadaṃ māṃ priyadarśanasya //

sa cānunītaḥ praṇatena paścān mayā maharṣir mṛdutām agacchat

uṣṇatvam agnyātapasaṃprayogāc chaityaṃ hi yat sā prakṛtir jalasya //

Note: d: (nāma Vt)

ikṣvākuvaṃśaprabhavo yadā te bhetsyaty ajaḥ kumbham ayomukhena

saṃyokṣyase svena vapurmahimnā tadety avocat sa taponidhir mām //

saṃmocitaḥ sattvavatā tvayāhaṃ śāpāc ciraprārthitadarśanena

pratipriyaṃ ced bhavato na kuryāṃ vṛthā hi me syāt svapadopalabdhiḥ //

Note: a: (sa Vn)

Note: c: (^kriyaṃ Vt)

saṃmohanaṃ nāma sakhe mamāstraṃ prayogasaṃhāravibhaktamantram

gāndharvam ādhatsva yataḥ prayoktur na cārihiṃsā vijayaś ca haste //

Note: c: (ādatsva ct Vt)

alaṃ hriyā māṃ prati yan muhūrtaṃ dayāparo 'bhuḥ praharann api tvam

tasmād upacchandayati prayojaṃ mayi tvayā na pratiśedharaukṣyam //

Note: d: (^rūkṣam Vt)

tathety upaspṛśya payaḥ pavitraṃ somodhbavāyāḥ sarito nṛsomaḥ

udaṅmukhaḥ so 'stravid astramantraṃ jagrāha tasmān nigṛhītaśāpāt //

evaṃ tayor adhvani daivayogād āseduṣoḥ sakhyam acintyahetu

eko yayau caitrarathapadeśān saurājyaramyān aparo vidarbhān //

Note: b: (um C)

taṃ tasthivāṃsaṃ nagaropakaṇṭhe tadāgamārūḍhagurupraharṣaḥ

pratyujjagāma krathakaiśikendraś candraṃ pravṛddhormir ivormimālī //

Note: c: (a Vn)

praveśya cainaṃ puram agrayāyī nīcais tathopācarad arpitaśrīḥ

mene yathā tatra janaḥ sameto vaidarbham āgantum ajaṃ gṛheśam //

tasy'; ādhikārapuruṣaiḥ praṇataiḥ pradiṣṭāṃ prāgdvāravediviniveśitapūrṇa kumbhām

mene yathā tatra janaḥ sameto bālyāt parām iva daśāṃ madano 'dhyuvāsa //

Note: a: (i^ C V)

Note: b: (^hema^ V)

tatra svayaṃvarasamāhṛtarājalokaṃ kanyālalāma kamanīyam ajasya lipsoḥ

bhāvāvabodhakaluṣā dayiteva rātrau nidrā cireṇa nayanābhimukhī babhūva //

Note: d: (ī^ S)

taṃ karṇabhūṣaṇanipīḍitapīvarāṃsaṃ śayyottaracchadavimardakṛśāṅgarāgam

sūtātmajāḥ savayasaḥ prathitaprabodhaṃ) prābodhayann uṣasi vāgbhir udāravācaḥ //

Note: c: (vaitālikāḥ Mv)

Note: c: (vaitālikā lalitabhandhamanoharābhiḥ C V)

rātrir gatā matimatāṃ vara muñca śayyāṃ dhātrā dvidhaiva nanu dhūr jagato vibhaktā

tām ekatas tava bibharti gurur vinidras tasyā bhavān aparadhuryapadāvalambī //

Note: c: (yām C Vt)

nidrāvaśena bhavatāpy anapekṣamāṇā paryutsukatvam abalā niśi khaṇḍiteva

lakṣmīr vinodayati yena digantalambī so 'pi tvadānanaruciṃ vijahāti candraḥ //

Note: a: (hy C Vk Mv V)

Note: a: (anavekṣ[a ct][ya Mv V]māṇā)

tad valgunā yugapadunmiṣitena tāvat sadyaḥ paraparatulām adhirohatāṃ dve

praspandamānaparuṣetaratāram antaś cakṣus tava pracalitabhramaraṃ ca padmam //

vṛntāc chlathaṃ harati puṣpam anokahānāṃ saṃsṛjyate sarasijair aruṇāmśubhinnaiḥ

svābhāvikaṃ paraguṇena vibhātavāyuḥ saurabhyam īpsur iva te mukhamārutasya //

Note: a: (^a^śl^ V)

tāmrodareṣu paitaṃ tarupallaveṣu nirdhauta hāragulikāviśadaṃ himāmbhaḥ

ābhāti labdhaparabhāgatayādharoṣṭhe līlāsmitaṃ sadaśanārcir iva tvadīyam //

Note: a: (druma^ CV)

Note: b: (nirdhūta^ Vn)

Note: b: (ṭ S)

yāvat pratāpanidhir ākramate na bhānur ahnāya tāvad aruṇena tamo nirastam

āyodhanāgrasaratāṃ tvayi vīra yāte kiṃ vā ripūṃs tava guruḥ svayam ucchinatti //

śayyāṃ jahaty ubhayapakṣavinītanidrāḥ stamberamā mukharaśṛṅkhalakarṣiṇas te

yeṣāṃ vibhānti taruṇāruṇarāgayogād bhinnādrigairikataṭā iva dantakoṣāḥ //

dīrgheṣv amī niyamitāḥ paṭamaṇḍapeṣu nidrāṃ vihāya vanajākṣa vanāyudeśyāḥ

vaktroṣmaṇā malinayanti purogatāni lehyāni saindhavaśilāśakalāni vāhāḥ //

Note: b: (^ya^ Vn)

Note: b: (^ujās te C)

bhavati viralabhaktir mlānapuṣpopahāraḥ svakiraṇpariveṣodhbedaśūnyāḥ pradīpāḥ

ayam api ca giraṃ nas tvatprabodhaprayuktām anuvadati śukas te mañjuvāk pañjarasthaḥ //

iti viracitavāgbhir bandiputraiḥ kumāraḥ sapadi vigatanidras talpam ujjhāṃ cakāra

madapaṭu ninadadbhir bodhito rājahaṃsaiḥ suragaja iva gāṅgaṃ saikataṃ supratīkaḥ //

Note: b: (vihita V)

Note: c: (u^ ct)

atha vidhim avasāyya śāstradṛṣṭaṃ divasamukhocitam añcitākṣipakṣmā

kuśalaviracitānukūlaveṣaḥ kṣitipasamājam agāt svayaṃvarastham //

Note: a: (^sāya C)

Note: b: (^añjit' Ct)

Note: c: (^ānurūpa^ C V)

sa tatra mañceṣu manojñaveṣān siṃhāsanasthān upacāravastu

vaimānikānāṃ marutām apaśyad ākṛṣṭalīlān naralokapālān //

rater gṛhītānunayena kāmaṃ pratyarpitasvāṅgam iveśvareṇa

kākutstham ālokayatāṃ nṛpāṇāṃ mano babhūvendumatīnirāśam //

vaidarbhanirdiṣṭam asau kumāraḥ kḷptena sopānapathena mañcam

śilāvibhaṅgair mṛgarājaśāvas tuṅgaṃ nagotsaṅgam ivāruroha //

Note: a: (atho C V)

parārdhyavarṇāstaraṇopapannam āsedivān ratnavad (?) āsanaṃ saḥ

bhūyiṣṭham āsīd upameyakāntir mayūrapṛṣṭhāśrayiṇā guhena //

tāsu śriyā rājaparaṃparāsu prabhāviśeṣodayadurnirīkṣyaḥ

sahasradhātmā vyarucad vibhaktaḥ payomucāṃ paṅktiṣu vidyuteva //

teṣāṃ mahārhāsanasaṃsthitānām udāranepathyabhṛtāṃ sa madhye

rarāja dhāmnā raghusūnur eva kalpadrumāṇām iva pārijātaḥ //

Note: c: (bhūmnā Mv)

netravrajāḥ paurajanasya tasmin vihāya sarvān nṛpatīn nipetuḥ

madotkaṭe recitapuṣpavṛkṣā gandhadvipe vanya iva dvirephāḥ //

atha stute bandibhir anvayajñaiḥ somārkavaṃśye naradevaloke

saṃcārite c'; āgārusārayonau dhūpe samutsarpati vaijayantīḥ //

Note: c: (u ct)

puropakaṇṭhopavanāśrayāṇāṃ kalāpinām uddhatanṛtyahetau

pradhmātaśaṅkhe parito digantāṃs tūryasvane mūrchati maṅgalārthe //

Note: b: (śikhaṇḍinām C V)

manuṣyavāhyaṃ caturaśrayānam adhyāsya kanyā parivāraśobhi

viveśa mañcāntararājamārgaṃ patiṃvarā kḷptavivāhaveṣā //

Note: a: (^aṅga^ Vn)

tasmin vidhānātiśaye vidhātuḥ kanyāmaye netraśataikalakṣye

nipetur antaḥkaraṇair narendrā dehaiḥ sthitāḥ kevalam āsaneṣu //

tāṃ praty abhivyaktamanorathānāṃ mahīpatīnāṃ praṇayāgradūtyaḥ

pravālośobhā iva pādapānāṃ śṛṅgāraceṣṭa vividhā babhūvuḥ //

kaścit karābhyām upagūḍhanālam ālolapattrābhihatadvirepham

rajobhir antaḥ pariveṣabandhi līlāravindaṃ bhramayāṃ cakāra //

Note: c: (aḥ^ ct Kn2)

visrastam aṃsād aparo vilāsī ratnānuviddhāṅgadakoṭilagnam

prālambam utkṛṣya yathāvakaśaṃ nināya sācīkṛtacāruvaktraḥ //

Note: c: (prāvāram C Mv * V)

Note: c: (^kṣipya C * Vn)

Note: c: (^pradeśaṃ C *V)

ākuñcitāgrāṅgulinā tato 'nyaḥ kiṃcitsamāvarjitanetraśobhaḥ

tiryagvisaṃsarpinakhaprabheṇa pādena haimaṃ vililekha pīṭham //

Note: b: (ī C V)

niveśya vāmaṃ bhujam āsanārdhe tatasaṃniveśād adhikonnatāṃsaḥ

kaścid vivṛttatrikabhinnahāraḥ suhṛtsamābhāṣaṇatatparo 'bhūt //

vilāsinīvibhramadantapattram āpāṇḍu raṃ ketakabarham anyaḥ

priyāitambocitasaṃniveśair vipāṭayām āsa yuvā nakhāgraiḥ //

Note: b: (a C)

Note: b: (^pattram Vn)

kuśeśayātāmratalena kaścit kareṇa rekhādhvajalāñchanena

ratnāṅgulīyaprabhayānuviddhān udīrayām āsa salīlam akṣān //

kaścid yathābhāgam avasthite 'pi svasaṃniveśād vyatilaṅghinīva

vajrāṃśugarbhāṅgulirandhram ekaṃ vyāpārayām āsa karaṃ kirīṭe //

Note: b: (a^ Vn)

Note: c: (^bhinn'^ C Vt)

tato nṛpāṇāṃ śrutavṛttavaṃśā puṃvat pragalbhā pratihārarakṣī

prāk saṃnikarṣaṃ magadheśvarasya nītvā kumārīm avadat sunandā //

Note: b: (t^ ct)

Note: b: (ā Vn)

asau śaraṇyaḥ śaraṇonmukhānām agādhasattvo magadhapratiṣṭhaḥ

rājā prajārañjanalabdhavarṇaḥ paraṃtapo nāma yathārthanāmā //

kāmaṃ ṇrpāḥ santu saharaśo 'nye rājanvatīm āhur anena bhūmim

nakṣatratārāgrahasaṃkulāpi jyotiṣmatī candramasaiva rātriḥ //

Note: a: (i C V)

kriyāprabandhād ayam adhvarāṇām ajasram āhūtasahasranetraḥ

śacyāś ciraṃ pāṇdukapolalambān mandāraśūnyān alakāṃś cakāra //

anena ced icchasi gṛhyamāṇaṃ pāṇiṃ vareṇyena kuru praveśe

prāsādavātāyanasaṃśritānāṃ netrotsatvaṃ puṣpapurāṅganānām //

Note: c: (^saṃsthitānāṃ Vn)

evaṃ tayokte tam avekṣya kiṃcid (?) visraṃsidūrvāṅkamadhūkamālā

ṛjupraṇāmakriyayaiva tanvī pratyādideśainam abhāṣamāṇā //

tāṃ saiva vetragrahaṇe niyuktā rājāntaraṃ rājasutāṃ nināya

samīraṇottheva taraṅgalekhā padmāntaraṃ mānasarājahaṃsīm //

jagāda cainām ayam aṅganāthaḥ surāṅganāprārthitayauvanaśrīḥ

vinītanāgaḥ kila sūtrakārair aindraṃ padaṃ bhūmigato 'pi bhuṅkte //

Note: a: (^rājaḥ Vn)

Note: c: (^bhāgaḥ V)

Note: c: (sattra^ Vn Vp?)

anena paryāsayatāsrabindūn muktāphalsthūlatamān staneṣu

pratyarpitāḥ śatruvilāsinīnām unmucya sūtreṇa vinaiva hārāḥ //

Note: a: (^aśrayatā Vt)

Note: a: (^śrubindūn ct)

Note: d: (unmocya Vn)(ākṣipya C Vv)(ākṣepa^ Sd)

nisargabhinnāspadam ekasaṃstham asmin dvayaṃ śrīś ca sarasvatī ca

kāntyā girā sūnṛtayā ca yogyā tvam eva kalyāṇi tayos tṛtīyā //

athāṅgarājād avatārya cakṣur yāh janyām avadat kumārī

nāsau na kāmyo na ca veda samyag draṣṭuṃ na sā bhinnarucir hi lokaḥ //

Note: b: (yāt' eti C Mv *V Vk)

Note: b: (janyān C Mv Vt)(yānyān *V)

tataḥ paraṃ duṣprasahaṃ dviṣadbhir nṛpaṃ niyuktā pratihārabhūmau

nidarśayām āsa viśeṣadṛśyam induṃ navotthānam ivendumatyai //

Note: a: (pareṣāṃ V)

Note: c: (^kāntam Vn)

Note: d: (āḥ T)

avantinātho 'yam udagrabāhur viśālavakṣās tanuvṛttamadhyaḥ

āropya cakrabhrahmam uṣṇatejās tvaṣṭreva yatnollikhito vibhāti //

Note: c: (^bhramim C)

Note: c: (^raśmis Ar)

Note: d: (yantr'^ C Ar)

asya prayāṇeṣu samagraśakter agresarair vājibhir utthitāni

kurvanti sāmantaśikhāmaṇīnāṃ prabhāprarohāstamayaṃ rajāṃsi //

Note: b: (uddhatāni Vn)(uddhṛtāni Vt)

asau mahākālaniketanasya vasann adūre kila candramauleḥ

tamisrapakṣe 'pi saha priyābhir jyotsnāvato nirviśati pradoṣān //

Note: b: (e Vt)

anena yūnā saha pārthivena rambhoru kaccin manaso rucis te

siprātaraṅgānilakampitāsu vihartum udyānaparaṃparāsu //

tasminn abhidyotitabandhupadme pratāpasaṃśoṣitaśatrupaṅke

babandha sā nottamasaukumāryā kumudvatī bhānumatīva bhāvam //

tām agratas tāmarasāntarābhām anūparājasya guṇair anūnām

vidhāya sṛṣṭiṃ lalitām vidhātur jagāda bhūyaḥ sudatīṃ sunandā //

saṃgrāmanirviṣṭasahasrabāhur aṣṭadāsadvīpanikhātayūpaḥ

ananyasādhāraṇarājaśabdo babhūva yogī kila kārtavīryaḥ //

akāryacintāsamakālam eva prādurbhavaṃś cāpadharaḥ purastāt

antaḥśarīreṣv api yaḥ prajānāṃ pratyādideśāvinayaṃ vinetā //

jyābandhaniṣpandabhujena yasya viniśvasadvaktraparaṃpareṇa

kārāgṛhe nirjitavāsavena laṅkeśvareṇoṣitam ā prasādāt //

Note: b: (viniḥ^ ct Kk2)

tasyānvaye bhūpatir eṣa jātaḥ pratīpa ity āgamavṛddhasevī

yena śriyaḥ saṃśrayadoṣarūḍhaṃ svabhāvalolety ayaśaḥ pramṛśṭam //

āyodhane kṛṣṇagatiṃ sahāyam avāpya yaḥ kṣatriyakālarātrim

dhārāṃ śitāṃ rāmaparaśvadhasya saṃbhāvayaty utpalapattrasārām //

Note: b: (īm C)

asyāṅkalakṣmīr bhava dīrghabāhor māhiṣmatīvapranitambakāñcīm

prāsādajālair jalveṇiramyāṃ revāṃ yadi prekṣitum asti kāmaḥ //

tasyāḥ prakāmaṃ priyadarśano 'pi na sa kṣitīśo rucaye babhūva

śaratpramṛṣṭāmbudharoparodhaḥ śaśīva paryāptakalo nalinyāḥ //

sā śūrasendādhipatiṃ suṣeṇam uddiśya lokāntaragītakīrtim

ācāraśuddhobhayavaṃśadīpaṃ śuddhāntarakṣyā jagade kumārī //

Note: b: (deś^ C *V)

Note: d: (īm Vn)

nīpānvayaḥ pārthiva eṣa vajvā guṇair yam āśritya paraspareṇa

siddhāśramaṃ śāntam ivaitya sattvair naisargiko 'py utsasṛje virodhaḥ //

yasy'; ātmagehe nayanābhirāmā kāntir himāṃśor iva saṃniviṣṭa

harmyāgrasaṃrūḍhatṛṇāṅkureṣu tejo 'viśahyaṃ ripumandireṣu //

Note: a: (^dehe V)

yasyāvarodhastanacandanānāṃ prakṣālanād vārivihārakāle

kalindakanyā mathurāṃ gatā 'pi gaṅgormisaṃsakta jaleva bhāti //

Note: c: (ā^ S)

Note: d: (^pṛkta^ C V)

trastena tākrṣyāt kila kāliyena maṇiṃ visṛṣṭaṃ yamunaukasā yaḥ

vakṣaḥsthalavyāpirucaṃ dadhānaḥ sakaustubhaṃ hrepayatīva kṛṣnam //

Note: a: (trātena C T V)

Note: c: (^rucim C)

Note: d: (viṣṇum C V)

saṃbhāvya bhartāram amuṃ yuvānaṃ mṛdupravālottarapuṣpaśayye

vṛndāvane caitrarathād anūne nirviśyatāṃ sundari yuvanaśrīḥ //

adhyāsya cāmbhaḥpṛṣatokṣitāni śaileyagandhīni śilātalāni

kalāpināṃ prāvṛṣi paśya nṛtyaṃ kāntāsu govardhanakandarāsu //

Note: b: (^naddhāni V)

nṛpaṃ tam āvartamanojñanābhiḥ sā vyatyagād anyavadhūr bhavitrī

mahīdharaṃ mārgavaśād upetaṃ srotovahā sāgaragāminīva //

athāṅgadāśliṣṭabhujaṃ bhujiṣyā hemāṅgadaṃ nāma kaliṅganātham

āseduṣīṃ sāditaśatrupakṣaṃ bālām abālendumukhīṃ babhāṣe //

asau mahendrādrisamānasāraḥ patir mahendrasya mahodadheś ca

yasya kṣaratsainyagajacchalena yātrāsu yātīva puro mahendraḥ //

jyāghātarekhe subhujo bhujābhyāṃ bibharti yaś cāpabhṛtāṃ purogaḥ

ripuśriyāṃ sāñjanabhāṣpaseke bandīkṛṭānām iva paddhatī dve //

Note: a: (^lekhe C)

Note: c: (aḥ C V)

Note: c: (^sikte Ct)

Note: d: (āyā C V)

raṇe 'mitatrīṇatayā prakāśaḥ śarāsanajyānikaṣau bhujābhyām

viśiṣṭarekhau ripuvikramāgner nirvāṇamārgāv iva yo bibharti //

yam ātmanaḥ sadmani saṃnikṛṣṭo mandradhvanityājitayāmatūryaḥ

prāsādavātāyanadṛṣyavīciḥ prabodhayaty arṇava eva suptam //

Note: a: (^viṣṭaṃ Ct V)

anena sārdhaṃ viharāmburāśes tīreṣu tālīvanamarmareṣu

dvīpānatarānītalavaṅgapuṣpair apākṛtasvedalavā marudbhiḥ //

Note: b: (taṭeṣu Vt)

pralobhitāpy ākṛtilobhanīyā patiṃ purasyorugapūrvanāmnaḥ

tasmād apāvartata dūrakṛṣṭā nītyeva lakṣmīḥ pratikūladaivāt //

Note: c: (up'^ Vt)

athādhigamyābhuvarājakalpaṃ patiṃ purasyorugapūrvanāmnaḥ

ācārapūtobhayavaṃśadīpaṃ śuddhāntarakṣyā jagade kumārī //

athorākhyasya purasya nāthaṃ dauvārikī devasarūpam

itaś cakorākṣi vilokayeti pūrvānuśiṣṭāṃ nijagāda bhojyām //

Note: a: (athoru Vt)

Note: a: (^ākṣasya Vn)

Note: b: (^svarūpam M)(^samānam C V)

pāṇḍyo 'yam aṃsārpitalambahāraḥ kḷptāṅgarāgo haricandanena

ābhāti bālātaparaktasānuḥ sanirjharodgāra ivādrirājaḥ //

Note: a: (i^ V)

Note: b: (nava^ Cm Kv2)

vindhyasya saṃstambhayitā mahādrer niḥśeṣapītojjhitasindhurājaḥ

prītyāśvamedhāvabhṛthārdramūrteḥ sausnātiko yasya bhavaty agastyaḥ //

Note: a: (a Vn)

Note: b: (^nāthaḥ Vn)

astraṃ harād āptavatā durāpaṃ yenendralokāva jayāya dṛptaḥ

purā janasthānavimardaśaṅkī saṃdhāya laḥkādhipatiḥ pratasthe //

Note: b: (āpa^ C)

Note: b: (sṛṣṭaḥ T)

anena pāṇau vidhivad (?) gṛhīte mahākulīnena mahīva gurvī

ratnānuviddhārṇavamekhalāyā diśaḥ sapatnī bhava dakṣiṇasyāḥ //

Note: d: (āyāḥ Vt)

tāmbūlavallīpariṇaddhapūgāsv elālatāliṅgitacandanāsu

tamālapattrāstaraṇāsu rantuṃ prasīda śaśvan malayasthalīṣu //

indīvaraśyāmatanaur nṛpo 'sau tvaṃ rocanāgauraśarīrayaṣṭiḥ

anyonyaśobhāparivṛddhaye vāṃ yogas taḍittoyadayor ivāstu //

Note: a: ('yaṃ Sk)

svasur vidarbhādhipates tadīyo lebhe 'ntaraṃ cetasi nopadeśaḥ

divākarādarśanabaddhakośe nakśatranāthāṃśur ivāravinde //

saṃcāriṇī dīpaśikheva rātrau yaṃ yaṃ vyatīyāya patiṃvarā sā

narendramārgāṭṭa iva prapede vivarṇabhāvaṃ sa sa bhūmipālaḥ //

tasyāṃ raghoḥ sūnur upasthitāyāṃ vṛṇīta māṃ neti samākulo 'bhūt

vāmetaraḥ saṃśayam asya bāhuḥ keyūrabandhocchavasitair nunoda //

taṃ prāpya sarvāvayavānavadyaṃ vyāvartatānyopagamāt kumārī

na hi praphullaṃ sahakāram etya vṛksāntaraṃ kāṅkṣati ṣaṭpadālī //

tasmin samāveśitacittavṛttim induprabhām indumatīm avekṣya

pracakrame vaktum anukramajñā savistaraṃ vākyam idaṃ sunandā //

Note: b: (avetya Vt)

ikṣvākuvaṃśyaḥ kakudaṃ nṛpāṇāṃ kakutstha ity āhitalakṣaṇo 'bhūt

kākutsthaśabdaṃ yata unnatecchāḥ ślāghyaṃ dadhaty uttarakosalendrāḥ //

mahendram āsthāya mahokṣarūpaṃ yaḥ saṃyati prāptapināki līlaḥ

cakāra bāṇair asurāṅganānāṃ gaṇḍasthalīḥ proṣitapattralekhāḥ //

Note: b: (a^ Vt)

Note: d: (galla^ Vn)

airāvatāsphālanaviślathaṃ yaḥ saṃghaṭṭayann aṅgadam aṅgadena

upeyuśaḥ svām api mūrtim agryām ardhāsanaṃ gotrabhido 'dhitaṣṭhau //

Note: d: (sth Vn)

jātaḥ kule tasya kilorukīrtiḥ kulapradīpo nṛpatir dilīpaḥ

atiṣṭhad ekonaśatakratutve śakrābhyasūyāvinivṛttaye yaḥ //

yasmin mahīṃ śāsati vāṇinīnāṃ nidrāṃ vihārārdhapathe gatānām

vāto 'pi nāsaraṃsayad aṃśukāni ko lambayed āharaṇāya hastam //

Note: d: (ābharāṇāya Pv V)

putro raghus tasya padaṃ praśāsti mahākrator viśvajitaḥ prayoktā

caturdigāvarjitasaṃbhṛtāṃ yo mṛtpātraśeṣām akarod vibhūtim //

Note: c: (^āvarjana^ C V At)

Note: c: (ānāṃ V)

ārūḍham adrīn udadhīn vitīrṇaṃ bhujaṃgamānāṃ vasatiṃ praviṣṭam

ūrdhvaṃ gataṃ yasya na cānubandhi yaśaḥ paricchettum iyattayālam //

Note: a: (pra^ Ct V)

asau kumāras tam ajo 'nujātas triviṣṭapasyeva patiṃ jayantaḥ

gurvīṃ dhuraṃ yo bhuvanasya pitrā dhuryeṇa damyaḥ sadṛśaṃ bibharti //

Note: d: (īṃ Vn)

kulena kāntyā vayasā navena guṇaiś ca tais tair vinayapradhānaiḥ

tvam ātmanas tulyam amuṃ vṛṇīṣva ratnaṃ samāgacchatu kāñcanena //

Note: c: (imaṃ Ct)

tataḥ sunandāvacanāvasāne lajjāṃ tanū kṛtya narendrakanyā

dṛṣṭyā prasādāmalayā kumāraṃ pratyagrahīt saṃvaraṇasrajeva //

Note: b: (mṛdu^ Vt Sk)

sā yūni tasminn abhilāṣabandhaṃ śaśāka śālīnatayā na vaktum

romāñcalakṣyeṇa sa gātrayaṣṭiṃ bhittvā nirākrāmad arālakeśyāḥ //

tathāgatāyāṃ parihāsapūrvaṃ sakhyāṃ sakhī vetradharā babhāṣe

ārye vrajāmo 'nyata ity athaināṃ vadhūr asūyākuṭilaṃ dadarśa //

Note: b: (^vatī Tl)(^bhṛd ā^ ct)

sā cūrṇagauraṃ raghunandanasya dhātrīkarābhyāṃ karabhopamorūḥ

āsañjayām āsa yathāpradeśaṃ kaṇṭhe guṇaṃ mūrtam ivānurāgam //

Note: c: (śirodharāyāṃ T)

tayā srajā maṅgalapuṣpamayyā viśālavakṣaḥsthalalambayā saḥ

amaṃsta kaṇṭhārpitabāhupāśāṃ vidarbharājāvarajāṃ vareṇyaḥ //

śaśinam upagateyaṃ kaumudī meghamuktaṃ jalanidhim anurūpaṃ

iti samaguṇayogaprītayas tatra paurāḥ śravaṇakaṭu nṛpāṇām ekavākyaṃ vivavruḥ //

Note: b: (śirodharāyāṃ T)

pramuditavarapakṣam ekatas tat (?) kṣitipatimaṇḍalam anyato vitānam

uṣasi sara iva praphullapadmaṃ kumudavanapratipannanidram āsīt //

athopayantrā sadṛśena yuktāṃ skandena sākṣād iva devasenām

svasāram ādāya vidarbhanāthaḥ purapraveśābhimukho babhūva //

Note: c: (^rājaḥ C Vt)

senāniveśān pṛthivīkṣito 'pi jagmur vibhātagrahamandabhāsaḥ

bhojyāṃ prati vyarthamanorathatvād rūpeṣu veṣeṣu ca sābhyasūyāḥ //

Note: a: (^bhṛto Ct Vt)

sāṃnidhyayogāt kila tatra śacyāḥ svayaṃvarakṣobhakṛtām abhāvaḥ

kākutstham uddiśya samatsaro 'pi śaśāma tena kṣitipālalokaḥ //

Note: c: (ālokya Vt)

tāvat prakīrṇābhinavopacāram indrāyudhadyotitatoraṇāṅkam

varaḥ sa vadhvā saha rājamārgaṃ prāpa dhvajacchāyanivāritoṣṇam //

Note: d: (prāpat Vt)

tatas tadālokanatatparāṇāṃ saudheṣu cāmīkarajālavatsu

babhūvur itthaṃ purasundarīṇāṃ tyaktānyakāryāṇi viceṣṭitāni //

Note: a: (satva[rāṇāṃ] T)

ālokamārgaṃ sahasā vrajantyā kayācid udveṣṭanavāntamālyaḥ

baddhuṃ na saṃbhāvita eva tāvat kareṇa ruddho 'pi hi keśapāśaḥ //

Note: c: (banddhuṃ ct Ns1 T)

Note: d: (ca ct)

Note: d: (^hastaḥ Vk)

prasādhikālambitam agrapādam ākṣipya kācid dravarāgam eva

utṣṛṣṛalīlāgatir ā gavākṣād yayau śalākām aparā vahantī //

vilocanaṃ dakṣiṇam añjanena saṃbhāvya tadvañcitavāmanetrā

tathaiva vātāyanasaṃnikarṣaṃ yayau śalākām aparā vahantī //

jālāntarapreṣitadṛṣṭir anyā prasthānabhinnāṃ na babandha nīvīm

nābhipraviṣṭābharaṇaprabheṇa hastena tasthāv avalambya vāsaḥ //

ardhācitā satvaram utthitāyāḥ pade pade durnimite galantī

kasyāścid āsīd raśanā tadānīm aṅguṣṭhamāulārpitasūtraśeṣā //

Note: a: (^āñcitā ct)

stanaṃdhayantaṃ tanayaṃ vihāya vilokanāya tvarayā vrajantī

saṃprasnutābhyāṃ padavīṃ stanābhyāṃ siṣeca kācit payas''; ā gavākṣāt //

tāsāṃ mukhair āsavagandhagarbhair vyāptāntarāḥ sāndrakutūhalānām

vilolanetrabhramarair gavākṣāḥ sahasrapattrābharaṇā ivāsan //

tā rāghavaṃ dṛṣṭibhir āpibantyo nāryo na jagmur viṣayāntarāṇi

tathā hi śeṣendriyavṛttir āsāṃ sarvātmanā cakṣur iva praviṣṭā //

Note: a: (taṃ Vt)

sthāne vṛtā bhūpatibhiḥ parokṣaiḥ svayaṃvaraṃ sādhum amaṃsta bhojyā

padmeva nārāyaṇam anyathāsau labheta kāntaṃ katham ātmatulyam //

paraspareṇa spṛhaṇīyaśobhaṃ na ced idaṃ dvandvam ayojayiṣyat

asmin dvaye rūpavidhānayatnaḥ patyuḥ prajānāṃ vitatho 'bhaviṣyat //

ratismarau nūnam imāv abhūtāṃ rājñāṃ sahareṣu tathā hi bālā

gateyam ātmapratirūpam eva mano hi janmāntarasaṃgatijñam //

Note: c: (yāt'' V)

ity udgatāḥ pauravadhūmukhebhyaḥ śṛṇvan kathāḥ śrotasukhāḥ kumāraḥ

udbhāsitaṃ maṅgalasaṃvidhābhiḥ saṃbandhinaḥ sadma samāsasāda //

tato 'vatīryāśu kareṇukāyāḥ sa kāmarūpeśvaradattahastaḥ

vaidarbhanirdiṣṭam atho viveśa nārīmanāṃsīva catuṣkam antaḥ //

Note: a: (tatrāva^ C Vn)

mahārhasiṃhāsanasaṃsthito 'sau saratnam arghyaṃ madhuparkamiśram

bhojopanītaṃ ca dukūlayugmaṃ jagrāha sārdhaṃ vanitākaṭākṣaiḥ //

Note: b: (arghaṃ Vt)

Note: b: (^mac ca gavyam Vn)

dukūlavāsāḥ sa vadhūsamīpaṃ ninye vinītair avarodharakṣaiḥ

velāsākśaṃ sphuṭapeharājir navair udanvān iva candrapādaiḥ //

tatrārcito bhojapateḥ purodhā hutvāgnim ājyādibhir agnikalpaḥ

tam eva cādhāya vivāhasākṣye vadhūvarau saṃgamayāṃ cakāra //

Note: d: (aṃ Vn)

hastena hastaṃ parigṛhya vadhvāḥ sa rājasūnuḥ sutarāṃ cakāśe

anantarāśokalatāpravālaṃ prāpyeva cūtaḥ pratipallavena //

Note: b: (babhāse C V)

āsīd varaḥ kaṇṭakitaprakoṣṭaḥ svinnāṅguliḥ saṃvavṛte kumārī

vṛttis tayoḥ pāṇisamāgamena samaṃ vibhakteva maobhavasya //

Note: a: (abhūd Sk)

Note: c: (tasmin dvaye tatkṣaṇam ātmavṛttiḥ ct V)

Note: d: (ena ct V)

tayor apāṅga-pratisāritāni kriyāsamāpattivartitāni

hrīyantraṇām ānaśire manojñām anyonyalolāni vilocanāni //

Note: a: (upānta^ Vt)

Note: a: (^pravicāritāni Sk)

Note: b: (^tni^ ct)(^tvi^ V])

Note: b: (^tiṣu kātarāṇi Vt)

pradakṣiṇaprakramaṇāt kṛṣānor udarciṣas tan (?) mithunaṃ cakāśe

meror upānteṣv iva vartamānam anyonyasaṃsaktam ahastriyāmam //

nitambagurvī guruṇā prayuktā vadhūr vidhātṛpratimena tena

cakāra sā mattacakoranetrā lajjāvatī lājavisargam agnau //

Note: b: (^eva Sk)

Note: d: (^vimokṣam Ar)(^vimokam Sk)

haviḥśamīpallavalājagandhiḥ puṇyaḥ kṛśānor udiyāya dhūmaḥ

kapolasaṃsarpiśikhaḥ sa tasyā muhūrtakarṇotpalatāṃ prapede //

Note: a: (ī ct)

tad añjanakledasamākulākṣaṃ pramlānabhījāṅkurakarṇapūram

vadhūmukhaṃ pāṭalagaṇḍalekham ācāradhūmagrahaṇād babhūva //

Note: a: (^kṣobha^ Ct)

Note: c: (^galla^ Vn)

tau snātakair bandhumatā ca rājñā puraṃdhribhiś ca kramaśaḥ prayuktam

kanyākumārau kanakāsanasthāv ārdrākṣatāropaṇam anvabhūtām //

iti svasur bhojakulapradīpaḥ saṃpādya pāṇigrahaṇaṃ sa rājā

mahīpatīnāṃ pṛthagarhaṇārthaṃ samādideśādhikṛtān adhiśrīḥ //

liṅgair mudaḥ saṃvṛtavikriyās te hradāḥ prasannā iva gūḍhanakrāḥ

vaidarbham āmantrya yayus tadīyāṃ pratyarpya pūjām aupdāchalena //

sa rājalokaḥ kṛtapūrvasaṃvid ārambhasiddhau samayopalabhyam)

ādāsyamānaḥ pramdāmiṣaṃ tad āvṛtya panthānam ajasya tasthau //

Note: b: (samar^ Ct Mv Vt)

Note: b: (samareṇa labhyam V)

bhartāpi tāvat krathakaiṣikānām anuṣṭhitānantarajāvivāhaḥ

sattvānurūpāharaṇī kṛtaśrīḥ prāsthāpayad rāghavam anvagāc ca //

Note: c: (śakty'' Vn)

Note: c: (^ābharaṇī^ V)

tisras trilokī prathitena sārdham ajena mārge vasatīr uṣitvā

tasmād apāvartata kuṇḍineśaḥ parvātyaye soma ivoṣṇaraśmeḥ //

Note: a: (a^ ct)

pramanyavaḥ prāg api kosalendre pratyekam āttasvatayā babhūvuḥ

ato nṛpāś cakṣamire sametāḥ strīratnalābhaṃ na tadātmajasya //

tam udvahantaṃ pathi bhojakanyāṃ rurodha rājanyagaṇaḥ sa dṛptaḥ

balipradiṣṭaṃ śriyam ādadānaṃ traivikramaṃ pādam ivendraśatruḥ //

Note: c: (^pratiṣṭhāṃ Vn)

tasyaḥ sa rakṣārtham analpayodham ādiṣya pitryaṃ sacivaṃ kumāraḥ

pratyagrahīt pārthivavāhinīṃ tāṃ jyotīrathāṃ śoṇa ivottaraṅgaḥ //

Note: d: (bhāgīrathīṃ ct)

pattiḥ padātiṃ rathinaṃ ratheśas turaṃgasādī turagādhirūḍham

yantā gajasyābhyapatad gajasthaṃ tulyapratidvandvi babhūva yuddham //

nadatsu tūryeṣv avibhāvyavāco nodīrayanti sma kulopadeśān

bāṇākṣarair eva parasparasya nāmorjitaṃ cāpabhṛtaḥ śaśaṃsuḥ //

Note: a: (^abhibhāvya^ C)

Note: c: (aṃ te Ct)

utthāpitaḥ saṃyati reṇur aśvaiḥ sāndrīkṛtaḥ syandanavaṃśacakraiḥ

cistāritaḥ kuñjarakarṇatālair netrakrameṇoparurodha sūryam //

Note: b: (^vṛnda^ Ct Vn)

Note: d: (iti^ C)(anu^ V)

matsyadhvajā vāyuvaśād vidīrṇair mukhaiḥ pravṛddhadvajinīrajāṃsi

babhuḥ pibantaḥ paramārthamatsyāḥ paryāvilānīva navodakāni //

ratho rathāṅgadhvaninā vijajñe vilolaghaṇṭākvaṇitena nāgaḥ

svabhartṛnāmagrahaṇād babhūva sāndre rajasy ātmaparāvabodhaḥ //

āvṛṇvato locanamārgam ājau rajo'ndhakārasya vijṛmbhitasya

śastrakṣatāśvadvipavīrajanmā bālāruṇo 'bhūd rudhirapravāhaḥ //

sa cchinnamūlaḥ kṣatajena reṇus tasyopariṣṭāt pavanāvadhūtaḥ

aṅgāraśeṣasya hutāśanasya pūrvotthito dhūma ivābabhāse //

prahāramūrchāpagame rathasthān yantḥn upālabhya nivartitāśvāḥ

yaiḥ sāditā lakṣitapūrvaketūṃs tān eva sāmarṣatayā nijaghnuḥ //

Note: a: (ā[ḥ] ct)

Note: b: (vi^ V)

Note: b: (ān ct V)

apy ardhamārge parabāṇalūnā dhanurbhṛtāṃ hastavatāṃ pṛṣatkāḥ

saṃprāpur evātmajavānuvṛttyā pūrvārdhabhāgaiḥ phalibhiḥ śaravyam //

ādhoraṇānāṃ gajasaṃnipāte śirāṃsi cakrair niśitaiḥ kṣurāgraiḥ

hatāny api āyenanakhāgrakoṭi-vyāsaktakeśāni cireṇa petuḥ //

Note: b: (kṣurapaiḥ * V)

Note: c: (hṛtāny ct Ns1 Pt)(kṛttāna Ct)

pūrvaṃ prahartā na jaghāna bhūyaḥ pratiprahārākṣamam aśvasādī

turaṃgamaskandhaniṣaṇṇadehaṃ pratyāśvasantaṃ ripum ācakāṅkṣa //

tanutyajāṃ varmabhṛtāṃ vikośair bṛhatsu danteṣv asibhiḥ patadbhiḥ

raṇakṣitiḥ śoṇitamadyakulyā gajā vivignāḥ karaśīkareṇa //

Note: a: (carma^ Vn)

śilīmukhotkṛttaśiraḥphalāḍhyā cyutaiḥ śiratraiś caṣakottareva

raṇakṣitiḥ śoṇitamadyakulyā rarāja mṛtyor iva pānabhūmiḥ //

upāntayor niṣkuṣitaṃ vihaṃgair ākṣipya tebhyaḥ piśitapriyāpi

keyūrakoṭikṣatatāludeśā śivā bhujacchedam apācakāra //

Note: d: (up'^ Vt)

kaścid dviṣatkhaḍgahṛtottamāṅgaḥ sadyo vimānaprabhutām upetya

vāmāṅgasaṃsaktasurāṅganaḥ svaṃ nṛtyat kabandhaṃ samare dadarśa //

Note: b: (o^ C)

Note: d: (at^ ct)

anyonyasūtonmathanād abhūtāṃ tāv eva sūtau rathinau ca kaucit

vyaśvau gadāvyāyatasaṃprahārau bagnāyudhau bāhuvimardaniṣṭhau //

Note: d: (^vimardana^ṣṭhau Vt)

paraspareṇa kṣatayoḥ prahartror utkrāntavāyvoḥ samakālam eva

amartyabhāve 'pi kayościd āsīd ekāsaraḥprārthitayor vivādaḥ //

vyūhāv ubhau tāv itaretarasmād bhaṅgaṃ jayaṃ cāpatur avyavastham

paścātpuromārutayoḥ pravṛddhau paryāyavṛttyeva mahārṇavormī //

Note: a: (eṇa C)(^otthaṃ P S Vn)

pareṇa bhagne 'pi bale mahaujā yayāv ajaḥ praty arisainyam eva

dhūmo nivarteta samīraṇena yato hi kakṣas tata eva vahniḥ //

Note: c: (yeta ct)

Note: d: (^as tu ct)

rathī niṣaṅgī kavacī dhanuṣmān dṛptaḥ sa rājanyakam ekavīraḥ

nivārayām āsa mahāvarāhaḥ kalpakṣayoddhūtam ivārṇavāmbhaḥ //

Note: b: (aṃ Vn)

Note: c: (viloḍayām C V)

Note: d: (^odvṛttam ct)

sa dakṣiṇaṃ tūṇa-mukhena vāmaṃ vyāpārayan hastam alakṣyatājau

ākarṇakṛṣṭā sakṛd asya yoddhur maurvīva bāṇān suṣuve riguphnān //

Note: a: (e na^(?) Vn)

sa roṣadaṣṭādhikalohitoṣṭhair vyaktordhvarekā bhṛkuṭīr vahadbhiḥ

tastāra gāṃ bhallanikṛttakaṇṭhair huṃkāragarbhair dviṣatāṃ śirobhiḥ //

Note: a: (sa^ Śp)

Note: a: (^ādhara^ V Śp)

Note: a: (^ākṣair C V Śp)

Note: b: (ā^ C)

Note: b: (bhru^ ct)

Note: d: (hūṃ^ ct)

sarvair balāṅgair dviradapradhānaiḥ sarvāyudhaiḥ kaṅkaṭabhedibhiś ca

sarvaprayatnene ca bhūmipālās tasmin prajahrur yudhi sarva eva //

so 'stravrajaiś channarathaḥ pareṣāṃ dhvajāgramātreṇa babhūva lakṣyaḥ

nīhāramagno dinapūrvabhāgaḥ kiṃcitprakāśena vivasvateva //

Note: a: (chinna^ Vt)

priyaṃvadāt prāpam asau kumāraḥ prāyuṅkta rājasv adhirājasūnuḥ

gāndharvam astraṃ kusumāstrakāntaḥ prasvāpanaṃ svapanivṛttalaulyaḥ //

Note: a: ([atho C][atha Vt] priyārhaḥ) (atho kumāraḥ Vn)

Note: c: (iḥ Ct)

tato dhanuṣkarṣaṇamūḍhahastam ekāṃsaparyastaśirastrajālam

tasthau dhvajastambhaniṣaṇṇadehaṃ nidrāvidheyaṃ naradevasainyam //

Note: b: (^jātam Vn)

tataḥ priyopāttarase 'dharoṣṭhe niveśya dadhmau jalaṃ kumāraḥ

yena svahastārjitam ekavīraḥ piban yaśo mūrtam ivābhāse //

Note: c: (tena ct V)

Note: c: (a^vīraśabdaḥ Vn)

śaṅkhasvanābhijñatayā nivṛttās taṃ sannaśatruṃ dadṛśuḥ svayodhāḥ

nimīlitānām iva paṅkajānāṃ madhye sphurantaṃ pratimāśaśāṅkam //

saśoṇitais tena śilīmukhāgrair nikṣepitāḥ ketuṣu pārthivānām

yaśo hṛtam saṃprati rāghaveṇa na jīvitaṃ vaḥ kṛpayeti varṇāḥ //

Note: c: (saṃyati C Vn)

sa cāpakoṭīnihitaikabāhuḥ śirastaniṣkarṣaṇabhinnamuliḥ

lalāṭabaddhaśramavāribindur bhītāṃ priyām etya vaco babhāṣe //

itaḥ parān arbhakahāryaśastrān vaidarbhi paśyānumatā mayāsi

evaṃvidhenāhavaceṣṭitena tvaṃ prārthyase hastagatā mamabhiḥ //

Note: a: (etān C)

Note: d: (prāpyase Vt)

tasyāḥ pratidvandvibhavād viṣādāt sadyo vimuktaṃ mukham ābabhāse

niśvāsabāṣpāpagamāt prapannaḥ prasādam ātmīyam ivātmadarṣāḥ //

Note: b: (o^ C)

Note: c: (niḥ^ ct)

hṛṣṭāpi sā hrīvijitā na sākṣād vāgbhiḥ sakhīnāṃ priyam abhyanandat

sthalī navāmbhaḥpṛṣatābhivṛṣṭā mayūrakekābhir ivābhravṛndam //

Note: c: (^ṣiktā Vt)

Note: d: (^jālam V)

iti śirasi sa vāmaṃ pādam ādhāya rājñām udavahad anavadyāṃ tām avadyād apetah

rathaturagarajobhis tasya rūkṣālakāgrā samaravijayalaṣmīḥ saiva mūrtā babhūva //

Note: c: (^āntā C V)

prathamaparigatārthas taṃ raghuḥ saṃnivṛttaṃ vijayinam abhinandya ślāghyajāyāsametam

tadupahitakuṭumbaḥ śāntimārgotusko 'bhūn na hi sati kuladhurye sūryavaṃśyā gṛhāya //

atha tasya vivāhakautukaṃ lalitaṃ bibhrata eva pārthivaḥ

vasudhām api hastagāminīm akarod indumatīm ivāparām //

duritair api kartum ātmasāt prayatante nṛpasūnavo hi yat

tad upasthitam agrahīd ajaḥ pitur ājñeti na bhogatṛṣṇayā //

anubhūya vasiṣṭhasaṃbhṛtaiḥ salilais tena sahābhiṣecanam

viśadocchavasitena medinī kathayām āsa kṛtārthatām iva //

sa babhūva durāsadaḥ parair guruṇātharvavidā kṛtakriyaḥ

pavanāgnisamāgamo hy ayaṃ sahitaṃ brahma yad astratejasā //

raghum eva nivṛttayauvanaṃ tam amanyanta naveśvaraṃ prajāḥ

sa hi tasya na kevalāṃ śriyaṃ pratipede sakalān guṇān api //

Note: b: (nar'^ C N P S)

adhikaṃ śuśubhe śubhaṃyunā dvitayena dvayam eva saṃgatam

padam ṛddham ajena paitṛkaṃ vinayenāsya navaṃ ca yauvanam //

sadayaṃ bubhuje mahābhujaḥ sahasodvegam iyaṃ vrajed iti

aciropanatāṃ sa medinīṃ navapāṇigrahaṇāṃ vadhūm iva //

aham eva mato mahīpater iti sarvaḥ prakṛtiṣv acintayat

udadher iva nimagāśateṣv abhavan nāsya vimānanā kvacit //

na kharo na ca bhūyasā mṛduḥ pavamānaḥ pṛthivīruhān iva

sa puraskṛtamadhyamakramo namayām āsa nṛpān anuddharan //

Note: c: (^kriyo C)

Note: d: (anantarān Ct *V)

atha vīksya raghuḥ pratiṣṭhitaṃ prakṛtiṣv ātmajam ātmavat tayā

viṣayeṣu vināśadharmasu tridivasteṣv api niḥspṛho 'bhavat //

Note: b: (^vit^ N P)

Note: c: (i^ Vn)

Note: c: (iṣu Ct V)

guṇavatsutaropitaśriyaḥ pariṇāme hi dilīpavaṃśajāḥ

padavīṃ taruvalkavāsasāṃ prayatāḥ saṃyamināṃ prapedire //

Note: d: (yaminaḥ C)

tam araṇyasamāśrayonmukhaṃ śirasā veṣṭanaśobhinā sutaḥ

pitaraṃ praṇipatya pādayor aparityāgam ayācatātmanaḥ //

raghur aśrumukhasya tasya tat kṛtavān īpsitam ātmajapriyaḥ

na tu sarpa iva tvacaṃ punaḥ pratipede vyapavarjitāṃ śriyam //

Note: d: (hy C)

sa kīlaśramam antyam āśrito nivasann āvasathe purād bahiḥ

samupāsyata putrabhogyayā snūṣayevāvikṛtendriyaḥ śriyā //

praśamasthitapūrvapārthivaṃ kulam abhyudyata nūtaneśvaram

nabhasā nibhṛtendunā tulām uditārkeṇa samāruroha tat //

Note: b: (ūrjasvala^ C)

yatipārthivaliṅgadhāriṇau dadṛśate raghurāghavau janaiḥ

apavargamahodayārthayor bhuvam aṃśāv iva dharmayor gatau //

Note: c: (apavṛtti^ V)

ajitādhigamāya mantribhir yuyuje nītiviśaradair ajaḥ

anapāyipadopalabdhaye raghur āptaiḥ samiyāya yogibhiḥ //

Note: c: (a^ V)

samayujayta bhūpatir yuvā sacivaiḥ pratyaham arthasiddhaye

apunarjananopattaye prayayāḥ saṃyamibhir manīṣibhiḥ //

nṛpatiḥ prakṛtīr avekṣitum vyavahārāsanam ādade yuvā

paricetum upāṃśu dhāraṇāṃ kuśapūtaṃ pravayās tu viṣṭaram //

anuraṇjayituṃ prajāḥ prabhur vyahārāsanam ādade navaḥ

aparaḥ śuciviṣṭarasthitaḥ paricetuṃ yatate sma dhāraṇāḥ //

anayat prabhuśaktisaṃpadā vaśam eko nṛpatīn anantarān

aparaḥ praṇidhānayogyayā marutaḥ pañca śarīragocarān //

nayacakṣur ajo didṛkṣayā pararandhrasya tatāna maṇḍale

hṛdaye samaropayan manaḥ paramaṃ jyotir avekṣituṃ raghuḥ //

akarod acireśvaraḥ kṣitau dviṣadārambhaphalāni bhasmasāt

aparo dahane svakarmaṇāṃ vavṛte jñānamayena vahninā //

Note: c: (itaro ct Vt)

Note: d: (dhyāna^ V)

paṇabandhamukhān guṇān ajaḥ ṣaḍ upāyuṅkta samīkṣya tatphalam

raghur apy ajayad guṇatrayaṃ prakṛtisthaṃ samaloṣṭakāñcanaḥ //

Note: c: (agamad Vn)

na navaḥ prabhur ā phalodayāt sthirakarmā virarāma karmaṇaḥ

na ca yogavidher navetaraḥ sthiradhīr ā paramātmadarśanāt //

iti śatruṣu cendriyeṣu ca pratiṣiddhaprasareṣu jāgratau

prasitāv udayāpavargayor ubhayīṃ siddhim ubhāv avāpatuḥ //

Note: c: (^sṛtāv V)

atha kāścid ajavyapekṣayā gamayitvā samdarśanaḥ samāḥ

tamasaḥ param āpad avyayaṃ puruṣaṃ yogasamādhinā raghuḥ //

śutadehavisarjanaḥ pituś ciram aśrūṇi vimucya rāghavaḥ

vidadhe vidhim asya naiṣṭhikaṃ yatibhiḥ sārdham anagnim agnicit //

Note: c: (vitatāna samaṃ purodhasā *Vn)

Note: d: (^vit Vn])

Note: d: (kratum antyaṃ pṛthivīśatakratoḥ *Vn)

akarot sa tadaurdhvadaihikaṃ pitṛbhaktyā pitṛkāryakalpavit

na hi tena pathā tanutyajas tanayāvarjitapiṇḍakāṅkṣiṇaḥ //

Note: a: (vidadhe C)

Note: a: (ca C N P S)

sa parārdhyagater aśocyatāṃ pitur uddiśya sadarthavedibhiḥ

śamitādhir adhijyakārmukaḥ kṛtavān apratiśāsanaṃ jagat //

kṣitir indumatī ca bhāminī patim āsādya tam agryapauruṣam

prathamā bahuratnasūr abhūd aparā vīram ajījanat sutam //

daśarāsmiśatopamadyutiṃ yaśasā dikṣu daśav api śrutam

daśapūrvarathaṃ yam ākhyayā daśakaṇṭhāriguruṃ vidur budhāḥ //

Note: c: (samākhyayā At)

Note: d: (jagur Ct)

ṛṣidevagaṇasvadhābhujāṃ śrutayāgaprasvaiḥ sa pārthivaḥ

anṛṇatvam upeyivān babhau paridher mukta ivoṣṇadīdhitiḥ //

balam ārtabhayopaśāntaye viduṣāṃ saṃnataye bahu śrutam

vasu tasya na kevalaṃ guṇavattāpi paraprayojanā //

Note: b: (saṃmataye C Sd)(saṃgataye Vt)(satkṛtaye J M Ns)

Note: c: vibhor (na kevalaṃ ct)

Note: d: (am Ct Vn Sd)

sa kadācid aveṣitaprajaḥ saha devyā vijahāra suprajāḥ

nagaropavane śacīsakho marutāṃ pālayiteva nandane //

atha rodhasi dakṣiṇodadheḥ śrita gokarṇaniketam īśvaram

upavīṇayituṃ yayau raver udagāvṛttipathena nāradaḥ //

Note: b: (śruta^ Vn)

Note: d: (uday'^ ct V)

kusumair grathitām apārthivaiḥ srajam ātodyaśironiveśitām

aharat kila tasya vegavān adhivāsaspṛhayeva mārutaḥ //

bhramaraiḥ kusumānusāribhiḥ parikīrṇā parivādinī muneḥ

dadṛśe pavanāvalepajaṃ sṛjatī bāṣpam ivāñjanāvilam //

Note: b: (vini^ St V)

abhibhūya vibhūtim ārtavīṃ madhugandhātiśayena vīrudhām

nṛpater amarasrag āpa sā dayitorustanakoṭisusthitim //

Note: d: (^oraśchada^ C)

Note: d: ([^oru^ Vt] [^oraḥ^ Vn]^sthala^koṭiṣu sthit[im Vn][am Vt])

kṣaṇamātrasakhīṃ sujātayoḥ stanayos tām avalokya vihalā

nimimīla narottamapriyā hṛtacandrā tamaseva kaumudī //

Note: c: (^eśvara^ Vt)

Note: c: (narendrasundarī Sk)

Note: d: (śarvarī Sk)

vapuṣā karaṇojjhitena sā nipatantī patim apy apātayat

nanu tailaniṣekabindunā saha dīpārcir upaiti medinīm //

samam eva narādhipena sā gurusaṃmohaviluptacetanā

gurusaṃmohaviluptacetanā navadīpārcir iva kṣites talam //

Note: d: (tanu^ Sd1)(nanu Sd2)

ubhayor api pārśvavartināṃ tumu lenārtaraveṇa vejitāḥ

vihagāḥ kamalākarālayāḥ samaduḥkhā iva tatra cukruśuḥ //

Note: a: (paripārśva^ C Vt)

Note: b: (a P S)

Note: c: (^āśrayāḥ C V)

nṛpater vyajanādibhis tamo nunude sā tu tathaiva saṃsthitā

pratikāravidhānam āyuṣaḥ sati śeṣe hi phalāya kalpate //

Note: b: (ca Vt)

pratiyojayitavyavallakī-samavasthām atha sattvaviplavāt

sa nināya nitāntavatsalaḥ parigṛhyocitam aṅkam aṅganām //

sa nināya nitāntavatsalaḥ parivṛttaprathamacchaviṃ kṣaṇāt

saliloddhṛtapadminīnibhāṃ dayitām aṅkam udaśulocanaḥ //

sa nināya nitāntavatsalaḥ karaṇāpāyavibhinnavarṇayā

samalakṣyata bibhrad āvilāṃ mṛgalekhām uṣasīva candramāḥ //

vilalāpa sa bāṣpagadgadaṃ sahajām apy apahāya dhīratām

abhitaptam ayo 'pi mārdavaṃ bhajate kaiva kathā śarīriṣu //

Note: a: (sa^ Ct Sd1)(^)

Note: b: (ava^ Sd1)

Note: c: (ati^ Sd)

Note: d: (iṇām Sd)

kusumāny api gātrasaṃgamāt prabhavanty āyur apohituṃ yadi

na bhaviṣyati hanta sādhanaṃ kim ivānayat prahariṣyato vidheḥ //

atha vā mṛdu vastu hiṃsituṃ mṛdunaivārabhate prajāntakaḥ

himasekavipattir atra me nalinī pūrvanidarśanaṃ matā //

Note: d: (gatā C V)

srag iyaṃ yadi jīvitāpahā hṛdaye kiṃ nihitā na hanti mām

viṣam apy amṛtaṃ kvacid bhaved amṛtaṃ vā viṣam īśvarecchayā //

atha vā mama bhāgyaviplavād aśaniḥ kalpita eṣa vedhasā

yad anena tarur na pātitas kṣapitā tadviṭapāśritalatā //

Note: a: (suramālyarūpabhāg * Vn)

Note: b: (nirmita * Vn)

Note: c: (na pātitas taruḥ N P S)

Note: d: (^āśrayā N P S)

kṛtavaty asi nāvadhīraṇām aparādhhe 'pi yadā ciraṃ mayi

katham ekapade nirāgasaṃ janam ābhāṣyam imaṃ na manyase //

Note: d: (amuṃ C Vn)

dhruvam asmi śaṭhaḥ śucismite vidhitaḥ kaitavavatsalas tava

paralokam asaṃnivṛttaye yad anāpṛcchya gatāsi mām itaḥ //

Note: b: (kalitaḥ Sk)

Note: b: (tvayā Sk)

Note: d: (anāmantrya Sk)

dayitāṃ yadi tāvad anvagād vinivṛttaṃ kim idaṃ tayā vinā

sahatāṃ hatajīvitaṃ mama prabalām ātmakṛtena vedanām //

Note: d: (āṃ nu Vn)

surataśramasaṃbhṛto mukhe dhriyate svedalavodgamo 'pi te

atha cāstamitā 'sy aho bata dhig imāṃ dehabhṛtām asāratām //

Note: c: (v'' Vn)

surataśramavāribindavo na hi tāvad viramanti te mukhe

katham astamitā 'sy aho bata dhig imām dehavatām asāratām //

Note: b: (tu Vn)

Note: c: (svayam Vn)

Note: d: (kṣayiṇāṃ Vn)

Note: d: (^bhṛtām Vn)

Note: d: (ā Vn)

manasāpi na vipriyaṃ mayā kṛtapūrvaṃ tava kiṃ jahāsi mām

nanu śabdapatiḥ kṣiter ahaṃ tvayi me bhāvanibandhanā ratiḥ //

kusumotkacitān valīmataś calayan bhṛṅgarucas tavālakān

karabhoru karoti mārutas tvadupāvartanśaṅki me manaḥ //

Note: a: (^otkhacitān ct)(^odgrathitān Vt)

Note: a: (^bhṛtaś ct)

tad apohitum arhasi priye pratibodhena viṣādam āṣu me

jvalitena guhāgataṃ tamas tuhinādrer iva natam oṣadhiḥ //

Note: d: (au Vn)

idam ucchvasitālakaṃ mukhaṃ viśrāntakathaṃ dunoti mām

niśi suptam ivaikapaṅkajaṃ viratābhyantaraṣaṭpadasvanam //

śaśinaṃ punar eti śārvarī dayitā dvandvacaraṃ patatriṇam

iti tau virhāntarakṣamau katham atyantagatā na māṃ daheḥ //

navapallavasaṃstare 'pi te mṛdu dūyeta yad aṅgam arpitam

tad idaṃ viṣahiṣyate kathaṃ vada vāmoru citādhirohaṇam //

iyam apratibodhaśāyinīṃ raśanā tvāṃ prathamā rahaḥsakhī

gativibhramasāda nīravā na śucā nānumṛteva lakṣyte //

Note: c: (^sādi^ Ct)

Note: d: (tv'' C)

kalam anyabhṛtāsu bhāṣitaṃ kalahaṃsīṣu gataṃ madālasaṃ

pṛṭatīṣu vilolam īkṣitaṃ pavanādhūtalatāsu vibhramaḥ //

Note: b: (madālasaṃ gatam ct)

Note: c: (hariṇīṣu C)

Note: d: (^oddhūta^ C Vn)

Note: d: (āḥ ct V)

tridivotsukayāpy avekṣya māṃ nihitāḥ satyam amī guṇās tvayā

virahe tava me guruvyathaṃ hṛdayaṃ na tv avalambituṃ kṣamāḥ //

mithunaṃ parikalpitaṃ tvayā sahakāraḥ phalinī ca nanv imau

avidhāya vivāhasatkriyām anayor gamyata ivy asāṃpratam //

kusumaṃ kṛtadohadas tvayā yad aśoko 'yam udīrayiṣyati

alakābharaṇaṃ kathaṃ nu tat tava neṣyāmi nivāpalālyatām //

Note: a: (^dauhṛdas Vt)

smarateva saśabdanūpuraṃ caraṇānugraham anyadurlabham

amunā kusumāśruvarṣiṇā tvam aśokena sugātri śocyase //

tava niḥśvasitānukāribhir bakulair ardhacitāṃ samaṃ mayā

asamāpya vilāsamekhalāṃ kim idaṃ kiṃnarakaṇṭhi supyate //

Note: a: (ni^ N)

Note: a: (^ānuvādibhir V)

samaduḥkhasukhaḥ sakhījanaḥ pratipaccandranibho 'yam ātmajaḥ

aham ekarasas tathāpi te vyavasāyaḥ pratipattiniṣṭhuraḥ //

Note: b: (ātmanaḥ Vt)

dhṛtir astamitā ratiś cyutā virataṃ geyam ṛtur nirutsavaḥ

gatam ābharaṇaprayojanaṃ pariśūnyaṃ śayanīyam adya me //

Note: a: (gatiś Sk)

Note: b: (^gataṃ Sk)

Note: d: (cira^ Vn)

gṛhiṇī sacivaḥ sakhī mithaḥ priyaśiṣyā lalite kalāvidhau

karuṇāvimukhena mṛtyunā haratā tvāṃ vada kiṃ na me hṛtam //

Note: a: (ī^ At)

Note: a: (sakhā At)

Note: b: (^śikṣā^ At)

Note: d: (tvaṃ At)

Note: d: (bata Kk1 Śp)

madirākṣi madānanārpitaṃ madhu pītvā rasavat kathaṃ nu me

anupāsyasi bāṣpadūṣitaṃ paralokopanataṃ jalāñjalim //

vibhave 'pi sati tvayā vinā sukham etāvad ajasya gaṇyatām

ahṛtasya vilobhanāntarair mama sarve viṣayās tadāśrayāḥ //

Note: d: (tvad^ ct)

vilapann iti kosalādhipaḥ karuṇārthagrathitaṃ priyāṃ prati

akarot pṛthivīruhān api srutaśākhārasabhāṣpadurdinān //

Note: a: (^eśvaraḥ Ct)

Note: d: (cyuta^ Vt)

Note: d: (^dūṣitān ct)

atha tasya kathaṃcid aṅkataḥ svajanas tām apanīya sundarīṃ

visasarja kṛtāntyamaṇḍanām analāy'; āgurucandanadihase //

Note: c: (tadantya^ ct V)

Note: d: (a N P)

pramadām anu saṃsthitaḥ śucā nṛpatiḥ sann iti vācyadarśanāt

na cakāra śarīram agnisāt saha devyā na tu jīvitāśayā //

atha tena daśāhataḥ pare guṇaśeṣāṃ upadiṣya gehinīm

viduṣā vidhayo maharddhayaḥ pura evopavane samāpitāḥ //

Note: a: (aṃ Vt)

Note: b: (apa^ ct)

Note: b: (sundarīm C)(bhāminīm ct Vt)

Note: d: (vitenire C Vn)

sa viveśa purīṃ tayā vinā kṣaṇadāpāyaśaśāṅkadarśanaḥ

parivāham ivāvalokayan svaśucaḥ pauravadhūmukhāśruṣu //

atha taṃ savanāya diṣitaḥ praṇidhānād gurur āśramasthitaḥ

abhiṣaṅgajaḍaṃ vijajñivān iti śiṣyeṇa kilānvabodhayat //

Note: b: ('^āśritaḥ C V)

asamāptavidhir yato munis tava vidvān api tāpakāraṇam

na bhavantam upasthitaḥ svayaṃ prakṛtau sthāpayituṃ kṛtasthitiḥ //

Note: b: (śoka^ C Vt)

Note: d: ([pathaś ct][tataś N P] cyutam)

mayi tasya suvṛtta vartate laghusaṃdeśapadā sarasvatī

śṛṇu viśrutasattvasāra tāṃ hṛdi cainām upadhātum arhasi //

Note: b: (sphuṭa^ V)

puruṣasya padeṣv ajanmanaḥ samatītaṃ ca bhavac ca bhāvi ca

sa hi niṣpratighena cakṣuṣā tritayaṃ jñānamayena paśyati //

Note: c: (^pratimena Vt)

Note: c: (pratibhena sa cakṣuṣā munis C)

carataḥ kila duścaraṃ tapas tṛṇabindoḥ pariśaṅkitaḥ purā

prajighāya samādhibedinīṃ harir asmai hariṇīṃ surāṅganām //

sa tapaḥpratibandhamanyunā pramukhāviṣkṛtacāruvibhramām

aśapad bhava mānuṣīti tāṃ śamavelāpralayormiṇā muniḥ //

Note: a: (^pratighāta^ Vt)

Note: d: (bhuvi ct)

bhagavan paravān ayaṃ janaḥ pratikūlācaritaṃ kṣamasva me

iti copanatāṃ kṣitipṛśaṃ vivaśā śāpanivṛttikāraṇam //

Note: b: (sahasva Vp)

krathakaiśikavaṃśasaṃbhavā tava bhūtvā mahiṣī cirāya sā

upalabdhavatī divaś cyutaṃ vivaśā śāpanivṛttikāraṇam //

tad alaṃ tadapāyacintayā vipad utpattimatām upasthitā

vasudheyam avekṣyatāṃ tvayā vasumatyā hi nṛpāḥ kalatriṇaḥ //

Note: b: (vyavasthitā Vt)

udaye madavācyam ujjhatā śrutam āviṣkṛtam ātmavattayā

manasas tad upasthite jvare punar aklībatayā prakāśyatāṃ //

Note: a: (yad avācyam C V)

Note: b: ([^vat ct][nas Vn] tvayā)

Note: c: (sam^ N P S)

rudatā kuta eva sā punar bhavatā nānumṛtāpi labhyate

paralokajuṣāṃ svakarmabhir gatayo bhinnapathā hi dehinām //

Note: b: (e ca Vt)

Note: b: (ānumṛter avāpyate Vk)

Note: d: (āḥ śarīriṇām C Vk)

ruditena na sā nivartate nṛpa tat tāvad anrthakaṃ tava

na bhavān anusaṃsthito 'pi tāṃ labhate karmavaśā hi dehinaḥ //

apaśokamanāḥ kuṭumbinīm anugṛhṇīṣva nivāpadattibhiḥ

svajanāśru kilātrisaṃtataṃ dahati pretam iti pracakṣate //

maraṇaṃ prakṛtiḥ śarīriṇāṃ vikṛtir jīvitam ucyate budhaiḥ

kṣaṇam apy avatiṣṭhate śvasan yadi jantur nanu lābhavān asau //

avagacchati mūḍhacetanaḥ priyanāśaṃ hṛdi śalyam arpitam

sthiradhīs tu tad eva manyate kuśaladvāratayā samuddhṛtam //

Note: c: (itaras C)

avagacchati mūḍhacetanaḥ śruta dhṛtasaṃyogaviparyayau yadā

virahaḥ kim ivānutāpayed vada bāhyair viṣayair vipaścitam //

Note: b: (śruti^ S)(kṣaṇa^ C Vt)

Note: b: (smṛta^ Vp)

Note: b: (smṛtau Vn)

Note: c: (kam V)

Note: d: (nṛpa C)

na pṛthagjanavac chuco vaśaṃ vaśinām uttama gantum arhasi

drumasānumatāṃ kim antaraṃ yadi vāyau dvitaye 'pi te calāḥ //

Note: d: (cāpalāḥ Vt)

sa tatheti vinetur udāramateḥ pratigṛhya vaco visasarja munim

tad alabdhapadaṃ hṛdi śokaghane pratiyātam ivāntikam asya guroḥ //

tenāṣṭau parigamitāḥ samāḥ kathaṃcid bālatvād avitathasūnṛtena sūnoḥ

sādṛśyapratikṛtidarśanaiḥ priyāyāḥ svapneṣu kṣaṇikasamāgamtosavaiś ca //

tasya prasahya hṛdayaṃ kila śokaśaṅkuḥ plakṣapraroha iva saudhatalaṃ bibheda

prāṇāntahetum api taṃ bhiṣajām asādhyaṃ lābhaṃ priyānugamane tvarayā sa mene //

Note: d: (a^ ct Vn)

samyagvinītam atha varmaharaṃ kumāram ādiśya rakṣaṇavidhau vidhivat prajānām

rogopasṛṣṭatanudurvasatiṃ mumukṣuḥ prāyopaveśanamatir nṛpatir babhūva //

tīrthe toyavyatikarabhave jahnukanyāsaryvor dehatyāgād amaragaṇanālekhyam āsādya sadyaḥ

pūrvākārādhikatararucā saṃgataḥ kāntayāsau līlāgāreṣv aramata punar nandanābhyantareṣu //

Note: b: (^nyāsād Dl)

Note: c: (^caturayā ct Vn)

Note: d: (na kṣamābhyantareṣu Kn)

pitur anantaram uttarkosalān samadhigamya samādhijitendriyaḥ

daśarathaḥ praśaśāsa mahāratho yamavatām avatāṃ ca dhuri sthitaḥ //

Note: a: (āṃ Vv)

adhigataṃ vidhivad yad apālayat prakṛtimaṇḍalam ātmakulocitam

abhavad asya tato guṇavattaraṃ sanagaraṃ nagarandhrakaraujasaḥ //

Note: c: (^tatparaṃ S V)

ubhayam eva vadanti manīṣiṇaḥ samayavarṣitayā kṛtakarmaṇām

valaniṣūdanam arthpatiṃ ca taṃ śramanudaṃ manudaṇḍaharānvayam //

janapade na gadaḥ padam ādadhāv abhibhavaḥ kuta eva sapatnajaḥ

kṣitir abhūt phalavaty ajanandane śamarate 'maratejasi pārthive //

Note: c: (kṛṣir C V)

daśadigantajitā raghuṇā yathā śriyam apuṣyad ajena tataḥ param

tam adhigamya tathaiva punar babhau na na mahī 'nam ahīnaparākramam //

samatayā vasuvṛṭivisarjanair niyamanād asatāṃ ca narādhipaḥ

anuyayau yamapuṇyajaneśvarau savaruṇāv aruṇāgrasaraṃ rucā //

na mṛgayābhiratir na durodaraṃ na ca śaśipratimābharaṇaṃ madhu

tam udayāya na vā navayauvanā priyatamā yatamānam apāharā //

Note: c: (āḥ Vn)

Note: d: (ā[ḥ] Vn)

Note: d: (an Vn)

na kṛpaṇā prabhavaty api vāsave na vitathā parihāsakathāsv api

na ca sapatnajaneṣv api tena vāg aparuṣā paruṣākṣaram īritā //

Note: c: (api V)

Note: c: (ena na V)

udayam astamayaṃ ca raghūdvahād ubhayam ānaśire vasudhādhipāḥ

sa hi nideśam alaṅghayatām abhūt suhṛd ayohṛdayaḥ pratigarjatām //

ajayad ekarathena sa medinīm udadhinemim adhijyaśarāsanaḥ

jayam aghoṣayad asya tu kevalaṃ gajavatī javatīrahayā camūḥ //

Note: c: (hi C V)

jaghananirviṣayīkṛtamekhalān anucitāśruviluptaviśeṣakān

sa ripudāragaṇān akarod balād analakān alakādhipavikramaḥ //

avanim ekarathena varūthinā jitavataḥ kila tasya dhanurbhṛtaḥ

vijayadundubhitāṃ yayur arṇavā ghanaravā naravāhanasaṃpadaḥ //

śamitapakṣabalaḥ śitakoṭinā śikhariṇāṃ kuliśena puraṃdaraḥ

sa sāravṛṣṭimucā dhanuṣā dviṣāṃ svanavatā navatāmarasānanaḥ //

Note: a: (śata^ ct)

sphuritakoṭisahasramarīcinā samacinot kuliśena harir yaśaḥ

sa dhanuṣā yudhi sāyakavarṣiṇā svanavatā navatāmarasānanaḥ //

caraṇayor nakharāgasamṛddhibhir mukuṭaratnamarīcibhir aspṛśan

sa dhanuṣā yudhi sāyakavarṣiṇā śatamakhaṃ tam akhaṇḍitapauruṣam //

nivavṛte sa mahārṇavarodhasaḥ sacivakāritabālasutāñjalīn

samanukampya sapatnaparigrahān analakān alakānavamāṃ purīm //

Note: d: (ām iva tāṃ C)

upagato 'pi ca maṇḍalanābhitām anuditānyasitātapavāraṇaḥ

ajitam asti nṛpāspadam ity abhūd analaso 'nalasomasamadyutiḥ //

Note: b: (^cāraṇaḥ Vn)

Note: c: (śriyam avekṣya sa randhracalām ct *V)

kratuṣu tena visarjitamaulinā bhujasamāhṛtadigvasunā kṛtāḥ

kanakayūpasamucchrayaśobhino vitamasā tamasārasyūtaṭāḥ //

ajinadaṇḍabhṛtaṃ kuśamekhalāṃ yatagiraṃ mṛgaśṛṅgaparigrahām

adhivasaṃs tanum adhvaradīkṣitām asambhāsam abhāsayad īśvaraḥ //

Note: b: (jita^ V)

avabhṛtaprayato niyatendriyaḥ surasamājasamākramaṇocitaḥ

namayati sma sa kevalam unnataṃ vanamuce namucer araye śiraḥ //

Note: a: ('pi jit'^ V)

tam apahāya kakutsthakulodbhavaṃ puruṣam ātmabhuvaṃ ca pativratā

nṛpatim anyam asevata devatā sakamalā kam alāghavam arthiṣu //

Note: a: (^odvahaṃ Vp)

Note: b: (^bhavaṃ ct Vp)

sa kila saṃyugamūrdhni sahāyatāṃ maghavataḥ pratipadya mahārathaḥ

svabhujavīryam agāpayad ucchritaṃ suravadhūr avadhūtabhayāḥ śaraiḥ //

Note: b: (^bhujaḥ C)

Note: c: (ūrjitaṃ Vt)

asakṛd ekarathena tarasvinā harihayāgrasareṇa dhanurbhṛtā

dinakarābhimukhā raṇareṇavo rurudhire rudhireṇa suradviṣām //

Note: a: (eva hitena Vn)

tam alabhanta patiṃ patidevatāḥ śikhariṇāṃ iva sāgaram āpagāḥ

magadhakosalakekayaśasināṃ duhitaro 'hitaropitamārgaṇam //

Note: c: (malaya^ Vn)

priyatamābhir asau tiṛbhir babhau tisṛbhir eva bhuvaṃ saha śaktibhiḥ

upagato vininīṣur iva prajā harihayo 'rihayogavicakṣaṇaḥ //

atha samāvavṛte kusumair navais tam iva sevitum ekanarādhipam

yamakuberjaleśvaravajriṇāṃ samadhuraṃ madhur añcitavikramam //

Note: a: (mahendrasamaṃ C)

Note: c: (upayayau bhujagena mahībhṛtā C)

jigamiṣur dhanadādhyuṣitāṃ diśaṃ rathayujā parivartitavāhanaḥ

dinamukhāni ravir himanirgrahair vimalayan malayaṃ nagam atyajat //

Note: c: (^nigraihair ct)

himavivarṇitacandanapallavaṃ virahayan malayādrim udaṅmukhaḥ

vihagayoḥ kṛpayeva śanair yayau ravir aharvirahadhruvabhedayoḥ //

kusumajanma tato navapallavās tadanu ṣaṭpadakokilakūjitam

iti yathākramam āvirabhūn madhur drumavatīm avatīrya vanasthalīm //

Note: b: (u^ C Vn)

surabhisaṃgamajaṃ vanamālayā navapalāśam adhāryata bhaṅguram

ramaṇadattam ivārdranakhakṣataṃ pramadayā madayāpitalajjayā //

upahitaṃ śiśirāpagamaśriyā mukulajālam aśobhata kiṃśuke

praṇayinīva nakhakṣatamaṇḍanaṃ pramadayā madayāpitalajjayā //

Note: b: (kusuma^ C)

parabhṛtā madanakṣatacetasāṃ priyasakhī laghuvāg iva yoṣitām

priyatamān akarot kalahāntare mṛduravā duravāpasamāgamān //

vraṇagurupramadādharaduḥsahaṃ jaghananirviṣayīkṛtamekhalam

na khalu tāvad aśeṣam apohituṃ ravir alaṃ viralaṃ kṛtavān himam //

viśadacandrakaraṃ sukhamārutaṃ kusumitadrumam unmadakokilam

tad upabhogarasaṃ himavarṣiṇaḥ param ṛtor viralaṃ kṛtavān himam //

abhinayān paricetum ivodyatā malayamārutakampitapallavā

amadayat sahakāralatā manaḥ sakalikā kalikāmajitām api //

nayaguṇopacitām iva bhūpateḥ sadupakāraphalāṃ śriyam arthinaḥ

abhiyayuḥ saraso madhusaṃbhṛtāṃ kamalinīm alinīrapatriṇaḥ //

Note: c: (śataśo C)

daśanacandrikayā vyabhāsitaṃ hasitam āsavagandhi madhor iva

bakulapuṣpam asevyata ṣaṭpadaiḥ śucirasaṃ cirasaṃcitam īpsubhiḥ //

kusumam eva na kevalam ārtavaṃ navam aśokataroḥ smaradīpanam

kisalayaprasavo 'pi vilāsināṃ madayitā dayitāśravaṇārpitaḥ //

viracitā madhunopavanśriyām abhinavā iva pattraviśeṣakāḥ

madhulihāṃ madhudānaviśāradāḥ kurabakā ravakāraṇatāṃ yayuḥ //

suvadanāvadanāsavasaṃbhṛtas tadanuvādiguṇaḥ kusumodgamaḥ

madhukarair akaron madhulolupair bakulam ākulam āyatapaṅktibhiḥ //

suvadanāvadanāsavasaṃbhṛtas tadanuvādiguṇaḥ kusumodgamaḥ

iti dayāta ivābhavad āyatā na rajanī rajanīśavatī madhau //

prathamam anyabhṛtābhir udīritāḥ praviralā iva mugdhavadhūkathāḥ

surabhigandhiṣu śuśruvire giraḥ kusumitāsu mitā vanarājiṣu //

śrutisukhabhramarasvanagītayaḥ kusumakomaladantaruco babhuḥ

upavanāntalatāḥ pavanāhataiḥ kisalayaiḥ salayair iva pāṇibhiḥ //

Note: b: (^kesara^ Ct)

lalitavibhramabandhavicakṣaṇaṃ surabhigandhaparājitakesaram

patiṣu nirviviśur madhum aṅganāḥ smarasakhaṃ rasakhaṇḍanavarjitam //

Note: a: (^manoharaṃ C)

Note: c: (madam Vn)

tilakamastakaharmyakṛtāspadaiḥ kusumamadhvanuṣaṅgasugandhibhiḥ

kalam agīyata bhṛṅgavilāsināṃ smarayutair ayutair abalāsakhaiḥ //

śuśubhire smitacārutarānanāḥ striya iva ślathaśiñjitamekhalāḥ

vikacatāmarasā gṛhadīrghikā madakalodakalolavihaṃgamāḥ //

Note: a: (^vilocanāḥ Sc)

laghayati sma na patyaparādhajaṃ na sahakāratarus taruṇīdhṛtam

kusumito namito 'libhir unmadaiḥ smarasamādhisamādhikaroṣitam //

upayayau tanutāṃ madhukhaṇḍitā himakarodayapāṇḍumukhacchaviḥ

sadṛśam iṣṭasamāgamanirvṛtiṃ vanitayā 'nitayā rajanīvadhūḥ //

Note: c: (sadṛśam iṣṭasamāgamanivṛtiṃ Vv)

Note: c: (śamayituṃ priyasaṃjanitāṃ śucam *Vn)

Note: d: (vanitayā 'nitayā rajanīvadhūḥ Vv)

Note: d: (asahayā saha yāmavatī striyā *Vn)

apatuṣāratayā viśadaprabhaiḥ suratarāga pariśramanodibhiḥ

kusumacāpam atejayad aṃśubhir himakaro makarojitaketanam //

Note: b: (^saṅga^ ct)

hutahutāśanadīpti vanśriyaḥ pratinidhiḥ kanakābharaṇasya yat

yuvatayaḥ kusumaṃ dadhur āhitaṃ tad (?) alake dalakesarapeśalam //

alibhir añjanabindumaoharaiḥ kusumapaṅktinipātibhir aṅkitaḥ

na khalu śobahayit sma vanasthalīṃ na tilakas tilakaḥ pramadām iva //

amadayan madghugandhasanāthayā kisalayādharasaṃgatayā manaḥ

kusumasaṃbhṭtayā navamallikā smitarucā tarucāruvilāsinī //

Note: b: (^saṃtatayā N P)

Note: b: (^saṃgata^rāgayā *Vn)

Note: c: (^bhāra^natā Ct)

Note: d: (aḥ * Vn)

analasānyabhṛtā 'nalasān manaḥ kamaladhūlibhṛtā maruteritā

kusumabhāranatādhvagayoṣitām asamaśokam aśokalatā 'karot //

aruṇarāganiṣedhibhir aṃśukaiḥ śravaṇalabdhapadaiś ca yavāṅkuraiḥ

parabhṛtāvirutaiś ca vilāsinaḥ smarabalair abalaikarasāḥ kṛtāḥ //

Note: a: (^niṣevibhir Vn)

upacitāvayavā śucibhiḥ kaṇair alikadambakayogam upeyuṣī

sadṛśakāntir alakṣyata mañjarī tilakajā 'lakajālakamauktikaiḥ //

dhvajapaṭaṃ madanasya dhanurbhṛtaś chavikaraṃ mukhacūrṇam ṛtuśriyaḥ

kusumakesarareṇum alivrajāḥ sapavanopavanotthitam anvayuḥ //

anubhavan navadolam ṛtūtsavaṃ paṭur pai priyakaṇṭhajigṛkṣayā

anayad āsanarajjuparigrahe bhujalatāṃ jaḍatām abalājanaḥ //

Note: a: (a^mṛdustavaṃ Ak)

Note: d: (l N Ns P)

tyajata mānam alaṃ bata bigrahair na punar eti gataṃ caturaṃ vayaḥ

parabhṛtābhir itīva nivedite smaramate ramate sma vadhūjanaḥ //

Note: b: (aiti J M)

atha yathāsukham ārtavam utsavaṃ samanubhūya vilāsavatīsakhaḥ

narapatiś cakame mṛgayāratiṃ sa madhumanmadhumanmathasaṃnibhaḥ //

paricayaṃ calakṣyanipātane bhayaruṣoś ca tadiṅgitabodhanam

śramajayāt praguṇāṃ ca karoty asau tanum ato 'numataḥ sacivair yayau //

Note: b: (^aṅkita^ Vn)

Note: c: (i sā V)

mṛgavanopagamakṣamaveṣabhṛd vipulakaṇṭhaniṣaktaśarāsanaḥ

gaganam aśvakhuroddhuta reṇubhir nṛsavitā savitānam ivākarot //

Note: c: (^oddhura^ Vn)

Note: d: (sa vitānam ct Mc)

grathitamaulir asau vanamālayā taru palāśasavarṇatanucchadaḥ

turagavalganacaṇcalakuṇḍalo viruruce ruruceṣṭitabhūmiṣu //

Note: b: (nava^ C)(^tanu Vt)

tanulatāviniveśitavigrahā bhramarasaṃkramitekṣaṇavṛttayaḥ

dadṛṣur adhvani taṃ vanadevatāḥ sunayanaṃ nayananditakosalam //

Note: a: (taru^ C Vn)

śvagaṇvāgurikaiḥ prathamāsthitaṃ vyapagatānaladasyu viveśa saḥ

sthiraturaṃgamabhūmi nipānavan mṛgavayogavayopacitaṃ vanam //

Note: a: (^guṇa Vn)(^guṇi^ Vt)

Note: a: (^āśritaṃ C Vn)

atha nabhasya iva tridaśāyudhaṃ kanakapiṅgataḍidguṇasaṃyutam

dhanur radhijyam anādhir upādade naravaro ravaroṣitakesarī //

Note: b: (^saṃgatam C N P)

tasya stanapraṇayibhir muhur eṇaśāvair vyāhanyamānahariṇīgamanaṃ purastāt

āvirbabhūva kuśagarbhamukhaṃ mṛgāṇāṃ yūthaṃ tadagrasaragarvitakṛṣnasāram //

tat prārthitaṃ javanvājigatena rājñā tūṇīmukhoddhṛtaśareṇa viśīrṇapaṅkti

śyāmīcakāra vanam ākuladṛśṭipātair vateritotpaladalaprakarair ivāmbhaḥ //

Note: d: (vāyv^īrit'^ Vn)

Note: d: (ārdraiḥ ct)

lakṣyīkṛtasya hariṇasya hariprabhāvaḥ prekṣya sthitāṃ sahacarīṃ vyavadhāya deham

ākarṇakṛṣṭam api kāmitayā sa dhanvī bāṇaṃ kṛpāmṛdhumanāḥ pratisaṃjahāra //

Note: a: (lakṣī^ C Sm)

Note: b: (kāyam V)

tasyāpareṣv api mṛgeṣu śarān mumukṣoḥ karṇāntam etya bibhide nibiḍo 'pi muṣṭiḥ

trāsātimātracaṭulaiḥ smarayatsu netraiḥ prauḍhapriyānayanavibhramaceṣṭitāni //

Note: c: (smarataḥ sunetraiḥ ct * V)

uttasthuṣaḥ śiśirapalvalapaṅkamadhyān mustāprarohakavalāvayavānukīrṇam

jagrāha sa drutavarāhakulasya mārgaṃ suvyaktam ārdrapadapaṅktibhir āyatābhiḥ //

Note: a: (sapadi ct)

Note: b: (guñjā^ V)(gundrā^ Vt)

taṃ vāhanād avanatottarakāyam īṣad vidhyantam uddhatasaṭāḥ pratihantum īṣuḥ

nātmānam asya vividuḥ sahasā varāhā vṛkeṣu viddham iṣubhir jaghanāśrayeṣu //

Note: b: (uddhṛta^ J M Ns)

Note: d: (^āśriteṣu Vn)

tenābhighātarabhasasya vikṛṣya pattrī vanyasya netravivare mahiṣasya muktaḥ

nirbhidya vigraham aśoṇitaliptapuṅkhas taṃ pātayāṃ prathamam āsa papāta paścāt //

Note: b: (vandyasya At)

Note: c: (nirbhinna^ At)

Note: c: (^śalyas C V)(^gātras At)

prāyo viṣāṇaparimoṣalaghūttamāṅgān khaḍgāṃś cakāra nṛpatir niśitaiḥ kṣurapraiḥ

śṛṇgaṃ sa dṛptavinayādhikṛtaḥ pareṣām abhyucchritaṃ na mamṛṣe na tu dīrgham āyuḥ //

Note: a: (^parimokṣa^ N P S)

Note: d: (aty^ ct)

vyāghrān abhīr abhimukhopatitān guhābhyaḥ phullāsanāgraviṭapān iva vāyurugṇān

śikṣāviśeṣalaghuhastatayā nimeṣāt tūṇīcakāra śarapūritavaktrarandhrān //

Note: b: (vāta^ C Sm)

Note: b: (^bhagnān C Vn)

nirghātograiḥ kuñjalīnāñ jighāṃsur jyānirghoṣaiḥ kṣobhayām āsa siṃhān

nūnaṃ teṣām abhyasūyāparo 'bhūd vīryodagre rājaśabde mṛgeṣu //

Note: c: ('sau Kn Vk)

Note: d: (āṇām Ct V Mv Kn Vk)

tān hatvā gajakulabaddhatīvravairān kākutsthaḥ kuṭilanakhāgralagnamuktān

ātmānaṃ raṇakṛtakarmaṇāṃ gajānām ānṛṇyaṃ gatam iva mārgaṇair amaṃsta //

tān hatvā gajakulabaddhatīvravairān kākutsthaḥ kuṭilanakhāgralagnamuktān

ātmānaṃ raṇakṛtakarmaṇāṃ gajānām ānṛṇyaṃ gatam iva mārgaṇair amaṃsta //

camarān paritaḥ pravartitāśvaḥ kvacid ākarṇavikṛṣṭabhallavarṣī

nṛpatīn iva tān viyojya sadyaḥ sitavālavyajanair jagāma śāntim //

Note: a: (vi^ Ct V)

Note: a: (drutam anvayata kvacic ca yūthaṃ Vv)

Note: b: (^ni^ Vn]

Note: b: (camarāṇāṃ śaralagnavāladhīnām Vv)

Note: c: (nināya śāntiṃ V)

Note: d: (viyojya sadyaḥ V)

api turagasamīpād utpatantaṃ mayūraṃ na sa rucirakalāpaṃ bāṇalakṣyī cakāra

sapadi gatamanaskaś citramālyānukīrṇe rativigalitabandhe keśapāśe priyāyāḥ //

Note: b: (^lakṣī^ C As Cm Cmk Sm)

tasya karkaśavihārsaṃbhavaṃ svedam ānanavilagnajālakam

ācacāma satuṣāraśīkaro bhinnapallavapuṭo vanānilaḥ //

Note: c: (^śītalo C V)

iti vismṛtānyakaraṇīyam ātmanaḥ sacivāvalambitadhuraṃ narādhipam

parivṛddharāgam anubhandhasevayā mṛgayā jahāra catureva kāminī //

Note: b: (dhar^ ct)

Note: c: (anubaddha^ Sk)

sa lalitakusumapravālaśayyāṃ jvalitamahauṣadhidīpikāsanāthām

narapatir ativāhayāṃ babhūva kvacid asametaparicchadas triyāmām //

Note: a: (sulaltia^ Ct Vn)

uṣasi sa gajayūthakarṇatālaiḥ paṭupaṭadhavanibhir vinītanidraḥ

aramata madhurāṇi tatra śṛṇvan vihagavikūjitabandimaṅgalāni //

Note: a: (ca Ct Vn)

Note: b: (vidhūta^ C)

Note: c: (a^svarāṇi C V)

atha jātu ruror gṛhītavartmā vipine pārśvacarair alakṣyamāṇaḥ

śramaphenamucā tapasvigāḍhāṃ tamasāṃ prāpa nadīṃ turaṃgameṇa //

kumbhapūraṇabhavaḥ paṭur uccair uccacāra nando 'mbhasi tasyāḥ

tatra sa dviradabṛṃhitaśaṅkī śabdapātinam iṣuṃ visasarja //

nṛpateḥ pratiṣiddham eva tat kṛtavān paṅktiratho vilaṅghya yat

apathe padam arpayanti hi śrutavanto 'pi rajonimīlitāḥ //

Note: a: (yat C Vn)

Note: b: (tat C Vn)

hā tāteti kranditam ākarṇya viṣaṇṇas tasyānviṣyan vetasagūḍhaṃ prabhavaṃ saḥ

śalyaprotaṃ prekṣya sakumbhaṃ muniputraṃ tāpād antaḥśalya ivāsīt kśitipo 'pi //

Note: b: (a^ N P S)

Note: c: (vīkṣya C)

tenāvatīrya turagāt prathitāngvayena pṛṣṭānvayaḥ sa jalakumbhaniṣaṇṇadehaḥ

tasmai dvijetaratapasvisutaṃ skhaladbhir ātmānam akṣarapadaiḥ kathayāṃ babhūva //

Note: c: (aḥ C Vn)

taccoditaḥ ca tam anuddhrṛtaśalyam eva pitroḥ sakāśam avasannadṛśor nināya

tābhyāṃ tathāgatam upetya tam ekaputram ajñānataḥ svacaritaṃ nṛpatiḥ śaśaṃsa //

Note: a: (^n noditaḥ C V)

Note: a: (sa Ns2)

tau daṃpatī bahu vilapya śiśoḥ prahartrā śalyaṃ nikhātam udahārayatām urastaḥ

so 'bhūt parāsur atha bhūmipatiṃ śaśāpa hastārpitair nayanvāribhir eva vṛddhaḥ //

diṣṭāntam āpsyati bhavān api putraśokād ante vayasy aham iveti tam uktavantam

ākrāntapūrvam iva muktaviṣaṃ bhujaṃgaṃ provāca kosalapatiḥ prathamāparāddhaḥ //

Note: a: (diṣṭy^ Vn)

Note: b: (antye ct)

Note: d: (^āparādhaḥ C V)

śāpo 'py adṛṣṭatanayānanapadmaśobhe sānugraho bhagavatā mayi pātito 'yam

kṛṣyāṃ dahann api khalu kṣitim indhaneddho bījaprarohajananīṃ jvalanaḥ karoti //

Note: c: (kakṣaṃ Vt)

Note: d: (dahanaḥ C Ku)

itthaṃ gate gataghṛṇaḥ kim ayaṃ vidhattāṃ vadhyas tavety abhitite vasudhādhipena

edhān hutāśanavataḥ sa munir yayāce putraṃ parāsum anugantumanāḥ sadāraḥ //

Note: b: (o ct)

prātānugaḥ sapadi śāsanam asya rājā saṃpādya pātakaviluptadhṛtir nivṛttaḥ

antarniviṣṭapadam ātmavināśahetuṃ śāpaṃ dadhaj jvalanam aurvam ivāmburāśiḥ //

tadartham arthajñagate gatatrapaḥ kim eṣa te vadhyajano 'nusiṣṭhatu

sa vahnisaṃskāram ayācatātmanaḥ sadārasūnor vidadhe ca tan nṛpaḥ //

sameyivān raghuvṛṣabhaḥ svasainikaiḥ svamandiraṃ śithiladhṛtir nivartitaḥ

manogataṃ guruṃ ṛṣiśāpam udvahan kṣayānalaṃ jaladhir ivāntakāspadam //

pṛthivīṃ śāsatas tasya pākaśāsanatejasaḥ

kiṃcidūnam anūnarddheḥ śaradām ayutaṃ yayau //

na copalebhe pūrveṣām ṛṇanirmokṣasādhanam

sutābhidhānaṃ sa jyotiḥ śaradām ayutaṃ yayau //

manor vaṃśaś ciraṃ tasminn anabhivyaktasaṃtatiḥ

nimajjya punar utthāsyan nadaḥ śoṇa ivābhavat //

atiṣṭhat pratyayāpekṣa-saṃtatiḥ sa ciraṃ nṛpaḥ

prāṅ manthād anabhivyakta-ratnotpattir ivārṇavaḥ //

ṛṣyaśṛṅgādayas tasya santaḥ saṃtānakāṅkṣiṇaḥ

ārebhire jitātmānaḥ putrīyām iṣṭim ṛtvijaḥ //

Note: c: (yat'^ Vn)

tasminn avasare devāḥ paulastyopaplutā harim

abhijagmur nidāghārtāś chāyāvṛkṣam ivādhvagāḥ //

te ca prāpur udanvataṃ bubudhe cādipūruṣaḥ

avyākṣepo bhaviṣyantyāḥ kāryasiddher hi lakṣaṇam //

bhogibhogādanāsīnaṃ dadṛśus taṃ divaukasaḥ

tatphaṇāmaṇḍalodarcir-maṇidyotitavigraham //

śriyaḥ padmaniṣaṇṇāyāḥ kṣaumāntaritamekhale

aṅke nikṣiptacaraṇam āstīrṇakarapallave //

prabuddhapuṇḍarīkākṣaṃ bālātapanibhāṃśukam

divasaṃ śāradam iva prārambhasukhadarśanam //

prabhānuliptaśrīvatsaṃ lakṣmīvibhramadarpaṇam

kautsubhākhyam apāṃ sāraṃ bibhrāṇaṃ bṛhatorasā //

Note: d: (bibhrataṃ V)

bāhubhir viṭapākārair divyābharaṇabhūṣitaiḥ

āvirbhūtam apāṃ madhye pārijātam ivāparam //

Note: c: (payo^ C V)

Note: c: (āt C V)

daityastrīgaṇḍalekhānāṃ madarāgavilopibhiḥ

hetibhiś cetanāvadbhir udīritajayasvanam //

Note: a: (^galla^ Vt)

Note: b: (^odgāra^ Vt)

Note: c: (āyudhaiś Ct)

muktaśeṣavirodhena kuliśavraṇalakṣmaṇā

upasthitaṃ prāñjalinā vinītena garutmatā //

Note: d: (garutmanā Vn)

yoganidrāntaviśadaiḥ pāvanair avalokanaiḥ

bhṛgvādīn anugṛhṇantaṃ saukha śāyanikān ṛṣīn //

Note: b: (avalokitaiḥ Vt)

Note: d: (saukhya^ Vn)

praṇipatya surās tasmai śamayitre suradviṣām

athainaṃ tuṣṭuvuḥ stutyam avāṅmanasagocaram //

namo viśvasṛje pūrvaṃ viśvaṃ tadanu bibhrate

atha viśvasya saṃhartre tubhyaṃ tredhāsthitātmane //

rasāntarāṇy ekarasaṃ yathā divyaṃ payo 'śnute

deśe deśe guṇeṣv evam avasthās tvam avikriyaḥ //

ameyo mitalokas tvam anarthī prārthanāvahaḥ

ajito jiṣṇur atyantam avyakto vyaktakāraṇam //

ekaḥ kāraṇatas tāṃ tām avasthāṃ pratipadyase

nānātvaṃ rāgasaṃyogāt sphaṭikasy'eva te smṛtam //

Note: d: (u St Vn)

hṛdayastham anāsannam akāmaṃ tvāṃ tapasvinam

dayālum anaghaspṛṣṭaṃ purāṇam ajaraṃ viduḥ //

Note: c: (^a^dayā^ *V)

sarvajñas tvam avijñātaḥ sarvayonis tvam ātmabhūḥ

sarvaprabhur anīśas tvam ekas tvaṃ sarvarūpabhāk //

saptasāmopagītaṃ tvāṃ saptārṇavajaleśayam

saptārcirmukham ācakhyuḥ saptalokaikasaṃśrayam //

Note: c: (^cakṣuḥ Vn)

caturvargaphalaṃ jñānaṃ kālāvasthā caturyugā

caturvarṇamayo lokas tvattaḥ sarvaṃ caturmukhāt //

Note: b: (āś ct Vn)

Note: b: (āḥ ct Vn)

abhyāsanigṛhītena manasā hṛdayāśrayam

jyotirmayaṃ vicinvanti yoginas tvāṃ vimuktaye //

ajasya gṛhṇato janma nirīhasya hatadviṣaḥ

svapato jāgarūkasya yāthātmyaṃ veda kas tava //

Note: d: (ārthyaṃ ct)

śabdādīn viṣayān bhoktuṃ carituṃ duścaraṃ tapaḥ

paryāpto 'si prajāḥ pātum audāsīnyena vartitum //

bahudhāpy āgamair bhinnāḥ panthānaḥ siddhihetavaḥ

tvayy eva nipatanty oghā jāhnavīyā ivārṇave //

tvayy āveśitacittānāṃ tvatsamarpitakarmaṇām

gatis tvaṃ vītarāgāṇām abhūyaḥsaṃnivṛttaye //

Note: a: (tvad^ Ct V)

pratyakṣo 'py aparicchedyo mahyādir mahimā tava

āptavāganumānābhyāṃ sādhyaṃ tvāṃ prati kā kathā //

kevalaṃ smaraṇenaiva punāsi puruṣaṃ yataḥ

anena vṛttayaḥ śeṣā niveditaphalās tvayi //

Note: a: (āpi Ct V)

Note: b: (yadā C Vn)

udadher iva ratnāni tejāṃsīva vivasvataḥ

stutibhyo vyatiricyante dūreṇa caritāni te //

Note: a: (toyāni C)

Note: d: (āṇi ct)

anavāptam avāptavyaṃ na te kiṃcana vidyate

lokānugraha evaiko hetus te janmakaramaṇoḥ //

Note: b: (^cin na Vn)

mahimānaṃ yad utkīrtya tava saṃhriyate vacaḥ

śrameṇa tad aśaktyā vā na guṇānām iyattayā //

iti prasādayām āsus tava saṃhriyate vacaḥ

bhūtārthavyāhṛtiḥ sā hi na stutiḥ parameṣṭhinaḥ //

tasmai kuśalasaṃpraśna-vyañjitaprītaye surāḥ

bhayam apralayodvelād ācakhyur nairṛtodadheḥ //

Note: d: (^cakṣur Vn)

atha velāsamāsanna-śailarandhrānunādinā

svareṇovāca bhagavān paribhūtārṇavadhvaniḥ //

Note: b: (vādinā N P)

purāṇasya kaves tasya varṇasthānasamīritā

babhūva kṛtasaṃskārā caritārthaiva bhāratī //

Note: c: (pada^ V)

babhau sa daśanajyotsnā sā vibhor vadanodgatā

niryātaśeṣā caraṇād gaṅgevordhvapravartinī //

Note: a: (babhāse Vt)

Note: d: (anī C)

jāne vo rakṣasākrāntāv anubhāvaparākramau

aṅgināṃ tamasevobhau guṇau prathmamadhyamau //

viditaṃ tapyamānaṃ ca tena me bhuvantrayam

akāmopanateneva sādhor hṛdayam enasā //

Note: a: (tu Vn)

kāryeṣu caikakāryatvād abhyarthyo 'smi na vajriṇā

svayam eva hi vāto 'gneḥ sārathyaṃ pratipadyate //

Note: b: (nāsmi C)

svāsidhārāparihṛtaḥ kāmaṃ cakrasya tena me

sthāpito daśamo mūrdhā lavyāṃśa iva rakṣasā //

Note: d: (labhy'^ ct)

sraṣṭur varātisargāt tu mayā tasya durātmanaḥ

atyārūḍhaṃ ripoḥ soḍhaṃ candaneva bhoginaḥ //

Note: a: (ca C N P S)

Note: c: (sahyaṃ Mn V)

dhātāraṃ tapasā prītaṃ yayāce sa hi rākṣasaḥ

daivāt sargād avadhyatvaṃ martyeṣv āsthāparāṅmukhaḥ //

so 'haṃ dāśarathir bhūtvā raṇabhūmer balikṣamam

kariṣyāmi śarais tīkṣṇais tacchiraḥkamaloccayam //

acirād vajvabhir bhāgaṃ kalpitaṃ vidhivat punaḥ

māyāvibhir anālīḍham ādāsyadhve miśācaraiḥ //

vaimānikāḥ puṇyakṛtas tyajantu marutāṃ pathi

puṣpakālokasaṃkṣobhaṃ meghāvaraṇatatparāḥ //

moṣyadhve svargabandīnāṃ veṇībandhān adūṣitān

śāpayantritapaulastya-balātkārakacagrahaiḥ //

Note: a: (sura^ C V)

rāvaṇāvagrahaklāntam iti vāgamṛtena saḥ

abhivṛṣya marutsasyaṃ kṛṣṇameghas tirodadhe //

puruhūtaprabhṛtayaḥ surakāryodyataṃ surāḥ

aṃśair anuyayur viṣṇuṃ puṣpair vāyum iva drumāḥ //

atha tasya viśāṃpatyur ante kāmyasya karmaṇaḥ

puruṣaḥ prababhūvāgner vismayena sahartvijām //

hemapātragataṃ dorbhyām ādadhānaḥ payaścarum

anupraveśād ādyasya puṃsas tenāpi durvaham //

Note: a: (e gataṃ C)(ī^kṛtaṃ V)

Note: b: (ādadānaḥ V)

prājāpatyopanītaṃ tad (?) annaṃ pratyagrahīn nṛpaḥ

vṛṣeva payasāṃ sāram āviṣkṛtam udanvatā //

anena kathitā rājño guṇās tasyānyadurlabhāḥ

prasūtiṃ cakame tasmiṃs trailokyaprabhavo 'pi yat //

Note: c: (pravṛttiṃ C)(nivṛttiṃ V)

sa tejo vaiśnavaṃ patnyor vibheje carusaṃjñitam

dyāvāpṛthivyoḥ pratyagram aharpatir ivātapam //

arcitā tasya kausalyā priyā kekayavaṃśajā

ataḥ saṃbhāvitāṃ tābhyāṃ sumitrām aicchad īśvaraḥ //

te bahujñasya cittajñe patnyau patyur mahīṣitaḥ

caror ardhārdhabhāgābhyāṃ tām ayojayatām ubhe //

Note: b: (ām Vn)

sāpi praṇayavaty āsīt sapatnyor ubhayor api

bhramarī vāraṇasyeva madanisyandalekhayoḥ //

Note: a: (hi ct V)

Note: d: (^rekhayoḥ ct)

tābhir garbhaḥ prajābhūtyai dadhre devāṃśasambhavaḥ

saurībhir iva nāḍībhir amṛtākhyābhir ammayaḥ //

samam āpannasattvās tā rejur āpāṇḍuratviṣaḥ

antargataphalārambhāḥ sasyānām iva saṃpadaḥ //

guptaṃ dadṛśur ātmānaṃ sarvāḥ svapneṣu vāmanaiḥ

jalajāsigadāśārṅga-cakralāñchitamūrtibhiḥ //

hemapakṣaprabhājālaṃ gagane ca vitanvatā

uhyante sma suparṇena vegākṛṣṭapayomucā //

Note: a: (^pattra^ C V)

bibhratyā kaustubhaṃ nyāsaṃ stanāntaravilambinam

paryupāsyanta lakṣmyā ca padmavyajanahastayā //

Note: a: (a^ ct Vn)

Note: b: (itam Vn)

kṛtābhiṣekair divyāyāṃ trisrotasi ca saptabhiḥ

brahma rṣibhiḥ paraṃ brahma gṛṇadhbir upatasthire //

Note: c: (maha^ Vtp)

tābhyas tathāvidhān svapnāñ chrutvā prīto hi pārthivaḥ

mene parārdhyam ātmānaṃ gurutvena jagdguroḥ //

Note: b: ('pi S)('tha C Vn)

vibhaktātmā vibhus tāsām ekaḥ kuṣiṣv anekadhā

uvāsa pratimācandraḥ prasannānām apām iva //

athāgramahiṣī rājñaḥ prasūtisamaye satī

putraṃ tamo'pahaṃ lebhe naktaṃ jyotir ivauṣadhiḥ //

Note: a: (āgrya^ J M Ns)

rāma ity abhirāmeṇa tenāpratima tejasā

nāmadheyaṃ guruś cakre jagatprathamamaṅgalam //

Note: b: (^ābhimata^ Vn)

raghuvaṃśapradīpena tenāpratima tejasā

rakṣāgṛhagatā dīpāḥ pratyādiṣṭa ivābhavan //

Note: b: (^ābhimata^ Vn)

śayyāgatena rāmeṇa mātā śātodarī babhau

saikatāmbhojabalinā jāhnavīva śaratkṛśā //

kaikeyyās tanayo jajñe bharato nāma śīlavān

janayitrīm alaṃcakre yaḥ praśraya iva śriyam //

Note: b: (vīrya^ Vn)

sutau lakṣmaṇaśatrughnau sumitrā suṣuve yamau

samyagāgamitā vidyā prabodhavinayāv iva //

Note: c: (^ārādhitā ct)

nirdoṣam abhavat sarvam āviṣkṛtaguṇaṃ jagat

anvagād iva hi svargo gāṃ gataṃ puruṣottamam //

tasyodaye caturmūrteḥ paulastyacakiteśvarāḥ

virajaskair nabhasvadbhir diśa ucchvasitā iva //

kṛśānur apadhūmatvāt prasannatvāt prabhākaraḥ

rakṣiviprakṛtāv āstām apaviddhaśucāv iva //

Note: b: (diva^ C Vt)

daśānanakirīṭebhyas tatkṣaṇaṃ rākṣasaśriyaḥ

maṇivyājena paryastāḥ pṛthivyām aśrubindavaḥ //

putrajanmapraveśyānāṃ tūryāṇām tasya putriṇaḥ

ārambhaṃ prathamaṃ cakrur devadhundubhayo divi //

Note: a: (ānāṃ Vp)

saṃtānakamayī vṛṣṭir bhavane cāsya petuṣī

samaṅgalopacārāṇāṃ saivādiracanābhavat //

Note: b: (tasya C V)

kumārāḥ kṛtasaṃskārās te dhātristanya pāyinaḥ

ānandenāgrajeneva samaṃ vavṛdhire pituḥ //

Note: b: (^stana^ Vn)

svābhāvikaṃ vinītatvaṃ teṣaṃ vinayakarmaṇā

mumūrcha sahajaṃ tejo haviṣeva havirbhujām //

Note: b: (ām Vk)

parasparāviruddhās te tad raghor anaghaṃ kulam

alam uddyotayām āsur devāraṇyam ivartavaḥ //

samāne 'pi hi saubhrātre yathobhau rāmalakṣmaṇau

tathā bharataśatrughnau prītyā dvandvaṃ babhūvatuḥ //

teṣāṃ dvayor dvayor aikyaṃ bibhide na kadācana

yathā vāyuvibhāvasvor yathā candrasamudrayoḥ //

Note: a: (prītir Ct)

te prajānāṃ prajānāthās tejasā praśrayeṇa ca

mano jahrur nidāghānte śyāmābhrā divasā iva //

sa caturdhā babhau vyastaḥ prasavaḥ pṛthivīpateḥ

dharmārthakāmamokṣāṇām avatāra ivāṅgabhāk //

Note: d: (^vān ct V)

guṇair ārādhayām āsus te guruṃ guruvatsalāḥ

tam eva caturnateśaṃ ratnair iva mahārṇavāḥ //

suragaja iva dantair bhagnadaityāsidhārair naya iva paṇabandhavyaktayogair upāyaiḥ

harir iva yugadīrghair dorbhir aṃṣais tadīyaiḥ patir avanipatīnāṃ taiś cakāśe //

Note: d: caturbhiḥ (cakāśe C)

kauśikena sa kila kṣitīśvaro rāmam adhvaravighātaśāntaye

kākapakṣadharam etya yācitas tejasāṃ hi na vayaḥ samīkṣyate //

Note: a: (so 'bhigamya kila gādhisūnunā Vn)

Note: b: (rāmam adhvaravighātaśāntaye Vn)

Note: c: (yācitaḥ śiśum api prajeśvaras Vn)

kṛcchralabdham api labdhavarṇabhāk taṃ dideśa munaye salakṣmaṇam

apy asupraṇayināṃ raghoḥ kule na vyahanyata kadācid arthitā //

Note: a: (medinīpatis C V)

yāvad ādiśati pārthivas tayor nirgamāya puramārgasatkriyām

tāvad āśu vidadhe marutsakhaiḥ sā sapuṣpajalavarṣibhir ghanaiḥ //

Note: b: (^saṃskriyām J M Ns)

Note: c: (vihitā C Vt)

Note: d: (sāndra^ C V)

tau nideśakaraṇodyatau pitur dhanvinau caraṇayor nipetatuḥ

bhūpater api tayoḥ pravatsyator namrayor upari bāṣpabindavaḥ //

tau pitur nayanajena vāriṇā kiṃcidukṣitaśikhaṇḍakāv ubhau

dhanvinau tam ṛṣim anvagacchatāṃ pauradṛṣṭikṛtamārgatoraṇau //

Note: b: (ikāv V)

lakṣmaṇānucaram eva rāghavaṃ netum aicchad ṛṣir ity asau nṛpaḥ

āśiṣaṃ prayuyuje na vāhinīṃ sā hi rakṣaṇavidhau tayoḥ kṣamā //

rejatuś ca sutarāṃ mahaujasaḥ kauśikasya padavīm anudrutau

uttarāṃ prati diśaṃ vivasvataḥ prasthitasya madhumādhavāv iva //

mātṛvargacaraṇaspṛṣau munes tau prapadya padavīṃ mahaujasaḥ

rejatur gativaśāt pravartinau bhāskarasya madhumādhavāv iva //

vīcilolabhujayos tayor gataṃ śaiśavāc capalam apy aśobhata

toyadāgama ivoddhyabhidyayor nāmadheyasadṛśaṃ viceṣṭitam //

tau balātibalayoḥ prabhāvato vidyayoḥ pathi munipradiṣṭayoḥ

mamlatur na maṇikuṭṭimocitau mātṛpārśvaparivartināv iva //

Note: d: (itāv Vn)

pūrvavṛttakathitaiḥ purāvidaḥ sānujaḥ pitṛsakhasya rāghavaḥ

uhyamāna iva vāhanocitaḥ pādacāram api na vyabhāvayat //

Note: c: (ū Mv)

tau sarāṃsi rasavadbhir ambubhiḥ kūjitaiḥ śrutisukhaiḥ patatriṇaḥ

vāyavaḥ surabhipuṣpareṇubhiś chāyayā ca jaladāḥ siṣevire //

Note: b: (vāśitaiḥ Vn)

nāmbhasāṃ kamalaśobhināṃ tathā śākhināṃ na ca pariśramacchidām

darśanena laghunā yathā tayoḥ prītim āpur ubhayos tapasvinaḥ //

Note: a: (vikacapadma^śobhināṃ C)

Note: b: (ca na ct Vn)

sthāṇudagdhavapuṣas tapovanaṃ prāpya dāśarathir āttakārmukaḥ

vigraheṇa madanasya cāruṇā so 'bhavat pratinidhir na karmaṇā //

tau suketusutayā khilīkṛte kauśikād viditaśāpayā pathi

ninyatuḥ sthalaniveśitātaṭanī līlayaiva dhanuṣī adhijyatām //

jyāniniādam atha gṛhṇatī tayoḥ prādurāsa bahūlakṣapā chaviḥ

tāḍakā calakapālakuṇḍalā kālikeva nibiḍā balākinī //

Note: a: (abhigṛhṇatī Vn Cm)

Note: b: (^kṣipā^ Vt)

tīvravegadhutamārgavṛkṣayā pretacīvaravasā svanograyā

abhyabhāvi bharatāgrajas tayā vātyayeva pitṛkānanotthayā //

Note: a: (vega^viprakṛta^ Vn)

udyataikabhujayaṣṭim āyatīṃ śroṇilambipuruṣāntramekhalām

tāṃ vilokya vanitāvadhe ghṛṇāṃ pattriṇā saha mumoca rāghavaḥ //

yac cakāra vivaraṃ śilāghane tāḍakorasi sa rāmasāyakaḥ

apraviṣṭaviṣayasya rakṣasāṃ dvāratām agamad antakasya tat //

bāṇabhinnahṛdayā nipetuṣī sā svakānabhuvaṃ na kevalām

viṣṭapatrayaparājayasthirāṃ rāvaṇaśriyam api vyakampayat //

Note: b: (am C V)

rāmamanmathaśareṇa tāḍitā duḥsahena dṛdaye niśācarī

gandhavadrudhiracandanokṣitā jīviteśavasatiṃ jagāma sā //

nairṛtaghnam atha mantravan muneḥ prāpad astram avadānatoṣitāt

jyotir indhanaipāti bhāskarāt sūryakānta iva tāḍakāntakaḥ //

vāmanāśramapadaṃ tataḥ paraṃ pāvanaṃ śruam ṛṣer upeyivān

unmanāḥ prathamajanmaceṣṭitāny asmarann api babhūva rāghavaḥ //

āsasāda munir ātmanas tataḥ śiṣyavargaparikalpitārhaṇam

baddhapallavapuṭāñjalidrumaṃ darśanonmukha mṛgaṃ tapovanam //

Note: d: (^otsuka^ C)

tatra dīkṣitam ṛṣiṃ rakaṣatur vighnato daśarathātmajau śaraiḥ

lokam andhatamasāt kramoditau raśāmibhiḥ śaśidivākarāv iva //

Note: b: (nṛpasutau śitaiḥ C Vn)

Note: c: (^odyatau Vn)

vīkṣya vedim atha raktabindubhir bandhujīvapṛthubhiḥ pradūṣitām

saṃbhramo 'bhavad apoḍhakarmaṇām ṛtvijāṃ cyutavikaṅkatasrucām //

Note: c: (up'^ Vt)

unmukhaḥ sapadi lakṣmaṇāgrajo bāṇam āśrayamukhāt samuddharan

rakṣasāṃ balam apaśyad ambare gṛdhrapakṣapavaneritadhvajam //

tatra yāv adhipatī makhadviṣāṃ tau śaravyam akarot sa netarān

kiṃ mahoragavisarpivikramo rājileṣu garuḍaḥ pravartate //

so 'stram ugrajavam astrakovidaḥ saṃdadhe dhanuṣi vāyudaivatam

tena śailagurum apy apātayat pāṇḍupattram iva tāḍakāsutam //

Note: c: (apāharat C)

yaḥ subāhur iti rākṣaso 'paras tatra tatra visasarpa māyayā

taṃ kṣurapraśakalīkṛtām kṛtī pattriṇāṃ vyabhajad āśramād bahiḥ //

Note: d: (pakṣiṇāṃ C V)

ity apāstamakhavighnayos tayoḥ sāṃyugīnam abhinandya vikramam

ṛtvijaḥ kulapater yathākramaṃ vāgyatasya niravartayan kriyāḥ //

Note: d: (^jitasya Vt)

tau praṇāmacalakākapakṣakau bhrātarāv abhṛthāpluto muniḥ

āśiṣām anupadaṃ samaspṛśad darbhapāṭitatalena pāṇinā //

Note: b: (a^pluto V)

taṃ nyamantrayata saṃbhṛtakratur maithilaḥ sa mighilāṃ vrajan vaśī

rāghavāv api nināya bibhratau taddhanuḥśravaṇajaṃ kutūhalam //

taiḥ śiveṣu vasatir gatādhvabhiḥ sāyam āśramataruṣv agṛhyata

yeṣu dīrghatapasaḥ parigraho vāsavakṣaṇakalatratāṃ yayau //

Note: a: (nivāsa^ Ct)

pratyapadyata cirāya yat punaś cāru gautamavadhūḥ śilāmayī

svaṃ vapuḥ sa kila kilibiṣacchidāṃ rāmapādarajasām anugrahaḥ //

Note: a: (asya Ct)

Note: c: (sakala^ Vnp ^kalmaṣa^ Vn)

rāghavānvitam upasthitaṃ muniṃ taṃ niśamya janako janeśvaraḥ

arthakāmasahitaṃ saparyayā dehabaddham iva dharmam abhyagāt //

Note: d: (^vantam Ct)

tau videhanagarīnivāsināṃ gāṃ gatāv iva divaḥ punarvasū

manyate sma pibatāṃ vilocanaiḥ pakṣmapātam api vañcanāṃ manaḥ //

yūpavaty avasite kiryāvidhau kālavit kuśikavaṃśavardhanaḥ

rāmam iṣvasanadarśanotsukaṃ maithilāya kathayāṃ bvabhūva saḥ //

tasya vīkṣya lalitaṃ vapuḥ śiśoḥ pārthivaḥ prathitavaṃśajanmanaḥ

svaṃ vicintya ca dhanur durānamaṃ pīḍito duhiṭśulkasaṃsthayā //

Note: c: (durāsadaṃ Vt)

abravīc ca bhagavan mataṅgajair yad bṛhadbhir api karma duṣkaram

tatra nāham anumantum utsahe moghavṛtti kalabhasya ceṣṭitam //

Note: d: (sāhasam C)

hrepitā hi bahavo nareśvarās tena tāta dhanuṣā dhanurbhṛtaḥ

jyānighātakaṭhinatvaco bhujān svān vidhūya dhig iti pratasthire //

Note: c: (^vimarda^ C)

pratyuvāca tam ṛṣir niśamyatāṃ sārato 'yam atha vā kṛtaṃ girā

cāpa eva bhavato bhaviṣyati vyaktaśaktir aśanir girāv iva //

Note: b: (vīryato Vt)

Note: b: (girā (kṛtam ct Vn)

evam āptavacanāt sa pauruṣaṃ kākapakṣakadhare 'pi rāghave

śraddadhe tridaśagopamātrake dāhaśaktim iva kṛṣṇavartmani //

Note: a: (ittham T V)

vyādideśa gaṇaḥ sapārśvagān karmukābharaṇāya maithilaḥ

taijasaya dhanuṣaḥ pravṛttaye toyadān iva sahasralocanaḥ //

Note: a: (ā^ Vn)

Note: a: (o 'tha ct)

tat prasuptabhujagendrabhīṣaṇaṃ vīkṣya dāśarathir ādade dhanuḥ

vidrutakratumṛgānausāriṇaṃ yena bāṇam asṛjad vṛṣadhvajaḥ //

Note: b: (prekṣya C V)

ātatajyam akarot sa saṃsadā vismayastimitanetram īkṣitaḥ

śailasāram api nātiyatnataḥ puṣpacāpam iva peśalaṃ smaraḥ //

Note: a: (ca C Vn)

Note: d: (komalaṃ C Vt)

bhajyamānam atimātrakarṣaṇāt tena vajraparuṣasvanaṃ dhanuḥ

bhārgavāya dṛḍhamanyave punaḥ kṣatram udyatam iti nyavedayat //

Note: b: (tat svanena gaganspṛśā C T)

Note: d: (iva ct)

dṛṣṭasāram atha rudrakārmuke vīryaśulkam abhinandya maithilaḥ

rāghavāya tanayām ayonijāṃ rūpiṇīṃ śriyam iva nyavedayat //

Note: d: (pārthivaḥ N P)(svāṃ dad[e C][au V])

Note: d: ('āmaradyutiḥ C V)

maithilaḥ sapadi satyasaṃgaro rāghavāya tanayām ayonijāṃ

saṃnidhau dyutimatas taponidher agnisākṣika ivātisṛṣṭavān //

Note: d: (am V)

prāhiṇoc ca mahitaṃ mahādyutiḥ kosalādhipataye purodhasam

bhṛtyabhāvi duhituḥ parigrahād diśyatāṃ kulam idaṃ nimer iti //

Note: d: (iṣyatāṃ C *V)

utsukaś ca sutadārakarmaṇā so 'bhavad gurur upāgataś ca tam

gautamasya tanayo 'nukūlavāk prārthitaṃ hi sukṛtām akālahṛt //

anviyeṣa sadṛśīṃ sa ca snuṣāṃ prāpa cainam anukūlavāg dvijaḥ

sadya eva sukṛtāṃ hi pacyate kalpavṛkṣaphala dharmi kāṅkṣitam //

Note: d: (^sama^ Vt)

tasya kalpitapuraskriyāvidheḥ śuśruvān vacanam agrajanmanaḥ

uccacāla valabhitasakho vaśī sainyareṇumuṣitārkadīdhitiḥ //

Note: c: (balī V)

āsasāda mithilāṃ sa veṣṭayan piḍitopavanapādapāṃ balaiḥ

prītirodham asahiṣṭa sā purī strīva kāntaparibhogam āyatam //

Note: b: (air C V)

tau sametya samayasthitāv ubhau bhūpatī varuṇavāsavopamau

kanyakātanayakautukakriyāṃ svaprabhāvasadṛśīṃ vitenatuḥ //

Note: a: (e ct Vt)

pārthivīm udavahad raghūdvaho lakṣmaṇas tadanujām athormilām

yau tayor avarajau varaujasau tau kuśadhvajasute sumadhyame //

Note: a: (maithilīm Vt)

Note: c: ([ava]gatau svamitrayā T)

te caturthasahitās trayo babhuḥ sūnavo navavadhūparigrahāḥ

sāmadānavidhibhedavigrahāḥ siddhimanta iva tasya bhūpateḥ //

Note: b: (^grahāt J M)(^samāgamāt C)

Note: c: (^nigrahāḥ ct)

tā narādhipasutā nṛpātmajais te ca tābhir agaman kṛtārthatām

so 'bhavad varavadhūsamāgamaḥ pratyayaprakṛtiyogsaṃnibhaḥ //

evam āttaratir ātmasaṃbhavāṃs tān niveśya caturo 'pi tatra saḥ

adhvasu triṣu visṛṣṭamaithilaḥ svāṃ purīṃ daśaratho nyavartata //

tasya jātu marutaḥ pratīpagā vartmasu dhavjatarupramāthinaḥ

cikliśur bhṛśatayā varūthinīm uttaṭā iva nadīrayāḥ sthalīm //

Note: b: (ni C T V)

lakṣyate sma tadanantaraṃ ravir baddhabhīmapairveṣamaṇḍalaḥ

vainateyaśamitasya bhogino bhogaveṣṭita iva cyuto maṇiḥ //

śyenapakṣaparidhūsarālakāḥ sāṃdhyamegharudhirārdravāsasaḥ

aṅganā iva rajasvalā diśo no babhūvur avalokanakṣamāḥ //

bhāskaraś ca diśam adhyuvāsa yāṃ tāṃ śritāḥ pratibhayaṃ vavāśire

kṣatraśoṇitapitṛkriyocitaṃ codayantya iva bhārgavaṃ śivāḥ //

Note: d: (bodhayantya C)(nodayantya V)

tat pratīpapavanādi vaikṛtaṃ prekṣya śāntim adhikṛtya kṛtyavit

anvayuṅkta gurum īśvaraḥ kṣiteḥ svantam ity alaghayat sa tadvyathām //

Note: a: (i^ ct)

Note: b: (kṣipraśānt[am V][yam T?])

tejasaḥ sapadi rāśir utthitaḥ prādurāsa kila vāhinīmukhe

yaḥ pramṛjya nayanāni sainikair lakṣaṇīyapuruṣākṛtiś cirāt //

Note: a: (ucchritaḥ C)

pitryam aṃśam upavītalakṣaṇaṃ mātṛkaṃ ca dhanur ūrjitaṃ dadhat

yaḥ sasoma iva gharmadīdhitiḥ sadvijihva iva candanadrumaḥ //

yena roṣaparuṣātmanaḥ pituḥ śāsane sthibhido 'pi tasthuṣā

vepamānajananīśiraśchidā prāg ajīyata ghṛṇā tato mahī //

akṣabhījavalayena nibabhau dakṣiṇaśravaṇasaṃsthitena yaḥ

kṣatriyāntakaraṇaikaviṃśater vyājapūrvagaṇanām ivodvahan //

Note: b: (^saṃśrayeṇa Vt)

taṃ pitur vadhabhavena manyunā rājavaṃśanidhanāya dīkṣitam

bālasūnur avalokya bhārgavaṃ svāṃ daśāṃ ca viṣasāda pārthivaḥ //

Note: d: (vivyathe daśaratho daśācyutaḥ C)

rāmanāma iti tulyam ātmaje vartamānam ahite ca dāruṇe

hṛdyam asya bhayadāyi cābhavad ratnajātam iva hārasarpayoḥ //

Note: a: (nāma rāma ct)

arghyam arghyam iti vādinaṃ nṛpaṃ so 'navekṣya bharatāgrajo yataḥ

kṣatrakopadahanārciṣaṃ tataḥ saṃdadhe dṛśam udagratārakām //

Note: b: (^apekṣya Sd2)

Note: d: (am Vn)

tena kārmukaniṣaktamuṣṭinā rāghavo vigatabhīḥ purogataḥ

aṅgulīvivaracāriṇaṃ śaraṃ kurvatā nijagade yuyutsunā //

Note: a: (^niyukta^ Vt)

kṣatrajātam apakāri vairi me tan nihatya bahuśaḥ śamaṃ gataḥ

suptasarpa iva daṇḍaghaṭṭanād roṣito 'smi tava vikramaśravāt //

Note: a: (a^ ct T)

Note: d: (utthito V)

maithilasya dhanur anyapārthivais tvaṃ kilānamitapūrvam akṣaṇoḥ

tan niśamya bahavatā samarthaye vīryaśṛṅgam iva bhagnam ātmanaḥ //

Note: b: (akṣiṇoḥ C T Vtp)

Note: c: (yan T)

anyadā jagati rāma ity ayaṃ śabda uccarita eva mām agāt

vrīḍam āvahati me sa saṃprati vyastavṛttir udayonmukhe tvayi //

bibhrato 'stram acale 'py akuṇṭhitaṃ dvau matau mama ripū samāgasau

homa-dhenu-haraṇāc ca haihayas tvaṃ ca irtim apahartum udyataḥ //

Note: b: (ripū mama matau ct)

Note: c: (tāta^ V)

Note: c: (^vatsa^ ct)

kṣatriyāntakaraṇo 'pi vikramas tena mām avati nājite tvayi

pāvakasya mahimā sa gaṇyate kakṣavaj jvalati sāgare 'pi yaḥ //

viddhi cāttabalam ojasā harer aiśvaraṃ dhanur abhāji yat tvayā

khātamūlam anilo nadīrayaiḥ pātayaty api mṛdus taṭadrumam //

Note: a: (^rasam Vt)

tan madīyam idam āyudhaṃ jyayā saṃgamayya saśaraṃ vikṛṣyatām

tiṣṭhatu pradhanam evam apy ahaṃ tulyabāhutarasā jitas tvayā //

kātaro 'si yadi vodgatārciṣā tarjitaḥ paraśudhārayā mama

jyānighātakaṭhināṅgulir vṛthā badhyatām abhayayācanāñjaliḥ //

Note: a: (cod C)

Note: c: (^vimarda^ Ct T?)

evam uktavati bhīmadarśane bhārgave smitavikampitādharaḥ

taddhanurgrahaṇam eva rāghavaḥ pratyapadyata samartham uttaram //

pūrvajanmadhanuṣā samāgataḥ so 'timātralaghudarśano 'bhavat

kevalo 'pi subhago navāmbudaḥ kiṃ punas tridaśacāpalāñchitaḥ //

Note: b: (^śubha^ V)

tena bhūminihitaikakoṭi tat kārmukaṃ ca balinādhiropitam

niṣprabhaś ca ripur āsa bhūbhṛtāṃ dhūmaśeṣa iva dhūmaketanaḥ //

Note: a: (inā C T V)

Note: c: (tatkṣaṇaṃ Vn)

Note: c: (prāpa varṇavikṛtiṃ ca bhārgavo C * Vn)

Note: d: (vṛṣṭidhauta iva vāsavadhvajaḥ C * Vn)

tāv ubhāv api paraspara-sthitau vardhamānaparihīnatejasau

paśyati sma janatā dinātyaye pārvaṇau śaśidivākarāv iva //

Note: a: (aṃ Vn)

taṃ kṛpāmṛdur avekṣya bhārgavaṃ rāghavaḥ skhalitavīryam ātmani

svaṃ ca saṃhitam amogham āśugaṃ vyājahāra harasūnasaṃnibhaḥ //

Note: c: (a^sāyakaṃ Kn Vk)

na prahartum alam asmi nidayaṃ vipra ity abhibhavaty api tvayi

śaṃṣa kiṃ gatim anena pattriṇā hanmi lokam uta te makhārjitam //

Note: d: (atha C Vn)

pratyuvāca tam ṛṣir na tattvatas tvāṃ na vedmi puruṣaṃ purātanam

gāṃ gatasya tava dhāma vaiṣṇavaṃ kopito hy asi mayā didṛkṣuṇā //

bhasmasāt kṛtavataḥ pitṛdviṣaḥ pātrasāc ca vasudhāṃ sasāgarām

āhito jayaviparyayo 'pi me ślāghya eva parameṣṭhinā tvayā //

Note: b: (vipra^ Ct V)

tad gatiṃ matimatāṃ varepsitāṃ puṇyatīrthagamanāya rakṣa me

pīḍayiṣyati na māṃ khilīkṛtā svargapaddhatir abhogalolupam //

pratyapadyata tatheti rāghavaḥ prāṅmukhaś ca visasarja sāyakam

bhārgavasya sukṛto 'pi so 'bhavat svargamārgaparigho duratyayaḥ //

Note: b: (aṃ C V)

rāghavo 'pi caraṇau taponidheḥ kṣamyatām iti vadan samaspṛṣat

nirjiteṣu tarasā tarasvināṃ śatruṣu praṇatir eva kīrtaye //

Note: a: ('tha V)

Note: d: (śobhate T)

rājasatvam avadhūya mātṛkaṃ pitryam asmi gamitaḥ śamaṃ yadā

nanv aninditaphalo mama tvayā nigraho 'py ayam anugrahīkṛtaḥ //

Note: b: (padaṃ Vn)

Note: b: (yataḥ Ct)

Note: c: (mayi C Vn)

sādhu yāmy aham avighnam astu te devakāryam upapādayiṣyataḥ

ūcivān iti vacaḥ salakṣmaṇaṃ lakṣmaṇāgrajam ṛṣis tirodadhe //

Note: a: (śādhi * Vn)(sādhayāmy ct)

svaṃ niveśya kila dhāma rāghave vaiṣṇavaṃ viditaviṣṇutejasi

svastidānam adhikṛtya cākṣayaṃ bhārgavo 'tha nijam āśramaṃ yayau //

tasmin gate vijayinaṃ parirabhya rāmaṃ snehād amanyata pitā punar eva jātam

tasyābhavat kṣaṇaśucaḥ paritoṣalābhaḥ kakṣāgnilaṅghitataror iva vṛṣṭipātaḥ //

atha pathi gamayitvā kḷparamyopakārye katicid avanipālaḥ śarvarīḥ śarvakalpah

puram aviśad ayodhyāṃ maithilīdarśanīnāṃ kuvalayitagavākṣāṃ locanair aṅganānām //

Note: a: (iti Vt)

Note: a: (ramya^ kḷpt'^ Ac)

Note: c: (inīnāṃ C)

Note: d: (udgatānām Ac)

nirviṣṭaviṣayasnehaḥ sa daśāntam upeyivān

āsīd āsannanirvāṇaḥ pradīpārcir ivoṣasi //

taṃ karṇamūlam āgatya rāme śrīr nasyatām iti

kaikeyīśaṅkayevāha palitacchadmanā jarā //

sā paurān paurakāntasya rāmasyābhyudayaśrutiḥ

pratyekaṃ hlādayāṃ cakre kulyevodyānapādapān //

Note: c: (āsa Vt)

tasyābhiṣekasaṃbhāraṃ kalpitaṃ krūraniścayā

dūṣayām āsa kaikeyī śokoṣṇaiḥ pārthivāśrubhiḥ //

Note: d: (nayan'^ C)

sā kilāśvāsitā caṇḍī bhartrā tatsaṃśrutau varau

udvavāmendrasiktā bhūr bilamagnāv ivoragau //

Note: b: (^saṃśritau Vn)

tayoś caturdaśaikena rāmaṃ prāvrājayat samāḥ

dvitīyena sutasyaicchad vaidhavyaikaphalāṃ śriyam //

pitrā dattāṃ rudan rāmaḥ prāṅ mahīṃ pratyapadyata

paścād vanāya gaccheti tadājñāṃ mudito 'grahīt //

dadhato maṅgalakṣaume vasānasya ca valkale

dadṛśur vismitās tasya mukharāgaṃ samaṃ janāḥ //

sa sītālakṣmaṇasakhaḥ satyād gurum alopayan

viveśa daṇḍakāraṇyaṃ pratyekaṃ ca satāṃ manaḥ //

rājāpi tadviyogārtaḥ smṛtvā śāpaṃ svakarmajam

śarīratyāgamātreṇa śuddhilābham amanyata //

viproṣitakumāraṃ tad (?) rājyam astamiteśvaram

randhrānveṣaṇadakṣāṇāṃ dviṣām āmiṣatāṃ yayau //

athānāthāḥ prakṛtayo mātṛbandhunivāsinam

maulair ānāyayām āsur bhartaṃ stambhitāśrubhiḥ //

śrutvā tathāvidhaṃ mṛtyuṃ kaikeyītanayaḥ pituḥ

mātur na kevalaṃ svasyāḥ śriyo 'py āsīt parāṅmukhaḥ //

Note: c: (tasyāḥ Vn)

sasainyaś cānvagād rāmaṃ darśitān āśramālayaiḥ

tasya paśyan sasaumitrer udaśrur vasatidrumān //

Note: b: (kathitān Vt)

citrakūṭavanasthaṃ ca kathitasvargatir guroḥ

lakṣmyā nimantrayāṃ cakre tam anucchiṣṭasaṃpadā //

Note: b: (gadita^ Vn)

sa hi prathamaje tasminn akṛtaśrīparigrahe

parivettāram ātmānaṃ mene svīkaraṇād bhuvaḥ //

tam aśakyam apākraṣṭuṃ nirdeśāt svargiṇaḥ pituḥ

yayāce pāduke paścāt kartuṃ rājyādhidevate //

Note: b: (nideśāt ct)

sa visṛṣṭas tathety uktvā bhrātrā naivāviśat purīm

nandigrāmagatas tasya rājyaṃ nyāsam ivābhunak //

dṛḍhabhaktir iti jyeṣṭhe rājyatṛṣṇāparāṅmukhaḥ

mātuḥ pāpasya śuddhyarthaṃ prāyaścittam ivākarot //

Note: c: (bharataḥ ct T *V)

rāmo 'pi saha vaidehyā vane vanyena vartayan

cacāra sānujaḥ śānto vṛddhekṣvākuvrataṃ yuvā //

prabhāvastambhitacchāyam āśritaḥ sa vanaspatim

kadācid aṅke sītāyāḥ śiśye kiṃcid iva śramāt //

aindriḥ kila nakhais tasyā vidadāra stanau dvijaḥ

priyopabhogacihneṣu paurobhāgyam ivācaran //

mṛgamāṃsaṃ tataḥ sītāṃ rakṣantīm ātape dhṛtam

pakṣatuṇḍanakhāghātair babādhe vāyaso balāt //

tasminn āsthad iṣīkāstraṃ rāmo rāmāvabhodhitaḥ

ātmānaṃ mumuce tasmād ekanetravyayena saḥ //

Note: c: (bhrāntaḥ [ca N P St][san V])

rāmas tv āsannadeśatvād bharatāgamanaṃ punaḥ

āśaṅkyotsukasāraṅgāṃ citrakūṭasthalīṃ jahau //

prayayāv ātitheyeṣu vasann ṛṣikuleṣu saḥ

dakṣiṇāṃ diśam ṛkṣeṣu vārṣikeṣv iva bhāskaraḥ //

babhau tam anugacchantī videhādhipateḥ sutā

pratiṣiddhāpi kaikeyyā lakṣmīr iva guṇonmukhī //

anusūyātisṛṣṭena puṇyagandhena kānanam

sā cakārāṅgarāgeṇa puṣpoccalita ṣaṭpadam //

Note: a: (a C Ns2)

Note: a: (^vi^ C)

Note: d: (^ollalita^ Vn)(^ollasita^ Vt)

saṃdhyābhrakapiṣas tatra virādho nāma rākṣasaḥ

atiṣṭhan mārgam āvṛtya rāmasyendor iva grahaḥ //

Note: a: (tasya ct)

sa jaharā tayor madhye maithilīṃ lokaśoṣaṇaḥ

nabhonabhasyayor vṛṣṭim avagraha ivāntare //

Note: a: (āt Vn)

taṃ viniṣpiṣya kākutsthau purā dūṣayati shtalīm

gandhenāśucinā ceti vasudhāyāṃ nicakhnatuḥ //

pañcavaṭyāṃ tato rāmaḥ śāsanāt kumbhajanmanaḥ

anapoṣhasthitis tasthau vindhyādriḥ prakṛtāv iva //

Note: a: (atho V)

Note: d: (a Vn)

rāvaṇāvarajā tatra rāghavaṃ madanāturā

abhipede nidāghārtā vyālīva malayadrumam //

Note: c: (prati^ Vt)

sā sītāsaṃnidhāv eva taṃ vavre kathitānvayā

atyārūḍho hi nārīṇām akālajño maobhavaḥ //

kalatravān ahaṃ bāle kanīyāṃsaṃ bhajasva me

iti rāmo vṛṣasyantīṃ vṛṣaskandhaḥ śaśāsa tām //

Note: a: (bhadre C)

jyeṣṭhābhigamanāt pūrvaṃ tenāpy anabhinanditā

sābhūd rāmāśrayā bhūyo nadīvobhayakūlabhāk //

saṃrambhaṃ maithilīhāsaḥ kṣaṇaṃ saumyāṃ nināya tām

nivātastimitāṃ velāṃ candrodaya ivodadheḥ //

Note: b: (a^ ct Ct)

phalam asyopahāsasya sadyaḥ prāpsyasi paśya mām

mṛgyaḥ paribhavo vyāghryām ity avehi tvayā kṛtam //

Note: c: (yā C)(ī^ *V Tl)

Note: d: (mṛtyave hi C *V)

Note: d: (aḥ C *V)

ity uktvā maithilīṃ bhartur aṅke nirviśatīṃ bhayāt

rūpaṃ śūrpaṇakhā-nāmnaḥ sadṛśaṃ pratyapadyata //

Note: b: (aṃ N P S Vn)

Note: b: (ni^ ct Vn)

Note: c: (ā ct)

lakṣmaṇaḥ prathamaṃ śrutvā kokilāmañjubhāṣiṇīm

śivāghorasvanāṃ paścād bubudhe vikṛteti tām //

Note: b: (^vādinīm ct Vn)

Note: c: (^svarāṃ C V)

parṇaśālām atha kṣipraṃ vidhṛtāsiḥ praviśya saḥ

vairūpyapaunaruktyena bhīṣaṇāṃ tām ayojayat //

Note: b: (vikṛṣṭ^ J M Ns)(vivṛt'^ N P)

Note: c: (^punaruktena Vn)

Note: d: (yojayām āsa rākṣasīm C)

sā vakranakhadhāriṇyā veṇukarkaśaparvayā

aṅkuśākārayāṅgulyā tāv atarjayad ambare //

Note: a: (cakra^ Vn)

prāpya cāśu jansthānaṃ kharādibhyas tathāvidham

rāmopakramam ācakhyau rakṣaḥparibhavaṃ navam //

Note: b: (ā V)

Note: d: ('^āgamam Vn)

mukhāvayavalūṇāṃ tāṃ nairṛtā yat purodadhuḥ

rāmābhiyāyināṃ teṣāṃ tad evābhūd amaṅgalam //

Note: c: (^gāmināṃ Vt)

udāyudhān āpatatas tān dṛptān prekṣya rāghavaḥ

nidadhe vijayāśaṃsāṃ cāpe sītāṃ ca lakṣmaṇe //

Note: c: (vi^ Ct)

eko dāśarathī rāmo yātudhānāḥ sahasraśaḥ

te tu yāvanta evājau tāvāṃś ca dadṛśe sa taiḥ //

Note: a: (^iḥ kāmaṃ ct)

Note: d: (tāvaddhā C Vn Sk)

asajjanena kākutsthaḥ prayuktam atha dūṣaṇam

na cakṣame śubhācāraḥ sa dūṣaṇam ivātmanaḥ //

taṃ śaraiḥ pratijagrāha kharatiśirasau ca saḥ

khramaśas te punas tasya cāpāt samam ivodyayuḥ //

tais trayāṇāṃ śitair bāṇair yathāpūrvaviśuddhibhiḥ

āyur dehātigaiḥ pītaṃ rudhiraṃ tu patatribhiḥ //

Note: a: (śatair Vt)

Note: b: (aṃ C)

Note: d: (ca C)

tasmin rāmaśarotkṛtte bale mahati rakṣasām

utthitaṃ dadṛśe 'nyac ca kabandhebhyo na kiṃcana //

Note: c: (ucchritaṃ Ct Vn)

Note: c: (cānyat V)('nyatra Vt)

sā bāṇavarṣiṇaṃ rāmaṃ yodhayitvā suradviṣām

aprabodhāya suṣvāpa gṛdhracchāye varūthinī //

rāghavāstravidīrṇānāṃ rāvaṇaṃ prati rakṣasām

teṣāṃ śūrpaṇakhaivaikā duṣpratvṛttiharābhavat //

nigrahāt svasur āptānāṃ vadhāc ca dhanadānujaḥ

rāmeṇa nihataṃ mene padaṃ daśasu mūrdhasu //

Note: c: (^hitaṃ ct Vn)

rakṣasā mṛgarūpeṇa vañcayitvā sa rāghavau

jaharā sītāṃ pakṣīndra-prayāsakṣaṇavighnitaḥ //

tau sītānveṣiṇau gṛdhraṃ lūnapakṣam apaśyatām

prāṇair daśarathaprīter anṛṇaṃ kaṇṭhavartibhiḥ //

sa rāvaṇahṛtāṃ tābhyāṃ vacasācaṣṭa maithilīm

ātmanaḥ sumahat karma vraṇair āvedya saṃsthitaḥ //

Note: b: (ākhyāya C V)

Note: c: (tu Vn)

tayos rāvaṇahṛtāṃ tābhyāṃ pitṛvyāpattiśokayoḥ

pitarīvāgnisaṃskārāt parā vavṛtire kriyāḥ //

Note: b: (^duḥkhayoḥ Vn)

Note: d: ([parā nivavṛte S][punar āvavṛte V] kriyā)

Note: d: ([^ān] antarā vavṛte kriyā Vt)

vadhanirdhūtaśāpasya kabandhasyopadeśataḥ

mumūrcha sakhyaṃ rāmasya samānavyasane harau //

sa hatvā vālinaṃ vīras tatpade cirakāṅkṣite

dhātoḥ sthāna ivādeśaṃ sugrīvaṃ saṃnyaveśayat //

Note: a: (aṃ Vt Sd1 Sk)

itas tataś ca vaidehīm anveṣṭuṃ bhartṛcoditāḥ

kapayaś cerur ārtasya rāmasyeva manorathāḥ //

Note: a: (^o 'pi St)(^o 'tha Ct Vn)

Note: b: (^noditāḥ C V)

Note: c: (celur Vn)

Note: c: (utkasya C Vt)

pravṛttāv upalabdhāyāṃ tasyāḥ saṃpātidarśanāt

mārutiḥ sāgaraṃ tīrṇaḥ saṃsāram iva nirmamaḥ //

dṛṣṭā vicinvatā tena laṅkāyāṃ rākṣasīvṛtā

jānakī viṣavallībhiḥ parīteva mahauṣadhiḥ //

tasyai bhartur abhijñāmam aṅgulīyaṃ dadau kapiḥ

pratyudgatam ivānuṣṇais tadānandāśrubhindubhiḥ //

Note: b: (hariḥ C V)

nirvāpya priyasaṃdeśaiḥ sītām akṣavadhoddhataḥ

sa dadāha purīṃ laṅkāṃ kṣaṇasoḍhārinigrahaḥ //

Note: b: (rakṣo^ Vn)

Note: b: (^oddhuraḥ C Vn)

pratyabhijñānaratnaṃ ca rāmāyādarśayat kṛtī

hṛdayaṃ svayam āyātaṃ vaidehyā iva mūrtimat //

sa prāpa hṛdayanyasta-maṇiparśanimīlitaḥ

apayodharasaṃsargaṃ priyāliṅgananirvṛtim //

Note: c: (āṃ ct Vp)

śrutvā rāmaḥ priyodantaṃ mene tatsaṃgamotsukaḥ

mahārṇavaparikṣepaṃ laṅkāyāḥ parikhālaghum //

sa pratasthe 'rināśāya harisainyair anudrutaḥ

na kevalaṃ dharā-pṛṣṭhe vyomni saṃbādhavartibhiḥ //

Note: b: (a^samarpitaḥ * Vn)

Note: c: (bhuvaḥ ct)

Note: d: (khe 'pi C V)

Note: d: (^vartma[bhiḥ C N P] [ni * Vn])

nirviṣṭam udadheḥ kūle taṃ prapede vibhīṣaṇaḥ

snehād rākṣasalakṣmyeva buddhim ādiśya coditaḥ //

Note: a: (ni^ ct)

Note: d: (āviśya ct Vn)

Note: d: (noditaḥ C V)

tasmai niśācaraiśvaryaṃ pratiśuśrāva rāghavaḥ

kāle khalu samārabdhāḥ phalaṃ badhnanti nītayaḥ //

Note: b: (^jajñe raghūdvahaḥ C)

sa setuṃ bandhayām āsa plavagair lavaṇāmbhasi

rasātalād ivonmagnaṃ śeṣaṃ svapnāya śārṅgiṇaḥ //

Note: b: (^aṃgair Vt)

Note: b: (^āmbudhau C)(^odadhau Vn)

Note: c: (aḥ V)

Note: c: (ottīrṇam Vt)

Note: d: (aḥ V)

Note: d: (svāpāya V)

tenottīrya pathā laṅkāṃ rodhayām āsa piṅgalaiḥ

dvitīyaṃ hemaprākāraṃ kurvadbhir iva vānaraiḥ //

raṇaḥ pravavṛte tatra bhīmaḥ plavagarakṣasām

digvijṛmbhitakākutstha-paulastyajayaghoṣaṇaḥ //

Note: d: (iṇām Vt)

pādapāviddhaparighaḥ śilāniṣpiṣṭamudgaraḥ

atiśastranakhanyāsaḥ śailarugṇa mataṅgajaḥ //

Note: d: (^bhagna^ C V)

atha rāmaśiraścheda-darśanodbhrāntacetanām

sītāṃ māyeti śaṃsantī trijaṭā samajīvayat //

Note: b: (^cetas[am C][ām Vt])

kāmaṃ jīvati me nātha iti sā vijahau śucam

prāṅ matvā satyam asyāntaṃ jīvitāsmīti lajjitā //

garuḍāpātaviśliṣṭa- -meghanādāstrabandhanaḥ

dāśarathyoḥ kṣaṇakleśaḥ svapnavṛtta ivābhavat //

Note: a: (^viśleṣi C *V)

Note: b: (am C *V)

Note: c: (i C *V)

Note: d: (am C *V)

tato bibheda paulastyaḥ śaktyā vakṣasi lakṣmaṇam

rāmas tv anāhato 'py āsīd vidīrṇahṛdayaḥ śucā //

sa mārutisamānīta-mahauṣadhihatavyathaḥ

laṅkāstrīṇāṃ punaś cakre vilāpācāryakaṃ śaraiḥ //

Note: a: (mārutasutānīta^ Sk)

Note: b: (^hṛta^ C N P Sk)

sa nādaṃ meghanādasya dhanuś cendrāyudhaprabham

meghasyeva śaratkālo na kiṃcit paryaśeṣayat //

Note: a: (nādaṃ sa N P S)

kleśena mahatā nidrāṃ tyājitaṃ raṇadurjayam

rāvaṇaḥ preṣayām āsa yuddhāyānujam ātmanaḥ //

jaghāna sa tadādeśāt kapīn ugrān anekaśaḥ

viveśa ca purīṃ laṅkāṃ samādāya harīśvaram //

kumbhakarṇaḥ kapīndreṇa tulyāvasthaḥ svasuḥ kṛtaḥ

rurodha rāmaṃ śṛṅgīva ṭaṅkacchinnamanaḥśilaḥ //

akāle bodhito bhrātrā priyasvapno vṛthā bhavān

rāmeṣubhir itīvāsau dīrghanidrāṃ praveśitaḥ //

Note: b: (vṛtānujaḥ V)(niśācaraḥ Ct)

itarāṇy api rakṣāṃsi petur vānarakoṭiṣu

rajāṃsi samarotthāni racchoṇitanandīṣv iva //

niryayāv atha paulasthyaḥ punar yuddhāya mandirāt

arāvaṇam arāmaṃ vā jagad adyeti niścitaḥ //

rāmaṃ padātim ālokya laṅkeṣaṃ ca varūthinam

hariyugyaṃ rathaṃ tasmai parjighāya puraṃdaraḥ //

tam ādhūtadvajapaṭaṃ vyomagaṅgormivāyubhiḥ

devasūtabhujālambī jaitram adhyāsta rāghavaḥ //

mātalis tasya māhendram āmumoca tanucchadam

yatrotpaladadalaklaibyam astrāṇy āpuḥ suradviṣām //

anyonyadarśanaprāpta-vikramāvasaraṃ cirāt

rāmarāvaṇayor yuddhaṃ caritārtham ivābhavat //

Note: c: (vairaṃ C *V)

bhujamūrdhorubāhulyād eko 'pi dhandānujaḥ

dadṛśe so 'yathāpūrvo mātṛvaṃśa iva sthitaḥ //

Note: a: ('^ottamāṅga^ C V)

Note: c: (hy ayathā^ J M Ns T)

Note: c: (^pūrvaṃ T)

Note: c: (sa yathā^pūrvam Vn)

jetāraṃ lokapālānāṃ svamukhair arciteśvaram

rāmas tulitakailāsam arātiṃ bahv amanyata //

Note: b: (mukhair abhyarcit'^ Vn)

Note: d: (tam ariṃ Ct)

tasya sphurati paulastyah sītāsaṃgamaśaṃsini

nicakhānādhikakrodhaḥ śaraṃ savyetare bhuje //

rāvaṇasyāpi rāmāsto bhittvā hṛdayam āśugaḥ

viveśa bhuvam ākhyātum uragebhya iva priyam //

vacasaiva tayor vākyam astram astreṇa nighnatoḥ

anyonyajayasaṃrambho vavṛdhe vādinor iva //

Note: a: (eva N P)

Note: c: (e Ct)

vikramavyatihāreṇa astram astreṇa nighnatoḥ

jayaśrīr antarā vedir mattavāraṇayor iva //

Note: c: (ā^ C)

kṛtapratikṛtaprītais tayor muktāṃ surāsuraiḥ

parasparaṃ śaravrātāḥ puṣpavṛṣṭiṃ na sehire //

Note: c: (a^ ct)

ayaḥśaṅkucitāṃ rakṣaḥ śataghnīm atha śatrave

hṛtāṃ vaivasvatasyeva kūṭaśālmalim akṣipat //

rāghavo ratham aprāptāṃ tām āśāṃ ca suradviṣām

ardhacandramukhair bāṇaiś ciccheda kadalīsukham //

Note: b: (aḥ C V)

Note: d: (īm iva C Vn)

amoghaṃ saṃdadhe cāsmai dhanuṣy akeadhnurdharaḥ

brāhmam astraṃ priyāśoka-śalyaniṣkarṣaṇauṣadham //

Note: a: (rāmo C St)

tad vyomni daśadhā bhinnaṃ dadṛśe dīptimanmukham

vapur mahoragasyeva karālaphaṇamaṇḍalam //

Note: a: (śatadhā ct)

tena mantraprayuktena nimeṣārdhād apātayat

sa rāvaṇaśiraḥpaṅktim ajñātavraṇavedanām //

Note: b: (apāharat Vn)

Note: d: (ajāta^ T)

bālārkapratimevāpsu vīcibhinnā patiṣyataḥ

rarāja rakṣaḥkāyasya kaṇṭhacchedapraṃparā //

marutāṃ paśyatāṃ tasya śirāṃsi patitāny api

mano nātiviśaśvāsa punaḥ saṃdhānaśaṅkinām //

Note: d: (ḥ^ ct)

atha madagurupakṣair lokapāladvipānām anugatam alivṛndair gaṇḍabhittīr vihāya

upanatamaṇibandhe mūrdhni paulastyaśatroḥ surabhi suravimuktaṃ puṣpavarṣaṃ papāta //

Note: b: (galla^ Vn)

Note: c: (aviniyamitaratne T)

yantā hareḥ sapadi saṃhṛtakārmukajyam āpṛcchya rāghavam anuṣṭhitadevakāryam

nāmāṅkarāvaṇaśarāṅkitaketuyaṣṭim ūrdhvaṃ rathaṃ harisahasrayujaṃ nināya //

Note: c: (^ācita^ T)

Note: d: (a^ Ct)

Note: d: (^yutaṃ Vn)

raghupatir api jātavedoviśuddhāṃ pragṛhya priyāṃ priyasuhṛdi vibhīṣaṇe saṃgamayya śriyaṃ vairiṇaḥ

ravisutasahitena tenānuyātaḥ sasaumitriṇā bhujavijitavimānaratnādhirūḍhaḥ pratasthe purīm //

Note: b: (^kramayya C V)

athāmanaḥ śabdaguṇaṃ guṇajñaḥ padaṃ vimānena vigāhamānaḥ

ratnākaraṃ vīkṣya mithaḥ sa jāyāṃ rāmābhidhāno harir ity uvāca //

vaidehi paśy'; ā malayād vibhaktaṃ matsetunā phenilam amburāśim

chāyāpatheneva śaratprasannam ākāśam āviṣkṛtacārutāram //

guror yiyakṣoḥ kapilena medhye rasātalaṃ saṃkramite turaṃge

tadartham urvīm avadārayadbhiḥ pūrvaiḥ kilāyaṃ parivardhito naḥ //

Note: a: (madhye Vt)

garbhaṃ dadhaty arkamarīcayo 'smād vivṛddhim atrāśnuvate vasūni

abindhanaṃ vahnim asau bibharti prahlādanaṃ jyotir ajany anena //

tāṃ tām avasthāṃ pratipadyamānaṃ sthitaṃ daśa vyāpya diśo mahimnā

viṣṇor ivāsyānavadhāraṇīyam īdṛktayā rūpam iyattayā vā //

nābhiprarūḍhāmburuhāsanena saṃstūyamānaḥ prathamena dhātrā

amuṃ yugāntocitayogandiraḥ saṃhṛtya lokān puruṣo 'dhiśete //

Note: a: (prabhinn'^ Sd)

pakṣacchidā gotrabhidāttagandhāḥ śaraṇyam enaṃ śataśo mahīdhrāḥ

nṛpā ivopaplavinaḥ parebhyo dharmottaraṃ madhyamam āśrayante //

Note: a: (o C Vn)

Note: a: (^o bhayārthāḥ C V)

rasātalād ādibhavena puṃsā bhuvaḥ prayuktodvahanakriyāyāḥ

asyāccham ambhaḥ pralayapravṛddhaṃ muhūrtavaktrāvaraṇaṃ babhūva //

Note: d: (^ābharaṇaṃ ct *Vn)

mukhārpaṇeṣu prakṛtipragalbhāḥ svayaṃ taraṅgādharadānadakṣaḥ

ananyasāmānyakalatravṛttiḥ pibaty asau pāyayate ca sindhūḥ //

sasattvam ādāya nadīmukhāmbhaḥ saṃmīlayanto vivṛtānanatvāt

amī śirobhis timayaḥ sarandhrair ūrdhvaṃ vitanvanti jalapravāhān //

Note: b: (am St V)

mātaṅganakraiḥ sahasotpatadbhir bhinnān dvidhā paśya samudraphenān

kapolasaṃsarpitayā ya eṣāṃ vrajanti karṇa kṣaṇacāmaratvam //

Note: d: (e Vt)

velānilāya prasṛtā bhujaṃgā mahormivisphūrjathunirviśeṣāḥ

sūryāṃśusaṃparkasamṛddharāgair vyajyanta ete maṇibhiḥ phaṇasthaiḥ //

Note: b: (ita^ C Vn)

tavādharasparadhiṣu vidrumeṣu paryastam etat sahasormivegāt

ūrdhvāṅkuraprotamukhaṃ kathaṃcit kleśad apakrāmati śaṅkhayūtham //

pravṛttamātreṇa payāṃsi pātum āvartavegād bhramatā ghanena

ābhāti bhūyiṣṭham ayaṃ samudraḥ pramathyamāno giriṇeva bhūyaḥ //

Note: c: (itaḥ C Vn)

dūrād ayaścakranibhasya tanvī tamālatālīvanarājinīlā

ābhāti velā lavaṇāmburāśer dhārānibaddheva kalaṅkalekhā //

Note: d: (^rekhā ct)

velānilaḥ ketakareṇubhis te saṃbhāvayaty ānanam āyatākṣi

mām akṣamaṃ maṇḍanakālahāner vettīva bimbādharabaddhatṛṣṇam //

Note: b: (am Vn)

ete vayaṃ saikatabhinnaśukti-paryastamuktāpaṭalaṃ payodheḥ

prāptā muhūrtena vimānavegāt kūlaṃ phalāvarjitapūgamālam //

kuruṣva tāvat karabhoru paścān-mārge mṛgaprekṣiṇi dṛṣtipātam

eṣā vidūrībhavataḥ samudrāt sakānanā niṣpatatīva bhūmiḥ //

Note: d: (niḥsarat' C Vn)

kvacit pathā saṃcarate surāṇāṃ kvacid ghanānāṃ patatāṃ kvacic ca

yathāvidho me manso 'bhilāṣaḥ pravartate paśya tathā vimānam //

Note: b: (marutāṃ C V)

asau mahendradvipadānagandhī trimārgagāvīcivimardaśītaḥ

ākāśavāyur dinayauvanotthān ācāmati svedalavān mukhe te //

Note: a: (sur^ Vt)

Note: a: (is J M Ns Vnt)

kareṇa vātāyanalambitena spṛṣṭas tvayā caṇḍi kutūhalinyā

āmuñcatīvābharaṇaṃ dvitīyam udbhinnavidyudvalayo ghanas te //

amī janasthānam apoḍhavighnaṃ matvā samārabdhanavoṭajāni

adhyāsate cīrabhṛto yathāsvaṃ cirojjhitāny āśramamaṇḍalāni //

saiṣā sthalī yatra vicinvatā tvāṃ bhraṣṭaṃ mayā nūpuram ekam urvyām

adṛśyata tvaccaraṇāravinda-viśleṣaduḥkhād iva baddhamaunam //

tvaṃ rakṣasā bhīru yato 'panītā taṃ mārgam etāḥ kṛpayā latā me

adarśayan vaktum aśaknuvatyaḥ śākhābhir āvarjitapallavābhiḥ //

Note: c: (antyaḥ ct)

mṛgyaś ca darbhāṅkuranirvyapekṣās tavāgatijñaṃ samabodhayan mām

vyāpārayantyo diśi dakṣiṇasyām utpakṣmarājīni vilocanāni //

etad girer mālayavataḥ purastād āvirbhavaty ambarlekhi śṛṅgam

navaṃ yatra ghanair mayā ca tvadviprayogāśru samaṃ visṛṣṭam //

Note: b: (i^ C)

Note: c: (ghanaṃ Vn)

gandhaś ca dhārāhatapalvalānāṃ kādambam ardhodgatakesaraṃ ca

snigdhāś ca kekāḥ śikhināṃ babhūvur yasmin asahyāni vinā tvayā me //

Note: c: (abhūvan Vn)(tvayā me C)

Note: d: (vinā duṣprasahāny abhūvan C)

pūrvānubhūtaṃ smaratā ca yatra kampottaraṃ bhīru tavopagūḍham

guhāvisārīṇy ativāhitāni mayā kathaṃcid ghanagarjitāni //

Note: a: (rātrau C *V)

āsārasiktakṣitibāṣpayogān mām akṣiṇod yatra vibhinnakośaiḥ

viḍambyamānā navakandalais te vivāhadhūmāruṇalocanaśrīḥ //

Note: b: (akṣaṇod Vn)

upāntavānīravanopagūdhāny ālakṣyapāriplavasārasāni

dūrāvatīrṇā pibatīva khedād amūni pampāsalilāni dṛṣṭiḥ //

atrāviyuktāni rathāṅganāmnām anyonyadattotpalakesarāṇi

dvandvāni dūrāntaravartinā te mayā priye saspṛham īkṣitāni //

imāṃ tatāśokalatāṃ ca tanvīṃ stanābhirāmastabakābhinamrām

tvatprāptibuddhyā pariripsamānaḥ saumitriṇā sāsram ahaṃ niṣiddhaḥ //

Note: b: (^āva^ C *V)

Note: c: (parirabdhukāmaḥ ct Sc)

Note: d: (sāśrur ct)

amūr vimānāntaralambinīnāṃ śrutvā svanaṃ kāñcanakiṅkiṇīnām

pratyudvrajantīva kham utpatantyo godāvarīsārasapaṅktayas tvām //

eṣā tvayā peśalamadhyayāpi ghaṭāmbusaṃvardhitabālacūtā

āhlādayaty unmukhakṛṣṇasārā dṛṣṭa cirāt pañcavaṭī mano me //

Note: a: (komala^ V)

Note: c: (ānandayaty ct)

Note: c: (unmada^ Vn)

atrānugodaṃ mṛgayānivṛttas taraṅgavātema vinītakhedaḥ

rahas tvadutsaṅganiṣaṇṇamūrdhā smarāmi vānīragṛheṣu suptaḥ //

Note: a: (^nimmitaṃ Rp)

Note: b: (nivṛtta^ Cmk)

Note: c: (^niṣaṅga^ V)(^niṣakta^ Cmk)

Note: d: (am C St Vn Cmk Rg Tl)(im Al2)

bhrūbheda mātreṇa padān maghonaḥ prabhraṃśayāṃ yo nahuṣaṃ cakāra

tasyāvilāmbhaḥpariśuddhihetor bhaumo muneḥ sthānaparigraho 'yam //

Note: a: (^bhaṅga^ C Vt)

Note: b: (gh S Vn)

tretāgnidhūmāgram anindyakīrtes tasyedam ākrāntavimānamārgam

ghrātvā havirgandhi rajovimuktaḥ samaśnute me laghimānam ātmā //

etan muner mānini śātakarṇeḥ pañcāpsaro nāma vihāravāri

ābhāti paryantavanaṃ vidūrān meghāntarālakṣyam ivendubimbam //

purā sa darbhāṅkuramātravṛttiś caran mṛgaiḥ sārdham ṛṣir maghonā

samādhibhītena kilopanītaḥ pañcāpsaroyauvanakūṭabhandham //

Note: c: (ābhi^ Vn)

tasyāyam antarhitasaudhabhājaḥ prasaktasaṃgītamṛdaṅgaghoṣaḥ

viyadgataḥ puṣpakacandraśālāḥ kṣaṇaṃ pratiṣrunmukharāḥ karoti //

Note: b: (^yukta^ V)

Note: b: (^nādaḥ Vn)

havirbhujām edhavatāṃ caturṇāṃ madhye lalāṭaṃtapasaptasaptiḥ

asau tapasyaty aparas tapasvī nāmnā sutīkṣṇaś caritena dāntaḥ //

amuṃ sahāsaprahitekṣaṇāni vyājārdhasaṃdarśitamekhalāni

nālaṃ vikartuṃ janitendraśaṅkaṃ surāṅganāvibhramaceṣṭitāni //

eṣo 'kṣamālāvalayaṃ mṛgāṇāṃ kaṇḍūyitāraṃ kuśasūcilāvam

sabhājane me bhujam ūrdhvabāhuḥ savyetaraṃ prādhvam itaḥ prayuṅkte //

Note: d: (prāṃśv V)

vācaṃyamatvāt praṇatiṃ mamaiṣa kampena kiṃcit pratigṛhya mūrdhnaḥ

dṛṣṭiṃ vimānavyavadhānamuktāṃ punaḥ sahasrāciṣi saṃnidhatte //

Note: c: (e Vn)

adaḥ śaraṇyaṃ śarabhaṅganāmnas tapovanaṃ pāvanam āhitāgneḥ

cirāya saṃtarpya samidhir agniṃ yo mantrapūtāṃ tanum apy ahauṣīt //

chāyāvinītādhvapariśrameṣu bhūyiṣṭhasaṃbhāvyaphaleṣv amīṣu

tasyātithīnām adhunā saparyā sthitā suputreṣv iva pādapeṣu //

dhārāsvanodgāridarīmukho 'sau śṛṅgāgralagnāmbudavaprapaṅkaḥ

badhnāti me bandhuragātri cakṣur dṛptaḥ kakudmān iva citrakūṭaḥ //

eṣā prasannastimitapravāhā sarid vidūrāntarabhāvatanvī

mandākinī bhāti nagopakaṇṭhe muktāvalī kaṇṭhagateva bhūmeḥ //

ayaṃ sujāto 'nugiraṃ tamālaḥ pravālam ādāya sugandhi yasya

karṇārpiten' T ākaravaṃ kapolam apārthyakālāgurupattralekham Vt //

Note: a: (priyaṃ Vt)

Note: a: (^rūḍho Vt)

Note: b: (tava pravālopacayena T Vt)

anigrahatrāsavinītasattvam apuṣpaliṅgāt phalabandhivṛkṣam

vanaṃ tapaḥsādhanam etad atrer āviṣkṛtodagrataraprabhāvam //

Note: d: (^odagra^tapaḥ^ T)

atrābhiṣekāya tapodhanānāṃ saptarśihastoddhṛtahemapadmām

pravartayām āsa kil'; ānusūyā trisrotasaṃ tryambakamaulimālām //

Note: c: (a C Ns2)

vīrāsanair dhyānajuṣām ṛṣīnām amī samādhyāsitavedimadhyāḥ

nivātaniṣkampatayā vibhānti yogādhirūḍhā iva śākhino 'pi //

Note: a: (dhīr'^ T)

Note: b: (samadhyāsita^ ct)

Note: b: (^vandhāḥ Vt)

Note: c: (nirvāta^ Ct J M)

tvayā purastād upayācito yaḥ so 'yaṃ vaṭaḥ śyāma iti pratītaḥ

rāśir maṇīnām iva gāruḍānāṃ sapadmarāgaḥ phalito vibhāti //

Note: b: (prakāśaḥ C V)

kvacit prabhā cāndramasī tamobhiś muktāmayī yaṣṭir ivānuviddhā

anyatra mālā sitapaṅkajānām indīvarair utkhacitāntareva //

Note: d: (utkacit'^ Vn)

kvacit khagānāṃ priyamānasānāṃ kādambasaṃsargavatīva

anyatra śubhrā śaradabhralekhā bhaktir bhuvaś candanakalpiteva //

kvacit prabhā cāndramasī tamobhiś chāyāvilīnaiḥ śabalīkṛteva

anyatra śubhrā śaradabhralekhā randhreṣv ivālakṣyanabhaḥpradeśā //

Note: b: (^'bhilīnaiḥ Vn)

kvacic ca kṛṣṇoragabhūṣaṇeva bhasmāṅgarāgā tanur īśvarasya

paśyānavadyāṅgi vibhāti gaṅgā bhinnapravāhā yamunātaraṅgaiḥ //

tamisrayāśubhraniśeva bhinnā kundasrag indīvaramālayeva

kṛttir hareḥ kṛṣṇamṛgatvaceva bhūtiḥ smarārer iva kaṇṭhabhāsā //

Note: a: ([śu]kla^ T)

Note: a: (rātryā T)

dṛśyārdhayā śāradameghalekhā nirdhūtanistriṃśarucā viśeva

gavākṣakālāgurudhūmarājyā harmyasthalīlepasudhā naveva //

Note: b: (diś'' T)

tuṣārasaṃghātaśilā himādrer jātyāñjanaprastaraśobhayeva

patatriṇāṃ manasagocarāṇāṃ T śreṇīva kādambavihaṃgapaṅktyā //

nitāntaśuddhasphuṭikāśayogād vaiḍūryakāntyā raśanāvalīva

gaṅgā raver ātmajayā sametā puṣpyaty udāraṃ parabhāgalekhā //

Note: a: (a T)

samudrapatnyor jalasaṃnipāte pūtātmanām atra kilābhiṣekāt

tattvāvabodhena vināpi bhūyas tanutyajāṃ nāsti śarīrabandhaḥ //

puraṃ niṣādādhipater idaṃ tad yasmin mayā maulimaṇiṃ vihāya

jaṭāsu baddhāsv arudat sumantraḥ kaikeyi kāmāḥ phalitās taveti //

payodharaiḥ puṇyajanāṅganānāṃ nirviṣṭahemāmbujareṇu yasyāḥ

brāhmaṃ saraḥ kāraṇam āptavāco buddher ivāvyaktam udāharanti //

jalāni yā tīranikhātayūpā vahaty ayodhyām anu rājadhānīm

turaṃgamedhāvabhṛtavatīrṇair ikṣvākubhiḥ puṇyatarīkṛtāni //

Note: a: (air Ct V)

yāṃ saikatotsaṅgasukhocitānāṃ prājyaiḥ payobhiḥ parivardhitānām

sāmānyadhātrīm iva mānasaṃ me saṃbhāvayaty uttarakosalānām //

Note: b: (puṇyaiḥ C)

seyaṃ madīyā jananīva tena mānyena rājñā sarayūr viyuktā

dūre vasantaṃ śiśirānilair māṃ taraṅgahastair upagūhatīva //

Note: c: ('pi santaṃ T *V)

viraktasaṃdhyākapiśaṃ purastād yato rajaḥ pārthivam ujjihīte

śaṅke hanūmatkathitapravṛttiḥ pratyudgato māṃ bharataḥ sasainyaḥ //

Note: a: (^paruṣaṃ Vt At Cm)

Note: b: (yathā V At)

addhā śriyaṃ pālitasaṃgarāya pratyarpayiṣyaty anaghāṃ sa sādhuḥ

hatvā nivṛttāya mṛdhe kharādīn saṃrakṣitāṃ tvām iva lakṣmaṇo me //

Note: a: (adya C V)(atra T)

Note: a: (pārita^ T)

asau puraskṛtya guruṃ padātiḥ paścādavasthāpitavāhinīkaḥ

vṛddhair amātyaiḥ saha cīravāsā mām arghyapāṇir bharato 'bhyupaiti //

Note: d: (argha^ V)

pitrā nisṛṣṭāṃ madapekṣayā yaḥ śriyaṃ yuvāpy aṅkagatām abhoktā

iyanti varṣāṇi tayā sahogram abhyasyatīva vratam āsidhāram //

Note: a: (vi^ ct)

Note: c: (nitāntakaṣṭam Vt)

etāvad uktavati dāśarathau tadīyām icchāṃ vimānam adhidevatayā viditvā

dyotiṣpathād avatatāra savismayābhir udvīkṣitaṃ prakṛtibhir bharatānugābhiḥ //

Note: c: (jyotis^ ct V)

tasmāt puraḥsaravibhīṣaṇadarśitena sevāvicakṣaṇaharīśvaradattahastaḥ

yānād avātarad adūramahītalena mārgeṇa bhaṅgiracitasphaṭikena rāmaḥ //

Note: d: (u Vn)

ikṣvākuvaṃśagurave prayataḥ praṇamya sa bhrātaraṃ bharatam arghyaparigrahānte

paryaśrur asvajata mūrdhani copajaghrau tadbhaktyapoḍhapitṛrāhyamahābhiṣeke //

Note: b: (sa^ Ct J M)

Note: b: (argha^ V)

śmaśrupravṛddhijanitānanavikriyāṃś ca plakṣān prarohajaṭilān iva mantrivṛddhān

anvagrahīt praṇamataḥ śubhadṛṣṭipātair vārttānuyogamadhurākṣarayā ca vācā //

Note: a: (^ākṛti^ N P)

Note: a: (tān Ct)

Note: b: (^putrān Vn)

Note: c: (^dānair Vtp)

durjātabandhur ayam ṛkṣaharīśvaro me paulastya eṣa samareṣu puraḥ prahartā

ity ādṛtena kathitau raghunandanena vyutkramya lakṣmaṇam ubhau bharato vavande //

Note: a: (duḥkhaika^ C V)(ajñāta^ Sk)

Note: b: (ḥ^ ct)

Note: d: (krānta^ Sk)

saumitriṇā tadanu saṃsasṛje sa cainam utthāpya namraśirasaṃ bhṛśam āliniṅga

rūḍhendrajitpraharaṇavraṇakarkaśena kliśyann ivāsya bhujamadhyam uraḥsthalena //

rāmājñayā haricamūpatayas tadānīṃ kṛtvā manuṣyavapur āruruhur gajendrān

teṣu kṣaratsu bahudhā madavāridhārāḥ śailādhirohaṇasukhāny upalebhire te //

Note: c: (yeṣu V)

sānuplavaḥ prabhur api kṣaṇadācarāṇāṃ bheje rathān daśarathaprabhavānuśiṣṭaḥ

māyāvikalparacitair api ye tadīyair na syandanais tulitakṛtrimabhaktiśobhāḥ //

Note: b: (aṃ V)

Note: c: (yas V)

Note: d: (niḥspandanais Vn)

Note: d: (aḥ V)

bhūyas tato raghupatir vilasatpatākam adhyāsta kāmagati sāvarajo vimānam

doṣātanaṃ budhabṛhaspatiyogadṛśyas tārāpatis taralavidyud iv'ābhravṛndam //

Note: d: (^'dhipas V)

Note: d: (^kūṭam V)

tatreśvareṇa jagatāṃ pralayād ivorvīṃ varṣātyayena rucam abhraghanād ivendoḥ

rāmeṇa maithilasutāṃ daśakaṇṭhakṛcchrāt pratyuddhṛtāṃ dhṛtimatīṃ bharato vavande //

Note: d: (abhy^ V)

laṅkeśvarapraṇatibhaṅgadṛḍhavrataṃ tad (?) vandyaṃ yugaṃ caraṇayor janakātmajāyāḥ

jyeṣṭhānuvṛttijaṭilaṃ ca śiro 'sya sādhor anyonyapāvanam abhūd ubhayaṃ sametya //

krośārdhaṃ prakṛtipuraḥsareṇa gatvā kākutsthaḥ stimitajavena puṣpakeṇa

śatrughnaprativihitopakāryam āryaḥ sāketopavanam udāram adhyuvāsa //

uttiṣṭha vatse nanu sānujo 'sau daśāntaraṃ tatra samaṃ prapanne

apaśyatāṃ dāśarathī jananyau chedād ivopaghnataror vratatyau //

ubhāv ubhābhyāṃ praṇatau hatārī yathākramaṃ vikramaśobhinau tau

vispaṣṭam asrāndhatayā na dṛṣṭau jñātau sutasparśasukhopalambhāt //

ānandajaḥ śokajam aśru bāṣpas tayor aśītaṃ śiśiro bibheda

gaṅgāsarayvor jalam uṣṇatpataṃ himādrinisyanda ivāvatīrṇaḥ //

te putrayor nairṛtaśastramārgān ārdrān ivāṅge sadayaṃ spṛśantyau

apīpsitaṃ kṣatrakulāṅganānāṃ na vīrasūśabdam akāmayetām //

kleśāvahā bhartur alakṣaṇāhaṃ sīteti nāma svam udīrayantī

svargapratiṣṭhasya guror mahiṣyāv abhaktibhedena vadhūr vavande //

uttiṣṭha vatse nanu sānujo 'sau vṛttena bhartā śucinā tavaiva

kṛcchraṃ mahat tīrṇa iti priyārhāṃ tām ūcatus te priyam apy amithyā //

Note: c: (kaṣṭaṃ Vn)

athābhiṣekaṃ raghuvaṃśaketoḥ prārabdham ānandajalair jananyoḥ

nirvartayām āsur amātyavṛddhās tīrthāhṛtaiḥ kāñcanakumbhatoyaiḥ //

Note: c: (ni^ Vn)

saritsamudrān sarasīś ca gatvā rakṣaḥkapīndrair upapāditāni

tasyāpatan mūrdhni jalāni jiṣṇor vindhyasya meghaprabhavā ivāpaḥ //

tapasviveṣakriyayāpi tāvad yaḥ prekṣaṇīyaḥ sutarāṃ babhūva

rājendranepathyavidhānaśobhā rasyoditāsīt punaruktadoṣā //

sa maularakṣoharimiśrasainyas tūryasvanānanditapauravargaḥ

viveṣa saudhodgatalājavarṣām uttoraṇām anvayarājadhānīm //

Note: a: (^haribhiḥ sasainyas ct)

Note: b: (ām C V)

saumitriṇā sāvarajena mandam ādhūtavālavyajano rathasthaḥ

dhṛtātapatro bharatena sākṣād upāyasaṃghāta iva pravṛddhaḥ //

Note: d: (^vṛttaḥ V)

prāsādakālāgurudhūmarājis tasyāḥ puro vāyuvaśena bhinnā

vanān nivṛttena raghūdvahena muktā svayaṃ veṇir ivābhāse //

Note: c: (^ūttamena ct Vt)

śvaśrūjanānuṣṭhitacāruveṣāṃ karṇīrathasthāṃ raghuvīrapatnīm

prāsādavātāyanadṛśyabandhaiḥ sāketanāryo 'ñjalibhiḥ praṇemuḥ //

Note: c: (vimāna^ Vt)

sphuratprabhāmaṇḍalam ānusūyaṃ sā bibhratī śāśvatam aṅgarāgam

rarāja śuddheti punaḥ svapuryai saṃdarśita vahnigateva bhartrā //

Note: a: (a C Ns2)

veśmāni rāmaḥ paribarhavanti viśrāṇya sauhārdhanidhiḥ suhṛdbyaḥ

bāṣpāyamāṇo balimanniketam ālekhyaśeṣasya pitur viveśa //

kṛtāñjalis tatra yad amba satyān nābhraśyata svargaphalād gurur naḥ

tac cintyamānaṃ sukṛtaṃ taveti jahāra lajjāṃ bharatasya mātuḥ //

tathā ca sugrīvavibhīśaṇādīn upācarat kṛtrimasaṃvidhābhiḥ

saṃkalpamātroditasiddhayas te krāntā yathā cetasi vismayena //

Note: a: (^aiva ct)(tatraiva Vn)

sabhājanāyopagatān sa divyān munīn puraskṛtya hatasya śatroḥ

śuśrāva tebhyaḥ prabhavādi vṛttaṃ svavikrame gauravam ādadhānam //

Note: c: (i^ C)

Note: d: (aḥ V)

pratiprayāteṣu tapodhaneṣu sukhād avijñātagatārdhamāsān

sītāsvahastopahṛtāgryapūjān rakṣaḥkapīndrān visasarja rāmaḥ //

tac cātmacintāsulabhaṃ vimānaṃ hṛtaṃ surāreḥ saha jīvitena

kailāsanāthodvahanāya bhūyaḥ puṣpaṃ divaḥ puṣpakam anvamaṃsta //

Note: a: (tath'' Ct)

Note: b: (pūtaṃ Vn)

pitur niyogād vanavāsam evaṃ nistīrya rāmaḥ pratipannarājyaḥ

dharmārthakāmeṣu samāṃ prapede yathā tathaivāvarajeṣu vṛttim //

Note: a: (^vāsa^duḥkhaṃ C)

Note: c: (aṃ Vt)

sarvāsu mātṛṣv api vatsalatvāt sa nirviśeṣapratipattir āsīt

ṣaḍānanāpītapayodharāsu netā camūnām iva kṛttikāsu //

tenārthavāṃl lobhaparāṅmukhena tena ghnatā vighnabhayaṃ kriyāvān

tenāsa lokaḥ pitṛmān vinetrā tenaiva śokāpanudena putrī //

sa paurakāryāṇi samīkṣya kāle reme videhādhipater duhitrā

upasthitaś cāru vapus tadīyaṃ kṛtvopabhogotsukayeva lakṣmyā //

Note: a: (vilokya Vt)

Note: c: (aṃ Ct)

Note: c: (u^ C)

tayor yathāprārthitam indriyārthān āseduṣoḥ sadmasu citravatsu

prāptāni duḥkhāny api daṇḍakeṣu saṃcintyamānāni sukhāny abhūvan //

Note: a: (am V)

Note: d: (sukhī^babhūvuḥ St V)

athādhikasnigdhavilocanena mukhena sītā śarapāṇḍureṇa

ānandayitrī pariṇetur āsīd anakṣaravyañjitadohadena //

Note: a: (^sneha^ Vn)

Note: d: (^daurhṛdena J M N P)

tām aṅkam āropya kṛśāṅgayaṣṭiṃ varṇāntarākrāntapayodharāgrām

vilajjamānāṃ rahasi pratītaḥ prapraccha rāmāṃ ramaṇo 'bhilāṣam //

sā daṣṭanīvārabalīnihiṃsraiḥ saṃbaddha vaikhānasakanyakāni

iyeṣa bhūyaḥ kuśavanti gantuṃ bhāgīrathītīratapovanāni //

Note: a: (dṛṣṭa^ C)

Note: a: (^phalāni V)

Note: b: (samṛddha^ Vn)

tasyai pratiśrutya raghupravīras tad (?) īpsitaṃ pārśvacarānuyātaḥ

ālokayiṣyan muditām ayodhyāṃ prāsādam abhraṃliham āruroha //

ṛddhāpaṇaṃ rājapathaṃ sa paśyan vigāhyamānāṃ sarayūṃ ca naubhiḥ

vilāsibhiś cādhyuṣitāni pauraiḥ puropakaṇṭhopavanāni reme //

Note: b: (vipādyamānāṃ Vt)

sa kiṃvadantīṃ vadatāṃ purogaḥ svaṛttam uddiśya viśuddhavṛttaḥ

sarpādhirājorubhujo 'pasarpaṃ papraccha bhadraṃ vijitāribhadraḥ //

nirbandhapṛṣṭaḥ sa jagāda sarvaṃ stuvanti paurāś caritaṃ tvadīyam

anyatra rakṣobhavanoṣitāyāḥ parigrahān mānavadeva devyāḥ //

Note: b: (tadīyam J M)

kalatranindāguruṇā kilaivam abhyāhataṃ kīrtiviparyayeṇa

ayoghanenāya ivābhitaptaṃ vaidehibandhor hṛdayaṃ vidadre //

kim ātmanirvādakathām upekṣe jāyām adoṣām uta saṃtyajāmi

ity ekapakṣāśrayaviklavatvād āsīt sa dolācalacittavṛttiḥ //

Note: a: (ai N P)

Note: b: (ni N P)

niścitya cānanyanivṛtti vācyaṃ tyāgena patnyāḥ parimārṣṭum aicchat

api svadehāt kim utendriyārthād yaśodhanānāṃ hi yaśo garīyaḥ //

sa saṃnipātyāvarajān hataujās tadvikriyādarśanaluptaharṣān

kaulīnam ātmāśrayam ācacakṣe tebhyaḥ punaś cedam uvāca vākyam //

rājarṣivaṃśasya raviprasūter upasthitaḥ paśyata kīdṛśo 'yam

mattaḥ sadācāraśuceḥ kalaṅkaḥ payodavātād iva darpaṇasya //

paureṣu so 'haṃ vahulībhavantam apāṃ taraṅgeṣv iva tailabindum

soḍhuṃ na tatpūrvam avarṇam īśe ālānikaṃ sthāṇum iva dviependraḥ //

Note: c: (a Ct)

tasyāpanodāya phalapravṛttāv upasthitāyām api nirvyapekṣaḥ

tyakṣyāmi vaidehasutāṃ purastāt samudranemiṃ pitur ājñayeva //

avaimi cainām anagheti kiṃ tu lokāpavādo balavān mato me

chāyā hi bhūmeḥ śaśino malatven- -āropitā śuddhimataḥ prajābhiḥ //

Note: c: (e C V)

Note: d: (nirūpitā C V)

rakṣovadhānto na ca me prayāso vyarthaḥ sa vairapratimocanāya

amarṣaṇaḥ śoṇitakāṅkṣayā kiṃ padā spṛśantaṃ daśati dvijihvaḥ //

Note: a: (^ārtho Vt)

tad eṣa sargaḥ karuṇārdracittair na me bhavadbhiḥ pratiṣedhanīyaḥ

yady arthitā nirhṛtavācyaśalyān prāṇān mayā dhārayituṃ ciraṃ vaḥ //

Note: c: (^gata^ C V)

Note: d: (atā Vn)

ity uktavantaṃ janakātmajāyāṃ nitāntarūkṣābhiniveśam īśam

na kaścana bhrātṛṣu teṣu śakto niṣeddhum āsīd anuvartituṃ vā //

Note: d: (^modituṃ ct)(^nodituṃ Vn)

sa lakṣmaṇaṃ lakṣmaṇapūrvajanmā vilokya lokatrayagītakīrtiḥ

saumyeti cābhāṣya yathārthabhāṣī sthitaṃ nideśe pṛthag ādideśa //

Note: c: (aḥ Vn)

prajāvatī dohadaśaṃsinī te tapovaneṣu spṛhayālur eva

saumyeti cābhāṣya yathārthabhāṣī prāpayya vālmīkipadaṃ tyajainām //

Note: a: (dauhṛda^ Vp)(daurhṛda^ Vt)

Note: b: (ebhyaḥ Ct Vt)

Note: c: (aḥ Vn)

sa śuśruvān mātari bhārgaveṇa pitur niyogāt prahṛtam dviṣadvat

pratyagrahīd agrajaśāsanaṃ tad ājñā gurūṇāṃ hy avicāraṇīyā //

Note: b: (nideśāt Ct V)

Note: d: (tv Vp)

athānukūlaśravaṇapratītām atrasnubhir yuktadhuraṃ turaṃgaiḥ

rathaṃ sumantra pratipannaraśmim āropya vaidehasutāṃ pratasthe //

Note: c: (sumantu^ C)

sā nīyamānā rucirān pradeśān priyaṃkaro me priya ity anandat

nābuddha kalpadrumatāṃ vihāya jātaṃ tam ātmany asipattravṛkṣam //

Note: a: (a^ S)

jugūha tasyāḥ pathi lakṣmaṇo yat savyetareṇa sphuratā tad akṣṇā

ākhyātam asyai guru bhāvi duḥkham atyantaluptapriyadarśanena //

Note: a: (jugopa C V)

Note: c: (u^ C)

Note: c: (i^ C)

Note: d: (^cumbanena Vt)

sā durnimittopagatād viṣādāt sadyaḥ parimlānamukhāravindā

rājñaḥ śivaṃ sāvarajasya bhūyād ity āśaśaṃse karaṇair abāhyaiḥ //

Note: a: (^opagamād V)

Note: b: (ḥ^ Ns2)

Note: d: (viśaṅkaiḥ Vt)

guror niyogād vanitāṃ vanānte sādhvīṃ sumitrātanayo vihāsyan

avāryatevotthitavīcihastair jahnor duhitrā shitayā purastāt //

Note: a: (bhrātur *V)

Note: a: (nideśād C *V)

Note: a: (api tāṃ C *Vn)(dayitāṃ Vtp)

Note: c: (nyavāryat' Vt)

Note: c: (occhrita^ C)(oddhṛta^ *Vt)

rathāt sa yantrā nigṛhītavāhāt tāṃ bhrātṛhyāyāṃ puline 'vatārya

gaṅgāṃ niṣādāhṛtanauviśeṣas tatāra saṃdhām iva satyasaṃdhaḥ //

atha vyavasthāpitavāk kathaṃcit saumitrir antargatabāṣpakaṇṭhaḥ

autpātiko megha ivāśmavarṣaṃ mahīpateḥ śāsanam ujjagāra //

Note: c: (aṃ ct Vn)

tato 'bhiṣaṅgānilavipraviddhā prabhraśyamānābharaṇasprasūnā

svamūrtilābhaprakṛtiṃ dharitrīṃ lateva sītā sahasā jagāma //

ikṣvākuvaṃśaprabhavaḥ kathaṃ tvāṃ tyajed akasmāt patir āryavṛttaḥ

iti kṣitiḥ saṃśayiteva tasyai dadau praveśaṃ jananī na tāvat //

sā luptasaṃjñā na viveda duḥkhaṃ pratyāgatāsuḥ samatapyatāntaḥ

tasyāḥ sumitrātmajayatnalabdho mohād abhūt kaṣṭataraḥ prabodhaḥ //

Note: b: (samadahyat' Ct Vt)

na cāvadad bhartur avarṇam āryā nirākariṣṇor vṛjinād ṛte 'pi

ātmānam eva sthiraduḥkhabājaṃ punaḥ punar duṣkṛtinaṃ nininda //

āśvāsya rāmāvarajaḥ satīṃ tām ākhyātavālmīkiniketamārgaḥ

nighnasya me bhartṛnideśaraukṣyaṃ devi kṣamasveti babhūva namraḥ //

Note: a: (sa sītām Ct V)

Note: c: (^raukṣaṃ C)(^rūkṣaṃ Vn)

sītā samutthāpya jagāda vākyaṃ prītāsmi te saumyacirāya jīva

viḍaujasā viṣṇur ivāgrajena bhrātrā yad itthaṃ paravān asi tvam //

Note: b: (vatsa Ct V)

śvaśrūjanaṃ sarvam anukrameṇa vijñāpaya prāpitamatpraṇāmaḥ

prajāniśekaṃ mayi vartamānaṃ sūnor anudhyāyata cetaseti //

Note: b: (eḥ C V)

vācyas tvayā madvacanāt sa rājā vahnau viśuddhām api yat samakṣam

māṃ lokavādaśravaṇād ahāsīḥ śrutasya kiṃ tat sadṛśaṃ kulasya //

kalyāṇabuddher atha vā tavāyaṃ na kāmacāro mayi śaṅkanīyaḥ

mamaiva janmāntarapātakānāṃ vipākavisphūrjathur aprasahyaḥ //

upasthitāṃ pūrvam apāsya lakṣmīṃ vanaṃ mayā sārdham asi prapannaḥ

tad āspadaṃ prāpya tayātiroṣāt soḍhāsmi na tvadbhavane vasantī //

Note: c: (tvayy C *V)

Note: c: (ā nu roṣāt C)(ā 'nuroṣāt Vtp)(ā tu roṣāt *Vn)

niśācaropaplutabhartṛkāṇāṃ tapasvinīnāṃ bhavataḥ prasādāt

bhūtvā śaraṇyā śaraṇārtham anyāṃ kathaṃ prapatsye tvayi dīpyamāne //

Note: c: (aṃ ct *V)

kiṃ vā tavātyantaviyogamoghe kuryām upekṣāṃ hatajīvite 'smin

syād rakṣaṇīyaṃ yadi me na tejas tvadīyam antargatam antarāyaḥ //

Note: b: (apeksāṃ Vn)

Note: d: (^hitam Vt)

sāhaṃ tapaḥ sūryaniviṣṭadṛṣṭir ūrdhvaṃ prasūtes caritum yatiṣye

tathā yathā me jananāntare 'pi tvam eva bhartā na ca viprayogaḥ //

Note: a: (^nibaddha^ *V)

Note: c: (bhūyo ct)

nṛpasya varṇāśramarakṣaṇaṃ yat sa eva dharmo manunā praṇītaḥ

nirvāsitāpy evam atas tvayāhaṃ tapasvisāmānyam avekṣaṇīyā //

Note: a: (^pālanaṃ ct)

tatheti tasyāḥ pratigṛhya vācaṃ rāmānuje dṛśṭipathaṃ vyatīte

sā muktakaṇṭhaṃ vyasanātibhārāc cakranda vignā kurarīva bhūyaḥ //

nṛtyaṃ mayūrāḥ kusumāni vṛkṣā darbhān upāttān vijahur hariṇyaḥ

tasyāḥ prapanne samaduḥkhabhāvam atyantam āsīd ruditaṃ vane 'pi //

tām abhyagacchad ruditānusārī kaviḥ kuśedhmāharaṇāya yātaḥ

niṣādaviddhāṇḍajadarśanotthaḥ ślokatvam āpadyata yasya śokaḥ //

tam aśru netrāvaraṇaṃ pramṛjya sītā vilāpād viratā vavande

tasyai munir dohadaliṅgadarśī dāśvān supurtrāśiṣam ity uvāca //

Note: d: (dattvā C V)

jāne viṣṛśṭāṃ praṇidhānatas tvāṃ mithyāpavādakṣubhitena bhartrā

tan mā vyathiṣṭhā viṣayāntarasthaṃ prāptāsi vaidehi pitur niketam //

uthkātalokatrayakaṇṭake 'pi satyapratijñe 'py avikatthane 'pi

tvāṃ praty akasmāt kaluṣapravṛttāv asty eva manyur bharatāgraje me //

Note: b: (avikatthamāne Vt)

tavendukīrtiḥ śvaśuraḥ sakhā me satāṃ bhavocchedakaraḥ pitā te

dhuri sthitā tvaṃ patidevatānāṃ kiṃ tan na yenāsi mamānukampyā //

Note: a: (oru^ ct)

tapasvisaṃsargavinitatsattve tapovane vītabhayā vasāsmin

ito bhaviṣyaty anaghaprasūter apatyasaṃskāramayo vidhis te //

aśūnyatīrāṃ munisaṃniveśais tamo'pahantrīṃ tamasāṃ vigāhya

tatsaikatotsaṅgabalikriyābhiḥ saṃpatsyate te manasaḥ prasādaḥ //

Note: b: (va^ J M Ns)

puṣpaṃ phalaṃ cārtavam āharantyo bījaṃ ca bāleyam akṛṣṭarohi

vinodayiṣyanti navābhiṣaṅgām udāravāco munikanyakās tvām //

Note: b: (kale yad v)

payoghaṭair āśramabālavṛkṣān saṃvardhayantī svabalānurūpaiḥ

asaṃśayaṃ prāk tanayopapatteḥ stanaṃdhayaprītim avāpsyasi tvam //

Note: b: (am Ct)

anugrahapratyabhinandinīṃ tāṃ vālmīkir ādāya dayārdracetāḥ

sāyaṃ mṛgādhyāsitavedipārśvaṃ svam āśramaṃ śāntamṛgaṃ nināya //

Note: b: (āśvāsya Ct)

tām arpayām āsa ca śokadīnāṃ tadāgamaprītiṣu tāpasīṣu

nirviṣṭasārāṃ pitṛbhir himāṃśor antyāṃ kalāṃ darśa ivauṣadhīṣu //

tā iṅgudīsnehakṛtapradīpam āstīrṇamedhyājinatalpam antaḥ

tasyai saparyānupadaṃ dinānte nivāsahetor uṭajaṃ viteruḥ //

tatrābhiṣekaprayatā vasantī prayuktapūjā vidhinātithibhyaḥ

vanyena sā valkalinī śarīraṃ patyuḥ prajāsaṃtataye babhāra //

Note: b: (vibudh'^ V)

api prabhuḥ sānuśayo 'dhunā syāt kim utsukaḥ śakrajito 'pi hantā

śaśaṃsa sītāparidevanāntam anuṣṭhitaṃ śāsanam agrajāya //

Note: b: (ity ct Vn)

Note: b: (ni^ S Vn)(^)

Note: c: (^paridevit'^ Vn)

babhūva rāmaḥ sahasā sabāṣpas tuṣāravarṣīva sahasyacandraḥ

kaulīnabhītena gṛhān nirastā na tena vaidehasutā manastaḥ //

Note: a: (sapadi C V)

Note: a: (pra^ C Vt)

nigṛhya śokaṃ svayam eva dhīmān varṇāśramāvekṣaṇajāgarūkaḥ

sa bhrātṛsādhāraṇabhogam ṛddhaṃ rājyaṃ rajoriktamanāḥ śaśāsa //

tām ekabhāryāṃ parivādabhīroḥ sādhvīm api tyaktavato nṛpasya

vakṣasy asaṃghaṭṭasukhaṃ vasantī reje sapatnīrahiteva lakṣmīḥ //

Note: a: (tasy' aika^ C *V)

Note: c: (asaṃbādha^ *Vn)

Note: d: (reme Ct *V)

sītāṃ hitvā daśamukharipur nopayema yad anyāṃ tasyā eva pratikṛtisakho yat kratūn ājahāra

vṛttāntena śravaṇaviṣayaprāpiṇā tena bhartuḥ sā durvāraṃ katham api parityāgaduḥkhaṃ viṣehe //

Note: a: (hitvā sītāṃ Ct Sk)

Note: b: (ājuhāva Vt)

Note: d: (durvāra^vyatham Ct *V Sk)

kṛtasītāparityāgaḥ sa ratnākaramekhalām

bubhūje pṛthivīpālaḥ pṛthivīm eva kevalām //

Note: d: (am Vt)

lavaṇena viluptejyās tāmisreṇa tam abhyayuḥ

munayo yamunābhājaḥ śaraṇyaṃ śaraṇārthinaḥ //

avekṣya rāmaṃ te tasmin na prajahruḥ svatejasā

trāṇābhāve hi śāpāstrāḥ kurvanti tapaso vyayam //

pratiśuśrāva kākutsthas tebhyo vighnapratikriyām

dharmasaṃrakṣaṇāyaiva pravṛttir bhuvi śārṅgiṇaḥ //

Note: c: ('^ārth'' ct)

te rāmāya vadhopāyam ācakhyur vibudhaviṣaḥ

durjayo lavaṇaḥ śūlī viśūlaḥ prārthyatām iti //

ādideśātha śatrughnaṃ teṣāṃ kṣemāya rāghavaḥ

kariṣyann iva nāmāsya yathārtham arinigrahāt //

yaḥ kaścana raghūṇāṃ hi param ekaḥ paraṃtapaḥ

apavāda ivotsargaṃ vyāvartayitum īśvaraḥ //

agrajena prayuktāśīs tadā dāśarathī rathī

yayau vanstahliḥ paśyan puṣpitāḥ surabhīr abhīḥ //

Note: b: (tato ct)

rāmādeśād anupadaṃ senāṅgaṃ tasya siddhaye

paścād adhyayanārthasya dhātor adhir ivābhavat //

Note: a: (anugatā ct)

Note: b: (senā tasy'ārtha^ ct)

ādiṣṭavartmā munibhiḥ sa gacchaṃs tapatāṃ varaḥ

virarāja rathapṛṣṭhair vālakhilyair ivāṃśumān //

Note: c: (^praṣṭhair ct)

tasya mārgavaśād ekā babhūva vasatir yataḥ

rathasvanotkaṇṭhamṛge vālmīkīye tapovane //

Note: c: (^otkarṇa^ C Vn)

tam ṛṣiḥ pūjayām āsa kumāraṃ klāntavāhanam

tapaḥprabhāvasiddhābhir viśeṣapratipattibhiḥ //

Note: d: (viṣaya^ V)

tasyām evāsya yāminyām antarvatnī prajāvatī

sutāv asūta saṃpannau kośadaṇḍāv iva kṣitiḥ //

Note: c: (ā Ct St V)

saṃtānaśravaṇād bhrātuḥ saumitriḥ saumanasyavān

prāñjalir munim āmantrya prātar yuktaratho yayau //

sa ca prāpa madhūpaghnaṃ kumbhīnasyāś ca kukṣijaḥ

vanāt karam ivādāya sattvarāśim upasthitaḥ //

dhūmadhūmro vasāghandhī jvālābabhruśiroruhaḥ

kravyādgaṇaparīvāraś citāgnir iva jaṅgamaḥ //

apaśulaṃ tam āsādya lavaṇaṃ lakṣmaṇānujaḥ

rurodha saṃmukhīno hi jayo randhraprahāriṇām //

nātiparyāptam ālakṣya matkukṣer adya bhojanam

diṣṭyā tvam asi me dhātrā bhīgtenevopapāditaḥ //

Note: a: (ālokya Ct V)

Note: b: (vetanam V)

iti saṃtarjya śatrughnaṃ rākṣasas tajjighāṃsayā

prāṃśum utpāṭayām āsa mustāstambam iva drumam //

saumitrer niśitair bāṇair antarā śakalīkṛtaḥ

gātraṃ puṣparajaḥ prāpa na śākhī nairṛteritaḥ //

vināśāt tasya vṛkṣasya rakṣas tasmai mahopalam

prajighāya kṛtāntasya muṣṭiṃ pṛthag iva sthitam //

Note: a: ([ni^ C][vi^ V]^śānaṃ svasya śūlasya)

Note: b: (taṃ ca Vn)

aindram astram upādāya śatrughnena sa tāḍitaḥ

sikatābhyo 'pi hi parāṃ prapede paramāṇutām //

Note: c: (^tvād api ct)

dakṣiṇaṃ doṣam udyamya rākṣasas tam upādravat

ekatāla ivopāta-pavanaprerito giriḥ //

Note: a: (tam upādravad ct)

Note: b: (dakṣiṇaṃ dor niśācaraḥ ct)

kārṣnena pattrinā śatruḥ sa bhinnarhṛdayaḥ patan

ānināya bhuvaḥ kampaṃ jahārāśramavāsinām //

Note: a: (oḥ C V)

vayasāṃ paṅktayaḥ petur hatasyopari rakṣasaḥ

tatpratidvandino mūrdhni divyāḥ kusumavṛṣṭayaḥ //

Note: b: (vidviṣaḥ ct)

sa hatvā lavaṇaṃ vīras tadā mene mahaujasaḥ

bhrātuḥ sodaryam ātmānam indrajidvadhaśobhinaḥ //

tasya saṃstūyamānasya caritārthais tapasvibhiḥ

śuśubhe vikramodagraṃ vrīḍayāvanataṃ śiraḥ //

upakūlaṃ sa kālindyāḥ purīṃ pauruṣabhūṣaṇaḥ

nirmame nirmamo 'rtheṣu mathurāṃ madhurākṛtiḥ //

Note: b: (aṃ C V)

yā saurājyaprakāśābhir babhau pauravibhūtibhiḥ

svargābhiṣyandavamanaṃ kṛtvevopaniveśitā //

Note: a: (sā Vp)

Note: c: (a^nisyanda^ Ct)

Note: d: (a viniveśitā V)

tatra saudhagataḥ paśyan yamunāṃ cakravākinīm

hema bhaktimatīṃ bhūmeḥ praveṇīm iva pripiye //

Note: c: (haima^ Ct)

Note: c: (^mayīṃ Vn)

Note: d: (sa veṇīm C V)

sakhā daśarathasyātha janakasya ca mantrakṛt

saṃcaskārobhayaprītyā maithileyau yathāvidhi //

Note: a: (āpi ct)

sa tau kuśalavonmṛṣṭa-garbhakledau tadākhyayā

kaviḥ kuśalavāv eva cakāra kila nāmataḥ //

Note: a: (sutau Vn)

Note: a: (^otsṛṣṭa^ Vn)

sāṅgaṃ ca vedam adhyāpya kiṃcidutkrāntaśaiśavau

svakṛtiṃ gāpayām āsa kaviprathamapaddhatim //

Note: d: (viḥ p Vn)

rāmasya madhuraṃ vṛttaṃ gāyantau mātur agrataḥ

tadviyogavyathāṃ kiṃcic chithilīcakratuḥ sutau //

itare 'pi raghor vaṃśyās trayas tretāgnitejasaḥ

tadyogāt pativatnīṣu patnīṣv āsan dvisūnavaḥ //

śatrughātini śatrughnaḥ subāhau ca bahuśrute

mathurāvidiśe sūnvor nidadhe pūrvajotsukaḥ //

bhūyas tapovyayo mā bhūd vālmīker iti so 'tyagāt

maithilītanayodgīta-niṣpandamṛgam āśramam //

vaśī viveśa cāyodhyāṃ rathyāsaṃskāraśobhinīm

lavaṇasya vadhāt paurair atigauravam īkṣitaḥ //

Note: d: (adhi^ C V)

Note: d: (īkṣito 'tyantagauravam Ct)

sa dadarśa sabhāmadhye sabhāsadbhir upasthitam

rāmaṃ sītāparityāgād asāmaṇyapatiṃ bhuvaḥ //

Note: b: (upāsitam Vn)

tam abhyanandat praṇataṃ lavaṇāntakam agrajaḥ

kālanemivadhāt prītas turāṣāḍ iva śārṅgiṇam //

sa pṛṣṭaḥ sarvato vārttām ākhyād rājñe na saṃtatim

pratyarpayiṣyataḥ kāle kaver ādyasya śāsanāt //

Note: a: (am ct)

Note: b: (ākhyad ct)

Note: c: (prakhyāpayiṣyataḥ V)

atha jānapado vipraḥ śiśum aprāptayauvanam

avatāry'; āṅkaśayyāsthaṃ dvāri cakranda bhūpateḥ //

Note: a: (kaścin mṛtaṃ C Vn)

Note: b: (putram C V)

Note: c: (^śayyāyā[ḥ] V)

śocanīyāsi vasudhe yā tvaṃ daśarathāc cyutā

rāmahastam anuprāpya kaṣṭāt kaṣṭataraṃ gatā //

Note: c: (anu prāptā Ct Vn)

śrutvā tasya śuco hetuṃ goptā jihrāya rāghavaḥ

na hy akālabhavo mṛtyur ikṣvākupadam aspṛśat //

sa muhūrtaṃ sahasveti dvijam āśvāsya duḥkhitam

yānaṃ sasmāra kauberaṃ vaivasvatajigīṣayā //

Note: a: (kṣamasv' ct)

āttaśastras tad adhyāsya pratisthaḥ sa raghūdvahaḥ

uccacāra puras tasya gūḍharūpā sarasvatī //

Note: b: (ca C V)

Note: c: (cāsya C V)

rājan prajāsu te kaścid apacāraḥ pravartate

tam anviṣya praśamayer bhavitāsi tataḥ kṛtī //

ity āptavacanād rāmo vineṣyan varṇavikriyām

diśaḥ papāta pattreṇa veganiṣkampaketunā //

atha dhūmābhitāmrākṣaṃ vṛkṣākhāvalambinam

dadarśa kaṃcid aikśvākas tapasyantam adhomukham //

Note: c: (ikṣvākus V)

pṛṣṭanāmānvayo rājñā sa kilācaṣṭa dhūmapaḥ

ātmānaṃ śambukaṃ nāma śūdraṃ surapadārthinam //

tapasy anadhikāritvāt prajānāṃ tam aghāvaham

śīrṣacchedyaṃ paricchidya niyantā śastram ādade //

sa tadvaktraṃ himakliṣṭa-kiñjalkam iva paṅkajam

jyotiṣkaṇāhataśmaśru kaṇṭhanālād apāharat //

Note: d: (apātayat ct)

kṛtaṇḍaḥ svayam rājñā lebhe śūdraḥ satāṃ gatim

tapasā duścareṇāpi na svamārgavilaṅghinā //

raghunātho 'py agastyena mārgasaṃdarśitātmanā

mahaujasā saṃyuyuje śaratkāla ivendunā //

kumbhayonir alaṃkāraṃ tasmai divyaparigraham

dadau dattaṃ samudreṇa pītenevātmaniṣkrayam //

taṃ dadhan maithilīkaṇṭha-nirvyāpāreṇa bāhunā

paścān nivavṛte rāmaḥ prāk parāsur dvijātmajaḥ //

tasya pūrvoditāṃ nindāṃ dvijaḥ putrasamāgataḥ

stutyā nivartayām āsa trātur vaivasvatād api //

tam adhvarāya muktāśvaṃ rakṣaḥkapinareśvarāḥ

meghāḥ sasyam ivāmbhobhir abhyavarṣann upāyanaiḥ //

digbhyo nimantritāś cainam abhijagmur maharṣayaḥ

na bhaumāny eva dhiṣṇyāni hitvā jyotirmayāny api //

upaśalyaniviṣṭais taiś caturdvāramukhī babhau

ayodhyā sṛṣṭalokeva sadyaḥ paitāmahī tanuḥ //

ślāghyas tyāgo 'pi vaidehyāḥ patyuḥ prāgvaṃśavāsinaḥ

ananyahāneḥ tasyāsīt saiva jāyā hiraṇmayī //

Note: c: (yasy' V)(saiv' ct)

Note: d: (yasmāj ct)

vidher adhikasaṃbhāras tataḥ pravavṛte makhaḥ

āsan yatra kriyāvighnā rākṣasā eva rakṣiṇaḥ //

atha prācetasopajñaṃ rāmāyaṇam itas tataḥ

maithileyau kuśalavau jagatur gurucoditau //

Note: d: (^noditau C V)

vṛttaṃ rāmasya vālmīkeḥ kṛtis tau kiṃnarasvanau

kiṃ tad yena mano hartum alaṃ syātāṃ na śṛṇvatām //

Note: b: (^svarau C Vn)

rūpe gīte ca mādhuryam tayos tajjñair niveditam

dadarśa sānujo rāmaḥ śuśrāva ca kutūhalī //

tadgītaśravaṇaikāgrā saṃsad aśrumukhī babhau

himanisyandinī prātar nivāgteva vanasthalī //

Note: d: (nir^ ct)

vayoveṣavisaṃvādi rāmasya ca tayoś ca sā

janatā prekṣya sādṛśyaṃ nākśikampaṃ vyatiṣṭhata //

Note: b: (s tadā ct)

Note: d: (nirnimeṣā C)(vīkṣyāpannā V)

ubhayor na tathā lokaḥ prāvīṇyena visiṣmiye

nṛpateḥ prītidāneṣu vītaspṛhatayā yathā //

Note: c: (ena V)

geye kena vinītau vāṃ kasya ceyaṃ kaveḥ kṛtiḥ

iti rājñā svayaṃ pṛṣṭau tau vālmīkim aśaṃsatām //

Note: a: (ko nu vinetā ct)

Note: b: (kṛtiḥ kaveḥ ct)

atha sāvarajo rāmaḥ prācetasam upeyivān

urikrtyātmano dehaṃ rājyam asmai nyavedayat //

Note: c: (ūrī^ Ns)(dūrī^ C V)

Note: d: (tasmai Ct)

sa tāv ākhyāya rāmāya maithileyau tad ātmajau

kaviḥ kāruṇiko vavre sītāyāḥ saṃparigraham //

Note: a: (asya Ct V)

Note: b: (tav' Ct V)

tāta śuddhā samakṣaṃ naḥ snuṣā te jātavedasi

daurātmyād rakṣasas tāṃ tu nātratyāḥ śraddadhuḥ prajāḥ //

tāḥ svacāritram uddiśya pratyāyayatu maithilī

tataḥ putravatīm enāṃ pratipatsye tadājñayā //

iti pratiśrute rājñā jānakīm āsramān muniḥ

śiṣyair ānāyayām āsa svasiddhiṃ niyamair iva //

anyedyur atha kākutsthaḥ saṃnipātya puraukasaḥ

kavim āhvāyayām āsa prastutapratipattaye //

svarasaṃskāravatyeva putrābhyāṃ saha sītayā

ṛcevodarciṣaṃ sūryaṃ rāmaṃ munir upasthitaḥ //

Note: a: (^vatyā ca P)(^vaty'; āsau ct)

Note: b: (atha ct)

kāṣāyaparivītena svapadārpitacakṣuṣā

kavim āhvāyayām āsa śāntena vapuṣaiva sā //

janās tadālokapathāt pratisaṃhṛtacakṣuṣaḥ

tasthus te 'vāṅmukhāḥ sarve phalitā iva sālayaḥ //

Note: c: (te 'dho^ Ct)(urvī^ V)

tāṃ dṛṣṭiviṣaye bhartur munir āsthitaviṣṭaraḥ

kuru niḥsaṃśayaṃ vatse svavṛtte lokam ity aśāt //

atha vālmīkśiṣyeṇa puṇyam āvarjitaṃ payaḥ

ācamyodīrayām āsa sītā satyāṃ sarasvatīm //

vāṅmanaḥkarmabhiḥ patyau vyabhicāro yathā na me

tathā viśvaṃbhare devi mām antardhātum arhasi //

Note: c: (mātar C)

evam ukte tayā sādhvyā randhrāt sadyobhavād bhuvaḥ

śātahradam iva jyotiḥ prabhāmaṇḍalam udyayau //

tatra nāgaphaṇotkṣipta-siṃhāsananiṣeduṣī

samudraraśanā sākṣāt prādurāsīd vasuṃdharā //

Note: b: (^niṣādinī Vn)

Note: c: (^vasanā V)

sā sītām aṅkam āropya bhartari prahitekṣaṇām

mā meti vyāharaty eva tasmin pātālam abhyagāt //

Note: b: (bhatṛpraṇihit'^ ct)

dharāyāṃ tasya saṃrambhaṃ sītāpratyarpaṇaiṣiṇaiḥ

gurur vidhibalāpekṣī śamayāṃ āsa dhanvinaḥ //

Note: a: (rasāyāṃ C V)

ṛṣīn visṛjya yajñānte suhṛdaś ca puraskṛtān

rāmaḥ sītāgataṃ snehaṃ nidadhe tadapatyayoḥ //

Note: d: (vi^ Vn)

yudhājitas tu saṃdeśāt sa deśa sindhunāmakam

dadau dattaprabhāvāya bharatāya dhṛtaprajaḥ //

Note: a: (^taś ca ct])(^tasya V)

Note: b: (svaṃ Ct)

Note: c: (dṛṣṭa^ Ct)

Note: c: (jetuṃ saputrāya Vn)

Note: d: (bhṛta^ ct)

bharatas tatra gandharvān yudhi nijitya kevalam

ātodyaṃ grāhayām āsa samatyājayad āyudham //

sa takṣapuṣkalau putrau rājadhānyos tadākhyayoḥ

abhiṣicyābhiṣekārhau rāmāntikam agāt punaḥ //

Note: a: (rau Vn)

aṅgadaṃ candraketuṃ ca lakṣmaṇo 'py ātmasaṃbhavau

śāsanād raghunāthasya cakre kārāpatheśāvarau //

Note: d: (tārā^ C)

ity āropitaputrās te jananīnāṃ janeśvarāḥ

bhartṛlokaprapannānāṃ nivāpān vidadhuḥ kramāt //

Note: a: (sam^ C)

upetya muniveṣo 'tha kālaḥ provāca rāghavam

rahaḥsaṃvādinau pāsyed āvāṃ yas taṃ tyajer iti //

Note: a: (eṇa C V)

tatheti pratipannāya vivṛtātmā nṛpāya saḥ

ācakhyau divam adhyāsva śāsanāt parameṣṭhinaḥ //

vidvān api tayor dvāḥstahaḥ samayaṃ lakṣmaṇo 'bhinat

bhīto durvāsasaḥ śāpād rāmasaṃdarśanārthinaḥ //

sa gatvā sarayūtīraṃ dehatyāgena yogavit

cakāra vitathāṃ bhrātuḥ pratijñāṃ pūrvajanmanaḥ //

Note: c: (^āvitathāṃ ct)

tasminn ātmacaturbhāge prāṅ nākam adhitasthuṣi

rāghavaḥ śithilaṃ tasthau bhuvi dharmas tripād iva //

sa niveśya kuśāvatyāṃ ripunāgāṅkuṣaṃ kuśam

śarāvatyāṃ satāṃ sūktair janitāśrulavaṃ lavam //

Note: c: (śrāvastyāṃ ca V)

udak pratasthe sthiradhīḥ sānujo 'gnipuraḥsaraḥ

anvitaḥ pativātsalyād gṛhavarjam ayodhyayā //

jagṛhus tasya cittajñāḥ padavīṃ harirākṣasāḥ

kadambamukulasthūlair abhivṛṣṭaṃ prajāśrubhiḥ //

Note: a: (vṛtta^ Ct)

upasthitavimānena tena bhaktānukampinā

cakre tridivaniḥṣreṇiḥ sarayūr anuyāyinām //

yad gopratarakalpo 'bhut saṃmardas tatra majjatām

atas tadākhyayā tīrthaṃ pāvanaṃ bhuvi paprathe //

Note: a: (^pratāra^ C)

sa vibhur vibudhāṃśeṣu pratipannātmamūrtiṣu

tridaśībhūtapaurāṇāṃ svargāntaram akalpayat //

Note: c: ('^ārthaṃ C S Vn)

nirvartyaivaṃ daśamukhaśiraśchedakāryaṃ surāṇāṃ viṣvaksenaḥ svatanum aviśat sarvalokapratiṣṭhām

laṅkānāthaṃ pavanatanayaṃ cobhayaṃ sthāpayitvā kīrtistambhadvayam iva girau dakṣiṇe cottare ca //

Note: a: (^bhay^occhedi V)

Note: b: (sapta^ C V)

athetare sapta raghupravīrā jyeṣṭhaṃ purojanmatayā juṇaiś ca

cakruḥ kuśaṃ ratnaviśeṣabhājaṃ saubhrātram eṣāṃ hi kulānusāri //

te setuvārttāgajabandhamukhyair abhyucchritāḥ karmabhir apy avandhyaiḥ

anyonyadeśapravibhāgasīmāṃ velāṃ samudrā iva na vyatīyuḥ //

caturbhujāṃśaprabhavaḥ sa teṣāṃ dānapravṛtter anupāratānām

suradvipānām iva sāmayonir bhinno 'ṣṭhadā viprasasāra vaṃśaḥ //

athārdharātre stimitapradīpe śayyāgṛhe suptajane prabuddhaḥ

kuśaḥ pravāsasthakalatraveṣām adṛṣṭapūrvāṃ vanitām apaśyat //

sā sādhusādhāraṇapārthivarddheḥ sthitvā purastāt puruhūtabhāsaḥ

jetuḥ pareṣāṃ jayaśabdapūrvaṃ tasyāñjaliṃ bandhumato babandha //

athānupoḍhārgalam apy agāraṃ chāyām ivādarśatalaṃ praviṣṭām

savismayo dāśarathes tanūjaḥ provāca pūrvārdhaviṣṛṭatalpaḥ //

Note: a: (ānapoḍh^ ct)

labhdāntarā sāvaraṇe 'pi gehe yogaprabhāvo na ca lakṣyate te

bibharṣi cākāram anirvṛtānāṃ mṛṇālinī haimam ivoparāgam //

Note: b: (dṛśyate Vn)

kā tvaṃ śubhe kasya parigraho vā kiṃ vā madabhyāgamakāraṇaṃ te

ācakṣva matvā vaśināṃ raghūṇāṃ manaḥ parastrīvimukhapravṛtti //

tam abravīt sā guruṇānavadyā yā nītapaurā svapadonmukhena

tasyāḥ puraḥ saṃprati vītanāthāṃ jānīhi rājann adhidevatāṃ mām //

Note: a: (tava dyām Vn)

vasaukasārām abhibhūya sāhaṃ saurājyabaddhotsavayā vibhūtyā

samagraśaktau tvayi sūryavaṃṣye sati prapannā karuṇām avasthām //

Note: b: (^ramy'^ C)

viśīrṇatalpāṭṭaśato niveśaḥ paryastaśālaḥ prabhuṇā vinā me

viḍambayaty astanimagnasūryaṃ dināntam ugrānilabhinnamegham //

Note: a: (^kalp^ Mv)

Note: a: (^talpo gṛhasaṃniveśaḥ St V)

niśāsu bhāsvatkalanūpurāṇāṃ yaḥ saṃcaro 'bhūd abhisārikāṇām

nadanmukholkāvicitāmiṣābhiḥ sa vāhyate rājapathaḥ śivābhiḥ //

āsphālitaṃ yat pramadākarāgrair mṛdaṅgadhīradhvanim anvagacchat

vanyair idānīṃ mahiṣais tad ambhaḥ śṛṅgāhataṃ krośati dīrghikāṇām //

Note: d: (āsu Ct Vn)

citradvipāḥ padmavanāvatīrṇāḥ kareṇubhir dattamṛṇālabhaṅgāḥ

nakhāṅkuśāghātavibhinnakumbhāḥ saṃrabdhasiṃhaprahṛtaṃ vahanti //

stambheṣu yoṣitpratiyātanānām utkrāntavarṇakramadhūsarāṇām

stanottarīyāṇi bhavanti saṅgān nirmokapaṭṭāḥ phaṇibhir vimuktāḥ //

Note: c: (tanū^ Vn)

Note: d: (^paṭyaḥ C J M)

kālāntaraśyāmasudheṣu naktam itas tato rūḍhatṛṇāṅkureṣu

ta eva muktāguṇaśuddhayo 'pi harmyeṣu mūrchanti na candrapādāḥ //

āvarjya śākhāḥ sadayaṃ ca yāsāṃ puṣpāṇy upāttāni vilāsinībhiḥ

vanyaiḥ pulindair iva vānarais tāḥ kliśyanta udyānalatā madīyāḥ //

rātrāv anāviṣkṛtadīpabhāsaḥ kāntāmukhaśrīviyutā divāpi

tiraskriyante kṛmitantujālair vicchinnadhūmaprasarā gavākṣāḥ //

Note: d: (^dhūpa^ C V)

balikriyāvarjitasaikatāni snānīyasaṃsargam anāpanuvanti

upāntavānīragṛhāṇi dṛṣṭvā śūnyāni dūye sarayūjalāni //

Note: b: (av'^ T)

Note: c: (eṣu T)

Note: d: (^taṭāni Ct)

tad arhasīmāṃ vasatiṃ visṛjya mām abhyupaituṃ kularājadhānīm

hitvā tanuṃ kāraṇamānuṣīṃ tāṃ yathā gurus te paramātmamūrtim //

Note: b: (etuṃ ct Ns2)

tatheti tasyāḥ praṇayaṃ pratītaḥ pratyagrahīt prāgraharo raghūṇām

pūr apy abhivyaktamukhaprasādā śarīrabandhena tirobabhūva //

tad adbhutaṃ saṃsadi rārtrivṛttaṃ prātar dvijebhyo nṛpatiḥ śaśaṃsa

śrutvā ta enaṃ kularājadhānyā sākṣāt patitve vṛtam abhayanandan //

kuśāvatīṃ śrotriyasāt sa kṛtvā yātrānukūle 'hani sāvarodhaḥ

anudruto vāyur ivābhravṛndaiḥ sainyair ayodhyābhimukhaḥ pratasthe //

sā ketumālopavanā bṛhadbhir vihāraśailānugateva nāgaiḥ

senā rathodāragṛhā prayāṇe tasyābhavaj jaṅgamarājadhānī //

tenātapatrāmalamaṇḍalena prasthāpitaḥ pūrvanivāsabhūmim

babhau balaughaḥ śaśinoditena velām udanvān iva nīyamānaḥ //

Note: c: (odgatena C Vn)

tasya prayātasya varūthinīnāṃ pīḍām aparyāptavatīva soḍhum

vasuṃdharā viṣṇupadaṃ dvitīyam adhyāruroheva rajaśchalena //

udyacchamānā gamanāya paścāt puro niveśe pathi ca vrajantī

sā yatra senā dadṛṣe nṛpasya tatraiva sāmagryamatiṃ cakāra //

Note: b: (vā Vn)

Note: d: (^padaṃ Ct)

tasya dvipānāṃ madavārisekāt khurābhighātāc ca turaṃgamāṇām

reṇuḥ prapede pathi paṅkabhāvaṃ paṅko 'pi reṇutvam iyāya netuḥ //

Note: a: (aiḥ C)

Note: d: (bhūyaḥ Ct Cm)

mārgaiṣiṇī sā kaṭakāntareṣu vaindhyeṣu senā bahudhā vibhinnā

cakāra reveva mahāvirāvā baddhapratiśrunti guhāmukhāni //

Note: a: (^eṣiṇī V)

Note: b: (vindhyeṣu V)

Note: b: (^bhaktā Ct)

sa dhātubhedāruṇayānanemiḥ prabhuḥ prayāṇadhvanimiśratūryaḥ

vyalaṅghayad vindhyam upāyanāni paśyan pulindair upapāditāni //

Note: b: (u^ Ct)

tīrthe tadīye gajasetubandhāt pratīpagām uttarato 'sya gaṅgām

ayatnavālagvyajanībabhūvur haṃsā nabholaṅghanalolakpakṣāḥ //

sa pūrvajānāṃ kapilena roṣād bhasmāvaśeṣīkṛtavigrahāṇām

surālayaprāptinimittam ambhas traisrotasaṃ naululitaṃ vavande //

ity adhvanaḥ kaiścid ahobhir ante kūlaṃ samāsādya kuśaḥ sarayvāḥ

vedipratiṣṭhān vitatādhvarāṇāṃ yūpān apaśyac chataśo raghūṇām //

Note: b: (tīraṃ V)

ādhūya śākhāḥ kusumadrumāṇāṃ spṛṣṭvā ca śītān sarayūtaraṅgān

taṃ klāntasainyaṃ kularājadhānyāḥ pratyujjagāmopavanāntavāyuḥ //

Note: d: (^vātaḥ C V)

athopaśalye ripumagnaśalyas tasyāḥ puraḥ paursakhaḥ sa rājā

kuladhvajas tāni caladhvajāni niveśayām āsa balī balāni //

tāṃ śilpisaṃghāḥ prabhuṇā niyuktās tathāgatāṃ saṃbhṛtasādhanatvāt

puraṃ navīcakrur apāṃ visargān meghā nidāghaglapitām ivorvīm //

Note: c: (punar^ C Vn)

Note: c: (nisargair Vt)

Note: d: (^plavitām Vn)

tataḥ saparyāṃ sapaśūpahārāṃ puraḥ parārdhyapratimāgṛhāyāḥ

upoṣitair vāstuvidhānavidbhir nirvartayām āsa raghupavīraḥ //

Note: b: (punaḥ T)

Note: b: (^gatāyāḥ Vn)

Note: d: (ni^ V)

tasyāḥ sa rājopapadaṃ niśāntaṃ kāmīva kāntāhṛdayaṃ praviśya

yathārham anyair anujīvilokaṃ saṃbhāvayām āsa gṛhais tadīyaiḥ //

Note: d: (yathāpradhānam ct)

sā mandurāsaṃśrayibhis turaṃgaiḥ śālāvidhistambhagataiś ca nāgaiḥ

pūr ābabhāse vipaṇisthapaṇyā sarvāṅganaddhābharaṇeva nārī //

Note: b: (^gṛha^ C V)

Note: c: (aiḥ Vt)

vasan sa tasyāṃ vasatau raghūṇāṃ purāṇaśobhām adhiropitāyām

na maithileyaḥ spṛhayāṃ babhūva bhartre divo nāpy alakeśvarāya //

Note: c: (cakāra Vn)

athāsya ratnagrathitottarīyam ekāntapāṇḍustanalambihāram

niḥśvāsahāryāṃśukam ājagāma gharmaḥ priyā veṣam ivopadeṣṭum //

Note: c: (ni^ V)

Note: d: (ā^ ct Vn)

agastyacihnād ayanāt samīpaṃ dig uttarā bhāsvati saṃnivṛtte

ānandaśītam iva bhāṣpavṛṣṭiṃ himasrutiṃ haimavatīṃ sasarja //

pravṛddhatāpo divaso 'timātram atyartham eva kṣaṇadā ca tanvī

ubhau virodhakriyayā vibhinnau jāyāpatī sānuśayāv ivāstām //

Note: c: (^bhaktau C)

dine dine śaivalavanty adhastāt sopānaparvāṇi vimuñcad ambhaḥ

uddaṇḍapadmaṃ gṛhadīrghikāṇāṃ nārīnitambadvayasaṃ babhūva //

vaneṣu sāyanatanamallikānāṃ vijṛmbhaṇodgandhiṣu kuḍ maleṣu

pratyekanikṣiptapadaḥ saśabdaṃ saṃkhyām ivaiṣāṃ bhramaraś cakāra //

Note: a: (naveṣu C Vn)

Note: b: (ṭ P)

svedānuviddhārdranakhakṣatāṅke saṃdaṣṭabhūyiṣṭhaśikhaṃ kapole

cyutaṃ na karṇād api kāminīnāṃ śirīṣapuṣpaṃ sahasā papāta //

Note: b: (bhūyiṣṭhasaṃdaṣṭa^ ct Vn][^saṃdiṣṭa^ Vp])

Note: c: (māninīnāṃ Ct)

yantrapravāhaiḥ śiśiraiḥ parītān rasena dhautān malayodbhavasya

śilāviśeṣān adhiśayya ninyur dhārāgṛheṣv ātapam ṛddhimantaḥ //

snānārdramukteṣv anudhūpavāsaṃ vinyastasāyantanamallikeṣu

kāmo vasantātyayamandavīryaḥ keśeṣu lebhe balam aṅganānām //

Note: a: (anu Sm)

Note: d: (padam Sm)

āpiñjarā baddharajaḥkaṇatvān mañjary udārāśuśubhe 'rjunasya

dagdhvāpi dehaṃ giriśena roṣāt khaṇḍīkṛtā jyeva manobhvasya //

Note: b: (ruruce Ct Vt)

Note: c: (paścāt Ct)

manojñagandhaṃ sahakārabhaṅgaṃ purāṇasīdhuṃ navapāṭalaṃ ca

saṃbadhnatā kāijaneṣu doṣāḥ sarve nidāghāvadhinā pramṛṣṭāḥ //

janasya tasmin samaye vigāḍhe babhūvatur dvau saviśeṣakāntau

tāpāpanodakṣamapāda sa codayastho nṛpatiḥ śaśī ca //

Note: d: (nav'^ C Vtp)

Note: d: (au ct)

athormilolonmadarājahaṃse rodholatāpuṣpavahe sarayvāḥ

vihartum icchā vanitāsakhasya tasyāmbhasi grīṣmasukhe babhūva //

Note: a: (^māl^ Ct)

sa tīrabhūmau vihitopakāryām ānāyibhis tām apakṛṣṭanakrām

vigāhituṃ śrīmahimānurūpaṃ pracakrame cakradharaprabhāvaḥ //

Note: a: (vihat'^ Vp)

sā tīrasopānapathāvatārād anyonyakeyūravighaṭṭinībhiḥ

sanūpurakṣobhapadābhir āsīd udvignahaṃsā sarid aṅganābhiḥ //

Note: d: (vilagna^ V)

parasparābhyukṣaṇatatparāṇāṃ tāsāṃ nṛpo majjanarāgadarśī

nausaṃśrayaḥ pārśvagatāṃ kirātīm upāttavālavyajanāṃ babhāṣe //

Note: a: (^ākṣepaṇa^ Ct V)

paśyāvarodhaiḥ śataśo madīyair vigāhyamāno galitāṅgarāgaiḥ

saṃdhyodayaḥ sābhra ivaiṣa varṇaṃ puṣyaty anekaṃ sarayūpravāhaḥ //

Note: b: (lulit'^ Ct)

viluptam antaḥpurasundarīṇāṃ yad añjanaṃ naululitābhir adbhiḥ

tad badhnatībhir madarāgaśobhāṃ vilocaneṣu pratimuktam āsām //

etā guruśroṇipayodharatvād ātmānam udvohuḍhum aśaknuvantyaḥ

gāḍhāṅgadair bāhubhir aspu bālāḥ kleśottaraṃ rāgavaśāt plavante //

Note: b: (atyaḥ ct)

amī śirīṣaprasavāvataṃsāḥ prabhraṃśino vārivihāriṇīnām

pāriplavāḥ srotasi nimnagāyāḥ śaivālalolāṃś chalayanti mīnān //

āsāṃ jalāsphālanatatparāṇāṃ muktāphalaspardhiṣu śīkareṣu

payodharotsarpiṣu śīryamāṇāḥ saṃlakṣyate na cchiduro 'pi hāraḥ //

Note: b: (^sparśiṣu Ct)

āvartaśobhā natanābhikānter bhaṅgyo bhruvāṃ dvandvacarāḥstanānām

jātāni rūpāvayavopamānāny adūravartīni vilāsinīnām //

Note: b: (bhaṅgo Ct J M Ns)

Note: b: ('^āṅganānām J M)

tīrasthalībarhibhir utkalāpaiḥ prasnigdhakekair abhinandyamānam

śrotreṣu saṃmūrchati raktam āsāṃ gītānugaṃ vārimṛdaṅgavādyam //

Note: b: (^nadyamānam J M)

saṃdaṣṭavastreṣv abalānitambeṣv induprakāśāntaritoḍukalpāḥ

amī jalāpūritasūtramārgā maunaṃ bhajante raśanākalāpāḥ //

Note: b: (^tulyāḥ ct)

etāḥ karotpīḍitavāridhārā darpāt sakhībhir vadaneṣu siktāḥ

vakretarāgrair alakais taruṇyaś cūrṇāruṇān vārilavān vamanti //

Note: a: (^daṇḍadhār[āṃ Vn][ā Vp])

Note: b: (harṣat C V)

udbaddhakeśaś cyutapattrarekho viśleṣimuktāphalapattraveṣṭaḥ

manojña eva pramadāmukhānām ambhovihārākulito 'pi veṣaḥ //

Note: a: (udbandha^ ct)

Note: a: (a^ Ct)

Note: a: (^lekho ct)

Note: b: (^karṇa^ Vn)

sa nauvimānād avatīrya reme vilolahāraḥ saha tābhir apsu

skandhāvalagnoddhṛtapadminīkaḥ kareṇubhir vanya iva dvipendraḥ //

Note: b: (mālaḥ C)(^mālyaḥ V)

Note: c: (^āvalamb'^ Vt)

Note: c: (^oddhata^ P)

tato nṛpenānugatāḥ striyas tā bhrājiṣṇunā sātiśayaṃ virejuḥ

prāg eva muktā nayanābhirāmāḥ prāpyendranīlaṃ kim utonmayūkham //

Note: a: (ābhi^ C Vn)(ādhi^ Vtp)

varṇodakaiḥ kāñcanaśṛṅgamuktais tam āyatākṣyaḥ praṇayād asiñcan

tathāgataḥ so 'tirarāṃ babhāse sadhātunisyanda ivādrirājaḥ //

Note: a: (^saṃsthais C V)

tenāvarodhapramadāsakhena vigāhanānena saridvarāṃ tām

ākāśagaṅgāratir apsarobhir vṛto marutvān anuyātalīlaḥ //

yat kumbhayoner adigamya rāmaḥ kuśāya rājyena samaṃ dideśa

tad asya jaitrābharaṇaṃ vihartur ajñātapātaṃ salile mamajja //

snātvā yathākāmam asau sadāras tīropakāryāṃ gatamātra eva

divyena śūnyaṃ valayena bāhum upoḍhanepathyavidhir dadarśa //

Note: d: (apoḍha^ ct Vt)

Note: d: (iṃ Vt)

jayaśriyaḥ saṃvananaṃ yatas tad āmuktapūrvaṃ guruṇā ca yasmāt

sehe 'sya na bhraṃśam ato na lobhāt sa tulyapuṣpābharaṇo hi dhīraḥ //

Note: a: (saṃjananaṃ C)

Note: d: (vīraḥ V)

tataḥ samājñāpayad āśu sarvān ānāyinas tadvicaye nadīṣṇān

vandhyaśramās te sarayūṃ vigāhya tam ūcur āmlānamukhaprasādāḥ //

Note: d: (a^ ct)

Note: d: (^dam Vp])

Note: d: ('^āravind[āḥ S][am C])

kṛtaḥ prayatno na ca deva labdhaṃ magnaṃ payasy ābharaṇottamaṃ te

nāgena laulyāt kumudena nūnam upāttam antarhradavāsinā tat //

tataḥ sa kṛtvā dhanur ātatajyaṃ dhanurdharaḥ kopavilohitākṣaḥ

gārutmataṃ tīragatas tarasvī bhujaṃganāśāya samādade 'stram //

Note: d: (^dadhe Vn)

tasmin hradaḥ saṃhitamātra eva kṣobhāt samāviddhataraṅgahastaḥ

rodhāṃsy abhighnann avapātamagnaḥ karīva vanyaḥ paruṣaṃ rarāsa //

Note: c: (i ni^ ct)

Note: c: (i bhindann C)

tasmāt samudrād iva mathyamānād udvṛttanakrāt sahasonmamajja

lakṣmyeva sārdhaṃ surarājavṛkṣaḥ kanyāṃ puraskṛtya bhujaṃgarājaḥ //

vibhūṣaṇapratyupahārahastam upasthitaṃ vīkṣya viśāṃpatis tam

sauparṇam astraṃ pratisaṃjahāra praheṣv anirbandharuṣo hi santaḥ //

trailokyanāthaprabhavaṃ prabhāvāt kuśaṃ dviṣām aṅkuśam astravidvān

mānonantenāpy abhivandya mūrdhnā mūrdhābhiṣiktaṃ kumudo babhāṣe //

Note: b: (āśu V)

Note: c: (^nandya J M)

avaimi kāryāntaramānuṣasya viṣṇoḥ sutākhyām aparāṃ tanuṃ tvām

so 'haṃ kathaṃ nāma tavācareyam ārādhanīyasya dhṛter vibhātam //

karābhighātotthitakandukeyam ālokya bālātikutūhalena

javāt pataj jyotir ivāntarikṣād ādatta jatrābharaṇaṃ tvadīyam //

Note: a: (^occhrita^ Vn)

Note: c: (hradāt ct Ns2 Mc)(padāt Ns1)

Note: c: (ī C)

Note: c: (autpātikaṃ V)

tad etad ājānuvilambinā te jyāghātarekhākiṇa lāñchanena

bhujena rakṣāparigheṇa bhūmer upaitu yogaṃ punar aṃsalena //

Note: b: (^lekhā^ Ct V)

Note: b: (^sthira^ N P Vn)

imāṃ svasāraṃ ca yavīyasīṃ me kumudvatīṃ nārhasi nānumantum

ātmāparādhaṃ nudatīṃ cirāya śuśrūṣayā pārthiva pādayos te //

ity ūcivān upahṛtābharaṇaḥ kṣitīśaṃ ślāghyo bhavān svajana ity anubhāṣitāram

saṃyojayāṃ vidhivad āsa sametabandhuḥ kanyāmayena kumudaḥ kulabhūṣaṇena //

Note: a: (upahit'^ C)

Note: a: (aṃ C)

Note: b: (abhi^ V)

tasyāḥ spṛṣṭe manujapatinā sāhacaryāya haste māṅgalyorṇāvalayini puraḥ pāvakasyocchikhasya

divyas tūryadhvanir udacarad vyaśnuvāno digantān gandhodagraṃ tadanau vavṛṣuḥ puṣpam āścaryameghāḥ //

itthaṃ nāgas tribhuvanaguror aurasaṃ maithileyaṃ labdhvā bandhuṃ tam api ca kuśaḥ pañcamaṃ takṣakasya

ekaḥ śaṅkāṃ pitṛvadharipor atyajad vainateyāc chāntavyālām avanim aparaḥ paurakāntaḥ śaśāsa //

Note: c: (viṣadhara^ C Vn)

aithiṃ nāma kākutsthāt putraṃ āpakumudvatī

paścimād yāminīyāmāt prasādam iva cetanā //

Note: b: (prāpa N Ns S)

sa pituḥ pitṛmān vaṃśaṃ putraṃ āpakumudvatī

apunāt savitevobhau mārgāv uttaradakṣiṇau //

Note: b: (prāpa N Ns S)

tam ādau kulavidyānām artham arthavidāṃ varaḥ

paścāt pārthivakanyānāṃ pāṇim agrāhayat pitā //

jātyas tenābhijātena śūraḥ śauryavatā kuśaḥ

amanyataikam ātmānam anekaṃ vaśinā vaśī //

sa kulocitam indrasya sāhāyakam upeyivān

jaghāna samare daityaṃ durjayaṃ tena so 'vadhi //

Note: b: (sahāyikam Vn)

Note: d: (cāvadhi ct)

taṃ svasā nāgarājasya kumudasya kumudvatī

anvagāt kumudānandaṃ śaśāṅkam iva kaumudī //

tayor divaspater āsīd ekaḥ siṃhāsanārdhabāk

dvitīyāpi sakhī śacyāḥ pārijātāṃśabhāginī //

Note: d: (^bhājinī V)

tadātmasaṃbhavaṃ rājye mantrivṛddāḥ samādadhuḥ

smarantaḥ paścimām ājñāṃ bhartuḥ saṃgrāmayāyinaḥ //

te tasya kalpayām āsur abhiṣekāya śilpibhiḥ

vimānaṃ navam udvedi catuḥstambhapratiṣṭam //

tatrainaṃ hemakumbheṣu saṃbhṛtais tīrthavāribhiḥ

upatasthuḥ prakṛtayo bhadrapīṭhopaveśitam //

Note: d: (a^niveśitam Vn)

nadadhbiḥ snigdhagambhīraṃ tūryair āhatapuṣkaraiḥ

anvamīyata kalyāṇaṃ tasyāvicchinnasaṃtati //

Note: d: (eḥ V)

dūrvāyavāṅkuraplakṣa-tvagabhinnapuṭottarān

jñātivṛddhaiḥ prayuktān sa bheje nīrājanāvidhīn //

Note: c: (a^ Vp)

purohitapurogās taṃ jiṣṇuṃ jaitrair atharvabhiḥ

upacakramire pūrvam abhiṣektuṃ dvijātayaḥ //

Note: a: (te Ct)

tasyaughamahatī mūrdhni nipatantī vyarocata

saśabdam abhiṣekaśrīr gaṅgeva tripuradviṣaḥ //

Note: b: (vyarājata C)

stūyamānaḥ kṣaṇe tasminn alakṣyata sa bandibhiḥ

pravṛddha iva prajanyaḥ cātakair abhinanditaḥ //

Note: c: (^vṛṣṭa V)

Note: d: (sāraṅgair ct)

tasya san mantrapūtābhiḥ snānam adbhiḥ pratīcchataḥ

vavṛdhe vaidyutasyāgner vṛṣṭisekād iva dyutiḥ //

Note: a: (tan^ J)

sa tāvad abhiṣekānte snātakebhyo dadau vasu

yāvat teṣāṃ samāpyeran yajñāḥ paryāptadakṣiṇāḥ //

Note: c: (ad eṣāṃ Ct)(at''; aiṣaṃ ct)

te prītamanasas tasmai yām āśiṣam udīrayan

sā tasya karmanirvṛttair dūraṃ paścātkṛtā phalaiḥ //

Note: b: (airayan ct)

bandhacchedaṃ sa baddhānāṃ vadhārhāṇām avadhyatām

dhuryāṇāṃ ca dhuro mokṣam adohaṃ cādiṣad gavām //

krīḍāpatatriṇo 'py asya pañjarasthāḥ śukādayaḥ

labdhamokṣās tadādeśād yatheṣṭagatayo 'bhavan //

tataḥ kakṣāntaranyastaṃ gajadantāsanaṃ śuci

sottaracchadam adhyāsta nepathyagrahaṇāya saḥ //

Note: a: (kakṣyā^ ct)

Note: b: (iḥ Ns1)

taṃ dhūpāśyānakeśāntaṃ toyanirṇiktapāṇayaḥ

ākalpasādhanais tais tair upaseduḥ prasādhakāḥ //

Note: d: (ikāḥ Vn)

te'; sya muktāguṇonnaddhaṃ maulim antargatasrajam

pratyūpuḥ padmarāgeṇa prabhāmaṇḍalaśobhinā //

Note: a: (tasya V)

Note: a: (^ānaddhaṃ V)

Note: b: (abhyantara^ C V)

candanenāṅgarāgaṃ ca mṛganābhisugandhinā

samāpayya tataś cakruḥ pattraṃ vinyastarocanam //

āmuktābharaṇaḥ sragvī haṃsacihnadukūlavān

āsīd atiśayaprekṣyaḥ sa rājyaśrīvadhūvaraḥ //

Note: b: (^citra^ C)

nepathyadarśinaś chāyā tasyādarśe hiraṇmaye

virarājodite sūrye merau kalpataror iva //

Note: c: (a nave C V)

sa rājakakudavyagra-pāṇibhiḥ pārśvavaribhiḥ

yayāv udīritālokaḥ sudharmānavamāṃ sabhām //

vitānasahitaṃ tatra bheje paitṛkam āsanam

cūḍāmaṇibhir udghṛṣṭa-pādapīṭhaṃ mahīkṣitām //

Note: d: (^bhujām V)

śuśubhe tena cākrāntaṃ maṅgalāyatanaṃ mahat

śrīvatsalakṣaṇaṃ vakṣaḥ kaustubheneva kaiśavam //

Note: d: (e Vn)

babhau bhūyaḥ kumāratvād ādhirājyam avāpya saḥ

rekhā bhāvād upārūḍhaḥ sāmagryam iva candramāḥ //

Note: b: (adhirājyam C J M V)

Note: c: (lekhā^ C)

prasannamukharāgaṃ taṃ smitapūrvābhibhāṣiṇam

mūrtimantam amanyanta viśvāsam anujīvinaḥ //

Note: b: (aṇam V)

sa puraṃ puruhūtaśrīḥ kalpadrumanibhadhvajām

kramamāṇaś cakāra dyāṃ nāgenairāvataujasā //

Note: b: (am Vn)

tasyaikasyocchritaṃ chattraṃ mūrdhni tenāmalatviṣā

pūrvarājaviyogauṣmyaṃ kṛtsnasya jagato hṛtam //

Note: c: (^oṣmā C)

Note: d: (hatam S)(hṛtaḥ C)

dhūmād agneḥ śikhāḥ paścād udayād aṃśavo raveḥ

so 'tītya tejasāṃ vṛttiṃ samam evotthito guṇaiḥ //

Note: a: (ā C V)

Note: c: (ā Vn)

taṃ prītiviśadair netrair anvayuḥ paurayoṣitaḥ

śaratprasannair jyotirbhir vibhāvarya iva dhruvam //

Note: d: (^oḍupam C Vtp)

ayodhyādevatāś cainaṃ praśastāyatanārcitāḥ

anudadhyur anudhyeyaṃ sāṃnidhyaiḥ pratimāgataiḥ //

yāvan nāśyāyate vedir abhiṣekajalāplutā

tāvad evāsya velāntaṃ pratāpaḥ prāpa duḥsahaḥ //

Note: b: (^a^ Vn)

vasiṣṭhasya guror mantrāḥ sāyakās tasya dhanvinaḥ

kiṃ tat sādhyaṃ yad ubhaye sādhayeyur na saṃgatāḥ //

sa dharmasthasakhaḥ śaśvad arthipratyarthināṃ svayam

dadarśa saṃśayacchedyān vyavahārān atandritaḥ //

Note: c: (^cchedān V)

tataḥ param abhivyaktā-saumanasyaniveditaiḥ

yuyoja pākābhimukhair bhṛtyān vijñāpanāphalaiḥ //

prajās tadguruṇā nadyo nabhaseva vivardhitāḥ

tasmiṃs tu bhūyasīṃ vṛddhiṃ nabhasye tā ivāyayuḥ //

yad uvāca na tan mithyā yad dadau na jahāra tat

so 'bhūd bhagnavrataḥ śatrūn uddhṛtya pratiropayan //

Note: d: (utkhāya V)

vayorūpavibhūtīnām ekaikaṃ madakāraṇam

tāni tasmin samastāni na tasyotsiṣice manaḥ //

Note: c: (sametāni C)

Note: d: (cāsy' C S V)

Note: d: (ur C V)

itthaṃ janitarāgāsu prakṛtiṣv anuvāsaram

akṣobhyaḥ sa navo 'py āsīd dṛḍhamūla iva drumaḥ //

anityāḥ śatravo bāhyā viprakṛṣṭāś ca te yataḥ

ataḥ so 'bhyantarān nityān ṣaṭ pūrvam ajayad ripūn //

Note: b: (sadā Vn)

prasādābhimukhe tasmiṃś capalāpi svabhāvataḥ

nikaṣe hemarekheva śrīr āsīd anapāyinī //

Note: a: (^a-sumukhe C V)

Note: c: (^lekh'' C T V)

kātaryaṃ kevalā nītiḥ śauryaṃ śvāpadaceṣṭitam

ataḥ siddhiṃ sametābhyām ubhābhyām anviyeṣa saḥ //

na tasya maṇḍale rājño nyastapraṇidhidīdhiteḥ

adṛṣṭam abhavat kiṃcid vyabhrasyeva vivasvataḥ //

Note: a: (āṃ Ct)

rātriṃdivavibhāgeṣu yad ādiṣṭaṃ mahīkṣitām

tat siṣeve niyogena sa vikalpaparāṅmukhaḥ //

Note: a: (ena Ct V)

mantraḥ pratidinaṃ tasya babhūva saha mantribhiḥ

sa jātu sevyamāno 'pi guptadvāro na sūcyate //

pareṣu sveṣu ca kṣiptair avijñātaparasparaiḥ

so 'pasarpair jajāgāra yathākālaṃ svapann api //

Note: a: (ni^ S)(vi^ C)

durgāṇi durgrhāṇy āsaṃs tasya roddhur api dviṣām

na hi siṃho gajāskandī bhayād giriguhāśayaḥ //

bahvyamukhyāḥ samārambhāḥ pratyavekṣyā niratyayāḥ

garbhaśālisadharmāṇas tasya gūḍhaṃ vipecire //

Note: b: (pratyavekṣā^ C)

Note: d: (^phelire C)

apathena pravavṛte na jātūpacito 'pi saḥ

vṛddhau nadīmukhenaiva prasthānaṃ lavaṇāmbhasaḥ //

Note: a: (pravṛttena Vt)

Note: c: (eva V)

Note: d: (hi saritpateḥ C)

kāmaṃ pratkṛtivairāgyaṃ sadyaḥ śamayituṃ kṣamaḥ

yasya kāryaḥ pratīkāraḥ sa tan naivodapādayat //

Note: b: (satyaṃ T)

Note: d: (opadāayet C St)

śakeṣv evābhavad yātrā tasya śaktimataḥ sataḥ

samīraṇasahāyo 'pi nāmbhaḥprārthī davānalaḥ //

na dharmam arthakāmābhyāṃ babādhe na ca tena tau

nārthaṃ kāmena kāmaṃ vā so 'rthena sadṛśas triṣu //

Note: c: (ca Vn)

hīnāny anupakartḥṇi pravṛddhāni vikurvate

tena madhyamaśaktīni mitrāṇi shtāpitāny ataḥ //

parātmanoḥ paricchidya śaktyādīnāṃ balābalam

yayāv ebhir baliṣṭhaś cet parasmād āsta so 'nyathā //

Note: c: (arīn ba^ C)

Note: c: (ariṃ viśiṣṭaś V)

kośenāśrayaṇīyatvam iti tasyārthasaṃgrahaḥ

ambugarbho hi jīmūtaś cātakair abhinandyate //

Note: a: (^ād ā^ V)

Note: d: (^gamyate C V)

parakarmāpahaḥ so 'bhūd udyataḥ sveṣu karmasu

āvṛṇod ātmano randhraṃ randhreṣu praharan ripūn //

Note: d: (e ca Vn)

Note: d: (prāharad Vn)

Note: d: (dviṣaḥ C)(dviṣām V)

pitrā saṃvardhito nityaṃ kṛtāstraḥ sāṃparāyikaḥ

tasya daṇḍavato daṇḍaḥ svadehān na vyaśiṣyata //

sarpasyeva śiroratnaṃ nāsya śaktitrayaṃ paraḥ

sa cakarṣa parasmāt tad ayaskānta ivāyasam //

Note: c: (^sthaṃ C)

vāpīṣv iva sravantīṣu vaneṣūpavaneṣv iva

sārthāḥ svairaṃ svakīyeṣu cerur veśmasv ivādriṣu //

Note: c: (tadīyeṣu C V)

tapo rakṣan sa vighnebhyas taskarebhyaś ca saṃpadaḥ

yathāsvam āśramaiś cakre varṇair api ṣaḍsaṃśabhāk //

Note: d: (iva Ct V)

khanibhiḥ suṣuve ratnaṃ kṣetraiḥ sasyaṃ vanair gajān

dideśa vetanaṃ tasmai rakṣāsadṛśam eva bhūḥ //

Note: c: (cetanaṃ S)

sa guṇānāṃ balānāṃ ca ṣaṇṇāṃ ṣaṇmukhavikramaḥ

babhūva viniyogajñaḥ sādhanīyeṣu vastuṣu //

iti kramāt prayuñjāno rāja nītiṃ caturvidhām

ā tīrthād apratīghātaṃ sa tasyāḥ phalam ānaśe //

Note: b: (daṇḍa^ C V)

kūṭayuddhavidhijñe 'pi tasmin sanmārgayodhini

bheje 'bhisārikāvṛttiṃ jayaśrīr vīragāminī //

Note: d: (^kāminī C V)

prāyaḥ pratāpabhagnatvād arīṇāṃ tasya durlabhaḥ

raṇo gandhavipasyeva gandhabhinnānyadantinaḥ //

Note: d: (^bhagn'^ C V)

pravṛddhau hīyate candraḥ samudro 'pi tathāvidhaḥ

sa tu tasamavṛddhiś ca na cābhūt tāv iva kṣayī //

Note: a: (o C Mv V Cm)

Note: c: (^vṛttiś Vn)

Note: d: (yayau Vt)

Note: d: (am Vt)

santas tasyābhigamanād atyarthaṃ mahataḥ kṛṣāḥ

udadher iva jīmūtāḥ prāpur dātṛtvam arthinaḥ //

Note: d: (ām V)

stūyamānaḥ sa jihrāya stutyam eva samācaran

tathāpi vavṛdhe tasya tatkāridveṣino yaśaḥ //

Note: c: (paprathe C V)

duritaṃ darśanena ghnaṃs tattvārthena nudaṃs tamaḥ

prajāḥ svatantrayāṃ cakre śaśvat sūrya ivoditaḥ //

Note: a: (e nighnaṃs Vp)

Note: c: (vitamasaś V)

indor agatayaḥ padme sūryasya kumude 'ṃśavaḥ

guṇās tasya vipakṣe 'pi guṇino lebhire 'ntaram //

parābhisaṃdhānaparaṃ yady apy asya viceṣṭitam

jigīṣor aśvamedhāya dharmyam eva babhūva tat //

Note: b: (yad Vt)

Note: d: (dharmam Vn)

evam udyan prabhāveṇa śāstgranirdiṣṭavartmanā

vṛṣeva devo devānāṃ rājñāṃ rājā babhūva saḥ //

Note: d: (rājā rājñāṃ S V)

pañcamaṃ lokapālānāṃ tam ūcuḥ sāmyayogataḥ

bhūtānāṃ mahatām ṣaṣṭham aṣṭamaṃ kulabhūbhṛtām //

Note: b: (ūcuḥ sādharmya^ Ns1 Sc ct)

dūrāpavarjitacchattrais tasyājñāṃ śāsanārpitām

dadhuḥ śirobhir bhūpālā devaḥ pauraṃdarīm iva //

Note: d: (śeṣaṃ Vn)

ṛtvijaḥ sa tathānarca dakṣiṇābhir mahākratau

yathā sādhāraṇībhūtaṃ nāmāsya dhanadasya ca //

indrād vṛṣṭir niyamitagadodrekavṛttir yamo 'bhūd yādonāthaḥ śivajalapathaḥ karmaṇe naucarāṇām

pūrvāpekṣī tadanu vidadhe kośavṛddhiṃ kuberas tasmin daṇḍopanatacaritaṃ bhejire lokapālāḥ //

sa naiṣadhasyārthapateḥ sutāyām utpādayām āsa niṣiddhaśatruḥ

anūnasāraṃ niṣadhān nagendrāt putraṃ yam āhur niṣadhākhyam eva //

Note: a: (ādhi^ Sk)

Note: c: (nar'^ Sk)

tenoruvīryeṇa pitā prajāyai kalpiṣyamāṇena nananda yūnā

suvṛṣtiyogād iva jīvalokaḥ sasyena saṃpattiphalātmakena //

Note: a: (^kāryeṇa Vn)

Note: b: (kariṣyamāṇena Vn)

Note: b: (tutoṣa C)

Note: c: (sad^ Vn)

Note: d: (^onmukhena J M Ns)

śabdādi nirviśya sukhaṃ cirāya tasmin pratiṣṭhāpitarājaśabdaḥ

kaumudvateyaḥ kumudāvadātair dyām arjitāṃ karmabhir āruroha //

pautraḥ kuśasyāpi kuśeśayākṣaḥ sasāgarāṃ sāgaradhīracetāḥ

ekātapoatrāṃ bhuvam ekavīraḥ purārgalādīrghabhujo bubhoja //

Note: a: (^ākhyaḥ Ct)

tasyānalaujās tanayas tadante vaṃśaśriyaṃ prāpa nalābhidhānaḥ

yo naḍvalānīva gajaḥ pareṣāṃ balāny amṛdnān nalinābhavaktraḥ //

nabhaścarair gītayaśyāmatanuṃ tanūjam nabhastalaśyāmatanuṃ tanūjam

khyātaṃ nabhaḥśabdamayena nāmnā kāntaṃ nabhomāsam iva prajānām //

tasmai viṣrjyottarakosalānāṃ dharmottaras tat prabhave prabhutvam

mṛgair ajaryaṃ jaraspodaiṣṭam adehabandhāya punar babandha //

Note: a: (tasmin Vn)

Note: b: (sa pra^ Sc)(tat^prabhavaḥ Vn)

Note: d: (mano Vn)

tena dvipānām iva puṇḍarīko rājñām ajayyo 'jani puṇḍarīkaḥ

śānte pitary āhṛtapuṇḍarīkā yaṃ puṇḍarīkākṣam ivāśritā śrīḥ //

Note: c: (aṃ Vn)

Note: d: (iva śritā ct)

sa kṣemadhanvānam amoghadhanvā putraṃ prajākṣemavidhānadakṣam

kṣmāṃ lambhayitvā kṣamayopapannaṃ vane tapaḥ kṣāntataraś cacāra //

Note: d: (kṣāma^tanuś C Vn)

anīkinīnāṃ samare 'grayāyī tasyāpi devapratimaḥ suto 'bhūt

vyaśrūyatānīkapadāvasānaṃ devādi nāma tridive 'pi yasya //

pitā samārādhanatatpareṇa putreṇa putrī sa yathaiva tena

putras tathaivādhikavatsalena sa tena pitrā pitṛmān babhūva //

Note: c: (ātmaja^ ct)

pūrvas tayor ātmasame ciroḍhām ātmodbhave varṇacatuṣṭayasya

dhuraṃ nidhāyaikanidhir guṇānām jagāma yajvā yajamānalokam //

vaśī sutas tasya vaśaṃvadatvāt sveṣām ivāsīd dviṣatām apīṣṭaḥ

sakṛd (?) vivignān api hi prayuktaṃ mādhuryam īṣṭe hariṇān grahītum //

ahīnagur nāma sa gāṃ samagrām ahīnabāhudraviṇaḥ śaśāsa

yo hīna saṃsargaparāṅmukhatvād mādhuryam īṣṭe hariṇān grahītum //

Note: c: ('hīna^ Ct)

guroḥ sa cānantaram antarjñaḥ puṃsāṃ pumān ādya ivāvatīrṇaḥ

upakramair askhalitaiś caturbhiś caturdigīśaś caturo babhūva //

tasmin prayāte paralokayātrāṃ jetary arīṇāṃ tanayaṃ tadīyam

uccaiḥśirastvāj jitapāriyātraṃ lakṣmīḥ siṣeve kila pāriyātram //

Note: b: (yātari T Vn)

tasyābhavat sūnur udāraśīlaḥ śilaḥ śilāpaṭṭaviśālavakṣāḥ

jitāripakṣo 'pi śilīmukhair yaḥ śālīnatām avrajad īḍyamānaḥ //

Note: b: (śalaḥ Ar)

Note: d: (āvrajad Ar)

tam ātmasaṃpannam aninditātmā kṛtvā yuvānaṃ yuvarājam eva

sukhāni so 'bhuṅkta sukhoparodhi vṛttaṃ hi rājñām uparuddhavṛttam //

Note: b: ('yuvānaṃ Vn)

Note: c: (a^prarodhi Vn)

Note: d: (vārttaṃ Vn)

taṃ rāgabandhiṣv avitṛptam eva bhogeṣu saubhāgyaviśeṣabhogyam

vilāsinīnām aratikṣamāpi jarā vṛthā matsariṇī jahāra //

unnābha ity udagtasnāmadheyas tasyāyathārthonnatanābhhirandhraḥ

suto 'bhavat paṅkajanābhakalpaḥ kṛtsnasya nābhir nṛpamaṇḍalasya //

Note: c: (āsīt sutaḥ C Vn)

tataḥ paraṃ vajradharaprabhāvas tadātmajaḥ saṃyati vajraghoṣaḥ

babhūva vajrākarabhuṣaṇāyāḥ patiḥ pṛthivyāḥ kila vajranābhaḥ //

tasmin gate dyāṃ sukṛtopalabdhāṃ tatsaṃbhavaṃ śaṅkhaṇam arṇavāntā

utkhātaśatruṃ vasudhopatasthe ratnopahārair uditaiḥ khanibhyaḥ //

tasyāvasāne haridaśvadhāmā pitryaṃ prapede padam aśvirūpaḥ

velātaṭeṣūṣitasainikāśvaṃ purāvido yaṃ dhyuṣitāśvam āhuḥ //

Note: d: (vyuṣitāśvam ct)

ārādhya viśveśvaram īśvareṇa tena kṣiter viśvasaho 'dhijajñe

pātuṃ saho viśvasakhaḥ samagrāṃ viśvaṃbharām ātmajamūrtir ātmā //

Note: b: (^samo Vn)

Note: c: (^sahaḥ Vn)

Note: b: (vi^ ct)

aṃśe hiraṇyākśaripoḥ sa jāte hiraṇyanābhe tanaye nayajñaḥ

dviṣām asahyaḥ sutarāṃ tarūṇāṃ hiraṇyaretā sānilo 'bhūt //

pitā pitḥṇām anṛṇas tam ante vayasy anantāni sukhāni lipsuḥ

rājānam ājānuvilambibāhuṃ kṛtvā kṛtī valkalavān babhūva //

kausalya ity uttarakosalānāṃ patyuḥ pataṃgānvayabhūṣaṇasya

tasyaurasaḥ somasutaḥ suto 'bhūn netrotsavaḥ soma iva dvitīyaḥ //

kausalya ity uttarakosalānāṃ sa brahmabhūyaṃ gatim ājagāma

brahmiṣṭham ādhāya nije 'dhikāre brahmiṣṭham eva svatanuprasūtam //

Note: b: (āṃ C Vn)

yaśobhir ābrahmasabhaṃ prakāśaḥ samyag mahīṃ śāsati śāsanāṅkām

prajāś ciraṃ suprajasi prajeśe nanandur ānandajalāvilākṣyaḥ //

Note: a: (^padaṃ Vn)

pātrīkṛtātmā gurusevanena spṛṣṭākṛtiḥ pattrarathendraketoḥ

taṃ putriṇāṃ puṣkarapattranetraḥ putraḥ samāropayad agrasaṃkhyām //

Note: b: (spast'^ ct T)

Note: c: (aṃ Ct)

vaṃśasthitiṃ vaṃśakareṇa tena saṃbhāvya bhāvī sa sakhā maghonaḥ

upaspṛṣan sparśanivṛttalaulyas tripuṣkareṣu tridaśatvam āpa //

Note: c: (apa^ Vn)

Note: d: (triṣu śāntim Vn)

tasya prabhānirjitapuṣpa-rāgaṃ pauṣyaṃ tithau puṣyam asūta patnī

yasminn apuṣyann udite samagrāṃ puṣṭiṃ janāḥ puṣya iva dvitīye //

Note: a: (^padma^ Vn) (^puṣpabāṇaṃ C)

Note: b: (puṣpam Vn)

Note: c: (tasminn ct)

Note: d: (puṣpa Vn)

mahīṃ mahecchaḥ parikīrya sūnau manīṣiṇe jaiminaye 'rpitātmā

tasmāt sayogād adhigamya yogam ajanmane 'kalpata janmabhīruḥ //

Note: c: (sa yogyād C)

tataḥ paraṃ tatprabhavaḥ prapede dhruvopameyo dhruvasaṃdhir urvīm

yasminn abhūj jyāyasi satyasaṃdhe saṃdhir dhruvaḥ saṃnamatām arīṇām //

Note: a: (aṃ Vn)

Note: b: (am Vn)

Note: b: (im Vn)

Note: b: (ī Vn)

Note: d: (nṛpāṇām Vn)

sute śiśāv eva sudarśanākhye darśātyayendupriyadarśane saḥ

mṛgāyatākṣo mṛgayāvihārī siṃhād avāpad vipadaṃ nṛsiṃhaḥ //

svargāminas tasya tam aikamatyād amātyavargaḥ kulatantum ekam

anāthadīnāḥ prakṛtīr avekṣya sāketanāthaṃ vidhivac cakāra //

Note: a: (ekamatyā[ḥ] Vn)

vavendunā tan nabhasopameyaṃ śāvaikasiṃhena ca kānanena

raghoḥ kulaṃ kuḍmalapaṅkajena toyena cāprauṣhanarendram āsīt //

Note: c: (ṭ C P)

Note: c: (^puṣkareṇa ct)

lokena bhāvī pitur eva tulyaḥ saṃbhāvito mauliparigrahāt saḥ

dṛṣṭo hi vṛṇvan kalabhapramāṇo 'py āśāḥ purovātam avāpya meghaḥ //

Note: b: (maula^ Vn)

taṃ rājavīthyām adhihasti yāntam ādhoraṇālambitam agryaveṣam

ṣaḍvarṣadeśiyam api prabhutvāt praikṣanta paurāḥ pitṛgauraveṇa //

Note: a: (atihastayantam Vn) (adhihasti yantam C)

Note: b: (a^[^madhyadeśam C][^pūrvakāyam Vn])

kāmaṃ na so 'kalpata paitṛkasya siṃhāsanasya pratipūraṇāya

tejomahimnā punar āvṛtātmā tad vyāpa cāmīkarapiñjareṇa //

Note: c: (āvitānaṃ Vn)

tasmād adhaḥ kiṃcid ivāvatīrṇāv asaṃspṛśantau tapanīyapīṭham

sālaktakau bhūpatayaḥ prasiddhair vavandire maulibhir asya pādau //

maṇau mahānīla iti prabhāvād alpapramāṇe 'pi yathā na mithyā

śabdo mahārāja iti pratītas tathaiva tasmin yuyuje 'rbhake 'pi //

Note: c: (prayuktas C)(prasiddhaḥ Vn)

paryantasaṃcāritacāmarasya kapolalolobhayakākapakṣat

tasyānanād uccarito vivādaś cakshāla velāsv api nārṇavānām //

nirvṛttajāmbūnadapaṭṭaśobhe nyastaṃ lalāṭe tilakaṃ dadhānaḥ

tenaiva śūnyāny arisundarīṇāṃ mukhāni sa smeramukhaś cakāra //

Note: a: (ni^ Vn)

Note: a: (^bandhe C N P Vn)

śirīṣapuṣpādhikasaukumāryaḥ khedaṃ sa yāyād api śrutavṛddhayogāt

nitāntagurvīm api cānubhāvād dhuraṃ dharitryā bibharāṃ babhūva //

Note: a: (^opama^ Vn)

Note: b: (atha Vn)

Note: c: (so 'nu^ ct)

Note: d: (cakāra Vn)

nyastākṣarām akṣarabhūmikāyāṃ kārtsnyena gṛhṇāti lipiṃ na yāvat

sarvāṇi tāvac chrutavṛddhayogāt phalāny upāyuṅkta sa daṇḍanīteḥ //

Note: c: (tāvat phalāni ś^ C Vn)

Note: d: (sarvāṇy C)(pakvāny Vn)

urasy aparyāptabhāgā prauḍhībhaviṣyantam udīkṣamāṇā

saṃjātalajjeva tam ātapatra-chhāyāchalenopajugūha lakṣmīḥ //

Note: a: (^bhogāt Vn)

anaśnuvānena yugopamānam abaddhamaurvīkiṇalāñchanena

aspṛṣṭakhaḍgatsaruṇāpi cāsīd rakṣāvatī tasya bhujena bhūmiḥ //

Note: b: (alabdha^ Sk)

na kevalaṃ gacchati tasya kāle yayuḥ śarīrāvayavā vivṛddhim

vaṃśyā guṇāḥ khalv api lokakāntāḥ prārambhasūkṣmāḥ prathimānam āpuḥ //

sa pūrvajanmāntaradṛṣṭapārāḥ smarann ivākleśakaro gurūṇām

tisras trivargādhigamasya mūlaṃ jagrāha vidyāḥ prakṛtīś ca pitryāḥ //

vyūhya sthitaḥ kiṃcid ivottarārdham unnaddhacūḍo 'ñcitasvyajānuḥ

ākarṇam ākṛṣṭasabānadhanvā vyarocat'; āste sa vinīyamānaḥ //

Note: a: (^uhya C)

Note: d: (eṣu J M Ns1)

atha madhu vanitāṃ netranirveśanīyaṃ manasijatarupuṣpam rāgabandhapravālam

akṛtakavidhi sarvāṅgīṇam ākalpajātaṃ vilasitapadam ādyaṃ yauvanaṃ sa prapede //

Note: a: (^nirveśa^peyaṃ C T Vn)

Note: b: (^bandhi^ Vn)

pratikṛtiracanābhayo dūtisaṃdarśitābhyaḥ samadhikatararūpāḥ śuddhasaṃtānakāmaiḥ

adhivividur amātyair āhṛtās tasya yūnaḥ prathamaparigṛhīte śrībhuvau rājakanyāḥ //

Note: a: (dūta^ Vn)

agnivarṇam abhiṣicya rāghavaḥ sve pade tanayam agnitejasam

śiśriye śrutavatām apaścimaḥ paścime vayasi naimiṣaṃ vaśī //

tatra tīrthasalilena dīrghikās talpam antaritabhūmibhiḥ kuśaiḥ

saudhavāsam uṭajena vismṛtaḥ saṃcikāya phalaniḥspṛhas tapaḥ //

Note: c: (aiḥ sa Vn)

Note: c: (^smaran C Vn)

labdhapālanavidhau na tatsutaḥ khedam āpa guruṇā hi medinī

bhoktum eva bhujanirjitadviṣā na prasādhayitum asya kalpitā //

so 'dhikāram abhikaḥ kulocitaṃ kāścana svayam avartayat samāḥ

taṃ niveśya saciveṣv ataḥ paraṃ strīvidheyanavayauvano 'bhavat //

Note: a: (adhipaḥ C Vn)

Note: c: (saṃ^ ct T)

kāminīsahacarasya kāminas tasya veśmasu mṛdaṅganādiṣu

ṛddhimantam adhikarddhir uttaraḥ pūrvam utsavam apohad utsavaḥ //

indriyārthapariśūnyam akṣarmaḥ soḍhum ekam api sa kṣaṇātaram

antare ca viharan divāniśaṃ na vyapaikṣata samutsukāḥ prajāḥ //

Note: c: (antar eva ct)

gauravād yad api jātu mantriṇāṃ darśanaṃ prakṛtikāṅkṣitaṃ dadau

tad gavākṣavivarāvalambinā kevalena caraṇena kalpitam //

taṃ kṛtapraṇatayo 'nujīvinaḥ komalātmanakharāgarūṣitam

bhejire navadivākarātapa-spṛṣṭapaṅkajatulādhirohaṇam //

Note: b: (^āṃśu^ C Vn)

Note: b: (^bhūṣitam C Vn)

yuvanonnatavilāsinīstana-kṣobhalolakamalāś ca dīrghikāḥ

gūḍhamohanagṛhās tadambubhiḥ sa vyagāhata vigāḍhamanmathaḥ //

tatra sekahṛtalocanāñjanair dhautarāgaparipāṭalādharaiḥ

aṅganās tam adhikaṃ vyalobhayann arpitaprakṛtikāntibhir mukhaiḥ //

Note: d: (^prakṛta^ J M Ns)

ghrāṇakāntamadhugandhakarṣiṇīḥ pānabhūmiracanāḥ priyāsakhaḥ

abhyapadyata sa vāsitāsakhaḥ puṣpitāḥ kamalinīr iva dvipaḥ //

Note: b: (^vṛtaḥ C Vn)

Note: c: (praty^ C)

sātirekamadakāraṇaṃ rahas tena dattam abhileṣur aṅganāḥ

tābhir apy upahṛtaṃ mukhāsavaṃ so 'pibad bakulatulyadohadaḥ //

Note: a: (^gandhinaṃ T)

aṅkam aṅkaparivartanocite tasya ninyatur aśūnyatām ubhe

vallakī ca hṛdayaṃgamasvanā valguvāg api ca vāmalocanā //

Note: d: (mañju^ C Vn)

sa svayaṃ prahatapuṣkaraḥ kṛtī lolamālyavalayo haran manaḥ

nartakīr abhinayātilaṅghinīḥ pārśvavartiṣu guruṣv alajjavat //

Note: b: ('haran Vn)

cāru nṛtyavigame ca tanmukhaṃ svedabhinnatilakaṃ pariśramāt

premadattavadanāniaḥ manaḥ so 'nvajīvad amarālakeśvarau //

Note: a: (u^ S)

Note: c: (aṃ Vn)

Note: d: (anv^ Vn)(aty^ ct)

tasya sāvaraṇadṛṣṭasaṃdhayaḥ kāmyavastuṣu naveṣu saṅginaḥ

vallabhābhir upasṛtya cakrire sāmibhuktaviṣayāḥ samāgamāḥ //

Note: a: (^dṛṣṭi^ Ct)

Note: d: (^mukta^ J)

aṅgulīkisalayāgratarjanaṃ bhrūvibhaṅgakuṭilaṃ ca vīkṣitam

mekhalābhir asakṛc ca bandhanaṃ vañcayan praṇayinīr avāpa saḥ //

tena dūtividitaṃ niṣeduṣā pṛṣṭhataḥ suratavārarātriṣu

śuśruve priyajanasya kātaraṃ vipralambhapariśaṅkino vacaḥ //

Note: a: (^gaditaṃ C)

laulyam etya gṛhiṇīparigrahān nartakīṣv asulabhāsu tadvapuḥ

vartate sma sa kathaṃcid ālikhann aṅgulīkṣaraṇasannavartikaḥ //

premagarvitavipakṣamatsarād āyatāc ca madanān mahīkṣitam

ninyur utsavavidhicchalena taṃ devya ujjitaruṣaḥ kṛtārthatām //

prātar etya paribhogaśobhinā darśanena kṛtakhaṇḍanavyathāḥ

prāñjaliḥ praṇayinīḥ prasādayan so 'dunot praṇayamantharaḥ punaḥ //

Note: d: (grahaṇa^ Vn)

svapnakīrtitavipakṣam aṅganāḥ darśanena kṛtakhaṇḍanavyathāḥ

pracchadāntagalitāśrubindubhiḥ krodhabhinnavalayair vivartanaiḥ //

kḷptapuṣpaśayanāṃl latāgṛhān etya dūtikṛtamārgadarśanaḥ

anvabhūt parijanāṅganārataṃ so 'varodhabhayavepathūttaram //

nāma vallabhajanasya te mayā prāpya bhāgyam api tasya kāṅkṣyate

lolupaṃ bata mano mameti taṃ gotraviskhalitam ūcur aṅganāḥ //

Note: b: (ate Vn)

Note: c: (nanu J M Ns)

cūrṇababhru lulitasragākulaṃ chinnamekhalam alaktakāṅkitam

utthitasya śayanaṃ vilāsinas tasya vibhramartatāny apāvṛṇot //

sa svayaṃ caraṇarāgam ādadhe yoṣitaṃ na ca tathā samāhitaḥ

lobhyamānanayanaḥ ślathāṃśukair mekhalāguṇapadair nitambibhiḥ //

Note: b: (tu C Vn)

cumbane viparivartitādharaṃ hastarodhi raśanāvighaṭṭane

vighniteccham api tasya sarvato manmathendhanam abhūd vadhūratam //

Note: a: (eṣu pari^ Pr ŚP Suk)

darpaṇeṣu paribhogadarśinīr narmapūrvam anupṛṣṭhasaṃsthitaḥ

chāyayā smitamanojñayā vadhūr hrīnimīlitamukhīś cakāra saḥ //

Note: b: (^saṃśrayaḥ C)

Note: d: (^dṛśaś C Vn)

kaṇṭhasaktamṛdubāhubandhanaṃ nyastapādatalam agrapādayoḥ

prārthayanta śayanotthitaṃ priyās taṃ niśātyayavisargacumbanam //

Note: c: (i C)

prekṣya darpaṇatalstham ātmano rājaveṣam atiśakraśobhinam

pipriye sa na tathā yathā yuvā vyaktalakṣma paribhogamaṇḍanam //

Note: b: (^śakta^ C)

Note: c: (na sa ct)

Note: c: (yuvā yathā C)

Note: d: (a^paribhoga^ maṇḍalam St)

mitrakṛtyam apadiśya pārśvataḥ prasthitaṃ tam anavasthitaṃ priyāḥ

vidma he śaṭha palāyanacchalāny añjaseti rurudhuḥ kacagrahaiḥ //

Note: a: (upa^ Vn)

Note: c: (te C Vn)

tasya nirdayaratiśramālasāḥ kaṇṭhasūtram apadiśyayoṣitaḥ

adhyaśerata bṛhad (?) bhujāntaraṃ pīvarastanaviluptacandanam //

Note: b: (^vidhya Vn)

Note: d: (^kuṅkuman Vn)

saṃgamāya niśi gūḍhacāriṇaṃ cāradūtikathitaṃ puro gatāḥ

vañcayiṣyasi kutas tamovṛtaḥ kāmuketi cakṛṣus tam aṅganāḥ //

Note: b: (o^ ct)

Note: c: (na nas C Vn)

Note: c: (āḥ Vn)

yoṣitām uḍupater ivāciṣāṃ sparśanirvṛtim asāv anāpnuvan

āruroha kumudākaropamāṃ rātrijāgaraparo divāśayaḥ //

Note: b: (av'^ ct)

veṇunā daśanapīḍitādharā vīṇayā nakhapadāṅkitoravaḥ

śilapakārya ubhayena vejitās taṃ vijihmanayanā vyalobhayan //

Note: b: (^orasaḥ C Vn)

Note: d: (^alokayan C Vn)

aṅgasattvavacanāśrayaṃ mithaḥ strīṣu nṛtyam upadhāya darśayan

sa prayoganipuṇaiḥ prayoktṛbhiḥ saṃjagharṣa saha mitrasaṃnidhau //

Note: d: (^jaharṣa Vn)

aṃsalambikuṭajārjunasrajas tasya nīparajasāṅgarāgiṇaḥ

prāvṛṣi pramadabarhiṇeṣv abhūt kṛtimādriṣu vihāravibhramaḥ //

vigrahāc ca śayane parāṅmukhīr nānunetum abalāḥ sa tatvare

ācakāṅkṣa ghanaśabdaviklavās tā vivṛtya viśatīr bhujāntaram //

kārttikīṣu savitānaharmyabhāg yāminīṣu lalitāṅganāsakhaḥ

anvabhuṅkta surataśramāpahāṃ meghamuktaviśadāṃ sa candrikām //

Note: c: (^klam'^ C Vn)

Note: c: (ā[ḥ] Vn?)

Note: d: (āḥ Vn)

Note: d: (āḥ Vn)

saikataṃ ca sarayūṃ vivṛṇvatīṃ śroṇibimbam iva haṃsamekhalam

svapriyāvilasitānukāriṇīṃ saudhajālvivarair vyalokayat //

Note: b: (ām Ct Vn)

marmarair agurudhūpagandhibhir vyaktahemarśanais tam ekataḥ

jahrur āgrathanamokṣalolupaṃ haimanair nivsanaiḥ sumadhyamāḥ //

Note: a: (^dhūma^dhūpitaiḥ Vn)

Note: c: (ud^ C)

arpitastimitadīpadṛṣṭayo garbhaveśmasu nivātakukṣiṣu

tasya sarvasuratāntarakṣamāḥ sākṣitāṃ śiśirarātrayo yayuḥ //

dakṣiṇena pavanena saṃbhṛtaṃ prekṣya cūtakusumaṃ sapallavam

anvanaiṣur avadhūtavigrahās taṃ durutsahaviyogam aṅganāḥ //

Note: c: (^kīrṇa^ C Vn)

tāḥ svam aṅkam adhiropya dolayā preṅkhayan parijanāpaviddhayā

muktarajju nibiḍaṃ bhayacchalāt kaṇṭhabandhanam avāpa bāhubhiḥ //

Note: b: (preṣayan Vn)

Note: b: (a^prabaddhayā Vn)

taṃ payodharaniṣaktacandanair mauktikagrathitacārubhūṣaṇaiḥ

grīṣmaveṣavidhibhiḥ siṣevire śroṇilambimaṇimekhalāḥ priyāḥ //

Note: a: (^niṣikta^ ct)

Note: d: (aiḥ ct Sc)

yat sa bhagnasahakāram āsavaṃ raktapāṭalasamāgamaṃ papau

tena tasya madhunirgamāt kṛśaś cittayonir abhavat punarnavaḥ //

Note: a: (lagna^ ct)

evam indriyasukhāni nirviśann anyakāryavimukhaḥ sa pārthivaḥ

ātmalakṣaṇaniveditān ṛtūn atyavāhayad anaṅgavāhitaḥ //

Note: d: (^mohitaḥ C Vn)

taṃ pramattam api na prabhāvataḥ śekur ākramitum anyapārthivāḥ

āmayas tu ratirāgasaṃbhavo dakṣaśāpa iva candram akṣiṇot //

dṛṣṭadoṣam api tan na so 'tyajat saṅgavastu bhiṣajām anāśravaḥ

svādubhis tu viṣayair hṛtas tato duḥkham indriyagaṇo nivāryate //

Note: b: (anāśrayam Vn)

Note: c: (ca Vn)

Note: d: (hi vāryate S Vn)

tasya pāṇḍuvadanālpabhūṣaṇā sāvalambagamanā mṛdusvanā

yakṣmaṇāpi parihānir āyayau kāmayānasamavasthayā tulām //

Note: c: ('ṅga^ C)

Note: c: (rājayakṣma^ ct)

vyoma paścimakalāsthitendu vā paṅkaśeṣam iva gharmapalvalam

rājñi tatkulam abhūt kṣayāture vāmanārcir iva dīpabhājanam //

Note: a: (^vat Vn)

bāḍham eṣu divaseṣu karma sādhayati putrajanmane

ity adarśitarujo 'sya mantriṇaḥ śaśvad ūcur aghaśaṅkinīḥ prajāḥ //

Note: a: (gūḍham C Vn)

Note: a: (eṣa ct)

sa tv anekavanitāsakho 'pi san pāvanīm anavalokya saṃtatim

vaidyayatnaparibhāvinaṃ gadaṃ na pradīpa iva vāyum atyagāt //

taṃ gṛhopavana eva saṃgatāḥ paścimakratuvidā purodhasā

rogaśāntim apadiśya mantriṇaḥ saṃbhṛte śikhini gūḍham ādadhuḥ //

Note: c: (upa^ Vn)

taiḥ kṛtaprakṛtimukhyasaṃgrahair āśu tasya sahadharmacāriṇī

sādhu dṛṣṭaśubhagarbhalakṣaṇā pratyapadyata narādhipaśriyam //

Note: c: (u^ C S)

tasyās tathāvidhanarendravipattiśokād uṣṇair vilocanajalaiḥ prathamābhitaptaḥ

nirvāpitaḥ kanakakumbhamukhojjhitena vaṃśābhiṣekavidhinā śiśireṇa garbhaḥ //

Note: c: (^ostthitena Vn)

Note: d: (vaṃy'^ C)

Note: d: (^payasā C Vn)

taṃ bhāvāya prasavasamayākāṅkṣiṇīnāṃ prajānām antargūḍhaṃ kṣitir iva babhau bījamuṣṭiṃ dadhānā

maulaiḥ sārdhaṃ sthavirasacivair hemasiṃhāsanasthā rājñī rājyaṃ vidhivad aśiṣad bhartur avyāhatājñā //

Note: a: (bhāvārthaṃ J M Ns)(bhūtyarthaṃ C Vn)

Note: b: (nabho^ ct)

Note: c: (haima^ C)

ADDITIONAL VERSES (KṢEPAKA)

ākīryamāṇam āsanna-vidhibhiḥ samidāharaiḥ

vaikhānasair adṛśyāgni-pratyudgamanavṛttibhiḥ //

imāṃ devīm ṛtusnātāṃ smṛtvā sapadi satvaraḥ

pradakṣiṇakriyātītas tasyāḥ kopam ajījanaḥ //

Note: b: (śrutvā)

Note: d: (tasyāṃ tvaṃ sādhu nācaraḥ)

tāmralalāṭajāṃ rekhāṃ bibhratī sāsitetarām

saṃdhyā prātipadeneva pratibhinnā himāṃśunā //

Note: a: (lekhāṃ)

Note: d: (dyuti^bhinnā)

gāndharvam astraṃ tad itaḥ pratīccha prayogasaṃhāravibhaktamantram

saṃdhyā prātipadeneva na cārihiṃsā vijayaḥ svahaste //

nidrāvaśaṃ tvayi gate śaśinā kathaṃcid ātmānam ānanarucā bhavato viyujya

lakṣmīr vibhātasamaye 'pi hi darśanena paryutsukā praṇayinī niśi khaṇḍiteva //

Note: b: (^rucir)

Note: b: (^nodya)

Note: c: (priya^)

Note: d: (anī)

mandaṃ vivāti himasaṃbhṛtaśītabhāvaḥ saṃsṛjyate sarasijair aruṇāṃśubhinnaiḥ

saurabhyam īpsur iva te mukhamārutasya yan no guṇān prati niśāpariṇāmavāyuḥ //

Note: c: (āptum)

iti sa vihatanidras talpam alpetarāṃśaḥ suragaja iva gaṅgāsaikataṃ supratīkaḥ

parijanavanitānāṃ pādayor vyāpṛtānāṃ valayamaṇividiṣṭaṃ pracchadāntaṃ mumoca //

Note: a: (vigata^)

Note: a: (^āśaḥ)

sa tatra mañceṣu vimānakalpeṣv ākalpasaṃmūrchitarūpaśobhān

siṃhāsanasthān nṛpatīn apaśyat yūpān praśastān iva haimavedīn //

Note: c: (dadarśa)

Note: d: (īḥ)

yadā yadā rājakumārikāsau na pūrvapūrvaṃ ganayāṃ cakāra

tadā tadā nāmitarepharekhām āśālatā pallavinī babhūva //

lalāṭabaddhabhṛkuṭītaraṅgais tanutyajāṃ dantanipīḍitoṣṭhaiḥ

ātastare bhallanikṛttakaṇṭhair huṃkāragarbhair dviṣatāṃ śirobhiḥ //

atha vīkṣya guṇaiḥ pratiṣṭhitaṃ prakṛtiṣv ātmajam ābhigamikaiḥ

padavīṃ pariṇāmadeśinīṃ raghur ādatta vanāntagāminīm //

Note: c: (^deśitāṃ)

namas trimūrtaye tubhyaṃ guṇatrayavibhāgāya

prāk sṛṣṭe[ḥ] kevalātmane paścād bhad[r]am upeyuṣe //

te 'pi tūrṇam avagamya śāmbhavam āsamāharaṇakarmatatparāḥ

svāṃ sakṣiptatikarkaśaṃ hi tac cikṣipur daśāarathātmajāgrataḥ //

nistriṃśakalpasya nidher jalānām eṣā tamāladrumarāja nīlā

dūrād arālabhru vibhāti velā kalaṅkarekhā malineva dhārā //

Note: b: (^rāji^ Nv)

Note: d: (^rāji^ Nv)

pratyāgatau tatra cirapravāsād apaśyatāṃ dāśarathī jananyau

kumudvatī śītamarīcilekhe diveva rūpāntaradurvibhāvye //

keyaṃ vane lakṣmaṇa lakṣmaṇeti dīnākṣaraṃ roditi yoṣid uccaiḥ

āṃ jñātam eṣā janakātmajeti kavir vicintyāntikam ājagāma //

tad ākarṇya muner vākyaṃ rāmo rājīvalocanaḥ

samaṃ harṣaviṣādābhyāṃ yuyuje nītikovidaḥ //

Note: a: (vacas tasya)

Note: c: (saha)

Note: d: (yuktas taṃ prktavān munim)

gaccha lakṣmaṇa śīghraṃ tvaṃ mā bhūd dharmaviparyayaḥ

tyāgo vāpi vadho vāpi sādhūnām ubhayaṃ samam //

Note: c: (parityāgo)

tasmād babhūvātha dalābhidhāno dalānvitaḥ padmadalābhadṛṣṭiḥ

kundāgra danto ripudantisiṃhaḥ patiḥ pṛthivyāḥ kulakair ivenduḥ //

Note: b: (dam^)(day^)

Note: b: (^ākṣa^)

Note: b: (^dṛṣṭaḥ)

Note: c: (^ānta^, ^ābha^)

Note: c: (^āvadāto)

Note: c: (^āvadātaiś caritair viśuddhaḥ)

hitvātha bhogāṃs tapasottamena triviṣṭapaṃ prāptavati kṣitīśe

tadātmajaḥ sāgaradhīracetāḥ śaśāsa pṛthvīṃ sakalāṃ nṛsomaḥ //

Note: a: (^opabhogāṃs)

This e-text was provided to GRETIL in good faith that no copyright rights have been infringed. If anyone wishes to assert copyright over this file, please contact the GRETIL management at
gretil(at)sub(dot)uni-goettingen(dot)de. The file will be immediately removed pending resolution of the claim.

Distributed under a Creative Commons Attribution-NonCommercial-ShareAlike 4.0 International License.

---

Notes

Distributed under a Creative Commons Attribution-NonCommercial-ShareAlike 4.0 International License (https://creativecommons.org/licenses/by-nc-sa/4.0/)

Holder of rights

Göttingen Register of Electronic Texts in Indian Languages (GRETIL), SUB Göttingen

---

Citation Suggestion for this Object

TextGrid Repository (2022). 1_sanskr. tei. sa_kAlidAsa-raghuvaMza. GRETIL. Göttingen Register of Electronic Texts in Indian Languages (GRETIL), SUB Göttingen. https://hdl.handle.net/21.T11991/0000-001C-9533-0