Poṣadhavastu
Poṣ-v 1. (53v = GBM 6.707) piṇḍoddānam* ||
tīrthikāḥ kapphiṇa āvāso bhikṣupeyālapaścimam* || ||
Poṣ-v 2. uddānam* ||
tīrthikāḥ poṣadham āhuḥ kiṃ na poṣadhaḥ kriyate | visaṃkete na niṣīdanti kutra poṣadham uddiśet* || ||
Poṣ-v 3.1. bhagavān rājagṛhe viharati veṇuvane kalandakanivāpe |
Poṣ-v 3.2. tena khalu samayena saṃbahulā rājagṛhīyakā upāsakā divādivaṃ evodyuktā abhūvan bhagavantaṃ darśanāyopasaṃkramituṃ paryupāsanāyai |
Poṣ-v 3.3. atha saṃbahulānāṃ rājagṛhīyakānām upāsakānām etad abhavat* atiprātas tāvad asmākaṃ bhagavantaṃ darśanāyopasaṃkramituṃ paryupāsanāyai | pratisaṃlīno bhagavān pratisaṃlīnāś ca manobhāvanīyāś ca bhikṣavo yan nu vayaṃ yenānyatīrthikaparivrājakānām ārāmas tenopasaṃkramema |
Poṣ-v 3.4. atha saṃbahulā rājagṛhīyakā upāsakā yenānyatīrthikaparivrājakānām ārāmas tenopasaṃkrāntā upasaṃkramyānyatīrthikaparivrājakais sārdhaṃ saṃmukhaṃ saṃmodanīṃ saṃrañjanīṃ vividhāṃ kathāṃ vyatisāryaikānte niṣaṇṇāḥ |
Poṣ-v 3.5. athānyatamas tīrthyas tīrthyān idam avocat* kin nu bhavanto 'smākam eva niṣadyā kriyā poṣadhaś ca prajñāyate āhosvic chramaṇānām api śākyaputrīyāṇāṃ |
Poṣ-v 3.6. athānyatamas tīrthyas tīrthyān idam avocat* asmākam eva bhavanto niṣadyā kriyā poṣadhaś ca prajñāyate na tv eva śramaṇānāṃ śākyaputrīyāṇāṃ |
Poṣ-v 3.7. atha saṃbahulā rājagṛhīyakā upāsakāḥ saṃbahulānām anyatīrthikaparivrājakānāṃ bhāṣitaṃ nābhinandanti na pratikrośanti anabhinandyāpratikrośya utthāyāsanebhyaḥ prakrāntāḥ |
Poṣ-v 3.8. te yena bhagavāṃs tenopasaṃkrāntāḥ upasaṃkramya bhagavataḥ pādau śirasā vanditvaikānte niṣaṇṇāḥ | ekāntaniṣaṇṇā rājagṛhīyakā upāsakā yāvān evaiṣām abhūt saṃbahulair anyatīrthikaparivrājakais sārdham antarākathāsamudāhāras tat sarvaṃ bhagavato vistareṇārocayanti |
Poṣ-v 3.9. evaṃ cāhur aho bata bhagavān asmākam api niṣadyāṃ kriyāṃ poṣadhaṃ ca prajñapayed anukaṃpām upādāya |
Poṣ-v 3.10. adhivāsayati bhagavān saṃbahulānāṃ rājagṛhīyakānām upāsakānāṃ tūṣṇīṃbhāvena |
Poṣ-v 3.11. atha saṃbahulā rājagṛhīyakā upāsakā bhagavataḥ tūṣṇīṃbhāvenādhivāsanāṃ viditvā bhagavato bhāṣitam abhinandyānumodya bhagavato 'ntikāt prakrāntaḥ |
Poṣ-v 4. tatra bhagavān bhikṣūn āmantrayate sma | tasmād anujānāmi bhikṣubhir adyāgreṇa niṣadyā kriyā poṣadhaś ca pratijāgartavyaḥ |
Poṣ-v 5.1. uktaṃ bhagavatā adyāgreṇa bhikṣubhir niṣadyā kriyā poṣadhaś ca pratijāgartavya iti | te na jānanti kā niṣadyā kā kriyā kaḥ poṣadha iti | etat prakaraṇaṃ bhikṣavo bhagavata ārocayanti |
Poṣ-v 5.2. bhagavān āha | niṣadyā ucyate yogaḥ | eta yūyaṃ bhikṣava imam eva kāyam ūrdhvaṃ pādatalād adhaḥ keśamastakāt tvakparyantaṃ yathāsthitaṃ yathāpraṇihitaṃ pūrṇaṃ nānāprakārasyāśuceḥ pratyavekṣadhvaṃ | santy asmin kāye keśā romāṇi nakhā dantā rajo malaṃ tvaṅ māṃsam asthi snāyu sirā vṛkkā hṛdayaṃ plīhā klomaka āntrāṇy antraguṇāny āmāśayaḥ pakvāśaya audaryakaṃ yakṛt purīṣam aśru svedaḥ kheṭaś śiṃghāṇako vasā lasīkā majjā medaḥ pittaṃ śleṣmā pūyaḥ śoṇitaṃ mastakaṃ (54r = GBM 6.1058) mastakaluṅgaṃ mūtraṃ ca iti |
Poṣ-v 6.1. uktaṃ bhagavatā yogo vāhayitavya iti bhikṣavo gocarāya prasṛtā api yogaṃ vāhayanti | te bhrāntena hastinā sārdhaṃ samāgacchanti bhrāntenāśvena bhrāntena padātikena ca sārdhaṃ samāgacchanti nipatanti | aśrāddhā avasphaṇḍayanti | āryāḥ kiṃ na paśyatheti | te kathayanti | yogaṃ vāhayāmaḥ | etat prakaraṇaṃ bhikṣavo bhagavata ārocayanti |
bhagavān āha | na gocarāya prasṛtena yogo vāhayitavyaḥ |
Poṣ-v 6.2. te dvārakoṣṭhake yogaṃ vāhayanti | pracālayanti ca | aśrāddhā avasphaṇḍayanti | etat prakaraṇaṃ bhikṣavo bhagavata ārocayanti |
bhagavān āha | na dvārakoṣṭhake yogo vāhayitavyaḥ |
Poṣ-v 6.3. te prāsāde vāhayanti | sa evādīnavo bhavati |
bhagavān āha | na bhikṣuṇā prāsāde yogo vāhayitavyaḥ |
Poṣ-v 6.4. te layane vāhayanti | dhyāyināṃ kaṇṭakaśabdena cittaikāgryaṃ na labhante | etat prakaraṇaṃ bhikṣavo bhagavata ārocayanti |
bhagavān āha | na layane yogo vāhayitavyaḥ |
Poṣ-v 6.5. te araṇye bhāvayanti | coradhūrtasiṃhavyāghradvīpīnāṃ gamyā bhavanti | etat prakaraṇaṃ bhikṣavo bhagavata ārocayanti |
bhagavān āha | nāraṇye yogo bhāvayitavyaḥ |
Poṣ-v 6.6. te grāmasamīpe samāgatya bhāvayanti | aśrāddhā avasphaṇḍayanti | etat prakaraṇaṃ bhikṣavo bhagavata ārocayanti |
bhagavān āha | sa pradeśaḥ śākhābhir vā kiṭakair vā veṣṭayitavyaḥ |
Poṣ-v 6.7. veṣṭito bhavati | aśrāddhā avasphaṇḍayanti | āryāḥ kim iyaṃ vāṭiḥ karkaṭikāyā vā mūlasya vā bhavati | etat prakaraṇaṃ bhikṣavo bhagavata ārocayanti |
bhagavān āha | sa pradeśaḥ kanthābhir vā parikhābhir vā veṣṭayitavyaḥ |
Poṣ-v 6.8. veṣṭito bhavati | aśrāddhā avasphaṇḍayanti | āryāḥ kim iyaṃ vāṭir mātuluṅgasya vā dāḍimasya vā bhavati | te kathayanti yogaṃ vāhayāmaḥ | etat prakaraṇaṃ bhikṣavo bhagavata ārocayanti |
bhagavān āha | tasmād anujānāmi prahāṇaśālā māpayitavyā |
Poṣ-v 7. uktaṃ bhagavatā prahāṇaśālā māpayitavyeti | te na jānanti kīdṛśā prahāṇaśālā | etat prakaraṇaṃ bhikṣavo bhagavata ārocayanti |
bhagavān āha | dve prahāṇaśāle | khuḍḍalikā mahantikā ca | khuḍḍalikā dve layane | madhye suruṃgā | mahantikā daśalayanikā dvādaśalayanikā vā |
Poṣ-v 8.1. bhikṣavo layanaṃ kṛtvā dvāraṃ na yathāgrāhyaṃ muṃcanti |
bhagavān āha | dvāraṃ moktavyaṃ |
Poṣ-v 8.2. bhikṣavo kavāṭikāṃ na dadanti |
bhagavān āha | kavāṭikā dātavyā |
Poṣ-v 8.3. duḥkham udghāṭyate |
bhagavān āha| āyāmapaṭako dātavyaḥ |
Poṣ-v 8.4. śabdaṃ karoti |
bhagavān āha | adhastāc carmakhaṇḍako dātavyaḥ |
Poṣ-v 8.5 duḥkhaṃ badhyate |
bhagavān āha | + + + + + + + + + + + + + + + + + + + + + + + + + + + + + + + + (54r10)
Poṣ-v 9.1. andhakāro bhavati |
bhagavān āha | vātāyano moktavyaḥ |
Poṣ-v 9.2. adhastān muṃcanti | coradhūrtasiṃhavyāghrāṇāṃ gamyā bhavanti |
bhagavān āha | nādhastān moktavyaḥ |
Poṣ-v 9.3. upariṣṭān muṃcanti | sa evādīnavo bhavati |
bhagavān āha | nopariṣṭān moktavyaḥ | dvau bhāgau chorayitavyā | chorayitvā tṛtīye (54v = GBM 6.1057) bhāge moktavye |
Poṣ-v 9.4. ta upariṣṭād dvau bhāgau chorayitvā adhastān muṃcanti |
bhagavān āha | adhastād dvau bhāgau cchorayitvā upariṣṭāt tṛtīye bhāge moktavyaḥ |
Poṣ-v 9.5. bhikṣavo bahirvistīrṇam antaḥsaṃvṛtaṃ kurvanti |
bhagavān āha | vātāyanaḥ sāgarākāra iva moktavyaḥ | bahiḥsaṃvṛto antarvistīrṇaḥ |
Poṣ-v 9.6. kākakalantakakapotāḥ praviśanti |
bhagavān āha | jālavātāyanaṃ kartavyaḥ |
Poṣ-v 9.7. tryaṃbukatrailāṭāḥ praviśanti |
bhagavān āha | kavāṭikā dātavyā |
Poṣ-v 9.8. vātenodghāṭyate |
Poṣ-v 9.9. duḥkhaṃ badhyate |
bhagavān āha | ... dātavyaḥ |
Poṣ-v 9.10. duḥkham udghāṭyate |
bhagavān āha | ajapadakadaṇḍakāṃ kṛtvā ... badhayitavyā | ajapadakadaṇḍakair udghāṭayitavyā |
Poṣ-v 10.1. tatrāsanena kāryam* |
bhagavān āha | mṛnmayāny āsanāni kartavyāni |
Poṣ-v 10.2. khakkhaṭā bhavanti |
bhagavān āha | pīṭhikā kartavyā |
Poṣ-v 10.3. uktaṃ bhagavatā pīṭhikā kartavyeti | te na jānanti kīdṛśā pīṭhiketi |
bhagavān āha | + + + + + + + + + + + + + + + kā kartavyā | tataḥ paścād vānair dātavyā |
Poṣ-v 10.4. te na jānate kati vāṇa iti |
bhagavān āha | paṃca vāṇāḥ | muṃjaśāṇavālvajo paṭaḥ sūkṣṃo vetraḥ |
Poṣ-v 10.5. khakkhaṭā bhavanti |
bhagavān āha | tūlikāḥ prāstārayitavyāḥ |
Poṣ-v 10.6. uktaṃ bhagavatā tulikāḥ prāstārayitavyāḥ | te na jānate kīdṛśā tūliketi |
bhagavān āha | dairghe catvāro hastāḥ tiryag dve | dvipuṭāṃ kṛtvā sīvayitavyāḥ | tataḥ paścāt tūlikena pūrayitavyāḥ |
Poṣ-v 10.7. te na jānate kati tūlikānīti |
bhagavān āha | paṃca tūlikāni | arkakāśikairakābakaśālmalītūlikāni | aparāṇy api paṃca tūlāni | ūrṇā śanaḥ karpāso nantakāni pāṃsutūlāni |
Poṣ-v 10.8. pūritā bhavanti | sarvan tat tūlam ekaṃ pradeśaṃ gacchati |
bhagavān āha | sūtreṇāntarā kākapadakā dātavyā | {Cf. SHT VIII (Erg.) 1033r1: sūtreṇāntarā kākapadakā dātavyā}
Poṣ-v 11.1. niṣadya pracālayanti |
bhagavān āha | ghaṭir {Cf. SHT VIII (Erg.) 1033r1} dhārayitavyā |
Poṣ-v 11.2. sā patati |
bhagavān āha | sūtrake baddhvā karṇe paribadhya dhārayitavyā |
Poṣ-v 11.3. tathāpi pracālayanti |
bhagavān āha | yaṣṭiḥ sārayitavyā |
Poṣ-v 11.4. bhikṣavaḥ kalamacchedyā kurvanti | vraṇaṃ karoti |
bhagavān āha | + + chedyā kartavyā |
Poṣ-v 11.5. tathāpi hanti |
bhagavān āha | nantakair veṣṭitvā mandaṃ sārayitavyaṃ |
Poṣ-v 11.6. tathāpi pracālayanti |
bhagavān āha | kandusakaḥ kṣeptavyaḥ |
Poṣ-v 11.7. bhikṣavo 'ndhakāre kṣipanti | sa na paśyati |
bhagavān āha | sūtrakair baddhvā kṣeptavyaḥ tato 'pi pratikarṣitavyaḥ {Cf. SHT VIII (Erg.) 1033r4: tataḥ paścāt punar ākarṣitavyaḥ} |
Poṣ-v 11.8. tathāpi pracālayanti |
bhagavān āha | puro dīpaḥ sthāpayitavyaḥ |
Poṣ-v 11.9. tathāpi pracālayanti |
bhagavān āha | ekapādo 'vatārayitavyaḥ |
Poṣ-v 11.10. tathāpi pracālayanti |
bhagavān āha | dvitīyaḥ pādo 'vatārayitavyaḥ |
Poṣ-v 11.11. tathāpi pracālayanti |
bhagavān āha | utthāya caṃkramitavyaṃ |
Poṣ-v 12.1. bhikṣavaś ... |{Cf. SHT VIII (Erg.) 1033v1: bhikṣavaḥ caṃkramanti + + + + + kān dhārikāṃ baddhavy.}
Poṣ-v 12.2. hastena dhārayanti | bhagavān āha | ... dhārayantaś caṃkramitavyaṃ |
Poṣ-v 12.3. sopānatkāś caṃkramante | śabdaṃ kurvanti |
bhagavān āha | na sopānatkena caṃkramitavyaṃ |
Poṣ-v 12.4. pāṃsunā pādau naśyete |
bhagavān āha | kālakuthaḥ prāstārayitavyaḥ |
Poṣ-v 12.5. snigdhaṃ bhavati |
bhagavān āha | prāhāṇikasyāhaṃ bhikṣavo bhikṣor āsamudācārikāṃ dharmāṃ prajñapayiṣyāmi | prāhāṇikena (55r = GBM 6.708) bhikṣuṇā tṛtīye tṛtīye divase pādau prakṣālayitavyau |
prāhāṇiko bhikṣuḥ yathāprajñaptān āsamudācārikāṃ dharmāṃ na samādāya vartate | sātisāro bhavati |
Poṣ-v 13.1. te tatra na māpayanti |
bhagavān āha | upariṣṭād dvitīyaṃ puraṃ kartavyaṃ |
Poṣ-v 13.2. duḥkhaṃ abhirūhyate |
bhagavān āha | sopānapaṅktayaḥ kartavyāḥ |
Poṣ-v 13.3. prapātaṃ bhavati |
bhagavān āha | vedikā parikṣeptavyā |
Poṣ-v 13.4. tat kaṃpate |
bhagavān āha | lohakaṇṭakaiḥ kīlayitavyā |
Poṣ-v 13.5. tathāpi na māpayanti |
bhagavān āha | bahir vā layanapaṅktiḥ kartavyā |
Poṣ-v 13.6. te 'pi siddhāni dvārāṇi kurvanti | te parasparam abhilokayanti |
bhagavān āha | vyastāni dvārāṇi kartavyāni |
Poṣ-v 14. te tatra pracālayanti |
bhagavān āha | dvāramūle paṭikāṃ vā paṭakaṃ vālaṃbayitvā śayitavyam* nātra kaukṛtyaṃ karaṇīyaṃ |
Poṣ-v 15. te tato gatā bhavanti | na punar āgacchanti |
bhagavān āha | prahāṇapratijāgrako bhikṣus saṃmantavyaḥ |
Poṣ-v 16.1. paṃcabhir dharmaiḥ samanvāgataḥ prahāṇapratijāgrako bhikṣuḥ asaṃmato na saṃmantavyaḥ | saṃmataś cāvakāśayitavyaḥ |
katamaiḥ paṃcabhiḥ | chandād gacchati dveṣān mohād bhayād gacchati | jāgṛtām ajāgṛtāṃ prahāṇaṃ na jānāti |
ebhiḥ paṃcabhir dharmais samanvāgataḥ prahāṇapratijāgrako bhikṣur asaṃmato na saṃmantavyaḥ | saṃmataś cāvakāśayitavyaḥ |
Poṣ-v 16.2. paṃcabhir dharmais samanvāgataḥ prahāṇapratijāgrako bhikṣuḥ asaṃmatas saṃmantavyaḥ | saṃmataś ca nāvakāśayitavyaḥ |
katamaiḥ paṃcabhiḥ | na cchandād gacchati na dveṣān na mohān na bhayād gacchati | pratijāgṛtām apratijāgṛtāñ ca prahāṇaṃ jānāti |
ebhiḥ paṃcabhir dharmaiḥ samanvāgataḥ prahāṇapratijāgrako bhikṣur asaṃmataḥ saṃmantavyaḥ | saṃmataś ca nāvakāśayitavyaḥ |
Poṣ-v 17.1. evaṃ ca punaḥ saṃmantavyaḥ |
Poṣ-v 17.2. śayanāsanaprajñaptiṃ kṛtvā gaṇḍīm ākoṭya pṛṣṭavācikayā bhikṣūṃ samanuyujya sarvasaṃghe sanniṣaṇṇe sannipatita ekena bhikṣuṇā pṛṣṭavyaṃ |
utsahasi tvam evaṃnāmā saṃghasya prahāṇaṃ pratijāgartuṃ |
tena vaktavyam utsahe |
Poṣ-v 17.3. tataḥ paścād ekena bhikṣuṇā jñaptiṃ kṛtvā karma kartavyaṃ |
Poṣ-v 17.4. śṛṇotu bhadantāḥ saṃghaḥ |
ayam evaṃnāmā prahāṇapratijāgrako bhikṣuḥ utsahate saṃghasya prahāṇaṃ pratijāgartuṃ |
sacet saṃghasya prāptakālaṃ kṣametānujānīyāt saṃgho yat saṃgha evaṃnāmānaṃ prahāṇapratijāgrakaṃ saṃmanyeta | evaṃnāmā prahāṇapratijāgrako bhikṣuḥ saṃghasya prahāṇaṃ pratijāgariṣyati |
eṣā jñaptiḥ |
Poṣ-v 17.5. evaṃ ca karma kartavyaṃ |
śṛṇotu bhadantāḥ saṃghaḥ |
a. evaṃnāmā prahāṇapratijāgrako bhikṣur utsahate saṃghasya prahāṇaṃ pratijāgartuṃ |
b. tat saṃgha evaṃnāmānaṃ prahāṇapratijāgrakaṃ bhikṣuṃ saṃmanyeta | ayam evaṃnāmā prahāṇapratijāgrako bhikṣuḥ saṃghasya prahāṇaṃ pratijāgariṣyati |
c. yeṣām āyuṣmatāṃ kṣamate evaṃnāmānaṃ prahāṇapratijāgrakaṃ bhikṣuṃ saṃmantuṃ yad evaṃnāmā prahāṇapratijāgrako bhikṣuḥ saṃghasya prahāṇaṃ pratijāgariṣyati sa tūṣṇīṃ | na kṣamate bhāṣatāṃ |
d. saṃmataḥ saṃghena evaṃnāmā prahāṇapratijāgrako bhikṣuḥ | ayam evaṃnāmā prahāṇapratijāgrako bhikṣuḥ saṃghasya prahāṇaṃ pratijāgariṣyati | kṣāntam anujñātaṃ saṃghena yasmāt tūṣṇīm evam (55v = GBM 6.709) etad dhārayāmi |
Poṣ-v 18. prahāṇapratijāgrakasyāhaṃ bhikṣor āsamudācārikān dharmān prajñapayiṣyāmi |
prahāṇapratijāgrakena bhikṣuṇā prahāṇaśālā sektavyā | saṃmārjitavyā | sukumārī gomayakārṣī anupradātavyā | varcakuṭī prasāvakuṭī ca saṃskarayitavyā sektavyā saṃmārjitavyā | sukumārī gomayakārṣī (Poṣ-v 290) anupradātavyā | patravaibhaṅgukā sthāpayitavyā | mṛttikāpānīyaṃ sthāpayitavyaṃ |
Poṣ-v 19.1. sa teṣām ekaikaṃ gatvā śabdāpayati |
bhagavān āha | naikaikaḥ śabdāpayitavyaḥ | gaṇḍī ākoṭayitavyā |
Poṣ-v 19.2. tena vistareṇa gaṇḍī dattā | yāvad + + + + + + + + + + + + + + + + + + sannahyāgatāḥ | āryāḥ kiṃ corāḥ patitāḥ |
te kathayanti | bhavanto na caurāḥ patitā api tu prahāṇaṃ pratijāgarīma |
te kathayanti | āryā viheṭhaṃ pratijāgṛtha | kuto 'tra prahāṇam*
etat prakaraṇaṃ bhikṣavo bhagavata ārocayanti |
bhagavān āha | gaṇḍī na vistareṇa dātavyā |
Poṣ-v 19.3. evam atra paṃca gaṇḍyaḥ | sārvasaṃghikā | karmagaṇḍī | aṃsagaṇḍī | prahāṇagaṇḍī | āpadgaṇḍī ca |
tatra sārvasaṃghikā tidroghumāḥ tisraḥ prahārāḥ | karmagaṇḍī tidroghumā dve prahāre | aṃsagaṇḍī muṇḍikā | prahāṇagaṇḍī khakkharaṃ | āpadgaṇḍī yāvat tuṣṭaṃ |
Poṣ-v 20. te 'vaśiṣṭāyāṃ velāyāṃ yathāsukhaṃ kurvanti |
bhagavān āha | kālaṃ jñātvā yathāsukhaṃ kartavyam* ye saṃghalābhinas te snātvā saṃghe 'vatariṣyaṃti | ye piṇḍapātikās te hastapādau prakṣālya grāmaṃ piṇḍāya pravekṣyanti |
Poṣ-v 21.1 ta evam eva yathāsukhaṃ kurvanti |
bhagavān āha | evam eva yathāsukhaṃ na kartavyaṃ | tṛdaṇḍako bhāṣitavyaḥ |
Poṣ-v 21.2. atimahāntaṃ bhāṣante |
bhagavān āha | nātimahān bhāṣitavyaḥ |
Poṣ-v 21.3. te tv alpaṃ bhāṣante |
bhagavān āha | nātyalpo bhāṣitavyaḥ | api tu parimaṇḍalo bhāṣitavyaḥ |
Poṣ-v 22.1. dakṣiṇān nādiśanti |
bhagavān āha | dakṣinādeṣṭavyā |
Poṣ-v 22.2. uktaṃ bhagavatā dakṣiṇādeṣṭavyeti | te na jānate kenādeṣṭavyeti |
bhagavān āha | saṃghasthavireṇa bhikṣuṇā ādeṣṭavyeti |
Poṣ-v 22.3. te mahatīn dakṣiṇām ādiśanti |
bhagavān āha | na mahatī dakṣiṇā ādeṣṭavyā |
Poṣ-v 22.4. atyalpām ādiśanti |
bhagavān āha | nātyalpā dakṣiṇādeṣṭavyā | api tu parimaṇḍalā dakṣiṇā ādeṣṭavyeti |
Poṣ-v 23.1. prahāṇapratijāgrako bhikṣuḥ sarvapṛṣṭhata āgacchati | sarvāgrato gacchati |
bhagavān āha | prahāṇapratijāgrakena bhikṣuṇā sarvapṛṣṭhato gantavyaṃ | sarvāgrata āgantavyaṃ |
Poṣ-v 23.2. sacet tadrūpaḥ pratyayo bhavati tena rahogate pradeśe 'pāvaraṇīṃ gopayitvā vaktavyaṃ |
āyuṣmān amuṣmin pradeśe mayā apāvaraṇī gopitā | udghāṭya pravekṣyase |
Poṣ-v 23.3. prahāṇapratijāgrako bhikṣur yathāprajñaptān āsamudācārikān dharmān asamādāya vartate sātisāro bhavati |
Poṣ-v 24. iyam ucyate niṣadyā |
Poṣ-v 25. kriyā katamā |
saṃghena jñaptir jñaptidvitīyaṃ jñapticaturthaṃ karma | iyam ucyate kriyā |
Poṣ-v 26. poṣadhaḥ katamaḥ |
yo vo mayā bhikṣavo prātimokṣasūtroddeśa uddiṣṭaḥ sa vo 'dyāgreṇānvardhamāsam uddeṣṭavyaḥ |
Poṣ-v 27. uktaṃ bhagavatā anvardhamāsaṃ prātimokṣasūtroddeśa uddeṣṭavya iti | te na jānate kenoddeṣṭavya iti | (56r = GBM 6.710)
bhagavān āha | saṃghasthavireṇānvardhamāsaṃ prātimokṣasūtroddeśa uddeṣṭavya iti |
Poṣ-v 28.1. uktaṃ bhagavatā saṃghasthavireṇānvardhamāsaṃ prātimokṣasūtroddeśa uddeṣṭavya iti | bhikṣavas tasya layanaṃ gacchanti | te tatra na māpayanti | etat prakaraṇaṃ bhikṣavo bhagavata ārocayanti |
bhagavān āha | na layane uddeṣṭavyaḥ |
Poṣ-v 28.2. te prāsāde uddiśanti | tatrāpi na māpayanti |
bhagavān āha | saṃghasya poṣadhāmukhaṃ saṃmantavyaṃ |
Poṣ-v 29. uktaṃ bhagavatā saṃghasya poṣadhāmukhaṃ saṃmantavyam iti | te na jānate kutra saṃmantavyam iti |
bhagavān āha | yad vastu sarvākārapariniṣṭhitam antaḥsīmaṃ bahirvyāmopavicāraṃ saṃghasya poṣadhāmukham abhirucitaṃ tat saṃghena saṃmantavyaṃ |
Poṣ-v 30.1. evaṃ ca punaḥ saṃmantavyaṃ |
Poṣ-v 30.2. śayanāsanaprajñaptiṃ kṛtvā gaṇḍīm ākoṭya pṛṣṭavācikayā bhikṣūn samanuyujya sarvasaṃghe sanniṣaṇṇe sannipatite ekena bhikṣuṇā jñaptiṃ kṛtvā karma kartavyaṃ |
Poṣ-v 30.3. śṛṇotu bhadantāḥ saṃghaḥ |
idaṃ vastu sarvākārapariniṣṭhitam antaḥsīmaṃ bahirvyāmopavicāraṃ saṃghasya poṣadhāmukham abhirucitaṃ |
sacet saṃghasya prāptakālaṃ kṣametānujānīyāt saṃghaḥ yat saṃgha idaṃ vastu sarvākārapariniṣṭhitam antaḥsīmaṃ bahirvyāmopavicāraṃ saṃghasya poṣadhāmukhaṃ saṃmanyeta |
eṣā jñaptiḥ |
Poṣ-v 30.4. evaṃ ca karma kartavyaṃ |
śṛṇotu bhadantāḥ saṃghaḥ |
a. idaṃ vastu sarvākārapariniṣṭhitam antaḥsīmaṃ bahirvyāmopavicāraṃ saṃghasya poṣadhāmukham abhirucitaṃ |
b. tat saṃgha idaṃ vastu sarvākārapariniṣṭhitam antaḥsīmaṃ bahirvyāmopavicāraṃ saṃghasya poṣadhāmukhaṃ saṃmanyate |
c. yeṣām āyuṣmatāṃ kṣamate idaṃ vastu sarvākārapariniṣṭhitam antaḥsīmaṃ bahirvyāmopavicāraṃ saṃghasya poṣadhāmukhaṃ saṃmantuṃ sa tūṣṇīṃ | na kṣamate bhāṣatāṃ |
d. saṃmataḥ saṃghena idaṃ vastu sarvākārapariniṣṭhitam antaḥsīmaṃ bahirvyāmopavicāraṃ saṃghasya poṣadhāmukhaṃ | kṣāntam anujñātaṃ saṃghena yasmāt tūṣṇīm evam etad dhārayāmi |
Poṣ-v 31.1. yatra saṃghena poṣadhāmukhaṃ saṃmataṃ bhavati tatra bhikṣubhir niṣadya poṣadhaḥ kartavyaḥ pravāraṇā jñaptir jñaptidvitīyaṃ jñapticaturthaṃ karma kartavyaṃ |
Poṣ-v 31.2. vyagrāḥ kurvanti sātisārā bhavanti || ||
Poṣ-v 32. uddānam* ||
Poṣ-v 33.1. rājagṛhe nidānam* ||
Poṣ-v 33.2. tena khalu samayenāyuṣmān brāhmaṇakapphiṇo rājagṛhe viharati senikāguhāyām ekapoṣadhāvāsasaṃvāsasaṃvṛttyā saṃghasya |
Poṣ-v 33.3 atha saṃbahulā bhikṣavas tad eva poṣadhe paṃcadaśyāṃ poṣadhāmukhe sanniṣaṇṇāḥ sannipatitā yadbhūyasā āyuṣmantaṃ brāhmaṇakapphiṇam āgamayamānāḥ |
Poṣ-v 33.4. athāyuṣmato brāhmaṇakapphiṇasyaitad abhavat*
adya saṃghasya poṣadhaḥ pāṃcadaśikaḥ mamāpi kapphiṇasya bhikṣoḥ poṣadhaḥ pāṃcadaśikaḥ |
kin nu gaccheyaṃ saṃghasya poṣadhāmukham āhosvin na gaccheyaṃ saṃghasya poṣadhāmukhaṃ | (56v = GBM 6.711)
kin nu pratyanubhaveyaṃ saṃghena sārdhaṃ poṣadham āhosvin na pratyanubhaveyaṃ |
kin nu gaccheyaṃ saṃghasya saṃghakṛtyeṣu saṃghakaraṇīyeṣu āhosvin na gaccheyaṃ |
kin nu pratyanubhaveyaṃ saṃghena sārdhaṃ saṃghakṛtyāni saṃghakaraṇīyāny āhosvin na pratyanubhaveyaṃ |
Poṣ-v 33.5. uktaṃ ca bhagavatā
śuddhasya hi sadā phalgu sadā śuddhasya poṣadhaḥ | śucikarmaṇo hi śuddhasya tasya saṃpadyate vratam || iti |
Poṣ-v 33.6. śuddho 'ham asmi paramayā śuddhyā samanvāgataḥ |
Poṣ-v 34.1. atha bhagavān āyuṣmato brāhmaṇakapphiṇasya cetasā cittam ājñāya veṇuvane 'ntarhitaḥ senikāguhāyāṃ pratyaṣṭhāt* āyuṣmato brāhmaṇakapphiṇasya purata evaṃ cāha |
Poṣ-v 34.2. nanu te kapphiṇa ekākino rahogatasya pratisaṃlīnasyaivaṃ cetasi cetaḥparivitarka udapādi |
adya saṃghasya poṣadhaḥ pāṃcadaśikaḥ mamāpi kapphiṇasya bhikṣoḥ poṣadhaḥ pāṃcadaśikaḥ pūrvavad yāvat* tasya saṃpadyate vratam iti | śuddho 'ham asmi paramayā śuddhyā samanvāgata iti |
evaṃ bhadanta |
Poṣ-v 34.3 tvaṃ tāvat kapphiṇa na gamiṣyasi saṃghasya poṣadhāmukhaṃ ko 'nyo gamiṣyati |
tvaṃ na pratyanubhaviṣyasi saṃghena sārdhaṃ poṣadhaṃ ko 'nyaḥ pratyanubhaviṣyati |
tvaṃ na gamiṣyasi saṃghasya saṃghakṛtyeṣu saṃghakaraṇīyeṣu ko 'nyo gamiṣyati |
tvaṃ na pratyanubhaviṣyasi saṃghena sārdhaṃ saṃghakṛtyāni saṃghakaraṇīyāni ko 'nyaḥ pratyanubhaviṣyati |
Poṣ-v 34.4. gaccha tvaṃ kapphiṇa saṃghasya poṣadhāmukhaṃ mā na gaccha |
pratyanubhava tvaṃ saṃghena sārdhaṃ poṣadhaṃ mā na pratyanubhava |
gaccha tvaṃ kapphiṇa saṃghasya saṃghakṛtyeṣu saṃghakaraṇīyeṣu mā na gaccha |
pratyanubhava tvaṃ saṃghena sārdhaṃ saṃghakṛtyāni saṃghakaraṇīyāni mā na pratyanubhava |
Poṣ-v 34.5. atha bhagavān āyuṣmantaṃ brāhmaṇakapphiṇa ādāya yena poṣadhāmukhaṃ tenopasaṃkrāntaḥ | upasaṃkramya purastād bhikṣusaṃghasya prajñapta evāsane niṣannaḥ |
Poṣ-v 35. niṣadya bhagavān bhikṣūn āmantrayate sma | tasmāt tarhi bhikṣavo 'nujānāmi bhikṣubhir ekapoṣadhāvāsasaṃvṛtyā{Or ekapoṣadhāvāsasaṃvṛttyā} mahatī sīmā baddhavyā |
Poṣ-v 36.1 uktaṃ bhagavatā ekapoṣadhāvāsasaṃvṛtyā mahatī sīmā baddhavyeti | bhikṣavo na jānate kathaṃ baddhavyeti |
bhagavān āha | pūrvaṃ tāvad āvāsikanaivāsikair bhikṣubhir mahatyāḥ sīmāyāś caturdiśaṃ sthāvaraṇimittāni saṃlakṣayitavyāni |
pūrvasyān diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā |
dakṣiṇasyāṃ paścimāyām uttarasyān diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā |
Poṣ-v 36.2. tataḥ paścāc chayanāsanaprajñaptiṃ kṛtvā gaṇḍīm ākoṭya pṛṣṭavācikayā bhikṣūn samanuyujya sarvasaṃghe sanniṣaṇṇe sannipatite āvāsikanaivāsikair bhikṣubhir mahatyāḥ sīmāyāś caturdiśaṃ sthāvarāṇi nimittāni parikīrtayitavyāni |
pūrvasyāṃ diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā |
dakṣiṇasyān diśi paścimāyām uttarasyāṃ diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā |
Poṣ-v 37.1. tataḥ paścād ekena bhikṣuṇā jñaptiṃ kṛtvā karma kartavyaṃ |
Poṣ-v 37.2. śṛṇotu (57r = GBM 6.712) bhadantāḥ saṃgho |
'sminn āvāse āvāsikanaivāsikair bhikṣubhir mahatyāḥ sīmāyāś caturdiśaṃ sthāvarāṇi nimittāni parikīrtitāni |
pūrvasyān diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā |
dakṣiṇasyāṃ paścimāyām uttarasyān diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā |
sacet saṃghasya prāptakālaṃ kṣametānujānīyāt saṃgho yat saṃgha eṣāṃ nimittānāṃ arvāg ekapoṣadhāvāsasaṃvāsasaṃvṛttyā mahatīṃ sīmāṃ (Poṣ-v 312) badhnīyād yāvac cāraṇyaṃ yāvac ca śayanāsanaṃ sthāpayitvā grāmaṃ ca grāmopavicāraṃ ca |
eṣā jñaptiḥ |
Poṣ-v 37.3. evaṃ ca karma kartavyaṃ |
śṛṇotu bhadantāḥ saṃgho |
a. 'sminn āvāse āvāsikanaivāsikair bhikṣubhir mahatyāḥ sīmāyāś caturdiśaṃ sthāvarāṇi nimittāni parikīrtitāni |
pūrvasyān diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā |
dakṣiṇasyāṃ paścimāyām uttarasyān diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā |
b. tat saṃghas teṣāṃ nimittānām arvāg ekapoṣadhāvāsasaṃvṛttyā mahatīṃ sīmāṃ badhnāti | yāvac cāraṇyaṃ yāvac ca śayanāsanaṃ sthāpayitvā grāmaṃ ca grāmopavicāraṃ ca |
c. yeṣām āyuṣmatāṃ kṣamate eṣāṃ nimittānāṃ arvāg ekapoṣadhāvāsasaṃvṛttyā saṃghasya mahatīṃ sīmāṃ baddhuṃ yāvac cāraṇyaṃ yāvac ca śayanāsanaṃ sthāpayitvā grāmaṃ ca grāmopavicāraṃ ca sa tūṣṇīṃ | na kṣamate bhāṣatāṃ |
d. baddhā saṃghena eṣāṃ nimittānāṃ arvāg ekapoṣadhāvāsasaṃvṛttyā saṃghasya mahatī sīmā yāvac cāraṇyaṃ yāvac ca śayanāsanaṃ sthāpayitvā grāmaṃ ca grāmopavicāraṃ ca | kṣāntam anujñātaṃ saṃghena yasmāt tūṣṇīm evam etad dhārayāmi |
Poṣ-v 38.1. yatra saṃghena mahatī sīmā baddhā bhavati tatra bhikṣubhir niṣadya poṣadhaḥ kartavyaḥ pravāraṇā jñaptir jñaptidvitīyaṃ jñapticaturthaṃ karma kartavyaṃ |
Poṣ-v 38.2. vyagrāḥ kurvanti sātisārā bhavanti |
Poṣ-v 39. bhikṣavas tricīvaraṃ gṛhītvā divāvihāraṃ gacchanti | khedam āpadyante | etat prakaraṇaṃ bhikṣavo ārocayanti |
bhagavān āha | mahatyāḥ sīmāyā arvāk sarveṣāṃ bhikṣūṇāṃ cīvarakāṇām avipravāsasaṃvṛtir dātavyā |
Poṣ-v 40.1. evaṃ ca punar dātavyā |
Poṣ-v 40.2. śayanāsanaprajñaptiṃ kṛtvā gaṇḍīm ākoṭya pṛṣṭavācikayā bhikṣūn samanuyujya sarvasaṃghe sanniṣaṇṇe sannipatite ekena bhikṣuṇā jñaptiṃ kṛtvā karma kartavyaṃ |
Poṣ-v 40.3. śṛṇotu bhadantāḥ saṃgho |
'sminn āvāse samagreṇa saṃghena ekapoṣadhāvāsasaṃvāsasaṃvṛtyā saṃghasya mahatī sīmā baddhā |
sacet saṃghasya prāptakālaṃ kṣametānujānīyāt saṃgho yat saṃghaḥ mahatyāḥ sīmāyā arvāk sarveṣāṃ bhikṣūṇāṃ cīvarakāṇāṃ avipravāsasaṃvṛtiṃ dadyād iti |
eṣā jñaptiḥ |
Poṣ-v 40.4. evaṃ ca karma kartavyaṃ |
śṛṇotu bhadantāḥ saṃghaḥ |
a. asminn āvāse samagreṇa saṃghenaikapoṣadhāvāsasaṃvāsasaṃvṛttyā saṃghasya mahatī sīmā baddhā |
b. tat saṃgho mahatyāḥ sīmāyāḥ arvāk sarveṣāṃ bhikṣūṇāṃ cīvarakāṇāṃ avipravāsasaṃvṛtiṃ dadāti |
c. yeṣām āyuṣmatāṃ kṣamate mahatyāḥ sīmāyāḥ arvāk sarveṣāṃ bhikṣūṇāṃ cīvarakāṇāṃ avipravāsasaṃvṛtiṃ dātuṃ te tūṣṇīṃ | na kṣamate bhāṣantām*
d. dattā saṃghena mahatyāḥ sīmāyāḥ arvāk sarveṣāṃ bhikṣūṇāṃ cīvarakāṇām avipravāsasaṃvṛtiḥ | kṣāntam anujñātaṃ saṃghena yasmāt tūṣṇīm evam etad dhārayāmi |
Poṣ-v 41. yatra saṃghena mahatyāḥ sīmāyā arvāg bhikṣūṇāṃ cīvarakāṇāṃ avipravāsasaṃvṛttir dattā bhavati | tatra bhikṣūṇāṃ sāntarottareṇa gantavyaṃ | nātra kaukṛtyaṃ karaṇīyaṃ |
Poṣ-v 42.1. bhikṣūṇāṃ caturvargakaraṇīyāni karmāṇi bhavanti | paṃcavargakaraṇīyāṇi daśavargakaraṇīyāni karmāṇi bhavanti |
Poṣ-v 42.2. te sarvasaṃghaṃ sannipātayanti | bhikṣūṇāṃ kuśalapakṣaparihāṇir bhavati | etat prakaraṇaṃ bhikṣavo bhagavata ārocayanti |
bhagavān āha | khuḍḍalikā sīmā baddhavyā | saṃmantavyo maṇḍalaka |
Poṣ-v 43. evaṃ ca punar baddhavyā |
Poṣ-v 44.1. pūrvaṃ tāvan mahatī sīmā moktavyā |
Poṣ-v 44.2. evaṃ ca punar moktavyā |
Poṣ-v 44.3. śayanāsanaprajñaptiṃ kṛtvā gaṇḍīm ākoṭya pṛṣṭavācikayā bhikṣūn samanuyujya sarvasaṃghe sanniṣaṇṇe sannipatite ekena bhikṣuṇā jñaptiṃ kṛtvā karma kartavyaṃ |
Poṣ-v 44.4. śṛṇotu bhadantāḥ saṃghaḥ |
yāvad evāsminn āvāse samagreṇa saṃghena ekapoṣadhāvāsasaṃvāsasaṃvṛtyā mahatī sīmā baddhā |
sacet saṃghasya prāptakālaṃ kṣametānujānīyāt saṃgho yat saṃghaḥ mahatīṃ sīmāṃ muṃcīta {for muṃceta} |
eṣā jñaptiḥ |
Poṣ-v 44.5. evaṃ ca karma kartavyaṃ |
śṛṇotu bhadantāḥ saṃghaḥ |
a. yāvad evāsminn āvāse samagreṇa saṃghena ekapoṣadhāvāsasaṃvāsasaṃvṛtyā mahatī sīmā baddhā |
b. tat saṃgho mahatīṃ sīmāṃ muṃcati |
c. yeṣām āyuṣmatāṃ kṣamate mahatīṃ sīmāṃ moktuṃ te tūṣṇīṃ | na kṣamate bhāṣantāṃ |
d. iyaṃ prathamā karmavācanā dvitīyā tṛtīyā karmavācanā |
e. muktā saṃghena mahatī sīmā | kṣāntam anujñātaṃ saṃghena yasmāt tūṣṇīm evam etad dhārayāmaḥ {for dhārayāmi?} |
Poṣ-v 45.1. tataḥ paścād āvāsikanaivāsikair bhikṣubhiḥ khuḍḍalikāyāḥ sīmāyāś caturdiśaṃ sthāvarāṇi nimittāni saṃlakṣayitavyāni |
pūrvasyāṃ diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā mārṣṭīkā vā kaḍḍhitavyā śilā vā ucchrepayitavyā kīlako vā nikhantavyaḥ |
dakṣiṇasyāṃ paścimāyām uttarasyāṃ diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā mārṣṭīkā vā kaḍḍhitavyā śilā vā ucchrepayitavyā kīlako vā nikhantavyaḥ |
Poṣ-v 45.2. tataḥ paścāc chayanāsanaprajñaptiṃ kṛtvā gaṇḍīm ākoṭya pṛṣṭavācikayā bhikṣūn samanuyujya sarvasaṃghe sanniṣaṇṇe sannipatite āvāsikanaivāsikair bhikṣubhiḥ khuḍḍalikāyāḥ sīmāyāś caturdiśaṃ sthāvarāṇi nimittāni parikīrtayitavyāni |
pūrvasyāṃ diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā mārṣṭīkā vā kaḍḍhitā śilā vā ucchrepitā kīlako vā nikhātaḥ |
dakṣiṇasyāṃ paścimāyām uttarasyāṃ diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā mārṣṭīkā vā kaḍḍhitā śilā vā ucchrepitā kīlako vā nikhātaḥ |
Poṣ-v 46.1. tataḥ paścād ekena bhikṣuṇā jñaptiṃ kṛtvā karma kartavyaṃ |
Poṣ-v 46.2. śṛṇotu bhadantāḥ saṃghaḥ |
yāvad evāsminn āvāse āvāsikanaivāsikair bhikṣubhiḥ khuḍḍalikāyāḥ (58r = GBM 6.714) sīmāyāḥ caturdiśaṃ sthāvarāṇi nimittāni parikīrtitāni |
pūrvasyān diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā mārṣṭīkā vā kaḍḍhitā śilā vā ucchrepitā kīlako vā nikhātaḥ |
sacet saṃghasya prāptakālaṃ kṣametānujānīyāt saṃgho yat saṃgha eṣāṃ nimittānāṃ arvāk khuḍḍalikāṃ sīmāṃ badhnīyāt saṃmanyeta maṇḍalakaṃ |
eṣā jñaptiḥ |
Poṣ-v 46.3. evaṃ ca karma kartavyaṃ |
śṛṇotu bhadantāḥ saṃghaḥ |
a. yāvad evāsminn āvāse āvāsikanaivāsikair bhikṣubhiḥ khuḍḍalikāyāḥ sīmāyāś caturdiśaṃ sthāvarāṇi nimittāni parikīrtitāni |
pūrvasyān diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā mārṣṭīkā vā kaḍḍhitā śilā vā ucchrepitā kīlako vā nikhātaḥ |
dakṣiṇasyāṃ paścimāyām uttarasyān diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā mārṣṭīkā vā kaḍḍhitā śilā vā ucchrepitā kīlako vā nikhātaḥ |
b. tat saṃgha eṣāṃ nimittānām arvāk khuḍḍālikāṃ sīmāṃ badhnāti | saṃmanyati maṇḍalakaṃ |
c. yeṣām āyuṣmatāṃ kṣamate eṣāṃ nimittānām arvāk khuḍḍalikāṃ sīmāṃ baddhuṃ maṇḍalakaṃ sammantuṃ sa tūṣṇīṃ | na kṣamate bhāṣatāṃ |
d. baddhā saṃghena eṣāṃ nimittānām arvāk khuḍḍalikā sīmā | saṃmato maṇḍalakaḥ | kṣāntam anujñātaṃ saṃghena yasmāt tūṣṇīm evam etad dhārayāmi |
Poṣ-v 47.1. tataḥ paścān mahatī sīmā baddhavyā |
Poṣ-v 47.2. evaṃ ca punar baddhavyā |
Poṣ-v 47.3. pūrvaṃ tāvat* mahatyāḥ sīmāyā āvāsikanaivāsikair bhikṣubhiś caturdiśaṃ sthāvarāṇi nimittāni saṃlakṣayitavyāni |
pūrvavad vistareṇa vācyam* |
Poṣ-v 48.1 tataḥ paścān mahatyāḥ sīmāyā arvāg bhikṣūṇāṃ cīvarakāṇām avipravāsasaṃvṛtir dātavyā |
Poṣ-v 48.2. evaṃ ca punar dātavyā |
Poṣ-v 48.3. śayanāsanaprajñaptiṃ kṛtvā pūrvavat* vistareṇa |
Poṣ-v 49.1. āyuṣmān upālī buddhaṃ bhagavantaṃ pṛcchati |
abaddhasīme bhadantāvāse kā sīmā |
kuḍyāntaram upāliṃ sāmantakena |
Poṣ-v 49.2. ye kuḍyasyābhyantare bhikṣavaḥ prativasanti tair ekadhye niṣadya poṣadhaḥ kartavyaḥ pravāraṇā jñaptiḥ jñaptidvitīyaṃ jñapticarturthaṃ karma kartavyaṃ |
Poṣ-v 49.3. vyagrāḥ kurvanti sātisārā bhavanti |
Poṣ-v 50.1. āyuṣmān upālī buddhaṃ bhagavantaṃ pṛcchati |
agrāmake bhadantāraṇyāyatane kā sīmā |
krośam upāliṃ sāmantakena |
Poṣ-v 50.2. ye krośasyābhyantare bhikṣavaḥ prativasanti sarvais tair ekadhye niṣadya poṣadhaḥ pravāraṇā vistareṇa |
Poṣ-v .50.3. vyagrāḥ kurvanti sātisārā bhavanti |
Poṣ-v 51. āyuṣmān upālī buddhaṃ bhagavantaṃ pṛcchati |
labhyaṃ bhadanta ekayā jñaptyā ekena karmakārakeṇa ekayā karmavācanayā sāntarbahirmukhīṃ sīmām abhisaṃhartuṃ vā abhinirhartuṃ vā |
labhyaṃ upāliṃ | tatrāyam abhisaṃhāraḥ saṃkocaḥ | tatrāyam abhinirhāraḥ vistāraḥ |
Poṣ-v 52. evaṃ ca punar baddhavyā |
Poṣ-v 53.1. pūrvaṃ tāvan mahatī sīmā moktavyā | khuḍḍalikā sīmā moktavyā | pratiprasraṃbhitavyo maṇḍalakaḥ |
Poṣ-v 53.2. evaṃ ca punar moktavyā |
Poṣ-v 53.3. śayanāsanaprajñaptiṃ kṛtvā gaṇḍīm ākoṭya pṛṣṭavācikayā bhikṣūn samanuyujya sarvasaṃghe sanniṣaṇṇe sannipatite ubhayataḥsīmāyāṃ saṃghaṃ sthāpayitvā karmakārakeṇa (58v = GBM 6.715) bhikṣuṇā ubhe sīme kāṣṭhena vā daṇḍena vā kiṭakena vā kiliṃjena vā avaṣṭabhya (Poṣ-v 334) jñaptiṃ kṛtvā karma kartavyaṃ |
Poṣ-v 53.4. śṛṇotu bhadantāḥ saṃghaḥ |
yāvad evāsminn āvāse samagreṇa saṃghena ekapoṣadhāvāsasaṃvāsasaṃvṛtyā mahatī sīmā baddhā | khuḍḍalikā sīmā baddhā | saṃmato maṇḍalakaḥ |
sacet saṃghasya prāptakālaṃ kṣametānujānīyāt saṃghaḥ yat saṃghaḥ mahatīṃ sīmāṃ muṃcīta {for muṃceta} | khuḍḍalikāṃ sīmāṃ muṃcīta | pratiprasraṃbheta maṇḍalakaṃ |
eṣā jñaptiḥ |
Poṣ-v 53.5. evaṃ ca karma kartavyaṃ |
śṛṇotu bhadantāḥ saṃghaḥ |
a. yāvad evāsminn āvāse samagreṇa saṃghena ekapoṣadhāvāsasaṃvāsasaṃvṛtyā mahatī sīmā baddhā | khuḍḍalikā sīmā baddhā | saṃmato maṇḍalakaḥ |
b. tat saṃghaḥ mahatīṃ sīmāṃ muṃcati | khuḍḍalikāṃ sīmāṃ muṃcati | pratiprasraṃbhayati maṇḍalakaṃ |
c. yeṣām āyuṣmatāṃ kṣamate mahatīṃ sīmāṃ moktuṃ | khuḍḍalikāṃ sīmāṃ moktuṃ | pratiprasrabdhuṃ maṇḍalakaṃ sa tūṣṇīṃ | na kṣamate bhāṣantāṃ |
d. iyaṃ prathamā karmavācanā dvitīyā tṛtīyā karmavācanā |
e. muktā saṃghena mahatī sīmā | muktā khuḍḍalikā sīmā | pratiprasrabdho maṇḍalakaḥ | kṣāntam anujñātaṃ saṃghena yasmāt tūṣṇīm evam etad dhārayāmi |
Poṣ-v 54. tatra yadīcchanti vistārayitavyāḥ | nocet saṃkocayitavyāḥ |
Poṣ-v 55.1. tataḥ paścād āvāsikanaivāsikair bhikṣubhiḥ khuḍḍalikāyāḥ sīmāyāś caturdiśaṃ sthāvarāṇi nimittāni saṃlakṣayitavyāni |
pūrvasyāṃ diśi kuḍyanimittaṃ vā vṛkṣanimittaṃ vā śailanimittaṃ vā prākāranimittaṃ vā prāgbhāranimittaṃ vā mārṣṭīkā vā kaḍḍhitavyā śilā vā ucchrepayitavyā kīlako vā nikhantavyaḥ |
yathā pūrvasyāṃ diśy evaṃ dakṣiṇasyāṃ paścimāyām uttarasyāṃ diśi |
Poṣ-v 55.2. tataḥ paścāc chayanāsanaprajñaptiṃ kṛtvā gaṇḍīm ākoṭya pṛṣṭavācikayā bhikṣūn samanuyujya sarvasaṃghe sanniṣaṇṇe sannipatite āvāsikanaivāsikair bhikṣubhiḥ khuḍḍalikāyāḥ sīmāyāś caturdiśaṃ sthāvaranimittāni parikīrtayitavyāni |
pūrvavad yāvat kīlako vā nikhātaḥ | Poṣ-v 56. mahatyāḥ sīmāyāś caturdiśaṃ sthāvarāṇi nimittāni parikīrtayitavyāni |
pūrvavad yāvat prāgbhāranimittaṃ vā |
Poṣ-v 57.1. tataḥ paścād ubhayataḥsīmāyāṃ saṃghaṃ sthāpayitvā karmakārakeṇa bhikṣuṇā ubhe sīme kāṣṭhena vā daṇḍena vā kiṭakena vā kiliṃjena vā avaṣṭabhya jñaptiṃ kṛtvā karma kartavyaṃ |
Poṣ-v 57.2. śṛṇotu bhadantāḥ saṃghaḥ |
yāvad evāsminn āvāse āvāsikanaivāsikair bhikṣubhiḥ khuḍḍalikāyāḥ sīmāyāś caturdiśaṃ sthāvaranimittāni parikīrtitāni |
pūrvavad yāvat kīlako vā nikhātaḥ |
mahatyāḥ sīmāyāś caturdiśaṃ sthāvarāṇi nimittāni parikīrtitāni |
pūrvavad yāvat prāgbhāranimittaṃ vā |
sacet saṃghasya prāptakālaṃ kṣametānujānīyāt saṃgho yat saṃghaḥ eṣām āghaṭanānām arvak khuḍḍalikāṃ sīmāṃ badhnīyāt saṃmanyeta maṇḍalakaṃ | teṣām āghaṭanānām arvāg ekapoṣadhāvāsasaṃvāsasaṃvṛtyā (Poṣ-v 340) mahatīṃ sīmāṃ badhnīyāt* yāvac cāraṇyaṃ yāvac ca śayanāsanaṃ sthāpayitvā grāmaṃ ca grāmopavicāraṃ ca |
eṣā jñaptiḥ | (59r = GBM 6.716)
Poṣ-v 57.3. evaṃ ca karma kartavyaṃ |
śṛṇotu bhadantāḥ saṃghaḥ |
a. yāvad evāsminn āvāse āvāsikanaivāsikair bhikṣubhiḥ khuḍḍalikāyāḥ sīmāyāś caturdiśaṃ sthāvarāṇi nimittāni parikīrtitāni |
pūrvavad yāvat kīlako vā nikhātaḥ |
mahatyāḥ sīmāyāś caturdiśaṃ sthāvarāṇi nimittāni parikīrtitāni |
pūrvavad yāvat prāgbhāranimittaṃ vā |
b. tat saṃgha eṣām āghaṭanānām arvāk khuḍḍalikāṃ sīmāṃ badhnāti | saṃmanyate maṇḍalakaṃ | teṣām āghaṭanānām arvāg ekapoṣadhāvāsasaṃvāsasaṃvṛttyā mahatīṃ sīmāṃ badhnāti | yāvac cāraṇyaṃ yāvac ca śayanāsanaṃ sthāpayitvā grāmaṃ ca grāmopavicāraṃ ca |
c. yeṣām āyuṣmatāṃ kṣamate eṣām āghaṭanānām arvāk khuḍḍalikāṃ sīmāṃ baddhuṃ saṃmatuṃ maṇḍalakaṃ teṣām āghaṭanānām arvāg ekapoṣadhāvāsasaṃvāsasaṃvṛtyā mahatīṃ sīmāṃ baddhuṃ yāvac cāraṇyaṃ yāvac ca śayanāsanaṃ sthāpayitvā grāmaṃ ca grāmopavicāraṃ ca te tūṣṇīṃ | na kṣamate bhāṣantāṃ |
e. baddhā saṃghena eṣām āghaṭanānāṇ arvāk khuḍḍalikā sīmā | saṃmato maṇḍalakaḥ | baddhā teṣām āghaṭanānām arvāg ekapoṣadhāvāsasaṃvāsasaṃvṛtyā mahatī sīmā yāvac cāraṇyaṃ yāvac ca śayanāsanaṃ sthāpayitvā grāmaṃ ca grāmopavicāraṃ ca | kṣāntam anujñātaṃ saṃghena yasmāt tūṣṇīm evam etad dhārayāmi |
Poṣ-v 58. tataḥ paścāt khuḍḍalikāyāḥ sīmāyā nirgatya mahatyāḥ sīmāyāḥ śayanāsanaprajñaptiṃ kṛtvā bhikṣūṇāṃ cīvarakāṇām avipravāsasaṃvṛtir dātavyā |
pūrvavad yāvat*
Poṣ-v 59. āyuṣmān upālī buddhaṃ bhagavantaṃ pṛcchati |
kati bhadanta poṣadhakarmāṇi |
catvāry upāliṃ |
a. adharmeṇa kurvanti vyagrāḥ |
b. adharmeṇa samagrāḥ |
c. dharmeṇa vyagrāḥ |
d. dharmeṇa samagrāḥ |
tatraikaṃ dhārmikaṃ poṣadhakarma yad idaṃ dharmeṇa kurvanti samagrāḥ ||
Poṣ-v 60. āyuṣmān upālī buddhaṃ bhagavantaṃ pṛcchati |
kati bhadanta prātimokṣasūtroddeśāḥ |
paṃcopāliṃ |
a. jñaptiṃ kṛtvā nidānam uddiśya avaśiṣṭaṃ śrutena śrāvayanti | uddiṣṭaḥ prātimokṣaḥ kṛtaḥ saṃghena poṣadhaḥ |
b. jñaptiṃ kṛtvā nidānam uddiśya catvāraḥ pārājikān dharmān uddiśya avaśiṣṭaṃ śrutena śrāvayanti | uddiṣṭaḥ prātimokṣaḥ kṛtaḥ saṃghena poṣadhaḥ |
c. jñaptiṃ kṛtvā nidānam uddiśya catvāraḥ pārājikān dharmān uddiśya trayodaśa saṃghāvaśeṣān dharmān uddiśya avaśiṣṭaṃ śrutena śrāvayanti | uddiṣṭaḥ prātimokṣaḥ kṛtaḥ saṃghena poṣadhaḥ |
d. jñaptiṃ kṛtvā nidānam uddiśya catvāraḥ pārājikān dharmān uddiśya trayodaśa saṃghāvaśeṣān dharmān uddiśya dvāv aniyatau dharmāv uddiśya avaśiṣṭaṃ śrutena śrāvayanti | uddiṣṭaḥ prātimokṣaḥ kṛtaḥ saṃghena poṣadhaḥ |
e. vistareṇa prātimokṣasūtroddeśa eva pañcamaḥ || ||
Poṣ-v 61. uddānam |
āvāsavarṣāgantukacārikā kuru poṣadhaṃ | rātriś caivātikrāmati cittotpādena poṣadhaḥ || ||
Poṣ-v 62.1. yathāpi tad anyatarasminn āvāse saṃbahulā bhikṣavaḥ prativasanti |
teṣām evaṃ bhavati | amukasya bhikṣor uddiśyate prātimokṣa amukasya bhikṣor uddiśyate prātimokṣa iti |
teṣāṃ tad eva poṣadhe pañcadaśyāṃ na kasyacid bhikṣor uddiśyate prātimokṣaḥ |
sacet saṃpadyate ity evaṃ kuśalaṃ | nocet saṃpadyate na tair bhikṣubhis tasminn āvāse anyat poṣadham āgamayitavyaṃ āgamayanti sātisārā bhavanti ||
Poṣ-v 62.2. yathāpi tad anyatarasminn āvāse saṃbahulā bhikṣavaḥ pūrvikāṃ varṣām upagantukāmā bhavanti |
teṣām evaṃ bhavaty | amukasya bhikṣor uddiśyate prātimokṣa amukasya bhikṣor uddiśyate prātimokṣa iti |
teṣāṃ tad eva poṣadhe pañcadaśyāṃ na kasyacid bhikṣor uddiśyate prātimokṣaḥ |
bhagavān āha | sa tair bhikṣubhir bhikṣuḥ paryeṣitavyo vastuparihāreṇa śayanāsanaparihāreṇa karmaparihāreṇa lābhaparihāreṇa upasthāyakaparihāreṇa yasya bhikṣor uddiśyate prātimokṣaḥ |
sacet saṃpadyate 'ty evaṃ kuśalaṃ | nocet saṃpadyate na tair bhikṣubhis tasminn āvāse pūrvikāṃ varṣām upagantavyaṃ | upagacchanti sātisārā bhavanti ||
Poṣ-v 62.3. yathāpi tad anyatamasminn āvāse saṃbahulā bhikṣavaḥ pūrvikāṃ varṣām upagantukāmā bhavanti |
teṣām evaṃ bhavati | amukasya bhikṣor uddiśyate prātimokṣa amukasya bhikṣor uddiśyate prātimokṣa iti |
teṣāṃ tad eva poṣadhe pañcadaśyāṃ na kasyacid bhikṣor uddiśyate prātimokṣaḥ |
sacet saṃpadyate 'ty evaṃ kuśalaṃ | nocet saṃpadyate na tair bhikṣubhis tasminn āvāse pūrvikāṃ varṣām vastavyaṃ | vasanti sātisārā bhavanti |
Poṣ-v 62.4 yathāpi tad anyatamasminn āvāse saṃbahulā bhikṣavaḥ paścimikāṃ varṣām upagantukāmā bhavanti |
teṣām evaṃ bhavaty | amukasya bhikṣor uddiśyate prātimokṣa amukasya bhikṣor uddiśyate prātimokṣa iti |
teṣāṃ tad eva poṣadhe pañcadaśyāṃ na kasyacid bhikṣor uddiśyate prātimokṣaḥ |
bhagavān āha | sa tair bhikṣubhir bhikṣuḥ paryeṣitavyaḥ vastuparihāreṇa śayanāsanaparihāreṇa karmaparihāreṇa lābhaparihāreṇopasthāyakaparihāreṇa yasya bhikṣor uddiśyate prātimokṣaḥ |
sacet saṃpadyate 'ty evaṃ kuśalaṃ | nocet saṃpadyate na tair bhikṣubhis tasminn āvāse paścimikāṃ varṣām upagantavyaṃ | upagacchanti sātisārā bhavanti |
Poṣ-v 62.5 yathāpi tad anyatamasminn āvāse saṃbahulā bhikṣavaḥ paścimikāṃ varṣām upagantā bhavanti |
teṣām evaṃ bhavati | amukasya bhikṣor uddiśyate prātimokṣaḥ amukasya bhikṣor uddiśyate prātimokṣa iti |
teṣāṃ tad eva poṣadhe paṃcadaśyāṃ na kasyacid bhikṣor uddiśyate prātimokṣaḥ |
bhagavān āha | tair bhikṣubhiḥ tasminn āvāse dvau māsau pratisaṃkhyāya vastavyam* dvayor māsayor atyayād bhikṣuḥ paryeṣitavyaḥ vastuparihāreṇa śayanāsanaparihāreṇa karmaparihāreṇa lābhaparihāreṇopasthāyakaparihāreṇa yasya bhikṣor uddiśyate prātimokṣaḥ |
sacet saṃpadyate ity evaṃ kuśalaṃ | nocet saṃpadyate na tair bhikṣubhir asminn āvāse anyaṃ poṣadhaṃ āgamayitavyaḥ | āgamayanti sātisārā bhavanti || ||
Poṣ-v 63.1 āyuṣmān upālī buddhaṃ bhagavantaṃ pṛcchati | (60r = GBM 6.718)
yathāpi tad bhadanta naivāsikā bhikṣavaḥ śṛṇvanti āgantukā bhikṣava āgacchanti sūtradharā vinayadharā mātṛkādharā iti | tais teṣāṃ kathaṃ pratipattavyaṃ |
tair upāliṃ bhikṣubhiḥ sūtradharavinayadharamātṛkādharāṇāṃ bhikṣūṇām arthāya ardhatṛtīyāni yojanāni chatradhvajapatākābhiḥ pratyudgantavyaṃ |
sacet saṃpadyate 'ty evaṃ kuśalaṃ | nocet saṃpadyate paṃca krośāni chatradhvajapatākābhiḥ pratyudgantavyaṃ |
sacet saṃpadyate 'ty evaṃ kuśalaṃ | nocet saṃpadyate trīṅ krośān ardhakrośam antataḥ pariṣaṇḍām api chatradhvajapatākābhiḥ pratyudgantavyaṃ |
sacet saṃpadyate 'ty evaṃ kuśalaṃ | nocet saṃpadyate snātraṃ kartavyaṃ saṃghe snehalābhaḥ kartavyaḥ |
Poṣ-v 63.2. teṣāṃ vastuparihāraḥ śayanāsanaparihāraḥ karmaparihāraḥ lābhaparihāra upasthāyakaparihāro dātavyaḥ |
Poṣ-v 63.3 sacet tatra kaścid evaṃ vadet | sāmānikāyāṃ āyuṣmantaḥ pravrajyāyāṃ kasmād ete bhikṣavo 'rhanti na vayam iti | sa idaṃ syād vacanīyaḥ | atītaśāstrake āyuṣman pravacane eṣa śāstā eṣa pratisaraṇaṃ yad uta sūtravinayamātṛkāś ceti | sa caiṣam āyuṣmatāṃ vistareṇoddiṣṭaḥ pravṛttaś ceti | tasmād ete 'rhanti na tvam iti |
Poṣ-v 64.1. yathāpi tad eva poṣadhe paṃcadaśyāṃ sārdhaṃvihāryantevāsikā bhikṣavo janapadacārikāṃ cartukāmā bhavanti |
teṣām ācāryopādhyāyair na kenacit prakāreṇāvalokanā dātavyā |
Poṣ-v 64.2. sacet tadrūpaḥ pratyayo bhavati vaktavyaḥ |
āyuṣmann amuka āvāsaḥ sasthaviraḥ saprātimokṣaḥ |
sacet tatroktā anyatrāvataranti sātisārā bhavanti |
Poṣ-v 65.1. atha bhagavāṃs tad eva poṣadhe paṃcadaśyāṃ purastād bhikṣusaṃghasya prajñapta evāsane niṣaṇṇaḥ | niṣadya bhagavān bhikṣūn āmantrayate sma |
nirgacchati bhikṣavo rātriḥ | kuruta bhikṣavaḥ poṣadhaṃ |
Poṣ-v 65.2. athānyatamo bhikṣur utthāyāsanād ekāṃsam uttarāsaṃgaṃ kṛtvā yena bhagavāṃs tenāñjaliṃ praṇamayya bhagavantam idam avocat*
anyatamasmiṃ bhadantāvāse bhikṣur ābādhiko duḥkhito bāḍhaglānaḥ | tasyāsmābhiḥ kathaṃ pratipattavyaṃ |
bhagavān āha | pāriśuddhir asyānayitavyā |
Poṣ-v 65.3. uktaṃ bhagavatā pāriśuddhir asyānayitavyeti | bhikṣavo na jānate katham ānayitavyeti |
bhagavān āha | ekasya ekena dvābhyām ekena saṃbahulānāṃ yāvatāṃ vā śaknoti saṃghamadhye nāmānaṃ parikīrtayituṃ |
Poṣ-v 66.1. pāriśuddhidāyakasyāhaṃ bhikṣava bhikṣor āsamudācārikān dharmān prajñapayiṣyāmi |
Poṣ-v 66.2. pāriśuddhidāyakena bhikṣuṇaikāṃsam uttarāsaṃgaṃ kṛtvā upānahāv avamucya yathāvṛddhikayā sāmīcīṃ kṛtvā utkuṇḍakena (Poṣ-v 360) sthitvā añjaliṃ pragṛhya idaṃ syād vacanīyaṃ |
samanvāharāyuṣmann adya saṃghasya poṣadhaḥ pāṃcadaśikaḥ mamāpy evaṃnāmo bhikṣoḥ poṣadhaḥ pāñcadaśikaḥ so 'ham evaṃnāmā bhikṣuḥ pariśuddham antarāyikair dharmair ātmānaṃ vadāmi | poṣadhe me pāriśuddhim ārocayāmy ārocitāṃ ca pravedayāmi |
evaṃ dvir apy evaṃ trir api |
Poṣ-v 66.3. pāriśuddhidāyako bhikṣuḥ sacet kāyavijñaptyā pāriśuddhin dadāti | dattā pāriśuddhir vaktavyā | vāgvijñaptyā (60v = GBM 6.719) dadāti | dattā pāriśuddhir vaktavyā | kāyavijñaptyā ca vāgvijñaptyā ca dadāti | dattā pāriśuddhir vaktavyā |
Poṣ-v 66.4. na kāyavijñaptyā na vāgvijñaptyā dadāti | sarvasaṃghena vā tatra gantavyaṃ | sa vā bhikṣuḥ saṃghamadhye 'vatārayitavyaḥ |
Poṣ-v 66.5. na sarvasaṃghas tatra gacchati | taṃ ca bhikṣuṃ saṃghe nāvatārayiṣyanti | vyagrāḥ kurvanti sātisārā bhavanti |
Poṣ-v 66.6 pāriśuddhidāyako bhikṣur yathāprajñaptān āsamudācārikāṃ dharmāṃ na samādāya vartate sātisāro bhavati |
Poṣ-v 67.1. pāriśuddhigrāhakasyāhaṃ bhikṣava bhikṣor āsamudācārikān dharmān prajñapayiṣyāmi |
Poṣ-v 67.2. pāriśuddhigrāhakeṇa bhikṣuṇā pāriśuddhiṃ gṛhītvā na dhāvitavyaṃ | na dravitavyaṃ | na laṃghatavyaṃ na + .. laṃghayitavyā | na pariṣaṇḍā laṃghayitavyā | noparivihāyasā sthātavyaṃ | na bahiḥ sīmāṃ gantavyaṃ | naikena pādena dvau niśreṇapadakāv abhiruhitavyau | naikena pādena dvau sopānakaḍevarāv abhiruhitavyau | na svapitavyaṃ | na samāpattavyaṃ |
Poṣ-v 67.3. svapiti samāpadyate dvābhyāṃ kāraṇābhyāṃ garhyo bhavati yac cālajjitvena yac ca vaitarikatvena |
Poṣ-v 67.4. yadā saṃghasthaviraḥ kathayaty anāgamanāyāyuṣmantaś chandaṃ ca pāriśuddiṃ cārocayata | ārocitāṃ ca pravedayatheti | tenāntarikassa {for tenāntarikasya} bhikṣoḥ purataḥ sthitvā vaktavyaṃ |
samanvāhara āyuṣmann amuṣminn āvāse bhikṣur ābādhiko duḥkhito bāḍhaglānaḥ | adya saṃghasya poṣadhaḥ pāñcadaśikas tasyāpi bhikṣoḥ poṣadhaḥ pāñcadaśikaḥ so 'yam evaṃnāmā bhikṣuḥ pariśuddham antarāyikair dharmair ātmānaṃ vedayati | poṣadhe 'sya pāriśuddhim ārocayāmy ārocitāṃ ca pravedayāmi |
Poṣ-v 67.5. pāriśuddhigrāhako bhikṣur āsamudācārikān dharmān na samādāya vartate sātisāro bhavati |
Poṣ-v 68.1. āyuṣmān upālī buddhaṃ bhagavantaṃ pṛcchati |
pāriśuddhigrāhakas tāvad bhadanta bhikṣuḥ pāriśuddhiṃ gṛhītvā tatraivocchidya kālaṃ kuryād ānītā pāriśuddhir vaktavyā | anānītā |
anānītā upāliṃ punar apy ānayitavyā |
Poṣ-v 68.2. āgārikatvaṃ pratijānāti śramaṇoddeśatvaṃ śaṇṭhakatvaṃ paṇḍakatvaṃ bhikṣuṇīdūṣakatvaṃ mātṛghātakatvaṃ pitṛghātakatvam (Poṣ-v 368) arhadghātakatvaṃ saṃghabhedakatvaṃ tathāgatasyāntike duṣṭacittarudhirotpādakatvaṃ tīrthikatvaṃ tīrthikāvakrāntakatvaṃ steyasaṃvāsikatvaṃ nānāsaṃvāsikatvam asaṃvāsikatvaṃ pratijānāti | ānītā pāriśuddhir vaktavyā | anānītā |
anānītā upāliṃ punar apy ānayitavyā |
Poṣ-v 68.3. pāriśuddhigrāhakas tāvad bhadanta bhikṣuḥ pāriśuddhiṃ gṛhītvā saṃghamadhye prāptaḥ kālaṃ kuryād ānītā pāriśuddhir vaktavyā | anānītā |
anānītā upāliṃ punar apy ānayitavyā |
Poṣ-v 68.4. āgārikatvaṃ pratijānāti pūrvavad yāvad asaṃvāsikatvaṃ pratijānāti | ānītā pāriśuddhir vaktavyā | anānītā |
anānītā upāliṃ punar apy ānayitavyā | ||
Poṣ-v 69.1.a. āyuṣmān upālī buddhaṃ bhagavantaṃ pṛcchati |
yasmin bhadantāvāse eko bhikṣuḥ prativasati | tena tad eva poṣadhe paṃcadaśyāṃ kathaṃ pratipattavyaṃ |
tenopāliṃ bhikṣuṇā vihāraḥ sektavyaḥ saṃmārjitavyaḥ | sukumārī gomayakārṣī anupradātavyā | siṃhāsanaṃ prajñapayitavyaṃ | āsanaprajñaptiḥ kartavyā | dharmaśravaṇaṃ dātavyaṃ |
tataḥ paścād uccatarake (fol. 61, 62 and 63 are lost)
(Poṣ-v 458) Poṣ-v 85.1.b. (64r = GBM 6.730) sūtroddeśam uddiśanti |
tataḥ paścān naivāsikā bhikṣava āgacchanty alpatarakāḥ | tair yathāgatā niṣadya taiḥ sārdhaṃ poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvakā bhikṣavo na sātisārāḥ |
Poṣ-v 85.2. yathāpi tad tad eva poṣadhe pañcadaśyāṃ naivāsikā bhikṣavaḥ sanniṣaṇṇāḥ sannipatitā bhavanti catvāro vā uttare vā |
teṣāṃ naivaṃ bhavati | santi bhikṣavo ye 'nāgatakā iti | te dharmasaṃjñinaḥ samagrasaṃjñinaḥ jñaptiṃ kṛtvā poṣadhaṃ kurvanti | prātimokṣasūtroddeśam uddiśanti |
uddiṣṭaḥ prātimokṣaḥ kṛtaḥ saṃghena poṣadhaḥ | avyutthitā sā parṣad aviprakrāntāś ca bhikṣavaḥ |
tataḥ paścān naivāsikā bhikṣava āgacchanty alpatarakāḥ | tais teṣām arthāya punar api jñaptiṃ kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvakā bhikṣavo na sātisāraḥ ||
Poṣ-v 85.3. yathāpi tad tad eva poṣadhe paṃcadaśyāṃ naivāsikā bhikṣavaḥ sanniṣaṇṇāḥ sannipatitāḥ bhavanti catvāro vā uttare vā |
teṣāṃ naivaṃ bhavati | santi bhikṣavo ye 'nāgatakāḥ | te dharmasaṃjñinaḥ samagrasaṃjñinaḥ jñaptiṃ kṛtvā poṣadhaṃ kurvanti | prātimokṣasūtroddeśam uddiśanti |
uddiṣṭaḥ prātimokṣaḥ kṛtaḥ saṃghena poṣadhaḥ | vyutthitā sā parṣat* ekatyā bhikṣavo viprakrāntāḥ ekatyā aviprakrāntāḥ |
tataḥ paścān naivāsikā bhikṣava āgacchanty alpatarakāḥ | te yadi tāvat sāmagrīm ārāgayanti punar api tais teṣām arthāya jñaptiṃ kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ | nocet ārāgayanti tair maṇḍalakaṃ gatvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvakā bhikṣavo na sātisāraḥ |
Poṣ-v 85.4. yathāpi tad tad eva poṣadhe pañcadaśyāṃ naivāsikā bhikṣavaḥ sanniṣaṇṇāḥ sannipatitāḥ bhavanti catvāro vā uttare vā |
teṣāṃ naivaṃ bhavati | santi bhikṣavo ye 'nāgatakāḥ | te dharmasaṃjñinaḥ samagrasaṃjñinaḥ jñaptiṃ kṛtvā poṣadhaṃ kurvanti | prātimokṣasūtroddeśam uddiśanti | uddiṣṭaḥ prātimokṣaḥ kṛtaḥ saṃghena poṣadhaḥ | vyutthitā sā parṣat* viprakrāntāś ca bhikṣavaḥ |
tataḥ paścān naivāsikā bhikṣava āgacchanty alpatarakāḥ | tair maṇḍalakaṃ gatvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvakā bhikṣavo na sātisāraḥ |
Poṣ-v 86. yathā naivāsikaiḥ sanniṣaṇṇaiḥ sannipatitaiḥ naivāsikā āgacchanty alpāḥ |
āgantukā āgacchanty alpāḥ | samakāḥ |
āgantukanaivāsikā āgacchanty alpāḥ | samakāḥ |
āgantukaiḥ sanniṣaṇṇaiḥ sannipatitair āgantukā āgacchanty alpāḥ | samakāḥ |
naivāsikā āgacchanty alpāḥ | samakāḥ |
āgantukanaivāsikā āgacchanty alpāḥ | samakāḥ |
āgantukanaivāsikaiḥ sanniṣaṇṇaiḥ sannipatitaiḥ āgantukanaivāsikā āgacchanty alpāḥ | samakāḥ |
naivāsikā āgacchanty alpāḥ | samakāḥ |
āgantukā āgacchaṃty alpāḥ | samakāḥ || ||
Poṣ-v 87. antaroddānaṃ ||
sāmagrī maṇḍalakaś ca || ||{MS: piṇḍodānam* || gantṛjñaptiṃ śrīmaṇḍalakaś ca}
Poṣ-v 88.1. yathāpi tad tad eva poṣadhe pañcadaśyāṃ naivāsikā bhikṣavaḥ sanniṣaṇṇā bhavanti sannipatitāś catvāro vā uttare vā |
teṣāṃ naivaṃ bhavati | santi bhikṣavo ye 'nāgatakāḥ | te dharmasaṃjñinaḥ samagrasaṃjñinaḥ jñaptiṃ kṛtvā poṣadhaṃ kurvanti | prātimokṣasūtroddeśam uddiśanti |
tataḥ paścān naivāsikā bhikṣava āgacchanty bahutarakāḥ | taiḥ punar api jñaptiṃ kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvakā bhikṣavo na sātisāraḥ |
Poṣ-v 88.2. yathāpi tad tad eva poṣadhe pañcadaśyāṃ naivāsikā bhikṣavaḥ sanniṣaṇṇā bhavanti sannipatitāś (64r = GBM 6.731) catvāro vā uttare vā |
teṣāṃ naivaṃ bhavati | santi bhikṣavo ye 'nāgatakā | te dharmasaṃjñinaḥ samagrasaṃjñinaḥ jñaptiṃ kṛtvā poṣadhaṃ kurvanti | prātimokṣasūtroddeśam uddiśanti |
uddiṣṭaḥ prātimokṣaḥ kṛtaḥ saṃghena poṣadhaḥ | avyutthitā sā parṣad aviprakrāntāś ca bhikṣavaḥ |
tataḥ paścān naivāsikā bhikṣava āgacchanti bahutarakāḥ | taiḥ punar api jñaptiṃ kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvakā bhikṣavo na sātisāraḥ |
Poṣ-v 88.3. yathāpi tad tad eva poṣadhe pañcadaśyāṃ naivāsikā bhikṣavaḥ sanniṣaṇṇā bhavanti sannipatitāḥ catvāro vā uttare vā |
teṣāṃ naivaṃ bhavati | santi bhikṣavo ye 'nāgatakāḥ | te dharmasaṃjñinaḥ samagrasaṃjñino jñaptiṃ kṛtvā poṣadhaṃ kurvanti | prātimokṣasūtroddeśam uddiśanti |
uddiṣṭaḥ prātimokṣaḥ kṛtaḥ saṃghena poṣadhaḥ | vyutthitā sā parṣad ekatyā bhikṣavo viprakrāntāḥ ekatyā aviprakrāntāḥ |
tataḥ paścān naivāsikā bhikṣava āgacchanti bahutarakāḥ | taiḥ punar api jñaptiṃ kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvikā bhikṣavo na sātisāraḥ |
Poṣ-v 88.4. yathāpi tad tad eva poṣadhe pañcadaśyāṃ naivāsikā bhikṣavaḥ sanniṣaṇṇā bhavanti sannipatitāś catvāro vā uttare vā |
teṣāṃ naivaṃ bhavati | santi bhikṣavo ye 'nāgatakās | te dharmasaṃjñinaḥ samagrasaṃjñinaḥ jñaptiṃ kṛtvā poṣadhaṃ kurvanti | prātimokṣasūtroddeśam uddiśanti |
uddiṣṭaḥ prātimokṣaḥ kṛtaḥ saṃghena poṣadhaḥ | vyutthitā sā parṣad viprakrāntā bhikṣavaḥ |
tataḥ paścān naivāsikā bhikṣava āgacchanti bahutarakāḥ | punar api jñaptiṃ kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvakā bhikṣavo na sātisārāḥ |
Poṣ-v 89. yathā naivāsikaiḥ sanniṣaṇṇaiḥ sannipatitaiḥ naivāsikā bhikṣava āgacchanti bahutarakāḥ |
evam āgantukā āgacchanti bahutarakāḥ |
āgantukanaivāsikā āgacchanti bahutarakāḥ |
āgantukaiḥ sanniṣaṇṇaiḥ sannipatitair āgantukā āgacchanti bahutarakāḥ |
naivāsikā āgacchanti bahutarakāḥ |
āgantukanaivāsikā āgacchanti bahutarakāḥ |
āgantukanaivāsikaiḥ sanniṣaṇṇaiḥ sannipatitaiḥ āgantukanaivāsikā āgacchanti bahutarakāḥ |
naivāsikā āgacchanti bahutarakāḥ |
āvāsikā āgacchaṃti bahutarakāḥ |
Poṣ-v 90.1. naivāsikānāṃ paṃcadaśī āgantukānāṃ caturdaśī vā pratipad vā alpatarakāṇām |
anuvartitavyam āgantukaiḥ naivāsikānāṃ bahutarakāṇāṃ |
Poṣ-v 90.2. naivāsikānāṃ paṃcadaśī āgantukānāṃ caturdaśī vā pratipad vā samakānām |
anuvartitavyam āgantukair naivāsikānāṃ samakānām*
Poṣ-v 90.3. naivāsikānāṃ paṃcadaśy āgantukānāṃ caturdaśī vā pratipad vā bahutarakāṇāṃ |
anuvartitavyaṃ naivāsikair āgantukānāṃ bahutarakāṇāṃ |
Poṣ-v 90.4. āgantukānāṃ paṃcadaśī naivāsikānāṃ caturdaśī vā pratipad vā alpatarakāṇām |
anuvartitavyaṃ naivāsikair āgantukānāṃ bahutarakāṇāṃ |
Poṣ-v 90.5. āgantukānāṃ pañcadaśī naivāsikānāṃ caturdaśī vā pratipad vā samakānām |
anuvartitavyaṃ āgantukair naivāsikānāṃ samakānāṃ |
Poṣ-v 90.6. āgantukānāṃ paṃcadaśī naivāsikānāṃ caturdaśī vā pratipad vā bahutarakāṇām |
anuvartitavyam āgantukair naivāsikānāṃ bahutarakāṇāṃ |
Poṣ-v 91.1. yathāpi tad tad eva poṣadhe paṃcadaśyāṃ naivāsikā bhikṣavaḥ sanniṣaṇṇāḥ (65r = GBM 6.720) bhavanti sannipatitāḥ catvāro vā uttare vā |
tatra te paśyanti āgantukākārāṇi āgantukaliṅgāny āgantukanimittāni tadyathā anyādakaṃ pātraṃ cīvaraṃ yaṣṭiṃ visikāṃ kuṇḍīṃ tumbakaṃ kholāṃ pūlān upānahau |
teṣām evaṃ bhavati | santi bhikṣavo ye 'nāgatakā iti | ye 'nāgatakā bhikṣavo naśyantu te | ata eva bhavantu hirug | (Poṣ-v 470) bhavantu dūreṇa | pareṇa bhavantu |
te bhedārthino bhedapariṣkārā jñaptiṃ kṛtvā poṣadhaṃ kurvanti | prātimokṣasūtroddeśam uddiśanti |
tataḥ paścād āgantukā bhikṣava āgacchanty alpatarakāḥ | taiḥ punar api jñaptiṃ kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvikā bhikṣava āpadyante sthūlātyayāṃ bhedasāmantakāḥ |
Poṣ-v 91.2. yathāpi tad tad eva poṣadhe paṃcadaśyāṃ naivāsikā bhikṣavaḥ sanniṣaṇṇā bhavanti sannipatitāś catvāro vā uttare vā |
te tatra paśyanti āgantukākārāṇy āgantukaliṃgāny āgantukanimittāni tadyathā anyādakaṃ pātraṃ cīvaraṃ yaṣṭiṃ visikāṃ kuṇḍīṃ tuṃbakaṃ kholāṃ pūlān upānahau |
teṣām evaṃ bhavati | santi bhikṣavo ye 'nāgatakā | bhikṣavo ye 'nāgatakā na kalpayaty asmākaṃ tair vinā jñaptiṃ kṛtvā poṣadhaṃ kartuṃ | prātimokṣasūtroddeśam uddeṣṭuṃ |
te adharmasaṃjñino vyagrasaṃjñinaḥ jñaptiṃ kṛtvā poṣadhaṃ kurvanti | prātimokṣasūtroddeśam uddiśanti |
tataḥ paścād āgantukā bhikṣava āgacchaṃty alpatarakāḥ | taiḥ punar api jñaptiṃ kṛtvā poṣadhaṃ kartavyaḥ | prātimokṣasutroddeśa uddeṣṭavyaḥ |
pūrvikā bhikṣavaḥ sātisārāḥ | vyagrasāmantakāḥ |
Poṣ-v 91.3. yathāpi tad tad eva poṣadhe paṃcadaśyāṃ naivāsikā bhikṣavaḥ sanniṣaṇṇā bhavanti sannipatitāḥ catvāro vā uttare vā |
te tatra paśyanty āgantukākārāṇy āgantukaliṃgāny āgantukanimittāni tadyathānyānakaṃ {tadyathānyādakaṃ} pātraṃ cīvaraṃ yaṣṭiṃ visikāṃ kuṇḍīṃ tuṃbakaṃ kholāṃ pūlān upānahau |
teṣām evaṃ bhavati | santi bhikṣavo ye 'nāgatakā iti | ye 'nāgatakā bhikṣavaḥ kalpaty asmākaṃ tair vinā jñaptiṃ kṛtvā poṣadhaṃ kartuṃ | prātimokṣasūtroddeśam uddeṣṭuṃ |
te kalpārthinaḥ kalpapariṣkārā yāvat tāvan mārgitvā jñaptiṃ kṛtvā poṣadhaṃ kurvanti | prātimokṣasūtroddeśam uddiśaṃti |
tataḥ paścād āgantukā bhikṣava āgacchaṃty alpatarakāḥ | taiḥ punar api jñaptiṃ kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvikā bhikṣavaḥ sātisārāḥ | kalpasāmantakāḥ |
Poṣ-v 91.4. yathāpi tad tad eva poṣadhe paṃcadaśyāṃ naivāsikā bhikṣavaḥ sanniṣaṇṇā bhavaṃti sannipatitāś catvāro vā uttare vā |
te tatra paśyaṃty āgantukākārāṇy āgantukaliṃgāny āgantukanimittāni tadyathā anyādakaṃ pātraṃ cīvaraṃ yaṣṭiṃ visikāṃ kuṇḍīṃ tuṃbakaṃ kholāṃ pūlān upānahau |
teṣām evaṃ bhavati | santi bhikṣavo ye 'nāgatakā iti | ye 'nāgatakā bhikṣavo na kalpaty asmākaṃ tair vinā jñaptiṃ kṛtvā poṣadhaṃ kartuṃ | prātimokṣasūtroddeśam uddeṣṭuṃ |
te tān adhyāśayena mārgayitvā na labhavaṃti | te jñaptiṃ kṛtvā poṣadhaṃ kurvanti | prātimokṣasūtroddeśam uddiśaṃti |
tataḥ paścād āgantukā bhikṣava āgacchaṃty alpatarakāḥ | taiḥ punar api jñaptiṃ (65v = GBM 6.721) kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvakā bhikṣavo na sātisārāḥ ||
Poṣ-v 91.5. yathāpi tad tad eva poṣadhe paṃcadaśyāṃ naivāsikā bhikṣavaḥ sanniṣaṇṇā bhavanti sannipatitāś catvāro vā uttare vā |
te tatra paśyanty āgantukākārāṇy āgantukaliṃgāny āgantukanimittāni tadyathā anyādakaṃ pātraṃ cīvaraṃ yaṣṭiṃ ca visikāṃ kuṇḍīṃ tuṃbakaṃ kholāṃ pūlān upānahau |
teṣām evaṃ bhavati | santi bhikṣavo ye 'nāgatakā iti | ye 'nāgatakā bhikṣavo na kalpaty asmākaṃ tair vinā jñaptiṃ kṛtvā poṣadhaṃ kartuṃ | prātimokṣasūtroddeśam uddeṣṭuṃ |
te tān adhyāśayena mārganti | te tān adhyāśayena mārgitvā labhante | te taiḥ sārdhaṃ niṣadya jñaptiṃ kṛtvā poṣadhaṃ kurvanti | prātimokṣasūtroddeśam uddiśanti |
pūrvakā bhikṣavo na sātisārāḥ || ||
Poṣ-v 92.1. yathāpi tad tad eva poṣadhe pañcadaśyāṃ naivāsikā bhikṣavaḥ sanniṣaṇṇā bhavanti sannipatitāḥ catvāro vā uttare vā |
te tatra śṛṇvanty āgantukākārāṇi āgantukaliṃgāny āgantukanimittāni tadyathā yaṣṭiśabdaṃ padaśabdaṃ utkāsanaśabdaṃ āgantukānāṃ ca bhikṣūṇāṃ svaraguptiṃ |
teṣām evaṃ bhavati | santi bhikṣavo ye 'nāgatakāḥ | ye 'nāgatakā bhikṣavo naśyantu te | ata eva bhavantu hirug | bhavantu dūreṇa | pareṇa bhavantu |
tataḥ paścād āgantukā bhikṣava āgacchanty alpatarakās | taiḥ punar api jñaptiṃ kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvikā bhikṣava āpadyante sthūlātyayām* || bhedasāmantakāḥ |
Poṣ-v 92.2. yathāpi tad tad eva poṣadhe pañcadaśyāṃ naivāsikā bhikṣavaḥ sanniṣaṇṇā bhavanti sannipatitāś catvāro vā uttare vā |
te tatra śṛṇvanty āgantukākārāṃ pūrvavad yāvat te tān adhyāśayena mārganti labhanti | te taiḥ sārdhaṃ niṣadya jñaptiṃ kṛtvā poṣadhaṃ kurvanti | prātimokṣasūtroddeśam uddiśanti |
pūrvakā bhikṣavo na sātisārāḥ ||
Poṣ-v 93. yathā naivāsikaiḥ sanniṣaṇṇaiḥ sannipatitaiḥ āgantukā āgacchanty alpāḥ |
evaṃ samakā | bahutarakāḥ |
Poṣ-v 94.1. yathāpi tad tad eva poṣadhe pañcadaśyāṃ āgantukā bhikṣavaḥ sanniṣaṇṇā bhavanti sannipatitāś catvāro vā uttare vā |
te tatra paśyanti naivāsikākārāṇi naivāsikaliṃgāny naivāsikanimittāni tadyathā vihāraṃ siktaṃ saṃmṛṣṭaṃ | sukumārīṃ gomayakārṣīm anupradattāṃ | śayanāsanaprajñaptiṃ kṛtāṃ | tailapradyotān ādīptāṃs |
teṣām evaṃ bhavati | santi bhikṣavo ye 'nāgatakāḥ iti | ye 'nāgatakā bhikṣavo naśyantu te | ata eva bhavantu hirug | bhavantu dūreṇa | pareṇa bhavantu |
te bhedārthino bhedapariṣkārā jñaptiṃ kṛtvā poṣadhaṃ kurvanti | prātimokṣasūtroddeśam uddiśaṃti |
tataḥ paścān naivāsikā bhikṣava āgacchanty alpatarakāḥ | taiḥ punar api jñaptiṃ kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvakā bhikṣava āpadyaṃte sthūlātyayāṃ | te bhedasāmantakāḥ |
Poṣ-v 94.2. yathāpi tad tad eva poṣadhe paṃcadaśyāṃ āgantukā bhikṣavaḥ sanniṣaṇṇā bhavanti sannipatitāḥ catvāro vā uttare vā |
te tatra paśyaṃti naivāsikākārāṇi naivāsikaliṃgāny naivāsikanimittāni tadyathā vihāraṃ siktaṃ saṃmṛṣṭaṃ | sukumārīṃ gomayakārṣīm (66r = GBM 6.722) anupradattāṃ | śayanāsanaprajñaptiṃ kṛtāṃ | tailapradyotān ādīptāṃ |
teṣām evaṃ bhavati | santi bhikṣavo ye 'nāgatakāḥ iti | ye 'nāgatakā bhikṣavaḥ na kalpaty asmākaṃ tair vinā jñaptiṃ kṛtvā poṣadhaṃ kartuṃ | prātimokṣasūtroddeśam uddeṣṭuṃ |
te adharmasaṃjñino vyagrasaṃjñinaḥ jñaptiṃ kṛtvā poṣadhaṃ kurvanti | prātimokṣasūtroddeśam uddiśanti |
tataḥ paścān naivāsikā bhikṣava āgacchaṃty alpatarakāḥ | taiḥ punar api jñaptiṃ kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvakā bhikṣava sātisārā bhavanti | vyagrasāmantakāḥ |
Poṣ-v 94.3. yathāpi tad tad eva poṣadhe paṃcadaśyāṃ āgantukā bhikṣavaḥ sanniṣaṇṇā bhavanti sannipatitāś catvāro vā uttare vā |
te tatra paśyanti naivāsikākārāṇi naivāsikaliṃgāny naivāsikanimittāni tadyathā vihāraṃ siktaṃ saṃmṛṣṭaṃ | sukumārīṃ gomayakārṣīm anupradattāṃ | śayanāsanaprajñaptiṃ kṛtāṃ | tailapradyotān ādīpitāṃs |
teṣām evaṃ bhavati | santi bhikṣavo ye 'nāgatakāḥ iti | ye 'nāgatakā bhikṣavo kalpaty asmākaṃ tair vinā jñaptiṃ kṛtvā poṣadhaṃ kartuṃ | prātimokṣasūtroddeśam uddeṣṭuṃ |
te kalpārthinaḥ kalpapariṣkārā yāvat tāvan mārgitvā jñaptiṃ kṛtvā poṣadhaṃ kurvanti | prātimokṣasūtroddeśam uddiśaṃti |
tataḥ paścān naivāsikā bhikṣava āgacchanty alpatarakāḥ | taiḥ punar api jñaptiṃ kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvakā bhikṣava sātisārāḥ kalpasāmantakāḥ |
Poṣ-v 94.4. yathāpi tad tad eva poṣadhe pañcadaśyāṃ āgantukā bhikṣavaḥ sanniṣaṇṇā bhavanti sannipatitāḥ catvāro vā uttare vā |
te tatra paśyanti naivāsikākārāṇi naivāsikaliṃgāny naivāsikanimittāni tadyathā vihāraṃ siktaṃ saṃmṛṣṭaṃ | sukumārīṃ gomayakārṣīm (Poṣ-v 484) anupradattāṃ | śayanāsanaprajñaptiṃ kṛtāṃ | tailapradyotān ādīpitāṃs |
teṣām evaṃ bhavati | santi bhikṣavo ye 'nāgatakāḥ iti | ye 'nāgatakā bhikṣavo na kalpaty asmākaṃ tair vinā jñaptiṃ kṛtvā poṣadhaṃ kartuṃ | prātimokṣasūtroddeśam uddeṣṭuṃ |
tataḥ paścān naivāsikā bhikṣava āgacchaṃty alpatarakāḥ | taiḥ punar api jñaptiṃ kṛtvā poṣadhaḥ kartavyaḥ | prātimokṣasūtroddeśa uddeṣṭavyaḥ |
pūrvakā bhikṣavo na sātisārāḥ |
Poṣ-v 94.5. yathāpi tad tad eva poṣadhe pañcadaśyāṃ āgantukā bhikṣavaḥ sanniṣaṇṇā bhavanti sannipatitāś catvāro vā uttare vā |
te tatra paśyanti naivāsikākārāṇi naivāsikaliṃgāni naivāsikanimittāni tadyathā vihāraṃ siktaṃ saṃmṛṣṭaṃ | sukumārīṃ gomayakārṣīm anupradattāṃ | śayanāsanaprajñaptiṃ kṛtāṃ | tailapradyotān ādīpitāṃs |
teṣām evaṃ bhavati | santi bhikṣavo ye 'nāgatakāḥ iti | ye 'nāgatakā bhikṣavo na kalpaty asmākaṃ tair vinā jñaptiṃ kṛtvā poṣadhaṃ kartuṃ | prātimokṣasūtroddeśam uddeṣṭuṃ |
pūrvakā bhikṣavo na sātisārāḥ |
Poṣ-v 95. (66v = GBM 6.723) yathāpi tad tad eva poṣadhe paṃcadaśyāṃ āgantukā bhikṣavaḥ sanniṣaṇṇā bhavanti sannipatitāś catvāro vā uttare vā |
teṣām evaṃ bhavati | santi bhikṣavo ye 'nāgatakāḥ | ye 'nāgatakā bhikṣavo naśyantu te | ata eva bhavantu hirug | bhavantu dūreṇa | pareṇa bhavantu |
te bhedārthino bhedapariṣkārā jñaptiṃ kṛtvā poṣadhaṃ kurvanti | prātimokṣasūtroddeśam uddiśanti |
pūrvavad yāvat te tān adhyāśayena mārganti | adhyāśayena mārgitvā labhanti | te taiḥ sārdhaṃ niṣadya jñaptiṃ kṛtvā poṣadhaṃ kurvanti | prātimokṣasūtroddeśam uddiśanti |
pūrvakā bhikṣavo na sātisārāḥ |
Poṣ-v 96. yathāgantukaiḥ sanniṣaṇṇaiḥ sannipatitair naivāsikā āgacchaṃty alpāḥ |
evaṃ samakāḥ | bahutarakāḥ ||
Poṣ-v 97. antaroddānam* ||
bhedo vimatir vyagraḥ kalpā | na labhanti labhanti ca ||
Poṣ-v 98.1 gantavyaṃ bhikṣuṇā tad eva poṣadhe pañcadaśyāṃ sabhikṣukād āvāsāt sabhikṣukam āvāsaṃ yatra bkikṣavo bhavanti pariśuddhāḥ samānadṛṣṭayaḥ |
Poṣ-v 98.2. na gantavyaṃ bhikṣuṇā tad eva poṣadhe pañcadaśyāṃ sabhikṣukād āvāsāt sabhikṣukam āvāsaṃ yatra bkikṣavo bhavanti kalahakārakā bhaṇḍanakārakā vivādakārakā vigrahakārakā ādhikaraṇikāḥ sthāpayitvā āpatsu vā sarvasaṃghena tatra |
Poṣ-v 98.3 gantavyaṃ bhikṣuṇā tad eva poṣadhe pañcadaśyāṃ sabhikṣukād āvāsāt sabhikṣukam āvāsaṃ anāvāsaṃ yatra bhikṣavo bhavanti pariśuddhāḥ samānadṛṣṭayaḥ |
Poṣ-v 98.4. na gantavyaṃ bhikṣuṇā tad eva poṣadhe pañcadaśyāṃ sabhikṣukād āvāsāt sabhikṣukam āvāsaṃ sabhikṣukam anāvasaṃ yatra bkikṣavo bhavanti kalahakārakā bhaṇḍanakārakā vigrahakārakā vivādakārakā ādhikaraṇikāḥ sthāpayitvā āpatsu vā sarvasaṃghena tatra |
Poṣ-v 98.5. gantavyaṃ bhikṣuṇā tad eva poṣadhe pañcadaśyāṃ sabhikṣukād āvāsād anāvāsāt sabhikṣukam āvāsaṃ sabhikṣukam anāvāsaṃ sabhikṣukam avāsānāvāsaṃ yatra bhikṣavo bhavanti pariśuddhāḥ samānadṛṣṭayaḥ |
Poṣ-v 98.6. na gantavyaṃ bhikṣuṇā tad eva poṣadhe pañcadaśyāṃ sabhikṣukād āvāsād anāvāsāt sabhikṣukam āvāsaṃ sabhikṣukam anāvasaṃ sabhikṣukam āvāsānāvāsaṃ yatra bkikṣavo bhavanti kalahakārakā bhaṇḍanakārakā vigrahakārakā vivādakārakā ādhikaraṇikāḥ | sthāpayitvā āpadāsu vā sarvasaṃghena tatra ||
Poṣ-v 98.7. gantavyaṃ bhikṣuṇā tad eva poṣadhe pañcadaśyāṃ sabhikṣukād āvāsād abhikṣukam āvāsaṃ sabhikṣukam anāvāsaṃ sabhikṣukam āvāsam anāvāsaṃ yatra gatvā sparśo bhavati kāyena vā cittena vā ||
Poṣ-v 98.8. na gantavyaṃ bhikṣuṇā tad eva poṣadhe pañcadaśyāṃ sabhikṣukād āvāsād abhikṣukam āvāsaṃ sabhikṣukam anāvāsaṃ sabhikṣukam avāsānāvāsaṃ sthāpayitvā āpatsu vā sarvasaṃghena vā ||
Poṣ-v 98.9. gantavyaṃ bhikṣuṇā tad eva poṣadhe pañcadaśyāṃ sabhikṣukād āvāsād abhikṣukam anāvāsaṃ sabhikṣukam āvāsānāvāsaṃ yatra gatvā sparśo bhavati kāyena vā cittena vā ||
Poṣ-v 98.10. na gantavyaṃ bhikṣuṇā tad eva poṣadhe pañcadaśyāṃ sabhikṣukād āvāsād abhikṣukam āvāsaṃ abhikṣukam anāvāsaṃ abhikṣukam avāsānāvāsaṃ sthāpayitvā āpadāsu vā sarvasaṃghena vā ||
Poṣ-v 98.11. gantavyaṃ bhikṣuṇā tad eva poṣadhe pañcadaśyāṃ sabhikṣukād āvāsād anāvāsād abhikṣukam āvāsaṃ abhikṣukam āvāsānāvāsaṃ yatra gatvā sparśo bhavati (67r) kāyena vā cittena vā ||
folios 67 and 68 are lost.
- Notes
- Distributed under a Creative Commons Attribution-NonCommercial-ShareAlike 4.0 International License (https://creativecommons.org/licenses/by-nc-sa/4.0/)
- Holder of rights
- Göttingen Register of Electronic Texts in Indian Languages (GRETIL), SUB Göttingen
- Citation Suggestion for this Object
- TextGrid Repository (2022). 1_sanskr. tei. sa_poSadhavastu. GRETIL. Göttingen Register of Electronic Texts in Indian Languages (GRETIL), SUB Göttingen. https://hdl.handle.net/21.T11991/0000-001C-9313-6