(atha prathamaḥ adhyāyaḥ) [anubandhacatuṣṭayaprakaraṇam]

1.1.1: pramāṇa-prameya-saṃśaya-prayojana-dṛṣṭānta-siddhāntāvayava-tarka-nirṇaya-vāda-jalpa-vitaṇḍāhetvābhāsa-cchala-jāti-nigrahasthānānāmtattvajñānāt niḥśreyasādhigamaḥ

{padārthoddeśasūtram}

1.1.2: duḥkhajanmapravṛttidoṣamithyājñānānām uttarottarāpāye tadanantarā pāyāt apavargaḥ

{padārthoddeśasūtram}

[pramāṇaprakaraṇam]

1.1.3: pratyakṣānumānopamānaśabdāḥ pramāṇāni

{pramāṇa-uddeśa-sūtram}

1.1.4: indriyārthasannikarṣotpannam jñānam avyapadeśyam avyabhicāri vyavasāyātmakam pratyakṣam

{pratyakṣalakṣaṇam}

1.1.5: atha tatpūrvakaṃ trividham anumānaṃ pūrvavat śeṣavat sāmānyatodṛṣṭaṃ ca

{anumānalakṣaṇam}

1.1.6: prasiddhasādharmyāt sādhyasādhanam upamānam

{upamānalakṣaṇam}

1.1.7: āptopadeśaḥ śabdaḥ

{śabdalakṣaṇam}

1.1.8: saḥ dvividhaḥ dṛṣṭādṛṣṭārthatvāt

{śabdabhedaḥ}

[prameyaprakaraṇam]

1.1.9: ātmaśarīrendriyārthabuddhimanaḥpravṛttidoṣapretyabhāvaphaladuḥkhāpavargāḥ tu prameyam

{prameya-uddeśa-sūtram}

1.1.10: icchādveṣaprayatnasukhaduḥkhajñānāni ātmanaḥ liṅgam iti

{ātmalakṣaṇam}

1.1.11: ceṣṭendriyārthāśrayaḥ śarīram

{śarīralakṣaṇam}

1.1.12: ghrāṇarasanacakṣustvakśrotrāṇi indriyāṇi bhūtebhyaḥ

{indriyalakṣaṇam}

1.1.13: pṛthivī āpaḥ tejaḥ vāyuḥ ākāśam iti bhūtāni

{bhūtalakṣaṇam}

1.1.14: gandharasarūpasparśaśabdāḥ pṛthivyādiguṇāḥ tadarthāḥ

{artha(viṣaya)lakṣaṇam}

1.1.15: buddhiḥ upalabdhiḥ jñānam iti anarthāntaram

{buddhilakṣaṇam}

1.1.16: yugapat jñānānutpattiḥ manasaḥ liṅgam

{manolakṣaṇam}

1.1.17: pravṛttiḥ vāgbuddhiśarīrārambhaḥ

{pravṛttilakṣaṇam}

1.1.18: pravarttanālakṣaṇāḥ doṣāḥ

{doṣalakṣaṇam}

1.1.19: punarutpattiḥ pretyabhāvaḥ

{pretyabhāvalakṣaṇam}

1.1.20: pravṛttidoṣajanitaḥ arthaḥ phalam

{phalalakṣaṇam}

1.1.21: bādhanālakṣaṇam duḥkham

{duḥkhalakṣaṇam}

1.1.22: tadatyantavimokṣaḥ apavargaḥ

{apavargalakṣaṇam}

[nyāyapūrvāṅgalakṣaṇaprakaraṇam]

1.1.23: samānānekadharmopapatteḥ vipratipatteḥ upalabdhyanupalabdhyavyavasthātaḥ ca viśeṣāpekṣaḥ vimarśaḥ saṃśayaḥ

{saṃśayalakṣaṇam}

1.1.24: yam artham adhikṛtya pravartate tat prayojanam

{prayojanalakṣaṇam}

1.1.25: laukikaparīkṣakāṇāṃ yasmin arthe buddhisāmyam saḥ dṛṣṭāntaḥ

{dṛṣṭāntalakṣaṇam}

[nyāyāśrayasiddhāntalakṣaṇaprakaraṇam]

1.1.26: tantrādhikaraṇābhyupagamasaṃsthitiḥ siddhāntaḥ

{abhyupagamasiddhāntalakṣaṇam}

1.1.27: saḥ caturvidhaḥ sarvatantrapratitantrādhikaraṇābhyupagamasaṃsthityarthāntarabhāvāt

{tantrabheda-uddeśasūtram}

1.1.28: sarvatantrāviruddhaḥ tantre adhikṛtaḥ arthaḥ sarvatantrasiddhāntaḥ

{sarvatantrasiddhānta-lakṣaṇam}

1.1.29: samānatantrasiddhaḥ paratantrāsiddhaḥ pratitantrasiddhāntaḥ

{pratitantrasiddhānta-lakṣaṇam}

1.1.30: yatsiddhau anyaprakaraṇasiddhiḥ saḥ adhikaraṇasiddhāntaḥ

{adhikaraṇasiddhānta-lakṣaṇam}

1.1.31: aparīkṣitābhyupagamāt tadviśeṣaparīkṣaṇam abhyupagamasiddhāntaḥ

{abhyupagamasiddhānta-lakṣaṇam}

[nyāyaprakaraṇam]

1.1.32: pratijñāhetūdāharaṇopanayanigamanāni avayavāḥ

{avayava-uddeśasūtram}

1.1.33: sādhyanirdeśaḥ pratijñā

{pratijñā-lakṣaṇam}

1.1.34: udāharaṇasādharmyāt sādhyasādhanaṃ hetuḥ

{hetu-lakṣaṇam}

1.1.35: tathā vaidharmyāt

{hetu-lakṣaṇam}

1.1.36: sādhyasādharmyāt taddharmabhāvī dṛṣṭāntaḥ udāharaṇam

{udāharaṇa-lakṣaṇam}

1.1.37: tadviparyayāt vā viparītam

{udāharaṇa-lakṣaṇam}

1.1.38: udāharaṇāpekṣaḥ tathā iti upasaṃhāraḥ na tathā iti vā sādhyasya upanayaḥ

{upanaya-lakṣaṇam}

1.1.39: hetvapadeśāt pratijñāyāḥ punarvacanam nigamanam

{nigamana-lakṣaṇam}

[nyāyottarāṅgaprakaraṇam]

1.1.40: avijñātatatve arthe kāraṇopapattitaḥ tattvajñānārtham uhaḥ tarkaḥ

{tarka-lakṣaṇam}

1.1.41: vimṛśya pakṣapratipakṣābhyām arthāvadhāraṇam nirṇayaḥ

{nirṇaya-lakṣaṇam}

(iti nyāyasūtre prathamādhyāyasya prathamam āhnikam)

(atha dvitīyam āhnikam)

[kathālakṣaṇaprakaraṇam]

1.2.1: pramāṇatarkasādhanopālambhaḥ siddhāntāviruddhaḥ pañcāvayavopapannaḥ pakṣapratipakṣaparigrahaḥ vādaḥ

{vāda-lakṣaṇam}

1.2.2: yathoktopapannaḥ chalajātinigrahasthānasādhanopālambhaḥ jalpaḥ

{jalpa-lakṣaṇam}

1.2.3: saḥ pratipakṣasthāpanāhīnaḥ vitaṇḍā

{vitaṇḍā-lakṣaṇam}

[hetvābhāsaprakaraṇam]

1.2.4: savyabhicāra-viruddha-prakaraṇasama-sādhyasama-kālātītāḥ hetvābhāsāḥ

{hetvābhāsa-uddeśa-sūtram}

1.2.5: anaikāntikaḥ savyabhicāraḥ

{savyabhicāra-lakṣaṇam}

1.2.6: siddhāntam abhyupetya tadvirodhī viruddhaḥ

{viruddha-lakṣaṇam}

1.2.7: yasmāt prakaraṇacintā saḥ nirṇayārthamapadiṣṭaḥ prakaraṇasamaḥ

{prakaraṇasama-lakṣaṇam}

1.2.8: sādhyāviśiṣṭaḥ sādhyatvāt sādhyasamaḥ

{sādhyasama-lakṣaṇam}

1.2.9: kālātyayāpadiṣṭaḥ kālātītaḥ

{kālātīta-lakṣaṇam}

[chalaprakaraṇam]

1.2.10: vacanavighātaḥ arthavikalpopapattyā chalam

{chala-lakṣaṇam}

1.2.11: tat trividham - vākchalam sāmānyacchalam upacāracchalam ca iti

{chala-bheda-uddeśa-sūtram}

1.2.12: aviśeṣābhihite arthe vaktuḥ abhiprāyāt arthāntarakalpanā vākchalam

{vākchala-lakṣaṇam}

1.2.13: sambhavataḥ arthasya atisāmānyayogāt asambhūtārthakalpanā sāmānyacchalam

{sāmānyacchala-lakṣaṇam}

1.2.14: dharmavikalpanirdeśe arthasadbhāvapratiṣedhaḥ upacāracchalam

{upacāracchala-lakṣaṇam}

1.2.15: vākchalam eva upacāracchalam tat aviśeṣāt

{upacāracchala-pūrvapakṣa-lakṣaṇam}

1.2.16: na tat arthāntarabhāvāt

{upacāracchala-lakṣaṇam}

1.2.17: aviśeṣe vā kiñcitsādharmyāt ekacchalaprasaṅgaḥ

{upacāracchala-lakṣaṇam}

[liṅgadoṣasāmānyaprakaraṇam]

1.2.18: sādharmyavaidharmyābhyām pratyavasthānaṃ jātiḥ

{jāti-lakṣaṇam}

1.2.19: vipratipattiḥ apratipattiḥ ca nigrahasthānam

{nigrahasthāna-lakṣaṇam}

1.2.20: tadvikalpāt jātinigrahasthānabahutvam

{nigrahasthānabahutva-sūtram}

(iti nyāyasūtre prathamādhyāyasya dvitīyam āhnikam)

(samāptaḥ ca ayam prathamaḥ adhyāyaḥ)

(atha dvitīyaḥ adhyāyaḥ)

(prathamam āhnikam) [saṃśayaparīkṣāprakaraṇam] 2.1.1: samānānekadharmādhyavasāyāt anyataradharmādhyavasāyāt vā na saṃśayaḥ {saṃśaya-} 2.1.2: viprattipattyavyavasthādhyavasāyāt ca {saṃśaya-} 2.1.3: viprattipattau ca saṃprattipatteḥ {saṃśaya-} 2.1.4: avyavasthā ātmani vyavasthitatvāt ca avyavasthāyāḥ {saṃśaya-} 2.1.5: tathā atyantasaṃśayaḥ taddharmasātatyopapatteḥ {saṃśaya-} 2.1.6: yathoktādhyavasāyāt eva tadviśeṣāpekṣāt saṃśaye na asaṃśayaḥ na atyantasaṃśayaḥ vā {saṃśaya-} 2.1.7: yatra saṃśayaḥ tatra evam uttarottaraprasaṅgaḥ {saṃśaya-} [pramāṇasāmānyaparīkṣāprakaraṇam] 2.1.8: pratyakṣādīnām aprāmāṇyaṃ traikālyāsiddheḥ {pūrvapakṣasūtram} 2.1.9: pūrvaṃ hi pramāṇasiddhau na indriyārthasannikarṣāt pratyakṣotpattiḥ {pūrvapakṣasūtram} 2.1.10: paścātsiddhau na pramāṇebhyaḥ prameyasiddhiḥ {pūrvapakṣasūtram} 2.1.11: yugapatsiddhau pratyarthaniyatatvāt kramavṛttitvābhāvaḥ buddhīnām {pūrvapakṣasūtram} 2.1.12: traikālyāsiddheḥ pratiṣedhānupapattiḥ {pūrvapakṣasūtram} 2.1.13: sarvapramāṇapratiṣedhāt ca pratiṣedhānupapattiḥ {pūrvapakṣasūtram} 2.1.14: tatprāmāṇye vā na sarvapramāṇavipratiṣedhaḥ {pūrvapakṣasūtram} 2.1.15: traikālyāpratiṣedhaḥ ca śabdāt ātodyasiddhivat tatsiddheḥ {pūrvapakṣasūtram} 2.1.16: prameyā ca tulāprāmāṇyavat {pūrvapakṣasūtram} 2.1.17: pramāṇataḥ siddheḥ pramāṇānām pramāṇāntarasiddhiprasaṅgaḥ {pūrvapakṣasūtram} 2.1.18: tadvinivṛtteḥ vā pramāṇasiddhivat prameyasiddhiḥ {pūrvapakṣasūtram} 2.1.19: na, pradīpaprakāśasiddhivat tatsiddheḥ {siddhāntalakṣaṇam} 2.1.20: kvacit nivṛttidarśanāt anivṛttidarśanāt ca kvacit anekāntaḥ {siddhāntalakṣaṇam} [pratyakṣaparīkṣāprakaraṇām] 2.1.21: pratyakṣalakṣaṇānupapattiḥ asamagravacanāt {pratyakṣalakṣaṇa-} {pratyakṣalakṣaṇaparīkṣā} 2.1.22: na ātmamanasoḥ sannikarṣābhāve pratyakṣotpattiḥ (do) 2.1.23: digdeśakālākāśeṣu api evaṃ prasaṅgaḥ (do) 2.1.24: jñānaliṅgatvāt ātmanaḥ na anavarodhaḥ {pratyakṣalakṣaṇa-siddhānta-sūtram} 2.1.25: tadayaugapadyaliṅgatvāt ca na manasaḥ {pratyakṣalakṣaṇa-siddhānta-sūtra} 2.1.26: pratyakṣanimittatvāt ca indriyārthayoḥ sannikarṣasya svaśabdena vacanam {pratyakṣalakṣaṇa-siddhānta-sūtra} 2.1.27: suptavyāsaktamanasāṃ ca indriyārthayoḥ sannikarṣanimittatvāt {pratyakṣalakṣaṇa-siddhānta-sūtra} 2.1.28: taiḥ ca apadeśaḥ jñānaviśeṣāṇām {pratyakṣalakṣaṇa-siddhānta-sūtra} 2.1.29: vyāhatatvāt ahetuḥ {pratyakṣalakṣaṇa-siddhānta-sūtra} 2.1.30: na arthaviśeṣaprābalyāt {pratyakṣalakṣaṇa-siddhānta-sūtra}

[viṣayaparīkṣā-prakaraṇām] 2.1.31: pratyakṣam anumānam ekadeśagrahaṇāt upalabdheḥ {pūrvapakṣa-sūtra} 2.1.32: na, pratyakṣeṇa yāvat tāvat api upalambhāt {siddhānta-sūtra} 2.1.33: na caikadeśopalabdhiravayavisadbhāvāt {siddhānta-sūtra} [prasaṅgopāttā avayaviparīkṣā] 2.1.34: sādhyatvāt avayavini sandehaḥ {pūrvapakṣa-sūtra} 2.1.35: sarvāgrahaṇam avayavyasiddheḥ {siddhānta-sūtra} 2.1.36: dhāraṇākarṣaṇopapatteḥ ca {siddhānta-sūtra} 2.1.37: senāvanavat grahaṇam iti cet na atīndriyatvāt aṇūnām {siddhānta-sūtra}

[anumānaparīkṣāprakaraṇam]

2.1.38: rodhopaghātasādṛśyebhyaḥ vyabhicārāt anumānam apramāṇam {pūrvapakṣa-sūtra} 2.1.39: na, ekadeśatrāsasādṛśyebhyaḥ arthāntarabhāvāt {siddhānta-sūtra} {vartamānakālaparīkṣā} 2.1.40: vartamānābhāvaḥ, patataḥ patitapatitavyakālopapatteḥ {pūrvapakṣa-sūtra} 2.1.41: tayoḥ api abhāvaḥ vartamānābhāve, tadapekṣatvāt {siddhānta-sūtra} 2.1.42: na atītānāgatayoḥ itaretarāpekṣā siddhiḥ {siddhānta-sūtra} 2.1.43: vartamānābhāve sarvāgrahaṇaṃ pratyakṣānupapatteḥ {siddhānta-sūtra} 2.1.44: kṛtatākarttavyatopapatteḥ tu ubhayathā grahaṇam {siddhānta-sūtra}

[upamānaparīkṣāprakaraṇam] 2.1.45: atyantaprāyaikadeśasādharmyāt upamānāsiddhiḥ {siddhānta-sūtra} 2.1.46: prasiddhasādharmyāt upamānasiddheḥ yathoktadoṣānupapattiḥ {pūrvapakṣa-sūtra} 2.1.47: pratyakṣeṇa apratyakṣasiddheḥ {siddhānta-sūtra} 2.1.48: na apratyakṣe gavaye pramāṇārtham upamānasya paśyāmaḥ {siddhānta-sūtra} 2.1.49: tathā iti upasaṃhārāt upamānasiddheḥ na aviśeṣaḥ {siddhānta-sūtra} [śabdasāmānyaparīkṣāprakaraṇam] 2.1.50: śabdaḥ anumānam arthasya anupalabdheḥ anumeyatvāt {pūrvapakṣa-sūtra} 2.1.51: upalabdheḥ advipravṛttitvāt {pūrvapakṣa-sūtra} 2.1.52: sambandhāt ca {pūrvapakṣa-sūtra} 2.1.53: āptopadeśasāmarthyāt śabdāt arthasampratyayaḥ {siddhānta-sūtra} 2.1.54: pūraṇapradāhapāṭanānupalabdheḥ ca sambandhābhāvaḥ {siddhānta-sūtra} 2.1.55: śabdārthavyavasthānāt apratiṣedhaḥ {siddhānta-sūtra} 2.1.56: na, sāmayikatvāt śabdārthasampratyayasya {siddhānta-sūtra} 2.1.57: jātiviśeṣe ca aniyamāt {siddhānta-sūtra} [śabdaviśeṣaparīkṣāprakaraṇam] 2.1.58: tadaprāmāṇyam anṛtavyāghātapunaruktadoṣebhyaḥ {siddhānta-sūtra} 2.1.59: na, karmakartṛsādhanavaiguṇyāt {siddhānta-sūtra} 2.1.60: abhyupetya kālabhede doṣavacanāt {siddhānta-sūtra} 2.1.61: anuvādopapatteḥ ca {siddhānta-sūtra} 2.1.62: vākyavibhāgasya ca arthagrahaṇāt {siddhānta-sūtra} 2.1.63: vidhyarthavādānuvādavacanaviniyogāt {siddhānta-sūtra} 2.1.64: vidhiḥ vidhāyakaḥ {siddhānta-sūtra} 2.1.65: stutiḥ nindā parakṛtiḥ purākalpaḥ iti arthavādaḥ {siddhānta-sūtra} {arthavāda-bhedaḥ} 2.1.66: vidhivihitasya anuvacanam anuvādaḥ {arthavāda-} 2.1.67: na anuvādapunaruktayoḥ viśeṣaḥ, śabdābhyāsopapatteḥ {siddhānta-sūtra} 2.1.68: śīghrataragamanopadeśavat abhyāsāt na aviśeṣaḥ {siddhānta-sūtra} 2.1.69: mantrāyurvedaprāmāṇyavat ca tatprāmāṇyam, āptaprāmāṇyāt {siddhānta-sūtra}

(iti nyāyasūtre dvitīyādhyāyasya prathamam āhnikam)

(dvitīyam āhnikam) [pramāṇacatuṣṭvaparīkṣāprakaraṇam]

2.2.1: na catuṣṭvam, aitihyārthāpattisambhavābhāvaprāmāṇyāt {pūrvapakṣa-sūtra} 2.2.2: śabde aitihyānarthāntarabhāvāt anumāne arthāpattisambhavābhāvānarthāntara bhāvāt ca apratiṣedhaḥ {siddhānta-sūtra} 2.2.3: arthāpattiḥ apramāṇam anaikāntikatvāt {arthāpattiprāmāṇyaparīkṣā} 2.2.4: anarthāpattau arthāpattyabhimānāt {nānaikāntikatvamarthāpatteḥ} 2.2.5: pratiṣedhāprāmāṇyaṃ ca anaikāntikatvāt (-) 2.2.6: tatprāmāṇye vā na arthāpattyaprāmāṇyam {siddhānta-sūtra} [abhāvaprāmāṇyasiddhiḥ - avāntaraprakaraṇam] 2.2.7: na abhāvaprāmāṇyaṃ prameyāsiddheḥ {pūrvapakṣa-sūtra} 2.2.8: lakṣiteṣvalakṣaṇalakṣitatvāt alakṣitānāṃ tatprameyasiddheḥ {udāharaṇa sūtra} 2.2.9: asati arthe na abhāvaḥ iti cet na, anyalakṣaṇopapatteḥ {siddhānta-sūtra} 2.2.10: tatsiddheḥ alakṣiteṣu ahetuḥ {pūrvapakṣa-sūtra} 2.2.11: na, lakṣaṇāvasthitāpekṣasiddheḥ {siddhānta-sūtra} 2.2.12: prāk utpatteḥ abhāvopapatteḥ ca {siddhānta-sūtra}

[śabdānityatvaparīkṣāprakaraṇam(13-39)] 2.2.13: ādimatvāt aindriyakatvāt kṛtakavat upacārāt ca {śabdānityatva-pratipādana-sūtra} 2.2.14: na, ghaṭābhāvasāmānyanityatvāt nityeṣu api anityavat upacārāt ca {siddhānta-sūtra} 2.2.15: tattvabhāktayoḥ nānātvavibhāgāt avyabhicāraḥ {śabdānityatva-pratipādana-sūtra} {siddhānta-sūtra} 2.2.16: santānānumānaviśeṣaṇāt {śabdānityatva-pratipādana-sūtra} {siddhānta-sūtra} 2.2.17: kāraṇadravyasya pradeśaśabdenābhidhānāt {śabdānityatva-pratipādana-sūtra} {siddhānta-sūtra} 2.2.18: prāk uccāraṇāt anupalabdheḥ āvaraṇādyanupalabdheḥ ca {śabdānityatva-pratipādana-sūtra} 2.2.19: tadanupalabdheḥ anupalambhāt āvaraṇopapattiḥ {śabdānityatva-pratipādana-sūtra} 2.2.20: anupalambhāt anupalabdhisadbhāvāt na āvaraṇānupapattiḥ anupalambhāt {siddhānta-sūtra} 2.2.21: anupalambhātmakatvāt anupalabdheḥ ahetuḥ {siddhānta-sūtra} 2.2.22: asparśatvāt {siddhānta-sūtra} 2.2.23: na, karmānityatvāt {siddhānta-sūtra} 2.2.24: na, aṇunityatvāt {siddhānta-sūtra} 2.2.25: sampradānāt {siddhānta-sūtra} 2.2.26: tadantarālānupalabdheḥ ahetuḥ {siddhānta-sūtra} 2.2.27: adhyāpanāt apratiṣedhaḥ {siddhānta-sūtra} 2.2.28: ubhayoḥ pakṣayoḥ anyatarasya adhyāpanāt apratiṣedhaḥ {siddhānta-sūtra} 2.2.29: abhyāsāt {siddhānta-sūtra} 2.2.30: na anyatve api abhyāsasya upacārāt {siddhānta-sūtra} 2.2.31: anyat anyasmāt ananyatvāt ananyat iti anyatābhāvaḥ {siddhānta-sūtra} 2.2.32: tadabhāve na asti ananyatā, tayoḥ itaretarāpekṣasiddheḥ {siddhānta-sūtra} 2.2.33: vināśakāraṇānupalabdheḥ {siddhānta-sūtra} 2.2.34: aśravaṇakāraṇānupalabdheḥ satataśravaṇaprasaṅgaḥ {siddhānta-sūtra} 2.2.35: upalabhyamāne ca anupalabdheḥ asattvāt anapadeśaḥ {siddhānta-sūtra} 2.2.36: pāṇinimittapraśleṣāt śabdābhāve na anupalabdhiḥ {siddhānta-sūtra} 2.2.37: vināśakāraṇānupalabdheḥ ca avasthāne tannityatvaprasaṅgaḥ {siddhānta-sūtra} 2.2.38: asparśatvāt apratiṣedhaḥ {siddhānta-sūtra} 2.2.39: vibhaktyantaropapatteḥ ca samāse {siddhānta-sūtra}

[śabdapariṇāmaparīkṣāprakaraṇam(40-56)] 2.2.40: vikārādeśopadeśāt saṃśayaḥ {pūrvapakṣa-sūtra} 2.2.41: prakṛtivivṛddhau vikāravivṛddheḥ {siddhānta-sūtra} 2.2.42: nyūnasamādhikopalabdheḥ vikārāṇām ahetuḥ {siddhānta-sūtra} 2.2.43: dvividhasya api hetoḥ abhāvāt asādhanaṃ dṛṣṭāntaḥ {udāharaṇasūtra} 2.2.44: na, atulyaprakṛtīnām vikāravikalpāt {siddhānta-sūtra} 2.2.45: dravyavikāravaiṣamyavat varṇavikāravikalaḥ {pūrvapakṣa-sūtra} 2.2.46: na, vikāradharmānupapatteḥ {siddhānta-sūtra} 2.2.47: vikāraprāptānām apunarāpatteḥ {siddhānta-sūtra} 2.2.48: suvarṇādīnāṃ punarāpatteḥ ahetuḥ {pūrvapakṣa-sūtra} 2.2.49: na, tadvikārāṇāṃ suvarṇabhāvāvyatirekāt {siddhānta-sūtra} 2.2.50: varṇatvāvyatirekāt varṇavikārāṇām apratiṣedhaḥ {siddhānta-sūtra} 2.2.51: sāmānyavato dharmayogo na sāmānyasya {siddhānta-sūtra} 2.2.52: nityatve avikārāt anityatve ca anavasthānāt {siddhānta-sūtra} 2.2.53: nityānām atīndriyatvāt taddharmavikalpāt ca varṇavikārāṇām apratiṣedhaḥ {pūrvapakṣa-sūtra} 2.2.54: anavasthāyitve ca varṇopalabdhivat tadvikāropapattiḥ {pūrvapakṣa-sūtra} 2.2.55: vikāradharmitve nityatvābhāvāt kālāntare vikāropapatteḥ ca apratiṣedhaḥ {siddhānta-sūtra} 2.2.56: prakṛtyaniyamāt {siddhānta-sūtra} 2.2.57: aniyame niyamāt na aniyamaḥ {pūrvapakṣa-sūtra} 2.2.58: niyamāniyamavirodhāt aniyame niyamāt ca apratiṣedhaḥ {siddhānta-sūtra} 2.2.59: guṇāntarāpattyupamarda-hrāsa-vṛddhi-śleṣebhyaḥ tu vikāropapatteḥ varṇavikārāḥ {siddhānta-sūtra}

[śabdaśaktiparīkṣāprakaraṇam] 2.2.60: te vibhaktyantāḥ padam {pada-lakṣaṇa-sūtram} 2.2.61: vyaktyākṛtijātisannidhau upacārāt saṃśayaḥ {pūrvapakṣa-sūtra}

[vyaktivāda-avāntaraprakaraṇam] 2.2.62: yāśabda-samūha-tyāga-parigraha-saṅkhyā-vṛddhyapacaya-varṇa-samāsānubandhānām vyaktau upacārāt vyaktiḥ {pūrvapakṣa-sūtra} 2.2.63: na, tat anavasthānāt {siddhānta-sūtra} 2.2.64: sahacaraṇa-sthāna-tādarthya-vṛtta-māna-dhāraṇa-sāmīpya-yoga-sādhanādhipatyebhyaḥ brāhmaṇa-mañca-kaṭa-rāja-saktu-candana-gaṅgā-śāṭakānna-puruṣeṣvatadbhāve api tadupacāraḥ {siddhānta-sūtra}

[ākṛtivāda-avāntaraprakaraṇam] 2.2.65: ākṛtiḥ, tadapekṣatvāt sattvavyavasthānasiddheḥ {pūrvapakṣa-sūtra}

[jātivāda-avāntaraprakaraṇam] 2.2.66: vyaktyākṛtiyukte api aprasaṅgāt prokṣaṇādināṃ mṛdgavake jātiḥ {pūrvapakṣa-sūtra} 2.2.67: na, ākṛtivyaktyapekṣatvāt jātyabhivyakteḥ {siddhānta-sūtra}

[siddhāntavāda-avāntaraprakaraṇam] 2.2.68: vyaktyākṛtijātayaḥ tu padārthaḥ {siddhānta-sūtra} 2.2.69: vyaktiḥ guṇaviśeṣāśrayaḥ mūrtiḥ {siddhānta-sūtra} 2.2.70: ākṛtiḥ jātiliṅgākhyā {siddhānta-sūtra} 2.2.71: samānaprasavātmikā jātiḥ {siddhānta-sūtra}

(iti nyāyasūtre dvitīyādhyāyasya dvitīyam āhnikam)

samāptaḥ ca ayam dvitīyādhyāyaḥ

(atha tṛtīyaḥ adhyāyaḥ) (prathamam āhnikam) [indriyavyatiriktātmaparīkṣāprakaraṇaṃ(1-3)] 3.1.1: darśanasparśanābhyām ekārthagrahaṇāt {pūrvapakṣa-sūtra} 3.1.2: na, viṣayavyavasthānāt {pūrvapakṣa-sūtra} 3.1.3: tadvyavasthānāt eva ātmasadbhāvāt apratiṣedhaḥ {siddhānta-sūtra} [śarīravyatiriktātmaparīkṣāprakaraṇam] 3.1.4: śarīradāhe pātakābhāvāt {siddhānta-sūtra} 3.1.5: tadabhāvaḥ sātmakapradāhe api, tannityatvāt {pūrvapakṣa-sūtra} 3.1.6: na, kāryāśrayakartṛvadhāt {siddhānta-sūtra}

[prāsaṅgikaṃ cakṣuradvaitaparīkṣāprakaraṇam(7-14)] 3.1.7: savyadṛṣṭasya itareṇa pratyabhijñānāt {siddhānta-sūtra} 3.1.8: na ekasmin nāsāsthivyavahite dvitvābhimānāt {pūrvapakṣa-sūtra} 3.1.9: ekavināśe dvitīyāvināśāt na ekatvam {siddhānta-sūtra} 3.1.10: avayavanāśe api avayavyupalabdheḥ ahetuḥ {pūrvapakṣa-sūtra} 3.1.11: dṛṣṭāntavirodhāt apratiṣedhaḥ {siddhānta-sūtra} 3.1.12: indriyāntaravikārāt {siddhānta-sūtra} 3.1.13: na, smṛteḥ smarttavyaviṣayatvāt {pūrvapakṣa-sūtra} 3.1.14: tadātmaguṇasadbhāvāt apratiṣedhaḥ {siddhānta-sūtra}

[ātmamanobhedaparīkṣāprakaraṇam(15-17)] 3.1.15: na, ātmapratipattihetūnāṃ manasi sambhavāt {pūrvapakṣa-sūtra} 3.1.16: jñātuḥ jñānasādhanopapatteḥ saṃjñābhedamātram {siddhānta-sūtra} 3.1.17: niyamaḥ ca niranumānaḥ {siddhānta-sūtra} [ātmanityatvaparīkṣāprakaraṇam(18-26)] 3.1.18: pūrvābhyastasmṛtyanubandhāt jātasya harṣabhayaśokasampratipatteḥ {siddhānta-sūtra} 3.1.19: padmādiṣu prabodhasammīlanavikāravat tadvikāraḥ {pūrvapakṣa-sūtra} 3.1.20: na, uṣṇaśītavarṣākālanimittatvāt pañcātmakavikārāṇām {siddhānta-sūtra} 3.1.21: pretyāhārābhyāsakṛtāt stanyābhilāṣāt {siddhānta-sūtra} 3.1.22: ayasaḥ ayaskāntābhigamanavat tadupasarpaṇam {pūrvapakṣa-sūtra} 3.1.23: na, anyatra pravṛttyabhāvāt {siddhānta-sūtra} 3.1.24: vītarāgajanmādarśanāt {siddhānta-sūtra} 3.1.25: saguṇadravyotpattivat tadutpattiḥ {pūrvapakṣa-sūtra} 3.1.26: na, saṅkalpanimittatvāt rāgādīnām {siddhānta-sūtra}

[śarīraparīkṣāprakaraṇam(27-31)] 3.1.27: pārthivaṃ guṇāntaropalabdheḥ {siddhānta-sūtra} 3.1.28: pārthivāpyataijasaṃ tadguṇopalabdheḥ {siddhānta-sūtra} 3.1.29: niḥśvāsocchvāsopalabdheḥ cāturbhauntikam {pūrvapakṣa-sūtra} 3.1.30: gandhakledapākavyūhāvakāśadānebhyaḥ pāñcabhautikam {pūrvapakṣa-sūtra} 3.1.31: śrutiprāmāṇyāt ca {siddhānta-sūtra}

[indriyaparīkṣāprakaraṇam(32-51)] 3.1.32: kṛṣṇasāre sati upalambhāt vyatiricya ca upalambhāt saṃśayaḥ {siddhānta-sūtra} 3.1.33: mahadaṇugrahaṇāt {sāṅkhyamatakhaṇḍanam} 3.1.34: raśmyarthasannikarṣaviśeṣāt tadgrahaṇam {siddhānta-sūtra} 3.1.35: tadanupalabdheḥ ahetuḥ {siddhānta-sūtra} 3.1.36: na anumīyamānasya pratyakṣataḥ anupalabdhiḥ abhāvahetuḥ {siddhānta-sūtra} 3.1.37: dravyaguṇadharmabhedāt ca upalabdhiniyamaḥ {siddhānta-sūtra} 3.1.38: anekadravyasamavāyāt rūpaviśeṣāt ca rūpopalabdhiḥ {siddhānta-sūtra} 3.1.39: karmakāritaḥ ca indriyāṇāṃ vyūhaḥ puruṣārthatantraḥ {siddhānta-sūtra} 3.1.40: madhyandinolkāprakāśānupalabdhivat tadanupalabdhiḥ {siddhānta-sūtra} 3.1.41: na, rātrau api anupalabdheḥ {siddhānta-sūtra} 3.1.42: bāhyaprakāśānugrahāt viṣayopalabdheḥ anabhivyaktitaḥ anupalabdhiḥ {siddhānta-sūtra} 3.1.43: abhivyaktau ca abhibhavāt {siddhānta-sūtra} 3.1.44: naktañcaranayanaraśmidarśanāt ca {siddhānta-sūtra} 3.1.45: aprāpyagrahaṇaṃ kācābhrapaṭalasphaṭikāntaritopalabdheḥ {pūrvapakṣa-sūtra} 3.1.46: kuḍyāntaritānupalabdheḥ apratiṣedhaḥ {siddhānta-sūtra} 3.1.47: apratīghātāt sannikarṣopapattiḥ {siddhānta-sūtra} 3.1.48: ādityaraśmeḥ sphaṭikāntarite api dāhye avighātāt {siddhānta-sūtra} 3.1.49: na itaretaradharmaprasaṅgāt {pūrvapakṣa-sūtra} 3.1.50: ādarśodakayoḥ prasādasvābhāvyāt rūpopalabdhiḥ {siddhānta-sūtra} 3.1.51: dṛṣṭānumitānāṃ hi niyogapratiṣedhānupapattiḥ {siddhānta-sūtra}

[indriyanānātvaparīkṣāprakaraṇam(52-62)] 3.1.52: sthānānyatve nānātvāt avayavinānāsthānatvāt ca saṃśayaḥ {siddhānta-sūtra} 3.1.53: tvak avyatirekāt {pūrvapakṣa-sūtra} 3.1.54: na yugapat arthānupalabdheḥ {siddhānta-sūtra} 3.1.55: vipratiṣedhāt ca na tvak ekā {siddhānta-sūtra} 3.1.56: indriyārthapañcatvāt {siddhānta-sūtra} 3.1.57: na, tadarthabahutvāt {pūrvapakṣa-sūtra} 3.1.58: gandhatvādyavyatirekāt gandhādīnāmapratiṣedhaḥ {siddhānta-sūtra} 3.1.59: viṣayatvāvyatirekāt ekatvam {siddhānta-sūtra} 3.1.60: na, buddhilakṣaṇādhiṣṭhāna-gatyākṛti-jātipañcatvebhyaḥ {siddhānta-sūtra} 3.1.61: bhūtaguṇaviśeṣopalabdheḥ tādātmyam {siddhānta-sūtra}

[arthaparīkṣāprakaraṇam(62-74)] 3.1.62: gandha-rasa-rūpa-sparśa-śabdānāṃ sparśaparyantāḥ pṛthivyāḥ {siddhānta-sūtra} 3.1.63: ap-tejo-vāyūnāṃ pūrvaṃ pūrvam apohya ākāśasya uttaraḥ {pūrvapakṣa-sūtra} 3.1.64: na, sarvaguṇānupalabdheḥ {siddhānta-sūtra} 3.1.65: ekaikaśyena uttaraguṇāsadbhāvāt uttarottarāṇāṃ tadanupalabdhiḥ {pūrvapakṣa-sūtra} 3.1.66: viṣṭaṃ hi aparaṃ pareṇa {pūrvapakṣa-sūtra} 3.1.67: na, pārthivāpyayoḥ pratyakṣatvāt {siddhānta-sūtra} 3.1.68: pūrvapūrvaguṇotkarṣāt tattat pradhānam {siddhānta-sūtra} 3.1.69: taddhyavasthānaṃ tu bhūyastvāt {siddhānta-sūtra} 3.1.70: saguṇānām indriyabhāvāt {siddhānta-sūtra} 3.1.71: tena eva tasya agrahaṇāt ca {siddhānta-sūtra} 3.1.72: na, śabdaguṇopalabdheḥ {pūrvapakṣa-sūtra} 3.1.73: tadupalabdhiḥ itaretaradravyaguṇavaidharmyāt {siddhānta-sūtra}

(iti nyāyasūtre tṛtīyādhyāyasya prathamam āhnikam)

(dvitīyam āhnikam)

[buddheranityatvaparīkṣāprakaraṇam(1-9)] 3.2.1: karmākāśasādharmyāt saṃśayaḥ {siddhānta-sūtra} 3.2.2: viṣayapratyabhijñānāt {siddhānta-sūtra} 3.2.3: sādhyasamatvāt ahetuḥ {siddhānta-sūtra} 3.2.4: na, yugapat agrahaṇāt {siddhānta-sūtra} 3.2.5: apratyabhijñāne ca vināśaprasaṅgaḥ {siddhānta-sūtra} 3.2.6: kramavṛttitvāt ayugapat grahaṇam {siddhānta-sūtra} 3.2.7: apratyabhijñānaṃ ca viṣayāntaravyāsaṅgāt {siddhānta-sūtra} 3.2.8: na, gatyabhāvāt {siddhānta-sūtra} 3.2.9: sphaṭikānyatvābhimānavat tadanyatvābhimānaḥ {siddhānta-sūtra}

[kṣaṇabhaṅgaparīkṣāprakaraṇam(10-17)] 3.2.10: sphaṭike api aparāparotpatteḥ kṣaṇikatvāt vyaktīnām ahetuḥ {siddhānta-sūtra} 3.2.11: niyamahetvabhāvāt yathādarśanam abhyanujñā {siddhānta-sūtra} 3.2.12: na, utpattivināśakāraṇopalabdheḥ {siddhānta-sūtra} 3.2.13: kṣīravināśe kāraṇānupalabdhivat dadhyutpattivat ca tadutpattiḥ {pūrvapakṣa-sūtra} 3.2.14: liṅgataḥ grahaṇāt na anupalabdhiḥ {siddhānta-sūtra} 3.2.15: na payasaḥ pariṇāma-guṇāntaraprādurbhāvāt {siddhānta-sūtra} 3.2.16: vyūhāntarāt dravyāntarotpattidarśanaṃ pūrvadravyanivṛtteḥ anumānam {siddhānta-sūtra} 3.2.17: kvacit vināśakāraṇānupalabdheḥ kvacit ca upalabdheḥ anekāntaḥ {siddhānta-sūtra}

[buddherātmaguṇatvaparīkṣāprakaraṇām(18-41)] 3.2.18: na indriyārthayoḥ, tadvināśe api jñānāvasthānāt {siddhānta-sūtra} 3.2.19: yugapat jñānānupalabdheḥ ca na manasaḥ {siddhānta-sūtra} 3.2.20: tat ātmaguṇatve api tulyam {pūrvapakṣa-sūtra} 3.2.21: indriyaiḥ manasaḥ sannikarṣābhāvāt tadanutpattiḥ {pūrvapakṣa-sūtra} 3.2.22: na, utpattikāraṇānapadeśāt {siddhānta-sūtra} 3.2.23: vināśakāraṇānupalabdheḥ ca avasthāne tannityatvaprasaṅgaḥ {pūrvapakṣa-sūtra} 3.2.24: anityatvagrahāt buddheḥ buddhyantarāt vināśaḥ śabdavat {siddhānta-sūtra} 3.2.25: jñānasamavetātmapradeśasannikarṣāt manasaḥ smṛtyutpatteḥ na yugapat utpattiḥ {pūrvapakṣa-sūtra} 3.2.26: na, antaḥ-śarīravṛttitvāt manasaḥ {siddhānta-sūtra} 3.2.27: sādhyatvāt ahetuḥ {pūrvapakṣa-sūtra} 3.2.28: smarataḥ śarīradhāraṇopapatteḥ apratiṣedhaḥ {siddhānta-sūtra} 3.2.29: na, tadāśugatitvānmanasaḥ {pūrvapakṣa-sūtra} 3.2.30: na, smaraṇakālāniyamāt {siddhānta-sūtra} 3.2.31: ātmapreraṇa-yadṛcchā-jñatābhiḥ ca na saṃyogaviśeṣaḥ {pūrvapakṣa-sūtra} 3.2.32: vyāsaktamanasaḥ pādavyathanena saṃyogaviśeṣeṇa samānam {siddhānta-sūtra} 3.2.33: praṇidhānaliṅgādijñānānām ayugapadbhāvāt ayugapatsmaraṇam {siddhānta-sūtra} 3.2.34: jñasya icchādveṣanimittatvāt ārambhanivṛttyoḥ {siddhānta-sūtra} 3.2.35: talliṅgatvāt icchādveṣayoḥ pārthivādyeṣu apratiṣedhaḥ {pūrvapakṣa-sūtra} 3.2.36: paraśvādiṣu ārambhanivṛttidarśanāt {siddhānta-sūtra} 3.2.37: niyamāniyamau tu tadviśeṣakau {siddhānta-sūtra} 3.2.38: yathoktahetutvāt pāratantryāt akṛtābhyāgamāt ca na manasaḥ {siddhānta-sūtra} 3.2.39: pariśeṣāt yathoktahetūpapatteḥ ca {siddhānta-sūtra} 3.2.40: smaraṇaṃ tu ātmanaḥ jñasvābhāvyāt {siddhānta-sūtra} 3.2.41: praṇidhāna-nibandhābhyāsa-liṅga-lakṣaṇa-sādṛśya-parigrahāśrayāśrita sambandhānantarya-viyogaikakārya-virodhātiśaya-prāpti-vyavadhāna-sukha-duḥkhecchā dveṣa-bhayārthitva-kriyārāga-dharmādharmanimittebhyaḥ {siddhānta-sūtra}

[buddherutpannāpavargitvaparīkṣāprakaraṇam(42-45)] 3.2.42: karmānavasthāyigrahaṇāt {siddhānta-sūtra} 3.2.43: avyaktagrahaṇam anavasthāyitvāt vidyutsampāte rūpāvyaktagrahaṇavat {siddhānta-sūtra} 3.2.44: hetūpādānāt pratiṣeddhavyābhyanujñā {siddhānta-sūtra} 3.2.45: na pradīpārciḥsantatyabhivyaktagrahaṇavat tadgrahaṇam {siddhānta-sūtra}

[buddheḥ śarīraguṇavyatirekaparīkṣāprakaraṇam(46-55)] 3.2.46: dravye svaguṇaparaguṇopalabdheḥ saṃśayaḥ {siddhānta-sūtra} 3.2.47: yāvaccharīrabhāvitvāt rūpādīnām {siddhānta-sūtra} 3.2.48: na, pākajaguṇāntarotpatteḥ {siddhānta-sūtra} 3.2.49: pratidvandvisiddheḥ pākajānām apratiṣedhaḥ {siddhānta-sūtra} 3.2.50: śarīravyāpitvāt {siddhānta-sūtra} 3.2.51: na, keśanakhādiṣu anupalabdheḥ {pūrvapakṣa-sūtra} 3.2.52: tvakparyantatvāt śarīrasya keśanakhādiṣu aprasaṅgaḥ {siddhānta-sūtra} 3.2.53: śarīraguṇavaidharmyāt {siddhānta-sūtra} 3.2.54: na, rūpādīnām itaretaravaidharmyāt {pūrvapakṣa-sūtra} 3.2.55: aindriyakatvāt rūpādīnām apratiṣedhaḥ {siddhānta-sūtra}

[manaḥparīkṣāprakaraṇam(56-59)] 3.2.56: jñānāyaugapadyāt ekam manaḥ {siddhānta-sūtra} 3.2.57: na, yugapat anekakriyopalabdheḥ {pūrvapakṣa-sūtra} 3.2.58: alātacakradarśanavat tadupalabdhiḥ āśusañcārāt {siddhānta-sūtra} 3.2.59: yathoktahetutvāt ca aṇu {siddhānta-sūtra}

[adṛṣṭaniṣpādyatvaparīkṣāprakaraṇam(60-72)] 3.2.60: pūrvakṛtaphalānubandhāt tadutpattiḥ {siddhānta-sūtra} 3.2.61: bhūtebhyaḥ mūrtyupādānavat tadupādānam {pūrvapakṣa-sūtra} 3.2.62: na, sādhyasamatvāt {siddhānta-sūtra} 3.2.63: na, utpattinimittatvāt mātāpitroḥ {siddhānta-sūtra} 3.2.64: tathā āhārasya {siddhānta-sūtra} 3.2.65: prāptau ca aniyamāt {siddhānta-sūtra} 3.2.66: śarīrotpattinimittavat saṃyogotpattinimittaṃ karma {siddhānta-sūtra} 3.2.67: etena aniyamaḥ pratyuktaḥ {siddhānta-sūtra} 3.2.68: tat adṛṣṭakāritam iti cet punaḥ tatprasaṅgaḥ apavarge {siddhānta-sūtra} 3.2.69: manaḥkarmanimittatvāt ca saṃyogāvyucchedaḥ {siddhānta-sūtra} 3.2.70: nityatvaprasaṅgaḥ ca prāyaṇānupapatteḥ {siddhānta-sūtra} 3.2.71: aṇuśyāmatānityatvavat etat syāt {pūrvapakṣa-sūtra} 3.2.72: na, akṛtābhyāgamaprasaṅgāt {siddhānta-sūtra}

(iti nyāyasūtre tṛtīyādhyāyasya dvitīyam āhnikam)

(samāptaḥ ca ayam tṛtīyaḥ adhyāyaḥ)

(atha caturthaḥ adhyāyaḥ) (prathamam āhnikam) [pravṛttidoṣasāmānyaparīkṣāprakaraṇam(1-2)]

4.1.1: pravṛttiryathoktā {siddhānta-sūtra} 4.1.2: tathā doṣāḥ {siddhānta-sūtra}

[doṣatrairāśyaparīkṣāprakaraṇam(3-8)] 4.1.3: trairāśyaṃ rāgadveṣamohārthāntarbhāvāt {siddhānta-sūtra} 4.1.4: na, ekapratyanīkabhāvāt {pūrvapakṣa-sūtra} 4.1.5: vyabhicārādahetuḥ {siddhānta-sūtra} 4.1.6: teṣāṃ mohaḥ pāpīyān, nāmūḍhasyetarotpatteḥ {siddhānta-sūtra} 4.1.7: nimittanaimittikabhāvādarthāntarabhāvo doṣebhyaḥ {pūrvapakṣa-sūtra} 4.1.8: na doṣalakṣaṇāvarodhānmohasya {siddhānta-sūtra} 4.1.9: nimittanaimittikopapatteśca tulyajātīyānāmapratiṣedhaḥ {siddhānta-sūtra}

[pretyabhāvaparīkṣāprakaraṇam(10-13)] 4.1.10: ātmanityatve pretyabhāvasiddhiḥ {siddhānta-sūtra} 4.1.11: vyaktād vyaktānām, pratyakṣaprāmāṇyāt {siddhānta-sūtra} 4.1.12: na, ghaṭād ghaṭaniṣpatteḥ {pūrvapakṣa-sūtra} 4.1.13: vyaktād ghaṭaniṣpatterapratiṣedhaḥ {siddhānta-sūtra}

[śūnyatopādānanirākaraṇaprakaraṇam(14-18)] 4.1.14: abhāvād bhāvotpattiḥ, nānupamṛdya prādurbhāvāt {pūrvapakṣa-sūtra} 4.1.15: vyāghātādaprayogaḥ {siddhānta-sūtra} 4.1.16: na, atītānāgatayoḥ kārakaśabdaprayogāt {pūrvapakṣa-sūtra} 4.1.17: na, vinaṣṭebhyo 'niṣpatteḥ {siddhānta-sūtra} 4.1.18: kramanirdeśādapratiṣedhaḥ {siddhānta-sūtra}

[īśvaropādānātāprakaraṇam(19-21)] 4.1.19: īśvaraḥ kāraṇam, puruṣakarmāphalyadarśanāt {siddhānta-sūtra} 4.1.20: na, puruṣakarmābhāve phlāniṣpatteḥ {pūrvapakṣa-sūtra} 4.1.21: tatkāritatvād ahetuḥ {siddhānta-sūtra}

[ākasmikatvanirākaraṇaprakaraṇam(22-24)] 4.1.22: animittato bhāvotpattiḥ, kaṇṭakataikṣṇyādidarśanāt {pūrvapakṣa-sūtra} 4.1.23: animittanimittatvānnanimittataḥ {siddhānta-sūtra} 4.1.24: nimittanimittayorarthāntarabhāvādapratiṣedhaḥ {siddhānta-sūtra}

[sarvānityatvanirākaraṇaprakaraṇam(25-28)] 4.1.25: sarvam anityam, utpattivināśadharmakatvāt {pūrvapakṣa-sūtra} 4.1.26: na, anityatānityatvāt {siddhānta-sūtra} 4.1.27: tadanityatvamagnerdāhyaṃ vināśyānuvināśavat {siddhānta-sūtra} 4.1.28: nityasyāpratyākhyānam, yathopalabdhi vyavasthānāt {siddhānta-sūtra}

[sarvanityatvanirākaraṇam(29-33)] 4.1.29: sarvaṃ nityam, pañcabhūtanityatvāt {pūrvapakṣa-sūtra} 4.1.30: na, utpattivināśakāraṇopalabdheḥ {siddhānta-sūtra} 4.1.31: tallakṣaṇāvarodhādapratiṣedhaḥ {pūrvapakṣa-sūtra} 4.1.32: na, utpattitatkāraṇopalabdheḥ {siddhānta-sūtra} 4.1.33: na, vyavasthānupapatteḥ {siddhānta-sūtra}

[sarvapṛthaktvanirākaraṇaprakaraṇam(34-36)] 4.1.34: sarvaṃ pṛthag, bhāvalakṣaṇapṛthaktvāt {pūrvapakṣa-sūtra} 4.1.35: na, anekalakṣaṇairekabhāvaniṣpatteḥ {siddhānta-sūtra} 4.1.36: lakṣaṇavyavasthānādevāpratiṣedhaḥ {siddhānta-sūtra}

[sarvaśūnyatānirākaraṇaprakaraṇam(37-40)] 4.1.37: sarvam abhāvo bhāveṣvitaretarābhāvasiddheḥ {pūrvapakṣa-sūtra} 4.1.38: na, svabhāvasiddherbhāvānām {siddhānta-sūtra} 4.1.39: na svabhāvasiddhiḥ, āpekṣikatvāt {pūrvapakṣa-sūtra} 4.1.40: vyāhatatvādayuktam {siddhānta-sūtra}

[saṃkhyaikāntavādaprakaraṇam(41-43)] 4.1.41: saṃkhyaikāntāsiddhiḥ, kāraṇānupapattyupapattibhyām {siddhānta-sūtra} 4.1.42: na, kāraṇavayavābhāvāt {pūrvapakṣa-sūtra} 4.1.43: niravayavatvādahetuḥ {siddhānta-sūtra}

[phalaparīkṣāprakaraṇam(44-54)] 4.1.44: sadyaḥ kālāntare ca phalaniṣpatteḥ saṃśayaḥ {siddhānta-sūtra} 4.1.45: na sadyaḥ, kālāntaropabhogyatvāt {siddhānta-sūtra} 4.1.46: kālāntareṇāniṣpattiheturvināśāt {pūrvapakṣa-sūtra} 4.1.47: prāṅniṣpattervṛkṣaphalavat tatsyāt {siddhānta-sūtra} 4.1.48: nāsanna sanna sadasat, sadasatorvaidharmayāt {pūrvapakṣa-sūtra} 4.1.49: utpādavyayadarśanāt {siddhānta-sūtra} 4.1.50: buddhisiddhaṃ tu tadasat {siddhānta-sūtra} 4.1.51: āśrayavyatirekād vṛkṣaphalotpattivad ityahetuḥ {pūrvapakṣa-sūtra} 4.1.52: prīterātmāśrayatvādapratiṣedhaḥ {siddhānta-sūtra} 4.1.53: na putrapaśustrīparicchedahiraṇyānnādiphalanirddeśāt {pūrvapakṣa-sūtra} 4.1.54: tatsambandhāt phalaniṣpattesteṣu phalavadupacāraḥ {siddhānta-sūtra}

[duḥkhaparīkṣāprakaraṇam(55-58)] 4.1.55: vividhavādhanāyogād duḥkhameva janmotpattiḥ {siddhānta-sūtra} 4.1.56: na, sukhasyāpyantarālaniṣpatteḥ {siddhānta-sūtra} 4.1.57: bhādhanānivṛttervedayataḥ pryeṣaṇadoṣādapratiṣedhaḥ {siddhānta-sūtra} 4.1.58: duḥkhavikalpe sukhābhimānācca {siddhānta-sūtra}

[apavargaparīkṣāprakaraṇam(59-68)] 4.1.59: ṛṇakleśapravṛttyanubndhādapavargābhāvaḥ {pūrvapakṣa-sūtra} 4.1.60: pradhānaśabdānupapatterguṇaśabdenānuvādo nindāpraśaṃsopapatteḥ {siddhānta-sūtra} 4.1.61: samāropaṇādātmanyapratiṣedhaḥ {siddhānta-sūtra} 4.1.62: pātracayāntānupapatteśca phalābhāvaḥ {siddhānta-sūtra} 4.1.63: suṣuptasya svapnādarśane kleśābhāvādapavargaḥ {siddhānta-sūtra} 4.1.64: na pravṛttiḥ pratisandhānāya hīnakleśasya {siddhānta-sūtra} 4.1.65: na, kleśasantateḥ svābhāvikatvāt {pūrvapakṣa-sūtra} 4.1.66: prāgutpatterabhāvānityatvavat svābhāvike 'pyanityatvam {siddhānta-sūtra} 4.1.67: aṇuśyāmatānityatvavad vā {siddhānta-sūtra} 4.1.68: na, saṅkalpanimittatvācca rāgādīnām {siddhānta-sūtra}

(iti nyāyasūtre caturthādhyāyasya prathamam āhnikam)

(dvitīyam āhnikam) [tattvajñānotpattiprakaraṇam(1-3)] 4.2.1: doṣanimittānāṃ tattvajñānādahaṅkāranivṛttiḥ {siddhānta-sūtra} 4.2.2: doṣanimittaṃ rūpādayo viṣayaḥ saṅkalpakṛtāḥ {siddhānta-sūtra} 4.2.3: tannimittaṃ tvavayavyabhimānaḥ {siddhānta-sūtra}

[prāsaṅgikam avayaviprakaraṇam(4-17)] 4.2.4: vidyāvidyādvaividhyāt saṃśayaḥ {pūrvapakṣa-sūtra} 4.2.5: tadasaṃśayaḥ, pūrvahetuprasiddhatvāt {siddhānta-sūtra} 4.2.6: vṛttyanupapatterapi tarhi na saṃśayaḥ {pūrvapakṣa-sūtra} 4.2.7: kṛtsnaikadeśāvṛttitvādavayavānāmavayavyabhāvaḥ {pūrvapakṣa-sūtra} 4.2.8: teṣu cāvṛtteravayavyabhāvaḥ {pūrvapakṣa-sūtra} 4.2.9: pṛthak cāvayavebhyo 'vṛtteḥ {siddhānta-sūtra} 4.2.10: na cāvayavyavayavāḥ {pūrvapakṣa-sūtra} 4.2.11: ekasmin bhedābhāvād bhedaśabdaprayogānupapatterapraśnaḥ {siddhānta-sūtra} 4.2.12: avayavāntarabhāve 'pyavṛtterahetuḥ {siddhānta-sūtra} 4.2.13: keśasamūhe taimirikopalabdhivat tadupalabdhiḥ {pūrvapakṣa-sūtra} 4.2.14: svaviṣayānatikrameṇendriyasya paṭumandabhāvādviṣayagrahaṇasya tathābhābo nāviṣaye pravṛttiḥ {siddhānta-sūtra} 4.2.15: avayavāvayaviprasaṅgaścaivamāpralayāt {siddhānta-sūtra} 4.2.16: na pralayo 'ṇusadbhāvāt {siddhānta-sūtra} 4.2.17: paraṃ vā truṭeḥ {siddhānta-sūtra}

[aupodghātikaṃ niravayavaprakaraṇam(18-25)] 4.2.18: ākāśavyatibhedāt tadanupapattiḥ {siddhānta-sūtra} 4.2.19: ākāśāsarvagatatvaṃ vā {pūrvapakṣa-sūtra} 4.2.20: antarbahiśca kāryadravyasya kāraṇāntaravacanādakārye tadabhāvaḥ {siddhānta-sūtra} 4.2.21: śabdasaṃyogavibhāvācca sarvagatam {siddhānta-sūtra} 4.2.22: avyūhāviṣṭambhavibhutvāni cākāśadharmāḥ {siddhānta-sūtra} 4.2.23: mūrtimatāṃ ca saṃsthānopapatteravayavasadbhāvaḥ {pūrvapakṣa-sūtra} 4.2.24: saṃyogopapatteśca {pūrvapakṣa-sūtra} 4.2.25: anavasthākāritvādanavasthānupapatteścāpratiṣedhaḥ {siddhānta-sūtra}

[bāhyārthabhaṅganirākaraṇaprakaraṇam(26-37)] 4.2.26: buddhyā vivecanāttu bhāvānāṃ yāthātmyānupalabdhistantvapakarṣaṇe paṭasadbhāvānupalabdhivat tadanupalabdhiḥ {pūrvapakṣa-sūtra} 4.2.27: vyāhatatvādahetuḥ {siddhānta-sūtra} 4.2.28: tadāśrayatvādapṛthaggrahaṇam {siddhānta-sūtra} 4.2.29: pramāṇataścārthapratipatteḥ {siddhānta-sūtra} 4.2.30: pramāṇānupapattyupapattibhyām {siddhānta-sūtra} 4.2.31: svapnaviṣayābhimānavadayaṃ pramāṇaprameyābhimānaḥ {pūrvapakṣa-sūtra} 4.2.32: māyāgandharvanagaramṛgatṛṣṇikāvadvā {pūrvapakṣa-sūtra} 4.2.33: hetvabhāvādasiddhiḥ {siddhānta-sūtra} 4.2.34: smṛtisaṃkalpavacca svapnaviṣayābhimānaḥ {siddhānta-sūtra} 4.2.35: mithyopalabdhervināśastattvajñānātsvapnaviṣayābhimānapraṇāśavat pratibodhe {siddhānta-sūtra} 4.2.36: buddheścaivaṃ nimittasadbhāvopalambhāt {siddhānta-sūtra} 4.2.37: tattvapradhānabhedācca mithyābuddherdvaividhyopapattiḥ {siddhānta-sūtra}

[tattvajñānavivṛddhiprakaraṇam(38-49)] 4.2.38: samādhiviśeṣābhyāsāt {siddhānta-sūtra} 4.2.39: na, arthaviśeṣaprāvalyāt {pūrvapakṣa-sūtra} 4.2.40: kṣudādibhiḥ pravartanācca {pūrvapakṣa-sūtra} 4.2.41: pūrvakṛtaphalānubandhāt tadutpattiḥ {siddhānta-sūtra} 4.2.42: araṇyaguhāpulinādiṣu yogābhyāsopadeśaḥ {siddhānta-sūtra} 4.2.43: apavarge 'pyevaṃ prasaṅgaḥ {pūrvapakṣa-sūtra} 4.2.44: na, niṣpannāvaśyambhāvitvāt {siddhānta-sūtra} 4.2.45: tadabhāvaścāpavarge {siddhānta-sūtra} 4.2.46: tadarthaṃ yamaniyamābhyāsātmasaṃskāro yogāccādhyātmavidhyupāyaiḥ {siddhānta-sūtra} 4.2.47: jñānagrahaṇābhyāsastadvidyaiśca saha saṃvādaḥ {siddhānta-sūtra} 4.2.48: taṃ śiṣyagurusabrahmacāriviśiṣṭaśreyo 'rthibhiranasūyibhirabhyupeyāt {siddhānta-sūtra} 4.2.49: pratipakṣahīnam api vā prayojanārthamarthitve

[tattvajñānaparipālanaprakaraṇam(50-51)] 4.2.50: tattvādhyavasāyasaṃrakṣaṇārthaṃ jalpavitaṇḍe, bījaprarohasaṃrakṣṇārthaṃ kaṇṭakaśākhāvaraṇavat {siddhānta-sūtra} 4.2.51: tābhyāṃ vigṛhyakathanam {siddhānta-sūtra}

(iti nyāyasūtre caturthādhyāyasya dvitīyam āhnikam)

(samāptaśca caturthaḥ adhyāyaḥ)

(atha pañcamaḥ adhyāyaḥ) (prathamam āhnikam) [satpratipakṣadeśanābhāsaprakarṇam(1-3)] 5.1.1: sādharmyavaidharmyotkarṣāpakarṣavarṇyāvarṇyavikalpasādhyaprāpty aprāptipraṣaṅgapratidṛṛṣṭāntānutpattisaṃśayaprakaraṇahetvarthā pattyaviśeṣopapattyupalabdhyanupalabdhinityānityakaāryasamāḥ {siddhānta-sūtra} 5.1.2: sādharmyavaidharmyābhyāmupasaṃhāre taddharmaviparyayopapatteḥ sādharmyavaidharmyasamau {siddhānta-sūtra} 5.1.3: gotvād gosiddhivat tatsiddhiḥ {siddhānta-sūtra}

utkarṣasamādijātiṣaṭkaprakaraṇam(4-6)ṭa 5.1.4: sādhyadṛṣṭāntayordharmavikalpādubhayasādhyatvāccotkarṣāpakarṣa varṇyavikalpasādhyasamāḥ {siddhānta-sūtra} 5.1.5: kiñcitsādharmyādupasaṃhārasiddhervaidharmyādapratiṣedhaḥ {siddhānta-sūtra} 5.1.6: sādhyātideśācca dṛṣṭāntopaptteḥ {siddhānta-sūtra}

[prāptyaprāptisamajātidvayaprakaraṇam(7-8)] 5.1.7: prāpya sādhyamaprāpya vā hetoḥ prāptyāviśiṣṭatvādaprāptyāsādhāka tvācca prāptyaprāptisamau {siddhānta-sūtra} 5.1.8: ghaṭādiniṣpattidarśanāt pīḍane cābhicārādapratiṣedhaḥ {siddhānta-sūtra}

[prasaṅgapratidṛṣṭāntasamaprakaraṇam(9-11)] 5.1.9: dṛṣṭāntasya kāraṇānapadeśāt pratyavasthānācca pratidṛṣṭāntena prasaṅgapratidṛṣṭāntasamau {siddhānta-sūtra} 5.1.10: pradīpopādānaprasaṅganivṛttivat tadvinivṛttiḥ {siddhānta-sūtra} 5.1.11: pratidṛṣṭāntahetutve ca nāheturdṛṣṭāntaḥ {siddhānta-sūtra}

[anutpattisamaprakaraṇam(12-13)] 5.1.12: prāgutpatteḥ kāraṇābhāvādanutpattisamaḥ {siddhānta-sūtra} 5.1.13: tathābhāvādutpannasya kāraṇopapatterna kāraṇapratiṣedhaḥ {siddhānta-sūtra}

[saṃśayasamaprakaraṇam(14-15)] 5.1.14: sāmānyadṛṣṭāntayoraindriyakatve samāne nityānityasādharmyāt saṃśayasamaḥ {siddhānta-sūtra} 5.1.15: sādharmyātsaṃśaye na saṃśayo vaidharmyādubhayathā vā saṃśaye 'tyanta saṃśayaprasaṅgo nityatvānabhyūpagamācca sāmānyasyāpratiṣedhaḥ {siddhānta-sūtra}

[prakaraṇasamaprakaraṇam(16-17)] 5.1.16: ubhayasādharmyāt prakriyāsiddheḥ prakaraṇasamaḥ {siddhānta-sūtra} 5.1.17: pratipakṣāt prakaraṇasiddheḥ pratiṣedhānupapattiḥ pratipakṣopapatteḥ {siddhānta-sūtra}

[ahetusamaprakaraṇam(18-20)] 5.1.18: traikālyāsiddherhetorahetusamaḥ {siddhānta-sūtra} 5.1.19: na hetutaḥ sādhyasiddhestraikālyāssiddhiḥ {siddhānta-sūtra} 5.1.20: pratiṣedhānupapatteśca pratiṣeddhavyāpratiṣedhaḥ {siddhānta-sūtra}

[arthāpattisamaprakaraṇam(21-22)] 5.1.21: arthāpattitaḥ pratipakṣasiddherarthāpattisamaḥ {siddhānta-sūtra} 5.1.22: anuktasyārthāpatteḥ pakṣahānerupapattiranuktatvādanaikāntikatvāc cārthāpatteḥ {siddhānta-sūtra}

[aviśeṣasamaprakaraṇam(23-24)] 5.1.23: ekadharmopapatteraviśeṣe sarvāviśeṣaprasaṅgātsadbhābopapatter- aviśeṣasamaḥ {siddhānta-sūtra} 5.1.24: kvaciddharmānupapatteḥ kvaciccopapatteḥ pratiṣedhābhāvaḥ {siddhānta-sūtra}

[uapapattisamaprakaraṇam(25-26)] 5.1.25: ubhayokāraṇopapatterupapattisamaḥ {siddhānta-sūtra} 5.1.26: uapapattikāraṇābhyaniñjānādapratiṣedhaḥ {siddhānta-sūtra}

[upalabdhisamaprakaraṇam(27-28)] 5.1.27: nirdiṣṭakāraṇābhāve 'pyupalambhādupalabdhisamaḥ {siddhānta-sūtra} 5.1.28: kāraṇāntarādapi taddharmopapatterapratiṣedhaḥ {siddhānta-sūtra}

[anupalabdhisamaprakaraṇam(29-31)] 5.1.29: tadanupalabdheranupalambhādabhāvasiddhau tadviparītopapatter anupalabdhisamaḥ {siddhānta-sūtra} 5.1.30: anupalambhātmakatvādanupalabdherahetuḥ {siddhānta-sūtra} 5.1.31: jñānavikalpānāṃ ca bhāvābhāvasaṃvedanādadhyātmam {siddhānta-sūtra}

[anityasamaprakaraṇam(32-34) 5.1.32: sādharmyāttulyadharmopapatteḥ sarvānityatvaprasaṅgādanityasamaḥ {siddhānta-sūtra} 5.1.33: sādharmyādasiddheḥ pratiṣedhāsiddhiḥ pratiṣedhyasādharmyācca {siddhānta-sūtra} 5.1.34: dṛṣṭānte ca sādhyasādhanabhāvena prajñātasya dharmasya tasysa cobhayathā bhāvānnāviśeṣaḥ {siddhānta-sūtra}

[anityasamaprakaraṇam(35-36)] 5.1.35: nityamanityabhāvādanitye nityatvopapatternityasamaḥ {siddhānta-sūtra} 5.1.36: pratiṣedhye nityamanityabhāvādanitye 'nityatvopapatteḥ pratiṣedhābhāvaḥ {siddhānta-sūtra}

[kāryasamaprakaraṇam(37-38)] 5.1.37: prayatnakāryānekatvāt kāryasamaḥ {siddhānta-sūtra} 5.1.38: kāryānyatve prayatnāhetutvamanupalabdhikāraṇopapatteḥ {siddhānta-sūtra}

[ṣaṭpakṣīprakaraṇam(39-40)] 5.1.39: pratiṣedhe 'pi samānadoṣaḥ {siddhānta-sūtra} 5.1.40: sarvatraivam {siddhānta-sūtra} 5.1.41: pratiṣedhavipratiṣedhe pratiṣedhadoṣavad doṣaḥ {siddhānta-sūtra} 5.1.42: pratiṣedhaṃ sadoṣamabhyupetya pratiṣedhavipratiṣedhe samāno doṣaprasaṅgo matānujñā {siddhānta-sūtra} 5.1.43: svapakṣalakṣanāpekṣopapattyupasaṃhāre hetunirdeśe parapakṣadoṣā bhyupagamāt samāno doṣa iti {siddhānta-sūtra}

(iti nyāyasūtre pañcamādhyāyasya prathamam āhnikam)

(dvitīyam āhnikam)

5.2.1: pratijñāhāniḥ pratijñāntaraṃ pratijñāvirodhaḥ pratijñāsannyāso hetvantaram arthāntaraṃ nirarthakam avijñātārtham apārthakam aprāpta kālaṃ nyūnam adhikaṃ punaruktam ananubhāṣaṇam ajñānam apratibhā vikṣepo matānujñā paryanuyojyopekṣaṇaṃ niranuyojyānuyogo 'pasiddhānto hetvā bhāsāśca nigrahasthānāni {nigrahasthāna-uddeśa-sūtram}

[nigrahasthānapañcakaprakaraṇam(2-6)] 5.2.2: pratidṛṣṭāntadharmābhyanujñā svadṛṣṭānte pratijñāhāniḥ {pratijñāhāniḥ lakṣaṇa-sūtram} 5.2.3: pratijñātārthapratiṣedhadharmavikalpāt tadarthanirdeśaḥ pratijñāntara. {pratijñāntara-lakṣaṇa-sūtram} 5.2.4: pratijñāhetvorvirodhaḥ pratijñāvirodhaḥ {pratijñāvirodhaḥ lakṣaṇa-sūtram} 5.2.5: pakṣapratiṣedhe pratijñātārthāpanayanaṃ pratijñāsannyāsaḥ {pratijñāsannyāsaḥ lakṣaṇa-sūtram} 5.2.6: aviśeṣokte hetau pratiṣiddhe viśeṣamicchato hetvantaram {hetvantaram lakṣaṇa-sūtram}

[nigrahasthānacatuṣkaprakaraṇam(7-10)] 5.2.7: prakṛtādarthādapratisambddhārthamarthāntaram {arthāntaram lakṣaṇa-sūtram} 5.2.8: varṇakramanirdeśavannirarthakam {nirarthakam lakṣaṇa-sūtram} 5.2.9: pariṣatprativādibhyāṃ trirabhihitamapyavijñātamavijñātārtham {avijñātārtham lakṣaṇa-sūtram} 5.2.10: paurvāparyāyogādapratisambaddhārthamapārthakam {apārthakam lakṣaṇa-sūtram}

[nigrahasthānatrikaprakaraṇam(11-13)] 5.2.11: avayavaviparyāsavacanamaprāptakālam {aprāptakālam lakṣaṇa-sūtram} 5.2.12: hīnamanyatamenāpyavayavena nyūnam {nyūnam lakṣaṇa-sūtram} 5.2.13: hetūdāharaṇādhikam adhikam {adhikam lakṣaṇa-sūtram}

[punaruktinigrahasthānaprakaraṇam(14-16)] 5.2.14: śabdārthayoḥ punarvacanaṃ punaruktam anyatra anuvādāt {punaruktam lakṣaṇa-sūtram} 5.2.15: anuvāde tu apunaruktaṃ śabdābhyāsāt arthaviśeṣopapatteḥ {punaruktam lakṣaṇāpavādasūtram} 5.2.16: arthāt āpannasya svaśabdena punarvacanam {punaruktam lakṣaṇāpavādasūtram}

[uttaravirodhinigrahasthānacatuṣkaprakaraṇam(17-20)] 5.2.17: vijñātasya pariṣadā triḥ abhihitasya api apratyuccāraṇam ananubhāṣaṇam {ananubhāṣaṇam lakṣaṇa-sūtram} 5.2.18: avijñātam ca ajñānam {ajñānam lakṣaṇa-sūtram} 5.2.19: uttarasya apratipattiḥ apratibhā {apratibhā lakṣaṇa-sūtram} 5.2.20: kāryavyāsaṅgāt kathāvicchedaḥ vikṣepaḥ {vikṣepaḥ lakṣaṇa-sūtram}

[matānujñādinigrahasthānatrikaprakaraṇam(21-23)] 5.2.21: svapakṣe doṣābhyupagamāt parapakṣe doṣaprasaṅgaḥ matānujñā {matānujñā lakṣaṇa-sūtram} 5.2.22: nigrahasthānaprāptasya anigrahaḥ paryanuyojyopekṣaṇam {paryanuyojyopekṣaṇam lakṣaṇa-sūtram} 5.2.23: anigrahasthāne nigrahasthānābhiyogaḥ niranuyojyānuyogaḥ {niranuyojyānuyoga lakṣaṇa-sūtram}

[kathakānyoktinirūpyanigrahasthānadvayaprakaraṇam(24-25)] 5.2.24: siddhāntam abhyupetya aniyamāt kathāprasaṅgaḥ apasiddhāntaḥ {apasiddhānta lakṣaṇa-sūtram} 5.2.25: hetvābhāsāḥ ca yathoktāḥ {hetvābhāsa nirūpaṇam}

(iti nyāyasūtre pañcamādhyāyasya dvitīyam āhnikam) (samāptaścāyam pañcamādhyāyaḥ) nyāyadarśanaṃ samāptam