astināstivyatikrāntā buddhir yeṣāṃ nirāśrayā |
gambhīras tair nirālambaḥ pratyayārtho vibhāvyate || NagYsk_01

...

saṃsāraṃ caiva nirvāṇaṃ manyante 'tattvadarśinaḥ |
na saṃsāraṃ na nirvāṇaṃ manyante tattvadarśinaḥ || NagYsk_05
nirvāṇaṃ ca bhavaś caiva dvayam etan na vidyate |
parajñānaṃ bhavasyaiva nirvāṇam iti kathyate || NagYsk_06

...

tat tat prāpya yad utpannaṃ notpannaṃ tat svabhāvataḥ |
svabhāvena yan notpannam utpannaṃ nāma tat katham || NagYsk_19

...

sarvam astīti vaktavyam ādau tattvagaveṣiṇaḥ |
paścād avagatārthasya niḥsaṅgasya viviktatā || NagYsk_30

...

mamety aham iti proktaṃ yathā kāryavaśāj jinaiḥ |
tathā kāryavaśāt proktāḥ skandhāyatanadhātavaḥ || NagYsk_33
mahābhūtādi vijñāne proktaṃ samavarudhyate |
tajjñāne vagamaṃ yāti nanu mithyā vikalpitam || NagYsk_34

...

hetutaḥ saṃbhavo yasya sthitir na pratyayair vinā |
vigamaḥ pratyayābhāvāt so 'stīty avagataḥ katham || NagYsk_39

...

rāgadveṣodbhavas tīvraduṣṭadṛṣṭiparigrahaḥ |
vivādās tatsamutthāś ca bhāvābhyupagame sati || NagYsk_46
sa hetuḥ sarvadṛṣṭīnāṃ kleśotpattir na taṃ vinā |
tasmāt tasmin parijñāte dṛṣṭikleśaparikṣayaḥ || NagYsk_47
parijñā tasya keneti pratītyotpādadarśanāt |
pratītya jātaṃ cājātam āha tattvavidāṃ varaḥ || NagYsk_48

...

bālāḥ sajjanti rūpeṣu vairāgyaṃ yānti madhyamāḥ |
svabhāvajñā vimucyante rūpasyottamabuddhayaḥ || NagYsk_55

%%%%%%%%%%%%%%%%%%%%%%%%%%%%%%%%%%%%%%%%%%%%%%

Copyright (C) 2003 by Chr. Lindtner - Denmark

%%%%%%%%%%%%%%%%%%%%%%%%%%%%%%%%%%%%%%%%%%%%%%

This e-text was provided to GRETIL in good faith that no copyright rights have been infringed. If anyone wishes to assert copyright over this file, please contact the GRETIL management at
gretil(at)sub(dot)uni-goettingen(dot)de. The file will be immediately removed pending resolution of the claim.

Distributed under a Creative Commons Attribution-NonCommercial-ShareAlike 4.0 International License.
Notizen
Distributed under a Creative Commons Attribution-NonCommercial-ShareAlike 4.0 International License (https://creativecommons.org/licenses/by-nc-sa/4.0/)
Rechtsinhaber*in
Göttingen Register of Electronic Texts in Indian Languages (GRETIL), SUB Göttingen
Zitationsvorschlag für dieses Objekt
TextGrid Repository (2022). 1_sanskr. tei. sa_nAgArjuna-yuktiSaSTikakArikA-fragments. GRETIL. Göttingen Register of Electronic Texts in Indian Languages (GRETIL), SUB Göttingen. https://hdl.handle.net/21.T11991/0000-001C-938B-F