• GRETIL
• 1_sanskr
• tei
• transformations
• plaintext
• sa_dharmakIrti-nyAyabindu

          Dharmakīrti: Nyāyabindu


# Header

  This file is a plain text transformation of http://gretil.sub.uni-goettingen.de/gretil/corpustei/sa_dharmakIrti-nyAyabindu.xml
  with a rudimentary header. For a more extensive header please refer to the source file.

## Data entry: Motoi Ono
## Contribution: Motoi Ono
## Date of this version: 2020-07-31

## Source: 
   - D. MALVANIA, acarya-Dharmakirti-krta-Nyayabindor acarya-Dharmottara-krta-tikaya anutikaruupah pandita-Durvekamisra-krto Dharmottarapradipah. Patna (2)1971. 

## Publisher: Göttingen Register of Electronic Texts in Indian Languages (GRETIL), SUB Göttingen

## Licence:
   This e-text was provided to GRETIL in good faith that no copyright rights have been infringed. If anyone wishes to assert copyright over this file, please contact the GRETIL management at gretil(at)sub(dot)uni-goettingen(dot)de. The file will be immediately removed pending resolution of the claim.
   Distributed under a Creative Commons Attribution-NonCommercial-ShareAlike 4.0 International License.

## Structure of references:
   A reference is assembled consisting of
   - a pragmatic abbreviation of the title: Nyāyabindu = ,
   - the number of the  in arabic numerals,
   - the number of the verse in arabic numerals.

## Notes:
   This file has been created by mass conversion of GRETIL's Sanskrit corpus from dhknyayu.htm. Due to the heterogeneity of the sources the header markup might be suboptimal. For the sake of transparency the header of the legacy file is documented in the note element below:

   
	 DHARMAKIRTI: NYAYABINDU
Input by Motoi Ono
on the basis of: D. MALVANIA, acarya-Dharmakirti-krta-Nyayabindor
acarya-Dharmottara-krta-tikaya anutikaruupah pandita-Durvekamisra-krto
Dharmottarapradipah. Patna (2)1971.
	


## Revisions:
   - 2020-07-31: TEI encoding by mass conversion of GRETIL's Sanskrit corpus


# Text

explanatory remarks

 a number of five figures at the left side indicates the location of the key word in the basic texts. in the case of the sv, the hb and the vn, the first three figures indicate the page number, and the last two indicate the line number (for example, sv16026=sv 160,26; hb02314=hb 23,14; vn06110=vn 61,10). in the case of the pv and the nb, the second figure indicates the chapter number and the last three figures indicate the karika or sutra number (for example, pv02232=pv, the pramanasiddhi-chapter v.232; nb03015=nb, the pararthanumana-chapter sutra 15. in the case of the sp, the last two figures indicate the karika number (for example, sp00015=sp, v.15).

3. in this database, sentences are artificially divided into word-units, although they involve a phonetic fusion or union in the basic texts. further, compound words are divided into their shortest constitutive elements (we use a hyphen to indicate that hyphenated elements originally form a compound word) with the following exceptions:

3.1. the prefixes a-, dur-, nih- remain undivided, irrespective of attachment to words or compound words.

3.2. suffixes making an adverb, for example -vat, -vasa, are divided. but suffixes making a possessive adjective, for example -vat, -mat, remain undivided, and terms such as a numeral+ -dha/-vidha/-prakara remain also undivided.

3.3. compound words with the suffixes -ta/-tva or -bhava/-bhuta fundamentally remain undivided. for example: karyakaranabhava/-bhuta/-ta.

3.4. compound words with evam-, tat-, tatha-, para-, yatha-, su-, sva- in the wordhead fundamentally remain undivided. for example: evamjatiya, tadutpatti, tathakrta, paratantra, yathartha, yathasvam, sujnanatva, svabhava.

3.5. some compound words which are regarded as terminology remain also undivided. for example: agnihotra, ayogavyavaccheda, arthapatti, padartha, paramartha, prasajyapratisedha, viruddhavyabhicarin, samanantarapratyaya, samtanaparinama, samanyalaksana, svabhavapratibandha.

4. those terms whose wordhead is subject to the sandhi rules (for example, -d dhetu-) are cited in their original form (for example, -d *hetu-) for the sake of using this database to make an kwic index.

1. august. 1997 / tsukuba motoi ono

note: this database is quite a tentative one, and i must admit that there are a lot of errors and defects in this version. i would appreciate it very much if the user would point out any errors in this version so that we can make a better new version in the future.

 e-mail: ono@logos.tsukuba.ac.jp

01001 samyag-jñāna-pūrvikā sarva-puruṣa-artha-siddhir iti tad vyutpādyate. 01002 dvividhaṃ samyag-jñānam. 01003 pratyakṣam anumānaṃ ca iti. 01004 tatra pratyakṣaṃ kalpanā apoḍham abhrāntam. 01005 abhilāpa-saṃsarga-yogya-pratibhāsā pratītiḥ kalpanā. 01006 tayā rahitaṃ timira-āśubhramaṇa-nauyāna-saṃkṣobha-ādy-anāhita-vibhramaṃ jñānaṃ pratyakṣam. 01007 tat caturvidham. 01008 indriya-jñānam. 01009 sva-viṣaya-anantara-viṣaya-sahakāriṇā indriya-jñānena samanantarapratyayena janitaṃ tan manovijñānam. 01010 sarva-citta-caittānām ātma-saṃvedanam. 01011 bhūta-artha-bhāvanā-prakarṣa-paryantajaṃ yogijñānaṃ ca iti. 01012 tasya viṣayaḥ svalakṣaṇam. 01013 yasya arthasya saṃnidhāna-asaṃnidhānābhyāṃ jñāna-pratibhāsa-bhedas tat svalakṣaṇam. 01014 tad eva paramārthasat. 01015 arthakriyāsāmarthya-lakṣaṇatvād vastunaḥ. 01016 anyat sāmānyalakṣaṇam. 01017 so anumānasya viṣayaḥ. 01018 tad eva ca pratyakṣaṃ jñānaṃ pramāṇa-phalam. 01019 artha-pratīti-rūpatvāt. 01020 artha-sārūpyam asya pramāṇam. 01021 tad-vaśād artha-pratīti-siddher iti. 02001 anumānaṃ dvividhā. 02002 svārthaṃ parārthaṃ ca. 02003 tatra svārthaṃ trirūpāl liṅgād yad anumeye jñānaṃ tad anumānam. 02004 pramāṇa-phala-vyavasthā atra api pratyakṣa-vat. 02005 trairūpyaṃ punar liṅgasya anumeye sattvam eva, sapakṣa eva sattvam, asapakṣe ca asattvam eva niścitam. 02006 anumeyo atra jijñāṣita-viśeṣo dharmī. 02007 sādhya-dharma-sāmānyena samāno arthaḥ sapakṣaḥ. 02008 na sapakṣo asapakṣaḥ. 02009 tato anyas tad-viruddhas tad-abhāvaś ca iti. 02010 trirūpāṇi ca trīṇy eva liṅgāni. 02011 anupalabdhiḥ svabhāvaḥ kāryaṃ ca iti. 02012 tatra anupalabdhir yathā, na pradeśa-viśeṣe kvacid ghaṭaḥ, upalabdhi-lakṣaṇa-prāptasya anupalabdher iti 02013 upalabdhi-lakṣaṇa-prāptir upalambha-pratyaya-antara-sākalyaṃ svabhāva-viśeṣaś ca. 02014 yaḥ svabhāvaḥ satsv anyeṣu upalambha-pratyayeṣu san pratyakṣa eva bhavati sa svabhāva-viśeṣaḥ. 02015 svabhāvaḥ sva-sattā-mātra-bhāvini sādhya-dharme hetuḥ. 02016 yathā vṛkṣo ayaṃ śiṃśapātvād iti. 02017 kāryaṃ yathā vahnir atra dhūmād iti. 02018 atra dvau vastu-sādhanau. ekaḥ pratiṣedha-hetuḥ 02019 svabhāvapratibandhe hi saty artho arthaṃ gamayet. 02020 tad-apratibaddhasya tad-avyabhicāra-niyama-abhāvāt. 02021 sa ca pratibandhaḥ sādhye arthe liṅgasya. 02022 vastutas tādātmyāt tadutpatteś ca. 02023 atad-svabhāvasya atadutpatteś ca tatra apratibaddha-svabhāvatvāt. 02024 te ca tādātmya-tadupattī svabhāva-kāryayor eva iti tābhyām eva vastu-siddhiḥ. 02025 pratiṣedha-siddhir api yathoktāyā eva anupalabdheḥ. 02026 sati vastuni tasyā asambhavāt. 02027 anyathā ca anupalabdhi-lakṣaṇa-prāpteṣu deśa-kāla-svabhāva-viprakṛṣṭeṣv artheṣv ātma-pratyakṣa-nivṛtter abhāva-niścaya-abhāvāt. 02028 amūḍha-smṛti-saṃskārasya atītasya vartamānasya ca pratipattṛ-pratyakṣasya nivṛttir abhāva-vyavahāra-pravartanī. 02029 tasyā eva abhāva-niścayāt. 02030 sā ca prayoga-bhedād ekadaśa-prakārā. 02031 svabhāva-anupalabdhir yathā, na atra dhūma upalabdhi-lakṣaṇa-prāptasya anupalabdhir iti. 02032 kārya-anupalabdhir yathā, na iha apratibaddha-sāmarthyāni dhūma-kāraṇāni santi dhūma-abhāvād iti. 02033 vyāpaka-anupalabdhir yathā, na atra śiṃśapā, vṛkṣa-abhāvād iti. 02034 svabhāva-viruddha-upalabdhir yathā, na atra śīta-sparśo vahner iti. 02035 viruddha-kārya-upalabdhir yathā, na atra śīta-sparśo dhūmād iti. 02036 viruddha-vyāpta-upalabdhir yathā, na dhūma-bhāvī bhūtasya api bhāvasya vināśaḥ, hetv-antara-apekṣaṇād iti. 02037 kārya-viruddha-upalabdhir yathā, na iha apratibaddha-sāmarthyāni śīta-kāraṇāni santi, vahner iti. 02038 vyāpaka-viruddha-upalabdhir yathā, na atra tuṣāra-sparśo vahner iti. 02039 kāraṇa-anupalabdhir yathā, na atra dhūmo vahny-abhāvād iti. 02040 kāraṇa-viruddha-upalabdhir yathā, na asya roma-harṣa-ādi-viśeṣāḥ, saṃnihita-dahana-viśeṣatvād iti. 02041 kāraṇa-viruddha-kārya-upalabdhir yathā, na roma-harṣa-ādi-viśeṣa-yukta-puruṣavān ayaṃ pradeśaḥ, dhūmād iti. 02042 ime sarve kārya-anupalabdhy-ādayo daśa-anupalabdhi-prayogāḥ svabhāva-anupalabdhau saṃgraham upayānti. 02043 pāraṃparyeṇa arthāntara-vidhi-pratiṣedhāyāṃ prayoga-bhede api. 02044 prayoga-darśana-abhyāsāt svayam apy evaṃ vyavaccheda-pratītir bhavati iti svārthe apy anumāne asyāḥ prayoga-nirdeśaḥ. 02045 sarvatra ca asyām abhāva-vyavahāra-sādhanyām anupalabdhau yeṣāṃ svabhāva-viruddha-ādīnām upalabdhyā kāraṇa-ādīnām anupalabdhyā ca pratiṣedha uktas teṣām upalabdhi-lakṣaṇa-prāptānām. 02045 eva upalabdhir anupalabdhiś ca veditavyā. 02046 anyeṣāṃ virodha-kāryakāraṇabhāva-siddheḥ. 02047 pramāṇa-nivṛttav apy artha-abhāva-asiddher iti. 03001 trirūpa-liṅga-ākhyānaṃ parārtham anumānam. 03002 kāraṇe kārya-upacārāt. 03003 tad dvividham. 03004 prayoga-bhedāt. 03005 sādharmya-vaidharmya-vacana iti. 03006 na anayor arthataḥ kaścid bhedaḥ. 03007 anyatra prayoga-bhedāt. 03008 tatra sādharmyavat prayogaḥ: yad upalabdhi-lakṣaṇa-prāptaṃ sann na upalabhyate so asad-vyavahāra-viṣayaḥ siddhaḥ, yathā anyaḥ kaścid dṛṣṭaḥ śaśa-viṣāṇa-ādiḥ. na upalabhyate ca kaścit pradeśa-viśeṣa upalabdhi-lakṣaṇa-prāpto ghaṭa ity anupalabdhi-prayogaḥ. 03009 tathā svabhāvahetoḥ prayogaḥ: yat sat tat sarvam anityam, yathā ghaṭa-ādir iti śuddhasya svabhāvahetoḥ prayogaḥ. 03010 yad utpattimat tad anityam iti svabhāvabhūta-dharma-bhedena svabhāvasya prayogaḥ. 03011 yat kṛtakaṃ tad anityam ity upādhi-bhedena. 03012 apekṣita-para-vyāpāro hi bhāvaḥ svabhāva-niṣpattau kṛtaka iti. 03013 evaṃ pratyaya-bhedabheditva-ādayo api draṣṭavyāḥ. 03014 sann utpattimān kṛtako vā śabda iti pakṣa-dharma-upadarśanam. 03015 sarva ete sādhana-dharmā yathāsvaṃ pramāṇaiḥ. siddha-sādhana-dharma-mātra-anubandha eva sādhya-dharmo avagantavyāḥ. 03016 tasya eva tat. 03017 svabhāvasya ca hetutvāt. 03018 vastutas tayos tādātmyam. 03019 tan-niṣpattāv aniṣpannasya tat-svabhāvatva-abhāvāt. 03020 vyabhicāra-sambhavāc ca. 03021 kāryahetoḥ prayogaḥ: yatra dhūmas tatra agniḥ, yathā mahānasa-ādau. asti ca iha dhūma iti. 03022 iha api siddha eva kāryakāraṇabhāve kāraṇe sādhye kāryahetur vaktavyaḥ. 03023 vaidharmyavataḥ prayogaḥ: yat sad upalabdhi-lakṣaṇa-prāptaṃ tad upalabhyata eva, yathā nīla-ādi-viśeṣaḥ. na ca evam iha upalabdhi-lakṣaṇa-prāptasya sata upalabdhir ghaṭasya ity anupalabdhi-prayogaḥ. 03024 asaty anityatve na asty eva sattvam utpattimattvaṃ kṛtakatvaṃ vā. saṃś ca śabda utpattimān kṛtako vā iti svabhāvahetoḥ prayogaḥ. 03025 asaty agnau na bhavaty eva dhūmaḥ. atra ca asti dhūma iti kāryahetoḥ prayogaḥ. 03026 sādharmyeṇa api hi prayoge arthād vaidharmya-gatir iti. 03027 asati tasmin sādhyena hetor anvaya-abhāvāt. 03028 tathā vaidharmyeṇa apy anvaya-gatiḥ. 03029 asati tasmin sādhya-abhāve hetv-abhāvasya asiddheḥ. 03030 na hi svabhāvapratibandhe asaty ekasya nivṛttav aparasya niyamena nivṛttiḥ. 03031 sa ca dviprakāraḥ sarvasya. tādātmya-lakṣaṇas tadutpatti-lakṣaṇaś ca ity uktam. 03032 tena hi nivṛttiṃ kathayatā pratibandho darśanīyaḥ. tasmāt nivṛtti-vacanam ākṣipta-pratibandha-upadarśanam eva bhavati. yac ca pratibandha-upadarśanaṃ tad eva anvaya-vacanam ity ekena api vākyena anvaya-mukhena vyatireka-mukhena vā prayuktena sapakṣa-asapakṣayor liṅgasya sadasattva-khyāpanaṃ kṛtaṃ bhavati iti na avaśyaṃ vākya-dvaya-prayogaḥ. 03033 anupalabdhāv api: yat sad upalabdhi-lakṣaṇa-prāptaṃ tad upalabhyata eva ity ukte, anupalabhyamānaṃ tādṛśam asad iti pratīter anvaya-siddheḥ. 03034 dvayor apy anayoḥ prayogayor na avaśyaṃ pakṣa-nirdeśaḥ. 03035 yasmāt sādharmyavat-prayoge api yad upalabdhi-lakṣaṇa-prāptaṃ san na upalabhyate so asad-vyavahāra-viṣayaḥ. na upalabhyate ca atra upalabdhi-lakṣaṇa-prāpto ghaṭa ity ukte sāmarthyād eva na iha ghaṭa iti bhavati. 03036 tathā vaidharmyavat-prayoge api: yaḥ sad-vyavahāra-viṣaya upalabdhi-lakṣaṇa-prāptaḥ, sa upalabhyata eva. na tathā atra tādṛśo ghaṭa upalabhyata ity ukte sāmarthyād eva na iha sad-vyavahāra-viṣaya iti bhavati. 03037 kīdṛśaḥ punaḥ pakṣa iti nirdeśyaḥ. 03038 svarūpeṇa eva svayam iṣṭo anirākṛtaḥ pakṣa iti. 03039 svarūpeṇa iti sādhyatvena iṣṭaḥ. 03040 svarūpeṇa eva iti sādhyatvena eva iṣṭo na sādhanatvena api. 03041 yathā śabdasya anityatve sādhye cākṣuṣatvaṃ hetuḥ, śabde asiddhatvāt sādhyam. na punas tad iha sādhyatvena eva iṣṭam, sādhanatvena abhidhānāt. 03042 svayam iti vādinā. 03043 yas tadā sādhanam āha. 03044 etena yady api kvacic śāstre sthitaḥ sādhanam āha: tac śāstrakāreṇa tasmin dharmiṇy aneka-dharma-abhyupagame api yas tadā tena vādinā dharmaḥ svayaṃ sādhayitum iṣṭaḥ, sa eva sādhyo na itara ity uktaṃ bhavati. 03045 iṣṭa iti yatra arthe vivādena sādhanam upanyastaṃ tasya siddhim icchatā so anukto api vacanena sādhyaḥ. 03046 tad adhikaraṇatvād vivādasya. 03047 yathā parārthaś cakṣur-ādayaḥ saṃghātatvāc śayana-āsana-ādy-aṅga-vad iti. atra ātma-arthā ity anuktāv apy ātma-arthatā sādhyā. tena na ukta-mātram eva sādhyam ity uktaṃ bhavati. 03048 anirākṛta iti, etal-lakṣaṇa-yoge api yaḥ sādhayitum iṣṭo apy arthaḥ pratyakṣa-anumāna-pratīti-sva-vacanair nirākriyate, na sa pakṣa iti pradarśana-artham. 03049 tatra pratyakṣa-nirākṛto yathā, aśrāvaṇaḥ śabda iti. 03050 anumāna-nirākṛto yathā, nityaḥ śabda iti. 03051 pratīti-nirākṛto yathā, acandraḥ śaśī iti. 03052 sva-vacana-nirākṛto yathā, na anumānaṃ pramāṇam. 03053 iti catvāraḥ pakṣābhāsā nirākṛtā bhavanti. 03054 evaṃ siddhasya, asiddhasya api sādhanatvena abhimatasya, svayaṃ vādinā tadā sādhayitum aniṣṭasya, ukta-mātrasya ca viparyayeṇa sādhyaḥ. tena eva svarūpeṇa abhimato vādina iṣṭo anirākṛtaḥ pakṣa iti pakṣa-lakṣaṇam anavadyaṃ darśitaṃ bhavati. 03055 trirūpaliṅga-ākhyānaṃ parārtha-anumānam ity uktam. tatra trayāṇāṃ rūpāṇām ekasya api rūpasya anuktau sādhanābhāsaḥ. 03056 uktāv apy asiddhau sandehe vā pratipādya-pratipādakayoḥ. 03057 ekasya rūpasya dharmi-sambandhasya asiddhau sandehe vā asiddho hetvābhāsāḥ. 03058 yathā, anityaḥ śabda iti sādhye cākṣuṣatvam ubhaya-asiddham. 03059 cetanās tarava iti sādhye sarva-tvag-apaharaṇe maraṇaṃ prativādy-asiddham, vijñāna-indriya-āyur nirodha-lakṣaṇasya maraṇasya anena abhyupagamāt, tasya ca taruṣv asambhavāt. 03060 acetanāḥ sukha-ādaya iti sādhye utpattimatvaṃ vā sāṃkhyasya svayaṃ vādino asiddham. 03061 tathā svayaṃ tad-āśrayaṇasya vā sandehe asiddhaḥ. 03062 yathā bāṣpa-ādi-bhāvena sandihyamāno bhūta-saṃghāto agni-siddhāv upadiśyamānaḥ sandigdha-asiddhaḥ. 03063 yathā iha nikuñje mayūraḥ kekāyitād iti. 03064 tad-āpāta-deśa-vibhrame. 03065 dharmy-asiddhāv apy asiddhaḥ, yathā sarvagata ātmā iti sādhye sarvatra upalambhamāna-guṇatvam. 03066 tathā ekasya rūpasya asapakṣe asattvasya asiddhāv anaikāntiko hetvābhāsaḥ. 03067 yathā śabdasya anityatva-ādike dharme sādhye prameyatva-ādiko dharmaḥ sapakṣa-vipakṣayoḥ sarvatra ekadeśe vā vartamānaḥ. 03068 tathā, asya eva rūpasya sandehe apy anaikāntika eva. 03069 yathā asarvajñaḥ kaścid vivakṣitaḥ puruṣo rāga-ādimān vā sādhye vaktṛtva-ādiko dharmaḥ sandigdha-vipakṣa-vyāvṛttikaḥ. 03070 sarvajño vaktā na upalabhyate ity evaṃprakārasya anupalambhasya adṛśya-ātma-viṣayatvena sandeha-hetutvāt. tato asarvajña-viparyayād vaktṛtva-āder vyāvṛttiḥ sandigdhā. 03071 vaktṛtva-sarvajñatvayor virodha-abhāvāc ca yaḥ sarvajñaḥ sa vaktā na bhavati ity adarśane api vyatireko na sidhyati sandehāt. 03072 dvividho hi padārthānāṃ virodhaḥ. 03073 avikala-kāraṇasya bhavato anyabhāve abhāvād virodha-gatiḥ. 03074 śīta-uṣṇa-sparśa-vat. 03075 paraspara-parihāra-sthita-lakṣaṇatayā vā bhāva-abhāva-vat. 03076 sa ca dvividho api virodho vaktṛtva-sarvajñatvayor na sambhavati. 03077 na ca aviruddha-vidher anupalabdhāv apy abhāva-gatiḥ. 03078 rāga-ādīnāṃ vacana-ādeś ca kāryakāraṇabhāva-asiddheḥ. 03079 arthāntarasya ca akāraṇasya nivṛttau na vacana-āder nivṛttiḥ. 03080 iti sandigdha-vyatireko anaikāntiko vacana-ādiḥ. 03081 dvayo rūpayor viparyaya-siddhau viruddhaḥ. 03082 kayor dvayoḥ. 03083 sapakṣe sattvasya, asapakṣe ca asattvasya, yathā kṛtakatvaṃ prayatnānantarīyakatvaṃ ca nityatve sādhye viruddho hetvābhāsaḥ. 03084 anayoḥ sapakṣe asattvam, asapakṣe ca sattvam iti viparyaya-siddhiḥ. 03085 etau ca sādhya-viparyaya-sādhanād viruddhau. 03086 nanu ca tṛtīyo api iṣṭa-vighāta-kṛd viruddhaḥ. 03087 yathā parārthāś cakṣur-ādayaḥ saṃghātatvāc śayana-āsana-ādy-aṅga-vad iti. 03088 tad iṣṭa-saṃhata-pārārthya-viparyaya-sādhanād viruddhaḥ. 03089 sa iha kasmān na uktaḥ. 03090 anayor antarbhāvāt. 03091 na hy ayam ābhyāṃ sādhya-viparyaya-sādhanatvena bhidyate. 03092 na hi iṣṭa-uktayoḥ sādhyatvena kaścid viśeṣa iti. 03093 dvayo rūpayor ekasya asiddhāv aparasya ca sandehe anaikāntikaḥ. 03094 yathā vīta-rāgaḥ kaścit sarvajño vā, vaktṛtvād iti. vyatireko atra asiddhaḥ, sandigdho anvayaḥ. 03095 sarvajña-vīta-rāgayor viprakarṣād vacana-ādes tatra sattvam asattvaṃ vā sandigdham. 03096 anayor eva dvayo rūpayoḥ sandehe anaikāntikaḥ. 03097 yathā sātmakaṃ jīvaccharīraṃ prāṇa-ādimattvād iti. 03098 na hi sātmaka-nirātmakābhyām anyo rāśir asti yatra ayaṃ prāṇa-ādir vartate. 03099 ātmano vṛtti-vyavacchedābhyāṃ sarva-saṃgrahād. 03100 na apy anayor ekatra vṛtti-niścayaḥ. 03101 sātmakatvena anātmakatvena vā prasiddhe prāṇa-āder asiddheḥ. 03102 tasmāj jīvaccharīra-sambandhī prāṇa-ādiḥ sātmakād anātmakāc ca sarvasmād vyāvṛttatvena asiddhes tābhyāṃ na vyatiricyate. 03103 na tatra anveti. 03104 ekātmany apy asiddheḥ. 03105 na api sātmakād anātmakāc ca tasya anvaya-vyatirekayor abhāva-niścayaḥ. 03106 eka-abhāva-niścayasya apara-bhāva-niścaya-nāntarīyakatvāt. 03107 anvaya-vyatirekayor anyonya-vyavaccheda-rūpatvāt. tata eva anvaya-vyatirekayoḥ sandehād anaikāntikāḥ. 03108 sādhya-itarayor ato niścaya-abhāvāt. 03109 evam eṣāṃ trayāṇāṃ rūpāṇām ekaikasya dvayor dvayor vā rūpayor asiddhau sandehe vā yathāyogam asiddha-viruddha-anaikāntikās trayo hetvābhāsāḥ. 03110 viruddhāvyabhicāry api saṃśaya-hetur uktaḥ. sa iha kasmān na uktaḥ. 03111 anumāna-viṣaye asambhavāt. 03112 na hi sambhavo asti kārya-svabhāvayor ukta-lakṣaṇayor anupalambhasya ca viruddhatāyāḥ. 03113 na ca anyo avyabhicārī. 03114 tasmād avastu-darśana-bala-pravṛttam āgama-āśrayam anumānam āśritya tad-artha-vicāreṣu viruddhāvyabhicārī sādhana-doṣa uktaḥ. 03115 śāstrakārāṇām artheṣu bhrāntyā viparīta-svabhāva-upasaṃhāra-sambhavāt. 03116 na hy asya sambhavo yathāvasthita-vastu-sthitiṣv ātma-kārya-anupalambheṣu. 03117 tatra udāharaṇam: yat sarva-deśa-avasthitaiḥ sva-sambandhibhir yugapad abhisambadhyate tat sarvagatam, yathā ākāśam. abhisambadhyate ca sarva-deśa-avasthitaiḥ sva-sambandhibhir yugapat sāmānyam iti. 03118 tat-sambandhi-svabhāva-mātra-anubandhinī tad-deśa-saṃnihita-svabhāvatā. 03119 na hi yo yatra na asti tad-deśam ātmanā vyāpnoti iti svabhāvahetu-prayogaḥ. 03120 dvitīyo api prayogaḥ: yad upalabdhi-lakṣaṇa-prāptaṃ san na upalabhyate na tat tatra asti. tad yathā, kvacid avidyamāno ghaṭaḥ. na upalabhyate ca upalabdhi-lakṣaṇa-prāptaṃ sāmānyaṃ vyakty-antarāleṣv iti. ayam anupalambhaḥ svabhāvaś ca paraspara-viruddha-artha-sādhanād ekatra saṃśayaṃ janayataḥ. 03121 trirūpo hetur uktaḥ. tāvatā ca artha-pratītir iti na pṛthag dṛṣṭānto nāma sādhana-avayavaḥ kaścid. tena na asya lakṣaṇaṃ pṛthag ucyate gata-arthatvāt. 03122 hetoḥ sapakṣa eva sattvam asapakṣāc ca sarvato vyāvṛttī rūpam uktam abhedena. punar viśeṣeṇa kārya-svabhāvayor ukta-lakṣaṇayor janma-tan-mātra-anubandhau darśanīya-avaktau. tac ca darśayatā, yatra dhūmas tatra agniḥ, asaty agnau na kvacid dhūmo yathā mahānasa-itarayoḥ, yatra kṛtakatvaṃ tatra anityatvam, anityatva-abhāvo kṛtakatva-asambhavo yathā ghaṭa-ākāśayoḥ, iti darśanīyam. na hy anyathā sapakṣa-vipakṣayoḥ sadasattve yathokta-prakāre śakye darśayitum. tat kāryatā-niyamaḥ kārya-liṅgasya svabhāva-liṅgasya ca svabhāvena vyāptiḥ. asmiṃś ca arthe darśite darśita eva dṛṣṭānto bhavati. etāvān mātra-rūpatvāt tasya iti. 03123 etena eva dṛṣṭānta-doṣā api nirastā bhavanti. 03124 yathā nityaḥ śabdo amūrtatvāt. karma-vat paramāṇu-vad ghaṭa-vad iti. ete dṛṣṭāntābhāsāḥ sādhya-sādhana-dharma-ubhaya-vikalāḥ. 03125 tathā sandigdha-sādhya-dharma-ādayaś ca, yathā rāga-ādimān ayaṃ vacanād rathyā-puruṣa-vat. maraṇa-dharmo ayaṃ puruṣo rāga-ādimattvād rathyā-puruṣa-vat. asarvajño ayaṃ rāga-ādimatvād rathyā-puruṣa-vad iti. 03126 tathā ananvayo apradarśita-anvayaś ca, yathā yo uktā sa rāga-ādimān, iṣṭa-puruṣa-vat. anityaḥ śabdaḥ kṛtakatvād ghaṭa-vad iti. 03127 tathā viparīta-anvayaḥ, yad anityaṃ tat kṛtakam iti. 03128 sādharmyeṇa dṛṣṭānta-doṣāḥ. 03129 vaidharmyeṇa api, paramāṇu-vat karma-vat ākāśa-vad iti sādhya-ādy-avyatirekiṇaḥ. 03130 tathā sandigdha-sādhya-vyatireka-ādayaḥ, yathā asarvajñāḥ kapila-ādayo anāptā vā avidyamāna-sarvajñatā-āptatā-liṅgabhūta-pramāṇa-atiśaya-śāsanatvād iti. atra vaidharmya-udāharaṇam, yaḥ sarvajña āpto vā sa jyotir-jñāna-ādikam upadiṣṭavān, yathā ṛṣabha-vardhamāna-ādir iti. tatra asarvajñatā anāptayoḥ sādhya-dharmayoḥ sandigdho vyatirekaḥ. 03131 sandigdha-sādhana-vyatireko yathā, na trayīvidā brāhmaṇena grāhya-vacanaḥ kaścid vivakṣitaḥ puruṣo rāga-ādimattvād iti. atra vaidharmya-udāharaṇam, ye grāhya-vacanā na te rāga-ādimantaḥ. tad yathā gautama-ādayo dharma-śāstrāṇāṃ praṇetāra iti. gautama-ādibhyo rāga-ādimattvasya sādhana-dharmasya vyāvṛttiḥ sandigdhā. 03132 sandigdha-ubhaya-vyatireko yathā, avīta-rāgāḥ kapila-ādayaḥ, parigraha-āgraha-yogād iti. atra vaidharmyeṇa udāharaṇam, yo vīta-rāgo na tasya parigraha-āgrahaḥ, yathā ṛṣabha-āder iti. ṛṣabha-āder avīta-rāgatva-parigraha-āgraha-yogayoḥ sādhya-sādhana-dharmayoḥ sandigdho vyatirekaḥ. 03133 avyatireko yathā, avīta-rāgo ayaṃ vaktṛtvāt. vaidharmyeṇa udāharaṇam, yatra avīta-rāgatvaṃ na asti na sa vaktā, yathā upala-khaṇḍa iti. yady apy upala-khaṇḍād ubhayaṃ vyāvṛttaṃ tathā api sarvo vīta-rāgo na vaktā iti vyāptyā vyatireka-asiddher avyatirekaḥ. 03134 apradarśita-vyatireko yathā, anityaḥ śabdaḥ, kṛtakatvād ākāśa-vad iti vaidharmyeṇa. 03135 viparīta-vyatireko yathā, yad akṛtakaṃ tan nityaṃ bhavati iti. 03136 na hy ebhir dṛṣṭāntābhāsāir hetoḥ sāmānyalakṣaṇaṃ sapakṣa eva sattvaṃ vipakṣe ca sarvatra asattvam eva niścayena śakyaṃ darśayituṃ viśeṣa-lakṣaṇaṃ vā. tad arthāpattyā eṣāṃ nirāso draṣṭavyaḥ. 03137 dūṣaṇā nyūnatā-ādy-uktiḥ. 03138 ye pūrvaṃ nyūnatā-ādayaḥ sādhana-doṣā uktās teṣām udbhāvanaṃ dūṣaṇam. tena para-iṣṭa-artha-siddhi-pratibandhāt. 03139 dūṣaṇābhāsās tu jātayaḥ. 03140 abhūta-doṣa-udbhāvanāni jāty-uttarāṇi iti.